ATV

Tag: Ballina

  • “100 mijë euro për një muaj”: Kurti kritikohet për numrin e lartë të këshilltarëve

    “100 mijë euro për një muaj”: Kurti kritikohet për numrin e lartë të këshilltarëve

    Numri i lartë i këshilltarëve të kryeministrit të Kosovës, Albin Kurti, ka nxitur reagime të shumta në Facebook. Deri më tani Kurti numëron 38 këshilltarë politikë. E ky numër i tmerruar analistët e zhvillimeve politke, pasi Kurti dikur sa ishte në opozitë thoshte se ndoshta nuk i duhen më shumë se pesë këshilltarë.

    Opinionisiti, Petrit Zogaj, ka kritikuar kryeministrin, Albin Kurti për numrin e lartë të këshilltarëve.

    Zogaj përmes një shkrimi në Facebook, ka thënë se Kurti e ka shumë problem që të ketë mirëkuptim brenda 38 këshilltarëve për t’i prishur raportet me tri shtetet fqinje.

    “Është koxha problem me arritë konsensus brenda 38 këshilltarëve që Kurti i paska, qe me i prishe raportet me 3 shtetet kufitare me Kosovën. Sa letra duhesh shkruar, sa analiza duhet bere e sa takimet duhet me u planifiku me kryeministrin këta 38 këshilltarë politik, qe me e binde atë që Shqipërisë, Maqedonisë së Veriut dhe Malit te Zi, duhet me ua tregu vendin.” – ka shkruar Zogaj.

    Ndërsa, analisti i politikës, Ilir Mirena ka rikujtuar deklaratën e Kurtit të vitit 2019 ku thoshte se ndoshta i mjaftojnë pesë këshilltarë.

    Më tej, ai ka thënë se Kurti i ka mashtruar votuesit e tij.

    “Nuk kanë çfarë më duhen as 35 këshilltarë, jo naj pretencioziteti intelektual timin por nashta 5 këshilltarë më mjaftojnë. 35 janë si mos të jenë asnjë, ose tregojnë një farë paaftësie fundamentale të vetë kryeministrit…”. Keshtu paska deklaru Albin Kurti ne shtator te vitit 2019, asokohe per Qeverine Haradinaj. Sot, 38 keshilltare n’kajmak i paska fikalli vet. Euu bre po flliqt ju ka mashtru…” – ka shkruar Mirena në profilin e tij në Facebook.

    Gjithashtu, edhe analisti tjetër, Afrim Haliti ka ironizuar me numrin e lartë të këshilltarëve të Kurtit duke thënë se: “Pa i bo 69 nuk njehet.”

    Edhe politikanë të tjetër të opozitës kanë kritikuar Kurti për numrin e këshilltarëve.

    Deputet i LDK-së, Driton Selmanaj, e ka quajtur Kurtin “mashtrues perfid”.

    “Mashtruesi perfid! Sa ishte në opozitë thoshte më mjaftojnë vetëm 5 këshilltarë, kurse tani në pushtet kabineti i tij numëron hiq më pak se 100 zyrtarë që e këshillojnë e ndihmojnë Albin Kurtin dhe tre zëvendësit e tij.” – ka shkruar ai.

    Ai ka thënë se për një muaj këshilltaret e Kurtit i kushtojnë shteti 100 mijë euro.

    “Sipas ligjit, pagat e anëtarëve të kabinetit të Kurtit sillen nga 987 deri në 1155 euro, pa llogaritur këtu edhe përfitimet e tjera që gëzojnë, si mëditjet, shpenzimet e biletave,reprezentacionit, etj. Vetëm për një muaj buxhetit të shtetit i kushtojnë hiq më pak se 100.000 (njëqind mijë) euro. Kurse për një vit mbi 1.2 milion euro.Në opozitë promovonin kursim dhe kujdes ndaj parasë publike kurse në pushtet zhvasin dhe abuzojnë çdo të mirë publike. Turpi nuk paska fund!” – ka shkruar Selmanaj në Facebook.

  • Takim lamtumirës për Mehajn, Kurti: Me insistimin e tij pagat në FSK u rritën për 30%

    Takim lamtumirës për Mehajn, Kurti: Me insistimin e tij pagat në FSK u rritën për 30%

    Kryeministri Albin Kurti, mbrëmjen e së hënës në “Ballkonin e Hapur”, ka organizuar pritjen lamtumirës për ish-ministrin e Mbrojtjes, Armend Mehaj, në të cilën ishin të pranishëm anëtarë të kabinetit qeverisës, diplomatë të shumtë, përfaqësues të lartë të KFOR-it, udhëheqës të ndryshëm të institucioneve vendore e ndërkombëtare, deputetë të Kuvendit të Republikës e bashkëpunëtorë të afërt.

    Në këtë pritje, Kurti përmes një fjale rasti vlerësoi se prej se u themelua ajo, Armend Mehaj është më punëtori, më i përkushtuari dhe më i suksesshmi në krye të Ministrisë të cilën e udhëhoqi, thuhet në komunikatën për media.

    “Gjatë 29 muajve sa ishte në detyrë ish ministri Mehaj, pothuajse është dyfishuar numri i ushtarëve, duke iu shtuar radhëve të Forcës së Sigurisë së Kosovës 2,240 të rinj e të reja. Blerja e armatimit është rritur për 191%, do me thënë gati trefish më shumë sesa kur e ka marrë detyrën”, tha kryeministri derisa shtoi se “buxheti për ushtrinë sot është mbi dy herë më i madh sesa para dy vjetëve, duke shënuar rritje nga 67 milionë euro sa ishte në vitin 2021, në 141 milionë euro sa e kemi sot”.

    Sipas tij, “me insistimin e Armendit, ushtarët e thjeshtë dhe oficerët e rinj të FSK-së, tashmë gëzojnë një rrogë dinjitoze, mbi 30% më të lartë se pagat e tyre paraprake. Ditët e fundjavës si ministër, Armendi i shfrytëzonte jo për të pushuar pas një jave të mbushur me punë dhe aktivitete, por për të vizituar dhe falënderuar familjet e dëshmorëve, të cilët kanë bërë sakrificën më të madhe të mundshme, duke dhënë bijat dhe bijtë e tyre, që ne të jetojmë në liri në Kosovën e pavarur”.

    Duke e vlerësuar për punën e tij si ministër, Kurti tha se ish-ministri Mehaj ka bashkëpunuar me kolegët e tij të kabinetit qeveritar, bashkëpunim ndërministror i cili sipas kryeministrit ka dhënë fryt në disa drejtime të rëndësishme.

    “Arritjet e ish ministrit Mehaj janë dëshmuar edhe në bashkëpunimin e tij të dendur dhe të ngushtë me partnerët dhe aleatët ndërkombëtarë. Nën udhëheqjen e tij, Ministria e Mbrojtjes dhe e FSK-së e ka rritur dukshëm profilin ushtarak të Republikës në rang botëror, duke realizuar misionin e parë paqeruajtës në Kuvajt dhe misionin ndërkombëtar në Ishujt Falkland. Dhe, pas tërmetit shkatërrues në Turqi, në shkurtin e këtij viti, ekipi i FSK-së nisi menjëherë në një mision të kërkim-shpëtimit. E gjatë këtij misioni, ushtarët tanë arritën të shpëtojnë disa jetë njerëzish, duke përfshirë aty edhe dy fëmijë”, tha Kurti.

    Më tej, Kurti tha se “suksesi i ish-ministrit Mehaj në arenën ndërkombëtare është shfaqur edhe në përpjekjet e tij për ta avancuar Kosovën në rrugëtimin e saj drejt NATO-s. Ai e ka kuptuar thellë, se NATO-ja ka qenë jo vetëm kontribuese në çlirimin dhe sigurimin e Kosovës, por është edhe destinacioni ynë”.

    Kryeministri gjithashtu veçoi se ditët e fundjavës si ministër, Armendi i shfrytëzonte jo për të pushuar pas një jave të mbushur me punë dhe aktivitete, por për të vizituar dhe falënderuar familjet e dëshmorëve, të cilët kanë bërë sakrificën më të madhe të mundshme, duke dhënë bijat dhe bijtë e tyre, që ne të jetojmë në liri në Kosovën e pavarur.

    Në fund të fjalës së tij Kryeministri Kurti e ka falënderuar ish ministrin Mehaj me fjalët “Armend, në emrin tim, dhe në emrin e të gjithë Qeverisë, të faleminderit përzemërsisht për punën dhe shërbimin tënd gjatë këtyre dy vjet e pesë muajve të fundit. Faleminderit që, edhe pse fizikisht larg Kosovës, kurrë s’ke qenë larg me mendje e me zemër. Dhe kurrë se ke harruar se sa shumë i kemi borxh atdheut tonë, Republikës së dashur të Kosovës. Faleminderit”.

    Ndërkaq, ish-ministri i Mbrojtjes, Armend Mehaj, pasi përshëndeti të gjithë të pranishmit tha se i beson motos e cila thuhet në ushtri ‘Krah për krah’, “nëse ecim krah për krah atëherë i arrijmë edhe qëllimet e përbashkëta”.

    Pasi falënderoi kryeministrin për fjalët dhe besimin e dhënë ai tha se ka bërë vetëm punën e tij pasi siç tha ai “këtë ia kemi borxh atdheut dhe çdo dëshmori të kombit”. Më tej ish ministri Mehaj tha se qëllimi i përbashkët i të gjithëve është integrimi i Kosovës në NATO dhe Bashkimin Evropian.

  • ​Profesori i Antropologjisë : Zbulimi në Ulpianë sjell evidenca të reja për historiografinë

    ​Profesori i Antropologjisë : Zbulimi në Ulpianë sjell evidenca të reja për historiografinë

    Profesori i Antropologjisë në Universitetin e Prishtinës, Tahir Latifi, e ka quajtur të jashtëzakonshëm zbulimin e mbishkrimit të përandorit Justinian në parkun arkeologjik “Ulpiana”.

    “Ekspedita arkeologjike e kësaj vere në Ulpianën Antike vjen me zbulime të jashtëzakonshme. Përmendja e Justinianit të Madh dhe gruas së tij Theodora si themelues të qytetit dhe dedikues të kishave gjigante në qytetin e Dardanisë, Justiniana Secunda, paraqesin dëshmi të rëndësishme historike, duke sjell kësisoj evidenca të reja për historiografinë”, ka shkruar ai në Facebook.

    Sipas tij, përmendja “Urbem Dardaniae” (Qyteti i Dardanisë) në mbishkrimin e sapo zbuluar konfirmon faktin që dardanët dhe Dardania vazhdojnë të qëndrojnë si një identitet dhe territor i rëndësishëm edhe në shek. VI.

    “Ndërsa Justiniani i Madh (527-565), përmes këtij mbishkrimi, na dëshmohet se ka ruajtur lidhjet me vendin e tij të origjinës – Dardaninë”, vijon ai.

    Profesori universitar ka bërë të ditur se gërmimet udhëhiqen nga kolegu i tij, Arben Hajdari (Departamenti i Antropologjisë / UP), Christophe Goddard (ENS) dhe Milot Berisha (IAK).

    “Pjesë e këtij projekti është edhe kolegu Ilir Culaj dhe një numër i madh i studentëve dhe ish-studentëve nga Departamenti i Antropologjisë. Përgëzime për kolegët nga Departamenti i Antropologjisë / UP, Arben Hajdari dhe Ilir Culaj, përgëzime për gjithë kolegët/et pjesëmarrës në gërmime!”, ka shkruar në fund ai.

    Një ekip i arkeologëve në përbërje të Christophe Goddard, Arben Hajdari e Milot Berisha gjatë hulumtimeve shkencore kanë zbuluar “një mozaik që përmban një dedikim për kishën nga perandori bizantin Justiniani i Parë dhe gruaja e tij Teodora”. Mozaiku përmban edhe emrin e Dardanisë. Zbulimit po i bëhet jehonë nga vizitorë të rëndësishëm që kanë vërshuar këto ditë aty.

    Që prej se është bërë e ditur për këtë zbulim, në parkun arkelogjik të Dardanisë kanë zbarkuar figura të larta të politikës dhe diplomacisë të akredituar në Kosovë.

    Ministri Hajrullah Çeku ka shkruar se ky është “një zbulim që formëson historinë, një dedikim i fuqishëm nga Perandori Justinian është zbuluar në Lokalitetin Arkeologjik Ulpiana”

    “Ekipi i arkeologëve në përbërje nga Christophe Goddard, Arben Hajdari e Milot Berisha gjatë hulumtimeve shkencore kanë zbuluar një mbishkrim monumental me rëndësi të jashtëzakonshme historike nga Perandori Justinian (527-565) i qytetit Justiniana Secunda, i përshkruar si qytet Dardan, një qytet në provincën e Dardanisë (krijuar nga paraardhësi i tij Diokleciani në fillim të shek. IV pas e.s.) dhe i kishës së tij”, shkruar ai.

    Sipas Cekut mbishkrimi paraqet një dëshmi shumë të rrallë dhe dëshmon afërsinë e perandorit ndaj provincës së origjinës.

    “ Kisha paraqet një prej zbulimeve më të mëdha të Perandorisë së vonshme romake dhe perandorëve më të rëndësishëm”, ka theksuar Ceku.

    Për zbulimin në këtë park arkelogjik ka shkruar edhe Presidentja Osmani pasi ka bërë një vizitë atje.

    “Ulpiana është një udhëtim nëpër kohë që zbulon thesaret e fshehura të së kaluarës sonë. Çdo gërmim zbulon fragmente të qytetërimit tonë të lashtë.

    Nga Mbretëria e Dardanisë e deri te Perandori Justinian janë shekuj të trashëgimisë sonë të prekshme, e cila ndërlidhë të tashmen tonë me të kaluarën e largët.

    Zbulimet e fundit në Ulpianë (Justiniana Secunda), paraqesin evidenca të rëndësishme për historinë e Dardanisë dhe dardanëve gjatë Antikitetit të vonë-Mesjetës së hershme” ka shkruar osmani.

    Duke shkruar për gërmimet në bazilikën e shekullit të gjashtë, e cila u zbulua vjet në Ulpianë, profesori i Filozfisë Blerim Latifi shkruan se gërmimet kanë nxjerrë në dritë një zbulim tjetër fantastik: një mozaik që përmban një dedikim për kishën nga perandori bizantin Justiniani i Parë dhe gruaja e tij Teodora.

    “Në mbishkrimin e dedikimit përmendet edhe Dardania. Kjo tregon peshën e madhe që ky vend kishte për sundimtarin më të madh të Bizantit, i cili edhe vetë ishte me origjinë nga Dardania” shkruan Latifi.

    “Dhe një gjë tjetër: edhe sa dëshmi të tjera duhet të dalin në dritë, në mënyrë që stërhollimet skolastiko- etimologjike për emrin e Prishtinës, që e lidhin origjinën e këtij emri me gjëra krejtësisht periferike, me folje e ndajfolje, me parashtesa e prapashtesa fjalësh, me emra përrockash e me dreqin e t’birin, të marrin fund dhe të pranohet se Prishtina e ka marrë emrin nga Justiniani i Parë, Primus Justinianus. Me njeriun që ndërtoi Hagia Sofinë, dhjetëra e dhjetëra kisha të tjera, nga Mali Sinai në Lindje e deri në Ravena në Perëndim, që kodifikoi të drejtën romake dhe ngriti qindra fortifikime kundër dyndjes së sllavëve në Ballkan. Me njeriun që nga një bari dhensh në fushat e Dardanisë, u bë figura e fundit madhështore e qytetërimit romak” shkruan Latifi.

    Ambasadori amerikan në Kosovë, Jeff Hovenier, gjatë fundjavës ka vizituar Parkun Arkeologjik të Ulpianës të cilin e ka quajtuar të klasit botëror.

    Ai lavdëroi punën e një ekipi që po punon për të dokumentuar trashëgiminë kulturore të Kosovës.

    “Kisha privilegjin të vizitoja Parkun Arkeologjik të Ulpianës sot, ku një ekip mahnitës po rrit njohuritë dhe po dokumenton trashëgiminë kulturore të Kosovës në këtë lokacion të klasit botëror”, ka shkruar Hovenier.

    Hovenier publikoi edhe disa pamje nga atje ku shihet i përfshirë në punët që po kryhen aty.

  • Von Cramon: Kosova po humbet kredibilitetin e saj ne mesin e komunitetit ndërkombëtar

    Von Cramon: Kosova po humbet kredibilitetin e saj ne mesin e komunitetit ndërkombëtar

    Eurodeputetja Viola Von Cramon, ka deklaruar se Kosovës po i mungon kredibiliteti në mesin e faktorit ndërkombëtar.

    Ajo thotë se Kosova duhet t’i përmbush obligimet e saj para se të flas për palën serbe.

    “Problemet e juaja nuk i zgjidhni duket e kërkuar fajin diku tjetër.”

    Kështu po i komenton zhvillimet e fundit politike në Kosovë, eurodeputetja gjermane Viola von Cramon.

    Ajo thotë se Kosovës po i mungon kredibiliteti në mesin e komunitetit ndërkombëtar, prandaj ajo bënë thirrje që sa më shpejtë të nis zbatimi i marrëveshjeve me Serbinë.

    “Momentalisht nuk po shoh vullnet politik nga asnjëra palë për zbatimin e marrëveshjeve. Kosova është mirë të fokusohet më shumë tek vetja dhe t’i kryej obligimet që i ka marrë përsipër. Ju nuk bëni kurrfarë ndryshimi nëse e drejtoni gishtin diku tjetër. Së paku ky është qëndrimi i institucioneve kryesore të Bashkimit Evropian. Nëse Kosova dëshiron të bëhet një lojtare e rëndësishme në mesin e komunitetit ndërkombëtar atëherë duhet ta dëshmojë fillimisht se është një lojtare kredibile por këtë nuk është duke e treguar”, shton ajo.

    Cramon thotë se do ishte një veprim i duhur nga Prishtina, nëse largohen tërësisht njësitet Speciale të Policisë së Kosovës nga objektet komunale në veri.

    Ajo nënvizon rëndësinë e zbatimit të marrëveshjeve të arritura mes Kosovës dhe Serbisë, në mënyrë që të qetësohet situata në pjesën veriore të vendit.

    “E gjithë rrëmuja që është krijuar në pjesën veriore të Kosovës duhet të rregullohet. Lidhur më këtë çështje tashmë ka një marrëveshje dhe ajo vetëm duhet të respektohet. Pra do të ishte veprim i duhur që të largohen njësitet speciale të Policisë së Kosovës nga objektet komunale në veri. Para se të flisni për palën serbe është më mirë që fillimisht ti kryeni detyrat e juaja ”, shprehet ajo për Tëvë1.

    Bashkimi Evropian ende nuk ka ndryshuar qëndrim sa i përket masave ndëshkuese ndaj Kosovës.

  • Vazhdon edhe sot gjykimi në rastin Thaçi dhe të tjerët

    Vazhdon edhe sot gjykimi në rastin Thaçi dhe të tjerët

    Në Dhomat e Specializuara të Kosovës (DhSK) në Hagë vazhdon gjykimi i Thaçit dhe të tjerëve me dëshminë e dëshmitarit të ZPS-së.

    Dëshmitari i ri i ZPS-së në gjykimin kundër Thaçit, Veselit, Selimit dhe Krasniqit është dëshmitari i mbrojtur W03879. Ky është dëshmitari i gjashtëmbëdhjetë deri tani.

    Dje dëshmitari i 16-të është përgjigjur në pyetjet e ZPS-së, konkretisht prokurorit Matt Halling.

    Kurse, në pjesën më të madhe të kohës seanca është zhvilluar në sesion privat.

    Dje avokati i Thaçit, Gregory Kehoe në fillim të seancës ka kërkuar nga trupi gjykues që tregojë se akuza ndaj ish krerëve të UÇK-së në këtë çështje nuk ka të bëjë me trafikim organesh.

    Kurse Çarls Smith III, kryesues i Trupit Gjykues, tha se për këto çështje, avokati duhet t’i adresojë me shkrim në mënyrë që trupi gjykues të japë udhëzimet e nevojshme.

    Po ashtu dje Trupi gjykues refuzoi si provë një video që prokuroria tha se është ceremoni betimi e UÇK-së.

  • Sot ka protestë në Policinë e Kosovës

    Sot ka protestë në Policinë e Kosovës

    Sot në Policinë e Kosovës do të protestojnë Flota Operative dhe punëtorët e Departamentit Mbështetës Operativ për të shprehur pakënaqësitë për pagat, përkatësisht për mosrregullimin e vlerës së koeficientëve sipas pozitave të tyre. Kështu bëri të ditur për KosovaPress kryetari i Sindikatës së Policisë së Kosovës, Imer Zeqiri i cili theksoi se kjo protestë do të ndikojë edhe në punën e Policisë së Kosovës, sipas të cilit nuk mund të funksionojnë pa këto dy grupe.

    Kryetari në këtë sindikatë, Zeqiri tha se Ministria e Punëve të Brendshme ka tre muaj kur ka premtuar se do të rregullojë vlerën e koeficientit për të njëjtit punëtorë, mirëpo ende nuk ka reagim nga MPB-ja.

    Ai thotë se për këtë çështje ka dërguar shkresë për takim sot edhe tek Ministri i Punëve të Brendshme, Xhelal Sveçla, por ende nuk ka marrë ndonjë përgjigje.

    “Arsyeja është se në Ministrinë e Punëve të Brendshme kanë premtuar para tre muajve se do të rregullojnë vlerën e koeficienteve sipas pozitive që kanë, ku në këtë grup janë, automekanik, autolimarët, muratorët, ujë-instaluesit, elektricistët e shumë kategori të mjeshtërive, ku me Ligjin e ri të pagave janë diskriminuar shumë”, thotë Zeqiri.

    Zeqiri tha se numri i këtyre punëtorëve që do të protestojnë është rreth 100.

    Ai derisa tha se këtyre punëtorëve ju ka humbur durimi të presin më gjatë, shtoi se kategoritë e lartpërmendura kanë mbetur në kategorinë e koeficientit të një mirëmbajtësi.

    Ai në fund shtoi se me Ligjin e punës, zyrtarët policorë nuk kanë të drejtë të hyjnë në grevë.

    Ligji për paga, i cili është në fuqi nga muaji shkurt, kishte përcaktuar vlerën e koeficientit të pagës në sektorit publik 105 euro.

    Megjithatë, ky ligj është në Gjykatën Kushtetuese të cilin më 7 prill Avokati i Popullit e ka dërguar në Kushtetuese.

    Lidhur me këtë, Avokati i Popullit kishte pranuar ankesa nga Këshilli Prokurorial i Kosovës, Këshilli Gjyqësor i Kosovës, zyrtarë komunal të arsimit, infermierë, mjekë, Sindikata e Policisë së Kosovës, Komisioni Qendror i Zgjedhjeve dhe institucione e organizata të tjera. /kp

  • Presidentja Osmani viziton sot komunën e Dragashit

    Presidentja Osmani viziton sot komunën e Dragashit

    Presidentja e Republikës së Kosovës, Vjosa Osmani, në kuadër të vizitave në komunat e vendit, sot do të vizitojë Komunën e Dragashit, ku do të zhvillojë një sërë takimesh.

    Në orën 11:00, Osmani do të pritet në takim nga kryetari i Komunës, Bexhet Xheladini, derisa në orën 11:40, presidentja Osmani do ta vizitojë Asamblenë Komunale të Dragashit dhe do të mbajë fjalim.

    Ndërkaq me fillim nga ora 12:10, Osmani dhe kryetari i Xheladini do të deklarohen për media.

  • Kryeministri Kurti organizoi pritjen lamtumirëse për ish-ministrin Mehaj

    Kryeministri Kurti organizoi pritjen lamtumirëse për ish-ministrin Mehaj

    Kryeministri i Republikës së Kosovës, Albin Kurti, sonte në mbrëmje në “Ballkonin e Hapur”, ka organizuar pritjen lamtumirëse për ish ministrin e Mbrojtjes, Armend Mehaj, në të cilën ishin të pranishëm anëtarë të kabinetit qeverisës, diplomatë të shumtë, përfaqësues të lartë të KFOR-it, udhëheqës të ndryshëm të institucioneve vendore e ndërkombëtare, deputetë të Kuvendit të Republikës e bashkëpunëtorë të afërt.

    Në këtë pritje, Kryeministri Kurti përmes një fjale rasti vlerësoi se prej se u themelua ajo, Armend Mehaj është më punëtori, më i përkushtuari dhe më i suksesshmi në krye të Ministrisë të cilën e udhëhoqi.

    “Gjatë 29 muajve sa ishte në detyrë ish ministri Mehaj, pothuajse është dyfishuar numri i ushtarëve, duke iu shtuar radhëve të Forcës së Sigurisë së Kosovës 2,240 të rinj e të reja. Blerja e armatimit është rritur për 191%, do me thënë gati trefish më shumë sesa kur e ka marrë detyrën”, tha kryeministri dhe shtoi se buxheti për ushtrinë sot është mbi dy herë më i madh sesa para dy vjetëve, duke shënuar rritje nga 67 milionë euro sa ishte në vitin 2021, në 141 milionë euro sa e kemi sot.

    Duke e vlerësuar për punën e tij si ministër, kryeministri tha se ish ministri Mehaj ka bashkëpunuar me kolegët e tij të kabinetit qeveritar, bashkëpunim ndërministror i cili sipas kryeministrit ka dhënë fryt në disa drejtime të rëndësishme.

    “Arritjet e ish ministrit Mehaj janë dëshmuar edhe në bashkëpunimin e tij të dendur dhe të ngushtë me partnerët dhe aleatët ndërkombëtarë. Nën udhëheqjen e tij, Ministria e Mbrojtjes dhe e FSK-së e ka rritur dukshëm profilin ushtarak të Republikës në rang botëror, duke realizuar misionin e parë paqeruajtës në Kuvajt dhe misionin ndërkombëtar në Ishujt Falkland. Dhe, pas tërmetit shkatërrues në Turqi, në shkurtin e këtij viti, ekipi i FSK-së nisi menjëherë në një mision të kërkim-shpëtimit. E gjatë këtij misioni, ushtarët tanë arritën të shpëtojnë disa jetë njerëzish, duke përfshirë aty edhe dy fëmijë”, tha kryeministri Kurti.

    Më tej, Kryeministri Kurti tha se suksesi i ish ministrit Mehaj në arenën ndërkombëtare është shfaqur edhe në përpjekjet e tij për ta avancuar Kosovën në rrugëtimin e saj drejt NATO-s. Ai e ka kuptuar thellë, se NATO-ja ka qenë jo vetëm kontribuese në çlirimin dhe sigurimin e Kosovës, por është edhe destinacioni ynë.

    Kryeministri gjithashtu veçoi se ditët e fundjavës si ministër, Armendi i shfrytëzonte jo për të pushuar pas një jave të mbushur me punë dhe aktivitete, por për të vizituar dhe falënderuar familjet e dëshmorëve, të cilët kanë bërë sakrificën më të madhe të mundshme, duke dhënë bijat dhe bijtë e tyre, që ne të jetojmë në liri në Kosovën e pavarur.

    Në fund të fjalës së tij Kryeministri Kurti e ka falënderuar ish ministrin Mehaj me fjalët “Armend, në emrin tim, dhe në emrin e të gjithë Qeverisë, të faleminderit përzemërsisht për punën dhe shërbimin tënd gjatë këtyre dy vjet e pesë muajve të fundit. Faleminderit që, edhe pse fizikisht larg Kosovës, kurrë s’ke qenë larg me mendje e me zemër. Dhe kurrë se ke harruar se sa shumë i kemi borxh atdheut tonë, Republikës së dashur të Kosovës. Faleminderit”.

    Ndërkaq, ish ministri i Mbrojtjes, Armend Mehaj, pasi përshëndeti të gjithë të pranishmit tha se i beson motos e cila thuhet në ushtri ‘Krah për krah’, nëse ecim krah për krah atëherë i arrijmë edhe qëllimet e përbashkëta.

    Pasi falënderoi kryeministrin për fjalët dhe besimin e dhënë ai tha se ka bërë vetëm punën e tij pasi siç tha ai këtë ia kemi borxh atdheut dhe çdo dëshmori të kombit. Më tej ish ministri Mehaj tha se qëllimi i përbashkët i të gjithëve është integrimi i Kosovës në NATO dhe Bashkimin Evropian.

  • Rrugët e papërfunduara brenda dhe “prioritizimi i lidhjes jashtë”

    Rrugët e papërfunduara brenda dhe “prioritizimi i lidhjes jashtë”

    PËRGATITI: FATLUM JASHARI

    Ditë më parë, kryeministri Albin Kurti e prezantoi si prioritet ndërtimin e rrugës Prizren-Tetovë, projekt në vlerë rreth 200 milionë euro. Por, ekspertë të infrastrukturës dhe ekonomisë vlerësojnë se para këtij projekti, Qeveria duhet të punojë në përfundimin e pesë projekteve për rrugët kryesore që lidhin kryeqytetin me Mitrovicën, Pejën, Gjilanin, Gjakovën dhe Podujevën.

    Prishtinë-Mitrovicë, Prishtinë-Pejë, Prishtinë-Gjilan, Prishtinë-Gjakovë dhe Prishtinë-Podujevë janë disa prej projekteve kryesore të papërfunduara në rrjetin e brendshëm tw rrugëve nacionale dhe autostradave.

    Në këtë mes, rekordin më negativ për nga kohëzgjatja e mban projekti për rrugën dyshiritore nga kryeqyteti në drejtim të Mitrovicës – i ngecur në gjysmë.

    Larg nga përfundimi mbetet projekti për zgjerimin dhe rehabilitimin e rrugës nacionale Prishtinë-Mitrovicë, ndonëse punimet në të nisën para plot 14 vjetësh.

    Në faza e kohëzgjatje të ndryshme, me zvarritje janë përballur edhe punimet në relacionet tjera të lartpërmendura.

    Për këto pesë rrugë, Qeveria këtë vit ka ndarë më pak se 50 milionë euro.

    Megjithëkëtë, kryeministri Albin Kurti prezantoi si prioritet ndërtimin e një rruge të re Prizren-Tetovë, projekt në vlerë 200 milionë euro.

    Edhe pse këtë rrugë e vlerëson të nevojshme, inxhinieri Driton Tafallari thotë se prioritet duhet të jetë përfundimi i rrugëve që qytetarët i përdorin çdo ditë.

    “Këto rrjetet kanë mbetur jo me vite por me dekada papërfunduar. Unë e kuptoj se ka probleme serioze sidomos me shpronësim të një numri të madhe të tokave, mirëpo ajo që mua më duket e paarsyeshme është se pse Qeveria nuk e jep një plan ose afat kohor, me u tregu qytetarët se cila rrugë kur pritet me u kry dhe me iu mbajtë këtij plani”.

    Pa mohuar rëndësinë e rrugës Prizren-Tetovë, Safet Gërxhaliu nga EK Consulting theksoi se ky projekt nuk mund të nis pa përfundimin e rrugëve kryesore brenda, të cilat i përshkroi në gjendje të mjerueshme.

    “Të gjitha këto rrugë të filluara, qoftë nga Prishtina në Mitrovicë, qoftë në drejtim të Pejës, qoftë në drejtim të Merdares, apo edhe Shkupit, se sa kanë rëndësi gjeo-strategjike dhe politike, kanë rëndësi edhe ekonomike dhe integruese, prandaj duhet të jetë prioritet përfundimi i këtyre rrugëve dhe tek më vonë të mendohet në investime 200 milionëshe në rrugën Prizren-Tetovë. Nuk e konteston askush arsyeshmërinë kombëtare dhe nacionale, por të mendohet në mënyrë racionale, pa emocione dhe pa nacionalizëm politik”.

    Gërxhaliu beson se deklaratat dhe veprimet e kryeministrit Kurti lidhen me ambiciet e tij politike.

    “Shumë më tepër janë deklarata populiste dhe politike, që paralajmërojnë themelimin, si duket, të Vetëvendosjes në Maqedoni sesa që është prioritet për t’u implementuar. Në këtë drejtim duhet kuptuar fare mirë se me Maqedoninë nuk ka lojë dhe eksperimente, sepse është një shtet në rrugëtim shumë të shpejtë në familjen evropiane, është anëtare e NATO-s, prandaj besoj që duhet të tregojmë maturi politike, ekonomike dhe mbi të gjitha ndëretnike”.

    Në Shtator të vitit 2021, Qeveria e Kosovës dhe ajo e Maqedonisë së Veriut nënshkruan marrëveshje për rrugën Prizren-Tetovë, por ende nuk është finalizuar marrëveshja financiare – që përfshin ndërtimin e një tuneli prej 6.4 km.

  • Rasti Thaçi e të tjerët, mbrojtja kërkon sqarime rreth dëshmiratëve katolikë

    Rasti Thaçi e të tjerët, mbrojtja kërkon sqarime rreth dëshmiratëve katolikë

    PWRGATITI: NORA LUTA

    Mbrojtja e Hashim Thaçit ka kërkuar sqarime nga Gjykata Speciale rreth raportimeve në media rreth pretendimeve se janë kërkuar katër dëshmitarë katolikë kundër ish presidentit kosovar, që po akuzohet për krime lufte, për çka nuk komentoi Prokuroria. Në seancën e mbajtur të hënën pas pushimit të verës, ka nisur dëshminë dëshmitari i 16 i mbrojtur i Prokurorisë, i cili ka thënë se pjesëtarët e LDK-së nuk ishin të mirëpritur në UÇK, dhe për disa nga anëtarët sipas tij pengesë ishte Ibrahim Rugova.

    Raportimet në media rreth pretendimeve lidhur me kërkimet për të gjetur dëshmitarë katolikë kundër Hashim Thaçit janë kthyer në çështje diskutimi mes mbrojtjes dhe Prokurorisë në gjykimin që po zhvillohet në Hagë ndaj tij, Rexhep Selimit, Kadri Veselit, e Jakup Krasniqit.

    Qysh në fillim të seancës avokati i Thaçit, ka kërkuar nga Gjykata sqarime rreth këtyre pretendimeve, që sipas tij janë tepër shqetësuese, e nëse vërtetohen paraqesin ndërhyrje në drejtësi.

    Mbrojtja ka përmendur edhe disa raportime të zyrtarëve rusë se ish liderët e UÇK-së janë të përfshirë në trafikim organesh, duke kërkuar nga gjykata që të theksoj me njoftim publik se ata nuk janë duke u akuzuar për këtë vepër penale.

    “Është shumë shqetësuese ndikimi në dëshmitarë. Ka shumë artikuj të botuar në Prishtinë që pretendojnë për një person shqiptar në Gjermani që thuhet që citohet të ketë thënë që i është kërkuar të gjejë 4 dëshmitarë katolikë kundër Thacit. Kjo është ndërhyrje në drejtësi. Gjykata duhet të kërkoj sqarime nëse janë kërkuar dëshmitarë nga dikush që është i pranishëm në këtë sallë gjyqi. Do ta bëjmë parashtresën edhe me shkrim”

    “Kjo është një çështje e cila nuk është diskutuar me neve interpartes, asnjë prej të çështjeve që u ngrit nga z.Kehoe, nuk ka të bëjë me dëshmitarin i cili do të vijë për të dëshmuar në sallën e gjyqit, kështu që ju kërkojmë që mbrojtja e zotit Thaçi t’i parashtrojë me shkrim këto shqetësim”

    Ndërkohë seanca ka vazhduar me dëgjimin e dëshmitarit të 16-të në këtë rast.  Dëshmitari ish pjesëtar i UÇK-së në zonën e Llapushnikut, e mbështetës i Lidhjes Demokratike ka dëshmuar nën masa mbrojtëse, derisa disa herë seanca është mbyllur për publikun.

    Ai është përgjigjur në pyetjet e Prokurorisë rreth strukturës dhe zinxhirit komandues të kësaj zone, teksa ka thënë se ishte ndier nën presion kur dëgjonte se pse përkrahësit e LDK-së i janë bashkuar UÇK-së.

    Sipas tij gjatë vitit 1998, u fliste se pjesëtarët e LDK-së nuk duhej pranuar në ushtri.

    Ushtarëve a u thuhej që LDK ishte armiku, a i përhapte këto mesazhe edhe komanda e UÇK-së?

    E kuptova që pengesë e tyre paska qenë Rugova..

    Ndërsa Gjykata e ka refuzuar propozimin e Prokurorisë që të merret si provë një video në cilën shihej Fatmir Limaj, e Ismet Jashari, e që ZPS-ja pretendonte se aty paraqiste ceremoninë e betimit të ushtarëve UÇK-së.

    Gjykimi për krime lufte ndaj Thaçit e të tjerëve nisi në prill të këtij viti, ndërsa deri tash janë dëgjuar 15 dëshmitarë të ZPS-së, shumica e të cilëve në seanca të mbyllura për publikun.