Author: A.M.

Agjenti i Fisnik Asllanit, Ayman Dahmani, ka konfirmuar se interesi i Barcelonës për sulmuesin kosovar është i vlefshëm dhe ka pasur kontakte me klubin katalanas për një transferim të mundshëm gjatë verës. Sipas Dahmanit, Asllani do të largohet nga Hoffenheimi vetëm nëse aktivizohet klauzola e tij e lirimit, e cila vlerësohet rreth 25 deri në 29 milionë euro.

Kosovari 22-vjeçar ka qenë një nga lojtarët kryesorë të Hoffenheimit këtë sezon, me 9 gola dhe 6 asistime në 28 ndeshje në të gjitha garat. Po ashtu, për ekipin kombëtar të Kosovës, ai ka shënuar 4 gola në 7 paraqitje të fundit, duke tërhequr interesin e disa klubeve evropiane.

Barcelona po kërkon një sulmues për sezonin e ardhshëm, dhe sipas gazetës Mundo Deportivo, objekti kryesor është Julián Álvarez. Megjithatë, Atletico Madrid nuk e lehtëson largimin e argjentinasit, dhe Asllani mund të jetë një alternativë më e lirë dhe më e re, megjithëse ende duhet të provojë veten në një klub të nivelit të lartë.

Kombëtarja e Kosovës ka mbajtur seancën e parë stërvitore para ndeshjes vendimtare për kualifikimin në botërorin e vitit 2026 kundër Turqisë.

Gjatë stërvitjes u vërejt një atmosferë tejet pozitive në kampin dardan,dhe se optimizimi për fitoren ndeshjen ndaj turqve është tejet i madh.

Mesfushori Veldin Hoxha ka deklaruar se ekipi është i bashkuar,duke shtuar faktin se me përkrahjen e tifozëve Kosova do ta jap maksimumin për të shkuar në Kupën e Botës.

“Ndjenja është shumë e mirë, por kjo ndeshje tashmë ka kaluar dhe tani fokusi ynë është te ndeshja e radhës kundër Turqisë. Ekipi do të jetë i përgatitur maksimalisht dhe do të bëjmë gjithçka që është e mundur për të arritur kualifikimin në Kupën e Botës”

“Ndjenja është shumë e mirë, por kjo ndeshje tashmë ka kaluar dhe tani fokusi ynë është te ndeshja e radhës kundër Turqisë. Ekipi do të jetë i përgatitur maksimalisht dhe do të bëjmë gjithçka që është e mundur për të arritur kualifikimin në Kupën e Botës”

“Mendoj se kemi një atmosferë shumë të mirë brenda skuadrës. Jemi një ekip shumë i mirë dhe luajmë si një ekip i bashkuar, gjë që është një nga pikat tona më të forta”.Kur i ke tifozët pas vetes në stadiumin tënd kjo të jep një shtysë shumë të madhe në ndeshje të tilla. Prandaj, do të japim maksimumin për të fituar këtë ndeshje – për veten tonë, për tifozët dhe për vendon tonë – me synimin që të arrijmë në Kupën e Botës”

Në anën tjetër Dion Gallapeni thotë se ndeshja ndaj Turqisë është e vështirë,por do të luftojnë deri në fund dhe të dalin fitimtar nga kjo ndeshje.

“Një ndeshje historike për ne, pavarësisht se e kemi ditur se do të jetë e vështirë. Por, me ndihmën e tifozëve dardanë gjithçka ishte e mundur dhe treguam një karakter shumë të fortë dhe dolëm fitimtar nga ndeshja”

“Normalisht që është një ndeshje e vështirë duke marrë parasysh kualitetin që ka Turqia mirëpo këtë e kemi vërtetuar edhe në ndeshjen e parë që pavarësisht cilësisë së skuadrës së tyre, ne jemi shumë të bashkuar si grup, luftojmë për njëri-tjetrin dhe kjo ka shumë rëndësi”.

“Normalisht si këtë ndeshje, por edhe në ndeshjet e tjera, ata [tifozët] kanë qenë forca jonë më e madhe, kështu që normalisht se i pres atë në një numër të madh, ta bëjnë atmosferën siç dinë ata dhe të dalim fitimtar nga ndeshja”, përfundoi mbrojtësi i majtë

Kujtojmë që ndeshja Kosovë-Turqi pritet të zhvillohet të martën në stadiumin Fadil Vokrri në Prishtinë me fillim nga ora 20:45.

Barcelona mori sot lajmin më të keq nga Brazili. Një nga futbollistët më të spikatur të kampionëve aktualë të Spanjës, Raphinha, u lëndua gjatë ndeshjes miqësore midis Brazilit dhe Francës, e cila përfundoi me fitoren e evropianëve 2-1.

Braziliani dëmtoi ligamentin e kryqëzuar të pasmë dhe, sipas informacioneve të fundit, pritet të mungojë të paktën një muaj.

Kjo do të thotë që Raphinha do të humbasë ndeshjen e dyfishtë çerekfinale të Ligës së Kampionëve kundër Atletico Madridit, pastaj duelin e ligës kundër të njëjtës skuadër dhe takimet kundër Espanyol, Celta, Getafe dhe Osasuna. Ekziston gjithashtu mundësia që ai të mos luajë as në gjysmëfinalet e mundshme të Ligës së Kampionëve, nëse Barcelona kalon rivalët e saj.

Mungesa e Raphinha-s do të jetë një humbje e madhe për klubin katalanas, pasi ai po shfaq një formë të shkëlqyer këtë sezon, me 11 gola të shënuar në kampionat.

Barcelona vazhdon të kryesojë në La Liga me 73 pikë, katër më shumë se Real Madridi në vendin e dytë.

Janë zhvilluar ndeshje tejet interesante në ligën më të fortë të basketbollit në botë NBA.

Los Angeles Lakers ka mposhtur në shtëpi skuadrën e Brooklyn Nets 116:99,ku Luka Doncic me 41 pikë e 8 kërcime ishte më i miri në këtë ndeshje,teksa kontribut në fitoren e Lakers dha dhe Austin Reaves me 26 pikë e 8 kërcime.

Tek Nets ishte Josh Minoot me 18 pikë,teksa Ziare Ëilliams dhe Nic Claxton shënuan 16 pikë secili kurse ky i fundit kontribuoi me 7 kërcime në këtë ndeshje.

Oklahoma City Thunder shënoi fitore kundër Chicago Bulls me rezultat 131:113.

Shai Gilgeuos Alexander me 25 pikë dhe Cason Wallace me 21 të tjera ishin më efikasët për Thunder në parket,kurse Isaiah Hartenstein dha kontribut me 16 kërcime,kurse tek Bulls Tre Jones me 21 pikë,7 kërcime e 9 asistime dhe Isaac Okoro me 20 të tjera ishin më efikassët në parket.

Në pistën e Suzukës, Kimi Antonelli ishte më i shpejti, duke e përshkuar atë me kohën 1 minutë, 28 sekonda e 778 të mijtat. Ai la pas shokun e tij të skuadrës, George Russell, me 298 të mijtat më shumë. Kjo do të thotë se edhe këtë herë, vija e parë e startit të garës do të jetë e gjitha Mercedes.

Kohën e tretë më të mirë në kualifikuese e shënoi Oscar Piastri me McLaren, me kohën 1 minutë, 29 sekonda e 132 të mijtat, i ndjekur nga Charles Leclerc në vendin e katërt. Piloti nga Montekarlo ishte më i shpejti në dy sesionet e para, Q1 dhe Q2.

Vija e tretë e startit të garës plotësohet nga kampioni në fuqi i botës, Lando Norris, dhe Lewis Hamilton me Ferrari, të pozicionuar në vendin e pestë dhe të gjashtë.

Megjithatë, surprizën më të madhe e shkaktoi Max Verstappen me Red Bull, pasi holandezi do të niset nga vendi i 11-të në garën e së dielës.

Dhjetëshen e pilotëve më të mirë në provat kualifikuese e plotësojnë Pierre Gasly, Isack Hadjar, Gabriel Bortoleto dhe Arvid Lindblad.

Kanë nisur shitjet për një numër të kufizuar biletash të dedikuara për tifozët mysafirë në ndeshjen finale të “play-off”-it për kualifikim në Kupën e Botës 2026 ndërmjet Kosovës dhe Turqisë.

Njoftimi është bërë nga Federata Turke e Futbollit në prag të kësaj përballjeje të rëndësishme, e cila do të zhvillohet të martën, më 31 mars, në stadiumin “Fadil Vokrri” në Prishtinë, me fillim nga ora 20:45 (21:45 sipas kohës turke).

Sipas këtij institucioni, tifozët që dëshirojnë ta ndjekin ndeshjen nga sektori i mysafirëve mund të sigurojnë biletat përmes platformës online “eu.ebileta.al”. Për të përfunduar blerjen, është e nevojshme regjistrimi në faqe dhe përdorimi i kodit të qasjes të shpërndarë nga Federata e Futbollit të Kosovës.

Kodi për blerjen e biletave për tifozët mysafirë është: KSTRJ1.

Federata e Futbollit e Kosovës (FFK) ka publikuar një video të veçantë “Behind the Scenes”, duke u sjellë tifozëve një pasqyrë të plotë të rrugëtimit të Kosovës drejt fitores dramatike ndaj Sllovakisë në gjysmëfinalen e “play-off”-it për Kupën e Botës 2026.

Videoja, e cila zgjat mbi nëntë minuta, përmbledh çdo moment kyç – nga nisja e ekipit në Prishtinë, përgatitjet dhe atmosfera brenda skuadrës, deri te emocionet e forta në stadium dhe festimi pas triumfit të madh 4-3.

Në fokus nuk janë vetëm aksionet në fushë, por edhe momentet njerëzore të “Dardanëve”, që tregojnë unitetin, sakrificën dhe përkushtimin e grupit gjatë këtij rrugëtimi të jashtëzakonshëm. Ky publikim vjen si një rikujtim i një nate historike për Kosovën, duke e afruar edhe më shumë skuadrën me tifozët dhe duke forcuar besimin për hapin e radhës drejt realizimit të ëndrrës për Kupën e Botës.

Postimi i plotë i FFK-së:

“Behind the Scenes” nga një rrugëtim i paharrueshëm!

Nga nisja në Prishtinë, përgatitjet dhe momentet e përbashkëta gjatë udhëtimit, te emocionet në stadium dhe deri te kthimi në shtëpi – çdo detaj i fitores së madhe 3-4 ndaj Sllovakisë në gjysmëfinalen e “play-off”-it për Kupën e Botës.

Një histori e plotë e Dardanëve, brenda dhe jashtë fushës – me pasion, sakrificë dhe krenari.

Një hap më afër ëndrrës!

https://www.facebook.com/share/v/18bjtd8iPC/

Sulmuesi i Kombëtares së Kosovës Vedat Muriqi ka folur për ndeshjen e fazës së play-off-it për Kupën e Botës kundër Turqisë.

Një një intervistë për mediumin turk HT Spor Muriqi  është shprehur se fitorja kundër Sllovakisë ishte tejet e madhe,dhe se dardanët kanë shfaqur karakter dhe shpirt luftarak.

Muriqi u ndal tek ndeshja me kombëtaren turke,ku e vlerëson lartë ekipin e trajnerit Vincenzo Montella dhe thotë se edhe përkundër që Turqia është favorite Kosova mund të bëjë befasi përmes lojës kolektive si dhe foli edhe për përvojën që ka kaluar në Superligën Turke.

“Shorti kundër Turqisë më ngjall ndjenja të përziera personalisht. Gjatë karrierës sime futbollistike, u bëra Vedat në Turqi. Tetë vjet, sigurisht… Giresunspor, Genclerbirligi, Rizespor, Fenerbahçe… Këto klube më bënë Vedat. Për familjen time, Turqia zë një vend shumë të veçantë. Po përjetoj emocione komplekse.Kam pasur nderin të luaj kundër disa prej këtyre lojtarëve, si kundërshtar dhe madje në të njëjtën skuadër me disa prej tyre. Pra, po përjetoj vërtet ndjenja të mrekullueshme dhe interesante. Por duke pasur parasysh që Turqia nuk është kualifikuar për Kupën e Botës për 24 vjet, mendoj se do të jetë një ndeshje shumë e vështirë dhe konkurruese”

“Që nga dita e parë që u largova nga Turqia, tifozët turq më kanë mbështetur gjithmonë. Tani është shumë e natyrshme që do të përballemi me Turqinë. Thënë troç, ne jemi rivalë; pra për një ndeshje, jemi rivalë për 90 ose 120 minuta. Kam respekt të madh për Turqinë. U rrita atje si futbollist, fillova të fitoja jetesën atje. Sigurisht, ka një anë emocionale, dhe unë flas turqisht si një folës amtar. Do të japim gjithçka që mundemi për ta bërë ëndrrën tonë realitet”

Kujtojmë që Vedat Muriqi ka luajtur për shumë klube në Turqi ku së fundmi ishte pjesë e gjigantit turk Fenerbahce,përpara se të kalonte tek Lazio në Itali e më pas tek Mallora në La Ligën spanjolle.

Ylli i ri i Real Madridit, Arda Guler, ka folur para finales së playoff-it kundër Kosovës, duke theksuar se qëllimi kryesor i kombëtares turke është kualifikimi në Kupën e Botës.

Mesfushori turk theksoi se për ekipin e tij nuk ekziston alternativë tjetër përveç suksesit. “Qëllimi ynë i vetëm dhe kryesor është të kualifikohemi në Kupën e Botës. Shpresojmë t’i bëjmë tifozët tanë të lumtur,” deklaroi Guler.

Ai gjithashtu kujtoi rëndësinë e madhe që ka kjo garë për Turqinë, duke përmendur se vendi i tij nuk ka marrë pjesë në një Botëror që nga viti 2002. “Unë nuk kisha lindur kur Turqia mori pjesë në Kupën e Botës për herë të fundit, por e di sa i rëndësishëm është Botërori për vendin tonë,” shtoi ai.

Pas zhgënjimit në Kampionatin Evropian, motivimi i skuadrës është rritur, me fokus të vetëm rikthimin në skenën më të madhe të futbollit botëror. “Pasi u eliminuam nga Evropiani, motivimi ynë është i qartë: të kualifikohemi në Kupën e Botës. Është ëndërr e jona,” tha ylli i Real Madridit.

Finalja mes Turqisë dhe Kosovës do të zhvillohet të martën në orën 20:45 në stadiumin “Fadil Vokrri”