Në Dhomat e Specializuara në Hagë vazhdon sot nga ora 09.30 procesi gjyqësor ndaj ish-pjesëtarit të UÇK-së, Pjetër Shala.
Ndryshe në çështjen gjyqësore Pjetër Shala, dëshmitari i parë i thirrur nga Mbrojtja, Bardhyl Mahmuti, përfundoi më parë dhënien e dëshmisë, raporton RTKlive.
Veprimtari Bardhyl Mahmuti i cili ishte dëshmitar i mbrojtjes në Hagë, tha se duke qenë pjesë e Lëvizjes Popullore ka qenë edhe në strukturat e UÇK-së. Mahmuti tha se UÇK-ja nuk ka pasur karta anëtarësimi pasi nuk ka qenë parti politike dhe se i njëjti nuk ka pasur ndonjë nofkë.
Lidhur me veprimtarinë e tij në kuadër të UÇK-së, i njëjti tha se ka qenë i angazhuar në mbrojtjen politike të UÇK-së, për të arsyetuar në rrafshin diplomatik domosdoshmërinë e luftës çlirimtare të UÇK-së.
Ndryshe Mahmuti ka folur për librin ‘‘Mashtrimi i Madh’’. Sipas tij, ky libër është një analizë politologjike e asaj çfarë pjesërisht ka ndodhur gjatë luftës në Kosovë.
Ndryshe seancat në çështjen Shala janë planifikuar të vazhdojnë tërë kësaj jave.
Kryeministri i vendit, Albin Kurti, ka riprezantuar pamje të autoriteteve kosovare, të cilat dëshmojnë stërvitjet e terroristëve serbë, që vranë dhe kryen sulmin e 24 shtatorit në Bansjkë.
Ai thotë se këta terroristë ishin trajnuar katër ditë para sulmeve, në njërën prej bazave kryesore të Ushtrisë Serbe, Pasuljanske Livade.
Teksa të tjerat stërvitje, Kurti thekson se u zhvilluan në bazën e Kopaonikut.
I gjithë ky sulm i terroristëve serbë, kryeministri i Republikës së Kosovës, thotë se u bë nën mbështetjen dhe planifikimin e plotë të shtetit serb që drejtohet nga Aleksandar Vuçiq.
”Në foto: Terroristët që kryen sulmet janë trajnuar në Pasuljanske Livade, një nga bazat kryesore të Ushtrisë Serbe, ~4 ditë para sulmeve. Stërvitje të tjera u zhvilluan në bazën e Kopaonikut. Sulmet gëzonin mbështetjen dhe planifikimin e plotë të shtetit serb”.
Pictured: The terrorists who carried out the attacks trained in Pasuljanske Livade, one of the Serbian Army's key bases, ~4 days before the attacks. Other exercises took place in the Kopaonik base. The attacks enjoyed the full support & planning of the Serbian state. pic.twitter.com/eWp4dMsGee
Institucionet kosovare të Drejtësisë duhet të hetojnë sulmin terrorist në veri të vendit, si pasojë e të cilit mbeti i vrarë rreshteri i Policisë së Kosovës, Afrim Bunjaku.
Njohësit e Drejtësisë thotë se një hetim ndërkombëtar i këtij rasti do ishte pozitiv. Mirëpo, të parët që duhet të merren me hetimin e detajuar të sulmit të 24 shtatorit, sipas Drejtorit i Institutit të Kosovës për Drejtësi, Ehat Miftaraj, janë prokuroria dhe gjykata në Kosovë.
“Në radhë të parë institucionet e drejtësisë në Kosovë, me theks të veçantë prokuroria dhe gjykata duhet ta hetojnë, gjykojnë këtë rast, në mënyrë që të vërtetohet përgjegjësie e personave të cilët kanë qenë të përfshirë në këtë akt terrorist ndaj rendit kushtetues të Republikës së Kosovës, në anën tjetër një hetim ndërkombëtar nga ana e partnerëve të Kosovës, me theks të veçantë, shtetet mike, do të ishte i mirëseardhur për të hetuar ose për të kuptuar më çartë se cili ka qenë roli i Serbisë, i strukturave të Sigurisë në Serbi, për të mbështetur, këtë grup terrorist, i cili në njëfarë mënyre ka kryer akte terroriste, si duket qëllim ka pasur edhe cenimin e rendit kushtetues të Kosovës, por edhe paqen dhe sigurinë në këtë pjesë të rajonit”, tha Miftaraj.
Miftaraj thekson se zbardhja e rastit nga institucionet vendore të Drejtësisë, do ndikonte pozitivisht në paqen në Ballkan.
“Unë jam i sigurt që e vërteta do të zbulohet pas hetimit dhe gjykimit të personave të përfshirë nga ana e institucioneve të drejtësisë së Republikës së Kosovës, duke marrë për bazë përmasat e këtij rasti, ku është cenuar paqja dhe siguria e Kosovës e cila e drejtpërdrejtë ka ndikim edhe në paqen dhe sigurinë e Ballkanit dhe atëherë sigurisht që një hetim gjithëpërfshirës, ku do të përfshihen shtetet demokratike, do të kishte një ndikim më të madh dhe do të ishte mesazh edhe për Serbinë, por edhe për çdo shtet që synon që të destbilizoj një shtet tjetër, e përmes të cilës pastaj do të mund të destabilizoj i tërë Ballkani Perëndimor”, tha Miftaraj.
Kurse, një hetim ndërkombëtar, sipas Anton Nrecajt nga Qendra për Ndihmë Juridike dhe Zhvillim Regjional, mundë të iniciohet nga të gjitha palët e interesuara.
“Një iniciativë të tillë, mund ta bëjnë të gjitha palët e interesuara, kush më tepër se palë e interesuar mund të jetë edhe vet Qeveria e Republikës së Kosovës, mund të jetë poashtu edhe vetë Bashkimi Evropian, ku përmes Parlamentit Evropian të vendoset që të ketë një hetim ndërkombëtar ose një hetim në kuadër të bashkimit evropian se çfarë ka ndodhur në ditën e së dielës në Basnjkë të Veriut të vendit”, tha Nrecaj.
Ndërkaq, ndaj tre personave të dyshuar për sulmin terrorist në veri, është marrë masa e paraburgimit prej një muaji.
Edicionin Qendror të lajmeve në ATV e gjeni ën videon më poshtë:
Pothuajse tërë arsenalin e armëve që policia konfiskoi gjatë aksionit në Banjskë të Zvecanit, organet e rendit mund ta përdorin për nevoja të veta.
Sipas ish-kolonelit të FSK-së Arfim Veseli, një gjë e tillë mund të përsëritet, andaj gjithë ky armatim do i duhej shtetit tonë.
“Kodi i Procedurës Penale i konsideron si prova materiale të këtij grupi terrorist, mirëpo unë shpresoj që gjykata tona ta përfundojë ato dhe ato mjete t’u jepen në shfrytëzim organeve të sigurisë. Shumë do të dëshiroja që ato automjete t’u jepen Policisë sonë, gjegjësisht Njësisë Speciale, ndërsa municioni dhe pajisjet tjera ushtarake t’i jepen FSK-së. Uniformat që i kishin t’u japim djemve të Njësisë Speciale si dhuratë nga shteti serb dhe nëse kanë edhe të tjera le t’i sjellin ne i pranojmë të gjitha. I tërë armatimi është i ushtrisë dhe xhandarmërisë serbe dhe burimin e ka nga Rashka”, tha Veseli.
Madje sipas juristëve, për shfrytëzimin e armëve ushtarake, nuk nevojitet as përfundimi i procesit gjyqësor.
“Në bazë të asaj që kemi parë në vendin e ngjarjes janë gjendur dy kategori të mjeteve, të cilat janë përdorur qoftë për kryerjen e veprave penale apo të ngjashme dhe në këtë drejtim janë kategoria e parë, mjete luftarake armë dhe pajisje tjera e të cilat mund të shfrytëzohen nga ana e institucioneve. Këtë e përcakton dispozitat respektive të Kodit të Procedurës Penale, madje këto armë mund të konfiskohen edhe pa pas nevojë të pritet epilogu i procesit gjyqësor, përkatësisht fajësia apo pafajësia e të pandehurve”, tha Ardian Bajraktari, avokat.
Megjithatë, sipas Bajrakatarit, jo gjithçka që u konfiskua mund të përdorët menjëherë.
Për veturat e autoblindat duhet pritur përfundimin e procesit gjyqësor që më pas të mund të shfrytëzohen.
Edicionin Qendror të lajmeve në ATV e gjeni ën videon më poshtë:
Seriali televiziv “Tre Vllaznit“, prodhim i televizionit ATV, nga sonte nis transmetimin e sezonit të tij të dytë. Shikuesit do të kenë mundësi të ndjekin serinë e tyre të preferuar nga ora 20.30.
Në të njëjtën kohë, do të bëhet edhe transmetimi në kanalin zyrtar të ATV-së në YouTube, duke mundësuar që secili episod i ri i serialit të arrijë në kohë reale te të gjithë shikuesit shqiptar kudo që ndodhet nëpër botë.
Seriali “Tre Vllaznit” tashmë ka fituar një popullaritet të jashtëzakonshëm në mesin e publikut shqiptar duke grumbulluar miliona shikime në YouTube dhe rrjetet e tjera sociale, e duke e bërë atë serialin më të dashur te shqiptarët që jetojnë jo vetëm në Kosovë por edhe diasporë.
Këtë të diel do të transmetohet episodi i 41-të i serialit “Tre Vllaznit”. /atvlive.tv
Janë bërë një javë nga sulmi terrorist në Banjskë të Zveçanit, ku si pasojë u vra rreshteri policor Afrim Bunjaku.
Aktin tragjik e ka kujtuar kryeministri i Kosovës Albin Kurti.
Kurti tha se dhuna ishte e orkestruar nga ana e Serbisë.
“Gjatë 7 ditëve të fundit kemi qenë dëshmitarë të dhunës, kërcënimeve dhe glorifikimit të akteve të tilla. Gjatë kësaj kohe, ne vlerësojmë thellësisht mbështetjen e aleatëve tanë në luftën tonë kolektive për demokraci”, tha Kurti.
Ministri i Punëve të Brendshme, Xhelal Sveçla ka zbuluar dëshmi të reja se si Serbia ka organizuar sulmet terroriste më 24 shtator ndaj Policisë së Kosovës në veri.
Në konferencë për media, Sveçla tha se kanë gjetur armatime dhe gjatë ditës së sotme.
“Kemi gjetur edhe sasi tjera të armatimit gjatë ditës së djeshme dhe sot. Serbia dhe Vuçiq u përpiqen të thonë se nuk kanë të bëjnë më sulme, por faktet do t’i ofrojmë sot. Milan Radoiçiq. Grupi terrorist ka zhvillu stërvitjet ushtarake në Serbi”, u shpreh ai.
Ish-kryeministri suedez, Carl Bildt, ka folur lidhur me situatën e krijuar së fundi në Veri, pas sulmit terrorist ndaj Policisë së Kosovës në Banjskë të Zveçanit.
Ai në platformën “X” ka shkruar se është më e lehtë të thuhet sesa të bëhet, mirëpo “çështja e veriut të Kosovës dhe situata e serbëve në Kosovëështë dashur të zgjidhet shumë më herët”
Bildt ka shkruar se duhet të ishte nxjerrë mësimi, që konfliktet e ngrira nuk qëndrojnë të ngrira përgjithmonë.
Tentuan të hynin ilegalisht në Kosovë, policia ndalon pesë persona në Leposaviq
Arrestohet pejani pasi në gjendje të dehur kanosi babain dhe familjarët
Sot varrosen tre terroristët serbë që u vranë në Banjskë
“E di që është shumë më e lehtë të thuhet sesa të bëhet, por çështja e veriut të Kosovës dhe situata e serbëve në Kosovë, është dashur të zgjidhet shumë kohë më parë. Në vend të kësaj, ajo është lënë vetëm të acarohet. Ne duhet të kishim nxjerrë mësimin: “Konfliktet e ngrira nuk ngrihen kurrë përgjithmonë”, ka shkruar Bildt.
I know it’s far easier said than done, but the issue of northern Kosovo, and the situation of remaining Serbs in Kosovo, should have been settled a long time ago. Instead, it has been left to just fester. We should have learnt the lesson: Frozen conflicts are never frozen forever pic.twitter.com/B5K5O5Qyim
Armët dhe mjetet tjera të konfiskuara në Banjskë të Zveçanit, ku la të vdekur rreshterin Afrim Bunjaku, mund të përdorën për nevoja të organeve të rendit, vlerësojnë njohës të fushës. Për t’u përdorur këto armë, nuk është i nevojshëm përfundimi i epilogut gjyqësor, ndërsa për automjete e blinda, kërkohet përfundim i procesit, raporton Ekonomia Online.
Duke folur për sulmin terrorist të ndodhur të dielën në veri të vendit, ish-koloneli i Forcës së Sigurisë së Kosovës, Afrim Veseli, thotë se mund të përsëritet sërish. Kjo sipas tij do të bëhet deri në përfundim të dialogut me Serbinë.
Thotë se tendenca e Serbisë është shkëputja e veriut nga Kosova por që thotë se nuk do ta lejojnë organet e rendit dhe faktori ndërkombëtar.
“Mendoj që edhe në të ardhmen e afërme derisa nuk përfundon marrëveshja me Serbinë, organet e sigurisë së Serbisë pra do të përpiqen që të krijojnë situata të tilla krize në veri të vendit. Ata me çdo kusht do të tentojnë që të mos ketë marrëveshje dhe që pjesa veriore e vendit të shkëputet por ky plan i tyre i kamotshëm nuk do të realizohet duke iu falënderuar organeve tona të rendit dhe mbështetjes të fuqishme që kemi nga bashkësia ndërkombëtare, gjegjësisht nga Shtetet e Bashkuara të Amerikës dhe NATO-ja”, thotë Veseli.
Duke folur për armatimin e konfiskuar në veri, Veseli i sheh të domosdoshme përdorimin e tyre. Ai këtë e sheh si “dhuratë” nga shteti serb. Këto mjete sipas tij vijnë nga Rashka.
“Kodi i Procedurës Penale i konsideron si prova materiale të këtij grupi terrorist, mirëpo unë shpresoj që gjykata tona ta përfundojë ato dhe ato mjete t’u jepen në shfrytëzim organeve të sigurisë. Shumë do të dëshiroja që ato automjete t’u jepen Policisë sonë, gjegjësisht Njësisë Speciale, ndërsa municioni dhe pajisjet tjera ushtarake t’i jepen FSK-së. Uniformat që i kishin t’u japim djemve të Njësisë Speciale si dhuratë nga shteti serb dhe nëse kanë edhe të tjera le t’i sjellin ne i pranojmë të gjitha. I tërë armatimi është i ushtrisë dhe xhandarmërisë serbe dhe burimin e ka nga Rashka”.
Ndërsa avokati i njohur, Ardian Bajraktari, thotë se për përdorimin e mjete luftarake, nuk është i nevojshëm përfundimi i procesit gjyqësor. Thotë se këtë ia lejon Kodi i Procedurës Penale.
“Në bazë të asaj që kemi parë në vendin e ngjarjes janë gjendur dy kategori të mjeteve, të cilat janë përdorur qoftë për kryerjen e veprave penale apo të ngjashme dhe në këtë drejtim janë kategoria e parë, mjete luftarake armë dhe pajisje tjera e të cilat mund të shfrytëzohen nga ana e institucioneve. Këtë e përcakton dispozitat respektive të Kodit të Procedurës Penale, madje këto armë mund të konfiskohen edhe pa pas nevojë të pritet epilogu i procesit gjyqësor, përkatësisht fajësia apo pafajësia e të pandehurve”, thotë Bajraktari, teksa për vetura e autoblinda, kërkohet përfundim i procesit.
“Ndërsa për të tjera mjete, duhet të pritet epilogu përfundimtar i procesit, në mënyrë që pastaj ato të mund të shfrytëzohen nga ana e institucioneve dhe këtë mundësi e mundëson po ashtu dispozitat e Kodit të Procedurës Penale me kërkesë të Prokurorit, të njëjtat mund të jepen në shfrytëzim Qeverisë dhe kjo e fundit vendos në lidhje me destinimin e këtyre mjeteve”, thotë tutje Bajraktari.
Ministri britanik për Çështje Evropiane, Leo Docherty, është shprehur i kënaqur që forcat e Mbretërisë së Bashkuar do t’i bashkangjiten KFOR-it në Kosovë.
Ministri britanik Docherty ka thënë se kjo demostron përkushtimin e tyre ndaj NATO-s dhe stabilitetit në Ballkanin Perëndimor.
Ai ka thënë se rruga e vetme drejt paqes në Kosovë është përmes paqes.
“Ne kërkojmë qetësi dhe de-përshkallëzim nga të gjitha anët. E vetmja rrugë e qëndrueshme drejt paqes në Kosovë është përmes dialogut”, ka shkruar ministri britanik për Çështje Evropiane, Leo Docherty në platformën “X”.
