Author: ATVLive

Kryetari i komunës së Vushtrrisë, Ferit Idrizi ka pritur në takim ministrin e Mjedisit, Planifikimit hapësinor dhe Infrastrukturës, Liburn Aliu dhe zëvendësministrin, Hysen Durmishi, raporton EO

Të dy kanë nënshkruar memorandum bashkëfinancimi në vlerë prej 600,00.00euro.

Projektet që do të realizohen nga kjo marrëveshje në bashkëfinancim nga Komuna e Vushtrrisë dhe MMPHI janë:

Projekti i rrugës R220 nga Ura e Sitnicës deri tek Llamkos;

Projekti i rehabilitimit të rrugëve në fshatrat Akrashticë-Balincë;

Projekti i rehabilitimit të rrugës nga magjistralja N2 Dumnicë e Ulët-Dumnicë e Epërme;

Projekti i rehabilitimit të rrugës “Dëshmorët e Kombit.

Ministri Aliu deklaroi se marrëveshja e nënshkruar kap vlerën e 590 mijë euro për katër projekte duke u shprehur i lumtur nga mundësia e realizimit të këtyre projekteve.

“Sapo patëm kënaqësinë që së bashku me kryetarin e Vushtrrisë të nënshkruajmë një marrëveshje bashkëpunimi për katër projekte në vlerë diku prej 590 mijë euro, është shumë kënaqësi që do të kemi mundësi ti zhvillojmë këto projekte po ashtu edhe projekte tjera që janë në realizim e sipër që po synojmë ti realizojmë në të ardhmen. Bashkëpunimin me komunën e Vushtrrisë e kemi jashtëzakonisht të mirë kështu që po uroj që këto punë të na ecin mbarë dhe të realizojmë përpos këtyre projekteve edhe projekte tjera që na presin”, ka thënë ministri Aliu.

Aliu shtoi se përveq marrëveshjes së nënshkruar sot, bashkëpunimi me komunën e Vushtrrisë do vazhdojë tutje me projekte që ndërlidhin komunat përrreth.

“Përpos bisedës që e patëm me kryetarin për këto projekte që i nënshkruam sot patëm diskutime tjera, pra kemi një projekt i cili ka qenë si ide nga kryetari i komunës së Vushtrrisë në vizitat e mëhershme që i kemi pas i cili po merr përkrahje nga komunat që i lidh disa komuna e që jemi në përmbyllje të marrëveshjeve mes komunave e i cili pastaj do të mund të merr mbështetje nga ana e ministrisë për realizimin e që është një ide jashtëzakonisht e mirë e që e falënderoj kryetarin e Vushtrrisë për këtë marrëveshje”, ka thënë Aliu.

Kryeministri i Kosovës, Albin Kurti, së bashku me një pjesë të kabinetit qeveritar, kanë bërë homazhe pranë arkivolit të ish-deputetit Ali Lajçi, i cili vdiq të hënën, raporton Ekonomia Online.

Kurti nënshkruaji edhe në librin e zisë.

Më herët, homazhe kanë bërë edhe presidentja Vjosa Osmani e kryeparlamentari Glauk Konjufca.

Ish-veprimtari i çështjes kombëtare, Ali Lajçi ka vdekur ditën e hënë.Lajçi ishte i dënuar politik nga regjimi i Serbisë.

Në vitin 1981 ai ka qenë organizator i demonstratave, arsye për të cilën është dënuar me 15 vite burg.

Që nga viti 2001 deri në vitin 2007 ai ka qenë kryetar i Komunës së Pejës, ndërsa nga viti 2007 deri në vitin 2010 deputet i Kuvendit të Republikës së Kosovës.

Policia e Komunikacionit Rrugor në rrugën “Ahmet Kaçiku” në Ferizaj ka ndaluar shoferin S.M (M/K) i moshës 26 vjeçar, i cili po drejtonte veturën e tij Opel me targa vendore nën masën mbrojtëse, ku me ligjin e ri parashihet gjobë, vazhdim i masës mbrojtëse, pikë negative dhe konfiskim i automjetit.

Ndaj tij policia i ka shqiptuar një gjobë kundërvajtëse prej pesëqind (500) euro, pesë (5) pikë negative, vazhdim i masës mbrojtëse edhe për gjashtë (6) muaj, si dhe i është konfiskuar përkohësisht automjeti.

Një person është arrestuar nga policia, pasi që dyshohet se ka kryer marrëdhënie seksuale me familjaren.

I dyshuari dhe femra, sipas policisë i takojnë komunitetit ashkali.

Me vendim të prokurorit i dyshuari është dërguar në mbajtje, ndërsa viktima është dërguar në strehimore.

Ngjarja raportohet të ketë ndodhur të hënën e kaluar, më 22 prill në Klinë.

Rasti ka ndodhur në Klinë.

Dy gra dyshohet se e kanë rrahur një burrë.

Ngjarja ka ndodhur të hënën në rrugën “Çlirimi” në Mitrovicën e Veriut. Sipas ankuesit, i njëjti ishte në prokurori lidhur me një rast ku ishte i pandehur.

Të dyshuarat pas intervistimit, me vendim të prokurorit janë liruar në procedurë të rregullt, njofton raporti 24 orësh i policisë.

Rasti është iniciuar si “Sulm”.

Një grua është gjetur e vdekur në banesën e saj në Fushë Kosovë.

Në vendin e ngjarjes kanë dalur njësitet policore dhe ekipi mjekësor ku edhe ka konstatuar vdekjen e viktimës.

Trupi i pajetë i viktimës me vendim të prokurorit është dërguar në IML për obduksion.

Raporti i plotë:

Rr. Drenica, Fushë Kosovë 29.04.2024-23:12. Është raportuar se nga familjarët, se viktima femër kosovare, në banesën e saj është gjetur pa shenja jete. Njësit relevante policore dhe ekipi mjekësor kanë dalë në vendin e ngjarjes ku është konstatuar vdekja e viktimës. Me vendim të prokurorit, trupi i pajetë i viktimës është dërguar në IML për obduksion.

Komisioni për Ekonomi, Industri, Ndërmarrësi dhe Tregti nuk mbajti mbledhjen e paraparë për sot, ku në rend dite ishte raportimi i ministres së Industrisë, Ndërmarrësisë dhe Tregtisë, Rozeta Hajdari lidhur me realizimin e projekteve të ministrisë për vitin 2023 dhe planet e ministrisë për vitin 2024.

Në mbledhjen e sotme ishte paraparë të shqyrtohet në parim edhe Projektligji për kripto-asetet. Deri tani nuk dihen arsyet e anulimit të kësaj mbledhje.

Përfaqësues të Administratës Tatimore të Kosovës u takuan me përfaqësuesit e mistrisë Federale Gjermane për Bashkëpunim dhe Zhvillim Ekonomik ku u diskutua për sfidat dhe mundësitë në luftën kundër korrupsionit përmes hetimeve tatimore.

“Në këtë takim përfaqësuesit gjerman theksuan rëndësinë e bashkëpunimit ndërkombëtar për të luftuar fenomenin e korrupsionit, duke e vlerësuar ATK-në si një partner të rëndësishëm në këtë fushë”, thuhet në njoftim.

Zëvendësdrejtori i Përgjithshëm i Administratës Tatimore të Kosovës Nijazi Asllani përmendi angazhimet dhe progresin e deritanishëm të ATK-së në luftën kundër korrupsionit, duke premtuar vazhdimin e përpjekjeve për të forcuar kapacitetet dhe për të arritur rezultate të dukshme në këtë drejtim.

Edhe përfaqësuesit e qeverisë së Kosovës Luan Dalipi shef i Kabinetit në Zyrën e Kryeministrit të Kosovës, si dhe Tienmu Ma këshilltar i kryeministrit, thanë se qeveria mbështet të gjitha nismat, të cilat minimizojnë evazionin fiskal dhe korrupsionin.

“Takimi u vlerësua si një hap pozitiv në drejtim të intensifikimit të bashkëpunimit ndërmjet dy vendeve për luftën kundër korrupsionit dhe forcimin e sundimit të ligjit në Kosovë”, thuhet tutje.

Shoqata e viktimave dhe dëshmitarëve të gjenocidit dhe shoqata “Lëvizja e nënave nga enklavat e Srebrenicës dhe Zhepës” u dërguan një letër shumë organizatave ndërkombëtare, duke përfshirë NATO-n, EUFOR-in, PIC dhe OHR-në, ku iu referuan veprimeve të Serbisë në lidhje me rezolutën për Srebrenicën.

Në letrën e dërguar nga shoqatat, theksohet se presidenti serb, Aleksandar Vuçiq, pretendon se do ta kundërshtojë rezolutën me të gjitha forcat, transmeton Paparaci.

“Duke pasur parasysh se presidenti serb pretendon se Serbia do ta kundërshtojë me të gjitha forcat rezolutën për gjenocidin në Srebrenicë dhe se “ai është krenar” për rezultatet e fushatës kundër pranimit të Kosovës në Këshillin e Evropës dhe rezolutën për Srebrenicën, duke lënë të kuptohet se miratimi i rezolutës për gjenocidin në Srebrenicë do të “hapë kutinë e Pandorës pa precedent”. Pyesim se çfarë do të thotë hapja e “kutisë së Pandorës”, me armët e marra nga Rusia dhe Kina?

Ata gjithashtu kanë thënë se çdo kërcënim për paqen është shkelje serioze e Marrëveshjes së Paqes të Dejtonit.

“Vetë njoftimi i presidentit serb për “hapjen” e diçkaje është një thirrje për garantuesit e paqes në Bosnje dhe Hercegovinë për të mbrojtur paqen. Presidenti i Serbisë është një person që ka kërcënuar publikisht: “për një serb do të vrasim njëqind myslimanë” dhe deklaratat e një personi të tillë duhet të merren seriozisht. Ne ftojmë të gjithë përfaqësuesit e bashkësisë ndërkombëtare që t’i marrin më seriozisht kërcënimet e Aleksandar Vuçiqit dhe të vendosin urgjentisht forcat e NATO-s në kufirin e Bosnjë-Hercegovinës dhe Serbisë, përfundon kumtesa.