ATV

Tag: Ballina

  • Kurti beson se Kosova po përparon nën qeverisjen e tij, përmbledh në një tabelë disa raporte ndërkombëtare

    Kurti beson se Kosova po përparon nën qeverisjen e tij, përmbledh në një tabelë disa raporte ndërkombëtare

    Kryeministri i vendit, Albin Kurti thotë se Kosova është dëshmia e kohës se zhvillimi ekonomik dhe progresi demokratik mund të ecin krah për krah.

    Sipas tij, nuk ka asnjë raport ndërkombëtar kredibil, i cili nuk e ka njohur përparimin e Qeverisë Kurti në demokraci, luftim të korrupsionit, sundim të ligjit e qeverisje të mirë, përcjell teve1.info

    “Dy vjet e gjysmë qeverisje, përmes objektivit ndërkombëtar. Kosova është dëshmia e kohës se zhvillimi ekonomik dhe progresi demokratik mund të ecin krah për krah. Nuk ka raport kredibil ndërkombëtar që nuk e ka njohur përparimin tonë në demokraci, në të drejtat e njeriut, luftim të korrupsionit, sundim të ligjit, dhe qeverisje të mirë këto dy vjet e gjysmë. Fillimisht, Raporti i BE-së për Vendin i vitit 2022 ishte më i miri që ka pasur Kosova deri më tani. Aty nuk kishte asnjë fushë pa progres të shënuar dhe asnjë fushë me regres të evidentuar”, ka shkruar Kurti në Facebook.

    Tutje, kreu i Ekzekutivit ka renditur edhe disa raporte të tjera ndërkombëtare, ndër të tjerash matjet e Balkan Barometer 2023, sipas të cilëve Qeveria Kurti “gëzon besimin më të lartin në mesin e të gjithë qeverive të Ballkanit Perëndimor”.

    Postimi i tij i plotë:

  • 332 raste të reja me kancer të gjirit këtë vit, Kurtishi: Për 24 orë i trajtojmë deri në 500 persona

    332 raste të reja me kancer të gjirit këtë vit, Kurtishi: Për 24 orë i trajtojmë deri në 500 persona

    332 raste të reja me kancer të gjirit te femrat janë regjistruar në nëntëmujorin e parë të vitit 2023, teksa ky numër mund të rritet deri në fund të këtij viti. Kështu ka thënë për Ekonomia Online, drejtori i kësaj klinike, Ilir Kurtishi.

    Ndërsa numri i rasteve që i trajton Klinika e Onkologjisë, kalon shifrën e 500 personave. Në një intervistë për Ekonomia Online, Kurtishi ka thënë se në tri vitet e fundit ka një rritje të rasteve të reja prej 10 për qind, në secilin vit krahasuar me vitet paraprake.

    Ndonëse rastet e shënuara në Kosovë janë më pak se vendet e rajonit, Kurtishi sheh rrezik se mund t’i ofrohen këtyre vende.

    “Rritja këtë vit, kemi identifikuar dhe regjistruar në Klinikën tonë rreth 332 raste femra dhe katër meshkuj me kancer të gjirit të stadeve të ndryshme, ndërkaq krahasuar me vitin e kaluar është afër 10 për qind më shumë se nëntëmujori i parë i vitit të kaluar dhe deri në fund të vitit ky numër mund të kalojë shifrën mbi 420 dhe është numër i rasteve te femrat në Maqedoninë e Veriut, Shqipërinë e Mal të Zi. Ata kanë gati dyfish më shumë se ne por me përdorimin e metodave apo identifikimin më të hershëm dhe me faktin që jemi popullatë e re, të gjitha këto ndikojnë që ne të kemi më pak sëmundje malinje se vendet e rajonit, mirëpo trendi i sëmundjeve është në ngritje dhe shumë shpejtë ne do të mbërrimë me numër të femrave të sëmura me kancer të gjirit që do të mund t’u ofrohet edhe vendeve tjera”, ka thënë Kurtishi, teksa tregon edhe moshën e femrave të prekur me sëmundje malinje.

    “Rastet e reja rriten nga viti në vit dhe në tri vitet e fundit kemi një rritje prej 10 për qind, në secilin vit krahasuar me vitet paraprake, përpos vitit pandemik kur kemi pas një rënie të këtyre rasteve dhe këto të dhëna në kancerregjistrin e Klinikës, i kemi përpunuar këto të dhëna dhe jemi në fazën e filtrimit dhe i kemi të dhëna të sakta se cila moshë është më e prekura. Nga kjo del se më shumë kemi femra të prekura prej moshës 55 deri në 59 vjeç, dominon Komuna e Prishtinës e kështu më radhë”, u shpreh Kurtishi.

    Ai foli edhe për numrin e pacientëve që frekuentojnë këtë klinikë. Aktualisht, Klinika e Onkologjisë i trajton deri në 500 persona, duke tejkaluar edhe Klinikën Emergjente në QKUK.

    “Brenda një dite të zakonshme të punës ne në shërbimin e kimioterapisë ofrojmë shërbime për mbi 250 deri në 300 pacientë, pra në format të ndryshme të mjekimit, kryekëput është mjekim ambulator me kimioterapi dhe me forma të ndryshme të dhënies së këtyre ilaçeve. Në të njëjtën kohë në shërbimin e radioterapisë rrezatojmë brenda një dite kemi mbërri numër maksimal me rreth 160 pacientë në dy aparatet i rrezatojmë dhe në të njëjtën kohë shërbimin Brakiterapisë. Pra klinika brenda 24 orëve mund të trajtojë nga 450 deri në 500 persona që i bie të jetë klinika më e frekuentuar dhe me ngarkesën më të madhe se të gjitha klinikat në QKUK. Pra kryen kontrolle dhe trajtime më shumë se sa që bën edhe Klinika Emergjente në QKUK”, u shpreh tutje ai.

    Ndonëse jo në mase të madhe edhe Onkologjia është prekur nga migrimi i stafit. Kurtishi ka thënë se duke e parë trendin e rritjes së rasteve, kjo klinikë do të ketë nevojë edhe më shumë për staf të mesëm.

    “Me staf të mjekëve jemi të mbuluar relativisht mirë, kemi edhe katër specializantë, ndërsa me stafin infermieror këto dy, tre muajt e fundit i kemi marrë shtesë, të cilët e përmbushin në një far forme edhe pse me këtë trend të sëmundjeve malinje, viteve në vazhdim ne do të kemi nevojë edhe për staf të mesëm, meqenëse ka një numër të vogël por ka edhe lëvizje të stafit të mesëm të cilët e lëshojnë Kosovën. Shumë pak jemi prekur, dy apo tre infermierë por megjithatë ajo ka impakt në punën tonë të përditshme”, u shpreh Kurtishi.

  • Nisin hetimet për helmimet në Malishevë, AUV gjen produkte “pa origjinë”

    Nisin hetimet për helmimet në Malishevë, AUV gjen produkte “pa origjinë”

    Përgatiti: Benita Zeneli

    Brenda një javë më shumë se 100 qytetarë nga dy komuna të Kosovës u helmuan si pasojë e ushqimit që konsumuan.

    Të dy lokalet ai në Mitrovicë si dhe në Malishevë janë mbyllur menjëherë pas kontrollit të kryer nga Agjencia e Ushqimit dhe Veterinës. Mungesa e higjienës e shumë faktorë të tjerë vlerësohet të jenë shkaktar i helmimit të qytetarëve.

    Konsideruar këto raste, Agjencia e Ushqimit dhe Veterinës do të fillojë të kryejë kontrolle më të rrepta ndaj lokaleve të gastronomisë në tërë territorin.

    “Është alarmuar drejtori dhe ministri të cilët kanë dhënë urdhër që ne të fillojmë një aksion në gjithë territorin ku të gjitha lokalet e gastronomisë ti nënshtrohen kontrollin e detajuar sepse nga historiku pjesa më e madhe ka ndodh te kjo kategori e lokale”, tha Lamir Thaçi nga Agjencia e Ushqimit dhe Veterinës.

    Agjencia e Ushqimit dhe Veterinës është institucioni i vetëm përgjegjës për inspektimin e sigurisë ushqimore në vend. Megjithatë ballafaqohet me numër të vogël të inspektorëve.

    “Numri I inspektorëve është shumë I ulët e kemi thënë tash e disa vite, e derisa kjo është gjendja sigurisht që edhe frekuenca e kontrolleve është më e ulët sepse nuk arrijmë fizikisht. Pa dashur të ankohemi ne do të organizojmë aksion të përgjithshëm dhe kudo që gjejmë shkelje do të ketë tolerancë zero”, tha Thaçi.

    Në anën tjetër sipas Afrim Hamidit, profesor i Teknologjisë Ushqimore rreziku nga produktet ushqimore nuk varet në të gjitha rastet vetëm nga cilësia e tyre.

    “Duhet të shikohet problemi në zanafillë jo vetëm në kontrollim. Duhet të shikohen licencat, a kanë ndonjë ngritje profesionale ata që merren me ushqimin etj…”, tha Hamidi.

    Në Kosovë nga viti 2022, ka hyrë në fuqi Ligji i ri për Ushqim, i cili parasheh sigurinë e përgjithshme të produkteve, sipas standardeve të BE-së. Bazuar në këtë ligj gjobat për operatorët ekonomikë për shkelje të dispozitave përfshirë vendosjen e ushqimeve të pasigurta në treg fillojnë prej 500 deri në 20 mijë euro.

  • Ndonëse jo në emër të tij, shteti mund ta konfiskojë pasurinë ‘luksoze’ të Radojiçiqit

    Ndonëse jo në emër të tij, shteti mund ta konfiskojë pasurinë ‘luksoze’ të Radojiçiqit

    Përgatiti: N. Luta & A. Hajdaraj

    Kjo vilë buzë liqenit të Ujmanit është vetëm një ndër pasuritë e evidentuara të ish-nënkryetarit të Listës Serbe dhe të dyshuarit kryesor për sulmin në Banjskë të Zveçanit, Milan Radojiçiq.

    Por më shumë së dy javë pas sulmit, ku mbeti i vrarë rreshteri Afrim Bunjaku, e u plagos Alban Rashiti, në hyrje të saj nuk ndodhen më rojet e sigurimit.

    Radojiçiqdyshohet se ka edhe prona e pasuri të tjera, por të cilat nuk janë në pronësi të tij.

    Të paktën në Serbi, sipas Agjencisë për Regjistrat e Bizneseve, Radojiçiqua transferoi 40 % të pronësisë vëllezërve Zvonko dhe Zharko Vesellinoviq.

    Megjithatë, sipas ish-kryeprokurorit të Prokurorisë Themelore në Mitrovicë, pasuria e tij në Kosovë mund të konfiskohet nga autoritetet kosovare, pasi mund të provohet në mënyra të ndryshme se ish-nënkryetari i Listës Serbe është pronar.

    “Prona mund të provohet në mënyra të ndryshme se ai është pronar, pasi është I përfshirë në vepra penale… Barrën e mjaftueshme…”, tha Shyqyri Syla, ish-kryeprokuror i Prokurorisë Themelore në Mitrovicë.

    Procedura e konfiskimit bëhet edhe më e lehtë kur objektet janë të ndërtuara në pronë publike, që sipas ish-drejtorit të përgjithshëm të Policisë e juristëve i mundëson shtetit, pas vendimit të formës së prerë të Gjykatës, t’i marrë në shfrytëzim.

    “Nëse ato prona janë të ndërtuara në pronë publike dhe pa leje, dhe janë sekuestruar përkohësisht, do të jetë proces gjyqësor. Dhe pas vendimit të formës së prerë, institucionet kanë të drejtë t’i destinojnë”, tha ish-drejtori i përgjithshëm i Policisë, Rashit Qalaj.

    “Ai ka mundur që mjetet/pasurinë ta vendosë në emër të gruas, fëmijëve apo kujtdo, pavarësisht në emër të kujt është, është subjekt i njëjtë, sepse ajo është pasuri e sekuestruar dhe e paligjshme dhe është fitu mbi bazën e kryerjes së veprave penale”, tha Rrahman Sylejmani, kolonel në pension.

    Ndërkohë, me kërkesë të Prokurorisë Speciale deri tash janë sekuestruar përkohësisht vila buzë liqenit të Ujmanit, një “penthouse” dhe një lokal.

    Këto objekte ishin bastisur pesë ditë pas sulmit të 24 shtatorit nga një grup i armatosur, i udhëhequr nga Milan Radojicic, gjatë një aksioni të gjerë të Policisë, në koordinim me PSRK-në e EULEX-n. Ndërkohë, PSRK-ja është duke i vazhduar hetimet, teksa tre persona të dyshuar për përfshirje në këtë rast ndodhen në paraburgim.

  • Ahmeti: Dialogu nuk mund të vazhdojë njëjtë

    Ahmeti: Dialogu nuk mund të vazhdojë njëjtë

    Përgatiti: Arian Hajdaraj

    Zëvendësministri i Punëve të Jashtme, Kreshnik Ahmeti duke komentuar sulmin terrorist në veri të Kosovës, më 24 shtator deklaroi se autoritetet kosovare tashmë i kanë njoftuar të gjithë partnerët se Serbia qëndron prapa tij.

    “Ajo çka ndodhi me 24 shtator, sulmi terrorist si formë e agresionit nga Serbia ishte ajo çka kishim paralajmëruar se do të mund të ndodhte. Sigurisht se ne që nga ajo ditë kemi njoftuar në baza të rregullta të gjithë partnerët dhe të gjitha vendet ku kemi përfaqësim, qoftë primar apo sekondar përmes misioneve diplomatike apo konsullore. Është jashtëzakonisht e rëndësishme që ne me kohë e kemi bërë të qartë se për çfarë po bëhet fjalë. Për një sulm të tillë, për një agresion të tillë duhet personel, armatim dhe planifikim”, tha Ahmeti.

    Ahmeti, përsëriti qëndrimin e Qeverisë se për këtë akt të agresionit, Serbia duhet të ndëshkohet derisa konsideron se dialogu për normalizim të raporteve me këtë shtet nuk mund të vazhdojë njëjtë.

    “Sa më pak që të ketë pasoja Serbia aq më shumë ka mundësi për sulme dhe sa më shumë që të ketë sulme aq më pak do të lihet mundësi për dialog. Prandaj është thelbësore që të kemi pasoja dhe sanksione ndaj Serbisë në këtë rast”, tha Ahmeti.

    Në anën tjetër, shtoi se Ministria e jashtme është duke punuar vazhdimisht me pesë vendet e Bashkimit Evropian jonjohëse të Kosovës. Ai përmend në veçanti raportet me Greqinë, të cilat sipas tij, po thellohen ani pse s’ka njohje formale.

  • Qeveria këmbëngul që zgjedhjet në veri do të mbahen vetëm sipas Udhëzimit Administrativ

    Qeveria këmbëngul që zgjedhjet në veri do të mbahen vetëm sipas Udhëzimit Administrativ

    Përgatiti: Arton Hamiti

    Pasi Lista Serbe, në koordinim me presidentin e Serbisë, Aleksandër Vuçiq, ndryshoi qëndrim dhe kërkoi mbajtje të zgjedhjeve në veri, duke premtuar pjesëmarrje, Qeveria e Kosovës insiston se mbajtja e tyre, do të bëhet vetëm përmes udhëzimit administrativ.

    Duke ofruar mbështetje për zgjedhje të lira dhe demokratike, ekzekutivi shtoi se pjesëmarrja e qytetarëve serb të katër komunat veriore është jashtëzakonisht e rëndësishme.

    “Ne kemi ofruar kornizën ligjore që mundëson zgjedhjet e reja në katër komunat në veri të vendit. Udhëzimi administrativ është edhe rezultat i zotimeve tona për deeskalim të situatës por edhe reflektim i bindjes sonë se zgjedhjet e reja atje duhet të nxiten nga vullneti demokratik dhe burimor i qytetarëve. Sulmi paramilitar i 24 shtatorit, në krye më deri atëherë nënkryetarin e Listës Serbe, Milan Radojiçiq na ka rikujtuar rëndësinë jetike të ringjalljes së pluralizmit politik të serbëve në Kosovë”, thuhet në reagimin e Qeverisë së Kosovës.
    Në rast se kryetarët e tanishëm nuk japin dorëheqje duke pritur inicim të peticionit nga qytetarët, për opinionistin Bekim Kabashi, mbajtja e zgjedhjeve është larg.

    Sidoqoftë, pjesëmarrja eventuale e Listës Serbe në zgjedhjet e ardhshme, pas sulmit të 24 shtatorit, për të cilin mori përgjegjësinë ish-nënkryetari i këtij subjekti, Milan Radojiçiq, po shihet me sy kritik.

    Mitrovica e Veriut, Zveçani, Zubin Potoku dhe Leposaviqi, aktualisht udhëhiqen nga kryetarë shqiptarë, sepse serbët bojkotuan zgjedhjet lokale me 23 prill.
    Qytetarët serb kundërshtuan hyrjen me ndihmën e policisë të kryetarëve në ndërtesat komunale, duke sulmuar Policinë e Kosovës, pjesëtarët e KFOR-it dhe gazetarët.

  • Policia bastis shtatë lokacione në veri, këto janë armët dhe pajisjet që u sekuestruan

    Policia bastis shtatë lokacione në veri, këto janë armët dhe pajisjet që u sekuestruan

    Policia e Kosovës ka njoftuar se ka kryer kontrolle në shtatë lokacione në veri të vendit që lidhen me ngjarjet e 24 shtatorit 2023, ku janë gjendur armë, municion, mjete shpërthyese e pajisje tjera ushtarake.

    Në njoftim thuhet se kontrollet janë kryer në lokacione të ndryshme, katër në Mitrovicën e Veriut, dy në Zveçan dhe një në Banjskë.

    Gjatë këtyre kontrolleve, në një bodrum të njërit nga tre soliterët në Mitrovicën e Veriut, janë gjetur një sasi municioni, kallashnikovë, zola, eksploziv etj.

    Pjesëmarrës në këto kontrolle ishin edhe zyrtarë nga EULEX-i, kurse te tre rrokaqiejt prezent kanë qenë edhe EOD -KFOR-i, po ashtu EOD e Policisë së Kosovës është në vend të ngjarjes.

    Lista preliminare e armëve dhe pajisjeve tjera të sekuestruara:

    • 87 copë eksploziv të tipit TM 100
    • 3 granata hedhës dore (zola)
    • 1 armë automatike AK-47
    • 1 minë kundër këmbësorisë e tipit MRUD
    • 14 karikatorë
    • Municion të kalibrave të ndryshëm
    • 63 detonatorë elektrik
    • 23 detonatorë mekanik
    • 1 orë për aktivizim
    • 1 granatë dore M79
    • 3 tuba fitila ndezës
    • Çanta, radiolidhje, antiplumba, pajisje medicionale, gyksore (jelek për bartje të karikatorëve), maskë kundër gazit, bateri etj.
  • ​Sulmi në Banjskë, policia vazhdon kërkimin për armë në veri

    ​Sulmi në Banjskë, policia vazhdon kërkimin për armë në veri

    Një sërë kontrolle e bastisje janë kryer nga Policisë së Kosovës në veri të Mitrovicës, pas sulmit të 24 shtatorit që ndodhi në Banjskë të Komunës së Zveçanit, bastisje këto që po vazhdojnë edhe sot.

    Zëvendësdrejtori i policisë në veri të Mitrovicës, Veton Elshani i ka thënë KosovaPress-it, se deri tash nuk ka të arrestuar.

    “Rreth orës 10:00 kemi nis bastisje në veri të Kosovë, me qëllim të identifikimit dhe sekuestrimit të armëve dhe deri tash nuk ka të arrestuar. Ndërsa, lidhur me atë se çka është gjetur në këto bastisje, do të iu informojmë më vonë”, tha ai.

    Ai nuk dha detaje se ku aktualisht po kryhen këto bastisje. Ditëve të kaluara u kryen bastisje të tjera në lokacione të ndryshme, e që të gjitha ato u kryen nën dyshimet se ka ndërlidhje me sulmin në Banjskë, më 24 shtator kur edhe u vra rreshteri policor Afrim Bunjaku e plagos një koleg i tij.

  • ​Policia jep detaje për vdekjen e 4-vjeçarit

    ​Policia jep detaje për vdekjen e 4-vjeçarit

    Policia e Kosovës dje ka pranuar informata lidhur me dyshimet për rënien në lumë të një fëmije rreth katër vjeçar.

    Rasti u raportua në fshatin Raskovë të Obiliqit, ku në vendin e ngjarjes kanë dalë njësitë policore të cilat kanë marrë të gjitha veprimet e mundshme për të gjetur fëmijën.

    “Janë informuar institucionet përkatëse, si njësitë brenda policisë për kërkim shpëtim, FSK dhe në vendin e ngjarjes ka qenë edhe ndihma e shpejtë. Rreth orës 20:30 në lumin Llap është gjetur viktima pa shenja jete. Me vendim të prokurorit kujdestar trupi i pa jetë i viktimës është dërguar në IML –Prishtinë për obduksion”, thuhet në njoftimin e Policisë.

  • Kancelari Scholz të hënën në Tiranë për Samitin e Berlinit, pritet të takohet me Kurtin

    Kancelari Scholz të hënën në Tiranë për Samitin e Berlinit, pritet të takohet me Kurtin

    Kancelari gjerman do të marrë pjesë në Samitin e Procesit të Berlinit dhe pritet të bëjë takime bilaterale edhe me përfaqësuesit e Kosovës dhe Serbisë. Qeveria e Kosovës e ka konfirmuar para disa ditësh se kryeministri Albin Kurti do të marrë pjesë në këtë samit.

    Kancelari gjerman Olaf Scholz do të udhëtojë të hënën për një viizitë të shkurtër në Tiranë, bëri të ditur zëdhënësi i qeverisë gjermane, Steffen Hebestreit, të premten, 13.10.23, në konferencën e shtypit të qeverisë gjermane, në Berlin.

    Scholz do të marrë pjesë Samitin e Procesit të Berlinit, i cili zhvillohet për herë të parë në në një vend jashtë Bashkimit Evropian.

    Procesi i Berlinit është një nismë e vitit 2014 për të mbështetur integrimin në BE të gjashte endeve të Ballkanit Perëndimor, Bosnja-Hercegovina, Kosova, Mali i Zi. Maqedonia e Veriut, Serbia dhe Shqipëria.

    Përveç kancelarit Scholz në takim do të marrin pjesë edhe presidentja e Komisionit të BE-së, Ursula von der Leyen, dhe presidenti i Këshillit të BE-së, Charles Michel. Samiti i mëparshëm i Procesit të Berlinit u zhvillua në nëntor të vitit të kaluar në Berlin.

    Aty u festua si arritje e madhe nënshkrimi i tre marrëveshjeve të lëvizshmërisë. Deri tani ato nuk janë implementuar, kryesisht për shkak të marrëdhënieve të tensionuara ndërmjet Serbisë dhe Kosovës. Marrëveshjet e lëvizshmërisë do të ishin një hap i rëndësishëm përpara për krijimin e Tregut të Përbashkët Rajonal, në kuadër të të cilit deri tani është arritur vetëm ulja e tarifave roaming.

    Sipas zëdhënësit të qeverisë gjermane, temë tjetër është edhe transformimi ekologjik dhe digjitalizimi.

    Ne konferencen e shtypit te samitit te Berlinit te vitit 2022: Edi Rama, Olaf Scholz dhe Ursula von der Leyen. Ne konferencen e shtypit te samitit te Berlinit te vitit 2022: Edi Rama, Olaf Scholz dhe Ursula von der Leyen.

    Samiti i mëparshëm i Procesit të Berlinit u zhvillua në nëntor të vitit të kaluar në Berlin. Aty u festua si arritje e madhe nënshkrimi i tre marrëveshjeve të lëvishmërisë. Deri tani ato nuk janë implementuar, kryesisht për shkak të marrëdhënieve të tensionuara ndërmjet Serbisë dhe Kosovës.

    Hebestreit tha se Scholz do të kërkojë kontakt edhe me përfaqësues të Kosovës dhe Serbisë, siç e bëri në Granadë, të Spanjës, në takimin e Komunitetit Politik Evropian. Nëse në takimin e Tiranës do të marrë pjesë edhe presidenti i Serbisë, Aleksandar Vuçiq, kjo nuk dihet ende, u tha në Berlin, shkruan DW.

    Diferenca mes Serbise dhe Kosoves

    Pas sulmit terrorist të Banjskës, diferencat mes Kosovës dhe Serbisë janë thelluar edhe më shumë. Kosova, edhe pse e përkrah nismën e Procesit të Berlinit, pret nga takimi që të mbahet një qëndrim i qartë ndaj Serbisë. Unë pres që “të shpjegohet që është një kërcënim i drejtpërdrejt i projektit evropian të integrimeve, madje të thuhet më drejtpëdrejt përgjegjësia që e ka pasur shteti serb në aktin e agresionit të 24 shtatorit”, tha kryetari i Parlamentit të Kosovës, Glauk Konjufca.

    Ministrja e Jashtme gjermane , Annalena Baerbock, tha në takim se rruga e vendeve të Ballkanit Perëndirmor drejt BE-së është e mundur vetëm së bashku, dhe duke njohur dhe respektuar integritetin territorial. Ajo mund të bëhet vetëm kur e kupton se siguria është reciproke.

    Në takimin përgatitor të ministrave të jashtëm të Procesit të Berinit, i cili u mbajt të premten e kaluar në Tiranë, ministri i jashtëm i Serbisë, Ivica Daçiç nuk pranoi të dilte në një fotografi të përbashkët, ku në sfond të ishte flamuri i Kosovës.

    Ministrja e Jashtme gjermane, Annalena Baerbock, tha në takim se rruga e vendeve të Ballkanit Perëndirmor drejt BE-së është e mundur vetëm së bashku, dhe duke njohur dhe respektuar integritetin territorial. Ajo mund të bëhet vetëm kur e kupton se siguria është reciproke.

    Edhe i ngarkuari i qeverisë gjermane për Ballkanin Perëndimor, Manuel Sarrazin, i tha DW se tensione të tilla si ai Banjskës, më 24 shtator, nuk duhet të përsëriten më dhe se janë toksike për të gjithë rajonin.