ATV

Tag: Ballina

  • ​Dëshmitari Idrizi në Speciale: Më akuzuan se jam bashkëpunëtor i Serbisë

    ​Dëshmitari Idrizi në Speciale: Më akuzuan se jam bashkëpunëtor i Serbisë

    Mbrojtja e Rexhep Selimit ka pyetur dëshmitarin e parë pa masa mbrojtëse në gjykimin kundër ish-krerëve të Ushtrisë Çlirimtare të Kosovës (UÇK) në Hagë, Agim Idrizi, lidhur me dëshminë e tij për rrahjen e tij dhe familjarëve të tij nga Enver Axhami. Idrizi ka akuzuar Axhamin se në emër të UÇK-së, i ka rrahur të afërmit e tij. Megjithatë, ka treguar për problemet që kishin me familjen Axhami që para luftës, pastaj probleme për një tokë dhe akuza e kundër akuza në mes këtyre dy familjeve.

    Ai ka pranuar se pa dijeni ka marrë në pyll drutë e Axhamit, derisa përmendi lopët e vjedhura nga familja Axhami në gjithë Kaçanikun.

    Dëshmitari Idrizi është pyetur nga mbrojtja e Rexhep Selimit, Geoffrey Roberts lidhur me deklaratën e dhënë në personelin e UNMIK-ut, në vitin 2001, lidhur me rrahjen që iu ka bërë atij për shkak të një toke të shitur në vitin 99 në Llanisht të Kaçanikut.

    Sipas tij, Qazim Idrizi ia ka shitur tokën Bajram Brutit, por ishte Enver Axhami ai që e kërkonte ketë tokë. Ky i fundit ka shkuar në shtëpi të Qazim Idrizit dhe ia ka gjuajtur paratë në shtëpi edhe pse pronari i ligjshëm ishte Bajram Bruti. Megjithatë, në pyetjet e mbrojtjes, ai ka treguar për shumë probleme që kishte familja e tij me familjen Axhami, edhe para luftës.

    “Na thatë që Qazim Idrizi ishte komshi i juaji, për ballë e kemi shtëpinë, shumë afër e kam. Jemi të një gjaku, këta i kanë bërë presion familja Axhami…A është e drejt të them se si Enver Axhami organizoi kidnapimin, sulmimin dhe arrestimin tuaj. Po. A është e drejt që keni pas probleme të tjera të shumta probleme të tjera të shumta me familjen Axhami. Enver Axhami thotë se unë jam spiun i Sali Brutit. Unë me Sali Brutin kurrë s’kam fol, ai bë atë kohë ka qenë komandant në Kaçanik, së pari iu ka akuzuar se ju keni vjedhur drutë dhe a është e saktë që ju e keni akuzuar atë që ai ju ka vjedh lopën. Krejt Kaçaniku e dinë që Sylë Axhami dhe vëllai i tij Isen Axhamin, këta i kanë vjedh lopët në Kaçanik, edhe mua më kanë vjedhur një lopë dhe kurrë në milici nuk e kam lajmru. A është e drejt të thuhet se kushëriri e Enver Axhamit e kanë sulmuar vëllain tuaj për një periudhë të gjatë kohore, po. A është e drejt të thuhet se edhe përpara se të fillonte lufta, donte të të kidnaponte ty dhe këtë ia keni thënë vet hetuesve. Po“, Idrizi.

    Dëshmitari e ka konfirmuar se gjatë procesit gjyqësor në Gjykatën Themelore në Prishtinë, ka thënë se për dy vite kishin probleme me tokën.

    “Vehbi Koka na ka bërë krejt këto sherre se këta nuk kanë mund t’i bëjnë këto sene. Ai ka punuar me policinë serbe dhe më ka fut emrin aty, tash nuk ta heq dreqi, krejt shajnë, gjysma shajnë…a mund të themi se problemi që ke pasur me Enver Axhamin është për shkak se ai ka përhapur gënjeshtra për ty..në Kaçanik e dinë se Arkan nuk ka pasur kurrë. Edhe Sami Axhami kur ka thënë se Agimi më ka rreh me policë, kjo është gënjeshtër se nuk është e vërtet dhe kjo që ka thënë Agimi ka qenë polic nuk është e vërtet, roje i pyllit, nuk është e vërtet…i ka qit punë edhe UÇK-së, njeriu i keq, ai do të duhej të dal e të më vras mua para luftës jo me ushtrinë të dal e të marrë hakun“, tha ai.

    Të gjithë drejtuesit e UÇK-së, ishin të pranishëm në sallën e gjyqit, në përjashtim të Jakup Krasniqit.

    Gjykimi ndaj Thaçit dhe të tjerëve ka nisur me 3 prill me deklaratat hyrëse ku të gjithë janë deklaruar të pafajshëm për akuzat për krime të pretenduara të luftës.

    Hashim Thaçi, Kadri Veseli, Rexhep Selimi dhe Jakup Krasniqi ndodhen në qendrën e paraburgimit në Hagë prej nëntorit të vitit 2020.

  • Qeveria do t’ua subvencionojë përsëri rrymën familjeve me të ardhura mesatare nën 150 euro për anëtar

    Qeveria do t’ua subvencionojë përsëri rrymën familjeve me të ardhura mesatare nën 150 euro për anëtar

    Sot është prezantuar në Qeveri Programi për Mbrojtjen e Konsumatorëve të Cenueshëm të Energjisë Elektrike, i cili do t’i ndihmojë familjet e cenueshme duke ua subvencionuar faturat e energjisë.

    Ky program është i dizajnuar për familjet kosovare me të ardhura mesatare nën 150 euro për anëtar, ndërsa subvencionimi do të bëhet përmes formës së aplikimit në Ministrinë e Financave.

    Kryeministri Albin Kurti tha se programi, i cili do të zgjasë një vit, do të jetë shumë i rëndësishëm për këto familje.

    Fokus të veçantë në këtë program, siç tha ai, do të kenë grupe të caktuara të shoqërisë, si personat me aftësi të kufizuar, prindërit vetë-ushqyes dhe pensionistët që jetojnë vetëm.

    “Sot jemi mbedhur këtu që ta prezantojmë edhe një program të rëndësishëm, atë të Mbrojtjes së Konsumatorëve të Cenueshëm. Programi që po e prezantojmë sot, që do të zbatohet nga Ministria e Financave, Punës dhe Transfereve, ka në fokus subvencionim e faturës së energjisë elektrike për familjet të cilat kualifikohen si konsumatorë të cenueshëm të energjisë elektrike”.

    Tutje, ai ka treguar se programi parasheh subvencionimin e faturave të energjisë për familjet të cilat kanë të ardhura mesatare nën 150 euro për anëtar të familjes, ndërsa do të zbatohet nga Ministria e Financave, Punës dhe Transfereve.

    “Fokus të veçantë në këtë program do të kenë grupe të caktuara të shoqërisë, si personat me aftësi të kufizuar, prindërit vetë-ushqyes dhe pensionistët që jetojnë vetëm. Programi për Mbrojtjen e Konsumatorëve të Cenueshëm është program një vjeçar i cili fokusohet në subvencionimin e faturave të energjisë elektrike për konsumatorët e cenueshëm, të hyrat mesatare mujore të të cilëve janë nënë 150 euro për anëtar të familjes”, tha ai.

    Ndërsa, ministri i Financave, Hekuran Murati, ka treguar se megjithëse tanimë është hapur forma e aplikimit, dhe se së shpejti ministria do të dalë me njoftime se si të plotësohet ky formular.

    “Programi parasheh t’i ndihmojë të gjitha familjet të cilat mesatarisht kanë më pak se 150 të ardhura mujore për anëtar të familjes. Pra, nëse një familje ka katër anëtar parashihet që nëse ka më pak se 600 euro të ardhura mujore mesatare mund të kualifikohet për programin dhe shuma e subvencionimit pastaj do të varët varësisht më pak sesa pragu i nevojshëm që merr”.

    “Për këtë do të hapet edhe forma e aplikimit që është gati, por që gjatë ditëve në vijim do të dalim me njoftime si Ministri për formularin e aplikimit, ku të gjithë do ta kenë mundësinë që të aplikojnë”, ka thënë Murati.

    Në prezantimin e programit mori pjesë edhe shefi i bashkëpunimit në zyrën e BE-së, Alessandro Bianciardi, i cili tha se BE-ja është e zotuar se do ta ndihmojë Kosovën për energjinë. Deri tani, siç bëri të ditur ai, 200 mijë shtëpi kanë përfituar nga subvencionimi për konsumimin e energjisë.

    “Ju e dini qe BE është e zotuar që t’i ndihmojë qytetarët në Ballkanin Perëndimor që ta përballojnë krizën me energjinë. 200 mijë shtëpi kanë përfituar nga subvencionimi për konsumimin e energjisë”.

    “BE mbetet e zotuar që ta ndihmojë Kosovën në fushën e energjisë. Presim me padurim që të kemi një përkrahje dhe të kemi energjinë më të kapshme”, tha ai.

    Edhe menaxheri i Bankës Botërore në Kosovë, Massimiliano Paolucci, tha se do ta përkrahin Kosovën, jo vetëm për energji, por në të gjitha fushat.

    Ai tha se pret që nga ky program të fitojnë ata që nuk mund ta përballojnë inflacionin.

    “Energjia e shtrydh buxhetin e Kosovës meqenëse situata është shumë e keqe për ata që jetojnë në varfëri sepse shpenzojnë shumë për ushqime e gjera të tjera. Presim që nga programi i lansuar sot të përfitojnë ata që nuk mund ta përballojnë inflacionin”.

    “Masat e subvencionimit duhet që të analizohen shumë mirë. S’ka dyshim që do të përfitojnë më së shumti ata që kanë nevojë. Këto masa kërkojnë resurse të mjaftueshëm dhe duhet të menaxhohen në mënyrë efikase. Banka Botërorë i përkrah të gjitha reformat në Kosovë. Banka Botërore do ta përkrahë Kosovën në shumë fusha dhe të ketë”, tha ai.

  • ​Kurti futbollistëve: E di se me Zvicrën e keni më vështirë

    ​Kurti futbollistëve: E di se me Zvicrën e keni më vështirë

    Kryeministri i Republikës së Kosovës, Albin Kurti në shoqëri të ministrit të Kulturës, Rinisë dhe Sportit, Hajrulla Çeku dhe zv/ministres Daulina Osmani kanë qëndruar sot për vizitë në kampin e Kombëtares së Kosovës në hotel “Emerald”.

    Presidenti Agim Ademi duke e falënderuar të parin e ekzekutivit për vizitën ka shprehur mirënjohjen e tij në emër të FFK-së për mbështetjen që institucionet shtetërore po i japin ekipit kombëtar dhe në përgjithësi futbollit të Kosovës.

    “Kryeministri është motivues i madh dhe është njeri i aksionit, prandaj e kemi parë të arsyeshme që ai si kreu i qeverisë të vjen sot për vizitë dhe të japë mesazhin e tij frymëzues për të ecur përpara së bashku”, ka thënë presidenti Ademi.

    Ndërkaq, kryeministri i Republikës ka falënderuar futbollistët dardanë dhe stafin e kombëtares në përgjithësi për punën e mirë dhe për emocionet e papërshkrueshme që i japin popullit të Kosovës.

    “Ju vazhdimisht në ndeshjet e kaluara na keni sjell emocione por ethe. Janë emocione të paharrueshme dhe gëzime të cilat na mbajnë optimistë për të ardhmen. Ju dëshiroj shumë sukses në dy ndeshjet në vijim. E di se me Zvicrën e keni më vështirë edhe për arsye objektive. por besoj se me mbështetjen e ministrisë, me trajnerët që keni dhe me punën ekipore e ushtrimet që do të bëni në këto ditë do të keni mjaftueshëm energji që edhe në stadiumin ‘Fadil Vokrri’ më 9 shtator por edhe më 12 shtator kundër Rumanisë të jepni maksimumin dhe të merrni rezultatin që të gjithë e presin me aq dëshirë. Faleminderit gjithsecilit për gjithë këtë kontribut, i cili nuk është vetëm sportiv por është edhe popullor sepse jo vetëm njerëzit që përcjellin sportin ju ndjekin. Juve ju ndjekin krejt njerëzit që e duan Kosovën”, ka theksuar para futbollistëve kryeministri Kurti.

    Në emër të ekipit kombëtar kryeministrin me bashkëpunëtorët e tij i ka falënderuar kapiteni Amir Rrahmani.

    “Faleminderit për përkrahjen ndaj ekipit kombëtar dhe ndaj federatës. Shpresoj që edhe në të ardhmen kontributi dhe ndihma e institucioneve për rritjen e futbollit nuk do të mungojë”, ka thënë kapiteni i Dardanëve.

    Ndërkaq, ministri Hajrulla Çeku premtoi se institucionet do të vazhdojnë të qëndrojnë përkrah futbollit dhe ekipit kombëtar. “Ju jeni të vetëdijshëm për rëndësisnë e këtyre dy ndeshjeve dhe ne jemi këtu për t’iu ofruar gjithë mbështetjen e nevojshme si shtet e si institucione, jo vetëm zyrtarisht por edhe moralisht e me zemër. E keni një shtet dhe shoqëri të tërë mbrapa. Edhe jemi krejt me juve. Dijeni se po e përfaqësoni më shumë se një ekip dhe një sport. Këtu e kemi një gjasë të madhe për të ecë përpara dhe duhet ta shfrytëzojmë. Faleminderit të gjithëve për kontributin që e jepni për shtetin”, ka thënë Çeku.

  • Numri i vrasje në Kosovë, Çollakaj: Dominojnë arsyet banale, të pa justifikueshme

    Numri i vrasje në Kosovë, Çollakaj: Dominojnë arsyet banale, të pa justifikueshme

    Kosova, me një popullsi prej mbi 1 milion banorësh, ka përjetuar një situatë shqetësuese në lidhje me numrin e vrasjeve. Pa kaluar shtatori, numri i vrasjeve këtë vit, thuajse ka arritur numrin e vrasjeve të vitit 2022. Këtë vit, vetëm deri me 4 shtator në Kosovë janë regjistruar 19 vrasje.

    Lidhur me këto statistika, profesori universitar dhe njohësi i çështjeve të sigurisë, Fatmir Çollakaj, në emisionin “A LIVE” në ATV, motivet për këto vrasje janë nga më të ndryshmet, mirëpo sipas tij, dominojnë ato banale, apo të pajustifikueshme.

    “Po nuk ndalen kurrë, nuk ndalen askund vrasjet. Shkaqet mund të jenë të shumta, mund të jenë të ndryshme. Motivet e kryerësve të këtyre veprave penale në shumicën e rasteve të evidentuara deri tani dhe të analizuara, rezultojnë të jenë motive të ndryshme, dominim motivet edhe të ulëta, dominim motivet hakmarrëse dhe motivet tjera. Prandaj, nëse i analizojmë disa nga këto raste që kanë ndodhë në Republikën e Kosovës, edhe vitin 2022, edhe vitin 2023, në strukturën e këtij numri janë prezentë edhe kategoria e vrasjeve kur kryerësit për motive të ulëta, motive banale që në perceptimin popullor rezulton, sinqerisht janë prezentë për një numër jo i vogël i tyre, që kryerësit për motive krejtësisht të parëndësishme, ose krejtësisht banale, ose domethënë s’ka asnjë motiv që e arsyeton vrasjen, përveç ligjërisht të paraqitur rasteve e veçanta, specifikisht me ligj të përcaktuar kur është në vetëmbrojtje dhe vetëmbrojtja është e domosdoshme. Përveç në ato raste që një mënyrë apo tjetër ekziston një arsyeshmëri e zmbrapsjes së sulmit të qasshëm në kuptimin e rrethanave lehtësuese në përgjithësinë penale, krejt rasteve tjera janë të pajustifikuara, të paarsyeshme”, tha Çollakaj.

    Ai tha se nuk ka ndonjë kategorizim të kryrësve të këtyre veprave penale, të cilët mund të jenë me shkollim të ndryshëm.

    “Në praktikën kriminalistike dhe në praktikën juridike nuk ka ndonjë kategorizim shembullizues, sepse edhe rezulton nga praktika edhe njerëzit me shkollim të lartë në rrethana të veçanta kanë rezultu që të jenë privues të jetës së tjetrit. Edhe personat me shkollim të ndryshëm, edhe personat me afinitete të ndryshme, prandaj nuk kisha thanë që ka ndonjë kategorizim specifik, por në përgjithësi vrasjet pra mund të kryhen nga individë të ndryshëm, të cilët në rrethana të veçanta dominon errësimi i arsyes, abstenimi i arsyes, unë thamë të cilët sigurisht më pastaj pendohen. Në praktikë, prapë juridike del se jo të gjithë janë pendu. Edhe në rastin, për shembull të shqiptimit dhe dënimit me gjykim të gjykatës kompetente, nuk është pendu. Po këto raste më të rralla, zakonisht pendohen të gjithë. Që i bie se, në momentin e kryerjes së veprës penale të vrasjes, vetëdija e plotë e tyre në kuptimin e arsyeshmërisë së madhe ose të plotë nuk ka qenë. Që unë e quaj shumë herë me një terminologji dhe besoj që kam drejtë, abstenon arsyeja. Abstenimi i çasshëm, i pjesshëm dhe abstenimi më i gjatë. Këtë rast është i çasshëm”, tha Çollakaj. /atvlive.tv

    Më shumë detaje rreth kësaj çështje i gjeni në emisionin “A LIVE”, të cilin e gjeni në videon më poshtë:

  • Njohësi i çështjeve të sigurisë tregon se a ka rritje të vrasjeve në Kosove

    Njohësi i çështjeve të sigurisë tregon se a ka rritje të vrasjeve në Kosove

    Kosova, me një popullsi prej mbi 1 milion banorësh, ka përjetuar një situatë shqetësuese në lidhje me numrin e vrasjeve. Pa kaluar shtatori, numri i vrasjeve këtë vit, thuajse ka arritur numrin e vrasjeve të vitit 2022. Këtë vit, vetëm deri me 4 shtator në Kosovë janë regjistruar 19 vrasje.

    Lidhur me këto statistika, profesori universitar dhe njohësi i çështjeve të sigurisë, Fatmir Çollakaj, në emisionin “A LIVE” në ATV, tha se këto statistika, nëse krahasohen edhe me vitet paraprake, numri i vrasjeve në Kosovë është në një mesatare të pranuar.

    “Fillimisht vrasja si vepër penale, por edhe si dukuri shumë e randë negative shoqërore, i takon kategorisë së vepër penale klasike, që nënkupton se në çdo shoqëri, prej ku ekziston shteti dhe e drejta, vrasja ka qenë domethënë si vepër penale, aty ku natyrisht s’parashihet me ligj. Sa janë të shumta numri i tyre dhe sa është, sa është intensiteti i manifestimit të kësaj dukurie, kjo është çështje shumë relative, sepse edhe në statistikat e fundit, për shembull muaji gusht ka qenë më i dendur, më i ngjeshur me numrin e vrasjeve ose më i rritur te numri i vrasjeve. Për shembull, muajin qershor ka pasë numër ma të vogël, ose gjysmë gjysmën e parë të vitit 2023 ose nëse po bëjmë krahasim në vitin 2022, pra kemi oscilime në kuptimin e variacionit të numrit të vrasjeve, rrethanave dhe mënyrës së vrasjes e kështu me radhë. Në përgjithësi, statistikat zyrtare të policisë nuk na japin të drejtë të konstatojmë shumë se ka rritje, sepse krahasojmë me vitin dy mijë e njëzet e dy, krahasojmë me vitet paraprake, përafërsisht është numri i vrasjeve rreth një mesatare të pranuar”, tha Çollakaj. /atvlive.tv

    Më shumë detaje rreth kësaj çështje i gjeni në emisionin “A LIVE”, të cilin e gjeni në videon më poshtë:

  • Për 9 muaj, 19 vrasje në kosovë

    Për 9 muaj, 19 vrasje në kosovë

    Pergatiti: Jeta Selmanaj

    Kosova, me një popullsi prej mbi 1 milion banorësh, ka përjetuar një situatë shqetësuese në lidhje me numrin e vrasjeve. Pa kaluar shtatori, numri I vrasjeve këtë vit, thuajse ka arritur numrin e vrasjeve të vitit 2022. Këtë vit, vetëm deri me 4 shtator në Kosovë janë regjistruar 19 vrasje.

    Rastet e fundit të vrasjeve në Kosovë theksojnë shqetësimin për rritjen e fenomenit ku palët vendosin të bëjnë “drejtësinë” në mënyrë vetjake.

    Ngjarjet tragjike të Madanajt të Gjakovës në pranverë,pastaj rasti në Kijevë të Malishevës, rasti i vrasjes mizore në Pejë, rasti në qendër të Prishtinës, ku u vra një person mbetën 17 të plagosur, dhe rastet e fundit në Malishevë e Prizren, janë rastet që këtë vit kanë tronditur të gjithë qytetarët e Kosovës.

    Rasti i vrasjes dyfishtë në Madanaj të Gjakovës për shkak të kontestit pronësor . ishte raportuar më 25 qershor në muajin e gjashtë të vitit 2023.

    Një tjetër ngjarje e trishtueshme tjetër kishte ndodhur në Kijevën e Malishevës më 28 prill, ku dyshimet fillestare treguan se nipi kishte vrarë axhën e tij për shkak të një kontesti pronësor.

    Ndërsa, një vrasje e shokuese kishte ndodhur në Prishtinë, ku një shtetas i Maqedonisë së Veriut është qëlluar për vdekje me armë zjarri në “Rrugën C”.

    Ndër rastet më të tmerrshme të këtij viti është rasti i vrasjes mizore të nënës nga djali i saj në qytetin e Pejës.

    Pastaj vrasja në një lokal nate në Prishtinë ku vdiq një person e u plagosen 17.

    Ndërkaq në fund të gushtit në tregun e druve u vra një 29 vjeçar.

    Gjithashtu të dielën e 3 shtatorit, u vra një 48 vjeçar në Prizren.

    Në periudhën janar – dhjetor të vitit 2022, janë regjistruar 90 raste të tentativave për vrasje, ndërsa për periudhën janar – maj të vitit 2023, 58 raste kanë qenë në tentativë për të përfunduar si vrasje. Nga ana tjetër, statistikat për mbajtje në pronësi, kontroll apo posedim të paautorizuar të armëve pa leje tregojnë se në vitin 2022 janë regjistruar 775 raste të tilla për periudhën janar – maj, ndërsa në vitin 2023 numri ka rënë në 623.

    Më shumë detaje rreth kësaj çështje i gjeni në emisionin “A LIVE”, të cilin e gjeni në videon më poshtë:

  • Gjermania nuk ndërron qëndrim për vizat për Kosovën

    Gjermania nuk ndërron qëndrim për vizat për Kosovën

    Presidenti francez Emmanuel Macron bëri bujë javën e kaluar kur sugjeroi që liberalizimi i vizave i Kosovës, i vendosur të hyjë në fuqi nga 1 janari i vitit 2024, mund të rishikohet nga Parisi dhe Berlini nëse Prishtina nuk është në linjë lidhur me tensionet e vazhdueshme me Serbinë. Por Euroactiv mëson se Gjermania do t’i përmbahet afatit kohor fillestar, duke sugjeruar një divergjencë në qëndrim midis dyshes franko-gjermane, transmeton KP.

    Kosova ka qenë subjekt i masave të BE-së pas rritjes së tensioneve në veri të vendit, një rajon i banuar kryesisht nga serbë etnikë. Në nëntor të vitit 2022, serbët dhanë dorëheqje masivisht nga pushteti dhe institucionet lokale për shkak të kërkesës që të gjitha automjetet e Kosovës të vendosin targa të lëshuara nga Prishtina. Kjo do të ndikonte tek disa serbë etnikë në veri me targa të lëshuara nga Beogradi, të cilët jetojnë në Kosovë, por refuzojnë të njohin sovranitetin e saj.

    Zgjedhjet u mbajtën në muajin prill për të zëvendësuar ata që dhanë dorëheqje, por serbët refuzuan të merrnin pjesë ose të votonin, pas thirrjeve për bojkot nga Beogradi.

    Votimi rezultoi në një pjesëmarrje më pak se 4% ku u zgjodhën kryesisht shqiptarë etnikë. Kur ata u përpoqën të hynin në ndërtesat komunale me mbështetjen e policisë së Kosovës, serbët u përgjigjën me protesta që u përshkallëzuan në dhunë dhe lëndime të trupave paqeruajtëse të NATO-s.

    Pas një procesi të gjatë i cili përfshinte mbështetje thelbësore nga dyshja franko-gjermane, qytetarët e Kosovës do të mund të udhëtojnë në Evropë njësoj si çdo qytetar tjetër evropian, pa pasur nevojë për vizë, nga janari i vitit 2024.

    Franca dhe Gjermania kanë kohë që kanë një qasje të sinkronizuar ndaj Kosovës, duke dalë me qëndrime dhe deklarata të përbashkëta dhe duke u përfshirë shumë në një nga planet më të fundit për normalizimin e marrëdhënieve ndërmjet Kosovës dhe Serbisë, të quajtur joformalisht “plani franko-gjerman”.

    Trupi diplomatik i të dy vendeve është gjithashtu shumë i nderuar në nivel lokal, dhe fjalët e Macron dhe Scholz dhe ish-kancelares Angela Merkel kanë peshë të konsiderueshme.

  • Edhe sot po vazhdon dëshminë dëshmitari Agim Idrizi, në gjykimin ndaj Thaçit dhe të tjerëve

    Edhe sot po vazhdon dëshminë dëshmitari Agim Idrizi, në gjykimin ndaj Thaçit dhe të tjerëve

    Në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit në Dhomat e Specializuara të Kosovës (DhSK) në Hagë, seanca e së martës ka filluar me dëshmisë e dëshmitarit pa masa mbrojtëse, Agim Idrizit.

    Idrizi është dëshmitari i 21-të në këtë çështje dhe do të dëshmojë për rrëmbimin dhe ndalimin e tij të pretenduar nga pjesëtarët e Ushtrisë Çlirimtare të Kosovës (UÇK) në vitin 1999, raporton “Betimi për Drejtësi”.

    Ndryshe, në seancën e djeshme, prokurori i specializuar James Pace ka filluar të lexojë përmbledhjen e dëshmisë së këtij dëshmitari.

    I njëjti është duke i përgjigjur në pyetjet e prokurorit Pace dhe seanca po vazhdon në sesion publik.

    Paraprakisht, kryetari i trupit gjykues, gjykatësi Charles Smith ka bërë të ditur se Zyra e Prokurorit të Specializuar ka dorëzuar një parashtresë që është kërkesë për konferencë me anë të videos për dëshmitarin 03827.

    Lidhur me këtë, ekipet mbrojtëse do japin komentet e tyre gjatë ditës.

    Gjatë muajit prill ka filluar gjykimi derisa në seancën e 3 prillit, Zyra e Prokurorit të Specializuar (ZPS) dhe mbrojtësi i viktimave kanë paraqitur deklarimet hyrëse dhe pas leximit të aktakuzës së ndryshuar nga ana e ZPS-së, ish-presidenti Hashim Thaçi, ish-kryeparlamentarët Kadri Veseli dhe Jakup Krasniqi, si dhe ish-deputeti Rexhep Selimi, u deklaruan të pafajshëm për veprat penale që iu vihen barrë.

    Më 4 prill mbrojtja e Thaçit, Veselit dhe Selimit kanë dhënë fjalën hyrëse derisa më 5 prill mbrojtja e Krasniqit ka dhënë fjalën hyrëse.

    Më 11 prill ka filluar paraqitja e provave të Prokurorisë ku dëshmitarja e parë e mbrojtur e Prokurorisë, ka dhënë dëshminë e saj më 11 prill, 12 prill, 13 prill dhe më 17 prill.

    Më 17 prill ka filluar dëgjimi i dëshmitarit të dytë, po ashtu i mbrojtur, i cili ka vazhduar dhënien e dëshmisë edhe më 18 prill, 19 prill dhe 20 prill, ku ka përfunduar dhënien e dëshmisë edhe dëshmitari i tretë, kurse më 10 maj ka filluar dhënien e dëshmisë dëshmitari i katërt, dëshmia e të cilit përfundoi më 17 maj.

    Tutje, dëshmitari i pestë ka filluar dëshminë më 17 maj dhe e përfundoi më 22 maj, ku filloi dëshminë dëshmitari i gjashtë i cili përfundoi dëshminë më 23 maj, në të njëjtën ditë me dëshmitarin e shtatë.

    Kurse, më 12 qershor ka filluar dëshminë e tij dëshmitari i tetë, i cili përfundoi dëshminë e tij më 14 qershor, ndërkaq me 15 qershor ka përfunduar dëshmia e dëshmitarit i nëntë.

    Më 19 qershor ka përfunduar dëshminë dëshmitari i dhjetë, në ditën ku ka filluar dëshminë dëshmitari i 11-të i cili e ka përfunduar dëshminë e tij më 20 qershor. E më 10 korrik ka filluar dëshminë dëshmitari i 12-të, i cili ka përfunduar dëshminë më 11 korrik, në seancën ku ka filluar dëshminë Rrustem Mustafa, ish-komandat i zonës operative të Llapit.

    Mustafa ka vazhduar dhënien e dëshminë së tij në seancën e 12, 13, 14, 17 dhe 18 korrikut.

    Ndërsa dëshmitari i 14-të me radhë, Francis Ladwidge, oficeri britanez që shërbeu në Kosovë filloi dëshminë po më 18 korrik dhe e mbaroi më 19 korrik, ku nisi dëshminë dëshmitari i 15-të, i cili e përfundoi më 20 korrik.

    Kurse, më 14 gusht filloi dhënien e dëshmisë dëshmitari i 16-të, e që e përfundoi më 16 gusht dhe më 17 gusht përfundoi dëshminë dëshmitarja e 17, Dragica Bozhaniq.

    E dëshmia e dëshmitarit të 18-të ka filluar më 28 gusht dhe ka mbaruar më 29 gusht, në ditën kur filloi dëshminë dëshmitari i 19-të, i cili përfundoi dëshminë më 30 gusht.

    Më 4 shtator përfundoi në të njëjtën ditë dëshminë dëshmitari i 20-të, kurse pa masa mbrojtëse filloi të dëshmojë, dëshmitari i 21-të, Agim Idrizi.

    Ndryshe, Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.

    Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.

    Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.

    Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020./BetimipërDrejtësi

  • BE e shqetësuar për dhënien e shtetësisë nga Serbia për rusët sipas rregullave të lehtësuara

    BE e shqetësuar për dhënien e shtetësisë nga Serbia për rusët sipas rregullave të lehtësuara

    Komisioni i Bashkimit Evropian ka ngritur edhe një herë shqetësimin për dhënien e shtetësisë nga Serbia për qytetarët e Rusisë përmes procedurave të përshpejtuara.

    Duke marrë parasysh numrin e madh të rusëve që u është dhënë shtetësia nga Serbia sipas rregullave të lehtësuara e që më pas hyjnë në zonën Shëngen pa pasur nevojë për vizë, Komisioni tha se ata janë të shqetësuar për rreziqet e mundshme të sigurisë në bllok, SchengenVisaInfo.com raporton, transmeton KosovaPress.

    Duke komentuar këtë çështje, një zëdhënës i Komisionit të BE-së tha për REL se Serbia duhet të harmonizojë politikën e saj të vizave dhe të mos u japë shtetësinë rusëve përmes procedurave të përshpejtuara.

    Për më tepër, zëdhënësi tha se Serbia si vend kandidat duhet të mbajë rregulla më të rrepta ndaj Rusisë dhe, në të njëjtën kohë, theksoi se autoritetet aktualisht po e monitorojnë nga afër situatën.

    “Komisioni Evropian është në dijeni të numrit të madh të qytetarëve rusë që janë vendosur në Serbi pas agresionit të Rusisë kundër Ukrainës. Si vend kandidat, Serbia pritet të përshtatet në mënyrë progresive me politikat dhe vendimet e Bashkimit Evropian. Komisioni po monitoron me kujdes situatën dhe po shkëmben informacione me autoritetet serbe në lidhje me praninë e shtetasve rusë në Serbi”, thuhet në deklaratën e zëdhënësit.

    Megjithatë, zëdhënësit nuk zbuluan se çfarë masash pritet të marrë Komisioni në rast se Serbia vazhdon t’u japë shtetësinë rusëve sipas procedurave të përshpejtuara dhe nëse nuk e përafron politikën e saj të vizave, si dhe nuk shtrëngon rregullat e saj.

    Kjo nuk është hera e parë që BE shpreh shqetësimet e saj. Më herët, në maj të këtij viti, Komisioni tha se ishte i shqetësuar për dhënien e shtetësisë nga Serbia për shtetasit e vendeve të tjera sipas rregullave të thjeshtuara.

    Në atë kohë, një zëdhënës i Komisionit të BE-së tha se Serbia rrezikon regjimin e saj të lëvizjes pa viza pasi numri i qytetarëve të vendeve të treta që u jepet shtetësia dhe më pas hyjnë pa viza në vendet e BE-së është rritur.

    “Serbia ka bërë një hap të rëndësishëm në përshtatjen e regjimit të vizave me atë të BE-së. Komisioni inkurajon Serbinë që të vazhdojë përpjekjet e saj në këtë drejtim në mënyrë që të ketë një përshtatje të plotë”, pati thënë zëdhënësi në muajin maj.

    Përveç të lartpërmendurave, vendet e BE-së janë ankuar edhe për një numër të shtuar të emigrantëve të parregullt që arrijnë në bllok përmes Serbisë. Ata thanë se numri i ardhjeve të parregullta është rritur ndjeshëm nga vendet për të cilat Serbia ka hequr kërkesat për viza.

    Për këtë arsye, ata kanë kërkuar vazhdimisht që vendi të vendosë rregulla më të rrepta për të gjithë.

  • Osmani: Përgjigja ndaj Macronit për vizat s’ishte kërcënim

    Osmani: Përgjigja ndaj Macronit për vizat s’ishte kërcënim

    Presidentja Vjosa Osmani ka thënë se përgjigja e saj për Presidentin e Francës, Emanuel Macron, lidhur me liberalizimin e vizave, nuk është kërcënim, meqë Macron s’ka as dobi e as dëm nëse Kosova nuk merr pjesë në dialog.

    Osmani ka thënë se është takuar disa herë me Macronin dhe se e njeh jashtëzakonisht mirë.

    “Në radhë të parë, unë në asnjë moment nuk e vlerësoj si kërcënim, as në përmbajtje as në ton. Presidenti Macron nuk ka as ndonjë dobi, e as ndonjë dëm se a merr pjesë apo jo Kosova në dialog. Në mënyrë që të konsiderohej kërcënim ndaj tij, do të duhej ta spjegonin kritikët se ku qenka dobia e tij si president i Fraancës apo dëmi në raport me të, nëse Kosova s’merr pjesë në dialog. Mirëpo, unë e kam pas rastin ta takojë Presidentin Macron disa herë dhe mendoj që e njoh jashtëzakonisht mirë”, ka deklaruar Osmani në një intervistë me Grida Dumën, në Top Chanel.

    Osmani ka thënë se Macron dhe aleatët tjerë të Kosovës presin nga liderët e vendit sinqeritet të plotë se çka mund të ndihmojë e çka mund ta dëmtojë dialogun.

    “Në të gjitha takimet që i kam pasur me të, vlerësoj se ajo çka presidenti Macron por edhe gjithë aleatët tanë presin nga ne është sinqeriteti i plotë se çka mendojmë se mund ta ndihmojë dialogun dhe cka mendojmë se mund ta dëmtojë dialogun, si një proces nga i cili ka interes i gjithë rajoni jonë”, ka thënë Osmani.

    Ndryshe, më 30 gusht, Osmani ka thënë se pezullimi i vendimit për heqje të vizave për qytetarët e Kosovës nga 1 janari i vitit 2024, do ta vriste dialogun mes Kosovës dhe Serbisë.

    Ajo i ka bërë këto deklarata, duke iu referuar qëndrimit të presidentit francez, Emmanuel Macron, i cili ka thënë më 28 gusht se vendi i tij do t’i rishikojë zotimet që i ka bërë për çështje ekonomike dhe politika të vizave për Kosovën dhe Serbinë, nëse ato nuk sillen me përgjegjësi.

    “Unë do të thosha që kjo është mënyra për ta vrarë dialogun një herë e përgjithmonë. Në qoftë se dëshiron dikush që të mos ketë më dialog, atëherë ndërmerr masa të tilla, që janë masa ndëshkuese ndaj popullit të Kosovës. Nuk janë ndaj ndonjë lideri, nuk janë ndaj një politike, janë ndaj popullit të Kosovës. Dhe një ndëshkim i tillë i paprecedentë, që edhe ashtu ka qenë padrejtësi e madhe për popullin e Kosovës, do të rezultojë me vdekjen e dialogut. Nuk ka më askush mandat që të shkojë në Bruksel, kur populli i Kosovës ndëshkohet”, ka thënë Osmani.