Ekonomisti nga Londra, Emanuel Bajra, në një lidhje të drejtpërdrejtë në emisionin CONTEXT në ATV, duke komentuar zgjedhjet ne SHBA, tha se në rast se do të fitojë presidenën Donald Trupi, politikat siç i quan ai të vogla, do të më tepër aspekte transaksionale sesa aspekte të interesit amerikan.
“Ne historikisht kemi qenë pjesë hemisferës së influencës amerikane që nga koha e Reganit me lobin shqiptario-ameriakn gjatë viteve 80-ta, ku çka u ndërtua atëherë me George Bushin e vjetër, njohja e pavarësisë nga George Bushi i ri në vitin 2008, por ajo hemisferë është dobësuar tani, për shkak të prioritetet e Amerikës janë ndryshu. Amerika tashmë frikë e ka qasjen e teknologjisë në pronën intelektuale të veten që po ia merr Kina, kjo është sfidë shumë e madhe për Amerikën. Këto krizat e vogla ose politikat e vogla apo gjeopolitikat e vogla të Ballkanit ose të Ukrainës etj, pa marrë parasysh që për ne nuk janë të vogla, por për administratën e Trupit do të jenë më tepër aspekte transaksionale sesa aspekte të interesit amerikan”, tha Bajra. /atvlive.tv
Zarko Puhovski, një analist politik kroat i ka bërë shumë politikanë të atjeshëm nervozë kur ka vlerësuar se për popullin kroat, zgjedhjet presidenciale amerikane janë më të rëndësishme sesa zgjedhjet presidenciale kroate.
Për zgjedhjet në Amerikë sot shkruajnë e flasin i madh e i vogël, pjesërisht për shkak se bota është në udhëkryq historik dhe në situatën më të ndërlikuar në 35 vitet e fundit dhe pjesërisht për shkak se zgjedhjet e kaluara kanë vënë në rrezik një nga gurët themeltarë të demokracisë amerikane – transferin paqësor të pushtetit.
Ka qenë standard politik që pavarësisht se sa e ashpër, sa përçarëse, sa intensive është fushata, kurr përfudnojnë zgjedhjet, numërohen votat, prnaoheet fituesi dhe bëhet transfer paqësor i pushtetit.
Kjo nuk ndodhu pas zgjedhjeve të kaluara. Trump nuk e pranoi humbjen, masa e përkrahësve të tij shkaktoi trazirat e 6 janarit dhe me qindra zyrtarë të lartë, kongresmenë, guvernatorë dhe zyrtarë të tjerë të lartë, u pozicionuan si “mohues të rezultateve”, ose election deniers.
Bota i ka sytë kah Amerika, jo vetëm pse është shteti më i fuqishëm në botë që mund të përcaktojë kah shkon politika globale, por edhe për shkak se qendrat tjera të fuqisë, Kina, Rusia, Irani, nuk kanë transfer paqësor të pushtetit.
Në Kosovë pas luftës ka qenë një standard i instaluar, e ai standard është që në pushtet vjen nëpërmjet zgjedhjeve, jo nëpërmjet formave tjera. Prej 2014-ës po ashtu, standardi kosovar ka qenë që zgjedhjeet tek ne janë më fer, më mirë të organizuara, më mirë të mbikëqyrura dhe më pak të kontestuara sesa kudo tjetër në Ballkan.
Për vendosjen e këtij standardi kanë kontribuar shumë faktorë. Prania ndërkombëtare politike që ka vendosur disa standarde, vullneti politik i partive që të mos deformojnë deklarimin e popullit, gatishmëria e partive që të ruajnë votën, shoqëria civile shumë aktive dhe me ndikim, profesionalizmi i Komisionit Qendror të Zgjedhjeve, vetëdija e lartë dhe profesionalizmi i mediave, dhe kuptohet – respektimi i vendimeve të Gjykatave e mbiii të gjitha – dëshira burimore e këtij populli për demokraci, për zgjedhje të lira e demokratike si shtyllë e demokracisë.
Kjo dëshirë për demokraci ka bërë që liderët që kanë udhëhequr luftën, të mos votohen për të udhëhequr shtetin, që ata që e kanë kallur dhe sulmuar shtetin të mos votohen derisa ta pranojnë atë dhe të sillen në mënyrë të civilizuar, që askush të mos e marrë vullnetin popullor si punë e kry’me.
Mirëpo, Amerika për herë të dytë është në situatë kur rrezikohet transferi paqësor i pushtetit. Në duhet të sigurohemi që Kosova në këtë situatë të mos bijë aas për herë të parë!
Nëse edhe zgjedhjet nuk i orrganizojmë sipas ligjit dhe nëse nuk veprohet sipas ligjit pasi të dihen rezultatet e zgjedhjeve, kjo shoqëri do të mbetet pa kompas moral.
Kosova është bërë shtet që nuk respekton marrëveshjet ndërkombëtare, nuk respekton vendimet e Gjykatës së vet Kushtetuese dhe kohëve të fundit nuk respekton as liri të shprehjes dhe standarde të mediave.
Në Kosovë dhe në botë, në momentin që budallët përbëjnë shumicën në emisione për politikë, sport dhe aktualitet, në momentin kur rrjetet sociale dhe reality shoëet bëhen strehë e dhunës, prostitucionit dhe krimit, atëherë humb besimi në media.
Humbja e besimit në media për shoqërinë tonë është problematik, meqë besimin e kemi shumë të ulët edhe në gjykata.
Në këto raste besim ka në poltiikë dhe në religjion dhe as politika, e as religjioni nuk janë kompas shoqëror, në një vend demokratik.
Nëse klasa politike ndjell mosbesim të sistem të drejtësisë në Kosovë, që është i keq, ama është më i miri në rajon, Nëse klasa politike sulmon mediat, që janë të këqija, por janë më të mirat në rajon, atëherë i hapet rrugë ekstremeve dhe kur i hapet rrugë ekstremeve normalizohen budallët, dhunuesit dhe mashtruesit.
Në Kosovë fushata ka filluar, edhe pse në mënyrë zyrtare fushata fillon në janar. Gjatë fushatës ddo të jetë premtime për rritje të rrogave, shtrim të rrugëve, ndërtim të shkollave, çerdheve, fabrikave, stadiumeve, bazeneve, spitaleve, ambulantave, termocentraleve, ujësjellësve, bibliotekave, teatrove, etj etj. Kuptohet, shumica janë rrena, janë qyfte, sepse i njohim politikanët në Kosovë.
Do të ketë akuza, skandale, kërcënime, lajme të rrejshme, manipulime mediale e shumë çka tjetër.
Mirëpo, cka nuk duhet asnjëherë të harroni si votues të Kosovës është se Kosova ka kushtetutë që specifikon përbërjen e Kuvendit nga shqiptarët dhe komunitetet tjera, ka vendime të Gjykatës Kushtetuese që saktë e përshkruajnë dinamikën pas zgjedhore, ka ligj për zgjedhjet, ka traditë të organizimi të zgjedhjeve me sukses dhe mbi të gjitha ka TRADITË TË PRANIMIT TË REZULTATEVE dhe kur rezultatet kanë imponuar një gjë të tillë, edhe traditë të DORËZIMIT PAQËSOR TË PUSHTETIT.
Ky është standardi që Amerika e ka madhëruar, krejt bota demokratike e synon, e Kosova nuk duhet ta humbë!
Ish-komandant i UÇK-së për Zonën Operative të Nerodimes, Shukri Buja, në seancë të hapur për publikun e ka vazhduar dëshminë të martën, në gjykimin ndaj Thaçit dhe të tjerëve.
Para trupit gjykues të Gjykatës Speciale, Buja ka folur rreth rolit të shtabit të përgjithshëm të UÇK-së, dhe kontaktet mes zonave, dhe krijimit të brigadave.
Buja tha se gjatë 1998-s nuk kishin pasur dijeni se kush ishin anëtarët e shtabit, por vetëm mund të supozonin.
Buja pasi tha se gjatë 1998-s ishte përhapur propaganda se ai nuk po merrte pjesë në luftime, njësoi sikurse Jakup Krasniqi për të cilin thuhej se iku drejt Shqipërisë me një shumë të hollash.
Ndaj pyetjeve të ZPS-së, nëse Buja ka mbajtur kontakte me ish-presidentin, pati vërejtje mbrojtja e Thaçit.
“Alex Wihting në gjykimin ndaj Fatmir Limajt e ka përdorur këtë si bazë për ta deklaruar Fatmir Limajn si armiqësor dhe ai ka thënë më 2003 se ai ka mbajtë kontakt me Shtabin e Përgjithshëm përmes Limajt”, tha Luka Misetic, avokat i Hashim Thaçit.
Gjykimi ndaj Thaçit dhe të tjerëve do të vazhdojë edhe të mërkurën.
Tashmë miliona amerikanë e kanë hedhur votën në zgjedhjet presidenciale.
Ndonëse, bazuar në sondazhe, fituesi i këtyre zgjedhjeve nuk dihet, megjithatë një gjë është e sigurt se demokrates Kamala Harris apo republikanit, Donald Trump, i duhen 270 vota elektorale për të fituar.
Sipas sistemit amerikan, nuk është vota popullore ajo që përcakton se kush do të jetë president, por Kolegji Zgjedhor prej 538 anëtarësh, në të cilin secili shtet ka një numër të përcaktuar të zgjedhësve, që është numër i barabartë me numrin e përfaqësuesve që shtetet kanë në Kongres.
Por, rol të madh në këto zgjedhje si gjithmonë do të kenë edhe shtetet e njohura si të papërcaktuara. Arizona, Georgia, Michigan, Nevada, Karolina e Veriut, Pensilvania dhe Wisconsin, janë vendimtare për zgjedhjen e presidentit të 47-të të shtetit më të fuqishëm në botë.
Qendrat e votimit u hapën në orën 11:00, sipas kohës lokale në Kosovë në disa shtete lindore dhe votimet do të vazhdojnë deri në orët e mbrëmjes, në shtetet që ndodhen në perëndim të Shteteve të Bashkuara.
Trump po garon për herë të tretë, pasi humbi zgjedhjet më 2020, ndaj presidentit aktual, Joe Biden, i cili u tërhoq nga gara presidenciale në korrik, pasi sondazhet treguan se ai kishte pasur paraqitje të dobët gjatë debatit me Trumpin dhe kishte shqetësime lidhur me moshën e tij.
Zëvendësimi i tij nga radhët e demokratëve, Harris, nëse zgjidhet do të bëhej gruaja e parë presidente e SHBA-së dhe personi i parë me prejardhje nga Azia Jugore.
Më shumë se 77 milionë votues tashmë kanë votuar, por zgjedhjet e 5 nëntorit do të jenë test kritik se cili kandidat ka bërë punë më të mirë për të bindur mbështetësit e tyre që të votojnë.
Harris tashmë ka votuar përmes postës. Trump planifikon të votojë në Florida në ditën e zgjedhjeve.
80-vjetori i çlirimit të Shqipërisë dhe 25-vjetori i çlirimit të Kosovës i bëri bashkë.
Ambasada e Republikës së Shqipërisë në Kosovë, këto dy data i shënoi me një ligjëratë rreth rolit të diplomacisë shqiptare në Konferencën e Rambujesë dhe ndërhyrjes së NATO-s në Kosovë”.
Mysafir nderi ishte historiani e politikani, Paskal Milo.
Vendimet u vlerësua se nuk ishin vetëm politike, por pikë kthese për aspiratat e lirisë.
E ambasadori i Shqipërisë në Kosovë tha se përvjetori i çlirimit i bën që të reflektojnë për vetëvendosje e për unitet të vendit.
E lëvdatat për Paskal Milon nuk munguan.
Të pranishëm në ligjëratë ishin edhe shkrimtarë e figura të shquara, si Lulzim Tafa e Veton Surroi.
Vlerat e larta të Manganit në ujin e Liqenit të Badocit vazhdojnë të jenë ende prezentë dhe si i tillë ky uji ende nuk rekomandohet të përdoret për pirje e veçanërisht te grupet më të ndjeshme siç janë fëmijët 0-5 vjeç, personat e moshuar dhe ata që kanë sëmundje.
Por, ky uji mund të përdoret për larje të enëve dhe rrobave.
Ndërkohë, në një lidhje të drejtpërdrejt në emisionin “Alarm”, në ATV, infektologu Hamdi Ramadani ka folur për problemet shëndetësore që shfaqen me konsumimin e ujit me vlera të larta të manganit.
Ai tha se nga rritja e vlerave të manganit rrezikohen më së shumti fëmijët.
Ramadani tha se kur fëmijët dhe të rriturit pinë ujë me nivele të larta mangani për kohë të gjatë, ata mund të përballen me probleme me kujtesë, përqendrim dhe aftësi motorike.
“Ashtu edhe siç e dini tash e disa javë ne përballemi me këtë situatë shqetësuese, për shkak të rritjes së vlerave të larta të manganit në ujin e Liqenit të Badocit. Kjo është shqetësuese sepse kur vlera e manganit rritet, atëherë ky ujë paraqitet si ujë i ndotur dhe jo i pijshëm. Në vlera normale, mangani ka dobi të shumta, por kur kalon mbi vlera normale atëherë paraqiten disa çrregullime në aspektin e sistemit qendror nervor sidomos te fëmijët; të tilla si çrregullime me të mbajturit mend, zhvillimi mentale nuk do të ishte në nivel e duhur, mund të ketë dhimbje barku, etj”, tha ai.
Tutje, Ramadani apeloi që uji që vjen nga ky liqen të mos konsumohet për pirje dhe të përdoret si ujë teknik për higjienë personale dhe ambientale./atvlive.tv/
Sot, në 8-vjetorin e vrasjes së Astrit Deharit, kryeministri i Kosovës, Albin Kurti bashkë me pjesëtarë të tjerë të kabinetit qeveritar, deputetë e aktivistë, fillimisht vizituan familjen Dehari e më pas bashkë me ta dhe shoqëri të gjerë bënë homazhe duke vendosur lule të freskëta te varri i Astrit Deharit.
Kryeministri, Albin Kurti, në prononcimin e tij për media tha se vrasja e Astrit Deharit vazhdon të jetë e rëndë për shkak të drejtësisë që mungon.
“Në këta 8 vjet kishim katër prokurorë që dolën në pension pa e kryer punën dhe tash e kemi prokurorin e pestë ndaj të cilit po ashtu shprehim interesimin, gatishmërinë dhe vullnetin ta ndihmojmë me krejt çfarë mundemi si lëvizje e si Qeveri e Kosovës, për ta sjellë drejtësinë e munguar’’, ka thënë Kurti.
Ndërsa, babai i Astrit Deharit theksoi se nëse gjyqësia dështon në këtë rast e në raste të ngjashme atëherë tregon se Kosova nuk e meriton një gjyqësi të tillë.
“Tetë vite, një njeri që ka humbur jetën në një institucion të Kosovës të mos zbardhet e vërteta, për të flet vet, sepse ata që kanë bërë krimin ndaj Astritit dhe drejtësisë në përgjithësi edhe sot e kësaj dite, mundohen të fshehin gjurmët e tyre. Nëse nuk zbardhet ky rast dhe raste të tjera, flet shumë se gjyqësia e Kosovës nuk është në nivel dhe Kosova nuk e meriton të ketë një gjyqësi të tillë”, është shprehur Dehari.
Sot mbushen katër vjet që kur ish-krerët e Ushtrisë Çlirimtare të Kosovës, Hashim Thaçi, Jakup Krasniqi, Kadri Veseli e Rexhep Selimi janë dërguar në paraburgim në Hagë.
Deputetët shprehin optimizëm se Gjykata Speciale do t’i shpallë ata të pafajshëm.
Deputeti i Lëvizjes Vetëvendosje, Enver Dugolli ka deklaruar se beson në drejtësinë dhe se katër krerët e UÇK-së do të dalin nga kjo gjykatë të pafajshëm.
Sipas tij, lufta e UÇK-së ka qenë e pastër, luftë çlirimtare, dhe jo një luftë okupues në drejtim të Serbisë.
“Ne besojmë dhe shpresojmë që do të dalin të pafajshëm, lufta e UÇK-së ka qenë lufta çlirimtare dhe më e pastër e një ushtrie vullnetare dhe çlirimtare, prandaj ne besojmë thellë që lufta e UÇK-së që do të dëshmohet që ka qenë e pastër dhe është e pastër në realitet ne mendojmë që edhe krerët e UÇK-së që po përballen me këtë proces gjyqësor më në fund do të dalin të pafajshëm dhe do ta fitojnë lirinë e tyre e cila e tashmë po bëhet katër vite, një periudhë mjaftë e gjatë kohore e cila sigurisht i godet ata edhe familjet e tyre. Ne besojmë në drejtësi dhe duhet të besojmë gjithmonë në të, prandaj shpresojmë që do të dalin të pafajshëm”, ka thënë Dugolli për EO.
Tutje, Dugolli ka theksuar se krahas pretendimeve për krime lufte nga UÇK-ja, duhet të hapet akuzë për krime të Serbisë ndaj Kosovës.
“Nëse e krahasojmë akuzën apo pretendimet e akuzës për të cilat ata veçse po mbahet atje dhe bëjmë një analizë se çka është ndërmarrë deri tani ndaj krimeve që ka ushtruar Serbia ndaj shqiptarëve, ndaj popullatës civile ndaj njerëzve të pafajshëm dhe bëjmë një krahasim se çka është bërë për të hedhur dritë në errësirë. Del që bilanci është tejet negativ ndaj shqiptarëve për shkak se shqiptarët kanë bërë luftë çlirimtare dhe nuk kanë bërë luftë okupuese dhe në këtë drejtim mund të them se drejtësia ka çaluar dhe po çalon. Sepse nëse do të duhej të hapet një hetim apo një akuzë të bëjnë ndaj shqiptarëve më së paku 10 do të duhej që të bëhet kundër Serbisë, të cilët kanë ushtruar terror dhe gjenocid ndaj popullatës civile. Besoj shumë në drejtësi dhe do të triumfoj do të lirohen dhe do të shpallen të pafajshëm”, ka theksuar ai.
Deputeti i Partisë Demokratike të Kosovës, Hisen Berisha për Ekonomia Online, ka deklaruar se beson se drejtësia është në favorin e UÇK-së.
Berisha ka thënë se që nga fillimi i kësaj gjykate nuk ka pasur bazë për ngritje të aktakuzave.
“Mbetem fanatik i qëndrimit se besojmë në drejtësi dhe besojmë që do të vendoset drejtësi dhe do të jetë në favor të vlerave të Ushtrisë Çlirimtare të Kosovës, përmes liderëve të saj që sot qëndrojnë në Hagë. Që nga fillimi i kësaj gjykate ka provuar se nuk pasur bazë për ngritje të aktakuzave bazuar në dokumentin të cilin e ka shkaktuar formimin e saj që është raporti i Dick Martyt i miratuar në Këshillin e Evropës. Zgjerimi i periudhës hetimore deri në dhjetor 2000 është një shkelje dhe një veprim i pa ndershëm i cili ka kaluar në votim edhe në këtë legjislaturë të kësaj mazhorance sepse UÇK e ka kryer misionin e saj në qershor të vitit 1999 dhe është shpërbërë përmes një procesit të atëhershëm”, ka deklaruar Berisha.
“Nuk bartë përgjegjësi UÇK për veprat dhe krimet e kryera pas kësaj periudhe të Çilat duhet të hetohen dhe të zbardhen dhe njerëzit duhet të marrin dënimin që e meritojnë”, shtoi ai.
Ndërsa për vazhdimin tutje të kësaj gjykate, Berisha ritheksoi se është marrë një drejtim tjetër e jo e vendosjes së drejtësisë, por të bërjes politikë.
“Vazhdimi tutje i kësaj gjykate dhe funksionimit të saj me përcjellësin e hetimit të dëshmitarit e të tjerëve që nga prokurori i parë e të tjerët kanë dëshmuar që kjo gjykatë ka marrë një drejtim tjetër jo të vendosjes së drejtësisë, por të bërjes politikë në raport me vlerat që qëndrojnë në themelet e rinisë, pavarësisë, shtetit dhe institucioneve të Kosovës, pra funksionalizmin e tij. Dhe që shkon çdoherë ndesh me opinione të Gjykatës Ndërkombëtare të Drejtësisë për të drejtën në Kosovë dhe pacenueshmërinë e të drejtës ndërkombëtare me shpalljen e pavarësisë”, ka thënë Berisha.
Sipas tij, janë demantuar të gjithë dëshmitarët, për ta paraqitur UÇK-në si ndërmarrje kriminale.
“Kanë demantuar të gjithë dëshmitarët e prokurorisë nën pretendimin e tyre për krime që kanë qenë nivele banale duke pretenduar që në emër të gjendjes afektive në periudha lufte, ta paraqesin UÇK-në si ndërmarrje të përbashkët kriminale, që gjoja paska kryer dhe vepra makabre të trafikimeve të organeve e të tjera. Diçka që nuk ka kuptim e pa mundshme pra një ushtri që ka lindur nga populli dhe nga dhuna e presioni i regjimit të Millosheviqit. Besoj në drejtësi dhe ky katër vjetor nuk do të shkoj tutje duke u bazuar edhe zhvillimet politike në ShBA dhe në ardhjen në pushtet të partive që mbrojnë vlerat konservatore dhe popujt që luftojnë për lirinë dhe mbrojtjen e identitetit vet kombëtar”, përfundoi Berisha.
Krerët e UÇK-së, Hashim Thaçi, Kadri Veseli, Rexhep Selimi e Jakup Krasniqi ndodhen në paraburgim në Hagë që nga nëntori i vitit 2020.
Sot në ShBA mbahen zgjedhjet presidenciale dhe amerikanët do të zgjedhin mes Kamala Harris dhe Donald Trump. Një numër i madh njerëzish tashmë kanë votuar, por mazhoranca do të votojë sot më 5 nëntor.
Meqenëse ka katër zona kohore në SHBA, rezultatet jozyrtare mund të priten në kohë të ndryshme.
Rezultatet e para, ose exit poll-et, mund t’i presim në mesnatë me kohën e Bosnje dhe Hercegovinës, dhe ato do të mbërrijnë nga disa pjesë të shteteve të Kentakit dhe Indianës. Të dy shtetet pritet të votojnë për Donald Trump.
Një orë më vonë, gjashtë shtete mbyllin qendrat e votimit, duke përfshirë shtetin “swing” të Gjeorgjisë. Përveç kësaj, do të ketë rezultate të plota të sondazheve në Karolinën e Jugut, Vermont, Virxhinia, Kentaki dhe Indiana.
Në orën 1:30 të mëngjesit ET, qendrat e votimit mbyllen në Karolinën e Veriut, Ohajo dhe Virxhinia Perëndimore.
Gjysmë ore më vonë, pra në orën 2 të mëngjesit sipas kohës BH, rezultatet publikohen në 21 shtete federale dhe në disa pjesë të tjera.
Këto janë shtetet e Alabama, Connecticut, Delaware, Florida, Illinois, Kansas, Maine, Maryland, Massachusetts, Mississippi, Missouri, New Hampshire, New Jersey, North Dakota, Oklahoma, Pennsylvania, Rhode Island, South Dakota, Tennessee dhe Texas.
Në orën 2:30 të mëngjesit mbërrijnë rezultatet e exit poll-eve nga Arkansas dhe në orën 3:00 të mëngjesit me kohën tonë, një grup më i madh shtetesh mbyllin sërish qendrat e votimit. Këto janë Arizona, Kolorado, Iowa, Kansas, Louisana, Michigan, Minesota, Nebraska, New Mexico, Nju Jorku, Dakota e Jugut dhe e Veriut, Wisconsin dhe Wyoming.
Në orën 16 mbërrijnë rezultatet e exit poll-eve nga shtetet e Idaho, Nevada, Montana, Oregon dhe Utah, ndërsa në orën 5 mund të presim rezultatet e para nga Kalifornia dhe Uashingtoni.
Më në fund, në orën 5 do të mbërrijnë rezultatet e para nga Alaska dhe Hawaii, ndërsa në orën 6 të mëngjesit do të arrijnë rezultatet përfundimtare të exit poll-eve nga Alaska, pas mbylljes së qendrave të fundit të votimit në këtë shtet federal.
Megjithatë, vini re se të gjitha këto janë rezultate jozyrtare dhe paraprake që publikohen kryesisht nga media dhe se rezultatet e plota ndoshta do të zgjasin deri në disa ditë.
Në Forumin Ekonomik të Vjenës, kryeministri i Kosovës Albin Kurti, ka deklaruar se Serbia duhet të lehtësojë procedurat e hyrjes së të huajve kah territori i saj në Kosovë, pasi sipas tij, kjo do të ndikonte në zhvillimin ekonomik dhe në rregullimin e raporteve fqinjësore.
Të hënën, Kurti ka thënë se kushdo që futet në Kosovë si hyrje të parë, nuk mund të udhëtojë më pas kah Serbia pa shkuar në Maqedoni të Veriut “pasi për Beogradin hyrja në Kosovë fillimisht nënkupton hyrje të paligjshme”.
“Fqinji ynë verior, Serbia duhet t’i lejojë të huajt, destinacioni i të cilëve është Kosova, që më pas të mund të shkojnë në Serbi. Fatkeqësisht, kushdo që vjen nga Austria në Kosovë si hyrje e parë, nuk mund të vazhdojë (udhëtojë) për në Serbi pa shkuar më parë në Maqedoninë e Veriut, sepse në këndvështrimin e Beogradit zyrtar hyrja në Kosovë e parë nënkupton hyrje të paligjshme në territorin e Serbisë. Për marrëdhënie të mira fqinjësore, për bashkëpunim ekonomik kjo duhet të ndryshohet”, ka thënë ai.
Kurti u tha se ka folur edhe për hapjen e hapësirës ajrore.
“…Hapësira ajrore e Serbisë mbetet e mbyllur për fluturime komerciale për dhe nga Kosova. Kjo nuk është as e mirë për marrëdhënie fqinjësore, për bashkëpunim ekonomik e as për përshtatje klimatike. Fluturimet nga Vjena në Prishtinë dhe anasjelltas mund të jenë shumë më të shkurtra dhe më pak të ndotura nëse Serbia i lejon aeroplanët komercialë të fluturojnë nëpër hapësirën ajrore të Serbisë, destinacioni i të cilëve është Prishtina”, ka thënë Kurti, thuhet në komunikatën e Zyrës së Kryeministrit.
Ai ka përmendur edhe mundësinë që qytetarë nga Bosnjë-Hercegovina të futen në Kosovë me letërnjoftime, duke kërkuar që një gjë e tillë të vlejë edhe për kosovarët.
“Muajin e kaluar në 10 vjetorin e Procesit të Berlinit, në Berlin njoftova se Kosova do të mundësojë lirinë e lëvizjes për të gjithë ata që posedojnë letërnjoftime të Bosnjës dhe Hercegovinës. Kjo do t’i japë fund pritjes së gjatë dhe procedurave të shtrenjta të nevojës për vizë për të udhëtuar lirshëm. Natyrisht, shpresoj se në kohën e mbetur, Bosnja dhe Hercegovina do të mund të ratifikojë Marrëveshjen e Procesit të Berlinit në mënyrë që qytetarë të të dy vendeve tona të lëvizin lirshëm me letërnjoftime. Por edhe nëse nuk e bëjnë këtë, nga 1 janari 2025, të gjithë qytetarët e Bosnjës dhe Hercegovinës do të mund të vijnë lirisht në Kosovë me letërnjoftime. Liria e lëvizjes është një nga katër liritë themelore që ka mundësuar lëvizjen e njerëzve në të gjithë Evropën dhe kështu duhet të jetë rasti midis dy vendeve tona”, ka deklaruar Kurti.
Kurti ka shtuar se heqja e barrierave tregtare është thelbësore, por ato duhet të bazohen në bashkëpunim, besim dhe qëllime të mira.
Nëpërmjet Tregut të Përbashkët Rajonal ne po ecim në drejtimin ku jo vetëm do të kemi mundësi të kemi qasje në një treg më të gjerë, por edhe të integrojmë ekonominë tonë me fqinjët tanë. Kjo do t’i ndihmojë bizneset në Kosovë të ekspozohen, të rriten dhe të bëhen më konkurruese. Duke eliminuar tarifat, duke harmonizuar standardet dhe duke promovuar lëvizjen e lirë të mallrave dhe shërbimeve, ne bëhemi shumë më të fortë ekonomikisht, krijojmë vende të reja pune dhe mbështesim industrinë tonë vendase”, ka theksuar ai.
Kreu i ekzekutivit tutje ka folur për shoqërinë kosovare, duke thënë se është e re dhe inovative.
“Me moshën mesatare të popullsisë 34 vjeç, ne kemi një fuqi punëtore të re dhe dinamike që mund të nxisë inovacionin dhe sipërmarrjen nëse i jepet mbështetja e duhur. Të rinjtë në Kosovë të gjithë flasin anglisht, shumë prej tyre flasin edhe gjermanisht dhe mjaft flasin gjuhët e rrethit tonë: boshnjakisht, kroatisht, serbisht dhe disa flasin gjithashtu turqisht”, ka shtuar Kurti.
