ATV

Tag: Ballina

  • Lista Serbe thotë se është e gatshme të marrë pjesë në zgjedhjet e reja në veri

    Lista Serbe thotë se është e gatshme të marrë pjesë në zgjedhjet e reja në veri

    Kryetari i Listës Serbe, Goran Rakiq, ka thënë të premten se partia më e madhe e serbëve të Kosovës, e cila ka mbështetjen e Beogradit, është e gatshme të marrë pjesë në zgjedhjet e reja komunale në veri të Kosovës.

    Ai tha gjatë një konference për media në Mitrovicën e Veriut se Lista Serbe e mori këtë vendim në bashkëpunim me presidentin e Serbisë, Aleksandar Vuçiq.

    Rakiq theksoi se tani “topi është zhvendosur në fushën e Prishtinës”, dhe se pret që në komunat e veriut të Kosovën të thirren sa më parë zgjedhjet e reja.

    “Është e nevojshme që këta kryetarë komunash dhe këtë këshilltarë komunal të rremë, joligjor dhe jolegjitim, që kanë muaj që ngacmojnë qytetarët tanë të japin urgjentisht dorëheqjen dhe të largohen, për të dalë nga godinat tona, sepse nuk janë përfaqësues të popullit tonë. Qëllimi i tyre i vetëm është të ngacmojnë shtetasit tanë”, është shprehur Rakiq.

    Po ashtu Rakiçi ka thënë se vendimet politike janë marrë gjithmonë në koordinim me Beogradin.

    “Kjo është arsyeja pse këtë herë ne do të dëgjojmë këshillën e presidentit Vuçiq dhe sot po dërgojmë një mesazh se jemi gati të marrim pjesë në zgjedhjet në veri të Kosovës dhe Metohisë, dhe kështu të inkurajojmë procesin politik dhe dialogun që do të çonte në përmbushjen e kushteve tona që i kemi theksuar vazhdimisht deri më tani. Kjo është arsyeja pse ne i kërkojmë Prishtinës të shpallë zgjedhje të parakohshme lokale për kryetarë dhe këshilltarë në të katër komunat në veri të Kosovës dhe Metohisë sa më shpejt të jetë e mundur”, është shprehur Rakiq.

  • Trendi i ikjeve të mjekëve nga Kosova, flet kirurgu Shkëlzen Komoni

    Trendi i ikjeve të mjekëve nga Kosova, flet kirurgu Shkëlzen Komoni

    Kirurgu Shkëlzen Komoni, në një intervistë në emisionin A LIVE në ATV, tha se pasiguria ekonomike është tu i shty mjekët të emigrojnë në vendet tjera për një jetë më të dinjitetshme, për kushte më të mira materiale.

    Ai përmendi se në tri vitet e fundit, rreth 500 mjekë kanë emigruar, të cilët kanë shkuar të gatshëm për tu sistemuar në sistemin shëndetësor në vendet evropiane.

    “Mendoj që mungesa e favorshme e vendit të punës edhe pasiguria ekonomike është tu i shty të gjithë me emigrua në vendet tjera për një jetë më të dinjitetshme, për kushte më të mira materiale. Shifra është diku, me sa kam informata, në tri vitet e fundit, rreth 500 mjekë kanë emigruar atje, të cilët janë sistemuar në sistemin evropian, të cilët kanë shkuar të gatshëm, dmth shkollimin e kanë kryer këtu dhe kanë shkuar të gatshëm për tu sistemuar në sistemin shëndetësor”, tha Komoni.

    Sipas tij, nuk është vetëm Kosova, e cila po përballet me ikjen e mjekëve, pasi që siç thotë ai, edhe shtetet e rajonit janë duke u përballuar me këtë fenomen.

    “Mendimi i im është që duhet me e ba një strategji për me e ndalë këtë ike, por nuk është ky fenomen vetëm në Kosovë. Ka ike edhe për rreth shteteve fqinjë. Edhe në Kroaci, me sa kam informata, rreth 200 mjekë kanë ikë brenda këtij viti. E kanë standardin bukur të lartë, prapë kanë shku për kushte më të mira”, tha Komoni. /atvlive.tv

  • Gashi thotë se Gjykata Speciale e ka liruar Hysni Gucatin, javën e ardhshme vjen në Kosovë

    Gashi thotë se Gjykata Speciale e ka liruar Hysni Gucatin, javën e ardhshme vjen në Kosovë

    Gjykata Speciale ka aprovuar kërkesën e Hysni Gucatit për lirim të parakohshëm nga burgu në Hagë.

    Lajmin e ka bërë të ditur ish-ushtari i UÇK-së, Astrit Gashi.

    Gashi ka thënë se Gucati do të jetë në Kosovë javën e ardhshme.

    “Lirohet Hysni Gucati ndërsa , Gjykata Speciale bene skandalin e radhës ndaj, Nasim Haradinaj të cilit nuk i aprovon kërkesën për lirim të hershëm.!
    Gjykata speciale e humbi krentibilitetin e saj me arrestimin Nasim Haradianjt dhe Hysni Gucatit Haradinajt per dosjet qe rrjedhën nga gjykata! Tregojë që nuk është aspak humane kur nuk e lirojë Nasim Haradinajn ne varrimin e vëllait të tij i cili ndërroj jetë muaj më parë
    Gjykata Speciale duke ditur se po shkel të gjitha të drejtat me elementare njerëzorë po tenton përmes shantazhit të beje presion ne djemtë me te mire të luftës por Nasim Haradinaj nuk thyhet, nuk u thye as kur regjimi barbar burgosi babain e tij Ismail Haradinajn , vëllain 14 vjeçar Agronin në varrimin e te cilit gjykata speciale nuk e lejoj të vijë për të perdore si forme presioni ndaj Gjeneralit që se humbi asnjë beteje Nasim Ismail Haradinaj.
    Me këto veprime të turpshme kjo gjykatë e sponsorizuar nga kuzhinat e Putinit po behet njollë e zeze e drejtësisë evropiane.
    Edhe çka duhet të ndodhe që ky popull të dele ne rrugë dhe te protestoj kundër kësaj prokurorie fashiste e cila nuk u interesa asnjëherë per 20 mije shqiptarë të vrarë por ne emër te drejtësisë po bashkëpunon me kriminel lufte!
    (Hysni Gucati vjen të merkurën në Kosovë)
    LIRIA KA EMER, LIRI PËR ÇLIRIMTARËT”, shkruan Gashi në njoftim./Indeksonline.

  • Shpallet konkursi për Kryeprokuror të Prokurorisë Speciale

    Shpallet konkursi për Kryeprokuror të Prokurorisë Speciale

    Këshilli i Prokurorial i Kosovës e ka miratuar hapjen e konkursit për Kryeprokuror të Prokurorisë Speciale të Republikës së Kosovës (PSRK) dhe për pozitën e Kryeprokurorit të Prokurorisë Themelore në Prishtinë, raporton “Betimi për Drejtësi”.

    Vendimi në KPK është marrë të premten pasi një ditë më herët ishte vendosur si pikë e rendit të ditës hapja e konkursit për dy pozitat më të larta në Prokurorinë Speciale dhe Prokurorinë Themelore në Prishtinë.

    Në Panelin Vlerësues për Zgjedhjen e Kryeprokurorit të PSRK-së, KPK ka caktuar anëtarët: Jetish Maloku, Ardian Hajdaraj, Besim Kelmendi, Arian Gashi dhe Agron Beka. Ndërsa, në Komisionin për Rishqyrtim janë caktuar anëtarët: Jehona Grantolli, Ariana Shajkovci dhe Armend Zenelaj.

    Kurse, në Komisionin Vlerësues për Zgjedhjen e Kryeprokurorit të Prokurorisë Themelore në Prishtinë, KPK ka zgjedhur këta anëtarë: Jetish Maloku, Ariana Shajkovci, Merita Bina-Rugova, Jehona Grantolli dhe Ardian Hajdaraj.

    Ndërsa, në Komisionin për Rishqyrtim janë caktuar anëtarët: Agron Beka, Arian Gashi dhe Besim Kelmendi.

    Në krye të PSRK-së, aktualisht qëndron kryeprokurori Blerim Isufaj, ndërsa në atë të Prokurorisë Themelore në Prishtinë, kryeprokurori Kujtim Munishi.

    Blerim Isufaj ishte zgjedhur në krye të PSRK-së me 23 dhjetor 2019. Ai në këtë pozitë ishte zgjedhur me votat e 10 anëtarëve të KPK-së.

    Po ashtu, edhe kryeprokurori i tanishëm Kujtim Munishi, ishte zgjedhur në krye të Prokurorisë Themelore në Prishtinë me 23 dhjetor 2019.

    Munishi, që paraprakisht kishte qenë si ushtrues detyre i Kryeprokurorit të Prokurorisë Themelore në Prishtinë, ishte zgjedhur në këtë post me 10 vota, si kandidat i vetëm.

    Sipas Rregullores për Emërimin e Kryeprokurorit të Shtetit dhe të Kryeprokurorëve të Prokurorive të Republikës së Kosovës, KPK shpall konkurs për emërimin e kryeprokurorëve të prokurorive të tjera së paku 60 ditë para skadimit të mandatit të kryeprokurorëve aktual.

    Në rend dite për sot KPK ka planifikuar edhe Themelimi i Panelit Vlerësues dhe Komisionit për Rishqyrtim për emërimin e kryeprokurorëve si dhe njoftimin për pensionim të prokurorëve gjatë muajit nëntor 2023.

  • Kurti: Terroristët e Banjskës kanë pasur plane për sulme në 37 pika

    Kurti: Terroristët e Banjskës kanë pasur plane për sulme në 37 pika

    Kryeministri i Kosovës, Albin Kurti, në një intervistë për gazetën franceze “Liberation” ka folur për sulmin e 24 shtatorit në Banjskë ku mbeti i vrarë polici kosovar, Afrim Bunjaku.

    Kurti ka thënë se synimi i grupit të Banjskës ka qenë aneksimi i pjesës Veriore dhe e ka cilësuar akt agresioni të shtetit serb që ka shkelur sovranitetin dhe sigurinë kombëtare të Kosovës.

    Kreu i Qeverisë ka thënë se vlera e armëve të kapura shkon më shumë se 5 milionë euro vlerë.

    Ai ka zbuluar se sipas hartave që janë gjetur, grupi terrorist ka pasur plane për të sulmuar në 37 pika,

    “Po sigurisht. Ky është një akt agresioni i Serbisë, i cili cenoi sovranitetin dhe sigurinë tonë kombëtare. Vlera e armëve dhe pajisjeve të sekuestruara arrin në më shumë se 5 milionë euro. Terroristët kishin harta dhe plane për të sulmuar në 37 pika“, ka thënë Kurti.

    I pyetur nëse i beson Milan Radojçiqit që doli dhe mori përgjegjësinë për sulmin, Kurti ka thënë se “sigurisht nuk i beson”.

  • Kurti: Pas sulmit terrorist të 24 shtatorit, dialogu me Serbinë s’mund të vazhdojë sikur s’ka ndodhur asgjë

    Kurti: Pas sulmit terrorist të 24 shtatorit, dialogu me Serbinë s’mund të vazhdojë sikur s’ka ndodhur asgjë

    Kryeministri i vendit, Albin Kurti, tha se me senatorët amerikanë Jeanne Shaheen dhe Peter Welch është diskutuar për agresionin e 24 shtatorit.

    Kurti shtoi se dialogu me Serbinë nuk mund të vazhdojë sikur nuk ka ndodhur asgjë.

    “Mbi të gjitha dëshiroj të falënderoj ata për mbështetjen e fortë ndaj Kosovës, veçanërisht pas sulmit të 24 shtatorit. Siguria në Kosovë ishte pika kryesore e temës sonë dhe ua prezantova senatorëve të dhënat e freskëta pas sulmit të 24 shtatorit”.

    “Përfshirja e Serbisë ka ndodhur të paktën në katër shtresa për mbështetjen e sulmeve terroriste në Banjskë. Kemi dëshmi se sulmi ka qenë pjesë e një plani më të gjerë për aneksimin e veriut të Kosovës përmes sulmeve të koordinuara, përmes një themelimi të një korridori për furnizim të armëve në veriun e Kosovës”.

  • ​Osmani kërkon garanci për sigurinë e Kosovës: Të mbrohen kufiri me Serbinë

    ​Osmani kërkon garanci për sigurinë e Kosovës: Të mbrohen kufiri me Serbinë

    Presidentja e Kosovës, Vjosa Osmani, ka kërkuar nga ShBA-ja të mbajë përgjegjëse Serbinë për aktin e agresionit ndaj Kosovës.

    Pas takimit me senatorët amerikanë të premten, Osmani nënvizoi nevojën për të rritur garancitë e sigurisë për Kosovën, sidomos për mbrojtjen e kufirit me Serbinë.

    Osmani po ashtu kërkoi nga Serbia që t’i dorëzojë institucioneve kosovare të gjithë terroristët që morën pjesë në sulmin e 24 shtatorit në Banjskë të Zveçanit, ku mbeti i vrarë rreshteri policor, Afrim Bunjaku.

    Ndërkaq, potencoi se Kosova do të vazhdojë të jetë e përkushtuar për të punuar ngushtë me aleatët ndërkombëtar, veçmas ShBA-në.

    “Gjëja më e rëndësishme në këtë moment në mënyrë që të parandalohen akte të tilla agresioni në të ardhmen, që do të destabilizonin tërë rajonin tonë, është që Serbia të mbahet përgjegjëse për aktin e agresionit. Po ashtu, t’i dorëzojë terroristët në Republikën e Kosovës që të përballen me sistemin tonë të drejtësisë, si dhe të rriten garancitë e sigurisë në raport me Kosovën, që të mbrohen kufiri Kosovë-Serbi nga sulmet e tilla në të ardhmen”, tha ajo.

    Në anën tjetër, senatorja amerikane, Jeanne Shaheen, shprehu mbështetjen ndaj Kosovës për sulmin terrorist të 24 shtatorit.

    Ajo theksoi se të gjithë përgjegjësit duhet të japin llogari para sistemit të drejtësisë, derisa shtoi se Serbia duhet të bashkëpunojë në këtë drejtim.

    “Është shumë e rëndësishme, siç e përmendi presidentja Osmani që përgjegjësit për ngjarjen e 24 shtatorit të japin llogari. Shpresoj që Serbia do të bashkëpunojë për këtë çështje dhe të gjithë përgjegjësit të dalin para drejtësisë dhe sundimit të ligjit. Kjo na tregon se për një stabilitet dhe paqe afatgjate në Kosovë, ka mundësi për të vazhduar me mbështetjen e BE-së dhe ShBA-së, që të gjendet një bashkëjetesë afatgjate dhe paqësore me Serbinë. Kjo është shumë e rëndësishme për qytetarët e Kosovës”, tha ajo.

    Pas takimit me Osmanin, senatorja Jeanne Shaheen bashkë me senatorin Peter Welch, u takuan me kryeministrin Albin Kurti.

    Kjo është vizita e parë e përfaqësuesve të lartë të ShBA-së në Kosovë, pas aktit të agresionit të Serbisë në Kosovë më 24 shtator./KP

  • Kurti takon senatorët Shaheen dhe Welch

    Kurti takon senatorët Shaheen dhe Welch

    Kryeministri Albin Kurti ka takuar senatorët amerikanë, Jeanne Shaheen dhe Peter Welch, raporton Ekonomia Online.

    I pranishëm ka qenë edhe ambasadori i Shteteve të Bashkuara të Amerikës në Kosovës, Jeffrey Hovenier. Pas takimi pritet të ketë deklarim për medie.

    Senatorët janë pritur edhe nga presidentja Vjosa Osmani.

  • Senatorët amerikanë në takim me Osmanin: Përgjegjësit e sulmit të japin llogari para drejtësisë

    Senatorët amerikanë në takim me Osmanin: Përgjegjësit e sulmit të japin llogari para drejtësisë

    Presidentja e Kosovës, Vjosa Osmani, ka kërkuar nga Shtetet e Bashkuara të Amerikës të mbajnë përgjegjëse Serbinë për agresionin e 24 shtatorit ndaj Kosovës.

    Pas takimit me senatorët amerikanë, Jeanne Shaheen dhe Peter Welch, Osmani ka theksuar nevojën për të rritur garancat e sigurisë ndaj Kosovës, sidomos në kufirin me Serbinë.

    Në anën tjetër, senatorja amerikane, Jeanne Shaheen, ka thënë se kanë ardhur për të shprehur mbështetjen ndaj Kosovës, sidomos pas incidentit në veri më 24 shtator.

    Ajo ka theksuar se përgjegjësit e sulmit të 24 shtatorit ku mbeti i vrarë rreshteri i Policisë së Kosovës, Afrim Bunjaku, duhet të japin llogari para drejtësisë. /kp

  • ShBA-ja nuk mbështet kërkesën e Osmanit për Asociacion me amerikanët, Hovenier: Stimujt për të bërë gjërat e vështira i takojnë BE-së

    ShBA-ja nuk mbështet kërkesën e Osmanit për Asociacion me amerikanët, Hovenier: Stimujt për të bërë gjërat e vështira i takojnë BE-së

    Ambasadori i Shteteve të Bashkuara të Amerikës në Kosovë, Jeffrey Hovenier, ka thënë se janë shumë të përkushtuar për të parë përparim në dialogun mes Kosovës dhe Serbisë.

    I pyetur nëse mund të pritet ndonjë lëvizje në ditët në vijim për ta çuar përpara këtë proces, Hovenier ka thënë se pret përpjekje të reja, duke shtuar se duhet të ecet përpara urgjentisht dhe se s’ka kohë për të humbur.

    “Ne jemi shumë të përkushtuar për të parë përparim në dialog. Nuk mund të flas për veçanti, por pres përpjekje të reja sepse është urgjente. Siç e thashë edhe më parë, 24 shtatori tregoi se nuk kemi kohë për të humbur. Ne duhet të ecim përpara urgjentisht me arritjen e mirëkuptimit të përbashkët se si të zbatohen plotësisht, në mënyrë efektive, detyrimet që janë marrë nga të dyja vendet sipas marrëveshjes bazë dhe aneksit të zbatimit të saj”, ka deklaruar Hovenier.

    Presidentja e Kosovës, Vjosa Osmani, ka kërkuar para disa javësh përfshirjen e drejtpërdrejtë të ShBA’së në dialog. Lidhur me këtë kërkesë, Hovenier ka thënë se nuk është i sigurt se sa më shumë Shtetet e Bashkuara mund të përfshihen në këtë proces, derisa ka shprehur mbështetje të plotë për Emisarin e BE’së, Mirosllav Lajçak.

    “Ky është me të drejtë një dialog i lehtësuar nga Bashkimi Evropian. Kjo është me vend, sepse në fund të fundit, stimujt për të bërë gjërat e vështira i takojnë Bashkimit Evropian. Në fund të fundit, siç deklaroi Përfaqësuesi i Lartë Josep Borrell në Ohër, këto angazhime që janë marrë duhet të bëhen pjesë e proceseve të anëtarësimit për të dyja vendet. Dhe meqë bëhet fjalë për një proces evropian me detyrime evropiane dhe angazhime evropiane, është e përshtatshme që Bashkimi Evropian të marrë drejtimin dhe lehtësimin e atij që në fund nuk është një dialog me Evropën, por ndërmjet Kosovës dhe Serbisë. Mendoj se Shtetet e Bashkuara kanë treguar sa e sa herë se sa seriozisht e marrim këtë, sa të përkushtuar jemi që ta shohim këtë çështje të zgjidhur me sukses. Miroslav Lajçak gëzon mbështetjen tonë të plotë. Ky dialog e gëzon mbështetjen tone”, ka thënë ambasadori.

    Tutje, Hovenier ka thënë se kohën më të madhe e shpenzon në këto çështje dhe se ndonjëherë ndihet në siklet kur e pyesin se sa më shumë mund të përfshihet ShBA’ja në këtë process se sa që është e përfshirë tash.

    “Unë shpenzoj më shumë kohë në këto çështje se në çdo gjë tjetër që bëj si ambasador amerikan në Kosovë. Kolegu im në Beograd është shumë i përfshirë. I dërguari ynë i posaçëm është shumë, shumë i përfshirë. Kështu që ndonjëherë jam në siklet kur njerëzit pyesin sa më të përfshirë mund të jemi kur mendoj se sa të përfshirë jemi tashmë. Në fund të fundit ne duam të shohim sukses për Kosovën. Duam të shohim sukses edhe për Serbinë. Dhe ne duam të shohim sukses për Bashkimin Evropian për t’i parë këto vende plotësisht në rrugën e integrimit në bllok, gjë që do të rriste qëndrueshmërinë, do të rriste përparimin dhe do të ndihmonte realizimin e kësaj pikëpamjeje që ne të gjithë e ndajmë për një Evropë të tërë, të lirë dhe në paqe. Ky është qëllimi përfundimtar”, ka deklaruar Hovenier në një intervistë për Zërin e Amerikës.