Author: A.M.

Trajneri i TSG 1899 Hoffenheim, Christian Ilzer, është shprehur i kënaqur me rikthimin e mesfushorit Leon Avdullahu pas një periudhe mungese për shkak të lëndimit. Në konferencën për shtyp të mbajtur të enjten, në prag të ndeshjes kundër FC Augsburg, Ilzer bëri të ditur se lojtari ka qenë plotësisht i përfshirë në stërvitjet e ekipit gjatë gjithë javës, duke lënë të hapur mundësinë për aktivizimin e tij nga minuta e parë.

Avdullahu u rikthye në aksion në përballjen ndaj 1. FSV Mainz 05, ku u inkuadrua në lojë nga minuta e 61-të, në një ndeshje që përfundoi me humbje 2:1 për Hoffenheimin. Sipas trajnerit, ky rikthim gradual ishte i rëndësishëm për ta ndihmuar lojtarin të rifitojë ritmin dhe formën fizike pas lëndimit.

“Ishte shumë e rëndësishme që Leon Avdullahu të kishte minuta në ndeshjen kundër Mainz. Ai luajti rreth gjysmë ore dhe tregoi se është në rrugën e duhur për rikuperim të plotë. Gjithashtu, gjatë gjithë javës ka stërvitur pa asnjë problem me pjesën tjetër të skuadrës. Pas stërvitjes së fundit do të vendosim nëse ai do ta nisë ndeshjen si titullar apo do të jetë një opsion nga banka rezervë”, deklaroi Ilzer.

Ndeshja mes Hoffenheimit dhe Augsburgut është planifikuar të zhvillohet të premten në orën 20:30 dhe pritet të jetë një përballje e rëndësishme për ekipin vendas, që synon të rikthehet te rezultatet pozitive në kampionat.

Në skuadrën e Hoffenheimit vazhdojnë të kenë rol të rëndësishëm edhe dy futbollistë të tjerë nga Kosova, Fisnik Asllani dhe Albian Hajdari.

Qendërmbrojtësi Pau Cubarsi ka qenë figura tragjike për Barcelonën në ndeshjen e parë cerekfinale të Champions kundër Atletico Madrid-it,ku morri karton të kuq në fund të pjesës së parë pas ndërhyrjes kundër Giuliano Simeones.

Cubarsi pas ndeshjes ka shprehur keqardhjen e tij për humbjen ndaj ekipit madrilienëve,dhe kërkoi falje për incidentin e shkaktuar që mund ta eliminoj Barcelonën nga Champions.

“Një veprim i vetëm mund të përcaktojë rezultatin e një ndeshjeje dhe një çifti. Ky është futbolli dhe unë marr përgjegjësi të plotë për rezultatin”, deklaroi Cubarsi

Përndryshe Cubarsi në fund shtoi se është i bindur që Barca mund ta përmbysë rezultatin prej dy golash,në mënyrë që të siguroj gjysmëfinalen dhe të luftoj për trofeun e Ligës së Kampionëve.

Kujtojmë që Barcelona pësoi 0:2 nga Atletico Madrid në Camp Nou në cerekfinale të Ligës së Kampionëve,dhe synon përmbysjen në ndeshjen e kthimit në Ëanda Metropolitano.

Trajneri i Liverpool-it Arne Slot ka komentuar humbjen e skuadrës së tij nga PSG në kuadër të ndeshjes së parë cerekfinale të Ligës së Kampionëve.

Tekniku holandez është i bindur se skuadra e tij mund të rikthejë rezultatin në ndeshjen e kthimit në Anfield,dhe shton se Liverpool është me fat që humbi vetëm 2:0 marrë parasysh rastet e krijuarua nga ekipi i Luis Enrique.

“Mendoj se duhet të jemi me fat që humbëm vetëm 2-0 sepse ata patën më shumë raste, megjithëse goli i parë u duk i vështirë. Por më pas ata patën më shumë raste për të shënuar më shumë”

Përndryshe Slot thotë se është mjaft mirë që “The Reds”është në lojë,dhe beson se atmosfera në Anfield është motivim shtesë për ndeshjen e kthimit.

Kujtojmë që Liverpool pësoi humbje 0:2 në ndeshjen e parë cerekfinale të Ligës së Kampionëve nga PSG,teksa ndeshja e kthimit mes të dy skuadrave zhvillohet javën e ardhshme në Anfield.

Skuadra e Oklahoma City Thunder vijon serinë e rezultateve pozitive, duke mposhtur me rezultat të thellë Los Angeles Clippers me shifrat 128-110. Pas fitores ndaj Lakers një ditë më parë, Oklahoma konfirmoi formën e saj të mirë edhe në këtë përballje dhe siguroi vendin e parë në Konferencën Perëndimore.

Protagonist i ndeshjes ishte Chet Holmgren, i cili realizoi 30 pikë dhe udhëhoqi ekipin drejt suksesit. Kontribut të rëndësishëm dha edhe Shai Gilgeous-Alexander, që shtoi 20 pikë.

Në sfidat e tjera, Orlando Magic fitoi 132-120 ndaj Minnesota Timberwolves, falë një paraqitjeje të shkëlqyer të lojtarëve të stolit, që realizuan plot 62 pikë.

Ndërkohë, Detroit Pistons konfirmoi vendin e parë në Konferencën e Lindjes duke mposhtur Milwaukee Bucks me rezultatin 137-111. Të gjithë lojtarët titullarë të Detroit shënuan mbi 10 pikë, me Jalen Duren që ishte më i miri me 21 pikë.

Fitore regjistroi edhe Phoenix Suns, që mundi Dallas Mavericks 112-107, në një ndeshje ku shkëlqeu Devin Booker me 37 pikë.

Në takimet e tjera, San Antonio Spurs mposhti Portland Trail Blazers 112-101, ndërsa Denver Nuggets fitoi 136-119 ndaj Memphis Grizzlies, me Jamal Murray që realizoi 26 pikë.

Po ashtu, Cleveland Cavaliers triumfoi 122-116 ndaj Atlanta Hawks, falë paraqitjes së mirë të Donovan Mitchell, autor i 31 pikëve.

Sulmuesi 26-vjeçar i Atlético Madrid, Julián Álvarez, shënoi golin e tij të 24-t në karrierë në UEFA Champions League gjatë fitores së rëndësishme 2-0 në transfertë ndaj FC Barcelona në çerekfinalet e sezonit 2025/26.

Álvarez hapi serinë e golave me një goditje dënimi të shkëlqyer, duke vulosur një tjetër moment të madh në karrierën e tij dhe duke hyrë në historinë e futbollistëve argjentinas në këtë garë elitare evropiane.

Me 24 gola gjithsej (16 me Atleticon dhe 8 me Manchester City), ai tashmë renditet në vendin e pestë mes golashënuesve më të mirë argjentinas në historinë e Champions League. Ai e ndan këtë shifër me Gonzalo Higuaín dhe Ángel Di María, por e ka arritur në më pak ndeshje.

Para tij në renditje janë vetëm Lionel Messi (129 gola), Sergio Agüero (41 gola), Hernán Crespo (25 gola) dhe Lautaro Martínez (25 gola).

Gjithashtu, Álvarez ka forcuar pozitat e tij në historinë e Atleticos, duke u renditur aktualisht si golashënuesi i dytë më i mirë i klubit në Champions League, vetëm pas Antoine Griezmann.

Këtë të enjte zhvillohen ndeshjet e para çerekfinale në garat e Ligës së Evropës dhe Ligës së Konferencës, ku pritet një atmosferë e zjarrtë dhe përballje të forta, në të cilat çdo detaj mund të vendosë fatin e kualifikimit.

Në Ligën e Evropës, Bologna pret Aston Villa në një duel interesant mes dy skuadrave që synojnë të vazhdojnë surprizën e tyre në arenën evropiane, në kërkim të trofeut të çmuar.

Në një tjetër përballje të fortë, FC Porto përballet me Nottingham Forest, ku portugezët do të tentojnë të shfrytëzojnë përvojën e tyre, ndërsa anglezët synojnë të vazhdojnë rrugëtimin mbresëlënës.

Ndërkohë, në Gjermani, SC Freiburg ndeshet me Celta Vigo në një duel që pritet të jetë i balancuar dhe shumë i luftuar.

Pas ndeshjeve të Ligës së Evropës, vëmendja zhvendoset te Liga e Konferencës, ku gjithashtu zhvillohen përballje interesante në fazën çerekfinale.

Në ndeshjen e parë, Rayo Vallecano përballet me AEK Athens, me spanjollët që kërkojnë të imponojnë ritmin e tyre në fushë.

Në mbrëmje, Crystal Palace luan ndaj ACF Fiorentina, në një nga sfidat më të forta të ditës, ndërsa 1. FSV Mainz 05 përballet me RC Strasbourg Alsace në një duel që premton spektakël dhe gola.

Po ashtu, Shakhtar Donetsk ndeshet me AZ Alkmaar, në një përballje ku përvoja dhe talenti do të përplasen për një fitore që mund t’i afrojë skuadrat një hap më pranë gjysmëfinales.

Rahoveci 029 ka fituar një ndeshje dramatike ndaj Golden Eagle Yllit, duke siguruar mbetjen në Superligë. Me këtë fitore të arritur në Suharekë, rahovecasit e përfundojnë sezonin në vendin e shtatë.

Ndërkohë, nga Superliga bie Vëllaznimi, pavarësisht se në xhiron e fundit arriti fitore ndaj Peja.

Ndeshja mes Yllit dhe Rahovecit 029 u vendos vetëm pas vazhdimeve pesëminutëshe. Në kohën shtesë, rahovecasit shënuan 14 pikë dhe pësuan tetë, për të fituar në fund me rezultat 89:83. Pas 40 minutave lojë, rezultati ishte i barabartë 75:75.

Suharekasit dominuan në çerekun e parë, ndërsa çereku i dytë ishte i barabartë. Mysafirët u rikthyen fuqishëm në çerekun e tretë, duke e fituar atë 33:20. Çereku i katërt ishte shumë dramatik, por nuk nxori fitues.

Në vazhdimin prej pesë minutave, Rahoveci 029 tregoi më shumë vendosmëri dhe dëshirë për fitore, duke siguruar qëndrimin në elitën e basketbollit kosovar.

Sezonin në vendin e gjashtë e përfundoi Sigal Prishtina, Rahoveci 029 në vendin e shtatë, ndërsa Vëllaznimi në vendin e tetë

Juventus ka shprehur interes për mesfushorin Manuel Ugarte, ndërsa Manchester United duket i gatshëm ta lejojë largimin e tij gjatë afatit kalimtar veror.

Sipas raportimeve të Tuttomercato, klubi italian është i përgatitur të ofrojë rreth 40 milionë euro për 24-vjeçarin, një shumë që mund të konsiderohet e pranueshme nga drejtuesit e United, të cilët po planifikojnë ndryshime në skuadër për sezonin e ardhshëm.

Ugarte ka hasur vështirësi për të gjetur vazhdimësi që nga transferimi në Angli, duke mos arritur të rikthejë formën që e bëri një nga mesfushorët më premtues në Evropë gjatë kohës së tij te Sporting CP. Edhe periudha e tij te Paris Saint-Germain nuk rezultoi në rikthimin e nivelit të mëparshëm, dhe sfidat kanë vijuar edhe në “Old Trafford”.

Megjithatë, interesi për mesfushorin uruguaian mbetet i lartë. AS Monaco po e ndjek nga afër situatën dhe mund të hyjë në garë për shërbimet e tij me afrimin e fundit të sezonit.

Gjatë këtij sezoni, Ugarte ka regjistruar 23 paraqitje me Manchester United, kryesisht si zëvendësues, pa arritur të shënojë apo të asistojë.

Kim Min-jae po kalon një moment të vështirë te Bayern Munich, ku roli i tij në skuadër ka rënë ndjeshëm gjatë muajve të fundit.

Qendërmbrojtësi korean, i afruar si një nga përforcimet kryesore të ekipit, ka humbur rëndësinë në planet e trajnerit Vincent Kompany. Ky ndryshim ka rikthyer spekulimet për një largim të mundshëm në afatin kalimtar të ardhshëm.

Sezoni i tij është karakterizuar nga një rënie e dukshme e protagonizmit. Nga një lojtar kyç në mbrojtje, Kim ka përfunduar shpesh në stol, madje edhe në ndeshje të rëndësishme ku nuk ka marrë asnjë minutë. Kjo situatë pasqyron qartë pozicionin e tij aktual në hierarkinë e skuadrës.

Vendimet e Kompany-t kanë qenë vendimtare në këtë ndryshim, pasi trajneri belg ka preferuar alternativa të tjera në qendër të mbrojtjes, duke ngritur pikëpyetje mbi përshtatjen e lojtarit me projektin e ri të Bayernit.

Konkurrenca e fortë në Bundesliga nuk lejon luhatje të formës, dhe çdo gabim reflektohet menjëherë në formacion.

Mungesa e minutave ka bërë që emri i tij të përmendet gjithnjë e më shumë në tregun e transferimeve. Disa klube evropiane po e ndjekin nga afër situatën e tij, ndërsa përvoja e mëparshme e bën një profil tërheqës.

Italia mbetet një destinacion i mundshëm, për shkak të kujtimeve pozitive nga periudha e tij te Napoli. Megjithatë, paga e lartë e lojtarit mbetet pengesa kryesore për realizimin e një transferimi.

Pavarësisht spekulimeve, Kim Min-jae ka zgjedhur të mos komentojë për të ardhmen dhe është fokusuar te paraqitjet e tij, duke lënë të gjitha opsionet të hapura.

Afati i ardhshëm kalimtar pritet të jetë vendimtar për karrierën e tij, ndërsa Bayerni duhet të vendosë nëse do të vazhdojë të besojë te ai apo të lehtësojë një largim të mundshëm

Mesfushori i Kombëtares së Kosovës Elvis Rexhbçaj mund të largohet nga Augsburgu,por jo edhe nga Bundesliga gjermane.

Mediumi gjerman Kicker bën të ditur se Rexhebeçaj nuk do të vazhdojë sezonin e ardhshëm tek Augsburgu,teksa dy klube të njohura gjermane Werder Bremen dhe Borussia Monchengladbach  janë të interesuara për të siguruar shërbimet e reprezentuesit dardan.

Përndryshe kontrata e Rexhbeçajt me Augsburgun përfundon këtë verë,dhe për më tepër pritet të jetë lojtar i lirë megjithatë mbetet të shihet sesi do të rrjedhin gjërat për yllin dardan në vazhdim.

Kujtojmë që Elvis Rexhbeçaj që nga transferimi i tij tek Augsburgu në vitin 2022 ka regjistruar 115 paraqitje dhe gjashtë gola me këtë të fundit.