Author: A.M.

Janë zhvilluar tre ndeshje në kuadër të xhiros së 24-të të Albi Mall Superligës së Kosovës në futboll.

Prishtina nuk arriti që të shënoj fitore as këtë xhiro,ku kësaj barazoi në shtëpi kundër Prishtinës së Re me rezultat 1:1.

Në pjesën e parë u shënua vetëm një gol ku Mario Ilievski shënoi për 1:0 në minutën e 37-të,dhe me epërsinë e ekipit të Afrim Tovërlanit përfunduan 45 minutat e parë.

Gjatë pjesës së dytë mysafirët arritën të gjejnë golin e dytë,ku Astrit Berisha shënoi në minutën e 73-të për 1:1 që ishte edhe epilogu i kësaj ndeshjeje.

Prishtina mbetet në pozitën e tretë me 38 pikë,ndërkohë Prishtina e Re bie në pozitën e fundit me 25 pikë.

Drenica shënoi fitore të madhe në udhëtim ndaj Gjilanit me rezultat 1:0,ku goli i Kreshnik Ukës në minutën e 22-të ishte i majftueshëm për të siguruar 3 pikë të rëndësishme në luftën për mbijetesë.

Drenica gjendet në pozitën e parafundit me 25 pikë,teksa në anën tjetër Gjilani mbetet në kuotën e 37 pikëve.

Në anën tjetër Ferizaj shënoi fitore tejet të rëndësishme si mysafir ndaj Malishevës me rezultat 2:1.

Të tre golat në këtë ndeshje u shënuan nga penalltia,ku Mevlan Zeka shënoi në minutën e 12-të për epërsinë e vendasve,teksa Ade Guns dhe  Ruben Silva Richards në minutat 35 dhe 90 shtesë siguruan 3 pikë Ferizajt.

Malisheva mbetet në kuotën e 37 pikëve,kurse Ferizaj pas kësaj fitorjeje tubon 26 pikë.

Gjiganti italian Inter po synon që të bëjë ndryshime të mëdha në skuadër gjatë afatit kalimtar veror.

Sipas asaj që raportohet nëpër media neuroazzurët janë duke synuar që të transferojë Nico Paz nga Como,dhe Inter do të bëj ofertën për sigurimin e shërbimeve të argjentinasit.

Përndryshe Paz, është takuar me nënpresidentin e Interit Javier Zanetti ditëve të fundit,duke nxitur kështu thashetheme për një transferim të mundshëm të tij në Giusseppe Meazza.

Mbetet të shihet sesi do të rrjedhin gjërat në muajt në vazhdim,se nëse një kalim i Paz tek rivalët e Serie A apo do të rikthehet me gjasë tek Real Madrid.

Kujtojmë që Nico Paz ka shënuar 10 gola e bëri 6 asistime në 31 ndeshje të zhvilluara deri më tani për Comon këtë sezon.

Barcelona ka njoftuar se Gavi është rikuperuar plotësisht nga dëmtimi në gju dhe është gati të kthehet në aksion. Mesfushori spanjoll ka munguar nga ndeshjet e ekipit që nga shtatori i vitit të kaluar, por pas një periudhe të shpejtuar rikuperimi, ai tani ka marrë lejen mjekësore për t’u rikthyer në fushë.

Gavi do të jetë në dispozicion për ndeshjen e nesërme të La Ligës kundër Sevillas. Klubi konfirmoi se ai është gati të luajë, pasi ka kaluar testet mjekësore me sukses.

Po ashtu, trajneri Hansi Flick e ka shprehur gëzimin për rikthimin e tij dhe ka shpresuar që Gavi të mund të luajë disa minuta në ndeshjen e ardhshme, ndërkohë që ka theksuar se duhet të menaxhojnë me kujdes rikthimin e tij. “Shpresoj që Gavi të luajë disa minuta nesër, por duam ta marrim me hapa të vegjël. Ai ka ende shumë për të dhënë dhe duhet ta trajtojmë me kujdes,” ka thënë Flick.

Kujtojmë që Gavi nuk ka luajtur ndeshje që nga shtatori i vitit të kaluar,ku pësoi lëdnim në në gju.

Trajneri i Chelsea-it Liam Rosenior ka bërë deklarata të guximshme për ndeshjen e kthimit në Ligën e Kampionëve kundër PSG-së.

Rosenior ka thënë se beson që skuadra e tij do e përmbysë rezultatin nga ndeshja e parë,dhe shton se ekipi do të bëjë të pamundurën që të kalojë në çerekfinale.

Përndryshe Rosenior thotë se ideja e tij është të domino në ndeshje,dhe se synon që të bëjnë presion ndaj parisienëve .

“Ideja ime është gjithmonë të dominoj. Çdo ndeshje ka të bëjë me krijimin e një ekipi të patrembur, pavarësisht se kundër kujt po luajmë”, ka thënë fillimisht Rosenior.Ne do të bëjmë presion mbi PSG-në dhe do të luajmë për të shënuar sa më shumë gola të jetë e mundur”

Kujtojmë që Chelsea humbi 5:2 kundër PSG-së në ndeshjen e parë të 1/8 së finales së Ligës së Kampionëve,dhe ndeshjen e kthimit do ta zhvillojë mesjavën e ardhshme në Stamford Bridge.

Andrea Kimi Antonelli ka hyrë në histori të Formula 1 me një arritje të jashtëzakonshme, duke siguruar kohën më të shpejtë në kualifikimet për cmimin e madh të Kinës. Me këtë rezultat, ai u bë piloti më i ri që ka fituar një pole position në historinë e F1.

Antonelli, piloti i Mercedes-AMG Petronas Formula One Team, arriti këtë sukses në moshën 19 vjeç, 6 muaj e 18 ditë, duke thyer rekordin e mëparshëm të vendosur nga Sebastian Vettel. Ky rekord i mëparshëm ishte arritur në vitin 2008 gjatë garës së cmimit të Italisë , kur Vettel ishte 21 vjeç, 2 muaj e 11 ditë.

Përveçse u bë piloti më i ri që ka fituar një pole position, Antonelli bëhet gjithashtu italiani i parë që arrin këtë sukses që nga vitin 2009, kur Giancarlo Fisichella kishte siguruar pole position në Garën e Belgjikës.

Në renditjen e kualifikimeve, pas Antonellit u pozicionua shoku i skuadrës, George Russell, i cili pati disa vështirësi në fillim të sesionit Q3. Russell kishte fituar më parë garën Sprint, duke kaluar përpara dy pilotëve të Scuderia Ferrari, Charles Leclerc dhe Leëis Hamilton.

Në anën tjetër Leëis Hamilton mbylli kualifikimin në vendin e tretë, ndërsa Leclerc u rendit i katërti.

Gjiganti anglez Liverpool është duke synuar që të gjej një mbrojtës për sezonin e ardhshëm.

Sipas raportimeve të mediave mbrojtësi i Barcelonës Alejandro Balde është vënë në radarin e “The Reds”,dhe pritet që të dërgoj një ofertë për spanjollin në ditët në vijim.

Përndryshe drejtori sportiv i katalunasve Deco ka dyshime lidhur me paraqitjet e Balde me Barcën këtë sezon,duke e lënë mundësinë për shitje gjatë afatit kalimtar veror.

Në anën tjetër Balde vlen rreth 60 milionë euro në tregun e transferimeve,dhe në rast të shitjes së tij Barcelona synon të përfitoj nga ana financiare.

Kujtojmë që Alejandro Balde ka bërë 34 paraqitje këtë sezon për Barcelonën,duke dhuruar vetëm 3 asistime.

Barcelona po kërkon të forcojë mbrojtjen qendrore këtë verë, dhe një nga objektivat kryesorë mund të jetë mbrojtësi i Interit, Alessandro Bastoni.

26-vjeçari duket se ishte pranë rinovimit të kontratës me Interin, por planet e klubit italian kanë ndryshuar. Pavarësisht se Bastoni kishte lënë të kuptohej se do të ishte i interesuar për një transferim te Barcelona, në shkurt u raportua se do të qëndronte në Milano. Megjithatë, situata tani mund të jetë e ndryshme.

Edhe pse kontrata e tij me Interin shtrihet deri në vitin 2028, klubi po rishikon strategjinë e tij dhe ka vendosur që vetëm Francesco Pio Esposito dhe Lautaro Martinez janë të paprekshëm. Për lojtarët e tjerë, përfshirë Bastonin, Interi mund të shqyrtojë oferta nëse ato plotësojnë vlerësimin e klubit, që raportohet të jetë rreth 70 milionë euro.

Nga ana e saj, Barcelona ka shprehur dëshirën për të realizuar një transferim të madh këtë verë. Megjithatë, burimet katalanase nënvizojnë se prioritet për momentin është afrimi i një sulmuesi, dhe më pas mund të mendohet për një mbrojtës qendror

Trajneri i Benficas, Jose Mourinho, është i ndaluar të jetë në stol për dy ndeshjet e ardhshme pas vendimeve të fundit të Federatës Portugeze të Futbollit.

Dënimi vjen pas kartonit të kuq që mori gjatë barazimit 2:2 ndaj Portos dhe përplasjes me asistent-trajnerin e ekipit kundërshtar, Lucho Gonzalez. Mourinho është pezulluar për një ndeshje për daljen jashtë zonës së trajnerit dhe goditjen e topit drejt bankës rezervë të Portos gjatë festimit të golit, të cilën e justifikoi si një tentativë për ta dërguar topin në tribunë.

Gjithashtu, trajneri 63-vjeçar do të mungojë edhe për 11 ditë për shkak të incidentit me Gonzalez. Kjo do të thotë se Mourinho nuk do të drejtojë Benficën ndaj Aroucas këtë të shtunë dhe në përballjen e 21 marsit ndaj Vitorias.

Klubi ka njoftuar se do të apelojë vendimin, duke e konsideruar atë të padrejtë dhe duke kërkuar rishikim.

Mungesa e trajnerit vjen në një moment të rëndësishëm të sezonit, ndërsa Benfica përpiqet të forcojë pozicionin e saj në krye të tabelës dhe të sigurojë pjesëmarrjen në garat evropiane.

Federata iraniane e futbollit ka lëshuar një përgjigje ndaj deklaratës së presidentot të SHBA-ve Donald Trump, i cili kishte deklauruar se prania e tyre në Kupën e Botës 2026 do të ishte “e papërshtatshme” për sigurinë e tyre.

Në një komunikatë të bërë në Instagram Team Melli bën të ditur se pjesëmarrja në botëror nuk mirret nga një vend i caktua,apo qoftë edhe nga ndonjë individ.

Përndryshe në deklaratën e mëtutjeshme thuhet se Kupa e Botës është një ngajrje historike e futbollit,dhe se këtë e drejton FIFA ndërkohë në fund shton se Irani ishte në mesin e kombëtareve që siguruan kalimin në botëror falë rezultateve të mira.

Kujtojmë që Irani ka paralajmëruar tërheqjen nga botërori i vitit 2026,kjo për shkak të sulmit të SHBA-ve në këtë shtet ku mbeti i vrarë lideri suprem Ali Khamenei.