Tag: Ballina

Në Dhomat e Specializuara të Kosovës në Hagë sot do të vazhdojë procesi gjyqësor ndaj ish-krerëve të Ushtrisë Çlirimtare të Kosovës  Hashim Thaçit, Kadri Veselit, Rexhep Selimit dhe Jakup Krasniqit.

Në Hagë, sot, do të vazhdojë dëshminë dëshmitari i radhës i Zyrës së Prokurorit të Specializuar.

Dëshmitari i fundit të hënën, ishte ai me kodin W0295, i 99-ti më radhë. Ky dëshmitar është duke dëshmuar me masa mbrojtëse dhe në seancë private për publikun, e që pyetjet i kanë filluar përfaqësuesit e Zyrës së Prokurorit të Specializuar.

Dje ka përfunduar dëshminë, Ish-pjesëtari i UÇK-së, Fatmir Sopi, i cili tha se në zonën ku ka vepruar ai, nuk ka pasur përçarje politike përpos misionit për luftën çlirimtare. Këtë deklarim, ai e bëri kur u pyet nga avokatja Krasniqit, se a ka pas ndonjë politikë UÇK-ja që ata që ishin në LDK, konsideroheshin kolaboracionistë. “Në zonën ku kam vepruar unë, nuk ka pas asnjë përçarje politike”, tha ia.

Sipas kalendarit të Dhomave të Specializuara, gjykimi “Thaçi dhe të tjerët”, këtë javë pritet të mbahen katër seanca gjyqësore, raporton RTK.

Të kujtojmë se në Dhomat e Specializuara të Kosovës (DhSK) në Hagë, të enjten u bë e ditur se është marrë vendim që më 14 nëntor 2024 të fillojë gjykimi në rastin ndaj Sabit Januzit, Ismet Bahtijarit dhe Haxhi Shalës.

Ndryshe, rasti gjyqësor ‘Hashim Thaçi dhe të tjerët’, filloi më 3 prill 2023 me deklaratat hyrëse të Prokurorit të Specializuar dhe të përfaqësuesit të viktimave, ndjekur nga ekipet e mbrojtjes më 4 dhe 5 prill 2023.

Kujtojmë se Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.

Përgatiti: Nora Luta

Halit Gashi u largua nga Gjykata e Prishtinës pa e përfunduar dëshminë edhe këtë të hënë.

Gashi nga marsi ka filluar rrëfimin e tij për ngjarjen në Ozdrim të Pejës, gjatë luftës, ku për përfshirje në vrasjen e 14 civilëve Prokuroria Speciale e bën përgjegjës Millorad Gjokoviqin.

Por, Gashi nuk i beson ankesës së Gjokoviqit, rreth disa dokumenteve, që u bënë shkas që edhe kjo seancë të ndërpritet.

Prokuroria Speciale pretendon se mbrojtja po e përdor këtë strategji për prolongim të këtij procesi.

Paraprakisht i akuzuari në fillim të seancës tha se nuk dëshiron të marrë pjesë në këtë gjykim, pasi nuk i ka pranuar shkresat, të cilat pretendon se do t’i shërbenin të përgatitej për t’i parashtruar pyetje dëshmitarit.

Gjuha e Gjokoviqit, i cili nuk dëgjonte sqarimin e gjykatës, nisi të ashpërsohej jo vetëm ndaj gjykatës, por edhe ndaj prokurorit.

Gjykata, pasi tha se nga Shërbimi Korrektues konfirmuan se ia kanë dorëzuar shkresat, i shqiptoi vërejtjen e fundit Gjokoviqit për pengim të procesit gjyqësor dhe përdorim të gjuhës së papërshtatshme.

Ndërkohë, mbrojtja nuk u pajtua me vendimin e gjykatës, së cilës i kërkoi që t’i shqiptojë vërejtje edhe Prokurorisë.

Por, në fund gjykata vendosi që ta shtyjë seancën për këtë të premte, dhe brenda kësaj periudhe do të marrë në formë të shkruar verifikimin nëse Gjokoviq i ka pranuar të gjitha dokumentet.

Përgatiti: Driton Sadiku

Kryeministri Albin Kurti e kryekuvendari Glauk Konjufca, kanë dallime sa i përket planit franko-gjerman për normalizimin e marrëdhënieve Kosovë – Serbi. Kryetari i Kuvendit Glauk Konjufca tha se varianti “merre ose leje” i bie heqje dorë nga shtetësia e Kosovës.

“Unë mendoj që gjithkush që mendon që drafti që i është dorëzuar… nëse mendon ndokush që ky është një dokument përfundimtar, i cili për Kosovën është “merre ose leje”, i bie që Kosovës i është marrë një ingerencë shumë shtetërore, që e ka të garantuar edhe me procesin e dialogut edhe madje me Kushtetutë”, tha Konjufca.

Por ndryshe deklaronte shefi i Qeverisë vitin e kaluar, teksa shpjegonte para deputetëve se plani i ishte ofruar “merre ose leje”.

“Ata gjithashtu ma bënë të qartë se çfarëdo refuzimi i propozimit do të shoqërohet me hapa kundërshtues e ndëshkues diplomatik për Kosovën”, ka thënë kryeministri i Kosovës, Albin Kurti.

Dallimet mes krerëve të shtetit në çështje madhore, sipas analistit Belgzim Kamberi, kanë qenë të shpeshta, megjithatë për këtë të fundit thotë se mund t’i ngjajë një fushate parazgjedhore, tash kah fundi i mandatit.

Kryekuvendari Konjufca kritikoi BE-në duke thënë se ka qasje diskriminuese për Kosovën.

Ndër të tjera, Konjufca foli edhe për asociacionin, për të cilin tha se Kosova mund të jetë vonuar, por nuk ka pasur afate kohore për këtë gjë.

Ai, gjithashtu, kritikoi Serbinë se marrëveshja e Ohrit për ta është vetëm asociacion dhe se nuk ka vullnet që t’i zbatojë pikat e tjera.

Dëshmitari Fatmir Sopi tha se në zonën ku ka vepruar ai, nuk ka pasur përçarje politike përpos misionit për luftën çlirimtare.

Këtë deklarim, Sopi e bëri kur u pyet nga avokatja e Jakup Krasniqit, Shyamala Alagendra se a ka pas ndonjë politikë UÇK-ja që ata që ishin në LDK, konsideroheshin kolaboracionistë, raporton “Betimi për Drejtësi”.

“Në zonën ku kam vepruar unë, nuk ka pas asnjë përçarje politike dhe nuk ka pas asnjë politikë përpos luftës çlirimtare dhe nuk ka pas asnjë mosmarrëveshje politike në mes të radhëve të Ushtrisë Çlirimtare të Kosovës. Të gjithë e kanë pas për parti dhe për politikë luftën e drejtë çlirimtare dhe çlirimin e vendin tonë”, tha dëshmitari.

Sopi tha se është e vërtetë që një pjesë e madhe e anëtarëve të UÇK-së ishin anëtarë të LDK-së në zonën ku ai vepronte.

Pyetje shtesë pati sërish prokurori e po ashtu edhe trupi gjykues i përfaqësuar nga gjyqtari Christoph Barthe.

Në pyetjet e gjyqtarit, dëshmitari tha se ende është kryetar i Organizatës së Veteranëve të Luftës për degën e Prishtinës.

Me kaq përfundoi dëshmia e këtij dëshmitari. Seanca kaloi në pushim për 30 minuta për t’u përgatitur për dëgjimin e dëshmisë së dëshmitarit të 99-të.

Krye i Kuvendit të Kosovës, Glauk Konjufca, ka komentuar presionin e ndërkombëtarëve për dërgimin në Kushtuese të draftit të Asociacionit të komunave me shumicë serbe.

Ai pas mbledhjes së Kryesisë së Kuvendit tha se Bashkimi Evropian nuk mund të marrë kompetencat e të vendosë për Kosovën. Madje sipas tij kjo qasje është diskriminuese dhe nuk është fer.

“Nuk mundet në vend të Kosovës ta marrë kompetencën Bashkimi Evropian. Kjo i bie që BE-ja e grabit një kompetencë të Kosovës. Sipas marrëveshjeve të deritashme, Kosova e ka këtë të drejtë për të paraqitur. BE-ja mundet të na thotë jeni vonuar dhe ne mund të themi se a ka pasur afat kohor të caktuar. Ndoshta ne mund të pranojmë kritikën e vonesën, por nuk do të thotë t’ia marrim kompetencës”.

“Me na imponuar se ky është dokument vetëm duhet të shkojë në Gjykatën Kushtetuese nuk është fer dhe është qasje shumë diskriminuese nga BE që Kosovën e trajton si jo shtet. Kosova duhet ta mbrojë të drejtën e vet deri në fund për t’u ulur me BE-në për ta sqaruar se kush e ka këtë kompetencë, unë mendoj që e ka Kosova. Vonesa nuk mund të na marrë kompetencën neve”.

“BE-ja e ka pasur qasjen merre ose leje, prej Kurit kjo qasje. Në te gjitha ligjet Kosovës i takon kjo e drejtë, mund ta na akuzojnë për zvarritje, por jo për ta marr kompetencën. Kjo praktikë i bie që merre ose leje dhe e quaj diskriminuese. Kryeministri ka pranuar shqyrtimin askund nuk e kam dëgjuar që kjo është 100 për qind e saktë dhe do të fillojmë të implementojmë. Ne do të insistojmë deri në fund për të drejtën e Kosovës”. /eo

Një ngjarje tragjike ndodhi mbrëmë në Prishtinë, ku si pasojë e mosmarrëveshjes që kanë pasur dy vëllëzër mes vete, njëri ka mbetur i vdekur.

Lajmin e ka konfimruar Polica e Kosovës.

“Sipas informacioneve fillestare që kemi, bëhet fjalë për një mosmarrëveshje mes dy personave, ku dyshohet se njëri ka goditur personin tjetër me një mjet të mprehtë. Ekipi shëndetësor ka konstatuar se viktima nuk ka shenja jete”.

“Policia është duke u marrë me rastin dhe hetimet janë duke u zhvilluar nga njësitet kompetente për të sqaruar motivin apo rrethanat e tjera që kanë çuar deri te ky rast i rëndë”, ka konfirmuar Policia.

Ndërsa personi që dyshohet se theri për vdekje vëllain në Prishtinë, është duke u trajtuar në Emergjencën e SHSKUK-së dhe ka gjendje stabile.

Këtë e ka bërë të ditur drejtori i Emergjencës, Naser Syla.

“Një i lënduar me armë të ftohtë, është duke u trajtuar në Qendrën Emregjetnte, për momenti janë duke u kry ekzaminimet e duhura, në gjendje stabile është”, tha Syla.

Në Dhomat e Specializuara të Kosovës në Hagë sot do të vazhdojë procesi gjyqësor ndaj ish-krerëve të Ushtrisë Çlirimtare të Kosovës Hashim Thaçit, Kadri Veselit, Rexhep Selimit dhe Jakup Krasniqit.

Në Hagë, sot, do të vazhdojë dëshminë dëshmitari i radhës i Zyrës së Prokurorit të Specializuar. Prokuroja Silvia D’Ascoli ka njoftuar për dëshmitarët që planifikohet që të japin dëshmi gjatë kësaj .jave.

Sipas saj dëshmitari i parë sot, do të jetë W04485 e si dhe do të jenë tre dëshmitar me video-lidhje. Pas këtyre pritet të jetë dëshmitari W04295 dhe dëshmitari W04759.

Dëshmitari i fundit, Nuredin Ibishi, të enjten më 24 tetot, u ballafaqua me deklaratat që i ka dhënë më herët për Prokurorinë, ai tha se asnjëherë nuk i kujtohet që ka thënë që Jakup Krasniqi ka qenë komandant. Ibishi tha se UÇK-ja nuk ka pasur komandant, prandaj si mund të thotë diçka që është inekzistente.

Sipas kalendarit të Dhomave të Specializuara, gjykimi “Thaçi dhe të tjerët”, këtë javë pritet të mbahen katër seanca gjyqësore, raporton RTKlive.

Të kujtojmë se në Dhomat e Specializuara të Kosovës (DhSK) në Hagë, të enjten u bë e ditur se është marrë vendim që më 14 nëntor 2024 të fillojë gjykimi në rastin ndaj Sabit Januzit, Ismet Bahtijarit dhe Haxhi Shalës.

Ndryshe, rasti gjyqësor ‘Hashim Thaçi dhe të tjerët’, filloi më 3 prill 2023 me deklaratat hyrëse të Prokurorit të Specializuar dhe të përfaqësuesit të viktimave, ndjekur nga ekipet e mbrojtjes më 4 dhe 5 prill 2023.

Kujtojmë se Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.

Dinari po vazhdon edhe më tej të qarkullojë lirshëm në komunat me shumicë serbe në Kosovë.

Ndonëse përdorimi i kësaj valute është i kundërligjshëm, në veri të vendit pagesat po kryhen edhe me dinarë. Kjo po ndodh, pavarësisht faktit se Banka Qendrore e Kosovës në muajin maj e kishte përmbyllur periudhën tremujore transitore për zbatim të lehtësuar të rregullores për operacione me para të gatshme.

Kundërligjshëm dinari po vazhdon të qarkullojë në komunat në veri të vendit.

Për t’u siguruar se pagesat po kryhen në dinar, RTK ka provuar në disa dyqane në veri të vendit që të kryej pagesa me këtë valutë. Shitësit nuk kanë hezituar që të pranojnë dinar e as që kthimin e parave ta bëjnë në këtë valutë.

“Unë dinarin më së shumti e përdori edhe pse pensionin e Kosovës e marrë në euro, tani na kanë rritur pak, 120 euro”, tha në qytetar.

Disa banorë të tjerë hezituan të flisnin. Ndërsa, pati edhe prej atyre që u ankuan se po detyrohen që të shkojnë në Rashkë për t’i marrë pensionet.

Përveç komunave veriore, dinari po qarkullon lirshëm edhe në Graçanicë.

Përgatiti: Pranvera Krasniqi

Lagjja “Xhemajl Kada” u ndërtua nga vitet e 90-ta.

Kështu, kjo pjesë periferike e Pejës, tash numëron mbi 60 shtëpi.

Por, familjet brenda 35 prej tyre nuk po e dinë se a do ta presin dimrin në shtëpitë e tyre, meqë u është dhënë një urdhër t’i lëshojnë pronat.

Lavdim Muriqi, pronar i njërës nga to, thotë se ky lajm u erdhi nga një person i panjohur, me arsyetimin se shtëpitë janë ndërtuar në tokën e tij.

“Ka ardhë s’po donë me u marr vesh, po kërkon veç me lirua, bile ka thënë me ja pagu aq sa kemi qëndruar deri tash…”, tha Muriqi.

Atëkohë, sa u ndërtuan shtëpitë, pronarët e tyre nuk e dinin se pronë e kujt është parcela. Ata thonë se themelin e tyre e nisën me mendimin se toka është e komunës, dhe se dikur do të kompensoheshin me ta. Por, sipas përfaqësuesit të lagjes, pavarësisht kësaj, një muaj kohë, sa i ‘u dha pronarëve t’i lëshojnë pronat, është e papranueshme.

“E dimë që s’është në rregull as ashtu me i ndërtua po ne kemi mëndu që kemi me u marr vesh me komunë, se pas lufte dihet qysh kanë shkuar senet”, tha Mirsad Koliqi, kryetar i lagjes “Xhemajl Kada”.

Banorët janë në gjendje të bëjnë kompensim financiar, nëse edhe dokumentacionet e parcelës mbajnë emrin e dikujt tjetër.

“Po kërkojmë me ardhë e me klasifikua, jemi në gjendje me u përgjigj financiarisht, me e shti shtëpinë në hipotekë, nëse nuk i përgjigjem atëherë, le të ma marrin shtëpinë edhe atëherë nuk ankohem më askund hiç”, tha Ejup Shala, banor.

Tash, halli i tyre është se ku do të qëndrojnë, pasi t’i lëshojnë shtëpitë.

“Janë mbi 200 anëtarë shtëpie tash dimër ku donë me qëndru pse nuk e llogarisin këtë situatë…”, tha Koliqi.

Andaj, për t’u dalë në ndihmë, banorët trokitën dyert e zyrtarëve komunal.

“Kam qenë n ’komunë nuk na ka shikuar askush hiç”, tha Lavdim Muriqi, banor.

Nga komuna e Pejës i thanë televizionit se kjo çështje është duke u shqyrtuar në Gjykatën Themelore në Pejë, dhe deri të përfundojë procesi, nuk mund të bëjnë asnjë hap tutje.

Ndërkaq, nga Gjykata Themelore e Pejës, nuk kanë treguar se deri në cilën fazë ka shkuar lënda.

Përgatiti: Arton Hamiti

Në këtë hapësirë në fshatin Polac të Skenderajt, që dikur ishte oborr i shkollës, deri më tani janë të vendosura vetëm këto konstrukte nga betoni.

Këtu para dy vjetëve nisi ndërtimi i fabrikës së drurit, mirëpo ajo është larg përfundimit.

Sipas ish-nënkryetarit Nuredin Lashtaku, toka iu dha në shfrytëzim grupeve të interesit, andaj edhe punimet kanë ngecur.

“E kanë dhënë pronën me 0% interes të Komunës për 99 vjet. Tash e dy vjet vetëm do betona i kanë vendosë e fabrika nuk është askund. Kështu i përvetësojnë pronat për vete edhe për njerëz të interesit të ngushtë”, tha Lashtaku.

Kryetari i Skenderajt e pranoi se ka zvarritje në punimet për ndërtimin e fabrikës që përveç përpunimit të drurit, ishte paraparë të prodhonte edhe parafabrikate të betonit.

“Ka pak vonesa, ne kemi komunikuar edhe me kompaninë dhe na është thënë se është në pritje të makinerive dhe sapo të jenë gati do të fillojnë me punime”, tha kryetari i Skenderajt, Fadil Nura.

Se është në pritje të makinerive, kompania “TehnoBurimi” i kishte thënë ATV-së qysh para 9 muajve. Ndërkohë, televizioni i drejtoi pyetje përsëri kompanisë të cilës iu dha toka në shfrytëzim, por nuk pati përgjigje.

Sidoqoftë, kryetari Fadil Nura siguroi se nëse brenda një afati të arsyeshëm punimet nuk nisin, toka do t’i rikthehet përsëri komunës.

“Nëse nuk përfundon brenda një viti punë dinamike, atëherë do ta shfuqizoj vendimin”, tha Nura.

Investimet sipas zyrtarëve komunalë do të kapin vlerën e 4 milionë eurove, teksa në fabrikë do të punësohen rreth 100 banorë të fshatrave përreth.