Author: A.M.

Mesfushori spanjoll Sergio Busquets,i ka dhënë fund karrierës si futbollist profesionist.

Busquest ka vendosur që t’i varë këpucët në gozhdë,dhe atë pas përfundimit të kontratës aktuale me Inter Miamin.

Përndryshe Busquets në një postim të bërë në rrjetet sociale konfirmoi pensionimin,duke e konsideruar karrierën e tij në futboll si një histori mjaft e bukur.

“Një falënderim i përzemërt të gjithëve dhe futbollit për gjithçka. Do të jeni gjithmonë pjesë e kësaj historie të bukur”

Kujtojmë që Sergio Busquets ka fituar gjithçka si me Barcelonën ashtu edhe me kombëtaren e Spanjës,ku fitoi shumë tituj të La Ligës,Ligën e Kampionëve,Kupën e Mbretit,Superkupën spanjolle,Superkupën e UEFA-së,Kupën e Botës për Klube,si dhe titullin e Kampionit të Botës dhe Evropës me Spanjën

Kampioni i Francës dhe i Evropës PSG,po synon që të forcojë edhe më tutje repartin e sulmit.

Tani gjiganti francez po synon të transferojë sulmuesin anglez Marcus Rashford,i cili aktualisht është në huazim tek gjiganti katalunas Barcelona nga Manchester United.

Përndryshe PSG po synon t’i ofrojë Manchester United rreth 45 milionë euro,shumë e cila mund t’i bind drejtuesit e “Djajve të Kuq”për ta lënë të lirë Rashfordin të kalojë në Parkun e Princave.

Ndërkaq në anën tjetër Barcelona është duke bërë përpjekje që të blejë kartonin e Rashford-it verën e ardhshme,teksa mbetet të shihet në ditët në vijim se nëse një gjë e tillë do të realizohet.

Kujtojmë që Marcus Rashford është i huazuar tek Barcelona der në fund të sezonit,ku në 6 ndeshje ka arritur të realizoj vetëm 2 gola kundër Neëcastle United në Ligën e Kampionëve.

Manchester City ka marrur lajme të mira gjatë këtyre ditëve të fundit.

Një ndër yjet e “Citizens”Rayan Cherki mund të jetë në dispozicion të skuadrës në ndeshjet e rradhës,duke lënë një lëndim muskulor që e la jshtë fushave të gjelbërta para ca kohësh.

Përndryshe mediumi francez “L’Equipe”ekzaminimet e fundit treguan se gjendja e Cherkit është përmirësuar,dhe se francezi ka nisur stërvitjet për t’u rikthyer në aksion para ndeshjes të cilën Man.City e zhvillon në Ligën e Kampionëve kundër Monacos më 1 tetor,e më pas kundër Brentford-it në Premierligë më 5 tetor.

Kujtojmë që Rayan Cherki u transferua tek Manchester City për 36 milionë euro plus 6 milionë euro bonuse nga Olympique Lyon,por ka bërë vetëm 2 paraqitje deri më tani duke shënuar 1 gol.

Sulmuesi francez Hugo Ekitike mund të përballet më një dënim nga gjiganti anglez Liverpool,kjo për shkak të gjestit të bërë në ndeshjen kundër Southamptonit.

Ekitike shënoi golin e fitores për “The Reds”që ia mundësoi kalimin në raundin tjetër të Carabao Cup,por festimi i francezit duke hequr i kushtoi me karton të kuq duke e lënë Liverpool-in me një lojtar më pak.

Përndryshe mediumi anglez “Daily Mail”bën të ditur se Ekitike mund të merrë një gjobë ekuivalente në rrogë,duke përfshirë një shumë prej 500 mijë euro bruto apo rreth 255 mijë euro neto.

Natyrisht se ky dënim është një përkujtim për Ekitiken,duke ia bërë me dije për disiplinën që duhet të jetë tek klubi anglez.

Kujtojmë që Hugo Ekitike në 6 ndeshjet e para për Liverpoolin ka shënuar 8 gola,duke dhuruar një start tejet premtues.

Sulmuesi i Kombëtares Shqiptare Armando Broja, nuk e ka nisur në mëyrën më të mirë aventurën tek skuadra angleze Burnley.

Për këtë ka folur edhe trajneri Scott Parker,i cili thotë se Broja nuk ka luajtur për një kohë dhe se i duhet që të rikthehet në topformë.

“Shikoni, mendoj se Armando Broja ka nevojë për më shumë punë. Ai s’ka luajtur shumë futboll gajtë dy vjetëve të fundit.”

Përndryshe Parker shton se sulmuesi kuqezi ka nevojë për më shumë minuta në të gjitha ndeshjet,dhe se duhet punuar shumë në këtë drejtim në mënyrë që Broja të jetë i gatshëm për sfidat e këtij sezoni.

Kujtojmë që Armando Broja ka bërë vetëm 1 asistim në 2 ndeshjet e zhvilluara për Burnley-in në këtë sezon.

Qendërmbrojtësi francez William Saliba,pritet që të mbetet tek gjiganti londinez Arsenal.

Saliba ka pranuar të nënshkruaj kontratë të re me topçinjtë,dhe marrëveshja në mes palëve pritet të nënshkruhet në ditët në vjim.

Përndryshe Saliba ka qenë i përfolur për një kalim tek Real Madrid gjatë muajve të kaluara,dhe madje drejtuesit e “Los Blancos”kanë bërë përpjekje për të transferuar francezin në Santiago Bernabeu.

Megjithatë dyert për një kalim tek Real Madrid pothuajse janë mbyllur,dhe se tifozët e Arsenalit mund të shohin paraqitjet e Salibas edhe në sezonet e ardhshme.

Kujtojmë që William Saliba ka bërë 51 paraqitje sezonin e kaluar për Arsenalin,ku ekipi i Mikel Artetës përfundoi në pozitën e dytë.

Sulmuesi Julian Alvarez është shprehur tejet i kënaqur pas fitores së Atletico Madrdid kundër Rayo Vallecanos,ku realizoi hattrick në fitoren 3:2 të ekipit të Diego Simeones.

Alvarez shton se fitorja ndaj Rayo Vallecanos mund ta shtoj vetëbesimin tek ekipi,dhe duhet punuar më shumë për të vazhduar serinë e fitoreve në ligë.

Përndryshe Alvarez ka deklaruar se tani fokusi do të jetë tek derbi me Real Madridin,dhe shton se do të bëjnë gjithçka për të fituar ndeshjen ndaj “Los Blancos”.

“Duhet të pushojmë dhe të përqendrohemi te ndeshja në shtëpi para tifozëve tanë. Do të jetë një shfaqje e shkëlqyer. Do të bëjmë gjithçka për të marrë tre pikët”

Kujtojmë që Atletico Madrid ka 9 pikë pas 6 ndeshjeve në La Liga,ku ka 2 fitore,3 barazime e 1 humbje.

Trajneri i Kombëtares së Brazilit Carlo Ancelotti,ka folur për periudhën që ka kaluar si trajner i gjigantit gjerman Bayern Munich.

Ancelotti foli për momentin e shkarkimit nga stoli i bavarezëve pas ndeshjes kundër PSG-së,duke thënë se ishte një vendim i pakuptimtë dhe se ndjen keqardhje për largimin e tij nga Gjermania.

 “E pakuptueshme. Vetëm një sezon më parë kishim dominuar kampionatin, duke mbyllur me 15 pikë diferencë, pesë më shumë sesa arriti Guardiola në dy sezonet e mëparshme. Megjithatë, te Bayern kjo nuk u konsiderua sukses”.

Përndryshe Ancelotti ka kujtuar edhe fjalët që i kishte thënë Karl Heinz Rummenige atëherë në atë kohë drejtor ekzekutiv i Bayern Munich,duke i thënë se rezultatet nuk ishin të mjaftueshme dhe se duhej më shumë për të arritur qëllimet.

Kujtojmë që Carlo Ancelloti kishte drejtuar gjigantin gjerman Bayern Munich,ku arriti të fitonte vetëm titullin e Bundesligës në sezonin 2016-17

Ylli i Chelsea-it Cole Palmer është i pakënaqur me punën e trajnerit Enzo Maresca.

Palmer beson se skuadra nuk po e tregon potencialin e saj pas fitimit të Kupës së Botës për Klube,dhe sulmuesi anglez është duke kërkuar shkarkimin e teknikut italian.

Përndryshe një nga arsyet e prishjes së marrëdhënieve mes lojtarit dhe trajnerit është për shkak të zëvendësimit të tij në ndeshjen kundër Man United,kjo pasi Chelsea mbeti me një lojtar më pak në fushë pas përjashtimit të Robert Sanchez me karton të kuq dhe largimi i sulmuesit anglez nga loja ishte e papritur.

Kujtojmë që në tre ndeshjet e fundit Chelsea ka 1 fitore ndaj Lincoln City në Carabao Cup,kurse pësoi humbje nga Bayern Munich në Ligën e Kampionëve si dhe nga Man United në Premierligë.

Ylli i Kombëtares së Kosovës Edon Zhegrova ka bërë debutimin në Serie A,dhe atë në barazimin 1:1 kundër Hellas Veronës.

Zhegrova bën me dije se dëshiroj të lë gjurmë tek gjiganti italian,dhe me bianconerët synon të jap më të mirën.

Përndryshe edhe pse paraqitjet ishin tejet të shkurta,kjo nuk e deinkurajoj Zhegrovën i cili është duke u rikuperuar nga lëndimi që e la jashtë fushave,dhe në ndeshjet e rradhës do të jetë një ndër armët e “Zonjës së Vjetër”.

Kujtojmë që Edon Zhegrova u transferua tek Juventus në afatin kalimtar veror për 15 milionë euro,duke përfshirë këtu 3 milionë euro bonuse.