Tag: Ballina

Komandanti i Forcës së Sigurisë së Kosovës, Gjenerallejtënant Bashkim Jashari, ka dërguar një ekip të FSK-së në Gaza për të realizuar rikonicionin e zonës ku do të operojnë trupat e FSK-së.

Gjatë kësaj vizite ekipi do të bëjë vlerësimin paraprak dhe koordinimin e aktivititeteve të dislokimit për kontigjentin e FSK-së, që do të operojë në kuadër të misionit paqeruajtës të Forcave Stabilizuese Ndërkombëtare (ISF) në Gaza, thuhet në komunikatën për media.

“Gjatë kësaj vizite, delegacioni ka zhvilluar një sërë takimesh dhe diskutimesh me autoritete nacionale për administrimin e Gazës dhe ekipet përkatëse, si dhe me përfaqësues të Qendrës Koordinuese Civilo-Ushtarake (CMCC), e cila operon nën mbikëqyrjen e Bordit të Paqes, në përputhje me Rezolutën 2803 të OKB-së. Gjatë këtyre takimeve është diskutuar rreth procesit të integrimit të kontingjentit të FSK-së, zhvillimit të operacioneve të përbashkëta, si dhe koordinimit të mbështetjes logjistike”, vijon komunikata.

“FSK mbetet e përkushtuar për të kontribuar në paqe dhe stabilitet global, në bashkëpunim të ngushtë me aleatët ndërkombëtarë, në krye me Shtetet e Bashkuara të Amerikës, duke forcuar partneritetet strategjike, promovuar sigurinë kolektive, si dhe duke vepruar në përputhje me standardet dhe vlerat ndërkombëtare për ruajtjen e paqes”, përfundon njoftimi.

Lëvizja Vetëvendosje ka ftuar dy partitë opozitare, Partinë Demokratike të Kosovës dhe Lidhjen Demokratike të Kosovës, që të propozojnë tre emra për president, duke ofruar të gjitha nënshkrimet e deputetëve të kësaj partie dhe tërheqjen e kandidaturave të Glauk Konjufcës dhe Fatmire Mulhaxha-Kollçakut.

Në një njoftim të së shtunës, LVV-ja ka bërë të ditur se në mbledhjen e Kryesisë të premten në mbrëmje ka vendosur të ndërmarrë “edhe një hap tjetër me një propozim të ri, konkret dhe përbashkues”.

Në ftesën drejtuar dy partive opozitare, VV-ja ka theksuar se kandidatët duhet të jenë figura unifikuese, me integritet të lartë dhe jashtë skenës aktuale politike.

“Ftojmë PDK-në dhe LDK-në që së bashku të propozojnë tre emra, nga të cilët do të mund të zgjidhet Presidenti i ri nga legjislatura e 10-të. Këta tre kandidatë duhet të jenë figura unifikuese, me integritet të lartë qytetar e kombëtar, me kontribut të dëshmuar në jetën profesionale dhe shoqërore, dhe jashtë skenës aktuale politike. Për këta të tre do të siguroheshin së paku 90 nënshkrime të deputetëve të Kuvendit të Republikës së Kosovës. Me atë rast, paraprakisht do të tërhiqeshin nga kandidatura Zëvendëskryeministri dhe Ministri i Punëve të Jashtme dhe Diasporës Glauk Konjufca e deputetja Dr. Fatmire Mulhaxha-Kollçaku”, thuhet në njoftimin e VV-së.

Kuvendi ka afat deri më 28 prill për të zgjedhur presidentin, përndryshe Kosova shkon në zgjedhje të reja parlamentare. VV-ja ka thënë se pret përgjigje nga PDK-ja dhe LDK-ja deri të dielën në mbrëmje (26 prill).

“Një zgjidhje duhet të gjendet, sepse ajo është e mundshme. Duhet të përpiqemi dhe angazhohemi së bashku, sepse është detyrë e jona që buron nga përgjegjësia që na e kanë bartur qytetarët e Republikës së Kosovës”, thuhet në njoftim.

Kuvendi i Kosovës, sot do të mbajë seancë të jashtëzakonshme

Në një njoftim për media nga Drejtoria për media dhe marrëdhënie me publikun, bëhet me dije se të shtunën, nga ora 12:00, do të mbahet seancë e jashtëzakonshme plenare.

Në rend dite janë 5 pika, si në vijim: Shqyrtimi i parë i Projektligjit nr.10/L-045 për ndryshimin dhe plotësimin e Ligjit nr. 10/L-001 mbi ndarjet buxhetore për Buxhetin e Republikës së Kosovës për vitin 2026; Shqyrtimi i parë i Projektligjit nr.10/L-046 për ndryshimin dhe plotësimin e Ligjit Nr. 05/L-096 për Parandalimin e Pastrimit të Parave dhe Luftimin e Financimit të Terrorizmit; Shqyrtimi i parë i Projektligjit nr.10/L-032 për Energjinë Elektrike; Shqyrtimi i parë i Projektligjit nr.10/L-031 për Energjinë; Mocion për Shqyrtimin e dytë të Projektligjit nr.10/L-019 për Byronë Shtetërore për Verifikimin dhe Konfiskimin e Pasurisë së Pajustifikueshme, me shmangie nga afatet nga Rregullorja e Kuvendit.

Kuvendi i Kosovës nuk po do të pushojë edhe për fundjavë.

Në një njoftim për media nga Drejtoria për media dhe marrëdhënie me publikun, bëhet me dije se të shtunën, nga ora 12:00, do të mbahet seancë e jashtëzakonshme plenare.

Në rend dite janë 5 pika, si në vijim:

Shqyrtimi i parë i Projektligjit nr.10/L-045 për ndryshimin dhe plotësimin e Ligjit nr. 10/L-001 mbi ndarjet buxhetore për Buxhetin e Republikës së Kosovës për vitin 2026,Shqyrtimi i parë i Projektligjit nr.10/L-046 për ndryshimin dhe plotësimin e Ligjit Nr. 05/L-096 për Parandalimin e Pastrimit të Parave dhe Luftimin e Financimit të Terrorizmit,Shqyrtimi i parë i Projektligjit nr.10/L-032 për Energjinë Elektrike,Shqyrtimi i parë i Projektligjit nr.10/L-031 për Energjinë,Mocion për Shqyrtimin e dytë të Projektligjit nr.10/L-019 për Byronë Shtetërore për Verifikimin dhe Konfiskimin e Pasurisë së Pajustifikueshme, me shmangie nga afatet nga Rregullorja e Kuvendit.

Deputetët e Kuvendit të Kosovës kanë zgjedhur anëtarët e Komisionit të Pavarur për Media (KPM).

Drita Morina, Besnik Berisha, Luljeta Krasniqi-Aliu dhe Hysni Mustafa janë anëtarët e rinj nga komuniteti shqiptar.

Ndërkaq, nga komunitetet jo shumicë, janë zgjedhur Suada Gjokoviq dhe Serpin Emrushi.

Kryeministri i Albin Kurti pas dështimit të arritjes së një marrëveshjeje për zgjedhjen e Presidentit të Kosovës, pesë ditë para skadimit të afatit të dhënë nga Kushtetuesja, u është drejtuar qytetarëve të Kosovës me një video, ku kritikoi opozitën për refuzimin e ofertave të tij dhe mos ofrim të alternativave.

Ai tha se qytetarët kanë dhënë një mesazh të qartë në zgjedhje dhe se ky vullnet duhet të respektohet nga të gjitha subjektet politike.

“Pas 10 muajsh bllokadë gjatë vitit 2025, në zgjedhjet e 28 dhjetorit populli i Kosovës foli më qartë se asnjëherë më parë në periudhën e pasluftës”, u shpreh Kurti.

Kurti kritikoi partitë opozitare për mosgatitshmëri dhe theksoi se ato e kanë detyrim të veprojnë në përputhje me këtë rezultat.

“Është obligim i secilit subjekt politik e lider partie të sillet në përputhje me atë vullnet të shprehur”, deklaroi ai.

Kurti tha se zgjedhjet e reja do të sillnin kosto financiare dhe institucionale për vendin dhe nuk do të ndryshonin situatën politike në mënyrë thelbësore.

“Organizimi i zgjedhjeve të reja do t’i kushtonte Kosovës së paku 10 milionë euro”, tha ai, duke shtuar se do të kishte edhe humbje të tjera financiare për shkak të mosfunksionimit institucional.

Ai theksoi se çështja kryesore mbetet sigurimi i kuorumit për zgjedhjen e Presidentit.

“Meqë problemi kryesor mbetet nevoja për 80 deputetë për kuorum, zgjedhjet nuk do të sjellin zgjidhje”, u shpreh Kurti.

Kryeministri tha se Lëvizja Vetëvendosje ka bërë disa oferta për bashkëpunim me partitë opozitare, por ato nuk janë pranuar.

“Kam bërë ftesa të vazhdueshme për partitë opozitare dhe kam ofruar alternativa për zgjidhje. Deri tani pa sukses”, tha ai.

Ai përmendi gjithashtu propozime për bashkëpunim me Lidhja Demokratike e Kosovës dhe Partia Demokratike e Kosovës, të cilat, sipas tij, janë refuzuar.

Kurti theksoi se rezultati zgjedhor duhet të jetë baza e demokracisë dhe vendimmarrjes.

“Demokracia duhet të bazohet në vullnetin e popullit dhe në rezultatin zgjedhor, jo në marrëveshje që e anashkalojnë atë”, u shpreh ai.

Në fund, ai falënderoi qytetarët për mbështetjen.

“Ju faleminderit për mbështetjen e vëmendjen. Dhe, mirupafshim”, përfundoi Kurti.

Pas shpalljes së aktgjykimit ndaj tre të dënuarve për sulmin terrorist në Banjskë, ka reaguar prokurori special i rastit, Naim Abazi.

Ai ka deklaruar se aktgjykimi i sotëm jep sinjal të qartë se të gjithë personat e përfshirë në këtë sulm do të marrin dënimin e merituar.

Sipas Abazit, institucionet e drejtësisë nuk do të ndalen vetëm me këtë vendim, por përmes bashkëpunimit ndërkombëtar dhe Interpolit do të kërkohet arrestimi edhe i pjesëtarëve të tjerë që ndodhen në arrati.

“Përmes ndihmës ndërkombëtare dhe Interpolit do të kërkojmë arrestimin edhe të pjesëtarëve të tjerë. Të gjithë ata që kanë urdhëruar, financuar dhe koordinuar sulmin do të përgjigjen para organeve të drejtësisë”, ka deklaruar ai.

Ndryshe, Gjykata Themelore në Prishtinë dënoi me burgim të përjetshëm Bllagoje Spasojeviqin dhe Vlladimir Toliqin, ndërsa Dushan Maksimoviq u dënua me 30 vite burgim për sulmin terrorist të vitit 2023 në Banjskë, ku mbeti i vrarë rreshteri Afrim Bunjaku dhe u plagosën dy zyrtarë policorë.

Gjykata Themelore në Prishtinë ka dënuar me burgim të përjetshëm Bllagoje Spasojeviq dhe Vlladimir Tolliq, ndërsa me 30 vite dënoi Dushan Maksimoviq për sulmin terrorist në Banjskë.

Ata u gjetën fajtorë për sulmin terrorist në Banjskë të Zveçanit më 24 shtator 2023, ku mbeti i vrarë rreshteri i Policisë së Kosovës, Afrim Bunjaku.

Kundër këtij aktgjykimi është e lejuar ankesa në afat prej 30 ditësh nga dita e marrjes së këtij vendimi në Gjykatën e Apelit në Prishtinë.

Tre të akuzuarit janë pjesë e një grupi prej 45 individëve, ndaj të cilëve u ngrit aktakuzë rreth një vit pas sulmit në pjesën veriore të Kosovës, duke përfshirë këtu Millan Radoiçiqin, ish-nënkryetar i partisë më të madhe të serbëve në Kosovë, Listës Serbe, i cili në aktakuzë cilësohet si “kreu i grupit terrorist”.

Gjykata vendosi ta veçonte procedurën penale ndaj Spasojeviqit, Tolliqit dhe Maksimoviqit, të cilët ndodhen në paraburgim nga shtatori i 2023-tës, kurse për 42 të tjerë refuzoi kërkesën e Prokurorisë Speciale të Kosovës për gjykim në mungesë.

Sipas Prokurorisë, të akuzuarit dyshohet se, përmes përdorimit të dhunës dhe armatimit të rëndë, kishin tentuar ta shkëpusnin pjesën veriore të Kosovës, për t’ia bashkuar Serbisë, me ç’rast ishte vrarë polici Bunjaku, ishte plagosur nga armë zjarri polici tjetër Alban Rashiti, ndërsa ishin lënduar policët Çlirim Sahiti, Mirsad Kryeziu dhe Sedat Dushi, por ishte rrezikuar edhe jeta e policëve të tjerë dhe e popullatës civile.

Për këto veprime, të njëjtit akuzohen për kryerjen e veprës penale “Veprat e rënda kundër rendit kushtetues dhe sigurisë së Republikës së Kosovës”.

Ndërkaq, në Serbi nuk ka asnjë aktakuzë të ngritur përkundër thirrjeve nga BE dhe NATO që autorët e sulmit të Banjskës të mbahen përgjegjës.

Me 103 vota “për” është miratuar “Projektligji 10L-007 për ratifikimin e Marrëveshjes për anëtarësimin e Kosovës në Bordin e Paqes.

Përkrahjen për Ligjin e kanë ofruar edhe partitë opozitare LDK, PDK dhe e AAK.

“Konstatoj se me 103 vota “për”, asnjë kundër e asnjë abstenim u miratuar Ligji.”, ka deklaruar kryekuendarja Albulena Haxhiu.