Author: A.M.

Marco Bezzecchi i Aprilia Racing ka triumfuar në Çmimin e Madh të Brazilit në MotoGP 2026, pas një paraqitjeje dominuese nga starti deri në fund, duke marrë edhe kreun e kampionatit botëror.

Italiani mori kontrollin e garës që në nisje, duke kaluar fituesin e “pole position” Fabio Di Giannantonio në kthesën e parë. Pas tyre u rendit Marc Márquez me Ducati Lenovo Team, ndërsa Jorge Martín me Aprilia-n tjetër zyrtare ishte në ndjekje të afërt.

Me kalimin e xhirove, Bezzecchi krijoi një epërsi mbi 1.5 sekonda dhe nuk u vu asnjëherë seriozisht në rrezik, duke menaxhuar në mënyrë perfekte ritmin deri në fund dhe duke siguruar një fitore të pastër.

Pas tij, gara për vendin e dytë ishte shumë më e luftuar. Marc Márquez ushtroi presion të vazhdueshëm ndaj Di Giannantonios, ndërsa Jorge Martín priste momentin e duhur për të goditur. Ky moment erdhi kur dy rivalët dolën paksa nga linja ideale, duke i hapur rrugë Martín-it për të marrë vendin e dytë.

Edhe pse tentoi të afrohej me Bezzecchin në mes të garës, Martín nuk arriti ta rrezikojë seriozisht liderin, i cili mbeti i qetë dhe konstant deri në fund.

Ndërkohë, beteja për vendin e tretë ishte një nga momentet më spektakolare të garës. Fabio Di Giannantonio dhe kampioni në fuqi Marc Márquez zhvilluan një duel të fortë në xhirot e fundit, duke shkëmbyer disa herë pozicionet. Në fund, Di Giannantonio arriti të mbajë vendin e tretë, ndërsa Márquez u detyrua të kënaqet me vendin e katërt.

Kjo fitore forcon ndjeshëm pozitën e Bezzecchi-t në renditjen e përgjithshme dhe konfirmon formën shumë të mirë të Aprilia-s këtë sezon. Gara e radhës do të zhvillohet në Grand Prix of the Americas, nga 27 deri më 29 mars.

Marco Bezzecchi i Aprilia Racing ka triumfuar në Çmimin e Madh të Brazilit në MotoGP 2026, pas një paraqitjeje dominuese nga starti deri në fund, duke marrë edhe kreun e kampionatit botëror.

Italiani mori kontrollin e garës që në nisje, duke kaluar fituesin e “pole position” Fabio Di Giannantonio në kthesën e parë. Pas tyre u rendit Marc Márquez me Ducati Lenovo Team, ndërsa Jorge Martín me Aprilia-n tjetër zyrtare ishte në ndjekje të afërt.

Pasi shkëlqeu me dy gola në ndeshjen e Mallorcës ndaj Osasunës më 7 mars, sulmuesi i Kosovës, Vedat Muriqi, nuk ka arritur të shënojë në dy paraqitjet e fundit në La Liga. Në fitoren 2:1 ndaj Espanyolit më 15 mars, ai u vlerësua për paraqitjen e tij, edhe pse nuk gjeti rrugën e golit. Ndërkohë, të shtunën pati një paraqitje më të zbehtë në humbjen 2:1 ndaj Elches.

Vlerësimi negativ lidhet edhe me penalltinë e humbur në minutën e 92-të. Muriqi mori përgjegjësinë për goditjen nga pika e bardhë, por topi përfundoi mbi portë, duke i mohuar Mallorcës një pikë të rëndësishme në garën për mbijetesë në elitën e futbollit spanjoll.

Dëshpërimi te sulmuesi 31-vjeçar është i kuptueshëm para grumbullimit me Kosovën, por në të njëjtën kohë ai pritet të jetë i motivuar për të dhënë maksimumin në ndeshjen më të rëndësishme të “Dardanëve” deri më tani – gjysmëfinalen e plejofit për kualifikim në Botërorin 2026.

Kosova të enjten luan në Bratislavë ndaj Sllovakisë, ndërsa Muriqi pritet të udhëheqë sulmin dhe të mbajë shiritin e kapitenit, në mungesë të kapitenit të parë, Amir Rrahmani.

Muriqi ka shprehur keqardhje për penalltinë e humbur, duke theksuar se ndihet keq për tifozët dhe për rastin e humbur për të siguruar një rezultat pozitiv. Megjithatë, ai ka ruajtur optimizmin, duke vlerësuar skuadrën dhe duke bërë thirrje për vazhdim të luftës për të grumbulluar sa më shumë pikë.

Pas xhiros së 29-të, Mallorca renditet në vendin e 18-të me 28 pikë, pozitë që çon në rënie nga liga. Megjithatë, fokusi i Muriqit tashmë është te Kombëtarja e Kosovës, ku ai mbetet figura kryesore në repartin ofensiv.

Me 32 gola në 66 ndeshje, ai është golashënuesi më i mirë në historinë e Kosovës. Po ashtu, ai po kalon një nga sezonet më të mira të karrierës, me 18 gola dhe një asistim në 28 paraqitje në La Liga.

Barcelona po përgatitet për ndryshime në repartin ofensiv për sezonin e ri, ku në qendër të vëmendjes janë Ferran Torres dhe Robert Lewandowski.

Sipas raportimeve nga mediat katalanase, klubi është i hapur të dëgjojë oferta për Torres gjatë merkatos së verës. Sulmuesi spanjoll nuk po kalon një formë të mirë, pasi ka mbetur pa shënuar në 11 ndeshjet e fundit dhe ka humbur vendin në formacionin titullar, i cili tashmë i përket Lewandowskit.

Me kontratën që i skadon në vitin 2027, drejtuesit e Barcelonës po konsiderojnë shitjen e Torres këtë verë, për të shmangur rënien e vlerës së tij në të ardhmen. Nëse katalanasit vendosin ta nxjerrin në shitje, interesi nga klubet evropiane pritet të jetë i lartë.

Ndërkohë, situata e Robert Lewandowskit duket më e qëndrueshme. Pavarësisht se është 37 vjeç, sulmuesi polak mbetet një element kyç për skuadrën dhe është i gatshëm të vazhdojë në “Camp Nou”, nëse klubi vendos ta mbajë.

Edhe presidenti Joan Laporta ka lënë të kuptohet më herët se dëshiron vazhdimësinë e Lewandowskit, ndërsa për Torres nuk ka pasur deklarata të ngjashme — një sinjal i qartë për drejtimin që mund të marrë Barcelona gjatë kësaj vere.

Një natë plot rezultate të papritura dhe paraqitje individuale mbresëlënëse u zhvillua në NBA. Minnesota Timberëolves arritën një fitore historike 102-92 ndaj Boston Celtics në “TD Garden”, duke i dhënë fund një serie prej 18 humbjesh radhazi në këtë arenë që nga viti 2005. Heroi i ndeshjes ishte Bones Hyland me 23 pikë, ndërsa Ayo Dosunmu kontribuoi me 17 pikë, 8 rebound dhe 6 asistime. Për Celtics, 29 pikët e Jaylen Broën nuk mjaftuan, me diferencën që u krijua në çerekun e katërt (26-15).

Fitore bindëse edhe për Denver Nuggets, që mposhtën 128-112 Portland Trail Blazers. Nikola Jokić shkëlqeu me triple-double-in e 28-të të sezonit dhe të 192-in në karrierë, duke vendosur fatin e ndeshjes që në çerekun e tretë. Rikthimi i Peyton Ëatson solli edhe 14 pikë nga stoli.

Ndërkohë, New York Knicks vazhdojnë formën e shkëlqyer, duke regjistruar fitoren e gjashtë radhazi pas suksesit 145-113 ndaj Ëashington Ëizards. Karl-Anthony Towns udhëhoqi me 26 pikë dhe 16 rebound, ndërsa Knicks dominuan plotësisht pjesën e dytë.

Pas pesë humbjesh radhazi, Phoenix Suns u rikthyen te fitorja duke mposhtur 120-98 Toronto Raptors. Devin Booker realizoi 25 pikë në një ndeshje të kontrolluar nga fillimi deri në fund.

Sulmuesi francez Antoine Griezmann pritet të mbyllë kapitullin e tij te Atletico Madridi, duke u larguar nga klubi pas shumë sezonesh të suksesshme në La Liga.

Sipas ekspertit të transferimeve Fabrizio Romano, marrëveshja tashmë është arritur për kalimin e Griezmann te Orlando City. Transferimi pritet të realizohet në verën e vitit 2026, menjëherë pas përfundimit të kontratës së tij me “Los Colchoneros”.

Raportohet gjithashtu se francezi do të udhëtojë drejt Shteteve të Bashkuara gjatë pauzës ndërkombëtare, një lëvizje që lidhet me finalizimin e transferimit dhe përshtatjen me klubin e ri.

Griezmann iu bashkua Atletico Madridit më 29 korrik 2014 dhe shumë shpejt u shndërrua në figurën kryesore të sulmit, duke u bërë një nga lojtarët më të rëndësishëm në historinë moderne të klubit.

Në vitin 2019 ai u transferua te Barcelona, por pas dy sezonesh u rikthye sërish në Madrid, ku vazhdoi të ishte një nga liderët e skuadrës.

Tani, pas një karriere të gjatë në futbollin evropian, Griezmann duket gati për një aventurë të re në MLS me Orlando City.

Manchester City ka siguruar trofeun për sezonin 2025/26,ku në finale të Carabao Cup mposhti Arsenalin me rezultat 2:0.

Ndeshja nisi me ritëm të lartë, ku Arsenali u shfaq më kërkues në minutat e para. Kai Havertz pati një mundësi të artë në minutën e 7-të, por portieri James Trafford reagoi shkëlqyeshëm. Pak më vonë, edhe Bukayo Saka provoi nga afërsia, por Trafford ishte sërish në vendin e duhur.

Nga ana tjetër, City reagoi me raste të rrezikshme, ku Erling Haaland u shfaq kërcënues pas një pasimi nga Antoine Semenyo, por tentativa e tij përfundoi mbi portë.

Në pjesën e dytë, “Qytetarët” kaluan në avantazh në minutën e 60-të, kur një gabim i portierit Kepa Arrizabalaga u shfrytëzua në maksimum nga Nico O’Reilly, i cili shënoi për 0-1. Vetëm katër minuta më vonë, i njëjti lojtar realizoi golin e dytë pas një asistimi perfekt nga Matheus Nunes, duke vulosur rezultatin në 0-2.

Arsenali u përpoq të rikthehej në lojë, me tentativa nga Riccardo Calafiori dhe Gabriel Jesus, por ose u ndalën nga pritjet e Trafford, ose nga mungesa e saktësisë në finalizim.

Deri në fund, Manchester City kontrolloi lojën dhe nuk lejoi surpriza, duke siguruar një fitore të merituar,dhe arriti që të ftoj trofeun e parë për këtë sezon.

Ylli i Hoffenheimit Fisnik Asllani ka deklaruar se kualifikimi i Kosovës në botëror do të ishte dhurata më e mirë për të gjithë tifozët.

Në një intervistë për SportBild Asllani ka folur për mundësitë e një klualifikimi,dhe se tifozët dardanë po e presin me padurim ndeshjen me Sllovakinë.

Përndryshe Asllani thotë se ndeshja me sllovakët do të jetë jo e lehtë,kjo për faktin se e mposhtën Gjermaninë në shtëpi.

“Sllovakia e ka mposhtur Gjermaninë në shtëpi, mendoj ka qenë 2-0, prandaj vlerësohet si brutalisht e vështirë. Nuk ka më ndeshje të lehta me kombëtaren, të gjithë e vendosin zemrën në lojë prandaj nuk do të jetë e lehtë për askënd”

Kujtojmë që Kombëtarja e Kosovës do të luaj ndeshjen e fazës së play-off-it kundër Sllovakisë të ejnten në Bratisllavë,ndërkohë në rast kalimi do të takohet me fituesin nga ndeshja Turqi-Rumani

Janë zhvilluar tre ndeshje të së dielës në Albi Mall Superligën e Kosovës në futboll,ku pati rezultate tejet interesante.

Kampioni aktual Drita ka shënuar fitore kundër Gjilanit 1:0,në derbin e kësaj fundjave në Albi Mall Superligë.

Veton Tusha ishte heroi i intelektualëve në këtë ndeshje,ku në fund të pjesës së parë shënoi golin e fitores e cila ishte e vlefshme për të siguruar 3 pikë.

Drita tani rrëmben pozitën e parë në tabelë me 48 pikë 3 më shumë se Ballkani me 45 pikë në pozitën e dytë,kurse Gjilani gjendet në pozitën e 4-të me 39 pikë.

Malisheva në anën tjetër mposhti në shtëpi Llapin me rezultat 2:0,ku të dy golat u realizuan në pjesën e dytë.

Donart Vitija në minutën e 51-të shënoi për 1:0,kurse Mevlan Zeka vulosi fitoren e Mlaishevës në 2:0 që ishte edhe rezultati përfundimtar.

Malisheva grumbullon 41 pikë pas 26 xhirove,kurse Llapi zbret në pozitën e 8-të me 29 pikë.

Ndërkohë Dukagjini dhe Prishtina e Re kanë barazuar 1:1,ku të dyja skuadrat vemdosën që të ndanin pikët.

Prishtina e Re pati mundësi që të shënonte nga penalltia,por ish lojtari i Liverpool-it Tony Gomes dështoi nga penalltia.

Ibrahim Kargbo shënoi në minutën e 37-të për epërsinë e Prishtinës së Re në 1:0,por Dukagjini arriti në pjesën e dytë të barazoj përmes kapitenit Altin Merlaku me një gol të bukur,teksa klinasit mbeti me një lojtar më pak në fushë u ndëshkua me karton të kuq.

Dukagjini  pozicionohet në vendin e 6-të me 33 pikë,kurse Prishtina e Re është e fundit me 23 pikë.