Author: A.M.

Alessandro Bastoni, mbrojtësi i Interit, ka shprehur dëshirën për të lidhur të ardhmen e tij me klubin zikaltër deri në vitin 2030, duke shmangur çdo presion që mund të vijë nga klube të mëdha si Barcelona dhe Manchester United gjatë merkatos së verës.

Bisedimet për rinovimin e kontratës janë intensifikuar në ditët e fundit, duke theksuar vendosmërinë e qendërmbrojtësit italian për të qëndruar i përkushtuar në Inter dhe për të u bërë një nga figurat kyçe nën drejtimin e trajnerit Chivu.

Kjo lëvizje nga neuroazzurët ka për qëllim sigurimin e një lojtari të rëndësishëm për projektin afatgjatë të trajnerit Chivu, përpara se të hapet merkatoja, dhe për ta kthyer interesin e klubeve evropiane.

Kontrata e re do ta vendosë Bastonin në qendër të projektit teknik të Interit për vitet në vijim, duke eliminuar çdo mundësi për ofertat luksoze shumë-milionëshe që mund të shfaqen për të.

Një takim i rëndësishëm u zhvillua këtë mëngjes në Madrid mes përfaqësuesve të Barcelonës dhe drejtuesve të Manchester City, për të diskutuar mundësinë që Barcelona të ketë përparësi në një transferim të mundshëm të Erling Haaland.

Sipas gazetës SPORT, drejtori sportiv i kandidatit për presidencë, Victor Font, u pa duke dalë nga hoteli Four Seasons, ku ndodhej kampi stërvitor i Manchester City. Ai u shoqërua nga anëtarët e stafit të tij, Carles Planchart dhe Xavier Aguilar, të cilët diskutuan me drejtorin ekzekutiv të City, Ferran Soriano, dhe drejtorin sportiv, Hugo Viana.

Qëllimi kryesor i takimit ishte të sigurohej një opsion preferencial blerjeje për Haaland, nëse sulmuesi norvegjez dhe City vendosin të ndahen në të ardhmen. Barcelona e ka pasur gjithmonë në plan të transferojë Haaland, dhe ai konsiderohet si një prioritet i madh për klubin. Megjithatë, Haaland ka rinovuar kontratën me City deri në vitin 2034, duke bërë që një transferim afatshkurtër të jetë i vështirë. Një opsion preferencial do t’i mundësonte Barcelonës të kishte përparësi mbi klubet e tjera, si Real Madrid.

Víctor Font konfirmoi aktivitetin e drejtuesve sportivë të Barcelonës, duke thënë: “Drejtoria sportive është shumë aktive dhe po punon intensivisht për transferimet, duke udhëtuar dhe zhvilluar takime me klube të ndryshme. Jemi afër mundësive që mund t’i ofrojmë Hansi Flick.”

Ylli francez Ousmanne Dembele mund të largohet ng PSG në fund të sezonit.

Diaro Sport bën të ditur se Dembele mund të transferohet në Premierligën angleze gjatë verës,dhe agjenti i tij Moussa Sissoko bën të ditur se janë duke u zhvilluar bisedime me drejtuesit e Manchester City-it për një transferim në Etihad.

Përndryshe PSG po bën përpjekje që të bind Dembelen për të nënshkruar kontratë të re,ndërkohë që City po synon që të nënshkruajë me francezin ku mund të forcojë repartin e sulmit tek City.

Mbetet të shihet sesi do të rrjedhin gjërat në muajt në vijim,se nëse Dembele mund të mbetet në Parkun e Princave apo do të largohet në Angli sezonin e ardhshëm.

Kujtojmë që Ousmanne Dembele ka kontratë me Manchester City-in deri në qershor të vitit 2028,teksa këtë sezon në 27 ndeshje ka realizuar 12 gola e bëri 7 asistime në të gjitha garat.

Janë zhvilluar gjashtë ndeshje në NBA u zhvilluan,duke sjellur përballje tejet intereante në parket.

Los Angeles Clippers ishin ata që shkëlqyen më shumë, me një fitore mbresëlënëse ndaj Minnesota Timberëolves, duke triumfuar me rezultatin 153:128.

Kawhi Leonard ishte protagonisti i natës, duke realizuar 45 pikë dhe duke pasur një përqindje fantastike në gjuajtje nga fusha konkretisht 15 nga 20 tentativa. Te Minnesota, Anthony Edëards ishte më i miri, me 36 pikë të realizuara.

Në një tjetër përballje, Denver Nuggets mposhtën Houston Rockets me një rezultat të thellë, 129:93. Pjesa tjetër e natës solli disa ndeshje interesante, ku Orlando Magic mundën Cleveland Cavaliers 128:122 në një ndeshje të ngushtë, ndërsa Neë York Knicks fituan në transfertë ndaj Utah Jazz me rezultatin 134:117.

Në përballjet e tjera, Neë Orleans Pelicans mundën Toronto Raptors 122:111, ndërsa Charlotte Hornets arritën një fitore ndaj Sacramento Kings me rezultatin 117:109.

Arsenal ka arritur të marrë një barazim dramatik në minutat e fundit ndaj Bayer Leverkusen në fazën 1/8 të Ligës së Kampionëve. Ndeshja përfundoi 1-1.

Bayer Leverkusen kaloi në avantazh menjëherë pas fillimit të pjesës së dytë, me golin e Robert Andrich në minutën e 46’. Arsenal kërkoi me ngulm barazimin, dhe në minutën e 86-të një penallti e shkaktuar nga Malik Tillman u konfirmua nga VAR. Kai Havertz nuk gaboi dhe barazoi rezultatin në minutën e 89’.

Tani gjithçka do të vendoset në ndeshjen kthyese, ku të dyja skuadrat do të luftojnë për vendin në çerekfinale.

Klubi turk Fenerbahçe vijon përpjekjet për të transferuar sulmuesin kosovar Fisnik Asllani, aktualisht pjesë e ekipit gjerman Hoffenheim. Sipas mediave sportive, drejtuesit e skuadrës nga Stambolli janë të vendosur që ta forcojnë sulmin gjatë afatit kalimtar veror dhe e shohin Asllanin si një nga prioritetet kryesore.

Raportimet e fundit tregojnë se për shërbimet e 23-vjeçarit janë të interesuar edhe klube të Ligës Premier, përfshirë Chelsea, si dhe disa ekipe të tjera evropiane, duke e bërë këtë transferim një objektiv shumë të kërkuar në treg.

Megjithatë, Fenerbahçe shpreson të jetë konkurrent serioz dhe të bindë Hoffenheim që të pranojë ofertën e tyre. Sipas mediave gjermane, klubi i Bundesligës kërkon rreth 30 milionë euro, një shifër që pasqyron performancën premtuese të lojtarit këtë sezon dhe interesimin e klubeve të mëdha.

Fisnik Asllani ka shkëlqyer këtë sezon te Hoffenheim, duke realizuar 9 gola dhe dhuruar 8 asistime në 26 paraqitje në të gjitha kompeticionet, duke u bërë një prej lojtarëve më të spikatur të ekipit gjerman.

Ky transferim mund të jetë një lëvizje kyçe për Fenerbahçen, e cila nuk heq dorë nga ambicia për të forcuar sulmin dhe për të rivalizuar më fuqishëm në sezonin e ardhshëm.

Galatasaray ka shënuar një fitore të rëndësishme 1-0 ndaj Liverpoolit në ndeshjen e parë të 1/8 së finales së Ligës së Kampionëve, në një atmosferë të zjarrtë në RAMS Park.

Rasti i parë i rrezikshëm i takoi Liverpoolit, kur Florian Wirtz përfitoi nga një gabim në mbrojtjen e vendasve, por nuk arriti të shënojë edhe pse kishte portën e zbrazët.

Goli vendimtar erdhi herët, në minutën e 7-të. Pas një goditjeje nga këndi, Victor Osimhen devijoi topin me kokë drejt zonës, ndërsa Mario Lemina e çoi atë në rrjetë, duke i dhënë avantazhin Galatasarayt.

Liverpool u përpoq të reagojë dhe në minutën e 72-të Virgil van Dijk shënoi, por goli u anulua pas ndërhyrjes së VAR-it për prekje me dorë.

Deri në fund, Galatasaray arriti të ruajë epërsinë dhe të sigurojë një fitore të rëndësishme në shtëpi, duke marrë avantazh përpara ndeshjes së kthimit.

Trajneri spanjoll Xabi Alonso mund të rikthehet në mënyrë sensacionale te gjiganti anglez Liverpool në rolin e trajnerit.

Sipas raportimeve të medias spanjolle OK Diario, Alonso ka arritur një marrëveshje verbale me klubin nga “Anfield” për të marrë drejtimin e skuadrës duke filluar nga sezoni 2026/27.

Raporti thekson se marrëveshja e parashikuar është një kontratë trevjeçare, megjithatë aktivizimi i saj lidhet drejtpërdrejt me performancën e trajnerit aktual të Liverpoolit, Arne Slot. Nëse tekniku holandez arrin të udhëheqë skuadrën drejt triumfit në Ligën e Kampionëve këtë sezon, marrëveshja me Alonson mund të anulohet.

Sipas burimeve, kontaktet e para joformale mes palëve kanë ndodhur në fund të muajit nëntor, në një periudhë kur Alonso po përballej me presion te klubi i tij aktual. Në atë kohë, drejtuesit e Liverpoolit nisën të shqyrtonin seriozisht mundësinë për ta rikthyer ish-mesfushorin e tyre në bankinën e ekipit duke filluar nga vera e ardhshme.

Interesimi i Liverpoolit për Alonson nuk është diçka e re. Në verën e vitit 2024, ai ishte një nga kandidatët kryesorë për të marrë drejtimin e klubit, ndërsa në garë për shërbimet e tij ishte edhe Bayern Munich. Kjo erdhi pas suksesit të madh që ai arriti në Gjermani, ku udhëhoqi skuadrën drejt titullit kampion dhe Kupës, duke përfunduar sezonin në kampionat pa asnjë humbje.

Megjithatë, në atë periudhë 44-vjeçari vendosi të qëndrojë te klubi i tij dhe refuzoi ofertat e gjigantëve evropianë. Tashmë mbetet të shihet nëse rikthimi i tij në “Anfield” do të realizohet në të ardhmen e afërt.

Kanë përfunduar tre ndeshjet e ditës së hënë në kuadër të xhiros së 23-të të Albi Mall Superligës së Kosovës në futboll.

Llapi i është rikthyer fitoreve duke mposhtur me rezultat 2:0 Ballkanin,në derbin e kësaj fundjave.

Muhamet Hyseni në minutën e 17-të dhe Edon Sadriu në fund të pjesës së parë shënuan për fitoren e ekipit të Tahir Batatinës e cila tani ka 26 pikë në pozitën e 7-të,kurse Ballkani edhe përkundër humbjes mbetet e dyta  me 39 pikë.

Malisheva në anën tjetër shënoi fitore kundër Prishtinës me rezultat 3:0,ku golat për vendasit i shënuan Etink Brruti dhe Laurent Xhylani nga penalltia,teksa i njëjti futbollist shënoi edhe në minutën e 73-të,dhe vlen të përmendet që kryeqytetasit mbetën me një lojtar më pak pas përjashtimit të Ardian Limanit.

Malisheva gjendet në pozitën e 4-të me 37 pikë,njëjtë sikurse Prishtina që gjendet një pozitë më lartë.

Gjilani ndërkohë vazhdoi serinë e fitoreve duke mposhtur Ferizajn në udhëtim 2:1.

Armend Thaqi dhe Senad Jarovic realizuan për mysafirët,teksa për vendasit shënoi Oguns.

Gjilani pozicionohet në pozitën e 5-të me 36 pikë,kurse Ferizaj është e 8-ta me 23 pikë të grumbulluara.

Mesfushori portugez Bernardo Silva karrierën mund ta vazhdojë në Serie A sezonin tjetër.

Sipas gazetarit italian Gianluca Di Marzio gjiganti italian Juventus synon që të siguroj shërbimet e yllit të Man.City-it,dhe atë si transfer i lirë pasi Silva ka kontratë me Citizens deri në fund të sezonit.

Përndryshe transferimi tek Zonja e Vjetër e portugezit mund të realizohet vetëm në rast Juve e siguron kualifikimin në Ligën e Kampionëve edicionin e ardhshëm,dhe kjo mund të jetë e vështirë për gjigantin italian marrë parasysh edhe pagën e lartë që synon ta ketë Silva.

Në anën tjetër Silva nuk dëshiron të rinovojë kontratën me City-in,dhe se dëshiron të provojë një aventurë të re jashtë Premierligës angleze.

Kujtojmë që Bernardo Silva ka shënuar vetëm 2 gola në 38 ndeshje për Man.City-in në të gjitha garat.