ATV

Tag: Xhelal Sveçla

  • Ministri Sveçla: MPB-ja dhe policia janë në mbështetje të KQZ-së për zgjedhjet në veri

    Ministri Sveçla: MPB-ja dhe policia janë në mbështetje të KQZ-së për zgjedhjet në veri

    Ministri i Punëve të Brendshme, Xhelal Sveçla gjatë raportimit në në Komisionin për Integrime Evropiane ka thënën se sa i takon çështjes së zgjedhjeve në katër komunat veriore, Policia e Kosovës por edhe gjithë MPB-ja është në dispozicion të KQZ-së, në mënyrë siç theksoi ai që zgjedhjet e 23 prillit të vijojnë dhe të përfundojnë suksesshëm.

    “Për ne është imperativ që këto zgjedhje të mbahen në një atmosferë të qetë dhe të sigurt, qoftë për organizatorët, po ashtu edhe për vetë qytetarët atje. MPB-ja është në dispozicion të KQZ-së, në mënyrë që zgjedhjet të vijojnë dhe të përfundojnë suksesshëm”, theksoi ai.

    Derisa shtoi se janë çështje e vendimeve politike të subjekteve të caktuara, të cilat duan apo nuk jo të marrin pjesë në zgjedhje.

    “Me rëndësi është që institucionet e Kosovës janë duke vijuar me organizimin e procesit zgjedhor ashtu siç është më së miri dhe unë jam i bindur se gjithë ky proces do të përfundoj i qetë, i suksesshëm duke i tejkaluar edhe problemet që i përmenda”, tha ai gjatë raportimit në komisionin parlamentar.

  • Kryeministri Kurti nderon viktimat dhe të mbijetuarit e dhunës seksuale gjatë luftës

    Kryeministri Kurti nderon viktimat dhe të mbijetuarit e dhunës seksuale gjatë luftës

    Në Ditën Memoriale të të mbijetuarve të dhunës seksuale gjatë luftës së fundit në Kosovë, të shpallur këtë vit nga Qeveria, Kryeministri i Republikës së Kosovës, Albin Kurti, nderoi viktimat dhe të mbijetuarit e dhunës seksuale gjatë luftës në Kosovë.

    Me homazhe te memoriali Heroinat, Kryeministri Kurti përkujtoi viktimat e dhunës seksuale, të cilat nuk janë më në mesin tonë, si dhe nderoi të mbijetuarat e të mbijetuarit për forcën e tyre të pashembullt.

    Kryeministri Kurti, së bashku me Ministren e Drejtësisë, Albulena Haxhiu, vendosi lule para memorialit, i cili përkujton mijëra gra dhe vajza, burra dhe djem, viktima e të mbijetuar të dhunës seksuale, që është përdorur si armë lufte nga forcat e okupatorit serb në luftën e fundit në Kosovë.

    Në homazhe morën pjesë edhe Ministri i Punëve të Brendshme, Xhelal Sveçla, Ministrja e Ekonomisë, Artane Rizvanolli, Ministrja e Industrisë, Ndërmarrësisë dhe Tregtisë, Rozeta Hajdari, Ministri i Mjedisit, Planifikimit Hapësinor dhe Infrastrukturës, Liburn Aliu, Ministri i Bujqësisë, Faton Peci drejtuesja e grupit parlamentar të Lëvizjes VETËVENDOSJE!, Mimoza Kusari Lila, Kryeshefja Ekzekutive e Agjencisë për Barazi Gjinore në Zyrën e Kryeministrit, Edi Gusia, kryetarja e Komisionit Qeveritar për Njohjen dhe Verifikimin e Statusit të personave të dhunuar gjatë Luftës në Kosovë, Leonora Selmani, si dhe përfaqësues të tjerë të institucioneve.

    Në mbledhjen e 138-të, të mbajtur më 12 prill 2023, Qeveria e Republikës së Kosovës në bashkërendim me Presidenten e Republikës së Kosovës, ka shpallur datën 14 prill si Ditë Memoriale e të mbijetuarve të dhunës seksuale gjatë luftës së fundit në Kosovë.

  • Sveçla tregon në detaje si u plagos serbi në veri: Kanë nisur hetimet intensive

    Sveçla tregon në detaje si u plagos serbi në veri: Kanë nisur hetimet intensive

    Ministri i Punëve të Brendshme, Xhelal Sveçla, ka reaguar për incidentin e sotëm që ka ndodhur në rrugën nacionale në mes të Leposaviqit dhe Zveçanit, ku është plagosur një qytetar i Kosovës i etnisë serbe.

    Sveçla në një status në Facebook ka treguar se kanë filluar hetimet intensive të Inspektoratit të Policisë së Kosovës, por edhe vetë Policisë lidhur me rastin.

    “Pas informatave të para për plagosjen e një qytetari në rrugën nacionale mes Leposaviqit dhe Zveçanit, Policia e Kosovës por edhe Inspektoriati Policor i Kosovës kanë filluar hetimet intensive.”, ka shkruar ai.

    Sveçla tregon detajet e sulmit, ku thotë se vetura nuk i ishte bindur urdhërit të zyrtarit policor, andaj polici ka shtënë me armë.

    “Sipas hetimeve të para, pas sinjalit të zyrtarit policor për ndalim, vozitësi nuk është ndalur por ka vazhduar në drejtim të Zveçanit. Pas kësaj, një zyrtar policor ka shtënë me armë në drejtim të veturës ku si pasojë, ka mbetur i plagosur qytetari M.J”, thotë tutje ministri.

    4 zyrtarë policorë janë arrestuar si pasojë e incidentit.

    “Pas intervistimit nga ana e Inspektoriatit Policor dhe me vendim të prokurorit, 4 zyrtarë policor janë arrestuar dhe janë dërguar në mbajtje për 48 orë me dyshimin se tre zyrtarë policorë nuk kishin raportuar lidhur me rastin dhe një zyrtar për mos raportim si dhe për përfshirjen e tij në rast. Të njejtit gjatë ditës me rekomandim të IPK-së janë suspenduar nga PK. Me qëllim të zbardhjes së të gjitha rrethanave, hetimet do të vazhdojnë intenzivisht dhe gjithësecili që ka bërë shkelje do të ballafaqohet me ligjin”, përfundon ai.