Tag: Ballina

Opozita tashmë ka marrë vendim për bojkot të punës në Kuvend derisa vetëm deri më 15 korrik ka afat të miratohet projektligji për skemat pensionale. Nëse partia në pushtet nuk arrin ta votojë e vetme, atëherë Ligji aktual do të shfuqizohet, pas një jave.

Gjatë kësaj jave Qeveria miratoi plotësim-ndryshimin e Ligjit për skemat pensionale. Aktgjykimi i Gjykatës Kushtetuese e obligon edhe Kuvendin për miratim.

Por, ky projektligj për të cilin afat për votim ka vetëm edhe një javë mund të mos votohet në Kuvend për shkak të bojkotit të punës nga partitë opozitare.

“Ne tash kemi qëndrim politik që ne nuk marrim pjesë në votim por japim kontrubutin tonë me atë që është brenda kompetencave të secilit deputet.”

“Ne kemi marr një vendim, që nuk do të marrim pjesë as në votim në Parlament e as në komisione parlamentare.”

Ani pse pushteti ka mjaftueshëm deputetët për kalimin e këtij projektligji pritet të shihet nëse të gjithë do të jenë të pranishëm në seancë.

Ndërkaq Gjykata Kushtetuese në rast të mosvotimit në Kuvend do ta shfuqizojë Ligjin më 15 korrik 2023.

Duke e konsideruar si mundësi të mirë për përafrim të raporteve, njohës të çështjeve politike besojnë se Kryeministri Albin Kurti do t’i përgjigjet pozitivisht ftesës së kryeministrit të Shqipërisë Edi Rama, për pjesëmarrje në Samitin e Tiranës për Procesin e Berlinit.

Përkundër raporteve të acaruara kohëve të fundit dhe refuzimit të kryeministrit të Kosovës, Albin Kurti të takohet me të, homologu i tij shqiptar, Edi Rama e ftoi publikisht në Samitin e Tiranës të Procesis të Berlinit.

Ftesa, gati tre muaj para takimit, nga njohës të politikës konsiderohet si hapje e Ramës për qetësim të raporteve.

“Ftesa e Ramës drejtuar Krutit për Samitin e Tiranës, ishte një reflektim KARSHI mospajtimeve që kishin. Ftesa ku tha se e fton të jetë pjesë e procesit, tregon se rama Dëshiron që t’i relaksojë raportet me Kurtin e Kosovën.”

Andaj, Fidan Ukaj, beson se gjasat janë të mëdha të ketë përgjigje pozitive.

“Mendoj se kurti do të reflektojë dhe do t’I përgjigjet pozitivisht ramës, e pastaj të reflektojë edhe në Raport me Faktorët ndërkombëtar, në mënyrë që masat e përkohëshme të hiqen.

Pritshmëri të njëjtë për mosrefuzim, ka edhe njohësi tjetër i çështjeve politike nga Shqipëria, Ben Andoni.

“Besoj se deri në tetor do ketë presion ndryshe ndaj kurtit, dhe mbi te gjitha do gjenden elemente tjera për t’u qetësuar Tirana me Prishtinën. Duhet ta kemi parasysh se Rama kur refuzoi mbledhjen, dhe përdori gjuhë të papërshtatshme.

Sidoqoftë, zyrtarë nga Qeveria e Kosovës ende nuk janë deklaruar lidhur me ftesën publike që Rama i bëri kryeministrit të Kosovës, të premten.

Ministrja e Punëve të Jashtme e Kosovës, Donika Gërvalla, ka deklaruar se Bashkimi Evropian pa Shtetet e Bashkuara të Amerikës dhe NATO-n, në aspektin e sigurisë është i paaftë. Në Forumin e Dubrovnikut, ku mori pjesë në panel së bashku me përfaqësuesin e BE-së për dialog Miroslav Lajçak dhe emisarin amerikan, Gabriel Escobar, Gërvalla ka vlerësuar se Bashkimi Evropian nuk mund të garantojë paqe dhe siguri në Evropë. Ky qëndrim i saj u replikua nga emisarët.

Pas marrëveshjes së Brukselit me 27 shkurt, dhe aneksit të Ohrit, Kosova dhe Serbia nuk mund te kthehen prapa, tha përfaqësuesi i Bashkimit Evropian për dialog Miroslav Lajçak.

Gjatë diskutimit në Forumin e Dubrovnikut në panel se bashku me ministren e Jashtme të Kosovës, Donika Gërvalla dhe emisarin amerikan, Gaberiel Escobar, Lajçak tha se njëra nga sfidat kryesore të Ballkanit Perëndimor është normalizimi i marrëdhënieve Kosovë – Serbi.

“Më herët gjatë këtij viti u arritën 2 marrëveshje shumë të rëndësishme, këto marrëveshje na dhanë platformë të re në negociata dhe them se nuk ka më kthim prapa. Këto marrëveshje na japin dy obligime atë në mes të Kosovës e Serbisë dhe atë në mes të këtyre dy shteteve veçmas dhe BE-së. Natyrisht rrugës ka edhe pengesa dhe me çështjen e zgjedhjeve në veri ndodhi një pengesë. Tani kemi tre kushte për t’u kthyer në normalitet sepse duam t’i zbatojmë

marrëveshjet e arritura sepse nuk ka alternativë tjetër. Tani me platformën e re në negociata nuk mund të kthehemi pas”

Teksa tha se Kosova është shembulli më i mirë në rajon sa i përket sundimit tw ligjit, ministrja e Jashtme, Donika Gërvalla, u tregua skeptike nëse Bashkimi Evropian mund të garantojë paqe në Evropë.

“Pyetja kyçe është për sigurinë në Ballkanin Perëndimor është se a mund dhe a është Bashkimi Evropian unioni që mund të garantojë siguri dhe paqe në Evropë? Vlerësimi im është që BE-ja nuk mundet. Sepse nuk është në gjendje dhe e aftë për të ofruar siguri. Arsyet janë të dukshme: nuk ka vullnet politik, ka shumë mospajtim në union dhe pa SHBA-në dhe NATO-n, BE-ja është një ‘Tigër nga letra” në aspektin e sigurisë. Për shkak se ju e dini këtë, kërkoni paqe në vazhdimësi. Mirëpo, kjo është e rrezikshme. Paqësimi i BE-së me Rusinë ka bërë që Putini të përshkallëzojë”

Ky vlerësim i kryediplomates kosovare, siç duket nuk i pëlqeu emisarit amerikan për Ballkanin Perëndimor, Gabriel Escobar.

“Këtu më duhet t’i replikojë koleges nga Kosova, por gjithçka pozitive që po ndodhë në Ballkan është për shkak të bashkëpunimit evropiano-amerikan. Secili shtet tashmë ka lëvizur përpara. Natyrisht që kemi nevojë për siguri, por angazhimi i NATOs në rajon është shumë i rëndësishëm,. Ashtu ishte në Bosnje e edhe në Kosovë. Dallimi është që shtetet anëtare në NATO tashmë i kanë tejkaluar sfidat etnike. Por ato që vazhdojnë të kenë udhëheqësi që beson në popullzim e nacionalizëm dhe rivalitet etnik kanë shumë sfida. Andaj shpresoj të shfrytëzojmë dialogun procesin e zgjerimit në BE dhe angazhimin amerikan të ndihmojnë këto tre shtete në kthehen në rrugën që duhet të jenë e që është integrimi i plotë në BE.”

Për situatën në Ballkan, konkretisht në Kosovë, Gaberiel Escobar foli paraprakisht me gazetarë edhe në Zagreb.

Escobar tha se shpreson që kryeministri Albin Kurti do t’i pranojë kërkesat e ndërkombëtareve për tejkalim të krizës në veri. Sipas emisarit amerikan, ka

indikacione se Beogradi mund t’i pranojë kërkesat e BE-së, por e njëjta gjë nuk mund të thuhet edhe për Prishtinën.

Kryediplomatja e Kosovës Donika Gërvalla -Schëarz në fjalën e saj në Forumin e Dubrovnikut ka bërë një vlerësim për Bashkimin Europian duke thënë se ky union është tigër prej letre dhe nuk mund të ofrojë siguri pa ndihmën e SHBA’së dhe NATO’s.

Gërvalla, këtë konstatim e ka bërë duke e përdorur një fjali të një gazetari gjerman, pa ia përmendur emrin.

Ndaj kësaj ka reaguar emisari i BE’së Miroslav Lajcak duke ia kthyer Gërvallës.

“Gjëja e parë që dua të them ësgtë se BE është larg të qenurit perfekte, por është më e mira që kemi. Është unioni më i suksesshëm i shteteve. Nuk ka bashkim tjetër shtetesh në këtë planet qe ka sjellë stabiltet politik, prosperitet ekonomik, kohezion social më të madh dhe respekt për të drejtat e njeriut. Kështu që mendoj se hyrja në BE është arritje dhe endërr e vendeve që trokasin në dyert e BE’së” ka thënë Lajçak.

Emisari special i Bashkimit Evropian për dialogun Kosovë – Serbi, Miroslav Lajçak ka thënë se udhëtimi i tij në Ballkan e ka ndihmuar atë më shumë për të kuptuar situatën që është në veri të Kosovës.

Lajçak ka thënë se vazhdojnë përpjekjet për të normalizuar marrëdhëniet ndërmjet Kosovës dhe Serbisë.

“Vazhdon përpjekja jonë për të kthyer në rrugën e normalizimit marrëdhëniet ndërmjet Kosovës dhe Serbisë”, shkruan ai në postimin e bërë në Facebook.

Tutje, ai ka dhënë detaje rreth takimeve që ka pasur në Kosovë dhe Serbi.

“Në fillim të kësaj jave, udhëtova në Kosovë dhe Serbi, në kuadër të përpjekjeve të BE-së për gjetjen e një zgjidhjeje për situatën e tensionuar në veri të Kosovës. Fokusi kryesor ishin takimet e mia me presidenten Vjosa Osmani dhe kryeministrin Albin Kurti në Kosovë, si dhe me presidentin Aleksandar Vuçiq në Serbi për të shqyrtuar opsionet për rrugën përpara në përputhje me kërkesat e BE-së për deeskalim, zgjedhje të reja lokale me pjesëmarrja e serbëve të Kosovës dhe kthimi në dialog”.

“Në Kosovë takova edhe shefin e ri të Misionit të BE-së për Sundimin e Ligjit në Kosovë, gjeneralmajor Barbano dhe komandantin e KFOR-it, gjeneralmajor Ristuccia. Ne diskutuam situatën e sigurisë në Kosovë, nevojën urgjente që të gjitha palët të ndërmarrin hapa konkretë për de-përshkallëzimin dhe kemi shqyrtuar opsionet për kontributin e organizatave tona”, ka shkruar ai tutje.

Presidenti i Serbisë, Aleksandar Vuçiq thotë se ka zhvilluar një bisedë telefonike me homologun francez, Emmanuel Macron.

Ai deklaron se me presidentin e Francës ka biseduar rreth situatës aktuale në Kosovë.

Në llogarinë personale në Instagram, Vuçiq ka pohuar se i ka thënë Macronit që Kosova është destruktive dhe se ai është e gatshëm për bashkëpunim.

“Dhuna tani e pamaskuar e drejtuar kundër serbëve në Kosovë po heq gjithnjë e më qartë çdo mundësi për një bisedë të civilizuar dhe një qasje për zgjidhjen e çështjeve të hapura. E theksova se Serbia mbetet e përkushtuar për dialog dhe ruajtjen e paqes, edhe pse komuniteti serb në Kosovë është i vetmi grup etnik në Evropë që është i ekspozuar ndaj dhunës së vazhdueshme”, ka shkruar Vuçiq.

“Kam kërkuar nga presidenti Macron që të bëjë një përpjekje shtesë në mënyrë që pala prishtinase të vjen në vete dhe t’i kthehet sa më shpejt bisedimeve”, shtoi ai.

Vuçiq i ka kërkuar Macronit që të ndalojë autoritetet kosovare siç tha ai “të bëjnë gjëra të kota që synojnë de-përshkallëzimin e situatës”, por i njëjti nuk ka përmendur dhunën e ushtruar ndaj ushtarëve të KFOR-it, gazetarëve dhe qytetarëve në veri të Kosovës.

“E falënderova presidentin Macron për gatishmërinë që të dëgjojë Beogradin, si dhe për vendosmërinë e tij për të bërë përpjekje shtesë për të zgjidhur situatën jashtëzakonisht komplekse dhe mbi të gjitha të rrezikshme në Kosovë”, përfundoi Vuçiq.

Deklarata për të Zhdukurit e miratuar më 2 maj në Bruksel, nuk po gjen zbatim nga pala serbe.

Kryesuesi i Komisionit Qeveritar për Personat e Zhdukur, Andin Hoti i ka dërguar letër presidentit të Serbisë, Aleksandar Vuçiq, me kërkesën për hapjen e arkivave.

Ai thotë se nuk ka marrë përgjigje, ani pse tash më shumë se një muaj është dërguar kjo kërkesë.

Bashkimi Evropian si ndërmjetës i kësaj deklarate, siç thotë Hoti, nuk po kushtëzon Serbinë për implementim të asaj për çfarë janë dakorduar.

Në intervistën për KosovaPress, kryetari i Komisionit Qeveritar për Personat e Zhdukur flet edhe për gërmimet që kanë nisur javën e kaluar në Prishtinë dhe për Ligjin për Personat e Zhdukur.

Nga fillimi i vitit janë kryer disa gërmime në disa lokacione të Kosovës, mirëpo Hoti përsërit kërkesën që të kthehen kërkimet në tri lokacione ku janë gjetur mbi 700 trupa, në Batajnicë, Petrovo Sello dhe Bajna Bashta në territorin e Serbisë.

Ai tregon edhe për letrën që i ka dërguar Serbisë, për hapjen e arkivave.

“Unë çfarë kam bërë ka qenë vetëm implementimi i kësaj deklarate. Unë kam kërkuar, i kam shkruar një letër presidentit të Serbisë, Vuçiqit dhe i kam kërkuar që të hapë këto arkiva. Dhe i kam specifikuar në mënyrë që të mos bëjë lojëra politike, siç vazhdon të bëjë ai, i kam specifikuar. Sepse, ky ka qenë vetëm fillimi, nuk jemi fokusuar vetëm një, i kam specifikuar edhe cilin lloj të arkivave.

Të Brigadës 37 që ka qenë publike, është klasifikuar gjatë luftës, është riklasifikuar disa vite më parë. Ka qenë temë diskutimi mes Natasha Kandiqit dhe shumë akterëve të tjerë ndërkombëtarë. Në një formë ia kam lehtësuar punën që vetëm ai duhet t’i japë, sepse ai nuk mund ta mashtrojë askënd që nuk i ka, diçka që ka qenë publike. Por, fatkeqësisht nuk kam marrë asnjë përgjigje, as nga zotëri Vuçiq por, nga askush në Serbi”, deklaron ai.

Për këtë, Hoti e fajëson edhe Bashkimin Evropian, për çka kërkon që të kushtëzojë Serbinë për qasje në këto arkiva.

“Por, fatkeqësia më e madhe në këtë rast është nga Bashkimi Evropian, sepse ata kanë qenë ndërmjetësues të deklaratës dhe kemi pasur një afat kohor kur është dashur të kryhet dhe të themelohet komisioni i përbashkët i kryesuar prej BE-së. Por, ne jo vetëm që nuk e kemi themeluar, ne i kemi dërguar imputet tona si Kosovë, por BE nuk na ka lajmëruar më se çfarë do të ndodhë me atë komision. Fokusi është tashmë në Mitrovicë dhe në problemet e serbëve që po i bëjnë atje, por fatkeqësisht po ndikon shumë edhe në procesin tonë. Sepse, ne e kemi ditur që Serbia nuk na i jep, heziton të na jap këto informacione, por kemi shpresuar prej Bashkimit Evropian që është serioz në këtë aspekt dhe bën një kushtëzim ndaj Serbisë dhe i marrim (informacionet) nga arkivat dhe ne nuk po shohim asnjë kushtëzim”, shton ai.

Teksa thekson se fokus i tyre janë gërmimet në varrezat masive në Serbi, Hoti shton se në Kosovë është gërmuar gati çdo katër kilometër katror, apo në mbi 2,700 lokacione.

“Të fundit kanë qenë në Podujevë, Kamenicë, në fakt edhe në Matiqan ka qenë para Kamenicës, Kishnica ka qenë në këtë javë dhe (të enjten) ishim në Arbëri në Prishtinë. Matiqani është një rast ku kanë qenë tetë persona të zhdukur, të marrë nga Spitali i Prishtinës në atë kohë, të vrarë, të zhdukur. Para disa vitesh, gjashtë persona janë identifikuar dhe janë gjetur dhe dy patën mbetur ende persona të zhdukur. Paramendoni mes varrezave të bëhen gërmime, por janë ekspertë ata që i bëjnë, kemi arritur të gjejmë një person të zhdukur në ato varreza të Matiqanit, por nuk është identifikuar ende, sepse është në procedurë që duhet të shkojë mostra në laboratorin e Komisionit Ndërkombëtar të Personave të Zhdukur në Hagë dhe kjo e merr një kohë deri në identifikimin e këtij personi dhe pastaj nëse del një nga këta dy persona që është i zhdukur, mbetet edhe një person i zhdukur në Matiqan”, tregon ai për KosovaPress.

Hoti shton se janë edhe dy vende të tjera, të cilat do të gërmohen në territorin e Republikës së Kosovës, bazuar edhe në urdhëresat e gjykatës. Njëra është në Mitrovicë, ndërkaq tjetra në fshatin Bizhtazhin të Gjakovës, ku pritet të ketë gjetje të tjera.

“Dje (6 korrik 2023) në lagjen ‘Arbëria’ edhe kjo ka ndodhur në varrezat e Dragadonit, kemi arritur të gjejmë një trup të një personi, që sipas ekspertëve dyshohet se është person i zhdukur. Edhe ky person ka qenë person i zhdukur i luftës, që pastaj është identifikuar dhe është humb trupi për shkak të ekspertëve ndërkombëtarë në atë kohë kur kanë punuar dhe i kanë bartur trupat me qëllim të identifikimit, me informacion të familjes ka ndodhur ku na kanë dhënë familjarët disa informacione që mund të jetë trupi në atë vend ku kemi gërmuar. Kemi arritur të gjejmë një person edhe kjo e ka një procedurë deri në identifikimin e saj”, thotë Hoti.

Udhëheqësi i delegacionit të Kosovës për bisedime me Serbinë për çështjen e personave të pagjetur, Andin Hoti thekson se shumë shpejt do të finalizohet Ligji për Personat e Zhdukur.

Kjo nismë legjislative, siç thotë ai, nuk përcakton dhe nuk përfshin kërkesat e familjarëve të të pagjeturve. Hoti shton se një gjë të tillë e bën Ligji për Pensione dhe ai për Kategoritë e Dala nga Lufta.

“Ne mund ta kryejmë Ligjin për Personat e Zhdukur qysh nesër, por kjo do të thotë që familjarëve nuk do t’ju plotësohet asnjë kërkesë e tyre. Prandaj, ne kemi hezituar edhe ta kryejmë, me tendencën për të gjetur një mes të jo futjes, por ndoshta të plotësim-ndryshimit të ligjeve të tjera, një lloj presioni dhe trysnie që kemi tentuar të bëjmë institucioneve përkatëse që të ndryshojnë dy ligjet e tjera dhe të plotësohen kërkesat e familjarëve. Kërkesat e familjarëve, përveç të drejtës për të ditur, janë pensionet… Ne jemi shumë gati dhe ne e kemi themeluar edhe grupin punues, kemi mbajtur edhe takimin e grupit punues, kemi edhe një afat kohor kur duhet ta përfundojmë, që është nëntori”, shprehet ai.

Hoti thekson se Ligji për Kategoritë e Dala nga Lufta është në plotësim-ndryshim në Kuvendin e Kosovës tash e tetë vjet.

Vitin e kaluar janë dërguar mbi 70 mostra për identifikim në laboratorin e Komisionit Ndërkombëtar të Personave të Zhdukur në Hagë, ku 25 prej tyre priten të kthehen në Kosovë.

Shefi i Politikës së Jashtme të Bashkimit Evropian, Josep Borrell është duke marrë pjesë në forumin e Dubrovnikut në Kroaci.

Përmes një postimi në Twitter, ai ka shkruar së në forum kanë biseduar edhe për dialogun Prishtinë-Beograd.

“Ne diskutuam mbështetjen për Ukrainën, dialogun Beograd-Prishtinë dhe klimën e investimeve në Afrikë”, ka shkruar ai.

Ndryshe, edhe i dërguari i posaçëm i SHBA-së për Ballkanin Perëndimor, Gabriel Escobar, ka komentuar situatën aktuale në rajon në prag të konferencës ndërkombëtare në Dubrovnik, duke iu referuar veçanërisht krizës mes Kosovës dhe Serbisë si dhe lëvizjeve të fundit të Milorad Dodikut në Republikën Serbe të Bosnje-Hercegovinës.

Duke komentuar situatën në Kosovë, zyrtari amerikan beson se zgjidhja më e mirë për daljen nga kriza është që Beogradi dhe Prishtina të pranojnë planin trepikësh të prezantuar nga Bashkimi Evropian.

I dërguari i posaçëm i SHBA-së për Ballkanin Perëndimor, Gabriel Escobar, ka komentuar situatën aktuale në rajon në prag të konferencës ndërkombëtare në Dubrovnik, duke iu referuar veçanërisht krizës mes Kosovës dhe Serbisë si dhe lëvizjeve të fundit të Milorad Dodikut në Republikën Serbe të Bosnje-Hercegovinës.

Duke komentuar situatën në Kosovë, zyrtari amerikan beson se zgjidhja më e mirë për daljen nga kriza është që Beogradi dhe Prishtina të pranojnë planin trepikësh të prezantuar nga Bashkimi Evropian.

“Ne kemi indikacione pozitive se presidenti serb, Aleksandar Vuçiq është i gatshëm ta pranojë, por kryeministri i Kosovës, Albin Kurti duhet të bindet pak më shumë”, tha ai, shkruan jutarnjilist.

“Shpresojmë që Kurti në një moment të përmbushë kërkesat evropiane dhe amerikane”, shtoi Escobar, raporton tportal.

I pyetur se cilat do të jenë pasojat nëse Serbia dhe Kosova nuk i plotësojnë kërkesat e bashkësisë ndërkombëtare për të deeskaluar situatën në veri të Kosovës, Escobar tha se të dyja vendet do të humbasin mundësi të shumta.

“Pasojat nuk janë masa ndëshkuese, por janë mundësi të humbura për të dyja vendet nëse refuzojnë propozimin për dalje nga kriza”, tha Escobar, duke shpjeguar se për Kosovën kjo do të thotë distancim nga partnerët ndërkombëtarë, ndërsa për Serbinë mos avancim drejt rrugës në Bashkimin Evropian.

“Partneriteti ynë me Kosovën është partneritet me popullin e Kosovës, jo me një parti apo figurë politike. Përkushtimi ynë ndaj KFOR-it dhe investimi në të ardhmen e Kosovës mbetet i fortë”, përfundoi Escobar.

Kujtojmë se Serbia dhe Kosova në muajin shkurt e pranuan Planin evropian për normalizimin e marrëdhënieve dhe në muajin mars në Ohër Aneksin për zbatimin e asaj marrëveshjeje.

Në tekstin e marrëveshjes thuhet se të dyja palët do të zhvillojnë “marrëdhënie normale, të fqinjësisë së mirë të bazuar në të drejta të barabarta”, se “do të njohin reciprokisht dokumentet dhe simbolet kombëtare, duke përfshirë pasaportat, diplomat, targat dhe vulat doganore” dhe se Serbia nuk do ta kundërshtojë anëtarësimin e Kosovës në asnjë organizatë ndërkombëtare.