Tag: Ballina

Ministria e Ekonomisë në kuadër të pakos emergjente për energji sot ka lansuar thirrjen publike “Mbështetje konsumatorëve familjarë për investimin në pajisje efiçiente për ngrohje”.

Kryeministri Albin Kurti, tha se kjo është thirrja e 13-të me radhë dhe po ndodh tani kur po ftohet moti dhe familjet kanë mundësi qytetarët t’i kenë shtëpitë ë ngrohta.

“Tashmë kemi përkrahur 40 mijë familje të vendit tonë me rreth 40 milionë euro, disa prej tyre për të blerë pajisje të këtilla për ngrohje, disa për të blerë pajisje elektroshtëpiake, disa për t’i izoluar shtëpitë e për t’i ndërruar dyert e dritaret, e disa për të instaluar sisteme diellore për ngrohej të ujit… Dimri që kemi përpara do të jetë më i ngrohtë, përditshmëria e tyre është më e lehtë dhe më e rehatshme e të njëjtën kohë faturat e tyre të energjisë elektrike janë më të ulëta mesatarisht për 19 për qind. Një gjë të tillë po synojmë ta ofrojmë edhe për afro 5 mijë familje të tjera nëpërmjet kësaj thirrje që po e hapim sot”, tha ai.

Ministrja e Ekonomisë, Artane Rizvanolli, tha se për këto tri vjet mandat janë bërë shumëfish më shumë investime në efiçiencë të energjisë.

“Vetëm për këto tri vite e gjysmë të mandatit tonë janë bërë shumë fish më shumë investime në efiçiencë të energjisë janë bërë historikisht në Kosovë ndonjëherë. Vetëm gjatë këtij mandati janë zbatuar masat e efiçiencësisncës në 112 ndërtesa publike, janë përkrahur 35 mijë familje për pajisje elektroshtëpiake dhe pajisje ngrohëse deri me tani. Masa këto që synojmë t’i vazhdojmë edhe në të ardhmen… Konsumi mesatar për familje është duke u ulur vit pas viti si rezultat i këtyre ndërhyrjeve të tjera në sektorin e energjisë”, tha ajo.

Aplikimi për subvencionim bëhet përmes platformës e-Kosova. Afati i fundit për aplikim është deri me datën 11 tetor 2024.

Kuvendi i Kosovës mban sot seancë plenare.

Në rend dite janë 29 pika, përfshirë votimi i Projektligjit për shëndetin riprodhues dhe fertilizim të asistuar mjekësor.

Siç thuhet në njoftim, seanca fillon nga ora 10:00.

Rendi i ditës

1. Miratimi i procesverbaleve nga seancat e mëparshme,
2. Deklarimet jashtë rendit të ditës,
3. Pyetjet parlamentare,
4. Zgjedhja e një (1) anëtari të Bordit të Radiotelevizionit të Kosovës, nga radha e komunitetit shqiptar,
5. Emërimi i shtatë (7) anëtarëve të Këshillit të Kosovës për Trashëgimi Kulturore,
6. Votimi i Projektligjit nr.08/L-309 për ratifikimin e Marrëveshjes së financimit, për programin e parë për “Financimin e politikave zhvillimore për efektivitetin fiskal, konkurrueshmërinë dhe rritjen e gjelbër”, në mes të Republikës së Kosovës e përfaqësuar nga Ministria e Financave, Punës dhe Transfereve dhe Asociacionit Ndërkombëtar për Zhvillim,
7. Shqyrtimi i Projektligjit nr.08/L-313 për ratifikimin e amendamentimit të Marrëveshjes për anëtarësimin e Republikës së Kosovës në Fondin Monetar Ndërkombëtar dhe organizatat e grupit të Bankës Botërore,
8. Shqyrtimi i Projektligjit nr.08/L-314 për ratifikimin e Marrëveshjes së kredisë mes të Republikës së Kosovës dhe Bankës Evropiane për Investime për Projektin Energjia diellore fotovoltaike në KEK – Porta Globale,
9. Votimi në lexim të dytë i Projektligjit nr.08/L-212 për shëndetin riprodhues dhe fertilizim të asistuar mjekësor,
10. Votimi në lexim të dytë i Projektligjit nr.08/L-294 për ndryshimin dhe plotësimin e Ligjit nr.08/L-197 për Zyrtarët Publikë,
11. Shqyrtimi i dytë i Projektligjit nr.08/L-287 për Këshillin e Sigurisë të Republikës së Kosovës,
12. Shqyrtimi i dytë i Projektligjit nr.08/L-275 për rrugët,
13. Shqyrtimi i dytë i Projektligjit nr.08/L-290 për ndryshimin dhe plotësimin e Ligjit nr.08/L-013 për të drejtat pronësore të shtetasve të huaj në Republikën e Kosovës,
14. Votimi në parim i Projektligjit nr.08/L-266 për gjendjen civile,
15. Votimi në parim i Projektligjit nr.08/L-300 për provimin e maturës shtetërore,
16. Shqyrtimi i parë i Projektligjit nr.08/L-306 për ndryshimin dhe plotësimin e Ligjit nr.05/L-132 për automjete,
17. Shqyrtimi i parë i Projektligjit nr.08/L-311 për menaxhimin e resurseve ujore,
18. Shqyrtimi i Projektkodit të sjelljes për deputetët e Kuvendit të Republikës së Kosovës,
19. Shqyrtimi i Programit Kombëtar për Integrim Evropian 2024-2028,
20. Votimi i Projekt-rezolutës për adresimin e gjetjeve të Raportit të Departamentit Amerikan të Shtetit-DASH,
21. Shqyrtimi i Projekt-Deklaratës për raportet e Republikës së Kosovës me Shtetet e Bashkuara të Amerikës,
22. Shqyrtimi i Projekt-rezolutës për adresimin e çështjes së emigrimit të qytetarëve nga Republika e Kosovës,
23. Shqyrtimi Projekt-Rezolutës për tërheqjen e tri (3) projektligjeve nga shqyrtimi në Kuvend,
24. Shqyrtimi i Projekt-Rezolutës për arratisjen e personave të dënuar – degradimi i institucioneve të sigurisë,
25. Shqyrtimi i Raportit me rekomandime për mbikëqyrjen e zbatimit të Ligjit nr.05/L-090 për sponsorizime në fushën e kulturës, rinisë dhe sportit, i ndryshuar dhe plotësuar me Ligjin nr.06/L-116,
26. Shqyrtimi i Propozim-rezolutës për vlerësimin e punës së Agjencisë për Informim dhe Privatësi për vitin 2022,
27. Shqyrtimi i Raportit të Performancës së ndërmarrjeve publike për vitin 2022,
28. Raportimi i Qeverisë së Republikës së Kosovës për progresin mbi zbatimin e Objektivave të Zhvillimit të Qëndrueshëm dhe reflektimin e Agjendës Transformuese të Kosovës në buxhet dhe politika qeveritare,
29. Themelimi i Komisionit Ad-Hoc për përzgjedhjen e kandidatëve për dy (2) anëtarë të Bordit të Radiotelevizionit të Kosovës, prej tyre, një nga komuniteti shqiptar dhe një nga komuniteti serb.

Vendi: Kuvendi Kosovës
Koha: 10:00

Prokuroria Speciale e Kosovës njoftoi se ka ngritur aktakuzë ndaj 45 personave, përfshirë Millan Radoiçiqin, për sulmin e armatosur në Banjskë.

Në një konferencë për media të thirrur nga PSRK-ja, të mërkurën, u bë e ditur se të përfshirët, kanë pasur role të ndryshme brenda grupit të tyre kriminal – “duke filluar nga organizimi dhe drejtimi i aktiviteteve terroriste deri te financimi dhe shpëlarja e parave”.

“Prokuroria Speciale ka punuar intensivisht duke zhvilluar hetime disa mujore dhe pas përfundimit të hetimeve, pra, pas grumbullimit të të gjitha provave dhe analizimit të secilës prej tyre, duke u mbështetur në dyshimet e mirëbazuar sot kemi ngritur aktakuzë në Gjykatën Themelore në Prishtinë – Departamenti Special kundër 45 të pandehurve të përfshirë në këtë rast. Për 45 të pandehurit ekziston dyshimi i bazuar mirë se kanë kryer veprat që ndërlidhën me terrorizmin”, tha mes tjerash kryeprokurori i Prokurorisë Speciale të Republikës së Kosovës, Blerim Isufaj.

Më 24 shtator të vitit të kaluar, në këtë fshat të Zveçanit, grupe të armatosura serbësh sulmuan policinë e Kosovës, duke vrarë rreshterin Afrim Bunjaku.

Në përleshjet e armatosura që pasuan, u vranë edhe tre sulmues serbë.

Qeveria e Kosovës ka miratuar Projektligjin e ndryshuar për byronë shtetërore për verifikimin dhe konfiskimin e pasurisë së pajustifikueshme dhe Programin Kombëtar për Mbrojtjen Gjithëpërfshirëse.

Kryeministri Albin Kurti në mbledhjen e qeverisë të mërkurën, tha se projektligji për byronë është ndër më të rëndësishmit të ekzekutivit, derisa shtoi se pavarësisht tendencave për zvarritjen e jetësimit të këtij ligji i njëjti do bëhet si parandalim që kurrë më të mos keqpërdoret buxheti i shtetit dhe pozita zyrtare

“Pavarësisht tendencave për zvarritjen e jetësimit të këtij ligji të rëndësishëm, byroja do të bëhet. Jetësimi i konceptit civil si zotim i yni përveç se do ta ruajë pasurinë publike dhe do t’ia kthejë shtetit atë që është përfituar jashtëligjshëm, byroja do të shërbejë si parandalim që kurrë më të mos keqpërdoret buxheti i shtetit dhe pozita zyrtare”, tha ai.

E ndryshimet e projektligjit i paraqiti ministrja e Drejtësisë, Albulena Haxhiu. Ajo tha se në Projektligjin e ri për byronë janë adresuar vetëm katër nenet që janë rrëzuar nga Gjykata Kushtetuese.

“Pas aktgjykimit të Gjykatës ne nuk kemi draftuar një projektligj të ri, pasi s’ka pas nevojë për këtë. Ne kemi adresuar vetëm katër çështje që i përmend edhe veti kryeministri që janë vlerësuar në kundërshtim me kushtetutën. Së pari adresimi i retroaktivitetit të ligjit, ndryshimi i ri ka përfshirë konceptin e pamundësisë objektivave si një element kyç procedural që ofron një mekanizëm mbrojtës për ata që nuk mund të ofrojnë prova për shkak të kalimit të kohës apo faktorëve të tjerë objektiv. Kjo qasje e re ndihmon në garantimin e një procesi më të drejtë dhe më të qartë për të gjitha palët e përfshira në procedurë të konfiskimit. Qartësia e periudhave kohore për verifikimin e pasurisë. Gjykata kushtetuese ka theksuar nevojën për qartësi dhe para shikueshmëri për periudhat kohore që Byroja mund të mund të verifikojë pasurinë e fituar. Ndryshimet e reja sigurojnë se përudha e verifikimit të pasurisë të lidhet me periudhën kur zyrtari publik ka qenë në funksion, duke lejuar përjashtimisht zgjatjen e verifikimit për pesë vite pas përfundimit të ushtrimit të funksionit publik nëse vlerësohet se pasuria është më e lartë sesa të ardhurat e ligjshme”, tha ajo.

Në anën tjetër, kreu qeveritar duke folur për nevojën e miratimit të Programit Kombëtar për Mbrojtjen Gjithëpërfshirës, tha se i njëjti synon të ndërtojë qëndrueshmëri kombëtare në mënyrë që shoqëria të përgatitet të rezistojë, reagojë e të rimëkëmbet në raste të fatkeqësive natyrore a sulmeve të armatosura.

“Bazuar në programin tonë qeverisës, ndryshimeve në ambientin strategjik të sigurisë dhe me qëllim të forcimit të sistemit të mbrojtjes së Republikës së Kosovës, Ministria e Mbrojtjes ka hartuar programin kombëtar për mbrojtjen gjithëpërfshirëse. Mbrojtja e sovranitetit dhe integritetit territorial nga kërcënimet e jashtme dhe të brendshme konvencionale dhe jokonvencionale dhe ruajtja e jetës dhe pasurisë së qytetarëve në raste të fatkeqësisë natyrore janë interesa jetike të Republikës së Kosovës. Programi është hartuar duke marrë për bazë sisteme të ngjashme që aplikohen në vende të ndryshme të NATO-s. Ky program synon të ndërtojë qëndrueshmëri kombëtare në vendin tonë në mënyrë që shoqëria jonë të përgatitet të rezistojë, reagojë e të rimëkëmbët në raste të fatkeqësive natyrore a sulmeve të armatosura. Sistemi ka në thelb mbështetjen që qytetarët ia japin në baza vullnetare ushtrisë sonë, FSK-së, por edhe të kombinuar me strukturat tjera shtetërore”, tha kreu qeveritar.

Ndërkaq, ministri i Mbrojtjes, Ejup Maqedonci, ka thënë se programi nuk ndërhyn në zhvillimin e FSK-së, por mundëson që qytetarët vullnetarisht të kenë rolin e tyre në sistemin e mbrojtjes dhe sigurisë

Sipas tij, ky program është mbështetur në shtatë shtylla: Funksionimin shtetëror në raste krizash, organizimin shtetëror për mbrojtjen e vendit, mbajtjen e funksioneve vitale dhe shërbimeve esenciale të shtetit, qëndrueshmërinë shtetërore, qëndrueshmërinë e furnizimeve shtetërore, mbrojtjen e hapësirës së informacionit dhe edukimin e të rinjve dhe të rejave.

“Ky sistem nuk ndërhynë në zhvillimin e Forcës së Sigurisë së Kosovës bazuar në planin gjithëpërfshirës të tranzicionit, por njëkohësisht mundëson që qytetarët vullnetarisht të ketë rolin e tyre në sistemin tonë të mbrojtjes dhe sigurisë. Përderisa FSK-në po e zhvillojmë dhe ndërtojmë në përputhje me planin gjithëpërfshirës të tranzicionit, në programin e mbrojtjes gjithëpërfshirëse po vendosim bazën për përgatitjen dhe edukimin e qytetarëve dhe institucioneve për rolin e tyre në sistemin mbrojtës, për mbrojtjen e hapësirës së informacionit dhe dezinformatave dashakeqe, për të siguruar vijimësimin e funksionimit të furnizimeve dhe shërbimeve esenciale në situata krize dhe për të punuar në funksionalizimin e strehimoreve kolektive dhe aktivitete të tjera”, ka thënë Maqedonci.

Qeveria e Kosovës po ashtu e emëroi drejtor të Agjencisë së Ushqimit dhe Veterinës (AUV) Bekim Hoxhën.

Krahas këtyre, Qeveria miratoi edhe koncept-dokumentin për ndihmë juridike falas dhe Projektligjin për kontabiliteti, raportim financiar dhe auditim./KP/

Kryeministri i Kosovës, Albin Kurti ka thënë se vizitat në veriun e vendit nuk janë kundër askujt. Madje, ai i ka cilësuar të domosdoshme për të kuptuar nevojat e qytetarëve atje, raporton Ekonomia Online.

Në mbledhjen e qeverisë, ai shtoi se në veri të vendit po bëhen investime që siç tha ai, nuk janë bërë në dy dekada.

“Dje bashkë me Xhelal Sveçlën dhe Elbert Krasniqin ishim në një vizitë në komunën e Leposaviqit, përkatësisht në fshatrat Bistricë, Cërajë dhe Leshak dhe më pas në komunën e Mitrovicës së Veriut. Vizitat tonë të zyrtarëve shtetërorë në këto komuna nuk janë kundër askujt, ato janë të domosdoshme për të kuptuar nevojat që këto komuna i kanë pasi ta kemi lënë anash çfarëdo paragjykimi për të cilin qeveria jonë angazhohet që nga dita e parë e saj. Pikërisht për t’i flakur paragjykimet e ndërsjella, dhe për të kuptuar sesa anash janë lënë qytetarët atje, ne po i bëjmë këto vizita të cilat janë vizita pune. Atje po bëhen investime që nuk janë bërë në dy dekada, po shtohen shërbime që u kanë munguar qytetarëve”, u shpreh shefi i qeverisë.

Presidentja e Kosovës, Vjosa Osmani, në 23-vjetorin e sulmeve tragjike të 11 shtatorit, tha se tmerri dhe humbja e pakuptimtë e afër 3000 jetëve kujtojnë brishtësinë e paqes dhe dhimbjen e thellë, të cilën e ka shkaktuar ky akt terrorist.

Në një postim në Facebook, e para e vendit tutje tha se në këtë ditë, Kosova qëndron përkrah popullit amerikan, në mbrojtje të paqes, drejtësisë dhe një të ardhmeje më të mirë.

“11 Shtatori – ditë dhimbjeje, kujtese dhe solidariteti të palëkundur. Sot shënohet 23-vjetori i sulmeve tragjike të 11 shtatorit 2001, ditë, e cila ndryshoi përgjithmonë rrjedhën e historisë dhe la gjurmë të pashlyeshme në zemrat e familjeve të viktimave dhe gjithë botës demokratike”.

“Tmerri dhe humbja e pakuptimtë e afër 3000 jetëve na kujtojnë brishtësinë e paqes dhe dhimbjen e thellë, të cilën e ka shkaktuar ky akt terrorist. Imazhet, pikëllimi dhe ankthi mbeten të gdhendura në kujtesën tonë kolektive”.

“Në këtë ditë ne gjejmë forcën në unitet, duke qëndruar përkrah popullit amerikan, si gjithmonë, në mbrojtje të paqes, drejtësisë dhe një të ardhmeje më të mirë”, ka shkruar presidentja.

LEXONI EDHE:

23-vjetori i sulmeve të 11 shtatorit, ngjarjes që ndryshoi botën

Kanë kaluar saktësisht 23 vjet nga sulmet terroriste të 11 shtatorit 2001, kur terroristët rrëmbyen aeroplanë të shumtë, duke i përplasur ata në Qendrën Tregtare Botërore në Nju Jork, ndërsa të tjerët u përplasën me Pentagonin në Uashington.

Sulmet rezultuan në shkatërrimin e Kullave Binjake, dëmtim të Pentagonit dhe vrasjen e afro 3,000 njerëzve.

Kjo ngjarje mbetet edhe sot e kësaj dite akti më vdekjeprurës i terrorizmit në historinë njerëzore, si dhe rrëzimi më vdekjeprurës i avionit të të gjitha kohërave.

Sulmet u kryen nga organizata terroriste Al-Kaeda dhe rezultuan në shembullin e parë dhe deri më tani të vetëm të thirrjes së nenit 5 të Traktatit të Atlantikut të Veriut. Rrjedhimisht, sulmet shkaktuan pushtimin e SHBA-ve të aleatëve të NATO-s në Afganistan dhe Irak dhe filluan luftën globale kundër terrorit.

Më 11 shtator 2011, 19 terroristë të Al-Kaedës rrëmbyen katër aeroplanë: American Airlines Flight 11, United Airlines Flight 175, American Airlines Flight 77 dhe United Airlines Flight 93.

Dy avionët e parë, të cilët u ngritën nga aeroporti Logan i Bostonit dhe ishin rrugës për në Los Anxhelos, u përplasën me Kullat Binjake.

Fluturimi 77, i cili u ngrit nga aeroporti Dulles në Uashington DC dhe po ashtu ishte rrugës për në Los Anxhelos, u rrëzua në Pentagon.

Pasagjerët në aeroplanin e katërt, Fluturimi 93 nga Aeroporti i Newark, e kuptuan se ishte një sulm terrorist. Pasagjerët luftuan kundër rrëmbyesve dhe përfundimisht arritën ta përplasnin atë në një fushë në Pensilvani përpara se të arrinte objektivin e tij, i cili mbetet i panjohur deri më sot.

Motivimi i grupit terrorist për sulmin ishte i rrënjosur në një mori faktorësh të ndryshëm, duke përfshirë mbështetjen e SHBA për Izraelin dhe Indinë, praninë e trupave amerikane në Arabinë Saudite, mbështetjen e Rusisë për Çeçeninë dhe më shumë.

Shumë nga këto motive u theksuan më tej në “Letra drejtuar Amerikës” të nëntorit 2002, shkruar nga lideri i atëhershëm i Al-Kaedës, Osama bin Laden, i cili shpalli një xhihad kundër SHBA-së në vitet 1990.

Dihet, megjithatë, se presidenti amerikan Xhorxh W. Bush pretendoi se Al-Kaeda e nisi sulmin sepse “ata na urrejnë për liritë tona”.

Shumë ia atribuuan gjithashtu simbolikën dhe motivimin fetar pas sulmit.

Efekti i menjëhershëm i sulmeve të 11 shtatorit çoi në një rritje drastike të popullaritetit të Bushit dhe kryetarit të atëhershëm të Nju Jorkut, Rudy Giuliani.

SHBA ka bërë ndryshime të mëdha për të kaluar drejt një paradigme të re të luftës, duke ndërmarrë përpjekje të gjera mbikëqyrjeje në një përpjekje për të përmirësuar luftën kundër terrorizmit. Shembuj të kësaj përfshijnë Aktin e Sigurisë Kombëtare të vitit 2002 dhe Aktin Patriot.

Ajo çoi gjithashtu në fillimin e pushtimit 20-vjeçar të NATO-s në Afganistan, i motivuar pjesërisht nga dëshira për të kapur bin Ladenin – diçka që u arrit përfundimisht në 2011.

Megjithatë, një nga pasojat më të qëndrueshme të sulmeve të 11 shtatorit është përqendrimi i papritur në luftën kundër ideologjisë islamike dhe organizatave terroriste.

Problemi i grupeve kryengritëse islamike dhe terrorizmit të motivuar ideologjikisht ka fituar një qendër të vëmendjes globale, tani e dominuar nga vende në mbarë botën që më parë kishin pak ose aspak përfshirje dhe vende që tashmë kanë luftuar me të, si Indonezia dhe Filipinet, tani po rritin të tyren. përpjekjet për zgjidhjen e problemit.

Por sulmet e 11 shtatorit i paraprinë gjithashtu një valë racizmi dhe intolerance kundër muslimanëve në Perëndim, me akuzat për islamofobinë që u ngritën në qiell që atëherë.

Në një artikull të revistës Pew të vitit 2021, studiuesi Besheer Mohamed vuri në dukje se amerikanët kanë më shumë gjasa të thonë se myslimanët përballen me diskriminim sesa grupet e tjera si hebrenjtë ose të krishterët ungjillorë.

Ndërsa 78 përqind e të rriturve amerikanë në kampion thanë se myslimanët përballen ose me diskriminim “të plotë” ose “disa” në SHBA, 68 për qind thanë të njëjtën gjë për hebrenjtë dhe 44 për qind për të krishterët ungjillorë.

Ata që ishin demokratë ose me prirje demokratike kishin më shumë gjasa të thoshin se hebrenjtë dhe myslimanët përballen me diskriminim sesa ata që ishin republikanë ose me prirje republikane, por edhe në kategorinë e fundit, një shumicë e qartë u pajtua se myslimanët përballen me diskriminim.

Bazuar në të dhënat e vitit 2010, një raport i Gallup nga fillimi i këtij viti zbuloi se gjashtë në dhjetë myslimanë amerikanë pajtohen se, në përgjithësi, shumica e amerikanëve janë të paragjykuar ndaj amerikanëve myslimanë.

Debati i parë – dhe potencialisht, i vetmi – presidencial mes Donald Trump dhe Kamala Harris ka përfunduar. Ishin 90 minuta plot aksion – ja çfarë duhet të dini.

Dy kandidatët shtrënguan duart ndërsa filluan debatet, me Kamala Harris që kaloi në skenë dhe u prezantua me Trump (kjo është hera e parë që ata takohen).

Debati filloi me fokus në politikë, por mori një kthesë kur Harris bëri një vërejtje të mprehtë për mitingjet e Trump, duke thënë se njerëzit u larguan herët nga mërzia dhe rraskapitja. Trump filloi një mbrojtje të gjerë të pjesëmarrjes së tij në tubim. Momenti ndryshoi tonin e debatit; të dy kandidatët, por veçanërisht Trump, ishin më të ndezur pas kësaj.

Trump sulmoi Harris-in për emigracionin dhe kufirin. Ai gjithashtu vuri në pikëpyetje pse ajo nuk kishte arritur më shumë synime politike si pjesë e administratës së Biden.

Harris fajësoi ish-presidentin për abortin e shumë diskutuar në Amerikë si dhe e kritikoi për sulmin e 6 janarit 2021 në Kapitolin e SHBA dhe tha se Trump ishte “i dobët dhe i gabuar për sigurinë kombëtare dhe politikën e jashtme“.

Menjëherë pas përfundimit të debatit, superylli i popit Taylor Swift mbështeti Kamala Harris në një postim në Instagram, duke shkruar se ajo e shihte Harrisin si një “udhëheqëse të qëndrueshme, të talentuar”.

Ambasadori i Italisë në Kosovë, Antonello De Riu, ka vizituar kampin “Villaggio Italia” në Pejë për të nderuar Regjimentin 62 të Këmbësorisë së Motorizuar “Sicilia”, pjesë e Brigadës së Mekanizuar “Aosta”, të stacionuar në Kosovë që nga korriku i kaluar.

De Riu theksoi përkushtimin e jashtëzakonshëm të Italisë ndaj misionit të KFOR-it, i cili tha se është forcuar më tej për të shtuar prezencën edhe më shumë në komunat veriore, por edhe në mbrojtjen e urës kryesore në Mitrovicë, asaj të Ibrit.

“Ky dislokim i fundit e sjell kontributin e përgjithshëm italian për KFOR-in dhe stabilitetin e Kosovës në 1065 persona, duke e bërë Italinë kontingjentin më të madh kombëtar në misionin e NATO-s”, theksoi ambasadori.

Diplomati italian në Kosovë e përgëzoi kolonelin Rocco Mundo, komandant i KFOR-it RC-WEST, për profesionalizmin e tij, bashkë me aftësinë e tij për të frymëzuar entuziazëm dhe motivim midis trupave të tij.

Zëvendëspresidentja e Shteteve të Bashkuara të Amerikës, Kamala Harris, dhe ish-presidenti Donald Trump, do të jenë përballë njëri-tjetrit.

Ata do ta zhvillojnë sot debatin e parë presidencial në Filadelfia.

Analistët thonë se kjo përballje e vështirë, e vendos ish prokuroren Harris përball një debatuesi të sprovuar, ish Presidentin Trump.

Siç njofton korrespondentja e Zërit të Amerikës Anita Powell, debati mund të jetë vendimtar për garën zgjedhore për president.

Në këndin republikan gjendet ish-presidenti Donald Trump, duke u përpjekur të rimarrë detyrën pas një pauze katërvjeçare.

Në anën tjetër, Nënpresidentja Kamala Harris, kandidatja demokrate që ka rritur entusiazmin ndërsa amerikanët pyesin nëse ajo do t’ia dalë të fitojë Shtëpinë e Bardhë.

Fushata dhe fjalori i përdorur deri më tani ka krijuar përshtypjen se debati presidencial i së martës do të jetë si nje ndeshje e fortë boksi.

Në debatin e fundit ish Presidenti Trump doli triumfues. Disa javë pas paraqitjes së dobët në atë debat, Presidenti Joe Biden njoftoi tërheqjen nga gara për tu rizgjedhur. Tani, ish Presidenti do të përballet me kandidaten e re demokrate Harris e cila ka vetëm disa javë që kandidon, shkruan Zëri i Amerikës.

Por, analistët thonë se në këtë garë të ngushtë, ku të dy do të konkurrojnë për mbështetje nga një elektorat thellësisht i ndarë, debati mund të jetë vendimtar.