Nga sot fillon zvogëlimi i pranisë së Policisë edhe për 25 për qind rreth komunave në Veri

Nga sot do të fillojë zvogëlimi i pranisë së Policisë edhe për 25 për qind në objektet komunale dhe rreth tyre, në veri të Kosovës.

Vendimi vjen pas një vlerësimi të përbashkët të Policisë së Kosovës, EULEX-it dhe KFOR-it.

Në njoftim thuhet se ekipet e Policisë, bashkë me EULEX-in dhe KFOR-in, do të vazhdojnë koordinimin dhe do t’i ndërmarrin veprimet e nevojshme, sipas vlerësimit të rregullt të situatës së sigurisë në komunat veriore.

Qysh më 13 korrik është larguar 25 për qind e Policisë nga objektet komunale dhe rreth tyre, në veri.