ATV

Tag: Ballina

  • Osmani thotë se Von der Leyen ia prezantoi planin e ri të zgjerimit: Të hiqen masat, jemi angazhuar për de-eskalim

    Osmani thotë se Von der Leyen ia prezantoi planin e ri të zgjerimit: Të hiqen masat, jemi angazhuar për de-eskalim

    Presidentja e Kosovës, Vjosa Osmani tha se presidentja e Komisionit Evropian, Ursula von der Leyen i’a ka prezantuar planin e ri të rritjes për Ballkanin Evropian, raporton Ekonomia Online.

    Osmani tha në një konferencë të përbashkët për medie planin e quajti “hap të rëndësishëm drejt integrimit tonë në tregun e përbashkët evropian”.

    “Takimi i sotëm u fokusua në rritjen e Ballkanit Perëndimor dhe krahas kësaj e i formova për zhvillimet e fundit në vend. Plani gjithëpërfshirës shënon një hap drejt integrimit në Bashkimin Evropian. Në takim shpreha mirënjohje ndaj KE-së si mekanizma që i dhanë epilog liberalizimit të vizave, ku qytetarët nga 1 janari do të lëvizin lirshëm në zonën Shengen”.

    “Ngjashëm Kosova vazhdon të jetë kampione në procesin e zgjedhjeve dhe Kosova është gati në procesin e integrimit në BE. Si dëshmi institucionet e Kosovës dorëzuan aplikimin për anëtarësim në dhjetor të vitit të kaluar”.

    Osmani shtoi se Von der Leyen ka folur edhe për heqjen e masave të vendosura nga BE. Ajo tha se institucionet e Kosovës kanë treguar angazhim konkret për de-eskalim të situatës dhe përkushtim të plotë për bashkëpunim dhe koordinim të vazhdueshëm me aleatë dhe partnerë.

    “Në takim potencova edhe rëndësinë dhe nevojën e largimit të masave të vendosura ndaj Kosovës. Institucionet tona përgjatë muajve të kaluar kanë treguar jo vetëm angazhim konkret për deeskalim të situatës, por edhe përkushtim të plotë për bashkëpunim dhe koordinim të vazhdueshëm me aleatët dhe partnerët tanë. Njëkohësisht, institucionet tona kanë ndërmarrë hapat e nevojshëm për të garantuar zgjedhje të reja e të lira por për fat të keq, adresa e këtyre pengesave vazhdon të mbetet në Beograd. Krahas sfidave kolektive globale, theksova se sfidat komplekse që po kalon Republika e Kosovës janë si rezuxltat i përpjekjeve destabilizuese të Serbisë”.

    “Vetëm në javët e fundit kemi qenë dëshmitarë të këtyre ambicieve të destabilizuese që rezultuan me aktin e agresionit kundër Republikës së Kosovës më 24 shtator që u krye nga grupe terroriste, paramilitare të Serbisë. Siç i shpreha von der Leyen, ne duhet të jemi të bashkuar për të refuzuar dhunën si mjet për arritje të qëllimeve keqdashëse të cilat minojnë edhe vetë vlerat mbi të cilat është ndërtuar BE. Kosova është e përkushtuar për të respektuar Kushtetutën e saj e cila ofron të drejtat më të avancuara për komunitetet joshumicë jo vetëm në rajon por në të gjithë kontinentin tonë.”

    Poashtu, Osmani i ka bërë thirrje Serbisë që t’i ekstradojë të gjithë personat që janë të përfshirë në sulmin terrorist të 24 shtatorit.

    “Grupi terrorit i përfshirë në sulmin e 24 shtatorit duhet të përballet me drejtësinë në Kosovë. Ne do të vazhdojmë të aplikojmë standardet më të larta për gjykim të drejtë dhe i bëjmë thirrje Serbisë që t’i ekstradojë individët dhe zyrtarët që ishin pjesë e planifikimit, financimit dhe organizimit të këtij akti terrorist”.

  • Kurti, pas takimit me QUINT-in: Po të ishte në dorën tonë do të kishim marrëveshje, Serbia po e refuzon

    Kurti, pas takimit me QUINT-in: Po të ishte në dorën tonë do të kishim marrëveshje, Serbia po e refuzon

    Kryeministri i Kosovës, Albin Kurti, ka pritur në takim ambasadorët e QUINT-it në objektin e Qeverisë së Kosovës të hënën.

    Kurti me anë të një postimi në platformën ‘X’ njoftoi se i informoi ata rreth zhvillimeve të fundit në kuadër të dialogut Kosovë-Serbi.

    Ai shprehu mirënjohjen e tij për BE-në dhe SHBA-në në përpjekjet e tyre për të rikthyer dialogun në rrugën e duhur pas sulmit terrorist të 24 shtatorit.

    I pari i Qeverisë Kosovës shtoi se Serbia po vazhdon ta refuzojë Marrëveshjen Themelore.

    “Sot u takova me ambasadorët e akredituar në Kosovë për t’iu ofruar atyre të rejat më të fundit mbi dialogun, siç është praktikë e zakonshme. Fillova duke shprehur mirënjohjen për BE-në dhe SHBA-në për përpjekjet e tyre për të rikthyer dialogun në rrugën e duhur pas sulmit terrorist të 24 shtatorit”, ka deklaruar ai.

    “Theksova gjithashtu se nëse do të ishte vetëm në dorën e Kosovës, ne do të kishim arritur marrëveshje dhe tashmë do të ishim në proces të zbatimit të saj. Kosova vazhdon të jetë e gatshme të nënshkruajë Marrëveshjen Bazë, Aneksin Zbatues dhe draftin e 21 tetorit. Serbia vazhdon ta refuzojë”, përfundon shefi i Qeverisë në njoftimin për takimin me ambasadorët e QUINT-it.

  • Szunyog për takimet e Ursula von der Leyen me Osmanin e Kurtin: Në pritje të diskutimeve të frytshme

    Szunyog për takimet e Ursula von der Leyen me Osmanin e Kurtin: Në pritje të diskutimeve të frytshme

    Shefi i zyrës së BE-së në Kosovë, Tomas Szunyog, e ka mirëpritur presidenten e Komisionit Evropian, Ursula von der Leyen.

    Szunyog theksoi se ajo do të takohet me presidenten Vjosa Osmani dhe kryeministrin Albin Kurti, teksa shtoi se pret diskutime të frytshme.

    “E mirëprita presidenten e Komisionit Evropian, Ursula von der Leyen, e cila mbërriti sot në Kosovë, në kuadër të vizitës së saj katërditure në Maqedoninë e Veriut, Kosovë, Malin e Zi, Serbi dhe në Bosnje e Hercegovinë”.

    “Ajo do të takohet me presidenten Vjosa Osmani dhe kryeministri Albin Kurtin. Në pritje të diskutimeve të frytshme!”, shkroi Szunyog.

  • Kryetarja e Komisionit Evropian në Presidencë, pritet në takim nga Osmani

    Kryetarja e Komisionit Evropian në Presidencë, pritet në takim nga Osmani

    Presidentja e Kosovës, Vjosa Osmani e ka pritur në takim kryetaren e Komisionit Evropian, Ursula von der Leyen, raporton Ekonomia Online. Pas takimit do të ketë konferencë për medie.

    Më pas ajo do të pritet edhe nga kryeministri Albin Kurti.

    Pas vizitës në Prishtinë, Von der Leyen pasdite do të udhëtojë për në Beograd, ku do të takohet me presidentin e Serbisë Aleksandar Vuçiq dhe kryeministren, Ana Brnabiq.

    Ndryshe, vizita në Kosovë është në kuadër të një vizite katërditore në rajon, të cilën von der Leyen e ka nisur të dielën në Maqedoninë e Veriut.

    Ajo gjithashtu do të qëndrojë për vizitë në Mal të Zi dhe Bosnjë e Hercegovinë. Vizita vjen pas takimeve që von der Leyen pati në Shqipëri në fillim të këtij muaji, në datat 15-16 tetor, ku mori pjesë në Samitin e Procesit të Berlinit.

  • Kusari-Lila për draftin e Asociacionit: Sipas informatave – pala kosovare e ka pranuar nënshkrimin, ajo serbe e ka refuzuar

    Kusari-Lila për draftin e Asociacionit: Sipas informatave – pala kosovare e ka pranuar nënshkrimin, ajo serbe e ka refuzuar

    Shefja e Grupit Parlamentar të Lëvizjes Vetëvendosje, Mimoza Kusari-Lila, ka deklaruar se gjatë kësaj jave do të ketë dy seanca, me ç’rast në rend dite do të jetë edhe raportimi i kryeministrit Albin Kurti, për takimin në Bruksel, raporton Ekonomia Online.

    Kusari-Lila foli edhe për draftin e propozuar nga plani franko-gjerman për Asociacionin, për çka tha se sipas informatave – pala kosovare e ka pruar nënshkrimin, pala serbe ka refuzuar.

    “Ne si GP jemi të informuar për përmbajtjen e draftit të parë dhe siç e dini nuk kemi diçka të finalizuar dhe e dini se nuk ka pasur nënshkrim. Sipas informatave, pala kosovare ka pruar nënshkrimin por pala serbe ka refuzuar”.

  • Bastisjet e ZPS-së në shtëpinë e Smakajt dhe Shalës, deklarohet avokati Artan Çerkini

    Bastisjet e ZPS-së në shtëpinë e Smakajt dhe Shalës, deklarohet avokati Artan Çerkini

    Një veturë e EULEX-it me mbishkrimin ZPS është duke bastisur shtëpinë e ish-shefit të AKI-së, Bashkim Smaka dhe të Blerim Shalës, ish-këshilltarit të Hashim Thçit.

    Për këto bastisje, është deklaruar edhe avokati Artan Çerkini, i cili për ATV-në tha se ka ardhur një urdhër i gjykatës për bastisjen e shtëpisë së Bashim Smakaj dhe Blerim Shalës.

    “Ka ardhur një urdhër i gjykatës për bastisjen e shtëpisë së Bashim Smakaj dhe Blerim Shalës në fund do të shohim se çfarë do të ndodh dhe do të njoftoheni me kohë. Kam qenë edhe te bastisja e Blerim Shalës, do të ju informoj me kohë”, tha avokati Çerkini.

    Avokati shtoi se do të vazhdojë të qëndrojë në shtëpinë e Smakajt për të qenë vëzhguar nga afër deri të kryhen bastisjet.

    Bastisjet e sotme, për ATV-në i ka konfirmuar Zyra e Prokurorit të Specializuar.

    “Zyra e Prokurorit të Specializuar (ZPS) aktualisht është duke kryer operacione në Kosovë. Operacionet e ZPS-së po kryhen me mbështetjen e Policisë së Kosovës dhe Misionit të Bashkimit Evropian për Sundimin e Ligjit në Kosovë (EULEX)”, thuhet në përgjigjen e ZPS-së. /atvlive.tv

  • Mblidhet Kryesia, vendos për vazhdimin e gjashtë seancave dhe një seancë të re

    Mblidhet Kryesia, vendos për vazhdimin e gjashtë seancave dhe një seancë të re

    Kryesia e Kuvendit është mbledhur të hënën për të vendosur për vazhdimin e gjashtë seancave të papërfunduara dhe caktimin e një seance të re, raporton Ekonomia Online.

    Gjithashtu, në rend dite është edhe Seanca e veçantë për Miratimin e Deklaratës në mbështetje të Rezolutës së Parlamentit Evropian e datës 19 tetor 2023 mbi zhvillimet e fundit në dialogun Serbi-Kosovë, përfshirë situatën në komunat veriore të Kosovës.

    Rendi i ditës:

    I.    Miratimi i procesverbaleve të mbledhjeve të mëparshme të Kryesisë së Kuvendit, 

    II. Pikat e papërfunduara nga Seanca plenare, e mbajtur më 28 shtator, 4 dhe 26 tetor 2023: 

    18. Shqyrtimi i parë i Projektligjit nr.08/L-241 për vlerësimin strategjik mjedisor,
    19. Shqyrtimi i parë i Projektligjit nr.08/L-242 për performancën energjetike të ndërtesave,
    20. Shqyrtimi i parë i Projektligjit nr.08/L-246 për administrimin e ndërtesave dhe lagjeve të banimit në bashkëpronësi,
    21. Shqyrtimi i parë i Projektligjit nr.08/L-240 për Agjencinë e Regjistrimit Civil.
     III.  Seanca e veçantë:

    1.    Miratimi i Deklaratës në mbështetje të Rezolutës së Parlamentit Evropian e datës 19 tetor 2023 mbi zhvillimet e fundit në dialogun Serbi-Kosovë, përfshirë situatën në komunat veriore të Kosovës (2023/2880(RSP).
    IV. Pikat e papërfunduara nga Seanca plenare, e mbajtur më 5 dhe 12 tetor 2023: 

    3. Votimi i Projektligjit nr.08/L-251 për ratifikimin e Marrëveshjes së financimit në mes të Republikës së Kosovës, përfaqësuar nga Ministria e Financave, Punës dhe Transfereve dhe Bankës Evropiane për Investime për projektin “Rehabilitimi i linjës hekurudhore 10 B”,
    4. Shqyrtimi i Projektligjit nr.08/L-252 për ratifikimin e Marrëveshjes në mes Republikës së Kosovës, e përfaqësuar nga Ministria e Bujqësisë, Pylltarisë dhe Zhvillimit Rural dhe Deutsche Gesellschaft für Zusammenarbeit (GIZ) GmbH, për projektin mbështetja për zhvillimin e qëndrueshëm të sektorit të bujqësisë në zonat rurale përmes diversifikimit të aktiviteteve,
    6. Votimi në lexim të dytë i Projektligjit nr. 08/L-211 për Verëra,
    10. Formimi i Komisionit Ad-Hoc për përzgjedhjen e kandidatëve për një (1) anëtar të Komisionit të Pavarur të Mediave, nga radhët e komuniteteve jo shumicë,
    11. Propozimi i grupeve parlamentare për emërimin dhe zëvendësimin e anëtarëve në Komisionin Hetimor Parlamentar në lidhje me rastet e dhunës seksuale dhe dhunës në familje në Republikën e Kosovës.
    V. Pikat e papërfunduara nga Seanca plenare, e mbajtur më 19 tetor 2023:

    6. Votimi për emërimin e 3 (tre) anëtarëve vendorë të Këshillit Shtetëror të Cilësisë të Agjencisë së Kosovës për Akreditim,
    7. Votimi i Projektligjit nr.08/L-221 për ratifikimin e Marrëveshjes së kredisë dhe projektit ndërmjet Republikës së Kosovës, përfaqësuar nga Ministria e Financave, Punës dhe Transfereve, KOSTT (Operator Sistemi, Transmisioni dhe Tregu sh. a.) dhe KFW, Frankfurt Am Main (KFW) për Projektin -Zhvillimi i sektorit të energjisë VII – përmirësimi i rrjetit të transmetimit,
    8. Votimi i Projektligjit nr.08/L-222 për ratifikimin e Marrëveshjes së kredisë në mes të Republikës së Kosovës dhe Bankës Evropiane për rindërtim dhe zhvillim për Projektin “Ngrohtorja solare e Prishtinës”,
    9. Votimi i Projektligjit nr.08/L-223 për ratifikimin e Marrëveshjes për bashkëfinancimin e bursave të arsimit të lartë në nivelin master në mes Ministrisë së Arsimit, Shkencës, Teknologjisë dhe Inovacionit dhe Ambasadës së Francës në Prishtinë,
    10. Votimi në parim i Projektligjit nr.08/L-207 për tekstet shkollore,
    11. Shqyrtimi i Projektligjit nr.08/L-234 për ratifikimin e Marrëveshjes së kredisë për programin e financave publike dhe rritjes ekonomike ndërmjet Republikës së Kosovës dhe Fondit OPEC për Zhvillim Ndërkombëtar,
    12. Shqyrtimi i Projektligjit nr.08/L-236 për ratifikimin e Traktatit ndërmjet Republikës së Kosovës dhe Mbretërisë së Danimarkës për shfrytëzimin e institucionit korrektues në Gjilan me qëllim të ekzekutimit të dënimeve daneze,
    13. Shqyrtimi i Projektligjit nr.08/L-253 për Aderimin e Republikës së Kosovës në Konventën për Importin e Përkohshëm,
    14. Shqyrtimi i Projektligjit nr.08/L-254 për ratifikimin e Marrëveshjes ndërkombëtare ndërmjet Kosovës nga njëra anë dhe Bashkimit Evropian nga ana tjetër për pjesëmarrjen e Kosovës në Programin e bashkimit programi i tregut të vetëm,
    15. Votimi në parim i Projekt Kodit nr.08/L-247 Doganor dhe i Akcizave,
    17. Shqyrtimi i parë i Projektligjit nr.08/L-244 për ndryshimin dhe plotësimin e Ligjit nr. 06/L-043 për Lirinë e Asociimit në Organizata Joqeveritare,
    20. Shqyrtimi i rekomandimit të Komisionit për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë Kundër Korrupsionit për shkarkimin e z. Agron Beka nga pozita e anëtarit të Këshillit Prokurorial të Kosovës,
    21. Shqyrtimi i Raportit vjetor financiar të Buxhetit të Republikës së Kosovës, për vitin 2022,
    22. Formimi i Komisionit Ad-hoc për përzgjedhjen e kandidatëve për dy (2) anëtarë të Bordit për Ankesa të Mediave.
    VI. Propozimi i rendit të ditës për Seancën plenare të radhës:

    1.    Deklarimet jashtë rendit të ditës,
    2.    Pyetjet parlamentare,
    3.    Votimi i Propozim-Rezolutës për mbështetjen urgjente financiare të Policisë së Kosovës,
    4.    Votimi i Projekt-Rezolutës nga debati parlamentar në lidhje me nevojën për ngritjen e koeficientit të pagave,
    5.    Shqyrtimi i dytë i Projektligjit nr.08/L-208 për Parqet Industriale dhe Teknologjike,
    6.    Shqyrtimi i dytë i Projektligjit nr.08/L-237 për kadastër të pronës së paluajtshme,
    7.    Shqyrtimi i parë i Projektligjit nr. 08/L-257 për Administrimin e Procedurave Tatimore,
    8.    Shqyrtimi i parë i Projektligjit nr.08/L-258 për promovimin e përdorimit të burimeve të ripërtërishme të energjisë,
    9.    Shqyrtimi i rekomandimeve lidhur me Raportin e Auditorit të Përgjithshëm për Raportin Vjetor Financiar të Buxhetit të Republikës së Kosovës, për vitin 2022,
    10.    Zgjedhja e 3 (tre) anëtarëve të Komisionit të Pavarur të Mediave,
    11.    Zgjedhja e 1 (një) anëtari të Bordit të Radiotelevizionit të Kosovës, nga radha e komunitetit serb,
    12.    Miratimi i buxhetit të Komisionit Hetimor Parlamentar në lidhje me rastet e dhunës seksuale dhe dhunës në familje.
    VII. Shqyrtimi i propozimeve dhe i kërkesave

  • Avokati i Veselit zbulon sërish: Prokuroria e Speciales u shërbye me prova nga shërbimi sekret i Serbisë

    Avokati i Veselit zbulon sërish: Prokuroria e Speciales u shërbye me prova nga shërbimi sekret i Serbisë

    Sërish dokumente nga shërbimet sekrete në Speciale, sërish zbulohen nga mbrojtja e Kadri Veselit në Hagë.

    Në gjyqin ndaj ish-krerëve të Ushtrisë Çlirimtare të Kosovës, Prokuroria e Specializuar po vazhdon të shërbehet me prova materiale të ardhura nga Serbia, më konkretisht nga Shërbimi Sekret i Beogradit.

    Gjatë seancës së sotme, avokati i Kadri Veselit, Ben Emmerson vuri në dukje se një nga dokumentet që i është prezantuar një dëshmitari, është dokument i dhënë nga autoritetet serbe.

    Ai thotë se kjo provë si e tillë është e kundërshtuar nga mbrojtja dhe duhet të identifikohet për vërtetësinë e saj.

    “Pra, ndër provat materiale shoqëruese, që lidhen me shënim përgatitor është një dokumet që i është treguar dëshmitarit gjatë seancës përgatitore, që është një dokument qartazi i dhënë nga autoritetet serbe ndonëse ju keni dhe origjinalin edhe përkthimin në anglisht. Por, është pjesë e së njëjtës kategori me dokumentet që kemi kundërshtuar sa i takon të dhënave që janë futur nga shërbimi sekret serb përpara se të jepej dëshmia në TPNJ, në Ish-Tribunalin e Hagës. Dhe sikurse e dini, një nga këto dokumente është shënuar për identifikim sepse duhet diskutuar ende mes palëve dhe duhet të dalim me parashtrimet konkrete. Sa i takon dokumentit tjetër, është një dokument që është pranuar, por megjithatë është edhe ky dokument që është objekt debati gjyqësor dhe ne kemi kërkuar që Trupi Gjykues që ta riklasifikojë sepse edhe ky është i shënuar për identifikim”, tha Emmerson.

    Emmerson thotë se prejardhja e dokumentit në fjalë vërehet qysh në fillet e tij.

    Për më tepër, në të njëjtin material ka edhe shënime.

    “E njëjta gjë vlen edhe për këtë dokument që iu tregua këtij dëshmitari. Është fjala për dokumentin U001 – 8967 deri në U001 – 9121 – ET rishikuar një. Tani ky është një manual që qartazi është dhënë nga shërbimi sekret serb sepse e kuptoj që nga gjuha në ballinë. Është dokument origjinal, por në një faqe nga fundi ka një shtesë, ose mund të themi që janë hedhur disa shënime”, tha ai.

  • ZPS deklarohet për bastisjet në shtëpinë e Bashkim Smakajt dhe të Blerim Shalës

    ZPS deklarohet për bastisjet në shtëpinë e Bashkim Smakajt dhe të Blerim Shalës

    Një veturë e EULEX-it me mbishkrimin ZPS është duke bastisur shtëpinë e ish-shefit të AKI-së, Bashkim Smaka dhe të Blerim Shalës, ish-këshilltarit të Hashim Thçit.

    Këto bastisje, për ATV-në i ka konfirmuar Zyra e Prokurorit të Specializuar.

    “Zyra e Prokurorit të Specializuar (ZPS) aktualisht është duke kryer operacione në Kosovë. Operacionet e ZPS-së po kryhen me mbështetjen e Policisë së Kosovës dhe Misionit të Bashkimit Evropian për Sundimin e Ligjit në Kosovë (EULEX)”, thuhet në përgjigjen e ZPS-së. /atvlive.tv

  • EULEX-i po bastisë shtëpinë e ish-shefit të AKI-së, Bashkim Smakajt

    EULEX-i po bastisë shtëpinë e ish-shefit të AKI-së, Bashkim Smakajt

    Një veturë e EULEX-it me mbishkrimin ZPS në këto momente është duke bastisur shtëpinë e ish-shefit të AKI-së, Bashkim Smaka, raporton ATV.

    Nuk dihen ende detaje veç pamjeve të bastisjes, me gjasë me urdhër të Zyrës së Prokurorisë së Hagës.

    Gjithashtu, bastisje janë kryer edhe në shtëpinë e Blerim Shalës, ish këshilltar i Hashim Thaçit. /atvlive.tv