Tag: Ballina

Është viti i tretë më radhë që presidentja Vjosa Osmani nuk e ka falur asnjë të burgosur. Në këtë institucion nga viti 2021 deri më sot, numri i kërkesave të parashtruara për falje nga ana e personave të dënuar është 469.

Nga Zyra e Presidencës nuk kanë kthyer përgjigje se për cilat arsye nuk është aprovuar asnjëra kërkesë, pavarësisht se në zyre i kanë shkuar qindra kërkesa nga Shërbimi Korrektues i Kosovës.

“Numri i kërkesave të parashtruara për falje nga ana e personave të dënuar, prej vitit 2021 deri më sot, është 469. Shërbimi Korrektues i Kosovës, nga viti 2021 deri më sot, nuk ka pranuar Dekret nga Zyra e Presidentes së Republikës së Kosovës për falje të personave të dënuar”, thuhet në përgjigjen e ShKK-së.

Mosfalja e asnjë të burgosuri për kaq vite, sipas avokatit Ardian Bajraktari është dekurajim për këtë kategori. Ai ka thënë se falja si një kompetencë ekskluzive e institucionit të presidentes ndikon në masë të konsiderueshme në risocializimin e të burgosurve.

“Falja është kompetencë ekskluzive e institucionit të presidentit dhe e përcaktuar në nenin 84 të Kushtetutës, sipas së cilës theksohet se presidenti apo presidentja e vendit shpallë faljen individuale sipas ligjit. Ndërsa, çështja e procedurës dhe çështja e kritereve dhe elementeve të tjera janë të rregulluara me Ligjin për faljen e miratuar në vitin 2009, kurse falja në vetvete nënkupton lirimin e plotë apo të pjesshëm të dënimit, zëvendësimin e një dënimi me një dënim më të butë ose lirim me kusht. Po ashtu, përfshin edhe çështjen e fshirjes nga evidenca e të dënuarit”, deklaroi Bajraktari.

“Natyrisht që falja si një kompetencë ekskluzive e institucionit të presidentes ndikon në masë të konsiderueshme në sjelljen e mirë të burgosurve dhe natyrisht nënkupton edhe risocializim dhe riedukim të tyre. Është një inkurajim që gjatë mbajtjes së dënimit të burgosurit të kenë sjellje të mirë sepse në fund mund të përfitojnë nga ky mekanizëm”, u shpreh ai.

Mosfalja e asnjë të burgosuri për kaq vite, sipas Bajraktarit është dekurajim për të burgosurit.

“Sa i përket shfrytëzimit të kësaj kompetence nga ana e institucionet të presidentit në tre, katër vitet e fundit nuk kemi asnjë person të falur, çka në bindjen time është një dekurajim për këtë kategori të personave sepse me sjellje të mirë mund të përfitonin nga instituti i faljes. Natyrisht që është kompetencë e presidencës dhe në këtë drejtim mos shfrytëzimi i kësaj kompetence është dekurajim dhe i mbetet në diskrecion të presidentes për të vlerësuar se pse nuk po e shfrytëzojnë këtë mekanizëm i cili do të ndikonte në risocializim dhe riedukim, dhe kur këta persona do të ktheheshin në shoqëri të kthehen në persona të dobishëm. Nuk ka pasur raste të burgosurve që kanë kërkuar procesin e faljes, mirëpo besoj që jam shumë i bindur që shfrytëzimi i këtij mekanizimi do të kishte ndikim në sjelljen e mirë të burgosurve”, ka thënë Bajraktari.

Kurse kryetari i Këshillit për Mbrojtjen e të Drejtave dhe Lirive të Njeriut, Behxhet Shala, ka thënë për Ekonomia Online, se presidentes Vjosa Osmani po i kalon mandati pa e përdorur të drejtën e saj kushtetuese.

“Presidentes po i kalon afati pa falur asnjë të dënuar për të qenë më saktë këtë vit i patë falur dy të dënuar mirëpo paraprakisht ata kanë qenë të liruar nga paneli për lirim me kusht. Deri tani asnjë i burgosur nuk ka përfituar falje nga presidentja zakonisht ka deri në katërqind kërkesa dhe për ne është e papranueshme dhe jo normale që në mesin e pesë të burgosurve hiqeni për katër vite vijnë dy mijë kërkesa që të mos jetë një i vetëm që i plotëson kushtet për falje. Ne vlerësojmë që ka shumë të burgosur të dënuar të cilët i plotësojnë kushtet për falje pa rrezikuar situatën e sigurisë”, ka thënë Shala.

Po ashtu ai mori shembull shtetin e Shqipërisë, ku sipas tij, e kanë shfrytëzuar këtë mekanizëm dhe kanë falur rreth një mijë të dënuar.

“Jemi bërë pak monoton duke kritikuar presidenten sepse të gjithë ato nenet për të cilat me ligj është e përjashtuar falja ka 100 mijë arsye të tjera të ketë falje për të dënuarit. Është e pa besueshme sepse në regjimet diktariolare ka falje të burgosurve është kjo mëshirë e shtetit është një shembull për të burgosurit e tjerë që duhet të sillen mirë, dhe për lustrim këtë vit Ministri i Drejtësisë në Shqipëri e kishte miratuar një ligj pas të cilët kanë përfituar thuaj një mijë të dënuar dhe është jo serioze sepse në Kosovë nuk ka shumë mekanizma shumë për falje të burgosurve, ligj për arrestime nuk ka është e drejtës kushtuese e presidentes me i falë të gjithë ata të cilët kërkojnë falje, kjo është për brengosje presidentja e Kosovës po abuzon me një të drejtë kushtetuese”, shtoi ai.

Tutje, Shala theksoi se falja e të dënuarve nuk përfshirë ata persona që recidivist i shumëfishtë është i dënuar për krime thuajse të pa falshme, por për ata të cilët i përmbushën kushtet e faljes.

“Askush nuk kërkon që ta falë një të dënuar i cili recidivist i shumëfishtë është i dënuar për krime thuajse të pa falshme, mirëpo ka të dënuar që ka vuajtur një pjesë të madhe të dënimit ka të dënuarit që vuajnë me sëmundje terminale, javën e kaluar një 50 vjeçare ka vdekur në burgun e Gjilanit, pikërisht për shkak të sulmit në zemër. Pikërisht këto raste të cilat ia rekomandon shërbimi shëndetësor i burgjeve qoftë gjykata, qoftë presidencës, asnjë nuk merret pas tyre, kemi në vit mesatarisht katër pesë raste kur të dënuarit vdesin i humbin jetën brenda në burg. Për ne është shumë e pakuptueshme se si në këtë mënyrë presidentja ia bënë shumë më të rëndë dhe ua vështirëson oficerëve Korrektues e detaje të burgjeve. E ngatërruan problemin pa asnjë nevojë në rastin kur kushtetuesja ia jep të drejtën presidentes që të falë një numër të caktuar të burgosurve”, theksoi Shala.

Ai potencoi se përveç që është dekurajim për të burgosurit, ua vështirëson punën edhe Shërbimit Korrektues, drejtorëve dhe familjarëve të burgosurve.

“Nëse nuk i falni të dënuarit atëherë ata të cilët punojnë me ta qoftë Shërbimi Korrektues, qoftë të tjerët, nuk kanë asnjë motiv që t’iu japin premtime të dënuarve se mund të përfitojnë diçka, kjo ndikon shumë tek të dënuarit tjerë. Ndërkaq mos falja ndikon të dënuarit e tjerë dhe pastaj përdorin masa alternative për tu larguar nga dënimi nga burgu siç kemi pasur disa raste këtë vit që kanë ikur nga burgu. Kjo ka dëme të shumëfishta dhe asnjë dobi, të gjithëve edhe oficerëve Korrektues, drejtorëve, familjeve të dënuarve dhe vetë të dënuarve por edhe neve që monitorojmë. Asgjë e mirë nuk del nga kjo mos falja nuk ndikon në uljen e kriminalitetit sepse presidentja e ka listën e saktë atyre të cilët i plotësojnë kushtet për faljen”, potencoi ai.

PËRGATITI: ARTON HAMITI 

Dorëheqja e Vjosa Gradinaj-Mexhuani nga pozita e kryesues së Organit Shqyrtues të Prokurimit, para një jave e çoi në tre numrin e institucioneve në fushën e prokurimit, që funksionojnë me ushtrues detyre.

Kështu, OSHP-ja iu bashkua Komisionit Rregullativ të Prokurimit dhe Agjencisë Qendrore të Prokurimit, kjo e fundit tash e tri vjet pa drejtor fuqiplotë.

Andaj, qasja e ekzekutivit karshi këtyre organeve po kritikohet nga njohës të fushës.

Funksionimi me ushtrues detyre i këtyre tri institucioneve të rëndësishme, sipas njohësve të fushës, i sjell dëme të pariparueshme prokurimit publik.

Qeveria nuk ka kthyer përgjigje gjatë ditës nëse planifikon të propozojë emra, teksa Agjencia Qendrore e Prokurimit pas tre vjetësh hapi konkurs për drejtor ekzekutiv, megjithëse i kontestuar nga shoqëria civile./atvlive.tv/

PËRGATITI: ARTON HAMITI  

Ministria e Financave i ka dhënë sqarimet e saj, në lidhje me pretendimet se konkursi për drejtor të Agjencisë Qendrore të Prokurimit, është përcjellë me shkelje ligjore.

Ditë më parë ATV-ja raportoi se kjo ministri i ka tejkaluar dispozitat ligjore për kriteret kualifikuese, duke lënë anash kriterin e përvojës së punës në fushën e prokurimit, dhe duke ndryshuar edhe kohëzgjatjen e mandatit të drejtorit.

Megjithatë, as në përgjigjet dërguar redaksisë, çështje e përvojës nuk u përmend.

Ministria tha se për këtë konkurs, ka ndjekur dispozitat ligjore që i parasheh Ligji për Zyrtarët Publik dhe Rregullorja e fillimvitit, për klasifikimin e vendeve të punës në shërbimin civil.

“Para shpalljes së cilës do pozitë së pari rishikohet baza ligjore dhe të gjitha kërkesat e përgjithshme specifike dhe ato formale për pozitën, andaj ju informojmë se shpallja e konkursit për Drejtor të Autoritetit Qendror të Prokurimit është bërë në pajtim me të gjitha dispozitat e aplikueshme ligjore.Disa prej dispozitave të aplikueshme ligjore janë:  Ligji Nr. 08/L-197 për Zyrtarët Publik, Neni 49 – Emërimi dhe mandati në pozitën e nivelit të lartë drejtues dhe Rregullorja (QRK) Nr. 06/2024, pika IV që parasheh edhe kërkesat e përgjithshme formale për pozitën Drejtues i Lartë.”

Por, sipas shoqërisë civile, AQP-ja është themeluar me Ligjin për Prokurimin Publik dhe dispozitat e përmendura nga ministria nuk vlejnë. Pra pozita dhe mandati i drejtorit ekzekutiv duhet të jetë në përputhje me Ligjin për Prokurimin.

Konkursi për drejtor ekzekutiv të Agjencisë Qendrore të Prokurimit qëndroje hapur deri me 22 gusht, teksa u hapë pas 3 vjetësh funksionimi me ushtrues detyre./atvlive.tv

Për më shumë ndiqni videon e mëposhtme:

PËRGATITTI: BENITA ZENELI  

Së fundi, Kompania Kosovare për Distribuim me Energji Elektrike ka marrë vendim që nga fillimi i këtij muaji të aplikojë taksen për shkyçje të rrymës.

Qytetarët të cilët vonohen në pagesat e faturave jashtëafateve të parapara do të detyrohen të paguajnë edhe kosto shtesë. E ndaj këtij vendimi ankohen qytetarët.

Ndërkaq kryetari i bordit të Dhomës së Tregtisë e Industrisë, Skënder Krasniqi thotë se çdo ngarkesë që uvihet në barrë qytetarëve është në dëm të tyre, shtetit dhe biznesit.

Sipas Rregullës për Shkyçje dhe Rikyçje të ZRRE-së, konsumatorët do të paguajnë taksë prej 15 eurosh që bashkë me TVSH-në, arrin në 17.7 euro.

Në anën tjetër, KEDS-i në njoftimin e lëshuar më 19 korrik u ka bërë thirrje të gjithë konsumatorëve që t’i përmbahen afatit ligjor, brenda së cilit detyrohen të paguajnë faturat.

Për më shumë ndiqni videon e mëposhtme:

PËRGATITI: KRENARE MULLIQI   

Telekomi i Kosovës është duke e vazhduar punën në shtrirjen e rrjetit mobil dhe të internetit në komunat veriore.

Banorët e Mitrovicës së Veriut tani mund tëshfrytëzojnë edhe shërbimet tjera të Telekomit derisa deri vonë në dispozicion kishin vetëm një operator tëinternetit.

E mungesa e sinjalit të të gjithë operatorëve vendorëdhe pamundësia e qasjes në internet gjithë këto vjet pas luftës vlerësohet të jetë e padrejtë.

Megjithatë ende ka pjesë të veriut të Kosovës të cilat nuk mbulohen nga operatorët vendorë.

Në mars të këtij viti në komunat veriore Telekomikishte instaluar 15 stacione të reja të internetit.  

Ndërkaq përfaqësues të operatorëve vendorë shpesh nëdeklarimet publike kanë pranuar se mbulimi me internet dhe telefoni mobile në këto zona nuk është nënivelin e njëjtë me pjesët tjera të vendit.

Për më shumë ndiqni videon e mëposhtme:

PËRGATITI: BENITA ZENELI  

Kërkesat e mësimdhënësve pas grevave e protestave qëorganizuan, nuk morën përgjigje asnjëherë nga qeveria.

Ndërkohë greva në arsim mund të përsëritet. Pos saj edhe protestat.

Mundësinë për to gjatë mesit të shtatorit nuk e ka përjashtuar kryetari i SBASHK-ut, Rrahman Jasharaj.

“Mllefi po rritet dhe nuk kemi asnjë sinjal se diçka do të ndryshojë. Ne kemi tentuar vazhdimisht të kemi kontakte me zonjën Nagavci, por ajo i ka shmangur ato. Madje kemi bërë edhe kërkesa me shkrim, por kemi marrë përgjigje të njëjtë, duke thënë se gjoja ajo nuk ka kohë. Si kryetar, kam dëgjuar se ajo vazhdon të mbajë inatin e grevës së vitit 2022, dhe kjo është shumë e keqe. Kur nuk ka dialog, nuk kam çfarë të them anëtarësisë, dhe kjo rrit mllefin dhe pakënaqësinë, duke e bërë të mundshme që në Shtator të kemi veprime sindikale”, deklaroi Jasharaj.

Të arsyeshme kërkesat e SBASHK-ut i konsideron edhe njohësi i arsimit, Argjend Osmani.

“Padyshim që organizimi i grevës do të çrregulloj procesin mësimor dhe nuk është një zgjidhje e duhur andaj duhet të bëhen të gjitha parakushtet që të mos ndodh një gjë e tillë. “,tha Osmani.

Protesta e fundit që u mbajt nga SBASHK-u ishte nëmuajin maj të këtij viti ku u paraqiten 11 kërkesa.

Mësimdhënësit kanë kërkuar dialog social për plotësimin e kërkesave të tyre, përmirësim të kushteve të punës në institucionet arsimore, Qeveria të sigurojë buxhet për zbatimin e Kontratës Kolektive të Arsimitdhe ndër të tjera rritjen e vlerës së koeficientit të pagave për së paku 30%.

Mësimdhënësit në Bullgari thonë se po përballen me kërcënime, pasi e nënshkruan një peticion kundër një ligji të miratuar së voni, i cili e ndalon “propagandën LGBT” në shkolla.

Ata e fajësojnë partinë e ekstremit të djathtë, Ringjallja, e cila ishte iniciatore e ligjit kontrovers që është kritikuar shumë.

Lideri i Partisë Ringjallja, Kostadin Kostadinov, tha më 22 gusht se do dorëzojë një raport në zyrën e prokurorit për mësimdhënësit që e kanë kundërshtuar ligjin.

Ligji, i miratuar më 7 gusht në Parlament me mbështetjen edhe të partive proevropiane, nxiti protesta në Sofje dhe në pjesët e tjera të Bullgarisë.

Amendamenti në ligjin për kodin e arsimit në Bullgari e ndalon “propagandimin, promovimin apo nxitjen e ideve dhe qëndrimeve” të LGBT-së në shkolla. Ai nuk jep shpjegime të tjerë.

Koalicioni properëndimor reformist Ne e Vazhdojmë Ndryshimin – Bullgaria Demokratike (PP-DB) ende shpreson se do të sigurojë mbështetje në Asamblenë Kombëtare për ta shfuqizuar këtë ligj.

Kritikët thonë se ky ligj është pothuajse identik me ligjin rus kundër LGBT-së, i cili u miratua më 2012 dhe me ligjin hungarez kundër LGBT-së, i miratuar më 2021. Këto ligje në Rusi dhe Hungari janë cilësuar si në kundërshtim me standardet botërore dhe evropiane nga organizata dhe institucione të ndryshme ndërkombëtare.

Bullgaria është njëri prej vendeve të pakta të Bashkimit Evropian që nuk u jep të drejta të barabarta shoqërore njerëzve homoseksualë dhe heteroseksualë. Vitin e kaluar, Gjykata Evropiane për të Drejtat e Njeriut në Strasburg e detyroi Bullgarinë ta krijojë një kornizë ligjore për njohjen e marrëdhënieve të gjinisë së njëjtë. Sofja ende nuk e ka përmbushur këtë detyrim.

Komuniteti LGBT dhe mbështetësit e tyre në Bullgari shpesh përballen me kërcënime dhe sulme verbale dhe fizike.

Rreth 460 mësimdhënës dhe specialistë të tjerë të fushës së arsimit nënshkruan një peticion për të kërkuar shfuqizimin e ligjit të ndryshuar. Rreth 20 mësimdhënës nga resorti Varna në Detin e Zi thanë se ishin shënjestruar nga dega lokale e partisë Rilindja, përfshirë edhe në Facebook.

Martin Stoyanov, një psikolog shkolle në Varna, tha se një mësues në qytetin e Detit të Zi e kishte kontaktuar në Viber një natë së voni, duke shprehur frikën për kërcënimet e fundit.

“Ne po bëhemi një vend ku është e rrezikshme të shprehësh mendimin tënd,” i tha Stojanov Shërbimit bullgar të Radios Evropa e Lirë.

Postimi në Facebook më 21 gusht në llogarinë e lidhur me degën e partisë Rilindja në Varnë, përfshinte një “listë të zezë” të arsimtarëve vendës që kishin nënshkruar peticionin – duke përfshirë Stojanovin – kundër ligjit të sapondryshuar, duke iu referuar atyre si “parazitë”.

Një ditë më vonë, Kostadinov, një figurë e kamotshme kontroverse dhe përhapës i dezinformatave pro Kremlinit, tha se do t’ia dorëzojë prokurorisë emrat e rreth 800 mësimdhënësve që ai pretendonte se ishin “kriminelë” që “duan të shtyjnë përpara propagandën homoseksuale”.

Mësimdhënësit e kërcënuar në Varnë kanë marrë shumë mbështetje.

Kryetari i komunës së Varnës, Blagomir Kotsev, ka shprehur mbështetjen e tij në një postim në Facebook më 22 gusht, duke u kërkuar atyre që të jenë të guximshëm dhe ta kontaktojnë personalisht nëse kërcënohen.

Pavel Popov, nënkryetari i komunës së Varnës, i cili është gjithashtu përgjegjës për çështjet arsimore, i tha Radios Evropa e Lirë se Partia Ringjallja po bën thirrje për “veprime shtypëse kundër mësimdhënësve bullgarë”./REL/

Kryeministri i Kosovës, Albin Kurti ka bërë të ditur se në “Ballkonin e Hapur”, ka pritur sot mysafirë ukrainas të cilët veprojnë e jetojnë në Kosovë, për nder të Ditës së Pavarësisë së Ukrainës.

Kurti tha se shprehu vlerësimin e thellë dhe solidaritetin për punën e përpjekjet e tyre në një kohë kaq sfiduese, pasi sipas tij sot qëndresa e Ukrainës dhe qytetarëve të saj është e pashembullt dhe heroike.

Tutje, Kurti tha se Kosova do të vijojë të jetë “mbështetëse e fuqishme e luftës çlirimtare të Ukrainës për paqe, liri e demokraci, dhe përkrahëse e rezistencës e vendosmërisë së popullit ukrainas”.

Njoftimi i plotë:

Në Ballkonin e Hapur, me rastin e Ditës së Pavarësisë së Ukrainës, mysafirë patëm qytetarë ukrainas të cilët veprojnë e jetojnë në Kosovë.

Kosova është bërë një shtëpi e dytë për ta. Me këtë rast shpreha vlerësimin e thellë dhe solidaritetin për punën e përpjekjet e tyre në një kohë kaq sfiduese. Sepse sot qëndresa e Ukrainës dhe qytetarëve të saj është e pashembullt dhe heroike. Ukraina është mburojë e demokracisë evropiane.

Republika e Kosovës do të vijojë të jetë mbështetëse e fuqishme e luftës çlirimtare të Ukrainës për paqe, liri e demokraci, dhe përkrahëse e rezistencës e vendosmërisë së popullit ukrainas, në mbrojtje të sovranitetit, pavarësisë dhe integritetit territorial të shtetit të tyre.

Le të triumfojë lufta e drejtë për liri, kundër dhunës, brutalitetit dhe agresionit të pajustifikuar të Federatës Ruse. Gëzuar Ditën e Pavarësisë për Ukrainën dhe të gjithë qytetarët e saj!

Presidentja Vjosa Osmani, ka uruar sot qytetarët dhe presidentin e Ukrainës, Volodymyr Zelenskiy, për Ditën e Pavarësisë së Ukrainës.

Ajo theksoi se ukrainasit, në luftën me Rusinë, i treguan botës forcë të jashtëzakonshme dhe vendosmëri të palëkundur.

Osmani tha se Kosova ka qëndruar pranë Ukrainës dhe do të vazhdojë ta bëjë këtë duke e mbrojtur kombin e saj dhe duke u përpjekur për një paqe të drejtë dhe të qëndrueshme.

“Urimet tona më të ngrohta për Presidentin Zelenskiy dhe popullin e Ukrainës në Ditën e Pavarësisë. Përballë luftës së paprovokuar, ukrainasit i kanë treguar botës një qëndrueshmëri të jashtëzakonshme, forcë dhe vendosmëri të palëkundur. Kosova ka qëndruar pranë jush dhe do të vazhdojë ta bëjë këtë ndërsa mbroni kombi juaj dhe përpiquni për një paqe të drejtë dhe të qëndrueshme “Lavdi Ukrainës” ka shkruar ajo në rrjetin social “X”.

Profesori amerikan Edward P. Joseph, ka vlerësuar se vizita në Kosovë dhe në disa shtete të Ballkanit e shefit të CIA-s, William J. Burns, nuk është një vizitë lumturie.

Sipas tij, kjo vizitë është sinjal i brengës në Uashington lidhur me tensionet dhe potencialin e një lloj konfrontimi në Ballkan.

“Kjo nuk është një vizitë e lumtur, nuk është një lloj vizite e nivelit të Bill Clintonit, Hillary Clintonit, ndonjë sekretari, siç është sekretari  sekretari Antony Blinken, ose diçka e ngjashme. Kjo nuk është diçka e mirë, sepse William J. Burns, për momentin është i përshirë shumë seriozisht në negociatat për ndaljen e luftimeve ndërmjet Izraelit dhe Hamasit dhe ky është top prioritet kryesor për administratën e ShBA-së. Për atë që të vjen në Ballkan, për të vizituar Kosovën, Serbinë, Bosnjën, ndoshta do të ndalet edhe në Bullgari, edhe në Maqedoni të Veriut”, tha Joseph për RTK.

Profesori amerikan tha se shefi i CIA-s vjen në Ballkan sepse Uashingtoni i sheh këto pika vështirësish e problemesh.

“Kjo nuk është vizitë e lumtur. Duhet të jemi shumë të qartë për këtë. Është një vizitë fatkeqe dhe një sinjal i brengës në Uashington lidhur me tensionet dhe potencialin e një lloj konfrontimi në Ballkan”, tha ai.

Joseph tha se askush nuk e di se çfarë mesazhi ka sjellë shefi i CIA-s, William J. Burns.

Sipas tij, shpresohet se me këtë vizitë në Kosovë do të ketë zhvillime pozitive dhe marrëdhënie të përmirësuara ndërmjet qeverisë së Kosovës dhe ShBA-së në linjat mbi të cilat ka sugjeruar ambasadori amerikan, Jeffrey Hovenier.