Author: A.M.

Real Madrid raportohet se ka bërë një gabim serioz mjekësor gjatë vlerësimit të gjendjes fizike të sulmuesit Kylian Mbappé.

Sulmuesi francez, 27-vjeç, thuhet se u zemërua pasi stafi mjekësor i klubit u përqendrua në këmbën e tij të djathtë, e cila ishte e shëndetshme, në vend të këmbës së majtë, ku ai kishte lëndimin.

Si pasojë e këtij gabimi, Mbappé u detyrua të udhëtonte drejt Paris për të kërkuar ndihmën e specialistëve dhe për të marrë një diagnozë të saktë, me qëllim shmangien e një ndërhyrjeje kirurgjikale.

Sipas gazetarit francez Daniel Riolo në programin After Foot të RMC Sport, klubi spanjoll bëri një gabim të madh gjatë vlerësimit fillestar të problemit fizik të lojtarit. Ai shtoi se sulmuesi u bë gjithnjë e më i frustruar nga mungesa e progresit.

Këto pretendime u konfirmuan edhe nga gazetari Miguel Ángel Díaz nga COPE, i cili deklaroi:
“Real Madrid, në diagnozën fillestare, gaboi për gjurin. Në vend që të ekzaminonin gjurin e majtë të Mbappé, u ekzaminua i djathti.”

Sipas raportimeve, kjo neglizhencë bëri që lojtari të vazhdonte të luante me dhimbje, pa e ditur shkallën reale të dëmtimit.

Pasi nuk mori përgjigje të qarta në Madrid, Mbappé udhëtoi në Francë për t’u konsultuar me specialistin e njohur Bertrand Sonnery-Cottet. Mjeku konfirmoi se trajtimi i mëparshëm kishte qenë i pamjaftueshëm dhe riktheu fokusin te gjuri i majtë.

Më pas u hartua një protokoll specifik për forcimin e muskujve, i cili i mundësoi Mbappé të shmangte ndërhyrjen kirurgjikale.

Qendërmbrojtësi Amir Rrahmani është rikthyer në stërvitje për kampionin aktual të Serie A Napoli pas një muaji.

Mediat italiane raportojnë se Rrahmani është në qendrën stërvitore të napolitanëve,duke bvërë me dije që kapiteni i Kombëtares së Kosovës ka nisur rikuperimin nga lëndimi muskulor që e la jashtë grumbullimit me “Dardanët”për ndeshjet vendimtare për Kupën e Botës.

Përndryshe rikthimi i Rrahmanit ka rëndësi të madhe për ekipin e Antonio Conte,dhe atë në momentin kur sezoni ka hyrë në fazën finale ku Napoli synon të sigurojë kualifikimin në Ligën e Kampionëve.

Kujtojmë që Amir Rrahmani do të mungojë për Kosovën në ndeshjen gjysmëfinale të play-off-it për Kupën e Botës 2026.

Ylli egjiptian, Mohamed Salah, ka bërë një njoftim surprizë duke konfirmuar se do të largohet nga Liverpooli në fund të këtij sezoni.

Edhe pse kontrata e tij aktuale skadon në verën e vitit 2027, sulmuesi ka vendosur të largohet një vit më herët. Në një video emocionale të publikuar në rrjetet sociale, Salah u shfaq i prekur teksa ndau lajmin me tifozët.

“Ka ardhur dita. Kjo është pjesa e parë e lamtumirës sime”, u shpreh ai me lot në sy.

Ai theksoi se nuk e kishte imagjinuar kurrë se sa shumë klubi, qyteti dhe tifozët do të bëheshin pjesë e jetës së tij. Sipas tij, Liverpooli nuk është thjesht një klub futbolli, por përfaqëson histori, pasion dhe shpirt.

Salah falënderoi të gjithë ata që kanë qenë pjesë e klubit gjatë kohës së tij, duke shtuar se nuk ka fjalë të mjaftueshme për të shprehur mirënjohjen.

“Largimi nuk është kurrë i lehtë. Ju më keni dhënë momentet më të bukura të jetës sime. Ky klub gjithmonë do të jetë shtëpia ime. Falë jush, nuk do të jem kurrë vetëm”, përfundoi ai.

Salah iu bashkua Liverpoolit nga Roma në vitin 2017 dhe gjatë qëndrimit të tij ka fituar pothuajse të gjithë trofetë kryesorë, duke shënuar mbi 250 gola dhe duke u bërë një legjendë e klubit.

Real Madridi ka pësuar një tjetër goditje në afatin kalimtar, pasi objektivi i tyre në mbrojtje, Nico Schlotterbeck, është shumë pranë rinovimit të kontratës me Borussia Dortmundin.

Qendërmbrojtësi gjerman ishte pjesë e planeve të klubit madrilen për të përforcuar repartin defensiv, por sipas raportimeve të fundit, ai pritet të angazhohet me Dortmundin deri në vitin 2031. Oferta e re parashikon një rritje të ndjeshme të pagës së tij, duke e bërë edhe më të vështirë një transferim të mundshëm drejt “Santiago Bernabeu”, sidomos nga ana financiare.

Agjenti i Schlotterbeck ka tentuar të qetësojë spekulimet rreth largimit, duke theksuar se lojtari pritet të qëndrojë dhe të shndërrohet në një figurë kyçe për të ardhmen e klubit gjerman.

Ky zhvillim përbën një tjetër pengesë për Real Madridin, i cili po has vështirësi në realizimin e objektivave të tij në merkato. Edhe pista të tjera duket se po mbyllen, si në rastin e Dayot Upamecano, i cili pritet të vazhdojë qëndrimin te Bayern Munich.

Në këto rrethana, “Los Blancos” pritet të zhvendosin fokusin drejt alternativave të tjera, ku ndër emrat që po qarkullojnë nuk përjashtohet edhe Ibrahima Konaté i Liverpoolit.

Ylli spanjoll Nico Williams mund të lëvizë këtë verë në Serie A.

Sipas raportimeve të mediave gjiganti italian Inter është duke synuar që të nënshkruajë me Ëilliams,dhe spanjolli shihet si njeriu perfekt për repartin e sulmit tek neuroazzurët.

Përndryshe drejtuesit e klubit po bëjnë gati një ofertë në drejtim të Athletic Bilbaos,dhe se neuroazzurët janë të gatshëm të paguajnë 100 milionë euro shumë kjo e vendosur në klauzolën e kontratës me klubin bask.

Megjithatë mbetet të shihet sesi do të rrjedhin gjërat në ditët dhe javët në vijim,por e sigurt është që Nico Williams do të jetë në qender të vëmendjes gjatë afatit kalimtar veror.

Drejtori sportiv i Kombëtares së Kosovës Samir Ujkani ka dhënë një intervistë për mediat sllovake në prag të përballjes vendimtare ndaj Sllovakisë për fazëne play-off-it për botërorin e vitit 2026.

Ujkani ka thënë se shpreson që nuk është ndeshja më e rëndësishme,dhe nëse Kosova arrin ta eliminojë Sllovakinë do të jetë finalja e play-off-it në Prishtinës dhe lojtarët sipas tij janë të vetëdijshëm për këtë.

Përndryshe Ujkani shton se Kosova gjendet në një fazë ku po rritet si ekip,dhe se arritja në play-offin e botërorit është një sukses dhe krenari e madhe,teksa për kundërshtarët potencialë në finale si Turqia apo Rumania thotë se janë ekipe tejet cilësore,por në fund shtoi se detajet janë ato që të vendosin gjithçka.

Kujtojmë që ndeshja Sllovaki-Kosovë pritet të zhvillohet të ejnten me fillim nga ora 20:45 në stadiumin ‘Tehelne Pole’ në Bratisllavë.

Një prej legjendave të futbollit sllovak Lubomir Moravcik ka komentuar përballjen në mes Sllovakisë dhe Kosovës që pritet të zhvillohet të ejnten në Bratisllavë.

Moravcik ka vlerësuar lartë ekipin e trajnerit Franco Foda,duke deklaruar se “Dardanët”kanë lojtarë që luajnë në top ligat kryesore evropiane.

“Mendova se Kosova kishte dy ose tre yje si ne, por jo. Formacioni i tyre është i një cilësie të ekuilibruar. Rezultatet në grup thonë gjithçka. Por fakti që po luajmë në shtëpi është gjëja më e rëndësishme për ne”.

“Kosova ka disa lojtarë nga ligat gjermane, spanjolle dhe italiane. Ndeshjet në këto gara të përgatitin për kualifikim”

Tutje legjenda sllovake ka shtuar se Kosova nuk është favoritë për këtë ndeshje,por pranon se do të jetë mjaft e vështirë përballë skuadrës tonë.

Natus Vincere është kualifikuar në gjysmëfinalen e turneut BLAST Open Rotterdam pas një fitoreje bindëse ndaj ekipit turk Aurora.

NaVi tregoi edhe një herë epërsinë e saj, duke triumfuar me rezultat të pastër 2-0 në mapa. Në këtë përballje shkëlqeu Drin Shaqiri, i njohur si “makazze”, i cili ishte vendimtar për suksesin e ekipit.

Në hartën e parë, “de_anubis”, NaVi fitoi me rezultat 13-8. “Makazze” realizoi 18 eliminime, ndërsa kontribut të madh dha edhe Justinas Lekavicius (iM) me 23 eliminime.

Në hartën e dytë, “de_nuke”, “makazze” vazhdoi formën e shkëlqyer, duke përfunduar ndeshjen me statistika 19-12 dhe një vlerësim mbresëlënës prej 1.53.

Në total, ylli nga Kosova ishte lojtari më i mirë i takimit me 37 eliminime dhe një vlerësim mesatar prej 1.42.

Me këtë fitore, NaVi siguroi kualifikimin në gjysmëfinale, ndërsa kundërshtarin e radhës do ta mësojë të shtunën nga ora 15:00.

Përzgjedhësi i Kombëtares së Kosovës Franco Foda të hënën ka mbajtur një konferencë për shtyp para ndeshjes kundër Sllovakisë,e vlefshme për fazën e play-off-it për botërorin e vitit 2026.

Foda ka deklaruar se është optimist për takimin kundër sllovakëve duke vlerësuar se nuk është ndeshje e lehtë,por sipas dardanët kanë dëshmuar se dijnë të shënojnë fitore në udhëtim.

“Jemi të vetëdijshëm që nuk do të jetë ndeshje e lehtë, sepse e dimë që Sllovakia ka një ekip shumë të fuqishme, kur e merr topin luan shumë mirë në kundërsulme.

“Kemi besim shumë në kombëtare, kemi treguar se mund të luajmë shumë mirë si mysafir dhe të fitojmë ndeshje. Në këto tre ditë do të përgatitemi intensivisht dhe dëshirojmë të luajmë në finale në shtëpi. Do të bëjmë gjithçka për ta fituar ndeshjen me Sllovakinë”

Strategu gjerman foli edhe për mungesat e Amir Rrahmanit dhe Leon Avdullahut,ku theksoi se mungesa e dyshes është tejet e madhe por se në ndeshjet e kaluara ekipi ka ditur të zëvendësojë

“Sigurisht se mungesat kanë rol të rëndësishëm. Amiri është edhe kapiten përpos në top formë, është shumë i rëndësishëm për skuadrën. Leon Avdullahu është strateg i madh, do të na mungojnë por kemi bërë kalkulime dhe do t’i gjejmë zgjidhjet e duhura”.

“Siç kemi bërë në kualifikuese do t’i gjejmë alternativat dhe lojtarët që kanë zëvendësuar e kanë merituar vendin dhe treguar vetën. Po shpresojmë se do të fitojmë”

Tutje Foda ka folur edhe për ecurinë që po kalon edhe anëtari i gjigantit Juventus Edon Zhegrova ku pranoi se ylli dardan nukl është në formën e kërkaur,por shtoi se prezenca e tij në fushë është e rëndësishme për ndeshjen kundër sllovakëve.

“Sigurisht e kemi një plan të qartë se si do të duket ekipi ndaj Sllovakisë. I kemi shikuar ndeshjet e Sllovakisë. E dimë që Zhegrova nuk e ka pasur shumë të lehtë, por me kualitetin e tij është shumë i rëndësishëm për ne. Nuk mund t’iu tregojmë se kush do të luaj startues ose sa minuta do të zhvillojë”

Kujtojmë që Kombëtarja e Kosovës do ta zhvillojë seancën e fundit stërvitore përpara nisjes në Bratisllavë për ndeshjen kundër Slloavkisë,dhe në rast kalimi në finalen e play-oof-it për botëror do të takohet me fituesin nga ndeshja Turqi-Rumani.

Portieri Arijanet Muric dhe mbrojtësi Berat Gjimshiti janë përfshirë në formacionin më të mirë të javës nga SofaScore, falë paraqitjeve të tyre të shkëlqyera.

Muric ishte vendimtar për skuadrën e tij, duke ndihmuar që të sigurohej një pikë e rëndësishme ndaj Juventusit. Ai spikati veçanërisht me pritjen e penalltisë së gjuajtur nga Manuel Locatelli, duke u vlerësuar me notën 8.7 – më e larta për një portier në këtë xhiro.

Nga ana tjetër, edhe Gjimshiti pati një paraqitje shumë solide, duke kontribuar që Atalanta ta mbajë portën e paprekur. Për performancën e tij ai u vlerësua me notën 8.0.

Të dy lojtarët janë gjithashtu të ftuar nga përfaqësueset e tyre – Muric nga Kosova dhe Gjimshiti nga Shqipëria – për ndeshjet vendimtare të play-off-it për Kupën e Botës 2026.