Tag: Ballina

Në të njëjtën orë me vazhdimin e seancës konstituive të Kuvendit të Kosovës, sot qytetarët e Prishtinës do të mblidhen në sheshin “Skënderbeu” për të protestuar kundër vendimit të ZRRE-së për rritjen e çmimit të energjisë elektrike.

Protesta e organizuar nga grupi i njohur “Asnjë cent më shumë”, do të mbahet nga ora 12:00 dhe do të shprehë revoltën e qytetarëve ndaj një tjetër ngritje të çmimeve, që po konsiderohet e papërballueshme për shumicën e familjeve kosovare.

Ky vendim, i marrë nga ZRRE, parashikon një rritje të tarifave të energjisë elektrike për 16,1%, një vendim që ka shkaktuar pakënaqësi të thellë tek qytetarët, përfshirë ata të grupeve më të prekura sociale.

Protestuesit kërkojnë anulimin e kësaj rritjeje, duke argumentuar se shtimi i mëtejshëm i shpenzimeve për energjinë elektrike do të rëndojë edhe më shumë situatën e qytetarëve, që tashmë janë duke përballuar një krizë të fortë ekonomike.

PËRGATITI: NORA LUTA

Një milion e pesëqind e njëzet e tre mijë euro, janë shpenzuar nga buxheti i shtetit në tre muajt e parë të këtij viti, për avokatët që mbrojnë të akuzuarit e Speciales.

Buxheti i ndarë për mbrojtjen e Hashim Thaçit, Kadri Veselit, Rexhep Selimit, Jakup Krasniqit, dhe të tjerëve që po gjykohen në Hagë, në total për këtë vit është tetë milionë e pesëdhjetë mijë euro.

Ministria e Drejtësisë, në një përgjigjeje për ATV, thotë se nuk kanë pranuar asnjë kërkesë nga avokatët për buxhet shtesë.

Nga Instituti i Kosovës për Drejtësi, thonë se buxheti është shumë i rëndësishëm për një mbrojtje efikase.

Sipas Kolajt, të akuzuarit duhet të mbështeten nga institucionet e Kosovës, në mënyrë që mungesa e buxhetit të mos ndikojë në procesin ndaj tyre.

Kur u miratua ligji për Gjykatën Speciale nga Kuvendi në vitin 2015, ishte miratuar edhe ligji që ua garanton të akuzuarve potencialë mbështetjen financiare nga buxheti i Kosovës.

PËRGATITI: DIELLËZA KRASNIQI

Muslim Vojvoda po e analizon funksionimin e karrocës se re, meqë është elektrike lëvizja me të është shumë më e lehtë.

Këtë pajisje të domosdoshme për të e fitoi falë një projekti të shoqatës humanitare “t’i ndihmojmë Drenicës’’.

Një prej 44 karrocave të shpërndara për veteranet e invalidët e luftës e përfituan edhe Florije Sahiti e Kamer Ramhaxha.

Karrocat u dhuruan nga Nadir Shantiri.

‘’E falënderoj zotin qe na e ka mundësua për neve është një dite e veçantë ta realizojmë një event te tille ta gëzojmë te buzëqeshin fytyrat e bukura me te vërtet qe kane pas shume nevoje qe te lëvizin vet me karroca elektrike’’, tha ai.

44 karrocat e shpërndara kushtuan 11 mijë euro.

Kuvendi i Kosovës ka njoftuar se nesër do të vazhdojë seanca konstituive, duke filluar nga ora 12:00.

Seanca e së shtunës do të jetë vazhdimi i tretë i seancës konstituive, e cila dy herë radhazi dështoi të finalizohet pasi raporti i Komisionit për Verifikim mandatesh herën e parë s’ka marrë vota mjaftueshëm dhe herën e dytë s’është hedhur fare në votim.

Kryesues në këto seanca është deputeti më i vjetër, ai i Vetëvendosjes, Avni Dehari.

Kryeministri në detyrë, Albin Kurti, nuk ka dhënë përgjigje të qartë për media lidhur me vazhdimin e seancës konstituive të Kuvendit të Kosovës, që pritet të mbahet nesër.

I pyetur nga gazetarët nëse Lëvizja Vetëvendosje i ka siguruar votat për miratimin e raportit të Komisionit për Verifikimin e Mandateve dhe për zgjedhjen e kryetarit të Kuvendit, Kurti u përgjigj shkurt:

“Ajo është nesër, a po?” – tha ai, pa dhënë më shumë detaje.

Këto deklarime Kurti i bëri gjatë pjesëmarrjes në aktivitetin për nder të Ditës së Dëshmorëve të Komunës së Prishtinës, ku edhe dhuroi gjak në sheshin “Zahir Pajaziti”.

Ambasadori i Bashkimit Evropian në Kosovë, Aivo Orav, është shprehur se ende nuk ka një përgjigje përfundimtare lidhur me fatin e masave ndëshkuese që BE-ja ka vendosur ndaj Kosovës.

Ai ka rikujtuar se ish-Përfaqësuesi i Lartë i BE-së, Josep Borrell, kishte rekomanduar heqjen e këtyre masave, ndërsa diskutimet në Këshillin Evropian po vazhdojnë.

“Kam frikë se nuk mund t’i jap një përgjigje përfundimtare kësaj pyetjeje. Siç e dini, ish-Përfaqësuesi i Lartë i rekomandoi Këshillit në qershor 2024 heqjen e masave. Më pas, në dhjetor 2024, Këshilli në konkluzionet e tij për zgjerimin deklaroi se BE-ja gradualisht do t’i heqë masat paralelisht me hapat e mëtejshëm të Kosovës për të de-përshkallëzuar tensionet në veri. Diskutimet brenda Këshillit vazhdojnë dhe vendimi nëse masat do të hiqen përfundimisht i takon 27 vendeve anëtare të BE-së, pasi një vendim i tillë kërkon konsensus”, deklaroi Orav për Kosovo Online.

“Kusht thelbësor për rrugën drejt BE-së si për Kosovën ashtu edhe për Serbinë është normalizimi i marrëdhënieve dhe zbatimi i zotimeve të dialogut”, shtoi ai, duke përsëritur qëndrimin e Unionit ndaj procesit të dialogut ndërmjet dy vendeve.

Një ngjarje e rëndë ka ndodhur mbrëmjen e së enjtes në zonën e Lundrës në Tiranë, ku një atentat me armë zjarri ka lënë të plagosur katër persona. Ngjarja ka shkaktuar panik në zonë, ndërsa forcat e policisë kanë rrethuar menjëherë perimetrin dhe kanë nisur hetimet për zbardhjen e rrethanave.

Të plagosurit janë transportuar menjëherë në Spitalin e Traumës për ndihmë mjekësore. Mes tyre ndodhen edhe dy të mitur.

Raportohet se një nga të plagosurit, një 11-vjeçar, ndodhet në gjendje të rëndë dhe po trajtohet në repartin e reanimacionit.

Ndërkohë, edhe tre të tjerët, një 19-vjeçar, një 34-vjeçar dhe një 17 vjeçar, ndodhen ende në Spitalin e Traumës, por janë jashtë rrezikut për jetën.

Sipas asaj që A2 CNN ka mësuar, hetuesit kanë dyshime të forta se autorët mund të kenë ngatërruar objektiv. Burime thonë se objektivi i atentatorëve ka qenë një grua e një personi me precedentë të theksuar kriminal, identiteti i së cilës ende nuk është bërë i ditur.

Ambasadori i Mbretërisë së Bashkuar në Kosovë, Jonathan Hargreaves, ka reaguar lidhur me situatën politike pas dështimit të seancave konstituive për formimin e institucioneve të reja, transmeton ATV.

Në një postim në platformën “X”, ai tha se pas më shumë se dy muajsh nga zgjedhjet, Kosova ka nevojë urgjente për një Kuvend dhe një Qeveri funksionale.

“Më shumë se dy muaj pas votimit të qytetarëve të Kosovës në zgjedhje, Kosova ka nevojë urgjente për një Kuvend dhe Qeveri funksionale. Qytetarët kanë të drejtë të presin që liderët e tyre politikë të punojnë së bashku në interes kombëtar”, shkroi Hargreaves. /atvlive.tv

More than two months after Kosovo’s people voted in elections, 🇽🇰 urgently needs a functioning Assembly and government. The people have a right to expect their political leaders to work together in the national interest.

— Jonathan Hargreaves (@jonhargreaves67) April 17, 2025

Deputetja e Lëvizjes Vetëvendosje, Albulena Haxhiu, pas ndërprerjes së seancës konstituive të Kuvendit të Kosovës, deklaroi se mungesa e konsensusit në takimin konsultativ ishte arsyeja që kryesuesi Dehari vendosi të pezullojë seancën, raporton ATV.

Ajo tha se pavarësisht qëndrimeve të kundërta mes partive, Lëvizja Vetëvendosje mbetet e përkushtuar për të gjetur një rrugë përpara.

“Ne si subjekt politik, si parti politike, duam ta korrigjojmë vendimin e gabuar të Kuvendit të Republikës së Kosovës. Kemi plot vullnet që ai vendim të korrigjohet, por duhet të shohim se cila është mënyra për ta korrigjuar atë vendim,” tha Haxhiu.

Sipas saj, në mungesë të dispozitave të qarta ligjore për situata të tilla, është e nevojshme që partitë të dakordohen për hapat e ardhshëm që do të çojnë në zhbllokimin e procesit. /atvlive.tv

Më shumë detaje i gjeni në videon më poshtë:

Kryetari i PDK-së, Memli Krasniqi, pas ndërprerjes së seancës konstituive të Kuvendit, akuzoi Vetëvendosjen për uzurpim të procesit dhe përdorim politik të kryesuesit Avni Dehari për të penguar votimin e raportit për verifikimin e mandateve, raporton ATV.

Ai tha se skenari ishte i qartë që në fillim dhe se ndërprerja u bë me qëllim të shtyrjes së afateve kushtetuese dhe pazareve politike.

“Sot ka pasë uzurpim partiak të institucionit përfaqësues të qytetarëve të Kosovës. Në vend se të zbatohet skenari i seancës, të hidhej në votim raporti, kjo nuk ka ndodhë. Është keqpërdorur e drejta që i takon deputetit më të vjetër për të arritur qëllime partiake,” deklaroi Krasniqi.

Ai tha se kjo sjellje po dëshmon mungesën e shumicës nga ana e partisë fituese dhe bëri thirrje që Kuvendi të mos mbahet peng më tej. /atvlive.tv

Më shumë detaje i gjeni në videon më poshtë: