Tag: Ballina

KQZ shqyrtoi dhe miratoi ndaras rekomandimet e Zyrës për Regjistrimin, Certifikimin dhe Kontrollin Financiar të Partive Politike (ZRCKFPP) për pezullimin e dy partive politike, Lëvizjes për Bashkëveprim dhe Partisë Socialdemokrate, të cilat nuk kanë mbajtur kuvendet e tyre zgjedhore sipas afatit ligjor.

Afati i fundit për mbajtjen e kuvendit/konventës zgjedhore për partinë politike Lëvizja për Bashkëveprim ka qenë data 8 dhjetor 2023, ndërsa për partinë politike Partia Socialdemokrate ky afat ka qenë më 15 dhjetor 2023.

Sipas vendimit të KQZ-së, këto dy parti politike obligohen që të mbajnë kuvendin e tyre zgjedhore në një afat shtesë prej 45 ditësh dhe nëse kjo nuk arrihet, atëherë sipas Rregullores për regjistrimin dhe funksionimin e partive politike, KQZ merr vendim për çregjistrim nga regjistri i partive politike në Kosovë, raporton ATV.

Sipas Ligjit Nr. 08/L-288 për Zgjedhjet e Përgjithshme në Republikën e Kosovës, të gjitha partitë politike të regjistruara janë të obliguara që të mbajnë kuvendin zgjedhore brenda 6 muajve nga data e regjistrimit të partivë dhe pastaj së paku çdo 48 muaj. /atvlive.tv

Ish-kryeministri Sali Berisha u shpreh se masat që po merren ndaj tij nga drejtësia janë pa asnjë akuzë. “Kur kreu i opozitës pa asnjë akuzë burgoset dhe i ndalohen takimet dhe komunikimet, kjo është diktaturë”, tha ai në protestë.

Sipas tij, u shkel Kushtetuta duke u kërkuar heqja e lirisë për Sali Berishën pa kaluar në Kuvend.

“U shkelën ligjet dhe rregullorja e Kuvendit në mënyrën se si u votua heqja e imunitetit të tij. Nuk po përmend as standardin e dyfishtë dhe antiligjor të Gjykatës Kushtetuese. Le t’i lëmë mënjanë këto, por më thoni ju mua, pse duhet kyçur në shtëpi pa asnjë dokument, fakt apo provë Sali Berisha? Vetëm e vetëm pse i ka kallur tmerrin, datën, monstrës së pluralizmit, bastardit të xhelatëve të diktaturës komuniste, Edi Ramës. Pse u dashkan ndaluar komunikimet publike të Sali Berishës?

Kur gjykatat përdoren si armë kundër opozitës, kjo është diktaturë, shtoi ish-kryeministri.

“Kur partisë më të madhe i konfiskohet haptas logoja dhe vula, kjo është diktaturë. Kur logoja e partisë më të madhe opozitare kërkohet t’i jepet një personi që dihet botërisht se është peng i Edi Ramës, kjo është diktaturë. Kur kreu i opozitës pa asnjë akuzë burgoset dhe i ndalohen takimet dhe komunikimet, kjo është diktaturë. Shqiptarë zgjohuni se po ndodh ajo që ka ndodhur në Rusinë e Putinit, me Bjellorusinë e Lukashenkos, me Venezuelën e Maduros dhue juntën ushtarake të Mianmarit. Për të gjitha këto, kjo nuk është betejë e Sali Berishës, ndonëse unë po burgosem në mënyrën më të padrejtë”.

Berisha i qëndron bindjes se do ta fitojë këtë betejë:

“Kjo është betejë për lirinë e shqiptarëve, për dinjitetin e tyre apo nënshtrimin e tyre.
A do e fitojmë ne këtë betejë? Absolutisht po”.

Kryeministri i Republikës së Kosovës, Albin Kurti, do të mbledh sot kabinetin e tij qeveritar.

Mbledhja e Qeverisë pritet të mbahet në orën 12:00, teksa në rend dite janë gjithsej 39 pika për diskutim.

Pas mbledhjes, Kurti bashkë me zëvendësen e tij dhe ministren e Punëve të Jashtme dhe Diasporës, Donika Gërvalla Schwarz, do të mbajnë konferencë për media.

Ministri i Kulturës, Rinisë dhe Sportit, Hajrulla Çeku, në emisionin CONTEXT në ATV, tha se lokacioni për stadiumin nacional të Kosovës duhet të përcaktohet më së largu deri në qershorin e vitit të ardhshëm.

“Lokacioni i stadiumit nacional duhet të përcaktohet më së largu në verën e vitit të ardhshëm, sepse kemi nevojë me i nisë punimet për realizimin e atij stadium. Tash e kemi si obligim në kuadër të kontratës me Komitetin Ndërkombëtare të Lojërave Mesdhetare. Kur e kemi bërë aplikimin, pra kandidimin për 2023-tën, ne i kemi marrë disa obligime dhe disa zotime. Një nga këto është që Kosova deri atëherë duhet ta ketë stadiumin e vet nacional”, tha Çeku.

Ai tha se për të vendosur për lokacionin se ku do të ndërtohet stadiumi nacional, së pari duhet hartuar një ligj i veçantë, i cili duhet të votohet në Kuvend.

“Fillimisht është duke u hartuar ligji i veçantë për lojërat mesdhetare ë duhet të votohet në Kuvendin e Kosovës, menjëherë pas asaj themelohet struktura organizative ose komiteti organizativ për lojërat mesdhetare dhe kjo pasohet me master planin, i cili është dokument që i jep përgjigje pyetjeve të mëdha, përfshi edhe pyetjes se ku duhet të ndërtohet stadium. Duhet të përfundojë deri në qershor”, tha Çeku. /atvlive.tv

Përgatiti: Kastriot Tahiri

Edona Deliu, të martën erdhi në zyrat e Kompanisë Kosovare për Furnizim me Energji Elektrike në Prishtinë për t’u ankuar për vlerën e lartë të faturës së energjisë elektrike për muajin dhjetor.
Ajo thotë se këtë muaj i është dyfishuar fatura e energjisë, pavarësisht se shpenzoi njësoj sikurse muajt paraprakë.

“Më shumë m’ka ardhë rryma se që e marr rrogën, në tetor 102 euro, në nëntor 92 e për këtë muaj 269. Është e papërballueshme. Erdha me bo një ankesë, se nuk është normale”, thotë, Edona Deliu, qyetare.

Me problem të njëjtë u përballën edhe qytetarë të tjerë, të cilët në Kosovë erdhën për festat e fundvitit.

“Na nuk jetojmë ktu, jetojmë në Zvicër, gjithë rryma na ka ardhë 20 euro e tash për tri javë 240. Burri është mrena tu e bo ankesën”, tha Nazmije Pacolli, qytetare.

Megjithatë, Kompania Kosovare për Furnizim me Energji Elektrike ka mohuar se ka pasur rritje të tarifave fundore të energjisë elektrike. Nëpërmjet një komunikate sqaruese, KESCO-ja ka përmendur arsyet e ngritjes së vlerës së faturave të energjisë elektrike.

“Rritja e vlerës së faturave në këtë muaj dimri, është rezultat i rritjes së konsumit të energjisë elektrike, veçanërisht te konsumatorët që e përdorin energjinë elektrikë për ngrohje. Konsumimi i energjisë elektrike në vlerë më shumë se 800 kWh në muaj, faturohet me tarifë më të lartë, ashtu siç paraqiten në çdo faturë të konsumatorëve. Efekti tjetër i rritjes së vlerës së faturës është që vitin e kaluar në të njëjtën periudhë, Qeveria e Kosovës ka subvencionuar konsumatorët që kanë kursyer energji elektrike”, thuhet në reagimin e KESCO-s.

Në anën tjetër, Zyra e Rregullatorit për Energji u ka bërë thirrje konsumatorëve që të kontaktojnë KESCO-n, në qoftë se kanë shqetësim lidhur me faturat e tyre. ZRRE-ja në një përgjigje me shkrim për ATV-në ka thënë që momentalisht nuk kanë pranuar ankesa të konsumatorëve për faturimin e këtij muaji.

Lidhur me këtë situatë ka reaguar edhe Këshilli për Mbrojtjen e të Drejtave dhe Lirive të Njeriut.

Ky institucion ka kërkuar hetim urgjent nga Prokuroria si dhe trajtim të kësaj çështjeje, në një seancë të jashtëzakonshme të Kuvendit të Kosovës.

Përgatiti: Kastriot Tahiri

Ligji për zgjedhje ka gjasa të përfundojë për shqyrtim në Gjykatën Kushtetuese. Sipas avokatit të Popullit, Naim Qelaj, vlerësimi i kushtetutshmërisë është i domosdoshëm, meqë në të nuk është përfshirë Ligji për barazinë gjinore në raport me listat zgjedhore të subjekteve politike.

Ju e dini se Ligji për zgjedhje ka kaluar në seancë pa ndonjë, si të themi, diskutim publik që kishte me i shtjerrë të gjitha diskutimet në lidhje me temat që mund të jenë konsensuse. Në anën tjetër, ka pasur një konsensus politik, sepse është marrë numri i mjaftueshëm i votave për me kalu si ligj. Ligji ka kaluar pa i përfshirë një prej aspekteve të rëndësishme që e përcakton Kushtetuta, e ai është Ligji për barazi gjinore”, tha Qelaj.

Ligji për zgjedhjet e përgjithshme në Kosovë ishte miratuar më 8 qershor në të dy leximet brenda ditës dhe ishte përkrahur edhe nga opozita.

Ky ligj do të jetë një më shumë, të cilin Avokati i Popullit e dorëzon në Kushtetuese derisa gjatë 2023-s ky institucion ka dërguar pesë raste në këtë gjykatë.

Këto të dhëna Avokati i Popullit i paraqiti në konferencën e fundvitit për media, ku shtoi se gjatë vitit ka pranuar mbi 1500 ankesa nga qytetarët dhe institucionet e ndryshme.

“Prej 230 rekomandimeve vetëm 40 janë zbatuar, shtatë rekomandime janë pjesërisht të zbatuara dhe numri tjetër 183 janë në pritje për zbatim. Normalisht qysh në janar, ne kemi me intensifikua angazhimin tonë me pa se cilët kanë qenë faktorët që kanë ndikuar më pas rënie të zbatimit të rekomandimeve”, tha Qelaj.

Qelaj foli edhe për trajtimin e ish-pjesëtarëve të UÇK-së në Hagë, duke shtuar se nuk ka komunikim të duhur me Avokatin e Popullit të Gjykatës Speciale.

Përgatiti: Fatlum Jashari

Duke u thirrur në lehtësimin e lëvizjes, Serbia ka vendosur që nga 1 Janari të lejojë hyrjen dhe qarkullimin, në territorin e saj, të automjeteve me targa të Republikës së Kosovës, pa stikerë që mbulojnë simbolet.

Njoftimin për vendimin e dha zyrtari i Qeverisë së Serbisë, Petar Petkovic.

Në një interpretim më direkt, Bashkimi Evropian e vlerësoi këtë vendim si hap të rëndësishëm drejt zbatimit të marrëveshjes së Brukselit dhe shtojcës së Ohrit.

“Bashkimi Evropian mirëpret vendimin e Serbisë që zyrtarisht njeh targat e lëshuara nga Kosova – RKS… Ky vendim shtron rrugën drejt heqjes së regjimit të stikerëve. Tani BE-ja pret që Kosova të përgjigjet njësoj”, tha zëdhënësi i BE-së për Politikë të Jashtme, Peter Stano.

Këtë veprim të Serbisë, opinionisti Bekim Kabashi e ndërlidh me presionin ndërkombëtar, konkretisht propozimin për kushtëzimin e rrugës integruese të Serbisë në BE, me përfshirjen e marrëveshjes dhe shtojcës në Kapitullin 35.

“Palët po taktizojnë në këtë proces, duke mos dashur me zbatua thelbin e saj, po zbatojnë copëza, ta quaj kushtimisht kështu, për t’iu shpëtuar sanksioneve apo presionit ndërkombëtar, ose më saktë fajësimit se kush po e bllokon implementimin e marrëveshjes. Edhe kjo për targat, edhe pse është marrëveshje e vjetër më shumë se një dekadë, është në kuadër të kësaj tendencë për të marrë poenë pozitivë karshi BE-së”, tha Kabashi.

Referuar pajtimit paraprak nga komuniteti serb në veri për pajisje të automjeteve të tyre me targa RKS, profesori Dritëro Arifi, veprimet i sheh në kontekst të zbatimit të marrëveshjes bazë dhe shtojcës.

“Plani franko-gjerman dhe aneksi i Ohrit janë pranuar në heshtje nga të dyja palët, vetëm po duan ta gjejnë mënyrën më të butë, më të mirë sesi ta shesin në publik”, tha Arifi.

Muajt e fundit, rreth 4000 automjete në komunat me shumicë serbe, konvertuan targat ilegale serbe në RKS. Në Tetor të vitit 2021, Kosova dhe Serbia nisën zbatimin e regjimit të ndërsjellë të vendosjes së stikerëve mbi simbolet shtetërore në targat e automjeteve, në hyrje.

Përgatiti: Nora Luta

Kushtetuesja dha dritën e gjelbër për vetingun në sistemin e drejtësisë, megjithatë për të nisur në praktikë ky proces fillimisht amendamentet duhet të miratohen në Kuvend.

Ndryshimi i Kushtetutës, përveç shumicës kërkon edhe votat e 2/3 të deputetëve që i kanë vendet e rezervuara nga komunitetet, në këtë rast ata të Listës Serbe.

Kryetari i Komisionit Ad-hoc parlamentar për zhvillimin e këtij procesi, Adnan Rrustemi, që vjen nga Lëvizja Vetëvendosje, thotë se është një proces sfidues.

Deputetët serbë nuk kishin marrë pjesë as në këtë komision.

Juristët thonë se i takon pushtetit për t’i bindur deputetët e pakicës.

Megjithatë, Rrustemi thotë se nuk ka më argumente për ta penguar këtë proces.

Sipas tij, bazuar në aktgjykimin e Kushtetueses do të nisin punën për hartimin e projektligjit për veting.

Procesi i verifikimit dhe vlerësimit të prokurorëve e gjyqtarëve është konsideruar ndër prioritetet e ekzekutivit për reformën në drejtësi.

Por, Ministria e Drejtësisë pas opinionit të Komisionit të Venecias hoqi dorë nga vetingu i plotë, duke e reduktuar në një veting të pjesshëm që do të përfshijë vetëm udhëheqësit e prokurorive, gjykatave dhe anëtarëve e kryesuesve të Këshillave përkatës.