ATV

Tag: Ballina

  • ​Shqetësime për Kosovën, Stoltenberg thotë se do ta shqyrtojnë propozimin e Ramës

    ​Shqetësime për Kosovën, Stoltenberg thotë se do ta shqyrtojnë propozimin e Ramës

    Sekretari i përgjithshëm i NATO-s Jens Stoltenberg në një konferencë për media sot në Shkup pas takimit me liderët e me liderët e shteteve anëtare të aleancës ushtarake nga Ballkani Perëndimor, deklaroi se Aleanca Veri-Atlantike nuk sheh ndonjë rrezik të drejtpërdrejtë ushtarak për ndonjë nga vendet e rajonit, ndërsa shprehu shqetësimin për situatën në Kosovë dhe Bosnjë.

    Ai ka theksuar se pas sulmit në Banjska të Zveçanit më 24 shtator, NATO-ja ka shtuar dukshëm praninë e saj ushtarake në Kosovë.

    “Kohët e fundit ju ndihmuat në lëvizjen e forcave të NATO-s përmes vendit tuaj në Kosovë për të na mundësuar të forcojmë praninë e NATO-s në Kosovë ku kemi shtuar një mijë trupa shtesë kohët e fundit. Forcat tuaja të Armatosura shërbyen në Afganistan, ato i dhanë mbështetje të vlefshme misionit tonë paqeruajtës në Kosovë, dhe këtu në këtë asamble ju jeni të bashkuar në denoncimin e agresionit të luftës së Rusisë kundër Ukrainës… 11.41 Dhuna e tmerrshme e viteve 1990 ndryshoi Ballkanin Perëndimor dhe ndryshoi NATO-n. Për herë të parë në historinë tonë ne dolëm jashtë territorit të NATO-s për të ndaluar gjakderdhjen në Bosnje dhe Hercegovinë dhe për të parandaluar gjenocidin e mundshëm në Kosovë”, tha Stoltenberg.

    Ai tha se siguria e rajonit është e rëndësishme për sigurinë në Evropë, teksa ka folur edhe për procesin e dialogut ndërmjet Kosovës dhe Serbisë.

    “Ballkani Perëndimor është thelbësor për sigurinë e Evropës. Ne jemi të përkushtuar ndaj sovranitetit dhe integritetit territorial të Bosnjë-Hercegovinës dhe rrugëtimit të saj të vazhdueshëm përgjatë rrugës euroatlantike. Në Kosovë ne kemi dislokuar rreth një mijë trupa shtesë në misionin tonë të KFOR-it pas incidenteve të fundit të dhunës, dhe i bëjmë thirrje Beogradit dhe Prishtinës që të angazhohen në dialogun e lehtësuar nga BE-ja. Dhe dua të falënderoj Maqedoninë e Veriut për mbështetjen e vazhdueshme për KFOR-in dhe për ndihmën për ruajtjen e paqes në rajon”, ka thënë Stoltenberg.

    Ai ka thënë se do të shqyrtohet propozimi i kryeministri të Shqipërisë Edi Rama, i cili edhe një herë ka kërkuar nga NATO të shtojë trupat e KFOR-it në kufirin Kosovë-Serbi, për ta ruajtur paqen dhe sigurinë në Kosovë.

    “Do t’i kthehemi propozimit nga kryeministri Edi Rama mbështetur edhe nga presidenti i Kroacisë që natyrisht duhet të shohim. Për këtë arsye duhet të takohemi më rregullisht dhe të ftojmë palët e duhura”, tha Stoltenberg.

    Ndryshe, kryeministri Rama theksoi se NATO-ja duhet të jetë më e pranishme në Kosovë, dhe posaçërisht e angazhuar me më shumë trupa për të siguruar kufirin midis Kosovës dhe Serbisë. /KP

  • U paraqit si bamirës e ua vodhi paratë nga llogaria bankare, familja kosovare që po trajtonte vajzën në Turqi mashtrohet nga një person nga i cili edhe po kërcënohen

    U paraqit si bamirës e ua vodhi paratë nga llogaria bankare, familja kosovare që po trajtonte vajzën në Turqi mashtrohet nga një person nga i cili edhe po kërcënohen

    Qytetarët e Kosovës janë të rrezikuar nga vjedhja e të dhënëve personale por edhe nga vjedhja e mjeteve monetare nga llogaritë e tyre. Mos informimi dhe mosnjohja sa duhet e sistemit bankar ka bërë që shumë qytetarë t’i humbin të ardhurat e tyre, e një rast i tillë ka ndodhur edhe me një familje kosovare, të cilët kishin nevojë për ndihmë financiare, për shërimin e vajzës së tyre jashtë shtetit.

    Në një lidhje të drejtpërdrejt për emisionin “A LIVE”, tezja e vajzës në nevojë ka folur lidhur me këtë rast, duke treguar se kishin rënë pre e mashtrimit nga një person.

    Ajo tha se derisa po mblidheshin të hollat nga bamirës vullnet-mirë, një ditë ata kishin rënë pre e mashtrimit nga një person, i prezantuar si bamirës, nën pretendimin se ai i ka mbledhur 10 mijë euro para, që do të ndihmonin për trajtimin e vajzës.

    Tutje, ajo thotë se i dyshuari, një djalë nga Mali i Zi i kishte mashtruar ata duke iu kërkuar atyre numrat e xhirollogarisë bankare, me ç’rast e njëjta llogari bankare keqpërdoret, duke i tërhequr parat.

    Për të ndjekur të gjithë rrëfimin se si kishte ndodhur mashtrimi, klinkoni në linkun e mëposhtëm:

  • Haxhiu: Dhuna në familje s’është çështje private, duhet të raportohet dhe dhunuesit të dënohen

    Haxhiu: Dhuna në familje s’është çështje private, duhet të raportohet dhe dhunuesit të dënohen

    Misioni i OSBE-së dhe Këshilli i Evropës kanë mbajtur tryezë mbi përforcimin e rolit të Kuvendit në monitorimin e zbatimit të “Konventës së Stambollit” në Kosovë, raporton Ekonomia Online.

    Ministrja e Drejtësisë, Albulena Haxhiu tha se ka përmendur hapat që kanë marrë në zbatimin e Konventës. Në këtë rast ajo shtoi, se është rritur buxheti, për çka tha se po punohet që të trajtohen dhunuesit që mos ta përsërisin veprën.

    Por ajo shtoi se dhuna duhet që të raportohet ngase nuk është çështje private, përderisa ka kërkuar dënimin e kryesve të këtyre veprave penale.

    “Kemi marr disa veprime si institucione. Përveç strategjisë, kemi përgjithësi shumë të madhe, duhet të adresohen të gjitha shkeljet. Kemi krijuar ndihmën juridike falas. Në çështje penale e administrative kemi miratuar protokollin. Në planifikojmë t’i trajtojmë dhunuesit që të mos i përsërisin veprat penale”.

    “Kemi adresuar hetime në kohë të arsyeshme kundër dhunës seksuale. Kemi rritur buxhetin për strehimoret. Bashkë me Ministrinë e Financave kemi marrë masa për punësimin e të mbijetuarave të dhunës. Do të risimin numrin mbrojtëseve të viktimave. Pavarësisht masa që i kemi marr ne si institucione si shoqëri nuk e kryejmë punën tonë pra të i ndihmojmë viktimat të mos injorojmë. Dhuna në familje nuk është çështje private. Duhet të raportohet, po ashtu duhet të dënohet, prandaj kërkoj bashkëpunim. Kur jemi të dhuna në familje duhet të jemi një zë se vetëm kështu mund të kemi sukses”.

    Saranda Bogujevci, nënkryetare e Kuvendit të Kosovës, tha se Konventa e Stambollit është një dokument shumë i rëndësishëm që u shërben institucioneve në këtë drejtim. Ajo më tej ka kërkuar që të ketë zbatim ët ligjeve.

    Ajo kërkoi që të ndryshojë edhe qasja në përgjithësi ndaj grave, për çka tha se duhet ët punohet me gjeneratat e reja.

    “Është një dokument që është duke na shërbyer tej mase. Gjithashtu është e rëndësishme me u përmend veprimet që janë marr nga Republika e Kosovës përkatësisht Ministria e Drejtësisë. Vlen të përmendet ende kemi paragjykime ndaj grave në të gjitha rrafshët. Kemi pasur diskutime si trajnohen grat brenda ushtrisë brenda Policisë si perceptohen edhe te mediat po kthemi edhe në aspektin e grave të vrara nga burrat e tyre”.

    “Një nga pikat që duhet punuar më shumë është të ndërtojmë një formë ku duhet mbledhur më shumë të dhëna. Unë përmendi sa është e rëndësishme për gjeneratat e reja t’i edukojmë për qasjen ndaj grave.. Duhet të punojmë më shumë ta ndryshojmë këtë qasje. Patjetër që Konventa e Stambollit luan një rol të madh për të krijuar hapësirë të madhe brenda institucioneve tona për të krijuar hapa konkret përveç Ligji kundër dhunës familjes ka edhe elemente tjera që duhet të adresohen patjetër duhet të këtë edhe zbatim të mirëfilltë”.

    Pesë raste të dhunës në familje brenda ditës në Kosovë

  • Vendos Qeveria – qytetarët mund të pajisen me letërnjoftime nga lindja

    Vendos Qeveria – qytetarët mund të pajisen me letërnjoftime nga lindja

    Qeveria e Kosovës ka miratuar Projektligjit për Letërnjoftim. Ministri i Punëve të Brendshme, Xhelal Sveçla tha se me miratimin e këtij projektligji, tash qytetarët e Kosovës mund të pajisen me letërnjoftim qysh nga lindja.

    Mirëpo kjo sipas Sveçlës nuk është obligative, raporton Ekonomia Online.

    “Ky projektligj përcakton kushtet, procedurat, organin kompetent për lëshimin, kushte për përdorimin e letërnjoftimin dhe detyrimet e shtetasit lidhur me përdorimin e tij. Si risi e këtij projektligji është krijimi i mundësisë që shtetasi i Kosovës, nga linjda deri në moshën 16 vjeçare do mund të pajiset me letërnjoftim por pa qenë i detyruar. Kjo do të ju mundësojë qytetarëve të kësaj moshe që të lëvizin jashtë Republikës së Kosovës vetëm me letërnjoftim në ato vende që ka marrëveshje Republika e Kosovës”.

    “Projektligji po ashtu rregullon shfrytëzimin e të dhënave elektronike nga letërnjoftimi, formën dhe përmbajtjen, afatin e vlefshmërisë së tij, si dhe rregullat në rast të dëmtimit, humbjes apo vjedhjes së letërnjoftimit”.

  • Kurti: Cilësia e administratës publike garanton anëtarësimin në Bashkimin Evropian

    Kurti: Cilësia e administratës publike garanton anëtarësimin në Bashkimin Evropian

    Kryeministri i Kosovës, Albin Kurti ka deklaruar se shpejtësia e integrimit evropian të një vendi që aspiron anëtarësimin në Bashkimin Evropian varet nga cilësia e Administratës Publike. Për këtë Kurti shtoi se Reforma e Administratës Publike është prioriteti i qeverisë.

    Kurti, në konferencën “KosovaPar2023, të organizuar nga Ministria e Punëve të Brendshme, potencoi se Reforma e Administratës Publike reflekton synimin e një qeverisje të mirë, derisa shtoi se edhe administrata sikurse shteti duhet të jetë e hapur për të gjithë ata që bëhen shërbyes për qytetarët.

    Ai tha se qeveria ka bërë dhe po bënë punë të madhe sa i përket ligjit për zyrtarët publikë dhe pagat në sektorin publikë, derisa shtoi se po punojnë edhe për barazi gjinore.

    Ndërsa, Ministri i Punëve të Brendshme, Xhelal Svecla potencoi se synimi për një administratë dhe efikase nuk ishte vetëm një premtim.

    Sveçla, derisa theksoi rëndësinë e Reformës së Administratës Publike, tha se po punojnë për të përmirësuar situatën me barazi gjinore, përfshirë të gjitha komunitet tjera.

    Ai shtoi se Administrata Publike ka një mision shtesë shumë të rëndësishëm, qe sipas tij është mbështetja e proceseve për anëtarësimin në Bashkimin Evropian.

    Ndërkaq, ambasadori i Gjermanisë, Jorn Rohde tha se “tani më shumë se kurrë kemi nevojë për një Administratë Publike të aftë dhe të mirëpaguar”. Ai shtoi se zhvillimi i bashkëpunimit gjerman me atë në Kosovë, do të ndihmojë edhe në zhvillimin e inovacioneve.

    Në konferencën KosovaPar2023, po marrin pjesë pjesëmarrës nga 20 shtete të botës.

    Kjo konferencë do të vazhdoje për dy ditë, ku do të diskutohet për reformat në Administratën Publike për një qeverisje të mirë, të qëndrueshme dhe fleksibile.

  • Vazhdon procesi gjyqësor ndaj Pjetër Shalës

    Vazhdon procesi gjyqësor ndaj Pjetër Shalës

    Në Dhomat e Specializuara në Hagë vazhdon, sot nga ora 09.30, procesi gjyqësor ndaj ish-pjesëtarit të UÇK-së, Pjetër Shala.
    Në Dhomat e Specializuara të Kosovës në Hagë, dje, ka vazhduar dëshminë e tij dëshmuari i pestë i mbrojtjes, Zijadin Hoxha, në çështjen gjyqësore ndaj Pjetër Shalës.
    Ai është pyetur në lidhje me qëndrimin në Uzinën e Metalit në Kukës, për çka ka pranuar se ka dhënë deklaratë të gabuar kur ka thënë se në maj të 99-s kishte mbërritur në Kukës. Hoxha ka pranuar se gjatë asaj kohe është marrë me riparimin e armëve.

    Nga mbrojtja e Pjetër Shalës, Hoxha u pyet në lidhje me pamjet që kishte xhiruar gjatë periudhës së luftës në Uzinën e Kukësit.

    Në çështjen gjyqësore Shala, për këtë javë pritet të mbahen pesë seanca, raporton RTKlive.

    Ai ndodhet në qendrën e paraburgimit në Hagë prej marsit të vitit 2021.

    Pjetër Shala u arrestua më 16 mars 2021 nga autoritetet belge dhe u transferua në Hagë më 15 prill të atij viti, n bazë të një kërkese për bashkëpunim në zbatimin e fletarrestit dhe urdhrit për transferim lëshuar nga Dhomat e Specializuara të Kosovës.

  • Mblidhet qeveria, këto janë pikat që pritet të miratohen

    Mblidhet qeveria, këto janë pikat që pritet të miratohen

    Qeveria e Kosovës do ta mbajë mbledhjen e radhës sot nga ora 10:00.

    Kjo është bërë e ditur përmes një njoftimi për media.

    Ky është rendi i ditës:

  • Qeveria kundërshton heqjen e vizave për shtetasit e Kosovës me pasaporta të Serbisë

    Qeveria kundërshton heqjen e vizave për shtetasit e Kosovës me pasaporta të Serbisë

    Qeveria e Kosovës ka shprehur shqetësimin e saj në lidhje me propozimin e Komisionit Evropian për pasaportat e lëshuara nga e ashtuquajtura Drejtoria Koordinuese serbe.

    Në një postim në Facebook, zëvendëskryeministri Besnik Bislimi ka thënë se ky propozim, nuk është diskutuar me Qeverinë e Republikës së Kosovës, e as konsultuar apo informuar mbi këtë.

    “Pasaportat ilegale të lëshuara nga Qendra Koordinuese e Serbisë, i konsideron komunat brenda Kosovës si pjesë të juridiksionit të Serbisë, shkelje kjo e sovranitetit tonë dhe e papranueshme. Njohja e këtyre dokumenteve, minon integrimin e komunitetit serb, duke dëmtuar përpjekjet tona në të cilat jemi angazhuar bashkërisht prej vitesh”, ka thënë ai.

    Gjithashtu, propozimi shkel edhe frymën dhe marrëveshjet e dialogut për shuarjen e këtyre strukturave ilegale.

    Qeveria e Kosovës fton BE-në që këto dokumente t’i trajtojë si të paligjshme ashtu siç trajton pjesën tjetër të dokumentacionit paralel.

    “Komuniteti serb në Kosovë, nuk ka mbetur pa liberalizim të vizave, pasi ata mund të pajisen me pasaporta të rregullta të lëshuara nga Kosova të cilat mundësojnë udhëtimin pa viza”, ka thënë Bislimi.

    Ai ka bërë të ditur se Qeveria e Kosovës tashmë ka vënë në praktikë një procedurë të përshpejtuar për pajisjen e të gjithë serbëve të Kosovës me pasaporta.

    “Së fundmi, është parë dhe një interes i lartë e rritje të numrave të qytetarëve që janë pajisur me pasaporta të Kosovës. Në krahasim me vitin e kaluar, kemi një rritje prej 29%”, ka thënë Bislimi.

    Qeveria e Kosovës mbetet e përkushtuar që të sigurohen që të gjitha komunitetet në Kosovë të mund të gëzojnë udhëtimin pa viza me pasaportat e Kosovës.

    “Këtë kundërshtim në lidhje me propozimin e kemi adresuar drejt instancave më të larta të BE-së. I bëjmë thirrje BE-së që të rishqyrtojë këtë propozim, i cili përmban shkelje të shumëfishta”, përfundon Bislimi.

  • Masterplani dhe studimi në sirtar, Qeveria pa vendim për gazifikim

    Masterplani dhe studimi në sirtar, Qeveria pa vendim për gazifikim

    Përgatiti: Fatlum Jashari

    Ka muaj që Qeveria ka në tavolinë Studimin e Fizibilitetit për Gazsjellësin Maqedoni e Veriut – Kosovë, si dhe Master-Planin e Gazit, dokumente të cilat për më se dy vjet i kërkonte për vendimmarrje eventuale për investime për gazifikim.

    Mungesa e dokumenteve pati shërbyer si arsye për refuzimin e mundësisë për shtrirjen e infrastrukturës së gazit, përmes një donacioni amerikan në vlerë 200 milionë dollarë, dhe riorientimin e mjeteve për blerjen e baterive.

    Plani Fizibilitetit sqaron disa opsione për gazsjellësin Maqedoni i Veriut – Kosovë, duke rekomanduar në fund përdorimin e materialit 100% të përshtatshëm për tranzicion të mëvonshëm nga gazi në hidrogjen, sipas objektivave të BE-së.

    Gazsjellësi i supozuar Shkup – Prishtinë parashihet të ketë gjatësi rreth 97 km, prej tyre 75 km në pjesën e Kosovës dhe afër 22 km në pjesën e Maqedonisë së Veriut.

    Nga kostoja e përgjithshme e investimeve prej 98 milionë eurosh, pjesa e Kosovës vlerësohet të kushtojë rreth 72 milionë euro, ndërsa ajo e Maqedonisë së Veriut rreth 26 milionë euro.

    Ndërtimi i gazsjellësit në pjesën e Kosovës, sipas studimit mund të bëhet për 49 muaj, ndërkaq në pjesën e shtetit fqinj për 38 muaj.

    Si burime alternative të furnizimit me gaz përmenden Kroacia, Shqipëria dhe Greqia.

    Ndërsa, Master Plani i Gazit detajon katër skenar të gazifikimit të Kosovë: (1) në shkallë të gjerë, (2) në shkallë të vogël, (3) industrial dhe (4) vetëm industrial.

    Në rastin e parë kostoja e përgjithshme e investimit do të ishte 543 milionë euro, në të dytin 200 milionë, në të tretin 73 deri në 88 milionë dhe në skenarin e fundit, 64 deri në 78 milionë euro.

    Tre skenarët e parë parashohin kapacitete gjeneruese prej 380 MW/h, me bazë gazin.

    Varësisht skenarit, për ngrohje parashihet mundësia e shtrirjes së rrjetit në komunat me mbi 20 mijë banorë, ndërsa energji elektrike përmendet skenari për zhvillimin e dy njësive gjeneruese, me cak funksionalizimi në vitin 2028.

    Raporti për Kosovën i Komisionit Evropian, i publikuar javë më parë, theksoi faktin se përkundër se i ka në dispozicion dy dokumentet, nuk ka vendimmarrje lidhur me investime në sektorin e gazit.

  • Osmani: Disa çështje krijojnë dykuptimësi në draft statut, të largohen

    Osmani: Disa çështje krijojnë dykuptimësi në draft statut, të largohen

    Përgatiti: Kastriot Tahiri

    Para se draft-statuti i Asociacionit të komunave me shumicë serbe, të dërgohet për interpretim në Gjykatën Kushtetuese, presidentja Vjosa Osmani ka kërkuar që disa çështje që krijojnë dykuptimësi të eliminohen.

    Osmani ka thënë se tashmë ka përgatitur komentet me shkrim dhe se i ka dërguar te të gjithë akterët e involvuar në përgatitjen e këtij drafti.

    “Unë kam punuar në analizë të këtij dokumenti. Komentet me shkrim të cilat i kam përgatitur, i kanë të gjithë akterët relevantë të cilët kanë qenë të involvuar në përgatitjen e këtij drafti, përfshirë Bashkimi Evropian dhe Shtetet e Bashkuara të Amerikës. Ka çështje të cilat patjetër duhet të sqarohen, sepse krijojnë dykuptimësi, e rrjedhimisht do të mund të shkaktonin probleme në praktikë. Me shpresën që ato mund të eliminohen edhe në këtë fazë, pra para se të shkojë drafti në Gjykatë Kushtetuese”, tha Osmani.

    Ndërsa të paarsyeshme e ka quajtur kërkesën e ndërkombëtarëve që draft-statuti të mos ndahet me liderët e opozitës.

    “Meqenëse është kërkesë e vetë emisarëve ndërkombëtarë që të mos i bëjmë publike komentet, pa e bërë ata vetë publik draftin që e kanë prezantuar, do ta respektoj këtë kërkesë. Edhe pse mendoj që nga fillimi ka qenë e padrejtë dhe tërësisht e paarsyeshme që ky draft të mos ndahet edhe me liderët e opozitës. Ata përfaqësojnë si parti politike qytetarë të Republikës së Kosovës, kështu që si presidente kam insistuar nga dita e parë që ky draft të ndahet edhe me ta dhe shpresoj shumë që së shpejti ata që janë autorë të këtij dokumenti do ta japin edhe miratimin për një gjë të tillë”, tha Osmani.

    Sipas presidentes, shumë prej parimeve që Gjykata Kushtetuese i ka shpallur antikushtetuese në vitin 2015, nuk janë të pranishme në draft-statutin euro-amerikan.