Tag: Ballina

Përgatiti: Fatlum Jashari

Nga muaji tetor paga minimale, pa dallim, në sektorin publik dhe atë privat, për punën me orar të plotë do të jetë 350 euro në muaj.

Qeveria miratoi këtë nivel page pesë ditë pas hyrjes në fuqi të Ligjit të ri për pagën minimale dhe shkallët e tatimit në të ardhurat personale.

“Kjo pagë minimale e re do të prekë mbi 150 mijë të punësuar, të cilët punojnë me paga më të ulëta se 350 euro në muaj”, tha Kurti.

Ndërkaq, për punën me orar jo të plotë, Qeveria vendosi që pagesa minimale të jetë 2 euro për orë.

Periudha prej pak më shumë se një muaji deri në nisje të zbatimit, sipas ministrit të Financave, Hekuran Murati, do t’u shërbejë bizneseve që të përgatiten.

“Të përshtatin listat e pagave, por edhe shkallët e tatimit të pagave. Në mënyrë që ky vendim të zbatohet, do të sigurohemi që si Ministri, bashkë edhe me agjencitë vartëse, si ATK-ja dhe Inspektorati i Punës, të sigurohemi që të zbatohet vendimi, përmes kontrolleve rutinë ose kur kemi sinjalizim se nuk po zbatohet”, tha Murati.

I pyetur për diferencën që krijohet me pensionet filluar nga ai i moshës dhe kategoritë e tjera përfituese, pa dhënë përgjigje për lëvizje eventuale konkrete ministri foli për ndërtim sistemi.

“Synimi është që sistemet të jenë të qëndrueshme, sepse nuk i shërben askujt nëse për një vit ose dy bëhet diçka, por pastaj paqëndrueshmëria na kthen në situata ku duhet të rishikohet i gjithë sistemi”, tha Murati.

Duke e cilësuar “vendim parazgjedhor” dhe të pakonsultuar, të pakënaqur u shprehën në Sindikatën e Pavarur të Sektorit Privat.

“Nën pagën 500 euro normal që ne nuk do të pranojmë dhe nuk do të jemi të kënaqur, jo pse ne nuk po pranojmë, por kushtet dhe rrethanat nuk po lejojnë që të bëhet një jetë ekzistenciale me nën këtë pagë”, tha kryetari i SPSPK-së, Jusuf Azemi.

Poshtërues e vlerësoi vendimin kreu AAK-së, Ramush Haradinaj, i cili tha se paga minimale duhet të jetë 450 euro.

Me ligjin e vjetër, nga viti 2011, paga minimale ka qenë 170 euro për personat mbi 35 vjeç dhe 130 për ata nën këtë moshë.

Përgatiti: Fatlum Jashari

Miratimi i Projektligjit për Sigurimin e Detyrueshëm të Kujdesit Shëndetësor ishte pikë e parë në rendin e ditës në mbledhjen e Qeverisë, të mërkurën.

Krahas konstatimit se procesi është i pakthyeshëm, ministri i Shëndetësisë, Arben Vitia, listoi disa prej çështjeve që përfshin projektligji.

“Me këtë nismë themelohet Fondi i Sigurimit të Detyrueshëm Shëndetësor i Republikës së Kosovës. Për herë të parë përcaktohen rregullat për listën e barnave të rimbursueshme, që do të transformojë rrënjësisht mbështetjen që shteti jep për qytetarët, e veçanërisht për ata që vuajnë nga sëmundjet. Me këtë projektligj po rregullohen edhe çështja e grumbullimit të kontributeve për fondin e sigurimeve”, tha Vitia.

Derisa tregoi se projektligji parasheh pagesë mujore në vlerë 7% të pagës, 3,5% punëtori dhe po aq punëdhënësi, ministri nuk e ndërlidhi Projektligjin me fundin e mandatit të Qeverisë.

“Duke qenë interes i të gjithë qytetarëve, duke qenë në interes edhe të deputetëve, besoj shumë që ky ligj do të miratohet sa më shpejt”, tha Vitia.

Shpresat te Kuvendi, ministri i ka edhe për marrëveshjen me Bankën Botërore për financimin e Planit të Veprimit për Sistemin Informativ Shëndetësor, që është parakusht për funksionalizimin e sigurimeve, për të cilat ka një ligj në fuqi që nga viti 2014.

Në mbledhjen e 218-të, Qeveria miratoi edhe vendimin për vazhdimin e afatit për regjistrimin elektronik të mërgatës deri më 31 Dhjetor 2024.

Pushteti ekzekutiv i dha dritën e gjelbër dhënies në shfrytëzim të ngastrave kadastrale me qëllim ndërtimin e Qendrës Rezidenciale të Kosovës për Autizëm, Sindromë Down dhe Aftësi të Kufizuar.

Mirëpo, Qeveria nuk i dha përkrahje nismës legjislative për heqjen e kufizimit të moshës për import në Ligjin për Automjete, me arsyetimin se paralelisht është duke u përgatitur projektligji i ri.

Përgatiti: Krenare Mulliqi

Nga Lipjani në Fushë Kosovë, u desh ta bënte rrugën Flamur Gashi, për t’i gjetur të gjitha librat për 3 fëmijët e tij, për shkak se disa librari kanë mungesë të disa librave.

“Na jena tu e pa tmerrin qe dy vjet, kjo është katastrofë. Lyp libra atje, lyp këtu, edhe nuk jem tu mujtë me i gjetë…”, tha Gashi.

Sikur Gashi problem në sigurimin e teksteve po kanë edhe shumë prindër të tjerë në qytete të ndryshme.

“Kemi raste që nga Shtimja duhet me shku në Ferizaj me ble tekstet shkollore sepse nuk po i gjejnë librat në komunat ku jetojnë…”, tha Visar Islami, nënkryetar i Këshillit të Prindërve.

Edhe librashitësit thonë se ka mungesë të teksteve shkollore nga disa shtëpi botuese.

“Shtëpia Botuese Albos ka mungesë të disa librave siç është matematika, por na është thënë se këto ditë do të vijë”, tha Elez Morina, menaxher në Librarinë “Altera”.

Sipas të dhënave të fundit, deri më tani kanë aplikuar në platformën e Kosova gjithsej 194.180 prindër, ndërkaq, janë subvencionuar për blerjen e teksteve shkollore gjithsej 171.200 aplikues.

Komisioni Qendrore i Zgjedhjeve ka miratuar listën përfundimtare të votuesve për 9 shkurtin 2025.

Sipas KQZ janë 161 mijë e 700 voties më shumë sesa në zgjedhjet e vitit 2021.

“124,366 votues mund të konsiderohen si votues të rinj që pas Zgjedhjeve Lokale, të mbajtura me datën 17.10.2021, kanë arritur moshën tetëmbëdhjetë (18) vjeç do të votojnë për herë të parë në Zgjedhjet për Kuvendin e Kosovës 2025 dhe shtetas të cilët posedojnë certifikata të Republikës së Kosovës nga ekstrakti i Departamenti i Gjendjes Civile:, thuhet mes tjerash”.

KQZ shqyrtoi dhe miratoi raportin e Listës Preliminare të Votuesve për Zgjedhjet për Kuvendin e Republikës së Kosovës, të cilat do të mbahen më 9 shkurt 2025.

Lista Preliminare e Votuesve përmban: 2,047,148 votues, pra 161,700 votues më shumë në krahasim me Zgjedhjet e Lokale 2021, të mbajtura me datë 17 tetor 2021.

Numri i votuesve të rinj që do të votojnë për herë të parë në Zgjedhjet për Kuvendin e Kosovës më 9 shkurt 2025 është: 209,878 votues, prej të cilëve:
124,366 votues mund të konsiderohen si votues të rinj që pas Zgjedhjeve Lokale, të mbajtura me datën 17.10.2021, kanë arritur moshën tetëmbëdhjetë (18) vjeç do të votojnë për herë të parë në Zgjedhjet për Kuvendin e Kosovës 2025 dhe shtetas të cilët posedojnë certifikata të Republikës së Kosovës nga ekstrakti i Departamenti i Gjendjes Civile;

85,512 votues mund të konsiderohen si votues të regjistruar për herë të parë në Regjistrin Qendror Civil midis dy palë zgjedhjesh, pra votuesit që janë pajisur me dokumente të Republikës së Kosovës, votuesit e regjistruar për votim jashtë Kosovës për Zgjedhjet Lokale 2021 dhe shtetas të cilët posedojnë certifikata të Republikës së Kosovës nga ekstrakti i DGJC.

Dëshmitari i 81-të i cili mbanë kodin W04764 ka përfunduar dëshminë e tij në gjykimin ndaj ish-krerëve të UÇK-së.

Ky dëshmitar të mërkurën është marrë në pyetje nga trupi gjykues dhe dëshmia e tij u dëgjua e tëra në sesion privat, raporton “Betimi për Drejtësi”.

Dëshmitari W04764 filloi dëshminë të martën. Sipas përmbledhjes së lexuar nga prokurorja Sarah Clanton, ky dëshmitar është ish-pjesëtar i UÇK-së.

Ndryshe, kryetari i trupit gjykues, Charles Smith III tha se do të bëjnë pushim për pak që t’i jepet mundësia ZPS-së që të bëjë përgatitjet për dëshmitarin e radhës.

Qeveria e Kosovës ka miratuar propozim-vendimin që niveli i ri i pagës minimale të jetë 2 euro për orë për punë të rregullt apo 350 euro bruto në muaj për punë me orar të plotë. Mirëpo, sa është paga minimale në vendet e Evropës?

Radio Evropa e Lirë ka publikuar një infografikë, ku shihet se paga më e lartë minimalë në Evropë është në Luksemburg- 2 mijë e 571 euro.

Pas Luksemburgut vjen Holanda (2134 euro), Belgjika (2070 euro), Gjermania (2054 euro), Franca (1767 euro).

Ndërsa pagën më të vogël në Evropë e marrin qytetarët e Bosnjës dhe Hercegovinës (318 euro), e cila është një pozitë më poshtë se Kosovë (350 euro).

Ministri i Shëndetësisë, Arben Vitia, ka thënë se miratimi i projektligjit për Sigurimin e Detyrueshëm të Kujdesit Shëndetësor, ka ardhë pas një periudhe të gjatë diskutimesh, raporton EO.

Vitia tha se për sigurimet shëndetësore 3,5 për qind do të paguajnë qytetarët përmes pagës, ndërsa 3,5 për qind nga punëdhënësi.

“Është më rëndësi që ky projektligj vjen pas një periudhe te gjatë diskutimesh, marr parasysh rëndësinë që ka ky projektligj. Ne kemi analizuar të gjitha sfidat dhe mangësitë që ka sistemi shëndetësorë. Është hapi themelor për krijimin e sigurimeve shëndetësore. Më këtë po rregullohen shumë gjëra. Po rregullohen edhe çështjet për mbledhjen e kontributeve nga qytetarë për fondin e sigurimeve. Kostoja shtesë për qytetar do të jetë një mbledhje e kontributeve shtesë në emër të solidaritetit që të shtohet buxheti në shëndetësi. 7 për qind do të jenë, ku 3,5 për qind do të jenë nga paga e qytetarëve dhe 3,5 për qind nga punëdhënësi”, tha Vitia.

Qeveria e Kosovës do të rritë pagën minimale në 350 euro, ka paralajmëruar kryeministri Albin Kurti, në mbledhjen e sotme të ekzekutivit.

Kurti para kabinetit qeveritar tha se niveli i pagës minimale do të jetë i liruar nga tatimi.

“Me hyrjen në fuqi të ligjit për pagën minimale më në fund u hap rruga që edhe zyrtarisht të rritet paga minimale pas një pritje prej 13 vitesh. Ndërkaq sot do të shqyrtojmë propozimin që niveli i pagës minimale të jetë 2 euro për dy orë punë të rregullt apo 350 euro bruto në muaj për punë me orar të plotë. Paga minimale do të jetë e liruar nga tatimi. Kjo është rritja e dytë e pagës minimale brenda këtij mandati qeverisës”, tha Kurti.

Duke folur për fillimin e vitit të ri shkollorë, Kurti tha se deri tani kanë aplikuar mbi 195 mijë prindër për subvencionimin e teksteve apo materialeve shkollore.

Deri tani kanë aplikuar gjithsej 194 mijë e 160 prindër ose kujdestarë ligjor për subvencionimin e teksteve apo materialeve shkollore, ndërkaq janë subvencionuar gjithsej 171 mijë e 200. Gjithçka është gati për fillimin e mbarë dhe me kohë të vitit shkollorë”, shtoi Kurti.

Krahas këtyre, kreu qeveritar tha se transformimi në shëndetësi po bëhet në mënyrë të qëndrueshme dhe rrënjësor./KP

Më 23 gusht është publikuar në Gazetën Zyrtare Ligji për Pagën Minimale në Kosovë. Nga kjo datë e tutje, Kosova ka pagën minimale me shumë 264 euro në muaj, nga 130 e 170 që kishte më parë. Në anën tjetër, Kosova qëndron me pagën më të ulët në rajon e Ballkanit Perëndimor dhe me shtetet e Bashkimit Evropian. Sa është paga minimale në shtetet e tjera?

Në Kosovë tashmë është zyrtarizur Ligji për Pagën Minimale. Ky ligj parasheh që paga minimale të jetë 264 euro bruto për të gjithë të punësuarit në Kosovë.

Por më parë, paga minimale në Kosovë ishte 130 euro për punëtorët nën 35 vjeç dhe 170 euro për punëtorët deri në 65 vjeç.

Por sa është paga minimale në rajonin e Ballkanit Perëndimor?

Sipas të dhënave të Eurostat, Serbia ka pagën minimale më të lartë prej 544 eurove.

Maqedonia Veriore është vendi i dytë me pagën minimale më të lartë në rajon. Ky vend ka pagë minimale 542 euro.

Mali i Zi është në vendin e tretë me pagë minimale me shumën 533 euro.

Në Bosnje dhe Hercegovinë paga minimale është 485 euro, ndërsa, Shqipëria është e parafundit me 385 euro pagë minimale.

Kosova qëndron krejt në fund tashmë me pagë 264 euro.

Sa është paga minimale në BE?

Eurosata ndan shtetet e BE-së në tri kategori, ato që kanë pagë minimale mbi 1500 euro në muaj e që bëjnë pjesë: Luksemburgu, Irlanda, Holanda, Belgjika, Gjermania dhe Franca.

Në grupin e dytë janë shtetet që kanë një pagë minimale kombëtare mbi 1000 euro dhe nën 1 mijë e 500 euro në muaj. Këto janë shtetet: Spanja dhe Sllovenia.

Ndërsa në grupin e tretë, janë vendet që kanë pagën minimale nën 1000 mijë euro në muaj.

Në këtë grup bëjnë pjesë: Qiproja, Polonia, Greqia, Portugalia, Malta, Lituania, Kroacia, Estonia, Çekia, Sllovakia, Rumania, Letonia, Hungaria dhe Bullgaria.

Nga të dhënat e një hulumtimi të Institutit për Kërkime të Avancuara GAP, të publikuar në vitin 2022, mbi 100 mijë punëtorë në Kosovë paguhen me pagë minimale dhe 94% e të prekurve nga rritja e pagës minimale janë punonjës të sektorit privat.

Pavarëisht kësaj, caktimi i pagës minimale me shumën 264 euro në muaj, ishte kritikuar jashtëzakonisht shumë nga opozitarët dhe njohës të fushë.

Në ndërkohë, të martën në Kosovë është diskutuar edhe për ndryshimin e shkallës tatimore pas zyrtarizimit të pagës minimale.

Me ndryshimin e pagës minimale, Administrata Tatimore e Kosovës (ATK) do të ndryshojë edhe shkallën tatimore të pagës.

Sipas këtyre ndryshimeve, parashihet lirimi nga tatimi në pagë deri në shumën 250 euro. Në të kaluarën tatimi në pagë ishte prej shumës 80 euro.

Ndërsa, pagat prej 251 euro deri në 450 euro, sipas ATK-së, tatimi në pagë do të jetë 8 për qind për pagat prej 251 euro deri në 450 euro. Ndërkaq, sipas ATK-së, për pagat mbi 450 euro do të jetë 10 për qind.

Nga kjo rritjet një pjesë e qytetarët pritet që të kenë pagë më të lartë për 6 euro e 80 centë.

Qeveria e Kosovës do të mbajë mbledhje nga ora 10:00. Në njoftimin nga Zyra e Kryeministrisë, janë bërë të ditur se në rend dite do të jenë 11 pika, raporton Ekonomia Online.

1. Shqyrtimi i Propozim-vendimit me të cilin Qeveria e Republikës së Kosovës, në pajtim me kërkesën e Kuvendit të Republikës së Kosovës jep mendim lidhur me Nismën legjislative për “Projektligjin për ndryshimin dhe plotësimin e Ligjit për Automjete” (ZKM)

2. Shqyrtimi i Propozim-vendimit për aprovimin e Manualit për Konsolidimin e Akteve Juridike në Republikën e Kosovës (ZKM)

3. Shqyrtimi i Propozim-vendimit për dhënien në shfrytëzim të pesë (5) ngastrave kadastrale në Graqanicë, me qëllim të ndërtimit të Kompleksit “Qendra Rezidenciale e Kosovës për autizëm, sindromë daun dhe aftësi të kufizuar për fëmijë, persona të rritur dhe të moshës së shtyrë” (MMPHI)

4. Shqyrtimi i Kërkesës së Ministrisë së Mjedisit, Planifikimit Hapësinor dhe Infrastrukturës për transfer të mjeteve buxhetore deri nën 25% të ndarjes së ndikuar negativisht për vitin 2024, për kryerjen e obligimeve për shpronësimin e pronave (MFPT)

5. Shqyrtimi i Propozim-vendimit për të kërkuar nga Presidentja e Republikës së Kosovës dhënien e Autorizimit Ministres së Drejtësisë për nënshkrimin e Marrëveshjes për Ndihmë të Ndërsjellë Juridike në Çështjet Penale me Qeverinë e Mbretërisë së Suedisë (MD)

6. Shqyrtimi i Propozim-vendimit për të kërkuar nga Presidentja e Republikës së Kosovës dhënien e Autorizimit Ministres së Drejtësisë për nënshkrimin e Marrëveshjes për Ekstradim me Qeverinë e Mbretërisë së Suedisë (MD)

7. Shqyrtimi i Propozim-vendimit për të kërkuar nga Presidentja e Republikës së Kosovës dhënien e Autorizimit Ministres së Drejtësisë për nënshkrimin e Marrëveshjes për Transferimin e Personave të Dënuar me Qeverinë e Mbretërisë së Suedisë (MD)

8. Shqyrtimi i Nismës për lidhjen e Marrëveshjes së Grantit ndërmjet Republikës së Kosovës, e përfaqësuar nga Ministria e Financave, Punës dhe Transfereve dhe KfW, Frankfurt am Main dhe Kompanisë për Menaxhimin e Deponive në Kosovë (KMDK) për projektin “Programi i Menaxhimit të Mbetjeve të Ngurta II Masat Përcjellëse – Mbështetje për KMDK” (MPPT)