Tag: Ballina

Presidentja e Kosovës, Vjosa Osmani, ka folur rreth zhvillimeve të djeshme në Komisionin Qendror të Zgjedhjeve ku Lista Srpska nuk u certifikua për të marrë pjesë në zgjedhjet e 9 shkurtit. Osmani ka thënë se individë të Listës Serbe janë angazhuar në akte terroriste, akte agresioni dhe cenim të rendit kushtetues të Kosovës

“Lista Serbe është organizatë, e cila në radhët e veta ka individë të cilët vazhdimisht kanë kryer akte terroriste, akte agresioni, si dhe kanë cenuar rendin kushtetues të Republikës së Kosovës.”

Përfaqësitë diplomatike të akredituara në Kosovë përfshirë SHBA’në, BE, Mbretërinë e Bashkuara kanë reaguar ndaj vendimit duke thënë se veprimi është politik e jo ligjor.

Por Osmani thotë për Express se KQZ është institucion i pavarur kushtetues që vendos në mënyrë të pavarur.

Sipas saj, cdo vendim i KQZ’së duhet të respektohet.

“Nga ana tjetër, Komisioni Qendror i Zgjedhjeve (KQZ) është një institucion i pavarur kushtetues, i cili vendosë në mënyrë të pavarur. Çdo vendim i nxjerrë nga KQZ-ja, duhet të respektohet, si pjesë e përkushtimit ndaj sundimit të ligjit dhe ruajtjes së integritetit institucional.”

KQZ dje nuk e certifikoi Listën Serbe për pjesëmarrje në zgjedhjet e 9 shkurtit pasi anëtarët e VV’së votuan kundër.

Kjo është kritikuar nga ndërkombëtarët dhe nga njohësit e zhvillimeve politike.

Tashmë Lista Serbe është ankuar në PZAP dhe ky institucion ka kohë 48 orë që të vendosë për ankesën.

Kryeministri i Republikës së Kosovës, Albin Kurti, në një konferencë për media, ka deklaruar se me informatat nga institucionet e sigurisë të Kosovës tregojnë se Rajodiciqi ka emëruar dy persona të afërt, Nemanja Rajdivoviqin (i njohur si Gandi) dhe Vladimir Rajdivoviqin (i njohur si Mami), për të realizuar sulme në veri, të cilët ishin gjithashtu pjesëmarrës në sulmin e Banjskës e në kanalin Ibër-Lepencë.

Kurti ka theksuar se sulmi me eksploziv i kanalit Ibër-Lepencë më 29 nëntor kishte si qëllim paralizimin e jetës ekonomike dhe energjetike të Kosovës, duke shkaktuar trazira dhe kërcënuar sigurinë nacionale, raporton EO.

“Sulmi me eksploziv të kanalit Ibër-Lepencit të datës 29 nëntor, përmes dëmtim e tërësishëm të kanalit ka pasur për qëllim paralizimit e jetës ekonomike dhe energjetike të Kosovës, si dhe shkaktimin e trazirave dhe si pasojë ku do të rrezikohet siguria nacionale në Kosovë dhe do të provokohej situata në rajon. Refuzimi i Beogradit për të dorëzuar Rajdoçiq i cili ka pasur për qëllim okupimin e pjesës veriore të shtetit tonë ka qenë inkurajim i grupit terrorist që i prinë Rajdoçiq për të vazhduar me akte të tjera ndaj integritetit dhe sovranitetit tonë. Strehimi i tij në serbi dhe përkrahje e tij, autorizimi që i ka dhënë kreu i shtetit serb për kontrollin faktik e politik nuk mund të quhet ndryshe vetëm koordinim për ta zhvilluar më tej luftën hibride”, ka deklaruar Kurti.

“Strehimi i Radoiçiqit në Sebri, përkrahja që i ofron atij Beorgadi zyrtar me infrastrukturë për trajnim të grupit terrorist, autorizimi i përgjegjësive që ia ka falur kreu i shtetit serb atij edhe për kontrollin faktik e politik të serbëve të Kosovës nuk mund të quhet ndryshe përveç se koordinim i Serbisë me Radoiçqin për të vazhduar më tej luftën hibride ndaj Kosovës”, shtoi Kurti.

Ai gjithashtu ka theksuar se refuzimi i Beogradit për të dorëzuar Milan Rajodiciqin, i cili kishte për qëllim okupimin e pjesës veriore të Kosovës.

Kurti ka shprehur shqetësimin për mbështetje dhe strehim të Rajodiciqit në Serbi, duke e konsideruar këtë si një koordinim për zhvillimin e luftës hibride kundër Kosovës.

Republika jonë ka shtrirë sovraniteti përmes kushtetutshmërisë dhe ligjshmërisë, politikat agresive të Serbisë ndaj vendit tonë nuk po ndalen me sulme me grupe me të vogla dhe më të fshehta. Bazuar në informacionet që posedojnë institucionet e sigurisë së Kosovës, Milan Rajdoçiq ka caktuar dy persona të afërt të tij për të realizuar sulme në veri përmes grupeve të tij të cilët kanë marrë pjesë edhe në sulmin në Banjskë, e këta persona janë Nemanja Rajinoviq me nofkën Gandi dhe Vladimir Rajinoviq me noftën Mami”, ka theksuar ai.

Kryeministri i Kosovës, Albin Kurti në një konferencë për media ka deklaruar se strehimi i Milan Radojçiqit në Serbi, mbështetja që i ofron Beogradi zyrtar me infrastrukturë për trajtime nuk mund të quhet ndryshe përveç koordinim i shtetit të Serbisë me Milan Radojçiqit dhe grupit të tij terroristë për ta zhvilluar më tej luftën hibride kundër Kosovës.

Sipas tij, tanimë Radojçiq nuk mund të organizojë aksione të të tipit rus por ka angazhuar persona të caktuar për aksione të caktuara në veri. Ai ka dhënë detaje për të gjitha sulmet që kanë ndodhur në veri.

“Kjo është kronologjia e 15 sulmeve nga 30 qershori deri më deri më 29 nëntor të cilat kanë qenë të përgatitura për ta dëmtuar Kosovën”, tha ai.

“Bazuar në informacionet intelegjente prapa urdhrit të sulmit në kanalin e Iber Lepenc, ka qen Milan Radojçiq”, tha Kurti.

Ish-kryetari i Organizatës së Veteranëve të Luftës së Ushtrisë Çlirimtare të Kosovës, Hysni Gucati, ka njoftuar se e ka përfunduar dënimin prej 4 vite e 3 muaj.

Këtë e ka bërë të ditur vetë Gucati përmes një postimi në Facebook, ku ka shkruar se për këtë është njoftuar nga Gjykata Speciale.

Mes tjerash, ai ka thënë se ky vendim ishte i padrejtë dhe lirinë nuk e gëzon të plotë pa shokët.

“Gjatë qëndrimit në Hagë së bashku më shokët dhe bashkëluftëtaret i qëndruam pranë njëri tjetrit dhe secili nga ne treguam zotësi të vërtetë dhe qëndruam ballë lartë dhe krenar për veprat tona, asnjëherë nuk u dorëzuam, por liria ime nuk mund të jetë liri e plotë pa shokët, duke filluar nga Baca Jakup, Hashimi, Kadriu, Rexha, Cali e Pjetri, të cilët janë të pafajshëm dhe i duhen më shumë se kurrë Kosovës sot”, ka shkruar ai.

Postimi i plotë:

Sot u njoftova nga Gjykata Speciale përmes avokatëve që kam përfunduar dënimin prej 4 vite e 3 muaj, dënim që ishte ulur nga 4 vite e 6 muaj, i tërë vendim ishte i padrejtë.

Gjatë këtyre 4 viteve nuk mund të isha pranë familjes dhe atdheut tonë të dashur Kosovës, gjatë qëndrimit në Hagë në Kosovë dhe në familje ndodhën një mori ngjarjes, ajo që me goditi më së shumti ishte vdekja e babes i cili ndërroi jetë sa isha në Hagë.

Gjatë qëndrimit në Hagë së bashku më shokët dhe bashkëluftëtaret i qëndruam pranë njëri tjetrit dhe secili nga ne treguam zotësi të vërtetë dhe qëndruam ballë lartë dhe krenar për veprat tona, asnjëherë nuk u dorëzuam, por liria ime nuk mund të jetë liri e plotë pa shokët, duke filluar nga Baca Jakup, Hashimi, Kadriu, Rexha Cali e Pjetri, të cilët janë të pafajshëm dhe i duhen më shumë se kurrë Kosovës sot.

Faleminderit gjithë atyre që më qëndruan pranë mua dhe familjes time gjatë kësaj periudhe.

Çdo herë do jem në mbrojtje të vlerave të luftës dhe të Kosovës.

Kreu i Prokurorisë Speciale të Kosovës, Blerim Isufaj, është takuar sot me kreun e SPAK-ut, Altin Dumanin, me të cilin edhe kanë nënshkruar marrëveshje bashkëpunimi për krijimin e ekipeve të përbashkëta hetimore.

Në komunikatën e lëshuar për media thuhet se gjatë këtij takimi dy kryeprokurorët diskutuan për ngritjen e nivelit të bashkëpunimit, koordinimit dhe efikasitetit në luftën kundër krimit dhe forcimin e sundimit të ligjit në të dyja shtetet.

Ky bashkëpunim për krijimin e ekipeve të përbashkëta hetimore do të përbëhet nga prokurorë të të dyja prokurorive përkatëse.

Siç njofton Sistemi Prokurorial, qëllimi i nënshkrimit të kësaj marrëveshjeje në mes të dy krerëve të institucioneve të ndjekjes parashikon bashkëpunim të ngushtë dhe koordinim të veprimeve të të dyja prokurorive në fusha të rëndësishme të luftës kundër krimit që prekin interesat ekonomike, financiare dhe shoqërore të të dyjave vendeve.

“Kryeprokurori Isufaj dhe kreu i Prokurorisë së Posaçme, Dumani, nënshkrimin e kësaj marrëveshjeje e kanë vlerësuar të rëndësishme, duke theksuar se ky është një hap drejt përmirësimit të sigurisë dhe sundimit të ligjit në dy shtetet përkatëse, si dhe drejt ndërtimit të një partneriteti të fortë në mes të dy institucioneve të drejtësisë”, shkruhet në njoftim.

Ambasadori i Mbretërisë së Bashkuar në Kosovë, Jonathan Hargreaves, ka reaguar ndaj moscertifikimit të Listës Serbe për zgjedhjet e 9 shkurtit nga Komisioni Qendror i Zgjedhjeve.

Hargreaves ka kërkuar nga Komisioni Qendror i Zgjedhjeve që të respektojë procedurat ligjore në këtë rast.

Po ashtu ai ka bërë thirrje që procesi zgjedhor të zhvillohet me integritet dhe në bazë të procedurave të duhura ligjore dhe jo interesave politike.

“I lutem Komisionit Qendror të Zgjedhjeve të Republikës së Kosovës që të sigurojë që procesi zgjedhor të zhvillohet me integritet dhe në bazë të procedurave të duhura ligjore dhe jo interesave politike. Presim që KQZ dhe të gjithë anëtarët e saj të vlerësojnë certifikimin e Listës Serbe sipas aplikimit gjithëpërfshirës, transparent dhe të fuqishëm të rregulloreve përkatëse”, ka shkruar Hargreaves në rrjetin social Facebook.

Për moscertifikimin e Listës Serbe edhe Shtetet e Bashkuara të Amerikës dhe BE kanë shprehur shqetësim.

Një zëdhënës i Ambasadës Amerikane në Prishtinë ka reaguar duke thënë se si ambasadë janë thellësisht të shqetësuar me veprimet e disa anëtarëve të Komisionit Qendror Zgjedhor (KQZ) për të mos certifikuar kandidatët e Listës Serbe.

Komisioni Qendror i Zgjedhjeve nuk e ka certifikuar Listën Serbe për pjesëmarrje në zgjedhjet e 9 shkurtit 2025 për shkak të “thirrjeve nacionaliste” të kryetarit të kësaj liste, Zllatan Ellek, gjatë prezantimit të listës zgjedhore.

Perëndimi shpreh shqetësim për moscertifikimin e Listës Serbe: Këto veprime minojnë parimet themelore demokratike

Një ngjarje e rëndë ka ndodhur në Sarandë ku një grua dyshohet se ka vrarë burrin e saj me sëpatë.

Ngjarja ka ndodhur në fshatin Metoq në familjen Tahiraj. Mësohet se gruaja, Elivra, ka goditur burrin me sëpatë në kokë, Llazar Tahiraj teksa 55-vjeçari ishte duke fjetur gjumë.

Elvira Tahiraj 49-vjeçe, është arrestuar nga policia.

“Në orët e para të mëngjesit, në fshatin Metoq, Sarandë, dyshohet se gjatë një konflikti në familje, shtetasja E. T., 49 vjeç, ka vrarë me sëpatë bashkëshortin e saj, shtetasin Ll. T., 55 vjeç, në banesën e tyre.

Shërbimet e Policisë kanë shoqëruar autoren e dyshuar në ambientet e Komisariatit të Sarandës për veprime të mëtejshme procedurale“-njofton policia.

Grupi hetimor nën drejtimin e Prokurorisë po punon për zbardhjen dhe dokumentimin e plotë të kësaj ngjarjeje./Top Channel

Policia e Kosovës iu ka bërë apel ngasësve që të kenë kujdes të shuar në rrugët me borë dhe ngrica.

Sipas njoftimit, Policia ka kërkuar që të përshtatet shpejtësia dhe të mbahet distanca në kushte të tilla atmosferike.

“Bazuar në situatën e tanishme ku kemi ndryshim të kushteve atmosferike dhe reshje të borës, Policia e Kosovës apelon tek të gjithë pjesëmarrësit në trafik, në veçanti shoferëve të automjeteve për kujdes të shtuar, përshtatje të shpejtësisë me kushtet atmosferike dhe me gjendjen e rrugës, mbajtje të distancës mes mjeteve si dhe ngadalësim gjatë lëvizjes në rrugë të mbuluara me borë dhe me ngrica”, thuhet në njoftimin policor.

Mëngjesin e së martës në disa qytete të Kosovës ka pasur reshje të borës.

Shtetet e Bashkuara, Bashkimi Evropian dhe Gjermania kanë shprehur shqetësim dhe keqardhje për moscertifikimin e Listës Serbe, partisë më të madhe të serbëve në Kosovë për zgjedhjet parlamentare të 9 shkurtit 2025.

Komisioni Qendror Zgjedhor (KQZ) nuk e ka certifikuar Listën Serbe, pas shqetësimeve të ngritura nga përfaqësues të partisë në pushtet, Lëvizjes Vetëvendosje se, kjo parti nuk e njeh shtetin e Kosovës, dhe atij nuk i referohet me emrin zyrtar, por si “Kosova dhe Metohia”.

“Jemi të shqetësuar nga përfshirja e dukshme e kritereve të motivuara politikisht në procesin e certifikimit të kryer nga Komisioni Qendror Zgjedhor. Veprime të tilla minojnë parimet themelore demokratike për zgjedhje të lira dhe të drejta, dhe i hapin derën ndikimit politik subjektiv për procesin zgjedhor”, ka thënë një zëdhënës i Ambasadës amerikane në Prishtinë, në disa përgjigje për Radion Evropa e Lirë.

Zyra e Bashkimit Evropian në Prishtinë ka thënë se ndjen keqardhje për vendimin e KQZ-së, duke vlerësuar që të gjithë kandidatët duhet të kenë mundësi të marrin pjesë në zgjedhje të lira dhe të drejta.

“Procesi i certifikimit duhet të bëhet mbi baza të standardeve ligjore dhe procedurave në përputhje me ligjet, dhe jo në bazë shqyrtimesh politike”.

Ambasadori gjerman në Kosovë, Jorn Rohde ka thënë se ndan shqetësimet e njëjta me SHBA-në dhe Bashkimin Evropian për moscertifikim e Listës Serbe.

“Zbatimi i barabartë i ligjit për të gjithë është thelbësor. Procesi i certifikimit është procedurë formale që nuk duhet të politizohet”, ka thënë ai përmes një postimi në X – platformë e njohur më parë si Twitter.

Për certifikimin e Listës Serbe ka votuar vetëm kryetari i KQZ-së, Kreshnik Radoniqi, kundër kanë dalë dy anëtarët e LVV-së, Sami Kurteshi dhe Alban Krasniqi, ndërsa tjerët kanë abstenuar.

SHBA-ja u ka bërë thirrje të gjitha partive që nuk janë të kënaqura me vendimet e KQZ-së, që t’iu drejtohen mekanizmave adekuatë, sikurse Panelit Zgjedhor për Ankesa dhe Parashtresa (PZAP).

“KQZ-ja ka rol të rëndësishëm në mbikëqyrje të zgjedhjeve, që të garantojë se ligji zbatohet në mënyrë të drejtë dhe të paanshme. Përgjegjësitë e saj duhet të jenë thellësisht të bazuara në procedura ligjore dhe jo në shqyrtime politike”, është thënë mes tjerash në reagimin e Ambasadës amerikane.

Lists Serbe e ka quajtur vendimin e KQZ-së si të kundërligjshëm dhe ka thënë se deklaratën kryesore do ta bëjë kryetari i partisë, Zllatan Ellek, në paraditen e së martës.

Presidenti serb, Aleksandar Vuçiq, ka pretenduar të hënën se kryeministri i Kosovës, Albin Kurti po tenton “të eliminojë kundërshtarin e vetëm” në Kosovë, Listën Serbe.

Lista Serbe pati thënë se do të marrë pjesë në zgjedhje pas një periudhe të bojkotimit të proceseve politike në Kosovë.

Më 2022, pjesëtarë të kësaj partie patën dhënë dorëheqje në mënyrë kolektive nga institucionet e Kosovës, si shenjë kundërshtimi ndaj vendimeve të autoriteteve të Kosovës për shtrirje të autoritetit në gjithë territorin e vendit.

Komisioni Qendror i Zgjedhjeve (KQZ), ka certifikuar koalicionin AAK – Nisma Socialdemokrate – Konservatorët – E30 dhe Ideal, por jo edhe Listën serbe, raporton Ekonomia Online.

Shkak për këtë kundërshtim, ishin thirrjet nacionaliste të kryetarit të Listës serbe në Kosovë, Zllatan Ellek, të bëra gjatë prezantimit të listës zgjedhore.

Anëtari i VV-së në KQZ, Sami Kurteshi, përmendi thirrjet që kryetari i Listës Serbe në Kosovë, Zllatan Ellek, ka bërë gjatë prezantimit të listës zgjedhore.

“Kam rezervat e mia dhe më duhet me i shpreh dhe janë shumë elemente, pra prezantimi i kandidatëve të Listës serbe. Pra asnjëherë nuk përmend Republika e Kosovës por thotë ‘Kosovo i Metohija’. Nuk thotë ‘rrnoftë Kosova por rrnoftë Serbia’. Përfaqësuesit e kësaj liste mbajnë kontakte me pushtetin e Vuçiqit ku shihet edhe Radojiçiqi, ku kanë lidhje me sulmin terrorist në Banjskë dhe së fundmi edhe në Ibër Lepenc”, u shpreh ai, teksa lëshoi një audio-incizim ku dëgjohet Allek me thirrje kundër Republikës së Kosovës.

Kundër certifikimit të Listës serbe doli edhe anëtari tjetër i VV-së, Alban Krasniqi, i cili kërkoi veprime nga Prokuroria e Shtetit.

Ndonëse, tha se pajtohet me deklarimet e Kurteshit, Arianit Elshani nga PDK-ja përmendi rekomandimin e Zyrës për Regjistrim të Partive, që sipas kësaj të fundit kjo parti i plotëson të gjitha kriteret që të jetë në garë për zgjedhjet e 9 shkurtit.

“Ndaj të njëjtat shqetësime me anëtarin e VV-së, mirëpo kam një shqetësim tjetër për shkak se rekomandimi i Zyrës për Regjistrim të Partive ka thënë se ky subjekt plotëson të gjitha kriteret që të jetë në garë për zgjedhjet e 9 shkurtit. Është bazuar edhe në deklarimet e MPB dhe MPJ dhe të gjithë kanë thënë se subjekti në fjalë i plotëson kriteret. Unë me këtë rast abstenoj deri në definimin e saktë sepse certifikimi i subjekteve duhet ta ketë një konsensus të përbashkët”, u shpreh Elshani.

“Ne të gjithë e dimë se kush është Lista serbe, mirëpo është mirë me na tregu Ministria e Punëve të Brendshme. Është mirë ata me ma tregu se kush janë pjesëtarë të këtij subjekti politik. Unë propozoj që të diskutoni me MPB-në dhe të vini me një rekomandim, qoftë pro apo kundër certifikimit”, u shpreh tutje Elshani.