ATV

Tag: NATO

  • Stoltenberg: NATO do ta ftojnë Ukrainën që të anëtarësohet kur të plotësohen kushtet

    Stoltenberg: NATO do ta ftojnë Ukrainën që të anëtarësohet kur të plotësohen kushtet

    Në samitin e sivjetmë të NATO-s që po mbahet në Vilnus të Lituanisë, një ndër temat kryesore do të jetë lufta në Ukrainë, njoftoi gazetarja e ATV-së, Flaka Vitaku, në një lidhje të drejtpërdrejt në emisionin DIREKT nga kryeqyteti lituanez ku po mbahet ky samit.

    “Në një kohë të kritike për sigurinë, ende po zhvillohet lufta nga agresioni rus në Ukrainë, presidenti Volodimir Zelenski, do të jetë pjesë e këtij samiti dhe pritet të inaugurojë këshillin NATO-Ukrainë. Ky këshill ka një rëndësi të madhe për Ukrainën, duke i dhënë mundësi të organizojë takime dhe të ngritë çështje të ndryshme, megjithëse nuk është anëtare e NATO-s. Një kërkesë tjetër e Ukrainës është të bëhet anëtare e NATO-s sa më shpejtë. Shtetet anëtare të NATO-s po e marrin parasysh këtë kërkesë, por nuk ka ende një marrëveshje në lidhje me këtë çështje. Sot, presidenti i SHBA-së, Joe Biden, u pajtua me deklaratat e Jens Stoltenberg-ut, në të cilën thuhet se do të mundohen të bëjnë më të mirën për të mbështetur Ukrainën, por duhet të presin deri në një moment të qetësohet situata”, njoftoi Vitaku.

    Vitaku tregoi se në këtë samit, është diskutuar edhe mbrojtja e Ukrainës nga çdo lloj agresioni që mund të vijë.

    “Shtetet e tjera në nivel botëror po ndihmojnë Ukrainën, duke ofruar ndihmë financiare përveç investimeve të tyre të larta. Në këtë samit është diskutuar për të mbrojtur Ukrainën nga çdo lloj agresioni që mund të vijë”, tha Vitaku.

    Raportimin e plotë të gazetares së ATV-së, Flaka Vitaku, drejtpërdrejt nga vendi ku po mbahet samiti i NATO-s e gjeni në videon më poshtë:

  • Samiti i NATO-s në Lituani, gazetarja e ATV-së tregon se çfarë tha Stoltenberg për Kosovën

    Samiti i NATO-s në Lituani, gazetarja e ATV-së tregon se çfarë tha Stoltenberg për Kosovën

    Në samitin e këtij viti të NATO-s, që po mbahet në Vilnius të Lituanisë, Kosova nuk do të jetë në agjendë, njoftoi gazetarja e ATV-së, Flaka Vitaku, në një transmetim të drejtpërdrejtë në emisionin DIREKT nga kryeqyteti lituanian ku po zhvillohet ky samit.

    Ajo tha se, edhe pse pritej që Kosova të ishte pjesë e agjendës, veçanërisht pas ngjarjeve të fundit në veri të vendit dhe rritjes së numrit të trupave të KFOR-it, Kosova nuk do të trajtohet në agjendë, përveç nëse dikush nga anëtarët e ngrit si çështje.

    Vitaku tregon se presidenti serb Aleksandar Vuçiq ka kërkuar një takim me kryetarin e NATO-s, Jens Stoltenberg, ndërsa ky i fundit, edhe pse u pyet nga gazetarët, nuk foli për këtë çështje.

    “NATO është aty për të garantuar sigurinë dhe stabilitetin për popullin e Kosovës. Ne po zbatojmë mandatin tonë në mënyrë të paanshme. Kemi shtuar praninë tonë për shkak të ndotjes së situatës, dhunës dhe tensioneve që kemi vërejtur në disa javët e fundit”, iu tha gazetarëve nga kreu i NATO-s, Jens Stoltenberg. /atvlive.tv

    Raportimin e plotë të gazetares së ATV-së, Flaka Vitaku, drejtpërdrejt nga vendi ku po mbahet samiti i NATO-s e gjeni në videon më poshtë:

  • Gjermania shqyrton dërgimin e trupave shtesë në Kosovë

    Gjermania shqyrton dërgimin e trupave shtesë në Kosovë

    Gjermania mund të dërgojë trupa shtesë për të përforcuar misionin paqeruajtës të NATO-s në Kosovë, KFOR, pas rritjes së tensioneve në veriun e Kosovës të banuar me shumicë serbe.

    Kështu deklaroi më 7 korrik ministri i Mbrojtjes së Gjermanisë, Boris Pistorius.

    “Pas kërkesës nga kolegia ime austriake Klaudia [Tanner], ne po shqyrtojmë nëse mund të rrisim pak angazhimin tonë brenda mandatit aktual [parlamentar] që t’i lehtësohet barra Austrisë”, tha ai për gazetarët pas takimit me homologët e tij nga Austria dhe Zvicra në Bern.

    Pasi në fund të majit, tensionet në veri të Kosovës u rritën, NATO angazhoi 700 trupa shtesë në Kosovë, përveç 4.000 trupave që veçse janë të dislokuar në Kosovë.

    Aktualisht, në kuadër të KFOR-it janë 70 trupa gjermane.

    Që nga fundi i majit, serbët në Zveçan, Leposaviq dhe Zubin Potok po kundërshtojnë që kryetarët e rinj shqiptarë të punojnë nga ndërtesat komunale. Ata po ashtu po kërkojnë tërheqjen e njësive speciale të Policisë së Kosovës nga veriu.

    Që nga ajo kohë, në veri janë shënuar disa incidente me shok-bomba dhe granata dore si dhe më 29 maj në Zveçan protestuesit serbë janë përleshur me pjesëtarët e KFOR-it. Nga këto përleshje kanë mbetur të lënduar dhjetëra persona nga të dyja palët.

    Bashkimi Evropian i ka paraqitur tri kërkesa Kosovës dhe Serbisë për të ulur tensionet.

    Për shkak të mospërmbushjes së tyre, BE-ja nga fundi i qershorit ka nisur të zbatojë disa masa ndëshkuese.

    Ambasada gjermane në Prishtinë më 6 korrik konfirmoi për Radion Evropa e Lirë, se ka ndërprerë përkohësisht bashkëpunimin me Kosovën në disa fusha të caktuara, shkaku i mospërmbushjes së kërkesave të BE-së.

  • Zyrtari i NATO-s: Prishtina edhe Beogradi të ndërmarrin hapa drejt shtensionimit

    Zyrtari i NATO-s: Prishtina edhe Beogradi të ndërmarrin hapa drejt shtensionimit

    Ndihmës Sekretari i Përgjithshëm i NATO-s për Operacionet, Tom Goffus, gjatë vizitës së tij në Kosovë të mërkurën ka thënë se “është urgjente që si Prishtina ashtu edhe Beogradi të ndërmarrin hapa të menjëhershëm drejt de-përshkallëzimit” dhe se “zgjidhja për stabilitet të qëndrueshëm është një zgjidhje politike”.

    “Është gjithashtu thelbësore që të dyja palët të koordinojnë siç duhet veprimet në terren dhe të respektojnë marrëveshjet ekzistuese,” tha ai.

    Ai gjithashtu u ka bërë thirrje të dyja palëve që të angazhihen në dialogun e lehtësuar nga BE-ja dhe që sa më shpejt të zbatojnë Marrëveshjen e Ohrit.

    Gjatë vizitës së tij në Kosovë të mërkurën, Goffus, është takuar me presidenten e Kosovës Vjosa Osmani dhe kryeministrin e vendit Albin Kurti.

    Në takimin e Kurtit me Goffus, Qeveria e Kosovës tha se kryeministri ka ngritur shqetësimin “për mungesën e ofrimit të qartësisë nga KFOR-i” sa i përket arrestimit të tre policëve të Kosovës më 14 qershor, “përkundër evidencës së bollshme të ofruar nga institucionet e Kosovës”.

    Autoritetet e Kosovës kanë thënë vazhdimisht se policët janë rrëmbyer brenda territorit të vendit, ndërsa ato në Serbi kanë thënë se ata kanë qenë “thellë” në territorin e tyre, kur janë arrestuar.

    Misioni i NATO-s në Kosovë, KFOR, më 16 qershor kishte thënë se nuk është e qartë se ku kanë qenë tre policët e Kosovës, në kohën e arrestimit nga forcat serbe.

    “Pas arrestimit të tre zyrtarëve të Policisë së Kosovës, më 14 qershor, misioni i KFOR-it, i udhëhequr nga NATO-ja, ka rishikuar vendndodhjen e ngjarjes dhe ka folur me përfaqësues të institucioneve në Kosovë dhe me autoritetet serbe. Bazuar në të dhënat e disponueshme, mbetet e paqartë se ku kanë qenë zyrtarët e Policisë së Kosovës në momentin e arrestimit”, thuhej në komunikatën e KFOR-it.

    Sipas njoftimit të Qeverisë, kryeministri po ashtu ngriti edhe shqetësimin për raportimet se në kishat ortodokse serbe është kontrabanduar armatim përmes ambulancave.

    Pretendimet në lidhje me kontrabandën e armëve përmes autoambulancave dhe ruajtjen e tyre nëpër kisha në Kosovë i bëri publike një ditë më parë ligjvënësja britanike, Alicia Kearns, gjë një debati në Parlamentin britanik.

    Ligjvënësja britanike, Kearns, tha se, ushtarët britanikë, që janë në kuadër të misionit të NATO-s në Kosovë, KFOR, “zbuluan se armët po kontrabandoheshin përmes kufirit nga Serbia në kishat ortodokse në Kosovë, duke përdorur autoambulanca”.

    Misioni i KFOR-it tha se ngjarjet që janë përmendur nga deputetja britanike i referohen vitit 2022 kur “një batalion i ushtrisë britanike ishte angazhuar në veri të Kosovës në mbështetje të misionit të NATO-s”.

    Ky mision tha se për praninë e pretenduar të armëve të paligjshme është raportuar në shtabin e KFOR-it, por gjatë hetimeve të kryera nuk janë gjetur prova për kontrabandë.

    Gjatë takimit me zyrtarin e lartë të NATO-s, kryeministri Kurti gjithashtu thuhet se ka përmendur masat ndëshkuese të Bashkimit Evropian të vendosura ndaj Kosovës, duke thënë se ato kanë krijuar asimetri në dialog.

    “Sundimi i ligjit, mungesa e protestave të dhunshme e aktiviteteve kriminale dhe zgjedhjet e hershme janë rruga përpara drejt de-eskalimit dhe për këtë qeveria është maksimalisht e angazhuar”, thuhet në njoftimin për media nga Kryeministria.

    Goffus takohet me Osmanin

    Ndihmës Sekretari i Përgjithshëm në NATO-s për operacione u prit në takim edhe nga presidentja e Kosovës, Vjosa Osmani.

    Në njoftimin për media nga Presidenca e Kosovës, u tha se me Goffus, Osmani diskutoi për situatën e sigurisë në veri të vendit dhe hapat për shtensionimin e gjendjes në këtë pjesë të vendit.

    Presidentja Osmani ka theksuar në këtë takim se institucionet e Kosovës janë të përkushtuara që së bashku me partnerët ndërkombëtarë t`i tejkalojnë sfidat aktuale dhe fuqizimin e sundimit te ligjit.

    “Po ashtu ajo theksoi se Kosova ka demonstruar vullnet për deeskalim, duke ofruar organizimin e zgjedhjeve të reja në veri të vendit, në përputhje me kornizën ligjore të Kosovës”, thuhet në njoftim.

    Gjithashtu, Osmani citohet të ketë thënë se institucionet e Kosovës mbeten “të përkushtuar ndaj përgjegjësive [që i kanë] si një partner i besueshëm i NATO-s, duke kontribuar aktivisht në sigurinë rajonale”.

    Vizita e Goffus në Kosovbë vjen në kohën kur tensionet në veriun e Kosovës, të banuar me shumicë serbe, janë të larta dhe bashkësia ndërkombëtare po bën thirrje të vazhdueshme për shtensionim të kësaj situate.

    Që nga fundi i majit, serbët po protestojnë në Zveçan, Zubin Potok dhe Leposaviq, duke kundërshtuar që kryetarët e rinj shqiptarë të punojnë nga ndërtesat komunale. Banorët lokalë serbë po ashtu po kërkojnë tërheqjen e njësive speciale të Policisë së Kosovës nga afërsia e ndërtesave.

    Serbët lokalë janë përleshur me pjesëtarët e KFOR-it në Zveçan më 29 maj. Nga përleshjet janë plagosur dhjetëra persona nga të dyja palët.

    Bashkësia ndërkombëtare ka kërkuar nga Kosova dhe Serbia që të ndërmarrin hapa për uljen e menjëhershme të tensioneve dhe në veri të mbahen zgjedhje të reja lokale.

  • ​NATO thotë se rebelimi i Wagnerit tregoi gabimin e Moskës për sulm ndaj Kievit

    ​NATO thotë se rebelimi i Wagnerit tregoi gabimin e Moskës për sulm ndaj Kievit

    Rebelimi i ndërprerë i grupit mercenar rus Wagner në fundjavë, e ka demonstruar shkallën e gabimit strategjik të Kremlinit kur e ka nisur luftën në Ukrainë, ka thënë Sekretari i Përgjithshëm i NATO-s, Jens Stoltenberg.

    Rusia ka tentuar të rikthejë qetësinë të hënën, pasi luftëtarët e Wagnerit e kanë ndërprerë avancimin drejt Moskës, janë larguar prej qytetit të kapur rus Rostov-on-Don dhe janë nisur drejt bazave të tyre në orët e vona të së shtunës, pas arritjes së një marrëveshjeje që u garanton siguri.

    Sipas marrëveshjes – të ndërmjetësuar nga lideri bjellorus, Alexander Lukashenka – komandanti i tyre, Yevgeny Prigozhin, duhet të shkojë në Bjellorusi.

    “Ngjarjet e fundjavës janë një çështje e brendshme dhe një tjetër demonstrim i një gabimi të madh strategjik që presidenti (Vladimir) Putin e ka bërë kur e ka nisur aneksimin e Krimesë dhe luftën në Ukrainë”, ka thënë Stoltenberg nga kryeqyteti i Lituanisë, raporton Radio Evropa e Lirë.

    Konfuzioni për ngjarjet e jashtëzakonshme të fundjavës i ka lënë qeveritë e Perëndimit në kërkim të përgjigjeve se çfarë mund të ndodhë në këtë shtet me arsenal të fuqishëm bërthamor – dhe me luftën që vazhdon të zhvillohet në Ukrainë.

    Stoltenberg ka thënë se NATO është duke e monitoruar situatën në Bjellorusi dhe e ka dënuar vendimin e Moskës për të dërguar armë bërthamore atje.

    “Ne nuk kemi parë shenja që Rusia është duke u përgatitur për t’i përdorur armët bërthamore, mirëpo NATO mbetet vigjilente”, ka thënë Stoltenberg, duke shtuar se mbrojtja e NATO-s është mjaftueshëm e fuqishme për t’i mbajtur njerëzit të sigurt “në një botë të rrezikshme”.

    Në të njëjtën kohë, Stoltenberg e ka ritheksuar mbështetjen e vazhdueshme të NATO-s për Kievin.

    “Nëse Rusia mendon se mund të na frikësojë nga ofrimi i ndihmës në Ukrainë, do të dështojë”, ka thënë ai.

    “Ne do të jemi afër Ukrainës sa të ketë nevojë”.

    Stoltenberg ka qenë në Lituani për t’i parë nga afërt stërvitjet e NATO-s.

    Ai ka thënë se stërvitjet dërgojnë mesazh të qartë se NATO është e gatshme të mbrojë çdo inç të aleancës.

    Lufta në Ukrainë ka nisur më 24 shkurt 2022.

    Presidenti rus, Vladimir Putin, e quan luftën si “operacion special ushtarak” për të çmilitarizuar Ukrainën.

    Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

    Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./REL

  • NATO ia kujton Kosovës dhe Serbisë obligimet nga Marrëveshja e Kumanovës, përfshirë çështjen e FSK-së në veri

    NATO ia kujton Kosovës dhe Serbisë obligimet nga Marrëveshja e Kumanovës, përfshirë çështjen e FSK-së në veri

    Zëdhënësja e NATO-s, Oana Lungescu, ka thënë se aleanca veri-atlantike i merr shumë seriozisht ngjarjet në veri të Kosovës.

    Sipas saj, KFOR-i po merr të gjitha masat e nevojshme për të siguruar një mjedis të sigurt dhe të sigurt dhe lirinë e lëvizjes për të gjitha komunitetet në Kosovë, “siç autorizohet me Rezolutën 1244 të Këshillit të Sigurimit të OKB-së”.

    Në në një postim në Twitter, ajo tha se angazhimi i KFOR-it për ta zbatuar mandatin e tij është i palëkundur, “siç tregohet nga vendosja e fundit shtesë prej 500 trupash”.

    Gjithashtu, NATO-ja u ka rikujtuar edhe njëherë palëve “obligimet e tyre ndaj KFOR-it sipas Marrëveshjes Teknike Ushtarake”, e njohur ndryshe si Marrëveshja e Kumanovës .

    E njëjta marrëveshje dha fund dhunës serbe në Kosovë si një parakusht për ndaljen e bombardimeve të NATO-s mbi caqet strategjike serbe.

    Me këtë marrëveshje – të nënshkruar më 9 qershor 1999 – Serbia detyrohej të tërheqë të gjitha forcat e saj policore dhe ushtarake nga Kosova.

    E po kjo marrëveshje, sipas zyrtares së NATO-s, përfshin respektimin e vijës kufitare administrative, procedurat për Policinë e Kosovës dhe Marrëveshja e vitit 2013 për dislokimin e Forcave të Sigurisë së Kosovës në veri.

    “Këto detyrime janë krijuar për të siguruar veprim të koordinuar, për të shmangur përshkallëzimin + ruajtjen e mjedisit të sigurt/të sigurt”, shtoi Lungescu.

    Reagimi i saj vjen pasi tre zyrtarë policorë janë rrëmbyer nga autoritet serbe të mërkurën që lamë pas.

    Serbia ka thënë se tre policët e Kosovës janë arrestuar “thellë brenda territorit” të saj, por Kosova e ka quajtur rrëmbim këtë veprim nga forcat serbe dhe ka thënë se ata ishin në territorin e Kosovës.

    Kurse, misioni paqeruajtës i NATO-s në Kosovë, KFOR, ka thënë më 16 qershor se mbetet e paqartë se ku pjesëtarët e Policisë së Kosovës ishin në kohën e arrestimit.

    Ky mision tha se ka inspektuar lokacionin ku ka ndodhur ngjarja dhe ka biseduar me përfaqësuesit e institucioneve në Kosovë dhe me autoritetet në Serbi.

    Autoritetet në Kosovë kanë deklaruar më 16 qershor se ndaj tre policëve një gjykatë në Kralevë të Serbisë ka shqiptuar masën e paraburgimit prej 30 ditësh.

    Të shtunën, Departamenti amerikan i Shtetit i ka bërë thirrje presidentit të Serbisë, Aleksandar Vuçiq, dhe Qeverisë serbe që t’i lirojë “menjëherë dhe pa kushte” tre policët e Kosovës, të arrestuar më 14 qershor.

    “Arrestimi i tyre dhe mbajtja në paraburgim nën akuza të pabaza kanë përkeqësuar situatën tashmë të tensionuar”, tha zëdhënësi i DASH-it, Matthew Miller, në një deklarate për media.

  • Zëvendësgjenerali i NATO-s takon Lajçakun, përmend edhe sulmin ndaj ushtarëve e KFOR-it në veri

    Zëvendësgjenerali i NATO-s takon Lajçakun, përmend edhe sulmin ndaj ushtarëve e KFOR-it në veri

    Zëvendësgjenerali i NATO-s, Mircea Geoană, u takua sot me, Përfaqësuesin Special të BE-së për Dialogun Kosovë-Serbi dhe çështjet tjera të Ballkanit Perëndimor, Miroslav Lajcak, i cili vizitoi së fundmi Beogradin dhe Prishtinën. Lajcak i informoi Këshillin e Atlantikut të Veriut për zhvillimet e fundit në veri të Kosovës dhe përpjekjet diplomatike aktuale të BE-së, thuhet në artikullin e publikuar në uebfaqen e NATO-s, përcjellë atvlive.tv.

    “Bashkëpunimi i shkëlqyer dhe i gjatë mes NATO-s dhe BE-së në rajon vazhdon të bëjë ndryshimin”, tha zëvendësgjenerali Geoană.

    “Shtabi i NATO-s, KFOR-i, aleatët si dhe Bashkimi Evropian dhe OSBE-ja kanë qenë pa pushim në përpjekjet e tyre për të ulur tensionet në veri të Kosovës dhe për të sjellë të dyja palët në tryezën e negociatave, brenda kornizës së dialogut të drejtuar nga BE-ja mes Beogradit dhe Prishtinës. NATO ka qenë i angazhuar për stabilitetin në Ballkanin Perëndimor për dekada; misioni ynë KFOR-i në terren, me mbi 4,000 ushtarë është dëshmi më e fortë e këtij angazhimi,” shtoi ai. Z. Geoana.

    Misioni i udhëhequr nga NATO-ja, KFOR-i, po ndërmerr të gjitha masat e nevojshme për të mbajtur një mjedis të sigurt dhe të qetë dhe për lirinë e lëvizjes për të gjithë popullin që jeton në Kosovë dhe vazhdon të veprojë në përputhje me mandatin e tij të OKB-së, i bazuar në Rezolutën 1244 të Këshillit të Sigurimit të OKB-së nga viti 1999. Ndihmat e NATO-s shtuan forcat në Kosovë më 5 qershor 2023, pas dhunës së pa provokuar në të cilën u lënduan disa ushtarë paqeruajtës të KFOR-it. Rreth 500 anëtarë të shërbimit ushtarak turk nga brigada e 65-të e këmbësorisë së Turqisë përbëjnë pjesën kryesore të forcave të shtuara të NATO-s. Batalioni turk do të vijojë të shërbejë në Kosovë për sa kohë që është e nevojshme. Një batalion shtesë i forcave rezervë të NATO-s është gjithashtu në gatishmëri të lartë për ta nisur në Kosovë, nëse është e nevojshme.

    NATO gjithashtu vazhdon të mbështesë dialogun e lehtësuar nga BE-ja mes Beogradit dhe Prishtinës, si mënyrë të vetme për paqen dhe sigurinë të qëndrueshme në Kosovë dhe stabilitetin në të gjithë rajonin, thuhet më tej në këtë artikull. /atvlive.tv

  • Presidenti polak kërkon anëtarësimin e Ukrainës në NATO

    Presidenti polak kërkon anëtarësimin e Ukrainës në NATO

    Presidenti polak Andrzej Duda u ka bërë thirrje vendeve anëtare të NATO-s që t’i japin Kievit një udhërrëfyes të qartë për t’u bashkuar me Aleancën.

    “Ukraina është duke pritur për një sinjal të qartë në lidhje me një perspektivë të qartë të anëtarësimit në NATO”, tha Duda më 12 qershor pas një takimi me presidentin francez Emmanuel Macron dhe kancelarin gjerman Olaf Scholz në Paris.

    Takimet trepalëshe që përfshijnë Gjermaninë, Francën dhe Poloninë, të njohura si Trekëndëshi i Vajmarit, filluan në vitin 1991 në Vajmar të Gjermanisë.

    Fillimisht, bisedimet synuan të sillnin Poloninë dhe shtetet e tjera të Evropës Lindore më afër Bashkimit Evropian dhe NATO-s.

    Gjermania, në muajin prill e ka miratuar kërkesën e Polonisë për t’i eksportuar pesë avionë të vjetër luftarakë të llojit MiG-29, për ta forcuar fuqinë ajrore të Ukrainës kundër pushtimit rus.

    Ministri gjerman i Mbrojtjes, Boris Pistorius, tha se kërkesa kishte mbërritur të enjten dhe se miratimi i kërkesës në po të njëjtën ditë nga Berlini tregon se të tjerët mund të mbështeten në Gjermaninë.

    Gjermania i trashëgoi 24 avionë të llojit MiG-29 nga ish-Gjermania Lindore pas ribashkimit në vitin 1990. Në atë kohë, ky lloj i avionit cilësohej si njëri ndër avionët luftarakë më të avancuar në botë.

    Në vitin 2004, Berlini ia dërgoi 22 avionë të tillë Polonisë. Nga dy avionët e mbetur në ushtrinë gjermane, një u shkatërrua gjatë një përplasjeje dhe një është në një ekspozitë në një muze.

    Polonisë i nevojitet paraprakisht miratimi nga Berlini zyrtar për t’i dërguar këta avionë në një vend tjetër.

    Presidenti ukrainas, Volodymyr Zelensky, tha gjatë një vizite në Varshavë se Polonia do të ndihmojë në formimin e një koalicioni të fuqive perëndimore për ta furnizuar Ukrainën me avionë luftarakë./REL/

  • Stoltenberg përshëndet vendimin e Turqisë për dërgesën e trupave shtesë në Kosovë

    Stoltenberg përshëndet vendimin e Turqisë për dërgesën e trupave shtesë në Kosovë

    Sekretari i Përgjithshëm i NATO-s, Jens Stoltenberg e ka përshëndetur vendimin e Turqisë për të sjell trupa shtesë në Kosovë, në kuadër të misionit paqeruajtës të NATO-s.

    Kjo gjatë një adresimi për media, pas takimit të tij me presidentin turk Rexhep Tajip Erdogan në Pallatin Dolmabahçe në Stamboll.

    Ai tregoi se ka zhvilluar një takim shumë produktiv me Erdoganin, me pjesëmarrjen e anëtarëve të qeverisë së tij të re, duke theksuar rëndësinë e Turqisë dhe kontributin e saj në NATO.

    Ai vuri në dukje furnizimin e njësive ushtarake të Turqisë për misionin paqeruajtës në Kosovë, duke theksuar rëndësinë e madhe të këtij kontributi në një kohë të përshkallëzimit të tensioneve në veri.

    Stoltenberg, shprehu tutje falënderimet e tij për Turqinë për dërgimin e trupave, duke treguar për kontributet e tjera të saj në Irak, Ukrainë dhe vende të tjera.

  • Ish-zëdhënës i NATO-s: Serbia të heqë ushtrinë nga kufiri, veriu është çështje e brendshme e Kosovës

    Ish-zëdhënës i NATO-s: Serbia të heqë ushtrinë nga kufiri, veriu është çështje e brendshme e Kosovës

    Ish-zëdhënës i NATO-s gjatë luftës në Kosovë, Jamie Shea, duke komentuar sitën e krijuar në veri të Kosovës gjatë ditëve të fundit a thënë se prania e ushtrisë serbe në kufirin me Kosovën është e papranueshme.

    Në një intervistë për “Euronews Albania”, Shea e cilësoi këtë veprim mbireagim të papranueshëm nga Beogradi, për diçka që është çështje e brendshme e Kosovës.

    “Kam qenë mjaft i qartë për dërgimin e forcave ushtarake serbe në kufi për një çështje që nuk i përket Serbisë, por është një çështje e brendshme e Kosovës. Ka një mbireagim, është e papranueshme dërgimi i këtyre trupave. Ato duhet të rikthehen në vendin e tyre. Beogradi duhet të heqë dorë nga ndërhyrja në punët e brendshme të Kosovës. Veriu është një çështje e brendshme e Kosovës. Mesazhi im është që: Kosovë, puno bashkë me BE dhe SHBA! Pavarësisht zemërimit, mos humbisni besimin e miqve më të ngushtë”, ka thënë Shea.