ATV

Tag: CONTEXT

  • Ftohja e marrëdhënieve me Shqipërinë nuk janë aq shqetësuese sa me vendet tjera mike, thotë Shqipe Pantina

    Ftohja e marrëdhënieve me Shqipërinë nuk janë aq shqetësuese sa me vendet tjera mike, thotë Shqipe Pantina

    Ish-deputetja, Shqipe Pantina, në emisionin CONTEXT në ATV, tha sa raportet mes kryeministrit të Kosovës Albin Kurti dhe atij të Shqipërisë Edi Rama janë të ftohura dhe se kjo sipas saj, nuk përbën ndonjë lajm.

    “Mendoj që me Shqipërinë raportet janë ndryshe dhe nuk mund t’i konsiderojmë si me çdo shtet tjetër dhe në çfarëdo rrethane, Kosova nuk mund ta humbë Shqipërinë. Tani a janë raportet e ftohura mes dy kryeministrave, kjo tashmë nuk besoj se përbën lajm apo don ndonjë analizë të thellë, sepse e kemi parë në vazhdimësi”, tha Pantina.

    Ajo tha se përkundër këtyre ftohjeve të raporteve mes dy kryeministrave, projektet e përbashkëta duhet të vazhdojnë.

    “Unë, përkundër kësaj ftohje mendoj se projektet e përbashkëta të dy qeverive duhet të vazhdohen dhe lajm i mirë se disa prej tyre po vazhdojnë. Nëse ato kanë ngecur, nuk kanë ngecur për faktin se ka mospajtime politike, por për shkak të neglizhencës, sepse edhe këtu te ne projektet brenda Kosovës, Qeveria jonë nuk është duke i realizuar, sidomos ato të investimeve kapitale. Kështu që, mund të jetë kjo arsyeja pse disa prej projekteve të përbashkëta nuk janë duke u zbatuar ashtu siç është dashur”, tha Pantina.

    Ndonëse këtë ftohje të raporteve ajo nuk e sheh si shqetësim, sa e sheh shqetësuese raportin e Qeverisë me shtetet tjera mike.

    “Por, unë nuk shoh ndonjë shqetësim në raport me Shqipërinë, siç është për shembull shumë shqetësuese raportet e këtyre javëve të fundit që Qeveria jonë i ka me shtetet tjera mike, e kur them Qeveria jonë, natyrisht Qeveri nuk mundesh me e shkëput prej shtetit në përgjithësi, ndonëse në shoqërinë tonë ka zëra dhe duhet të ketë dhe ka në secilën shoqëri, por ka zëra që ë bukur lart e ngrisin zërin kundër këtyre ftohjeve të raporteve, por në fund të ditës, Kosovën e përfaqëson Qeveria dhe kjo është shqetësim i cili besoj se na preokupon secilin i cili ka një vetëdije politike të paktën”, tha Pantina. /atvlive.tv

    Emisionin e plotë e gjeni në videon më poshtë:

  • Ish-ambasadori Ukshini për raportin Kosovë-Shqipëri: Jemi një komb, por nga 2008-ta jemi dy shtete fqinje

    Ish-ambasadori Ukshini për raportin Kosovë-Shqipëri: Jemi një komb, por nga 2008-ta jemi dy shtete fqinje

    Ish-ambasadori i Kosovës në Shqipëri, Sylë Ukshini, në emisionin CONTEXT në ATV, tha se të qenurit një komb me Shqipërinë, është ajo pjesa emocionale dhe romantike, por në kuptimin e shtetit, thotë ai, duhet të pranojmë se nga viti 2008, jemi dy shtete fqinje.

    “Në këto marrëdhënie ka shumë probleme, por kini parasysh, ne vërtetë jemi një komb, kemi një gjuhë, kemi një histori, por kjo është ajo pjesa më se emocionale dhe romantike. Në kuptimin e shtetit, të administratave, ne duhet ta pranojmë, nga 2008 jemi shtete fqinje dhe këtu ka procedura dhe nuk ecim në kuptimin me dëshirat, me dinamikat që dëshirojmë. Shpesh herë, iniciativat private, mediat, intelektualët ose nismat e individëve të caktuar, ecim përpara”, tha Ukshini.

    Ai tha se që nga mbledhja e përbashkët në janar të vitit 2014, ka pasur progres në raportet mes Kosovës dhe Shqipërisë, por sipas tij, duhet të bëhet më shumë në këtë drejtim.

    “Nëse e marrim dinamikën e raporteve ose mbledhjen e parë me 11 janar të vitit 2014, mendoj se ka pasur progres. A duhet të bëhet më shumë, pa diskutim duhet të kritikojmë edhe më fuqishëm, sepse i japin shtytje. Unë kam qenë pjesë e atij mekanizmi dhe shpeshherë kritikat kur janë bërë, kemi thënë ‘ndalu se kjo pikë është e dobët, duhet të korrigjohet, duhet të kërkohet, duhet të ecët”, tha Ukshini.

    Aspekti ekonomike, sipas tij, do duhej të ishte fusha me prioritetin më të lartë të marrëdhënieve mes Kosovës dhe Shqipërisë, në mënyrë që këto dy shtete të mund të
    bëhen konkurrues në rajon.

    “Unë mendoj se ka shumë gjëra, dhe një nga letrat kur e kam bërë në fund në përshëndetje të misionit tim, kam thënë ‘ne duhet të kemi në kuptimin e fushës ekonomike prioritete të larta në kuptimin me produkte strategjike’. Çfarë nënkupton, ajo çfarë prodhon Kosova, Shqipëria të mos investojë por të krijojë treg. Atë që e prodhon Shqipëria, të krijojë treg Kosova. Kështu do të bëhemi konkurrues në rajon”, vlerësoi Ukshini. /atvlive.tv

    Emisionin e plotë e gjeni në videon më poshtë:

  • Pozhari: Askush më shumë se Kurti nuk ka qenë i zëshëm kundër Asociacionit

    Pozhari: Askush më shumë se Kurti nuk ka qenë i zëshëm kundër Asociacionit

    Analisti politik, Xhevdet Pozhari, në emisionin CONTEXT në ATV, tha se askush më shumë se kryeministri Kurti nuk ka qenë i zëshëm kundër Asociacionit sa ka qenë në opozitë.

    Sipas tij, sot opozita, pos që duhet të zbatohen marrëveshjet, nuk ka ndonjë argument tjetër kundër kryeministrit Kurti.

    “Kurti ka ardhur si derivat i një vullneti qytetar dhe besoj që të gjithë e dimë që veprimet e tij kundër Asociacionit kanë qenë aq të zëshme dhe publike sa nuk mund t’i thotë askush që ‘ti na mashtrove ngaqë ne nuk e dinim që ti je kundër Asociacionit’. Askush s’mund të thotë sot Kurti, që e kam pas të paqartë se çfarë qëndrime ka ai ndaj atyre marrëveshjeve. Këtë e them jo për ta amnistu Kurtin, sepse është biografia e tij, janë qëndrimet e tij publike dhe kushdo mund t’i komentojë dhe interpretojë si të dojë, mirëpo në atë kohë bëhej presion kur ishte koha që të mos nënshkruheshin këto marrëveshje, veçanërisht Asociacioni, për të mos u bërë kompromisi siç e quante Vetëvendosja apo koncesioni ndaj Serbisë, ndërsa sot opozita nuk ka ndonjë argument me çka do t’i kundërvihej Kurtit, përveç se thotë që ‘ne duhet t’i zbatojmë ato marrëveshje’”, tha Pozhari.

    Ai tha se sa i përket legjitimitetit të kryetarëve të komunave, poashtu edhe procesit zgjedhor, Qeveria ka qenë plotësisht në koordinim me partnerët ndërkombëtarë.

    “Nga që zgjedhjet janë shtyrë, si afat në dakordim me partnerët ndërkombëtarë u është bërë thirrje në vazhdimësi serbëve që të marrin pjesë në zgjedhje. Ata gjithmonë kanë kushtëzua, siç kanë kushtëzua që të mos kthehen edhe në të gjitha zhvillimet që kanë ndodhur deri tash. Edhe në këtë drejtim, mbajtja e zgjedhjeve të reja në veri, përderisa e kemi diskutu që se me aq vota sa kanë fitu kryetarët edhe derisa nuk përfaqësojnë tërësisht në plotni legjitimitetin qytetar, do duhet të diskutohej kjo çështje. Edhe Kurti vetë e ka pranu që ata nuk janë kryetar me fuqi të plotë vendimmarrëse dhe në këtë pjesë nuk shoh telashe, pra më tepër ndonjë herë kam përshtypjen që bëhet zhurmë për t’ju dhënë nuanca të cilat mund të jenë edhe më të paqëndrueshme për thelbin për çka diskutohet. Unë e shoh në këto dy pika, në tërësi Qeverinë në koordinim me partnerët ndërkombëtarë”, tha Pozhari. /atvlive.tv

    Emisionin e plotë e gjeni në videon më poshtë:

  • Behrami: U dëshmua se anti-amerikanizmi i Kurtit nuk ishte një lojë për pushtet, por ideologjik

    Behrami: U dëshmua se anti-amerikanizmi i Kurtit nuk ishte një lojë për pushtet, por ideologjik

    Analisti Artan Behrami, në emisionin CONTEXT në ATV, tha se shoqëria e jonë nuk po arrinë me e pa rrezikun që po i kanoset Kosovës për teket e një lideri, i cili po kërkon lavdinë.

    Ai tha se tashmë është dëshmuar se anti-amerikanizmi i Kurtit nuk ka qenë lojë për pushtet, por ka qenë ideologjik.

    “Ne si shoqëri, nuk po arrijmë me e pa rrezikun, i cili është duke iu kanosur Republikës së Kosovës për teket e një lideri, i cili kërkon lavdinë, i cili tashmë është dëshmuar që anti-amerikanizmi i tij nuk ka qenë lojë për pushtet, por ka qenë ideologjik, ka qenë i vazhdueshëm edhe në opozitë edhe në pushtet, por tash që është kryeministër, dëmet munden me qenë i pariparueshëm për Republikën e Kosovës”, tha Behrami.

    Ai thotë se Escobar-it duhet të merren seriozisht dhe elita politike të mos sillet sikur s’ka ndodhur asgjë.

    “Deklaratat e Escobar-it nuk janë deklarata të ndonjë diplomati, sepse amerikanët duket se kanë hjekë dorë nga diplomacia. Ai ka folë drejtpërdrejt dhe ka folë si mik i Kosovës, si një mik që e përfaqëson një shtet të madh që ka investu në Kosovë dhe deklaratat e tilla duhet të merren shumë më seriozisht prej opinionit publik në Kosovë, prej elitave politike, me që kemi elita në pushtet edhe në opozitë, edhe zëra në media sociale sikur asgjë s’ka ndodhë, jeta vazhdon edhe më tutje, dhe ma kujton kohën e luftës kur Drenica digjej, na Mitrovica të gjithë ishim duke u larë në lumin Ibër”, tha Behrami. /atvlive.tv

    Emisionin e plotë e gjeni në videon më poshtë:

  • Pozhari: Përveç zbatimit të marrëveshjeve, opozita s’ka ndonjë argument kundër Kurtit

    Pozhari: Përveç zbatimit të marrëveshjeve, opozita s’ka ndonjë argument kundër Kurtit

    Analisti politik, Xhevdet Pozhari, në emisionin CONTEXT në ATV, tha se opozita nuk ka ndonjë argument që do të mund t’i kundërvihej Albin Kurtit, përpos se “Kosova duhet t’i zbatojë marrëveshjet”.

    “Askush s’mund të thotë sot Kurti, që e kam pas të paqartë se çfarë qëndrime ka ai ndaj atyre marrëveshjeve. Këtë e them jo për ta amnistu Kurtin, sepse është biografia e tij, janë qëndrimet e tij publike dhe kushdo mund t’i komentojë dhe interpretojë si të dojë, mirëpo në atë kohë bëhej presion kur ishte koha që të mos nënshkruheshin këto marrëveshje, veçanërisht Asociacioni, për të mos u bërë kompromisi siç e quante Vetëvendosja apo koncesioni ndaj Serbisë, ndërsa sot opozita nuk ka ndonjë argument me çka do t’i kundërvihej Kurtit, përveç se thotë që ‘ne duhet t’i zbatojmë ato marrëveshje’”, tha Pozhari.

    Ai thotë se në këtë situatë kur Kurti është lojtari kryesor, opozita është fragjile.

    “Në të kaluarën nuk është se nuk ka pasur rezistencë, ne e dimë që kanë rënë qeveri edhe shkaku i dialogut. Ka pasur siguresë brenda asaj qeverie, sepse njëri partner, në një mesnatë dilte dhe fillonte atë lojën për prishjen e partneritetit. Tash kemi një pushtet, i cili e ka dominancën e votave dhe rrjedhimisht ka një vullnet politik që mund ta çojë një agjendë më tutje. Për disa mund të jetë jo mënyra e duhur, e gabuar për disa mund të jetë pikërisht ajo që unë e dëgjoj shpesh në komunikim që të zgjidhet një çështje njëherë e përgjithmonë, sepse s’mund të zgjatet pafundësisht”, tha Pozhari. /atvlive.tv

    Emisionin e plotë e gjeni në videon më poshtë:

  • Escobar: Serbët të marrin pjesë në zgjedhjet e reja pa kushte

    Escobar: Serbët të marrin pjesë në zgjedhjet e reja pa kushte

    I dërguari i posaçëm i Shteteve të Bashkuara të Amerikës për Ballkanin Perëndimor, Gabriel Escobar, në takimin e tij të sotëm me gazetarë, tha se, në koordinim me partnerët evropianë, janë duke punuar që të ketë zgjedhje të reja në veri të vendit, transmeton ATV.

    Ai tha se serbët duhet të jenë të pranishëm në institucione, duhet të marrin pjesë në zgjedhje, pa parakushte.

    “Mesazhi që do ta përçojmë është i njëjtë. Serbët duhet të jenë të pranishëm në institucione, duhet të marrin pjesë në zgjedhje, pa parakushte. Ne e kuptojmë se pasi të jenë zgjedhur, do të kenë zë legjitim që të ngrenë shqetësimet që kanë, dhe ata kanë shqetësime legjitime, siç po thosha më parë”, tha Escobar.

    Ai tha se, përmes themelimit të Asociacionit, do të shtendoset kontrolli i Serbisë në veri dhe të kthehet në kontrollin e Kosovës.

    “Asociacioni është mënyrë nëpërmjet të cilit shtendoset kontrolli i Serbisë në veri dhe të kthehet në kontrollin kosovar. Nën kushtetutën tuaj dhe strukturën tuaj ligjore. Andaj mendoj se është një mundësi për të lëvizur para. Nuk e kuptoj se pse ndokush do ta shihte ndryshe, sepse asociacioni, në fund të ditës, edhe nëse nuk është negociuar ndërmjet Serbisë dhe Kosovës, nuk është domosdo një koncesion për Serbinë. Është një njohje e nevojave të komunitetit pakicë”, tha Escobar. /atvlive.tv

    Emisionin e plotë e gjeni në videon më poshtë:

  • Escobar thotë se në Ohër e kanë detyruar Serbinë të pranojë gjithçka, por palët janë duke bërë shkelje të marrëveshjes

    Escobar thotë se në Ohër e kanë detyruar Serbinë të pranojë gjithçka, por palët janë duke bërë shkelje të marrëveshjes

    I dërguari i posaçëm i Shteteve të Bashkuara të Amerikës për Ballkanin Perëndimor, Gabriel Escobar, në takimin e tij të sotëm me gazetarë, tha se në Ohër, Serbisë i është kërkuar të pranojë marrëveshjen sipas kushteve evropiane, që kërkon Serbisë ta njohë integritetin territorial të Kosovës, transmeton ATV.

    “Në Ohër, nuk ishte një Dejton tjetër, por mjaft e ngjashme. Ajo çfarë keni është një marrëveshje e normalizimit, sipas kushteve evropiane, që i kërkon Serbisë ta njohë integritetin tuaj territorial, sovranitetin tuaj, kontrollin tuaj administrativ të të gjithë shtetit me fuqi të së drejtës ndërkombëtare, të njihet flamuri juaj, simbolet tuaja kombëtare, diplomat, pasaportat, dokumentet tuaja qeveritare dhe të mos bllokohet Kosova në përpjekjet e saj për integrim në cilëndo organizatë ndërkombëtare”, tha Escobar.

    Ai tha se të dyja palët janë duke bërë shkelje të marrëveshjes.

    “Është thënë se Serbia veç se e ka shkelur këtë. Por ana tjetër është se Kosova duhej të fillonte menjëherë diskutimet për asociacionin, gjë që nuk e ka bërë. Andaj, ose të dyja palët janë duke bërë shkelje, ose asnjëra. Bashkimi Evropian, ligjërisht nuk jemi të sigurt, sepse nuk jemi pajtuar për një plan të renditjes, andaj ata nuk janë të sigurt a ka nisur apo jo, ligjërisht, na pikëpamja ynë deklarimi politik i marrëveshjes ishte i mjaftueshëm për ta nisur, andaj të dyja palët janë duke bërë shkelje”, tha Escobar.

    Sipas tij, nuk duhet të ndodh një tjetër konferencë, por se duhet të implementohet ajo, për të cilën veç se është arritur të ketë pajtim mes Kosovës dhe Serbisë. /atvlive.tv

    Emisionin e plotë e gjeni në videon më poshtë:

  • Escobar thotë se pala kosovare e ka draftin për Asociacionin, por nuk po e prezanton

    Escobar thotë se pala kosovare e ka draftin për Asociacionin, por nuk po e prezanton

    I dërguari i posaçëm i Shteteve të Bashkuara të Amerikës për Ballkanin Perëndimor, Gabriel Escobar, në takimin e tij të sotëm me gazetarë, tha se pala kosovare e ka një draft për Asociacionin, por sipas tij, nuk duan ta paraqesin, raporton ATV.

    “Ata duhet që menjëherë të prezantojnë një draft të një ligji që do ta sillte atë në jetë, tani, menjëherë. Dhe ata kanë një, por thjesht nuk duan ta paraqesin”, tha Escobar.

    Ai tha që nëse palët (Kosova dhe Serbia) nuk i përmbahen Marrëveshjes së Brukselit, i bie se po e refuzojnë BE-në.

    Po ashtu, Escobar shtoi se Aleksandar Vuciq nuk mund të ketë të drejtë vetoje se kur mbahen zgjedhjet për katër komunat në veri të Kosovës, ndërsa shtoi se kjo dritare i mbyllet nëse Kosova bashkëpunon duke e themeluar Asociacionin. /atvlive.tv

    Emisionin e plotë e gjeni në videon më poshtë:

  • Escobar: Më së largu nesër të arrihet një marrëveshje për qetësim të situatës në veri

    Escobar: Më së largu nesër të arrihet një marrëveshje për qetësim të situatës në veri

    I dërguari i posaçëm i Shteteve të Bashkuara të Amerikës për Ballkanin Perëndimor, Gabriel Escobar, në takimin e tij të sotëm me gazetarë, tha që më së largu nesër duhet të arrihet një marrëveshje për qetësim të situatës në veri, transmeton ATV.

    “Një rrugë është shpërshkallëzimi, rruga e dytë është zgjedhje të reja me pjesëmarrje të serbëve, dhe e treta duhet të lëvizim menjëherë drejt implementimit të marrëveshjes së Ohrit, që do të thotë se duhet të shohim një përpjekje të vërtetë të Kosovës për t’u angazhuar për asociacionin dhe po ashtu duhet të shohim hapa të ndërmarrë nga Serbia. Andaj, kjo duhet të bëhet tani dhe duhet të pajtohemi për këtë sot dhe nesër, sepse të premten, Miroslavi [Lajcak] dhe unë, pritet që të japim raporte te eprorët tanë, lidhur me atë se a ishim të suksesshëm apo jo”, tha Escobar.

    Ai tha se BE-ja ka prezantuar një rrugë përpara, që është shpërshkallëzimi i menjëhershëm, dhe kjo do të përfshinte një plan që kryetarët jo domosdo të kenë nevojë të punojnë në ato ndërtesa, përderisa tensionet janë kaq të larta.

    “Në SHBA, ne kemi shumë përvoja në situata të tilla, dhe ne tentojmë t’i ndajmë këto përvoja dhe vizionin tonë. Mund të ju them personalisht se isha duke punuar në një ndërtesë federale në San Francisko në vitin 1991, kur po protestohej kundër Luftës së Gjirit. Dhe ishte mbyllur një ndërtesë federale në të cilën ndodheshin prokurorët, FBI-ja, dhe institucione të tjera federale. Ata thjesht kaluan në një ndërtesë tjetër, dhe e vazhduan punën. Dhe askush nuk tha se ne ia dhamë sovranitetin asaj turme”, tregoi Escobar. /atvlive.tv

    Emisionin e plotë e gjeni në videon më poshtë:

  • Escobar: SHBA është përkrahësi më i madh i Kosovës, kemi sfida me kryeministrin aktual

    Escobar: SHBA është përkrahësi më i madh i Kosovës, kemi sfida me kryeministrin aktual

    I dërguari i posaçëm i Shteteve të Bashkuara të Amerikës për Ballkanin Perëndimor, Gabriel Escobar, në takimin e tij të sotëm me gazetarë, ri përsëriti se SHBA është mbështetësi më i madh i Kosovës dhe se marrëdhëniet mes këtyre dy vendeve nuk kanë ndryshuar, transmeton ATV.

    “Dua ta përsëris për njerëzit, se marrëdhënia ndërmjet Shteteve të Bashkuara dhe Kosovës është marrëdhënie ndërmjet popujve të shteteve tona, dhe kjo marrëdhënie është e fortë dhe nuk do të ndryshojë. Ne do të vazhdojmë të jemi mbështetësit tuaj më të fuqishëm në komunitetin ndërkombëtar. Ne jemi të angazhuar për pavarësinë tuaj, sovranitetin tuaj, sigurinë tuaj si dhe prosperitetin tuaj ekonomik. Kur unë diskutoj me njerëzit në anembanë vendit dhe me kosovarët të cilët vijnë në Uashington, vazhdimisht më vijnë ndër mend mundësitë e jashtëzakonshme që ekzistojnë ndërmjet dy vendeve tona, dhe mundësitë e jashtëzakonshme që ekzistojnë në këtë vend, si vend i kulturës kreative, kulturës sipërmarrëse, si një që do të jetë një krijuese e punës në të ardhmen, brenda Evropës. Andaj, kjo është ajo në çfarë unë jam fokusuar”, tha Escobar.

    Ai sqaroi se kanë disa sfida në marrëdhënien bilaterale sa i përket raportit me kryeministrin.

    “Shpresoj që njerëzit ta kuptojnë se çfarëdo vështirësi aktuale që kemi me kryeministrin, nuk do të ndikojnë në këto mendime. Por ne kemi disa sfida në marrëdhënien bilaterale, sa i përket raportit me kryeministrin. Do të jem i sinqertë, SHBA-ja ka qenë mbështetësja juaj më e madhe dhe më dhemb të shoh se njerëzit mendojnë se në një mënyrë, ne po e braktisim këtë marrëdhënie dhe angazhimin tonë me Kosovën, në dobi të Serbisë”, shpjegoi Escobar. /atvlive.tv

    Emisionin e plotë e gjeni në videon më poshtë: