Tag: Ballina

Përgatiti: Armand Hoti

Lëvizjet janë të pakta. Të vetmit që shihen janë rojet e vendosur te porta.

Ish-fabrika “Damper” në Shirokë të Suharekës, që është njësi e ish-ndërmarrjes shoqërore “Ballkani”, u ndërtua gjatë viteve të ‘80-ta.

“Ka pas me u prodhu goma prej gomave të vogla të automjeteve deri te këto të tonazhit të madh, kanë pasur të prodhohen”, tha Gëzim Mazreku, ish-punëtor i Ballkanit.

Mirëpo, sipas Mazrekut, i cili ishte punëtor i ish-ndërmarrjes Ballkani, “Damperi” nuk u funksionalizua kurrë në plotësisht.

“Objekti si objekt, infrastruktura ka qenë e përfunduar dhe vetëm makineritë kanë pasur të vijnë”, tha Mazreku.

Por, 40 vjet pas mosshfrytëzimit të asaj pjese, pesë parcela me sipërfaqe prej më shumë se 30 hektarësh të Njësisë “Damper”, apo siç njihet ndryshe kampit “Casablanca”, tash synohet të përdoren për nevoja të Forcës së Sigurisë së Kosovës.

Në mbledhjen e së mërkurës të Qeverisë, u miratua vendimi preliminar për shpronësimin e pronës së paluajtshme të NSH-së “Ballkani”, respektivisht njësisë “Damper”.

“Për realizimin e këtij projekti është e nevojshme që të kryhen procedurat e shpronësimit dhe vlerësimit të pronës për të gjithë pronarët, të evidentuar në tabelat e elaboratit të shpronësimit”, tha ministri i MMIPH-së, Liburn Aliu.

Me shpronësimin e kësaj prone, do të mundësohet edhe kompensimi i ish-punëtorëve të “Ballkanit”

“Duke qenë se Damperi është aseti kryesor i Fabrikës së Ballkanit dhe punëtorët e Ballkanit me vite të tëra presin kthimin e borxhit ndaj tyre nga institucionet shtetërore, me anë të këtij vendimi do të mundësohet edhe kompensimi i të drejtave të tyre”, tha Aliu.

Këtë vendim e kanë mirëpritur ish-punëtorët.

Sipas të dhënave të Agjencisë Kosovare të Privatizimit, në total janë katër asete të mbetura në emër të NSH-së “Ballkani”.

Përgatiti: Benita Zeneli

Ka rreth 8 muaj që Kosovës iu vendosën masa nga Bashkimi Evropian për shkak të eskalimit të situatës së sigurisë në veri.

Por, për largimin e tyre sipas zëvendëskryeministrit Besnik Bislimi janë përmbushur obligimet.

“Me gjasë ka pakënaqësi në mes të vendeve anëtare se cili është mekanizmi për largimin e masave, por ka presion dhe frustrim edhe brenda vendeve anëtare se si ka mundësi që Kosova është nën masa vetëm pse ka dërguar katër kryetar të komunave në zyre që i kanë fituar përmes zgjedhjeve të lira, ndërsa Serbia nuk ka masa pavarësisht agresionit terrorist që ka bërë në Banjskë”, tha Bislimi.

Megjithatë që BE-ja t’i vendos masa Serbisë, pret një raport final nga institucionet hetimore kosovare, ndonëse një raport 48 faqesh të përpiluar nga ekzekutivi i është dërguar Bashkimit Evropian.

“Por raportin për me e publiku duhet me bë prokurori. Prokurori nuk është Qeveri. Ne po bëjmë presion publik që të publikohet raporti. Bëni edhe ju e ndihmona që Prokuroria ta bëjë raportin, ta nxjerrë fletarrestim për Radojçiqin dhe të gjendjen kriminelët e tjerë. Ndihmona në këtë drejtim, që Radojçiqi të mos sillet i lirë rreth veriut”, tha Bislimi.

Ai shtoi se më 30 janar në Prishtinë do të vijë dikush nga Brukseli e që temë diskutimi do të jenë edhe masat.

Megjithatë raportimi i Bislimit në Komisionin për Integrime Evropian nuk kaloi pa përplasje.

Në rend dite në komisionin ishte edhe shqyrtimi i disa projektligjeve të cilat u prezantuan nga zëvendëskryeministri por për të cilat nuk pati vendimmarrje.

Përgatiti: Driton Sadiku

Erden Atiq mund të mos jetë edhe gjatë kryetar i Mitrovicës së Veriut, nëse nisma për shkarkimin e kryetarëve shqiptarë në komunat veriore funksionon. Megjithatë ai pas vete do të lë asamblenë me shumicë shqiptare.

E në rast se vendin e tij e zë dikush nga komuniteti serb, sipas njohësve të politikes, qeverisja zor se do të mund të funksionojë.

“Kryetarët e zgjedhur të cilët sipas të gjitha gjasave do të jenë të listës serbe duhet me gjete një gjuhë të përbashkët me partitë shqiptare të cilat e përbejnë shumicën e asamblesë komunale. Zgjidhja ideale kishte me qenë që asamblistët shqiptar të tregohen konstruktiv dhe të votojnë vendimet që shkojnë në të mirë të qytetarit çdo herë duke respektuar republikën e Kosovës”, tha analisti politik, Fitim Mulolli.

Situatë e ngjashme është edhe në Zubin Potok. Andaj edhe vet kryetari aktual i kësaj komune Izmir Zeqiri, thotë se shkarkimi i tij nuk është zgjidhje për komunën.

“Nuk bëhet zgjidhja në komunat e veriut me shkarkimin e kryetarëve sepse ne kemi edhe kuvendet që udhëhiqen kryesisht prej pakicave kështu që kur duan të shfaqin pakënaqësi do munden”, tha Zeqiri.

Kësisoj mundësia që në këto dy komuna respektivisht Mitrovicë të Veriut dhe Zubin Potok, të ketë edhe zgjedhje tjera është e madhe.

“Do të ketë disa muaj deri kur do të duhej të miratohej buxheti për vitin 2025 dha ty mund të ndodh që të mos votohet buxheti, dhe mund të ketë ndonjë ngërç dhe të thirren zgjedhjet për asamble”, tha Mulolli.

Për dallim nga Mitrovica e Veriut e Zubin Potoku, në Zveçan e Leposaviq pos për kryetarë, zgjedhje do të ketë edhe për asamble komunale.

Inspektorati Policor i Kosovës ka dalë me një komunikatë për media duke njoftuar për hetimin preliminar që kanë filluar për rastin e vrasjes së 18 vjeçarit nga Podujeva L.F, hetim ky I filluar sidomos pas shqetësimeve të ngritura në opinion pas mënyrës së si ishte raportuar ky incident në raportin 24 orësh të Policisë së Kosovës.

Kryeshefi i IKP, siç njoftohet në komunikatë, ka caktuar një grup hetimor të cilët për pesë ditë janë angazhuar për grumbullim të informacioneve shtesë rreth veprimeve të policisë si dhe sigurimin e të gjitha shkresave për këtë rast.

“Angazhimet e tyre kanë përfshirë edhe marrjen në pyetje të dëshmitarëve, sigurimin dhe analizimin e video-incizimeve të marra nga vendi i ngjarjes në Podujevë, radiologun si dhe të gjitha shkresat e komunikimit në mes Stacionit Policor të Podujevës, Drejtorisë Rajonale në Prishtinë dhe Drejtorisë së Përgjithshme dhe kopjen e dosjes së kompletuar të dorëzuar në Prokurori”, thuhet në komunikatë.

IPK për të sqaruar rastin dhe për t’iu përgjigjur shqetësimeve të opinionit ka treguar për të gjeturat e rastit. Inspektorati tregon se ka ndodhur një parregullsi për raportet që janë dërguar nga Stacioni Policor Podujevë në Qendrën Operative Komunikuese Rajonale në Prishtinë dhe në raportin e shpejt që kjo Qëndër ka përcjellë në Drejtorin e Përgjithshme të Policisë. IPK konstaton se këto raport s’kanë qenë të njëjta.

IPK tregon se ka gjetur se dosja hetimore e rastit 2024-AF-0039 përmban raportin e shpejt të përpiluar nga Stacioni në Podujeve, raport që ka përshkrim të ngjarjes sipas fakteve dhe provave të gjetura në vendin e ngjarjes.

Ndërkohë që thotë se Raporti i parë i publikuar nga Qendra Operative Koordinuese dhe Komunikuese së Drejtorisë së Përgjithshme përmban informacionin se viktima është therë me thikë është ndryshuaar nga zyrtari i Qendrës Operative Komunikues. IPK thotë se ky ndryshim është bërë bazuar në komunikimin që zyrtari i kësaj qendre ka pasur me Stacionin në Podujevë të cilët këto informacione, siç thotë IPK i kanë dhënë bazuar në informatat e para nga zyrtarët policorë që kanë dalë në vendin e ngjarjes ku është gjetur thika në afërsi të personit të lënduar.

“IPK ka krahasuar dhe analizuar raportet e shpejta që janë dërguar nga Stacioni Policor Podujevë në Qendrën Operative Komunikuese Rajonale në Prishtinë dhe raportin e shpejtë të cilin kjo Qendër e ka përcjellë në Drejtorinë e Përgjithshme të Policisë. Nga analiza dhe krahasimi rezulton se këto raporte nuk kanë përmbajtje të njëjtë. IPK ka gjetur se dosja hetimore e rastit 2024-AF-0039 përmban raportin e shpejt të përpiluar nga Stacioni Policor Podujevë, raport i cili ka përshkrimin e ngjarjes sipas fakteve dhe provave të gjetura në vendin e ngjarjes”, thuhet në njoftim.

IPK thotë se edhe përkundër këtij ndryshimi të raportit që ka krijuar konfuzion në publik, pas analizimit të gjitha provave dhe dokumentacioneve, IPK vlerëson se ky lëshim s’ka ndikuar në integritetin e hetimit dhe kualifikimit fillesat, meqë dosja hetimore e dorëzuar në Prokurori brenda ditës së incidentit para se të dërgohet raporti I shpejtë në Drejtorinë e Përgjithshme dhe se e njëjta përmban të gjitha informacionet e sakta sipas video-incizimeve të vendit të ngjarjes, disa ditë para publikimit të videos në media.

Megjithatë IPK njofton se duke vlerësuar ndjeshmërinë e rastit dhe paqartësitë që ka krijuar ky lëshim në publikimin e raportit 24 orësh, IPK ka iniciuar procedurë disiplinore ndaj zyrtarit përgjegjës dhe do të procedohet në Drejtorinë përgjegjëse për hetime disiplinore brenda Policisë së Kosovës.

Gjetjet e rastit të publikuara nga IPK:

IPK njofton se nga shqyrtimi i dosjes së rastit, video incizimet e kamerave të sigurisë si dhe shkresat tjera të lëndës nga Stacioni Policor Podujevë, pasqyrohet se koha e reagimit të njësive policore dhe emergjencës së qytetit nga momenti i thirrjes deri në vendin e ngjarjes ka qenë i shpejtë (rreth 3 deri 4 minuta, nga pranimi i informatës deri në arritjen në vend të ngjarjes të njësisë policore, si dhe rreth 9 minuta i arritjes së ekipit të emergjencës mjekësore të qytetit).

· Veprimet hetimore në teren, ruajtja e vendit të ngjarjes, trajtimi i viktimës, sigurimi i video incizimeve dhe njoftimi i njësive relevante dhe prokurorisë, është bërë në kohë dhe sipas Kodit të Procedurës Penale dhe procedurave parapara policore.

· Arrestimi, intervistimi dërgimi në qendrën e mbajtjes, sigurimi i zyrtarit Qendrës për punë sociale, janë administruar sipas procedurës të paraparë me Kodin e Procedurës Penale dhe procedurat policore.

· Përpilimi i dosjes së rastit nga zyrtarët e Stacionit Policor të Podujevës është i kompletuar dhe pa mangësi.

· Nga analizimi dhe shqyrtimi i shkresave të lëndës që lidhen me aktivitetin hetimor të Sektorit Rajonal të Hetimeve (video incizimeve, raporteve për veprimet hetimore, raporteve forenzike, komunikimi me prokurorinë dhe shkresave tjera), IPK ka vlerësuar se të gjitha veprimet e lartcekura janë ndërmarrë sipas afateve procedurale dhe përmbajnë të gjitha elementet e kërkuara sipas Kodit të Procedurës Penale.

· IPK ka verifikuar nëse në incidentin fillestar i cili ka ndodhur më 13.01.2024 tek lokali (berber) në mes të viktimës L. F dhe njërit nga të dyshuarit ka pasur prezent ndonjë zyrtar policor. Nga shqyrtimi i deklaratave të dëshmitarëve dhe dokumenteve, kuptohet se në ngjarjen e cila ka ndodhur në lokal në kohën kur ka ndodhur ngjarja nuk ka qenë prezent ndonjë zyrtar policor, por veç personave tjerë ka qenë një zyrtar i Shërbimit Korrektues, i cili është identifikuar nga dëshmitarët e intervistuar me autorizim të Prokurorit nga Njësia e Hetimeve Rajonale të policisë.

· IPK ka krahasuar dhe analizuar raportet e shpejta që janë dërguar nga Stacioni Policor Podujevë në Qendrën Operative Komunikuese Rajonale në Prishtinë dhe raportin e shpejtë të cilin kjo Qendër e ka përcjellë në Drejtorinë e Përgjithshme të Policisë. Nga analiza dhe krahasimi rezulton se këto raporte nuk kanë përmbajtje të njëjtë. IPK ka gjetur se dosja hetimore e rastit 2024-AF-0039 përmban raportin e shpejt të përpiluar nga Stacioni Policor Podujevë, raport i cili ka përshkrimin e ngjarjes sipas fakteve dhe provave të gjetura në vendin e ngjarjes.

· Raporti i parë i publikuar nga Qendra Operative Koordinuese dhe Komunikues se DPP, (raporti i cili përmban informacionin se viktima është i therur me thikë), është ndryshuar nga zyrtari i Qendrës Operative Komunikuese Rajonale Prishtinë. Ky ndryshim është bërë bazuar në komunikimin që zyrtari i kësaj Qendre ka pasur me Stacionin Policor në Podujevë, të cilët këto informacione i kanë dhënë bazuar në informatat e para nga zyrtarët policorë që kanë dalë në vendin e ngjarjes ku është gjetur thika në afërsi të personit të lënduar.

· I njëjti raport është dorëzuar në ditën e njëjtë në Prokurori së bashku me Kallëzimin penal, ndërsa raporti i ndryshuar nga zyrtari i Qendrës Operative Komunikuese Rajonale Prishtinë është përcjellë vetëm në Drejtorinë e Përgjithshme të Policisë në Prishtinë (dhe i njëjti raport është publikuar në raportin 24 orësh nga PK-ja më 15.01.2024).

· Përkundër ndryshimit të këtij raporti i cili ka krijuar konfuzion në publik, pas analizimit të të gjithë dokumentacionit dhe intervistave të zhvilluara, IPK vlerëson se ky lëshim nuk ka ndikuar në integritetin e hetimit dhe kualifikimin fillestar të rastit, pasi që dosja hetimore është dorëzuar në prokurori brenda ditës së incidentit para se të dërgohet raporti i shpejtë në Drejtorinë e Përgjithshme dhe e njëjta përmban të gjitha informacionet e sakta sipas video-incizimeve të vendit të ngjarjes (disa ditë para publikimit të video-incizimit të incidentit në medie).

· Megjithatë, duke vlerësuar ndjeshmërinë e rastit dhe paqartësitë që ka krijuar ky lëshim në publikimin e raportit 24 orësh, IPK ka iniciuar procedurë disiplinore ndaj zyrtarit përgjegjës dhe do të procedohet në Drejtorinë përgjegjëse për hetime displinore brenda Policisë së Kosovës.

· Krahas kësaj, IPK do të inicioj një inspektim për të analizuar dhe vlerësuar mënyrën e raportimit dhe komunikimit si dhe hartimin e raporteve të shpejta në të gjitha nivelet brenda Policisë së Kosovës. Realizimi i këtij inspektimi bëhet me qëllim për të nxjerrë në pah dobësitë eventuale të raportimit dhe komunikimit dhe për të dhënë rekomandime drejt përmirësimit së performances policore në këtë fushë.

Sekretari i përgjithshëm i NATO-s, Jens Stoltenberg, ka përmendur Kosovën dhe Bosnjën, si dy pika ku potenciali për tensione akoma ekziston.

Ai këto komente i bëri pasi priti në takim kryeministrin e Malit të Zi, Milojko Spajiq në Bruksel.

Ai ka thënë se NATO-ja është e gatshme të kryejë mandatin e saj në Kosovë për të garantuar stabilitet, ashtu sikurse në Bosnje e Hercegovinë.

Në fjalën e tij, Stoltenberg ka falënderuar Malin e Zi për kontributin në frenimin e agresionit rus, teksa shtoi se Mali i Zi luan rol të rëndësishëm në Ballkanin Perëndimor, rajon ky me rëndësi strategjike për NATO-n.

Ai tha se shpërthimi i dhunës në Kosovë në vitin e kaluar është i papranueshëm, ku si pasojë e tensioneve NATO kishte dërguar 1000 trupa shtesë.

“Mali i Zi është një aleat shumë i vlerësuar i NATO-s. Ju keni dislokuar trupa në grupet tona luftarake në Bullgari dhe Letoni, duke ndihmuar në frenimin e agresionit rus. Në Irak, Mali i Zi po kontribuon në ndërtimin e forcave më efektive dhe gjithëpërfshirëse të sigurisë, si pjesë e misionit të trajnimit të NATO-s.Mali i Zi gjithashtu luan një rol të rëndësishëm në Ballkanin Perëndimor, një rajon me rëndësi strategjike për NATO-n, të cilin e vizitova vjeshtën e kaluar. Pra, kryeministër, mirëpres angazhimin tuaj të fortë për reformat dhe rrugën e Malit të Zi drejt integrimit të plotë euroatlantik. Kjo është edhe më e rëndësishme pasi stabiliteti në rajonin më të gjerë mbetet i brishtë. Shpërthimet e dhunës së vitit të kaluar në Kosovë ishin të papranueshme. Dhe NATO u përgjigj me shpejtësi, duke dislokuar 1000 trupa shtesë dhe mjete të blinduara të rënda. Ne jemi të përkushtuar të sigurojmë që KFOR-i të vazhdojë të përmbushë mandatin e tij të OKB-së.”, tha kreu i NATO-s.

Ai ka paralajmëruar se javën që vjen, Këshilli i Atlantikut të Veriut, trupi më i lartë politik i aleancës, do të vizitojë Bosnje – Hercegovinën, për të dëshmuar në këtë mënyrë edhe mbështetjen e parezervë për integritetin territorial dhe sovranitetin e Bosnje e Hercegovinës.

Stoltenberg gjithashtu falënderoi kryeministrin malazez për mbështetjen e Malit të Zi ndaj Ukrainës në luftën e saj kundër Rusisë. Ai tha se duhet të ndihmohet Kievi edhe më tutje, pasi sipas tij, nëse Putin fiton në Ukrainë, ekzsiton rreziku që ai të përdorë përsëri forcën.

“Lufta e Rusisë kundër Ukrainës po bën gati 2 vjet që nga nisja. Dhe unë mirëpres mbështetjen e Malit të Zi për Ukrainën, duke përfshirë edhe paketën e ndihmës gjithëpërfshirëse të NATO-s. Por aleatët e NATO-s dhe Bashkimi Evropian duhet të rriten dhe të ofrojnë edhe më shumë fonde për Ukrainën në këtë kohë kritike. Sepse nëse presidenti Putin fiton në Ukrainë, ekziston rreziku real që ai të përdorë sërish forcën”, tha ai.

Në anën tjetër, kryeministri i Malit të Zi, Millojko Spajiq, u zotua se vendi i tij do të luaj rol konstruktiv për paqen dhe stabilitetin e rajonit. Ai shtoi se me kreun e NATO-s biseduan për tema të mbrojtjes, mbështetjen ndaj Ukrainës, duke shtuar se tani ka ardhur momenti për ta mirëpritur Suedinë si anëtare të re të aleancës.

“Si një aleat i besueshëm, Mali i Zi do të vazhdojë të luajë një rol konstruktiv dhe të kontribuojë në Përmirësimin e bashkëpunimit rajonal dhe ruajtjen e paqes dhe stabilitetit në të gjithë rajonin. Në takimin e sotëm nënvizova dhe prezantova në detaje vendimet e marra në dy muajt e fundit për avancimin e planit malazez të BE-së. Siç jemi të gjithë të vetëdijshëm, ka shumë sfida sigurie që vijnë nga fusha dhe drejtime të ndryshme strategjike. Sot, me Sekretarin e Përgjithshëm, pata mundësinë të diskutoja progresin e bërë në zbatimin e vendimeve që NATO ka marrë për t’iu përgjigjur zhvillimeve në dhe rreth zonës Euro-Atlantike. Ne patëm gjithashtu mundësinë për të shkëmbyer mendime mbi objektivat kryesore përpara Samitit të Uashingtonit. Ne rishikuam temat e mbrojtjes, mbështetjen e vazhdueshme për Ukrainën, zhvillimet në jug dhe pikat e nxehta aktuale, investimet në mbrojtje dhe forcimin e aleancës sonë. Ne të dy ramë dakord se është koha për të mirëpritur Suedinë sa më shpejt të jetë e mundur si anëtare e ardhshme e aleancës dhe jemi shumë të lumtur që dëgjojmë lajmet e mira që vijnë nga Turqia dhe Hungaria.

Kurse i pyetur nga gazetarët për situatën e sigurisë në rajon pas ngjarjeve të fundit në Kosovë dhe në Bosnje e Hercegoginë, Stoltenberg tha se dialogu Kosovë-Serbi është e vetmja rrugë përpara për të gjetur një zgjidhje të qëndrueshme mes dy vendeve.

“Paqja dhe stabiliteti në rajon kanë rëndësi për të gjithë NATO-n. Prandaj, u shqetësuam shumë kur pamë një optikë të dhunës dhe tensioneve gjatë vitit të kaluar me disa incidente shumë të rënda, veçanërisht në Kosovë. Dhe kjo çoi në vendimin e komandantëve tanë ushtarakë për të përforcuar KFOR-in, misionin paqeruajtës në Kosovë me 1000 trupa shtesë, sepse NATO duhet të jetë në gjendje të sigurojë që ne po e mbajmë mandatin tonë të OKB-së për të garantuar stabilitetin dhe lëvizjen e lirisë për të gjitha komunitetet në Kosovë. Dhe ky ishte mesazhi im kryesor edhe kur vizitova Kosovën dhe rajonin vjeshtën e kaluar, dhe ne vazhdimisht po vlerësojmë çdo nevojë për përshtatje të mëtejshme apo prani. Në Bosnje dhe Hercegovinë, mesazhi është se të gjitha palët duhet të përmbahen nga retorika nxitëse, dhe integriteti territorial dhe kufijtë e njohur ndërkombëtarë të Bosnjës dhe Hercegovinës duhet të respektohen. Ne kemi punuar ngushtë me Bashkimin Evropian, si në Bosnje dhe Hercegovinë, në fakt po punojmë së bashku në terren, por gjithashtu ne mbështesim me praninë tonë ushtarake në Kosovë dialogun e lehtësuar nga BE-ja, dhe dialogu ndërmjet Prishtinës dhe Beogradit është e vetmja rrugë përpara për të gjetur një zgjidhje të qëndrueshme”, tha ai.

Ndërkaq, Spajiq tha se situata në Kosovë është qetësuar së fundit, por që sipas tij shteti malazez është i gatshëm të ndihmojë në ruajtjen e paqes, pasi sipas tij, është në interesin e Malit të Zi të ruhet paqja në Kosovë.

“Sipas angazhimit tonë, ne jemi vërtet shumë të pranishëm në Kosovë. Ne jemi të gatshëm të forcojmë pozitën tonë në Kosovë, mendojmë se situata është qetësuar kohët e fundit, por siç e kemi diskutuar, jemi gjithmonë të gatshëm të ndihmojmë dhe është në interesin tonë të thellë kombëtar, siç thashë, të ruajmë paqen në Kosovë. E njëjta gjë vlen edhe për Bosnjën dhe Hercegovinën, angazhimet tona të palëkundura për integritetin territorial dhe paqen e Bosnjës janë me rëndësi të madhe për Malin e Zi, siç them unë, ne ndajmë kufirin e madh me Bosnjën dhe Hercegovinën. Ne kemi ofruar ndihmën tonë për sa i përket ekspertëve dhe trajnimeve për njerëzit në Bosnje, ndaj jemi patjetër të gatshëm të jemi aleat të besueshëm të NATO-s në çdo formë dhe mënyrë”, tha ai. /KP

Kryeministri i Kosovës, Albin Kurti ka deklaruar se marrëdhënia në mes Kosovës dhe Serbisë më shumë varet nga Serbia, por se kjo nuk duhet të ndikojë tek procesi i integrimeve në Bashkimin Evropian.

Kurti theksoi së në krahasim me Serbinë, Kosova është kampionë në të gjitha aspektet.

Ai shtoi se Bashkimi Evropian kërkon fqinjësi të mirë, por ajo mungon dhe se përgjegjësia për këtë gjë është tek Beogradi zyrtar.

“Kosova ka interes jetik që procesi i normalizimit të marrëdhënieve me Serbinë që pakrasimisht më shumë varet nga Serbia se sa nga Kosova, të jetë i ndarë prej procesit të integrimeve të Bashkimit Evropian. Dhe sa i përket sundimit të ligjit, luftimit korrupsionit, lirisë së mediave, të drejtave të njeriut, cilësisë së zgjedhjeve, Serbia është e pakrahasueshme me Kosovën. Kosova është kampione e Ballkanit. Po ashtu, rritjes ekonomike dhe rishpërndarjes sociale, ne jemi në ngritje e sipër, janë dyfishuar eksportet, investimet e huaja, janë rritur të hyrat tatimore për 2/3, andaj tash gjithë ky progres ekonomik dhe demokratik i Kosovës të ngelet peng nga Serbia, që orkestron dhe financon paramilitarë, që synojnë destabilizimin e Kosovës, siç e pamë në fund të shtatorit të vitit të kaluar, nuk është e drejtë. Unë e kuptoj që Bashkimi Evropian e dëshiron fqinjësinë e mirë dhe ne jemi për fqinjësi të mirë, por ajo nënkupton edhe njohje të ndërsjellët defakto. E kuptojmë rëndësinë e fqinjësisë së mirë, por kur mungon fqinjësia duhet të konstatohet përgjegjësi për këtë gjë, dhe nuk është te Prishtina zyrtare por tek Beogradi zyrtarë”, tha Kurti.

Kurti ka komentuar edhe organizimin e peticioneve për shkarkimin e kryetarëve të komunave në veri.

“Procesi i zgjedhjeve të parakohshme në katër komunat në veri të Kosovës tashmë ndodhet në rrugën e vet ligjore. Atje po bëhen peticione me mbledhje të nënshkrimeve, së pari duhet të mblidhen 20%, më pastaj mbahen votimet ku me 50% plus një shkaktohen zgjedhjet e reja dhe ndryshohen kryetarët. Unë jam i vetëdijshëm që në zgjedhjet para një viti në katër komunat në veri dalja ka qenë e ulët, por përveç katër këtyre katër kryetarëve që i kemi atje, dikush tjetër nuk ka legjitimitet. Për legjitimet më të madh nevojiten zgjedhje të reja, për zgjedhje të reja, duhet të ketë respektim të procedurave ligjore. Masat të cilat dëshirojnë me dhunë të destabilizojnë nuk mund të udhëheqin as me komunat, as me organet shtetërore. Mirëpres qytetetarët në veri të Kosovës, kryeministër i të cilëve jam unë, sepse nuk jam kryeministër vetëm i shqiptarëve, tashmë po i ndjekin procedurat ligjore, rregullat në mënyrë që vullneti i tyre për kryetarë të tjerë të marrë rrugën e drejtë”, shtoi Kurti.