Author: ATVLive

Kryetari i Komisionit të Mediave të Pavarura, Jeton Mehmeti ka deklaruar se javën e kaluar kanë pranuar një letër shqetësuese nga Premier Liga, duke krijuar paqartësi për të drejtat e transmetimit të Premier Ligës në territorin e Kosovës.

Mehmeti gjatë raportimit në Komisionin për Administratë Publike, Pushtet Lokal, Media dhe Zhvillim Rajonal, tha se në letrën e dërguar nga Premeri Liga thuhet se tre operatore të licencuar nga KPM-ja, po transmetojnë pa të drejtë.

Ai shtoi se menjëherë pas pranimit të letrës nga Premier Liga, kanë kërkuar dëshmi nga operatorët për të parë kontratat e Arenës me Premier Ligën. Mehmeti tha se në dokumentet të cilat i kanë analizuar, thuhet se Arena ka të drejtë të transmetojë dhe të shesë kanalet tek operatorët e tjerë.

Ai shtoi se do të vazhdojnë të hulumtojnë këtë marrëdhënie të transmetimeve në mes Arenës dhe Premier Ligës.

“Kemi marrë një letër direkt nga “Premier Liga” se po transmetohet pa të drejtë nga tre operatorë të licencuar nga ana e KPM-së që janë Art Motion, Kujtesa dhe Ipko. Në atë letër, Premier Liga ka konfirmuar se të drejtën për tre sezona të transmetimit të ligës për Kosovë duke filluar nga sezona 2022/2023. Premier Liga i ka dhënë dy etnitete të pavarura, njëra prej tyre është Digitalb dhe ka të drejtën e transmetimit të Premier Ligës në Kosovë në gjuhën shqipe dhe tjetra quhet Arena dhe kjo ka të drejtë transmetimin në gjuhën serbe. Në atë letër të datës katër shtator, është thënë që çfarëdo transmetimi i ndeshjeve të Premier Ligës që nuk bëhet me autorizim nga Digjitalb ose Arena, përfundin që ai transmetim është bërë pa autorizim të Premier Ligës…… 06:05 Kemi kërkuar nga operatori ArtMotion që të sjellë një konfrimim që ka marrëveshje me Arenën, ku e njëjta i ka dhënë këtë të drejtë Art Motion që të transmetojë Premier Ligën në Kosovë. Në letër konfirmimi thuhet se Arena e konfirmon që ka të drejtë të shpërndajë kanalet e Arena Sportit te operatorët e tjerë në territorin e Kosovës. Arena konfirmon që ka këto të drejta për territorin e Serbisë duke përfshirë edhe Kosovës dhe këtu përfshihet edhe Premier Liga. Në baze të këtyre letrave se për të pasur këtë të drejtë një operatorë i KPM-së, duhet të ketë një autorizim me njërin prej kompanive të cilat i kanë të drejtat për transmetim për Kosovën, siç janë Digjitalb dhe Arena. 08::13 Letra e fundit na ka shtyrë që të kërkojmë nga operatorët që të risjellin edhe një herë ato autorizime që kanë me Arenën sepse dëshirojmë të jemi të sigurtë për të drejtën e transmetimit të ligës në Kosovë dhe jemi në pritje të atyre dokumenteve për të ardh në përfundim se dikush nuk ka pasur të drejtë për të transmetuar ligën në Kosovë”, tha Mehmeti.

Ndërkaq, anëtarja e KPM-së Luljeta Aliu tha se në bazë të marrëveshjes që Arena i ka dërguar tek KPM-ja, ekziston dyshime se Arena ka mashtruar dhe nëse qëndron kjo, Arena nuk do të ketë mundësin më që të transmetojë në Kosovë.

“Ka qenë një paqartësi me të drejtat e transmetimit dhe rishitjes nga ana e Arenës dhe si duket në atë marrëveshje në të cilën ne e kemi marrë që i rregullon këto marrëdhënie mungon pjesa e cila e qartëson, duhet të jenë dy autorizime. Aty thuhet se duhet të jenë dy autorizime në marrëveshje dhe të ekzistojë edhe autorizimi nga ana e Premier Ligës….. Ekziston dyshimi që nga ana e Arenës ka qenë mashtrim, ky është mashtrim ndaj komisionit sepse Premier Liga do të i kishte dhënë këto informata të qarta, besoj se është lajthitje dhe mashtrim dhe është një çështje që duhet të merret seriozisht dhe në raste tjera Arena mund të ketë kontrata por në këtë rast nëse dëshmohet dyshimi, atëherë nuk ekziston ndonjë mirëbesim që Arena t’i ketë të drejtat që të operojë në Kosovë ose të ketë ndonjë kanal në Kosovë, do të ndërmarrim hapat tonë ligjorë”, tha Aliu.

Kryetari i komisionit për Media, Valon Ramadani u tha anëtarëve të KPM-së, se pret që të ndërmarrin hapa tutje në lidhje këtë çështje.

“Mendoj qe janë të qartësuar në letrën e pranuar nga Premier Liga, sidomos çështja se a kanë pasur konfirmim ose jo, aty është e qartë shkruhet se nuk ka pasur konfirmim, juve iu mbetet të vazhdoni tutje.18:35 Për neve është shumë me rëndësi cili do të jetë veprimi i juaj përball këtij mashtrimi që e ka bërë këtë tast në raport me neve Artmotion, Arena Sportin që ka mashtruar që ka marrëveshje dhe në fakt Premier Liga nuk ka pasur njohuri për transmetimin në Kosovë”, tha Ramadani.

Edhe deputeti i Lëvizjes Vetëvendosje, Besim Muzaqi shtoi se KPM-ja për këtë çështje është dashur të kërkojë sqarime shtesë nga Premier Liga dhe të marrë vendim.

“Në letrën e konfirmimit që kinse Arena ka të drejtë Artmotion t’i jep të drejtën e shpërndarjes aty në fjalinë e fundit thuhet që ne kemi të drejta për territorin e Serbisë për territorin e Kosovës. A nuk iu ka bërë përshtypje që me këtë fakt ju shkelni Kushtetutën e Republikës, nëse mendoni që kjo është punë e vogël kur territorin e Serbisë përfshihet edhe Kosova, ju është dashur të kërkoni sqarim shtesë nga Premier Liga ose të trajtoni si dokument i cili republikën tonë nuk e trajton si shtet”, theksoi Muzaqi.

Banka Qendrore e Republikës së Kosovës ka nënshkruar Marrëveshje të Mirëkuptimit në fushën e Edukimit Financiar me përfaqësuesit e sektorit financiar Shoqatën e Bankave të Kosovës, Asociacionin e Institucioneve Mikrofinanciare të Kosovës dhe Byronë Kosovare të Sigurimit.

Nënshkrimi i këtij Memorandumi është bërë në kuadër të Javës Ndërkombëtare të Parasë që po shënohet nga BQK-ja, e përcjellë me aktivitete të shumta në kuadër të Edukimit Financiar.

“Qëllim i këtij Memorandumi është avancimi i gjithëpërfshirjes dhe vendosjes bashkëpunimit në fushën e Edukimit Financiar, në mënyrë që të ketë aktivitete të koordinuara dhe bashkërenduara të edukimit si një përgjegjësi e përbashkët midis shumë palëve të tjera të interesit”, thuhet në njoftimin e lëshuar nga BQK.

Guvernatori i BQK-së, Ahmet Ismaili theksoi se institucioni që ai drejton do ta ketë në fokus Edukimin Financiar, me qëllim të promovimit të qasjes dhe gjithëpërfshirjes në financa të të gjithë qytetarëve të Republikës së Kosovës.

“BQK-ja do ta ketë në fokus Edukimin Financiar, me qëllim të qasjes në financa dhe promovimin e gjithëpërfshirjes financiare, në bashkëpunim me institucionet relevante”, tha Ismaili.

Marrëveshja do të nxis dhe promovoj iniciativa, ngjarje, aktivitete dhe materiale nga fushën Edukimit Financiar, përmes institucioneve të përfshira.

Përmes Edukimit Financiar dhe Javës Ndërkombëtare të Parasë, synohet të avancohen njohuritë edukative financiare.

Qytetarët e Gjakovës gjatë ditës së diel janë shqetësuar nga prerja e disa pishave dhjetëvjeçare në afërsi të stacionit të autobusëve.

E lidhur me këto veprime ka reaguar edhe komuna e Gjakovës sot, ku kanë bërë të ditur se me rastin është duke u marrë policia dhe prokuroria.

Sipas tyre, ky veprim ka ndodhur pa njoftimin dhe aprovimin e komunës dhe si i tillë është i dënueshëm.

Tutje në njoftim thuhet se ky nuk është rasti i vetëm që po ndodhë dhe se në të gjitha rastet do të ndërmirren masat e nevojshme ligjore dhe presin nga policia dhe prokuroria që edhe ata ti ndërmarrin masat e duhura ligjore për këto raste.

Ministri i Bujqësisë, Pylltarisë dhe Zhvillimit Rural Faton Peci, thotë për Ekonomia Online, se gjatë së hënës ka autorizuar sekretarin e Ministrisë për ndërprerjen përfundimtare të qerasë ku ndodhen zyrat e Aleancës për Ardhmërinë e Kosovës.

Në një intervistë për Ekonomia Online, ministri Peci ka folur edhe për deklaratat e zyrtarëve të AAK-së, teksa i quan kërcënim të hapur.

Peci shprehet i bindur se në një periudhë të shkurtër i gjithë objekti ku gjendet AAK-ja do të jetë në dispozicion të dikasterit që ai e drejtin.

“Me revidimin e kontratës ka qenë edhe mundësi që të rikthejmë rreth 600 metra katrorë dhe me qenë se kemi qenë shumë korret dhe gjeneroz, dhe me qenë se ata kanë pasuar me jo mirënjohje dhe jo korrektësi në komunikim me Ministrin e Bujqësisë, sot ne mëngjes Ministria ka marr vendim që përfundimisht të shkëputet tërësisht kontratën me Aleancën për Ardhmërinë e Kosovës. Varësisht prej dispozitave edhe siç është e paraparë në një periudhë tranzitore, për një periudhë të shkurtër kohore i gjithë objekti do të jetë në shfrytëzim për Ministrinë e Bujqësisë, për titullarin e institucionit. Edhe mua me vjen keq realisht prej periudhës së pasluftës objekti i Ministrisë së Bujqësisë nuk është shfrytëzuar nga titullari i institucionit dhe në anën tjetër ne përballemi me një qira shumë të lartë aktualisht në objektin që e ushtrojmë veprimtarinë tonë”, thotë Peci.

Ndërsa deklaratën e ish-zëdhënësit të AAK-së, Lulzim Blaka “Mirë se vjen o trim Të presim siç është zakoni”, Peci i sheh kërcënim të hapur. Thotë se komunikim i tillë bëhet vetëm në Dukagjin.

“E para unë kam thënë që shihemi të hënën për shkak se kishte kaluar afati kohor dhe thjeshtë ka qenë edhe vendimi i imi dhe sugjerim i imi për pjesën e ekzekutivit për të shkëputur këtë kontratë. Ai është një komunikimi i një tradite në Dukagjin, mendoj që është kërcenim i hapur. Por sido që të jetë për të gjithë ata që përçojnë mesazhe të tilla dhe që mendoj që kuptimin e kanë forcën ose guximin të ballafaqimit vandal, unë kam guximin intelektual edhe guximin me ndjek interesin publik të qytetarëve dhe të institucioneve”, u shpreh ai.

E aksionet për lirimin e objekteve që janë nën menaxhim të këtij dikasteri, thotë se kanë vetëm një qëllim. Sistemimin e zyrtarëve të Ministrisë së Bujqësisë për shkak të mungesës së hapësirave në objektin aktual.

“E para që duhet të them është që Ministria e Bujqësisë ka vështirësi seriozë me hapësirat për zyrtarët që i posedon e një numër i tyre tashmë është secilën herë duke u rritur për shkak të arritjes së objektivave që i synojmë ne në sektorin e Bujqësisë. E dyta e i kam dëgjuar deklaratat e zyrtarëve të AAK-së edhe në mundemi me fakte me i demantuar për shkak se kontrata paraprake ka qenë hapësira me të cilën ata e kanë shfrytëzuar afër 1 mijë metër katror. Ndërsa është revidu kontrata duke i liruar dikun rreth 411 metra katror, por edhe 200 të tjera do të thotë bëhet fjalë për pjesën e podrumit që ka qenë e shfrytëzueshme prej tyre por nuk ka qenë pjesë e kontratës”, u shpreh Peci.

I pari i Vushtrrisë, Ferit Idrizi ka bërë të ditur se është takuar me kryetarin e kuvendit, Glauk Konjufca.

Idrizi tha se temë diskutimi i këtij takimi ishin projektet që janë duke u zhvilluar në Komunën e Vushtrrisë, dhe mundësitë e bashkëpunimit me nivelin qendror.

Postimi i plotë:

“Sot, në ambientet e Kuvendit të Republikës së Kosovës pata një takim të ngrohtë e përmbajtjesor me kryetarin e Kuvendit, z.Glauk Konjufca.

Me kryetarin Konjufca diskutuam mbi projektet që janë duke u zhvilluar në Komunën e Vushtrrisë, dhe mundësitë e bashkëpunimit me nivelin qendror, në të mirë të qytetarëve vushtrrias.

Faleminderit për pritjen Kryetar Konjufca!”.