Author: A.M.

Vitinha është bërë dëshira kryesore e José Mourinhos, në rast se portugezi merr drejtimin e Real Madridit sezonin e ardhshëm. Trajneri ka përcjellë tashmë prioritetet e tij dhe emri i mesfushorit të Paris Saint-Germain shfaqet si një pjesë kyçe e projektit. Mourinho beson se ardhja e tij do të ishte thelbësore për t’i dhënë ekipit ekuilibër.

Rikthimi i mundshëm i Mourinhos te Real Madridi shoqërohet me kërkesa të qarta. Njëra prej tyre është nënshkrimi me Vitinhan, si boshti kryesor i mesfushës. Trajneri portugez mendon se Vitinha mund ta organizojë lojën e “Los Blancos”. Aftësia e tij për të shpërndarë topin, për të bërë presion dhe për të ruajtur ritmin e lojës e bën atë një profil shumë të vlerësuar. Po ashtu, Mourinho kërkon edhe një lojtar të besueshëm. Vitinha, bashkëkombësi i tij, i përshtatet këtij profili si në aspektin e cilësisë, ashtu edhe të mentalitetit konkurrues.

Interesimi nga kampi i Real Madridit është pranuar, por operacioni komplikohet nga faktorë të ndërlikuar ekonomikë. Paris Saint-Germain nuk ka ndërmend të heqë dorë lehtë nga Vitinha, pasi mesfushori konsiderohet një pjesë strukturore brenda projektit parizien. Klubi francez i ka vendosur lojtarit një çmim pranë 120 milionë eurove, një shifër që e vështirëson seriozisht çdo tentativë të Real Madridit.

Megjithatë, Mourinho ngul këmbë për afrimin e tij. Ai beson se Vitinha mund të bëjë diferencën në ndeshjet me kërkesa të larta. Real Madridi po shqyrton mundësitë për të ulur koston e operacionit dhe nuk përjashtohen negociata të gjata, nëse Mourinho përfundimisht zgjidhet për ta drejtuar ekipin.

Pas Luksemburgut, FSHF ka siguruar një tjetër test miqësor për Kombëtaren. Më 3 qershor, në orën 20:00, në “Air Albania”, Shqipëria do të përballet me Izraelin në një ndeshje të rëndësishme për kuqezinjtë, në kuadër të Ligës së Kombeve. Kjo do të jetë përballja e shtatë në histori mes dy kombëtareve, e para miqësore, pasi të gjitha takimet e mëparshme janë zhvilluar në kuadër të kualifikimeve për Kampionatet Botërorë dhe Europiane. Sa i përket bilancit të ndeshjeve, Shqipëria ka fituar dy herë dhe ka humbur katër herë.

Për më tepër, 3 ditë më pas, po në “Air Albania”, Shqipëria do të luajë një tjetër miqësore, këtë herë kundër Luksemburgut.

Në një deklaratë për mediat, FSHF njoftoi se po punohet për të siguruar një miqësore tjetër, që do të jetë në dispozicion të trajnerit Sylvinho, ose të trajnerit të ri, për të vlerësuar më mirë gjendjen e legjionarëve dhe formën e ekipit para ndeshjeve të tjera.

Në daljen e fundit për mediat, presidenti i Federatës Shqiptare të Futbollit, Armand Duka, sqaroi se janë në pritje të një përgjigje nga Sylvinho, pasi trajneri brazilian ka fjalën e parë. Duka theksoi se, pavarësisht vendimit për trajnerin, emri i tij do të bëhet publik përpara miqësoreve të muajit qershor, pas një periudhe të suksesshme me ekipin përfaqësues, që arriti të sigurojë një biletë për në Europian dhe shkroi historinë duke u kualifikuar për herë të parë në fazën “play-off” të një Botërori.

Boksieri shqiptar Kristian Prenga ka dhënë një mesazh të fuqishëm dhe emocionues në prag të përballjes së tij të rëndësishme, duke e cilësuar këtë duel si shumë më tepër se një ndeshje sportive.

Në një reagim publik, Prenga theksoi se çdo herë që ngjitet në ring, ai përfaqëson Shqipërinë dhe gjithë shqiptarët, duke e konsideruar këtë përgjegjësi si një motiv shtesë për të dhënë maksimumin.

“Çdo herë që ngjitem në ring, mbaj me vete Shqipërinë. Kjo është më shumë se një ndeshje—është krenari, qëllim dhe përgjegjësi. Luftoj për vendin tim, për njerëzit e mi dhe për gjithçka që përfaqësoj,” u shpreh ai.

Boksieri nuk harroi të falënderojë edhe bashkëpunëtorët dhe organizatorët që bënë të mundur këtë përballje, duke e cilësuar si një hap të rëndësishëm në karrierën e tij.

“Faleminderit për mundësinë. Ky është vetëm fillimi,” shtoi Prenga, duke lënë të kuptohet se synimet e tij janë shumë më të mëdha.

Ylli portugez Joao Cancelo është pranë një arritjeje të jashtëzakonshme në futbollin evropian. Nëse ai, siç pritet, ndihmon Barcelonën të fitojë titullin e La Ligës, ai do të sigurojë kampionatin e tij të katërt në një nga pesë ligat kryesore të Evropës. Asnjë lojtar tjetër nuk e ka arritur më parë këtë, përveç Cancelos.

Mbrojtësi i djathtë ka fituar tituj kampioni në Premier League (me Manchester Cityn në sezonet 2020/21 dhe 2021/22), në Bundesligë (me Bayern Munichun në sezonin 2022/23) dhe në Serie A (me Juventusin në sezonin 2018/19).

Ai gjithashtu ka fituar kampionatin portugez me Benficën në vitin 2014, ka ngritur trofeun e Ligës së Kampionëve me Cityn në vitin 2023 dhe e ka ndihmuar Portugalinë të fitojë Ligën e Kombeve në vitin 2019. Yje të mëdhenj si Zlatan Ibrahimovic, Arjen Robben dhe Kingsley Coman kanë fituar më herët kampionate në tri prej pesë ligave kryesore evropiane. Ashtu si Cancelo, dy të fundit kanë qenë pjesë e Bayern Munichut.

Në moshën 31-vjeçare, Cancelo pritet të lërë pas emra të njohur dhe të arrijë një rekord të madh. Barcelona është në rrugë të mbarë për ta siguruar titullin e La Ligës, me një epërsi komode prej nëntë pikësh ndaj Real Madridit pas 33 javësh nga 38 gjithsej. Gara për titull mund të mbyllet madje këtë fundjavë: nëse Barcelona fiton ndaj Osasunës të shtunën dhe Real Madrid humb ndaj Espanyolit të dielën, atëherë Barça do të fitojë titullin dhe Cancelo do të thyejë një rekord të rëndësishëm.

Megjithatë, skenari më realist është që Barcelona ta formalizojë titullin një javë më vonë, më 10 maj, në ‘El Clásico’ ndaj Real Madridit.

Kobbie Mainoo pritet të nënshkruajë një kontratë të re pesëvjeçare me Manchester United, duke e përkushtuar kështu të ardhmen e tij afatgjatë klubit nga Old Trafford.

Sipas Daily Mail Sport, familja e Mainoo është në Carrington për të parë që ai të finalizojë marrëveshjen deri në vitin 2031, duke e katapultuar atë nga 20,000 funte në javë në një rrogë të ngjashme me atë të yjeve të United, rreth 150,000 funte.

Mainoo dhe përfaqësuesit e tij kanë qenë në bisedime me klubin për gati dy vjet dhe duket se kanë arritur një marrëveshje që në shkurt të kaluar, por Unitedi nuk e nënshkroi atë për shkak të pasigurisë mbi të ardhmen e Mainoo nën drejtimin e Ruben Amorim. Pengesa e fundit për nënshkrimin e kontratës së re kuptohet se kanë qenë të drejtat e imazhit, por pasi ato u hoqën, ishte vetëm çështje kohe për të firmosur, vetëm një javë pas ditëlindjes së tij të 21-të.

Ndërkohë, gjatë negociatave, mesfushori i ri ishte lojtari më pak i paguar në skuadrën e United, pavarësisht se luante përkrah Casemiros, i cili fiton 375,000 funte në javë.

Megjithatë, problemi më i madh ishte Amorim, i cili e la Mainoon në stol për pjesën më të madhe të 14 muajve të tij në krye të skuadrës, duke këmbëngulur se ai ishte në konkurrencë të drejtpërdrejtë me Bruno Fernandes për një vend në formacion.

Portieri shqiptar, Diant Ramaj, po vazhdon të fitojë përvojë të vlefshme në Bundesliga me Heidenheim, por e ardhmja e tij pas verës mbetet ende e paqartë.

Sipas mediave gjermane, situata e tij te Borussia Dortmund është e hapur në të gjitha drejtimet. Nuk përjashtohet mundësia e një transferimi të përhershëm, pavarësisht se 24-vjeçari ka kontratë me Dortmundin deri në vitin 2029. Ramaj u transferua nga Ajax Amsterdam te Borussia Dortmund në fillim të vitit 2025 për një shifër rreth pesë milionë euro, por deri tani nuk ka debutuar me klubin verdhezi. Pas transferimit, ai u huazua te Copenhagen, ndërsa këtë sezon po luan si i huazuar te Heidenheim.

Në aspektin sportiv, Ramaj ka pasur një sezon aktiv me rreth 30 paraqitje në ligë, duke fituar eksperiencë të çmuar, pavarësisht vështirësive të skuadrës së tij, e cila ka një nga mbrojtjet më të dobëta në kampionat. Megjithatë, kthimi i tij në Dortmund nuk garanton një rol titullari, pasi portieri kryesor, Gregor Kobel, mbetet zgjedhja e parë e skuadrës. Kjo i bën të pa mundur që Ramaj të pranojë një rol rezervë në këtë fazë të karrierës së tij.

Performancat e tij të fundit kanë filluar të tërheqin vëmendjen e klubeve të tjera, megjithatë, deri tani nuk ka pasur oferta konkrete. Vendimi përfundimtar për të ardhmen e tij pritet të merret gjatë afatit kalimtar veror, ku do të përcaktohet nëse ai do të qëndrojë te Dortmund apo do të kërkojë një mundësi të re për të zhvilluar karrierën e tij

Ylli portugez, Cristiano Ronaldo, vazhdon të lërë gjurmë të thella në futbollin e luajtur, duke arritur një tjetër moment historik në karrierën e tij. Ai shënoi golin e 970-të, duke dhënë një kontribut të çmuar në fitoren e Al Nassr ndaj Al Ahli.

Goli vendimtar erdhi në minutën e 76-të, kur CR7 realizoi për t’i dhënë skuadrës së tij avantazhin 1-0 në një përballje të vështirë. Ky moment u tregua kyç për zhvillimin e ndeshjes. Në minutën e 90-të, Koman shënoi golin e dytë për Al Nassr, duke vulosur rezultatin përfundimtar 2-0.

Me këtë gol, Ronaldo i afrohet një objektivi të madh në karrierën e tij. Ai tani është vetëm 30 gola larg arritjes së 1000 golave zyrtarë, një shifër që konsiderohet historike në futboll. Pavarësisht skepticizmit që ka shoqëruar deklaratat e tij për këtë objektiv, performancat e fundit tregojnë se Ronaldo vazhdon të jetë në nivele të larta konkurruese.

Arritja e këtij rekordi mbetet një nga synimet kryesore të tij në vazhdim,ku mund të bëhet një nga golashënuesit më të mire.

Ylli portugez, Cristiano Ronaldo, vazhdon të lërë gjurmë të thella në futbollin e luajtur, duke arritur një tjetër moment historik në karrierën e tij. Ai shënoi golin e 970-të, duke dhënë një kontribut të çmuar në fitoren e Al Nassr ndaj Al Ahli.

Goli vendimtar erdhi në minutën e 76-të, kur CR7 realizoi për t’i dhënë skuadrës së tij avantazhin 1-0 në një përballje të vështirë. Ky moment u tregua kyç për zhvillimin e ndeshjes. Në minutën e 90-të, Koman shënoi golin e dytë për Al Nassr, duke vulosur rezultatin përfundimtar 2-0.

Me këtë gol, Ronaldo i afrohet një objektivi të madh në karrierën e tij. Ai tani është vetëm 30 gola larg arritjes së 1000 golave zyrtarë, një shifër që konsiderohet historike në futboll. Pavarësisht skepticizmit që ka shoqëruar deklaratat e tij për këtë objektiv, performancat e fundit tregojnë se Ronaldo vazhdon të jetë në nivele të larta konkurruese.

Arritja e këtij rekordi mbetet një nga synimet kryesore të tij në vazhdim.

Futbollisti anglez Ashley Young ka njoftuar pensionimin nga futbolli profesionist.

Në një deklaratë emocionale, Young konfirmoi se do t’i japë fund karrierës së tij të jashtëzakonshme 23-vjeçare me përfundimin e sezonit.

Young e nisi karrierën te Watford dhe debutoi me ekipin e parë në vitin 2003.

Atëherë një anësor premtues, Young fitoi një transferim te Aston Villa në verën e vitit 2007. Paraqitjet e tij në ‘Villa Park’ tërhoqën interesimin e Sir Alex Fergusonit. Manchester United shpenzoi rreth 19.6 milionë euro për ta transferuar Youngun në verën e vitit 2011.

Në ndeshjen e tij të tretë për klubin, ai shënoi dy gola dhe dhuroi tre asistime në fitoren e jashtëzakonshme 8-2 të “Djajve të Kuq” ndaj Arsenalit në ‘Old Trafford’.

Më pas, Young ishte pjesë e skuadrës kampione të sezonit 2012/13, ekipi më i fundit i United që ka ngritur trofeun e Ligës Premier.

Ai zhvilloi 261 paraqitje për “Djajtë e Kuq”, duke kaluar me kalimin e viteve nga një anësor shpërthyes në një mbrojtës krahu.

Në verën e vitit 2019, Young u emërua kapiten i klubit nga trajneri i atëhershëm Ole Gunnar Solskjaer, duke zëvendësuar shokun e skuadrës që u largua, Antonio Valencia.

Play-Off-i i NBA vazhdon të dhurojë emocione, me disa seri që mbeten plotësisht të hapura pas ndeshjeve të pesta të raundit të parë.

Në Lindje, Detroit Pistons arriti një fitore të madhe 116-109 ndaj Orlando Magic, duke ngushtuar serinë në 3-2. Protagonisti absolut ishte Cade Cunningham, i cili realizoi 45 pikë, rekord klubi në Play-Off, duke kaluar shifra historike të emrave si Dave Bing dhe Isiah Thomas. Nga ana tjetër, Paolo Banchero u përgjigj me të njëjtin numër pikësh, por nuk mundi të shmangë humbjen e ekipit të tij.

Ndërkohë, Cleveland Cavaliers mori një fitore të rëndësishme 125-120 ndaj Toronto Raptors, për të kaluar në epërsi 3-2 në seri. Donovan Mitchell dhe Evan Mobley ishin vendimtarë në momentet kyçe, ndërsa kontribut i rëndësishëm erdhi edhe nga Dennis Schroder në çerekun e fundit.

Në Perëndim, Houston Rockets mbeti në garë pasi mposhti 99-93 Los Angeles Lakers, duke e çuar serinë në 3-2. Jabari Smith Jr. udhëhoqi skuadrën me 22 pikë, ndërsa Alperen Sengun ishte pranë një “triple-double”. Për Lakers, LeBron James realizoi 25 pikë, por gabimet e shumta me topin rezultuan vendimtare. Rockets po vazhdojnë të befasojnë edhe pa Kevin Durant, i cili mungon për shkak të dëmtimit. Të gjitha seritë mbeten të hapura, me ndeshjet e gjashta që priten të jenë vendimtare për fatin e ekipeve që synojnë kalimin në raundin tjetër.