ATV

Tag: Ballina

  • “Subvencionet 3”, katër të akuzuarit dënohen me 28 muaj burgim

    “Subvencionet 3”, katër të akuzuarit dënohen me 28 muaj burgim

    Përgatiti: Nora Luta

    Gati dy javë pasi pranuan fajësinë për dhënie ryshfeti e keqpërdorim me subvencionet për bujqësi, Bejtush Gashi, Sadush Kabashi, Halit e Arbër Avdijaj u paraqitën sërish në Gjykatën Themelore të Prishtinës.

    Të ulur në sallën e gjykimit, e në heshtje po e prisnin vendimin e trupit gjykues.

    Pak minuta pasi ishte planifikuar të shpallet aktgjykimi, kryetarja Valbona Musliu – Selimaj njofton që Gjykata i ka gjetur fajtorë për veprat penale që janë ngarkuar.

    Secili u dënua me gjashtë muaj burgim, e me nga një mijë euro gjobë.

    Por, Arbër Avdijajt i ka shqiptuar edhe dënim unik me burgim prej dhjetë muajsh dhe është obliguar që t’ia kthejë shtetit 63 mijë e 198 euro.

    Avdiaj, sipas dosjes së Prokurorisë Speciale, kishte dhënë ryshfet dhe kishte aplikuar për subvencione në emër të Halit Avdijajt.

    Katër të dënuarit e kishin pranuar fajësinë në shqyrtimin fillestar në rastin e dallavereve me subvencione.

    Ndërsa, gjykimi do të vazhdojë për të akuzuarit e tjerë, të cilët e kishin mohuar fajësinë, në mesin e tyre zyrtarë komunalë, dhe Luan Statovci, drejtor për Pagesa Direkte në Agjencinë për Zhvillimin e Bujqësisë.

    Statovci dhe të tjerët ishin arrestuar gjatë një aksioni të Policisë, në shkurt të vitit 2021, gjatë të cilit ishin sekuestruar 400 mijë euro.

    Të hollat ishin gjetur në shtëpitë e të akuzuarve, gjatë aksionit, i cili ishte
    zhvilluar në rajonin e Istogut, të Gjilanit, të Lipjanit dhe atë të Pejës.

    Bastisje ishte zhvilluar edhe në rajone të tjera gjatë një aksioni disa ditë para arrestimit të Statovcit, ku në pranga kishin përfunduar rreth 30 persona, në mesin e tyre zyrtarë të Ministrisë së Bujqësisë e komunalë, bujq dhe fermerë.

    Pas hetimeve, Prokuroria Speciale kishte ngritur aktakuza, ku aktualisht në Gjykatën Themelore në Prishtinë janë duke u zhvilluar edhe dy procese të tjera gjyqësore, Subvencionet 1 dhe Subvencionet 2.

    Edicionin Qendror të lajmeve në ATV e gjeni në videon më poshtë:

  • Kurti akuzon Lajçakun për anshmëri, nuk tregon si do të vazhdojë dialogu

    Kurti akuzon Lajçakun për anshmëri, nuk tregon si do të vazhdojë dialogu

    Përgatiti: Fatlum Jashari

    Kryeministri Albin Kurti nuk qartësoi nëse ose si dhe kur do të vazhdojë procesi i dialogut në Bruksel, teksa akuzoi Përfaqësuesin e Posaçëm të Bashkimit Evropian, ndërmjetësin Miroslav Lajçak, për rreshtim përkrah Serbisë.

    Referuar takimeve të 14 Shtatorit, kryeministri Kurti tha se emisari Lajçak është koordinuar dhe ka vepruar në skenar të përbashkët me presidentin e Serbisë, Aleksandar Vucic, për propozimin e draft-dokumentit të sekuencimit.

    Për këtë ai tha se u ka shkruar letër sekretarit amerikan të shtetit, Antony Blinken; kancelarit gjerman, Olaf Scholz; presidenti francez, Emmanuel Eacron dhe kryeministres italiane, GIorgia Meloni.

    Megjithatë, ai nuk tregoi nëse ka kërkuar direkt largimin e Lajçakut e as nëse dialogu do të vazhdojë, gjersa diplomati sllovak të jetë në rolin e ndërmjetësit.

    “Është koha kur kemi nevojë për konsultime me Brukselin së pari dhe, gjithashtu, edhe Uashingtonit, Berlinit, Parisin, e kështu me radhë dhe këtë po e bëjmë. Duhet t’i rikthehemi marrëveshjes bazike dhe tekstit të dakorduar në Bruksel dhe në Ohër që duhet të shndërrohet në zbatim real në terren. Insistimi ynë do të jetë në këtë pikë dhe unë besoj se do të kemi diskutime përmbajtjesore edhe vend brenda BE-së që procesin të kthejmë në binarë, nga është nxjerrë me njëanshmërinë e emisarit”, ka thnë Kurti.

    Kryeministri përmendi mungesën e reagimit ndaj votimit të Serbisë kundër, në fazën fillestare të procesit të anëtarësimit të Kosovës në Këshillin e Evropës, si pikë të thyerjes së madhe të besimit në ndërmjetësit.

    “Ata kanë shkuar shumë larg me goditjen e të ardhmes së Kosovës. Në situatën në të cilin jemi, vlerësoj se nuk mund të shtrembërohen me gjykimin tim me asnjë hedhje hirit syve. Ose do të zbatojmë marrëveshjen bazike në tërësi, ose nuk mund të zbatojmë vetëm ato që i dëshiron Serbia”, ka thënë Kurti.

    Duke vazhduar akuzat ndaj përfaqësuesit të BE-së, as kryeministri e as zëvendësi i tij i parë, nuk treguan nëse do të ketë masa të reja ndëshkuese për Kosovën.

    “Ka pasë premtim nga Lajçaku që masat do të hiqen menjëherë pas 14 shtatorit, me një letër që do të dërgojë zotëri Borell te Komisioni Evropian. Në vend të kësaj zotëri Lajçak u ka raportuar vendeve anëtare që masat ndaj Kosovës po kanë efekt dhe rrjedhimisht do të mbetet në fuqi”, ka thënë zëvendëskryeministri për dialog, Besnik Bislimi.

    Pasi theksoi se duhet kujdes që të mos ketë ri-eskalim të situatës në katër komunat me shumicë serbe në veri të Kosovës, kryeministri tha se adresë për dhunën paraprake dhe eventuale është Beogradi.

    Edicionin Qendror të lajmeve në ATV e gjeni në videon më poshtë:

  • “Fitore me duar në xhepa”, Mustafa: Para se të ndërrohet Albini, duhet të ndryshojë opinioni

    “Fitore me duar në xhepa”, Mustafa: Para se të ndërrohet Albini, duhet të ndryshojë opinioni

    Ish-kryeministri i Kosovës, Isa Mustafa, duke reaguar ndaj deklaratës së kryeministrit Albin Kurti për kërkesën e opozitës për zgjedhje të reja parlamentare, i është kundërpërgjigjur edhe deputetes së PDK-së, Ganimete Musliu, e cila ka krahasuar një deklaratë të Kurtit me atë të ish-kreut të LDK-së, vite më parë i cili thoshte “Prishtinën e fitoj me duar në xhepa”.

    E, Mustafa sot u shpreh se në kohën kur e ka thënë këtë deklarata, në Prishtinë kishin ndërtuar mbi 25 shkolla në qytet e fshatra, si dhe kishin kryer punë të tjera.

    Megjithatë, Mustafa u shpreh se në atë kohë kur drejtonte Prishtinë, të gjithë u bënë me Kurtin për ta rrëzuar LDK-në nga pushteti lokal.

    Mirëpo, Mustafa thekson se para se të ndërrohet Kurti, duhet të ndryshojë opinioni, transmeton Paparaci.

    “Po lexoj sot disa deklarata dhe shkrime që mundohen të kundërshtojnë z. Kurti i cili kishte thënë se zgjedhjet tani do ta zhduknin opozitën. Si argument të tyre kundër Kurtit e marrin deklaratën, time të para 11 viteve se zgjedhjet në Prishtinë do ti fitoj me duar në xhepa”.

    “Në mandatin që kisha dhënë këtë deklaratë në Prishtinë kishim ndërtuar mbi 25 shkolla në qytet dhe fshatra, mbi 30 terrene sportive e shumë qendra mjekësore, kishim filluar me të madhe gjelbërimin e qytetit, punohej në përfundimin e Fabrikës së ujit në Shkabaj, në investimet në kogjenerim për ngrohje të qytetit nga TC Kosova B, punohej në ndërtimin e Sheshit Ibrahim Rugova dhe atij Zahir Pajaziti, përfundohej rruga B, që është shndërruar tani në qendër alternative të Prishtinës, përfundoheshin kolektorët dhe ndërtimi i rrugëve mbi ta në Lakrishtë dhe te banesat sociale, trajtohej unaza e jashtme e Prishtinës….”, shkroi Mustafa në Facebook.

    Sipas tij, këto nuk bëheshin me duar në xhepa, siç mendojnë disa sot.

    “Unë besoja në punët që i bënim. Atëherë u bashkuan të gjithë me z. Kurti kundër LDK-së; të gjithë këta që sot duan ta rrëzojnë. Deklarata e z. Kurti korrespondon me mënyrën se si erdhi në pushtet”, shtoi ai.

    “Qartë se ai nuk po lodhet shumë as për ekonominë, investimet, shkollat, spitalet… në vend të kësaj po i sjell në gisht analfabetët funksional dhe kopjuesit e tij politik me retorikë propaganduese milimetrike. Askush nga ta nuk shtron pyetjen se çfarë po punon Albini e ku po i mban duart, por çfarë thotë Albini, i cili e ka kuptuar mirë logjikën e opinionit. Prandaj para se të ndërrohet Albini, duhet të ndryshojë opinioni”, tha ai.

  • EULEX-i forcon Njësinë Speciale, sot arritën edhe 20 pjesëtarë nga Lituania

    EULEX-i forcon Njësinë Speciale, sot arritën edhe 20 pjesëtarë nga Lituania

    20 xhandarë lituanezë të Forcës së Xhandarmërisë Evropiane arritën sot në Kosovë për t’iu bashkuar Njësisë Policore të Specializuar Rezervë të EULEX-it (NJPSR), e cila aktualisht përbëhet nga 24 karabinierë italianë.

    Xhandarët lituanez të NJPSR-së do t’i përforcojnë përkohësisht radhët e Njësisë Policore të Specializuar të EULEX-it, e përbërë nga 105 policë polakë, me qëllim që t’i përgjigjet nevojave të Misionit për të pasur forca shtesë në terren dhe për të qenë në gjendje t’i mbështesin më mirë homologët kosovarë, nëse kjo kërkohet dhe nëse është e nevojshme.

  • Rritja e numrit të aksidenteve në trafik, Dedaj: Kjo Qeveri s’po shqetësohet për këto aksidente me fatalitet

    Rritja e numrit të aksidenteve në trafik, Dedaj: Kjo Qeveri s’po shqetësohet për këto aksidente me fatalitet

    Pesë persona kanë vdekur gjatë vikendit dhe dhjetëra të tjerë janë lënduar si pasojë e aksidenteve të trafikut në Kosovë. Të dhënat e policisë tregojnë se vetëm gjatë të shtunës dhe të dielës janë raportuar 109 aksidente trafiku , prej të cilave, 41 prej tyre me të lënduar dhe 65 të tjera me dëme materiale.

    Nol Dedaj, ekspert i komunikacionit në një lidhje të drejtpërdrejt për emisionin “A LIVE”, tha se duhet të krijohet një strategji për siguri rrugore, në mënyrë që të krijohet siguria në trafik.

    “Qeveria s’po shqetësohet dhe organet përkatëse nuk janë të shqetësuar për këto aksidente që po ndodhin. Nuk po ndërmerret asgjë që të parandalohen aksidentet në trafik në Kosovë. Nuk kemi strategji për siguri rrugore. Të gjitha shtetet ë bëjnë strategjinë 10-vjecare dhe e parashohin hap pas hapi se cilat janë at elemente që I parandalojnë këto aksidente. Ne e kemi pasur një strategji rrugore 2010-2020, edhe aty është shkruar se 50 për qind e aksidenteve rrugore do të zvogëlohen me marrjen e këtyre masave por në fakt kjo përqindje është rritur sepse nuk ka qenë e zbatueshme fare kjo strategji dhe pastaj as sot nuk kemi një strategji të tillë”, tha Dedaj.

    Për më shumë ndiqni videon e mëposhtme:

  • ​Osmani takoi një grup të shoqatave të komunitetit shqiptar në SHBA

    ​Osmani takoi një grup të shoqatave të komunitetit shqiptar në SHBA

    Presidentja e Kosovës, Vjosa Osmani, e cila po qëndron në New York ku po mbahet sesioni i 78-të i Asamblesë së Kombeve të Bashkuara, nën organizimin e aktivistit të mërgatës shqiptare dhe shërbimeve filantropike, Mark Gjonaj, ka takuar një grup të organizatave të komunitetit shqiptarë nga Kosova, Shqipëria, Maqedonia e Veriut, Presheva, Medvegja, Bujanoci dhe Mali i Zi, të cilat veprojnë në SHBA.

    Sipas presidentes Osmani, ky takim me mërgatën shqiptare është dëshmi e lidhjeve të forta dhe të qëndrueshme ndërmjet popullit të Kosovës, si dhe komunitetit shqiptar në përgjithësi me Shtetet e Bashkuara të Amerikës, thuhet në komunikatën për media.

    Në këtë kontekst, Osmani, ka falënderuar komunitetin shqiptar, i cili përveç se në forcimin e lidhjeve të Kosovës me SHBA-të, ka ndihmuar shtetin e Kosovës në procesin e lirisë, pavarësisë dhe shtetndërtimit.

    “Ju jeni forca shtytëse e shumë proceseve nëpër të cilat ka kaluar Kosova. Liria dhe shteti jonë, janë rezultat edhe i angazhimit të vazhdueshëm të mërgatës sonë këtu, ndaj faleminderit për gjithçka që keni bërë dhe po bëni. Na duhet edhe mëtej angazhimi juaj. Kosova ka nevojë për mbështetjen tuaj dhe të SHBA-ve. E di që nuk hezitoni, ndaj presim që bashkërisht, pa dallim të angazhohemi që ta fuqizojmë shtetin tonë, krahas mbështetjes dhe koordinimit me aleatat tanë”, ka thënë ajo.

    Bëhet e ditur se e para e vendit shtroi nevojën e ruajtjes dhe promovimit të kulturës dhe trashëgimisë sonë në Shtetet e Bashkuara, për të cilën gjë tha se rol më rëndësi luajnë shoqatat, të cilat i grumbullojnë shqiptarët.

    Në bashkëbisedim me mërgatën, Osmani tha se Kosova pret mbështetjen e tyre edhe në fushën e investimeve. Sipas saj, në Kosovë tashmë është krijuar një klimë e përshtatshme për investime, ndaj investimet nga mërgata janë të mirëseardhura.

    Ndërkaq përfaqësues të shoqatave që grumbullojnë shqiptarët në SHBA, falënderuan Osmanin për takimin dhe shprehën mbështetjen e palëkundur për Kosovën dhe përkushtimin për të ndihmuar iniciativa të ndryshme, të cilat synojnë zhvillimin dhe mirëqenien e shtetit.

  • Kurti: Lajçaku e Vuçiqi ishin koordinuar, shkuan shumë larg me goditjen e të ardhmes së Kosovës

    Kurti: Lajçaku e Vuçiqi ishin koordinuar, shkuan shumë larg me goditjen e të ardhmes së Kosovës

    Kryeministri Albin Kurti, pas takimit në Bruksel me presidentin e Serbisë, Aleksandar Vuçiq, i është drejtuar qytetarëve me një konferencë për medie, raporton Ekonomia Online.

    Për takimin e 14 shatorit që rezultoi i pasuksesshëm, Kurti dha detaje bashkë me zëvendëskryeministrin parë për Integrim Evropian, Zhvillim dhe Dialog, Besnik Bislimi. Ai edhe një herë ka ripërsëritur propozimin që u bëri përfaqësuesve të Bashkimit Evropian (BE).

    Sipas tij, takimi s’ka pasur asnjë rezultat për shkak të kushtëzimit të Serbisë për themelimin e Asociacionit, para zbatimit të marrëveshjes së Brukselit dhe Ohrit.

    Ai shton se Asociacioni nuk mund të jetë kusht, për zbatimin e marrëveshjes dhe se çështja duhet të zgjidhet në kuadër të dhjetë pikave të Marrëveshjes bazë.

    Kurti tha se të enjten në Bruksel “pati një poziccionim të qartë të ndërmjetësit kundër Kosovës” në takimin me presidentin serb, Aleksandar Vuçiq. Aty tha se u ekspozua “përballë një skenari” të emisarit të Bashkimit Europian, Miroslav Lajçak.

    “Ata kanë shkuar shumë larg me goditjen e të ardhmes së Kosovës. Në ftesën për takim nuk ishte përcaktuar ndonjë pikë specifike të rendi të ditës, por aty thuaje për planin e zbatimit të marrëveshjes së arritur. Unë shkova propozimi ynë bazohej në parimin e gjithëpërfshirjes që nënkuptonte që çdo nene duhej të përfshihej në planin e zbatimit. Parimin e gjithëpërfshirejs nuk është që e ka zbuluar unë”.

    “Detyrimin për të zbatuar secilin nene e thotë aneksi. Në atë aneks prezantohet që çdo nen i marrëveshjes bazike duhet zbatuar dhe palët duhet ta zbatojnë. Në takimin e parë me Borellin dhe Lajçakun mu kërkuar që të kalojmë menjëherë ne negociata në lidhje me neni 10, ju bëra të qartë se nuk mund të dakordohemi pa zbatimin e neneve. Ju bëra të qartë se hapi i për duhet të jetë dakordimi i një plani të sekuencimit. Në takimin e për nuk arritëm tek një kuptim”.

    “Në takimi i dytë me pjesëmarrjen e u ekspoziva përball një skenari që Lajçak duke që e keishte dizajnuar kohë më parë. Pasi i propozova planin e zbatimit të sekuencimit presidenti i Serbisë dhe Lajçak reaguan me të njëjti mendim. Ju thash nëse po e refuzoni propozimin tim a ka bërë Serbia një propozim të tillë, Lajçak tha me bindje po”.

    Pas disa orësh takime të ndara me diplomatët e BE-së, Josep Borrell e Miroslav Lajçak, dhe pas një takimi trepalësh, Kurti dhe Vuçiq nuk kanë arritur të pajtohen për zbatimin e marrëveshjes bazë Kosovë-Serbi.

    Përderisa përfundimi pa rezultat i takimit të 14 shtatorit ka ngritur pikëpyetje për të ardhmen e procesit të ndërmjetësuar nga Bashkimi Evropian për normalizimin e marrëdhënieve.

    Madje si rezultat i kësaj, po kërkohet që Shtetet e Bashkuara të përfshihen direkt në procesin e dialogut.

    Përfaqësuesi special i BE-së për dialogun Kosovë-Serbi, Miroslav Lajçak, ka thënë se ka pritur rezultate më konkrete, gjatë takimit të fundit.

    Lajçak tregoi se pas takimit të nivelit të lartë, iu është drejtuar ambasadorëve të vendeve anëtare BE-së, në Bruksel për detajet e takimit.

    E presidenti serb Aleksandar Vuçiq tha se bisedimet me Kurtin përfunduan pa sukses, pasi Kurti, sipas tij, “e refuzoi propozimin evropian”.

  • ​Autobusi me ngjyrën rozë nga sot ofron shërbim të mamografisë falas

    ​Autobusi me ngjyrën rozë nga sot ofron shërbim të mamografisë falas

    Autobusi i ngjyrosur rozë sot fillon qarkullimin nga ora 11:00, e në të cilin do të ofrohet shërbim i mamografisë falas.

    Nisja bëhet nga pritorja në rrugën “Luan Haradinaj”, konkretisht te New Born dhe e gjithë kjo në kuadër të muajit të ndërgjegjësimit për parandalimin e kancerit të gjirit.

    Shërbimi i mamografisë do të ofrohet falas edhe në tri Qendrat e Mjekësisë Familjare: në Qendrën Kryesore të Mjekësisë Familjare, atë të lagjes “Dardania” dhe në QMF “Veternik”.

    Ndërkohë, komuna ka falënderuar ekipet e basketbollit të Trepçës e Pejës, lojtarët e së cilave do të veshin bluzat “Race for the Cure Prishtina 2023” në shenjë mbështetje për fushatën e vetëdijësimit kundër kancerit të gjirit.

    “Ju lutemi nëna, motra, gra, sidomos nëse jeni mbi 40 vjeç bëjeni mamografinë, është falas dhe mund ta bëni në Qendrat e mjekësisë familjare në lagjet “Qafa”, “Dardania” dhe “Veternik”. Kontrolli mund të shpëtojë jetë”, thuhet në reagimin e komunës

  • ​Dy serbë hyn ilegalisht nga Serbia në Kosovë, ndalohen nga policia

    ​Dy serbë hyn ilegalisht nga Serbia në Kosovë, ndalohen nga policia

    Njësitë policore kanë ndaluar një veturë me targa të Serbisë me drejtues të dyshuarin mashkull kosovar, veturë në të cilën ka qenë edhe një pasagjer i dyshuar mashkull shtetas i Serbisë.

    Vetura është ndaluar në fshatin Uglar dhe dyshohet se është futur në territorin e Republikës së Kosovës duke iu shmangur pikë kalimeve të rregullta kufitare.

    Sipas Policisë, lidhur me rastin është konsultuar prokurori i shtetit, i cili ka rekomanduar që ndaj të dyshuarve të iniciohet rasti i lartcekur dhe të procedohet në procedurë të rregullt.

  • Miratimi i ligjeve, pushteti akuzohet se është në kundërshtim me Kushtetutën

    Miratimi i ligjeve, pushteti akuzohet se është në kundërshtim me Kushtetutën

    Përgatiti: Fitim Majkovci

    Një tjetër ‘’luftë’’ ka nisur mes pushtetit dhe opozitës në vend, ku Vetëvendosje po akuzohet për miratim të ligjeve në kundërshtim me Kushtetutën e Kosovës.

    Shefi i grupit parlamentar të PDK-së, Abelard Tahiri, ka thënë se opozita po fiton çdo betejë me pushtetin në Gjykatën Kushtetuese, për shkak se ata janë shkelësit më të mëdhenj të saj.

    “E keni të qartë tashmë se sa betejat si opozitë i kemi fituar në raport me këta njerëz të padijshëm në Gjykatën Kushtetuese. Këta janë edhe të padijshëm edhe të dëmshëm. Të bësh një veprim të tillë që cenon direkt pavarësinë e nivelit lokal të komunave duhet me qenë, ose i marrë, ose shumë i padijshëm. Nëse e kanë bërë pa vetëdije këta janë të padijshëm pasi gjërat bazike që duhet t’i dijë një qeveri, këta nuk po i dinë”, tha Tahiri.

    Ndërkaq, edhe nga Instituti i Kosovës për Drejtësi, thonë se qeveria aktuale nuk po shkruan ligje në përputhje me Kushtetutën dhe standardet ndërkombëtare.

    “Sa i përket përmbajtjes se si është duke shkruar qeveria, ne kemi evidentuar probleme kushtetuese të shkrimit të këtyre ligjeve. Ta zëmë Ligji për Këshillin e Pavarur Mbikëqyrës Civil, ka hyrë nën ombrellën e Ministrisë së Drejtësisë. Një ligj i tillë nuk është dërguar nga opozita, por ligji përmban të meta kushtetuese dhe nuk është në përputhje me Kushtetutën e Kosovës. Konsiderojmë se Qeveria nuk është duke draftuar ligje në pajtim me Kushtetutën dhe standardet ndërkombëtare”, tha Naim Jakaj, hulumtues në IKD.

    Megjithatë, njëjtë s’mendon deputeti i pushtetit, Adnan Rrustemi, që këto kritika i ka cilësuar si tentim bllokimi për reforma të caktuara të qeverisë.

    “Motivi i opozitës është në dy pika, e para për të vonuar reforma të caktuara të Qeverisë. Dërgimi në Gjykatën Kushtetuese po merr një periudhë të gjatë të shqyrtimit. Motivi i dytë është krejtësisht inkriminues në kuptimin e mbrojtjes së interesave individuale dhe grupore që kanë. Kur opozita e konteston në Gjykatën Kushtetuese, Ligjin për Byronë për verifikimin dhe konfiskimin e pasurisë së pajustifikueshme nuk po e konteston se ka mospajtime me përmbajtjen pasi nuk e ka bërë asnjë kritikë për përmbajtjen, por thjesht po e konteston idenë për një byro”, tha Adnan Rrustemi, deputet i LV-së.

    Muaj më parë në Kushtetuese u rrëzua Ligjin për Këshillin Prokurorial, ndërsa, aktualisht janë duke u shqyrtuar edhe ligjet për paga në sektorin publik, ligji byronë, pagën minimale si dhe ai i tatimit në pronë.

    Edicionin Qendror të lajmeve në ATV e gjeni në videon më poshtë: