Tag: Ballina

Si njohjet e tjera të pavarësisë së Kosovës, edhe ajo nga Sudani nxiti kundërshtime nga liderë të Serbisë. Por, këtë herë argumenti i Serbisë nuk përfshinte vetëm pretendim se po shkelej Rezoluta 1244. Atëherë, pse u kontestua vlefshmëria e kësaj njohjeje?

Më 12 prill, presidentja e Kosovës, Vjosa Osmani, njoftoi se Sudani u bë shteti i 119-të që e njohu pavarësinë e Kosovës.

Vetëm rreth 24 orë më vonë, Ministria e Punëve të Jashtme e Serbisë e vuri në pikëpyetje legjitimitetin e “pushtetit aktual” në Sudan për të marrë vendime të tilla.

Çfarë po ndodh në Sudan?

Në dy vjetët e fundit, Sudani është përballur me atë që Organizata e Kombeve të Bashkuara (OKB) e quan krizën më të madhe të urisë në botë. Dhjetëra mijëra njerëz jane vrarë dhe mbi 13 milionë janë detyruar të zhvendosen nga shtëpitë e tyre.

E gjitha kjo është shkaktuar nga lufta për pushtet mes shefit ushtarak, Abdel Fattah al-Burhan, dhe ish-zëvendësit të tij, Mohamed Hamdan Dagalo, që tani udhëheq Forcat e Mbështetjes së Shpejtë (RSF).

Presidentja Osmani siguroi njohjen e pavarësisë gjatë takimit me ministrin e Jashtëm të Sudanit, Ali Yousif Ahmed Al Sharif, i cili është pjesë e qeverisë së udhëhequr nga Al-Burhani.

Që prej atëherë, kundështarët e tyre, RSF-ja e udhëhequr nga Dagalo, ka njoftuar se është duke formuar një qeveri të sajën për Sudanin, me të cilën do të udhëheqë në rajonet që kontrollohen prej saj.

Dagalo – i cili është i sanksionuar nga SHBA-ja për akuza se forcat e tij kanë kryer gjenocid në Darfur të Sudanit – tha më 16 prill se ai dhe aleatët e tij po krijojnë “një këshill presidencial me 15 anëtarë” që përfaqëson të gjitha rajonet e Sudanit.

Ky vendim nuk është mirëpritur nga OKB-ja, që menjëherë doli me reagim se prioritet duhet të jetë ruajtja e unitetit dhe sovranitetit të Sudanit dhe se krijimi i një qeverie paralele nuk ndihmon drejt zgjidhjes së problemit.

Përpjekja e RSF-së për të krijuar qeveri paralele është kundërshtuar edhe nga shumë shtete, përfshirë SHBA-në.

Serbia ka aluduar në këtë situatë politike në Sudan kur vuri në pikëpyetje legjitimitetin e njohjes së pavarësisë së Kosovës.

Megjithatë, edhe pas fillimit të luftës më 15 prill të vitit 2023 në Sudan, kabineti i liderit “de facto” të Sudanit, Al-Burhanit, ka vazhduar të luajë rolin e tij të zakonshëm.

Vetë ministri i Jashtëm, Al Sharif, i cili konfirmua njohjen e pavarësisë nga Sudani në takimin me Osmanin, gjatë këtij viti ka mbajtur takim edhe me ministrin e Jashtëm të Rusisë, Sergey Lavrovin.

Sipas njoftimit të Ministrisë së Punëve të Jashtme të Rusisë, gjatë këtij takimi ishte diskutuar për “mënyra për forcimin e bashkëpunimit mes Rusisë dhe Sudanit në fusha të ndryshme”.

Si reagon zakonisht Serbia ndaj njohjeve të pavarësisë së Kosovës?

Që nga shpallja e pavarësisë së Kosovës më 17 shkurt të vitit 2008, Serbia vazhdimisht ka kundërshtuar njohjet e pavarësisë së Kosovës nga vendet e treta duke u thirrur në respektimin e Rezolutës 1244 të Këshillit të Sigurimit të Kombeve të Bashkuara.

Serbia argumenton se kjo Rezolutë parasheh që statusi i Kosovës të zgjidhet përmes bisedimeve me Serbinë dhe të ketë vetëqeverisje të përkohshme nën mbikëqyrje të Misionit të OKB-së në Kosovë, UNMIK.

Por, më 2010, Gjykatës Ndërkombëtare e Drejtësisë kishte konstatuar se pavarësia e Kosovës nuk e shkel të drejtën ndërkombëtare.

Këtyre reagimeve të Serbisë, Kosova i është përgjigjur me thirrje ndaj Bashkimit Evropian dhe partnerëve ndërkombëtarë për adresim të deklaratave të Serbisë, që Ministria e Punëve të Jashtme dhe Diasporës e Kosovës (MPJD) i cilëson shkelje të Marrëveshjes së Brukselit.

MPJD-ja bazohet në dy nene të Marrëveshjes së Brukselit, të cilat obligonin Kosovën dhe Serbinë të ““zhvillojnë marrëdhënie normale, fqinjësore të mira me njëra-tjetrën, mbi bazën e të drejtave të barabarta” dhe që përcaktonte se Serbia “nuk do ta bllokojë dhe as nuk do t’i inkurajojë të tjerët të bllokojnë anëtarësimin e Kosovës në organizata ndërkombëtare”.

“Përpjekja e Serbisë për të diskredituar vendimin sovran të Sudanit është jo vetëm shkelje e angazhimeve të saj në kuadër të dialogut, por edhe një fyerje ndaj sovranitetit të Sudanit dhe parimeve themelore të së drejtës ndërkombëtare”, thuhet në deklaratën e MPJD-së, të publikuar më 15 prill.

Reagime dhe kundërreagime të ngjashme ishin shkaktuar edhe pas njohjes së pavarësisë nga Kenia në fund të muajit mars të këtij viti.

Serbia ishte thirrur në Rezolutën 1244, ndërsa Kosova i ishte përgjigjur se po shkel Marrëveshjen e Brukselit.

Eksperti Gëzim Visoka, profesor i Studimeve për Paqe dhe Konflikt në Universitetin e Dublinit në Irlandë, kishte thënë se shpreson që njohja nga Kenia të jetë “pikë kthese” në diplomacinë e Kosovës, pasi njohja paraprake kishte qenë ajo nga Izraeli më 2021.

“Njohja nga Kenia paraqet një mundësi të mirë për Qeverinë e Kosovës, por edhe për aktorët e tjerë të angazhuar, që të rikthejnë vrullin dhe të punojnë në mënyrë të qëndrueshme dhe strategjike për të përmbyllur procesin e njohjes ndërkombëtare të Kosovës”, kishte thënë Visoka për REL-in. /REL/

Besimtarët e krishterë dhe ortodoksë në mbarë botën kremtojnë festën e Pashkëve të dielën. Papa Françesku pritet të marrë pjesë në festimet për Pashkë në Vatikan të dielën, vetëm disa javë pasi doli nga spitali ku u trajtua për pneumoni.

Ati i Shenjtë kishte qëndruar në spital për 38 ditë.

Afër 300 kardinalë, ipeshkvij dhe priftërinë do të marrin pjesë në meshën e Pashkëve të dielën në Vatikan, në festën kur besimtarët përkujtojnë ringjalljen e Jezu Krishtit.

Në Vatikan pritet të ketë turma më të mëdha se zakonisht për shkak të Jubileut, “Vitit të Shenjtë” në Kishën Katolike që ndodh çdo çerekshekulli dhe tërheq mijëra pelegrin në Vatikan.

Kardinali italian, Giovanni Battista Re, udhëhoqi meshën solemne të Pashkëve të shtunën mbrëma në bazilikën e Shën Pjetrit, në vend të Papa Françeskut. Papa është urdhëruar nga mjekët që të pushojë për shkak të gjendjes së tij shëndetësore dhe ai mori pjesë vetëm në një ngjarje gjatë Javës së Shenjtë, kur vizitoi një burg në Romë.

Besimtarët në Kosovë po ashtu po kremtojmë Pashkët. Të shtunën mbrëma, besimtarët morën pjesë në meshën solemne të Pashkëve në Katedralen Shën Nënë Tereza në Prishtinë. Mesha u udhëhoq nga ipeshkvi i Ipeshkvisë së Kosovës, Imzot Dodë Gjergji, i cili bëri thirrje për paqe dhe pajtim në mbarë botën. Ndërkaq, mesha e Pashkëve do të mbahet në po këtë katedrale në dielën.

Presidentja e Kosovës, Vjosa Osmani, ka uruar besimtarët e krishterë dhe ortodoksë për festën e Pashkëve.

“Kjo festë, e cila këtë vit na bashkon në një datë të vetme, na kujton fuqinë, shpresën dhe besimin e palëkundur për një të ardhme më të mirë”, tha ajo përmes një postimi në Facebook.

Pashkët e këtij viti përkojnë në të njëjtin fundjavë si në degët katolike dhe protestante të krishterimit, që ndjekin kalendarin gregorian, ashtu edhe në degën ortodokse, e cila ndjek kalendarin julian. /REL

Kryeministri në detyrë, Albin Kurti ua ka uruar festën e Pashkëve të gjithë besimtarëve të krishterë, ortodoksë dhe protestantë.

Kurti nëpërmjet një postimi në rrjetin social Facebook ka thënë se kjo festë është një ftesë për reflektim, rilindje dhe shpresë.

Ai po ashtu ka uruar që Pashkët t’i bëjnë të fuqishëm me durimin për mundimet, për betejën me të padrejtën dhe për vështirësinë e ndryshme.

“Këtë vit Pashkët i festojnë bashkë në të njëjtën datë besimtarët katolikë, ortodoksë e protestantë në të gjithë botën, e bashkë me ta edhe besimtarët shqiptarë kudo ku jetojnë. E diela e Pashkës është dita më e madhe që kremtohet në çdo shtëpi besimtari, në çdo altar kishe prej 2025 vitesh, çdo vit. Është më shumë se një festë, është një ftesë për reflektim, rilindje dhe shpresë. Kjo ditë na e sjell pranë mendjes e shpirtit dritën, dashurinë dhe ripërtëritjen. Ta duam njëri-tjetrin dhe atdheun në pambarim. Ta kemi shpresën të madhe sa dëshirat. Ta mbrojmë dritën siç e mbrojmë veten. Ta përmbushim sprovën e të qenit njerëz me besim e me virtytin e të mirës. Qoftë kjo festë e Pashkëve e mbarë për të gjithë, për familjet e besimtarëve, për shqiptarët që mbrëmë i ndezën dritat e besimit në kishë, e sot kremtojnë në familjet e tyre. Na bëftë të fuqishëm me durimin për mundimet, për betejën me të padrejtën, për vështirësinë e ndryshme ashtu që ta ndihmojmë përherë njëri-tjetrin me plot dashuri. Qofshin lutjet e kësaj dite e mira që përhapet midis nesh”, ka shkruar ai.

Presidentja e Kosovës, Vjosa Osmani, ka uruar Pashkët.

Ajo ka shkruar se kjo festë na e kujton fuqinë, shpresën dhe besimin e palëkundur për një të ardhme më të mirë.

“Qofshin Pashkët një moment reflektimi, afrimi dhe dashurie për të gjithë ne”, ka uruar Osmani.

Urimi i Presidentes Osmani për Pashkët:

Të gjithë besimtarëve katolikë dhe ortodoksë, ju uroj nga zemra Pashkë të bekuara, paqe në zemër dhe gëzim në familje!

Kjo festë, e cila këtë vit na bashkon në një datë të vetme, na kujton fuqinë, shpresën dhe besimin e palëkundur për një të ardhme më të mirë.

Qofshin Pashkët një moment reflektimi, afrimi dhe dashurie për të gjithë ne.

Gëzuar për shumë mot Pashkët!

Glauk Konjufca i Lëvizjes Vetëvendosje propozoi që të votohet Albulena Haxhiu për postin e kryeparlamentares, pas dështimit në tentimin e parë.

“Ju lus ta mbështetni këtë propozim sepse vetëm kështu nuk bllokoni konstituimin”, tha Konjufca, duke theksuar se vetëm partisë fituese të zgjedhjeve, në këtë rast Lëzivjes Vetëvendosje, i takon propozimi i kryeparlamentarit.

Propozimi që Albulena Haxhiu të marrë postin e kryeparlamentares në legjislaturën e nëntë sërish nuk arriti që t’i siguroj votat dhe të ulet në ulësen e Kryekuvendares, duke marrë 57 vota pro, 19 kundër dhe 3 abstenime.

LEXONI EDHE:

57 vota për, Albulena Haxhiu nuk bëhet kryetare e Kuvendit

Kandidatja e propozuar për kryetare të Kuvendit, Albulena Haxhiu nuk ka arritur të bëhet kryeparlamentare për shkak se nuk ka marrë votat e mjaftueshme.

Për këtë propozim ishin 57 vota pro, 20 kundër dhe 3 abstenime.

“Konstatoj se Kuvendi i Kosovës me 57 vota për, 20 kundër dhe 3 abstenime nuk është votuar kandidatja e propozuar për kryetare të Kuvendit, Albulena Haxhiu”, tha kryesuesi i seancës konstituive, Avni Dehari.

Kujtojmë se për zgjedhjen e kryeparlamentarit të ri dhe formimit të qeverisë duhet 61 vota./atvlive.tv/

Për të ndjekur mbulimin e drejtpërdrejtë të zhvillimeve në Kuvendin e Kosovës, klikoni në videon e mëposhtme:

 

Ministri në detyrë i Financave, Hekuran Murati derisa fajësoi deputetët e opozitës për vonesë në konstituimin e Kuvendit, tha se anëtarët e partive që deri më tani kanë qenë në opozitë janë dakorduar të votojnë pro raportit për mandatin e deputetëve.

Tutje, ai shtoi se asgjë nuk ka ndryshuar në raport me atë të para katër ditëve dhe se asnjë dorëheqje nuk është dorëzuar, raporton ATV.

“Ashtu siç edhe e kemi thënë më herët e gjithë kjo vonesë ka ndodhë për fajin e deputetëve të opozitës që në tentimin e parë për konstituitimin e Kuvendit të Kosovës, votuan kundër një raporti që do të duhej të ishte çështje procedurale. Sot pra jemi dakordu së paku verbalisht që opozita do të votojë ‘pro’ raportin e njëjtë pa ndryshuar asgjë. E them asgjë s’ka ndryshuar në krahasim me atë para 4 ditëve dhe se e vetmja gjë që ka ndryshuar janë fjalët e opozitës dhe qëndrimet tyre”, tha Murati./atvlive.tv

Për të ndjekur mbulimin e drejtpërdrejtë të zhvillimeve në Kuvendin e Kosovës, klikoni në videon e mëposhtme:

Avokati Arbër Jashari, në “Studio e Hapur” në ATV, duke komentuar qëndrimet politike të ditëve të fundit tha se është për t’u çuditur sjellja e kryeministrit në detyrë, Albin Kurtit për siç tha ai, që arrin në Kuvend pa pasur një marrëveshje paraprake për konstituimin e Kuvendit.

“Çka është për t’u çuditur me Albin Kurtin, vjen në Kuvend pa nënshkrua asnjë marrëveshje të koalicionit, vjen pa marrëveshje në xhep, pa vota në kuti dhe pret që njerëzit me votu po supozojmë kryeparlamentarin. Pra, vjen me atë arrogancën sikur ti kishte fitu mbi 51 % me idenë që ju duhet me votu Albin Kurti, sikur ti kishte 65 deputet. Na ish dashtë me pas kryeminsitrin Kurti prej 9 shkurtit me marrëveshje të kryera siç kanë bërë paraardhësit e tij. Me shku në Kuvend pa e ditë se kë ke me e propozu si kryetar të Kuvendi,”, tha ai.

Për të tretë herë me radhë, deputetët vazhdojnë seancën konstituive për legjislaturën e nëntë të Kuvendit të Kosovës./atvlive.tv

Për të ndjekur mbulimin e drejtpërdrejtë të zhvillimeve në Kuvendin e Kosovës, klikoni në videon e mëposhtme:

Për të tretë herë me radhë, deputetët vazhdojnë seancën konstituive për legjislaturën e nëntë të Kuvendit të Kosovës.

Partitë kanë akuzuar njëra-tjetrën për bllokimin e formimit të institucioneve të reja, pasi ende nuk kanë arritur të kalojnë raportin për verifikimin e mandateve.

PDK, LDK, AAK insistojnë që anëtarët e kabinetit qeverisës, duhet të japin dorëheqje formale që të betohen si deputetë dhe nuk duhet të vazhdojnë punën në ekzekutiv.

Kryeministri në detyrë, Albin Kurti, e cilëson si të pakuptimtë kërkesën për dorëheqje, pasi argumenton se Qeveria e tij është në dorëheqje që nga 23 marsi.

Për të ndjekur mbulimin e drejtpërdrejtë të zhvillimeve në Kuvendin e Kosovës, klikoni në videon e mëposhtme:

Sot nga ora 12:00 do të vazhdojë seanca konstituive e Kuvendit të Kosovës, e cila pritet të sjellë përpjekje të reja për formimin e legjislaturës së nëntë. Ky proces ka dështuar edhe në seancën e kaluar, kur kryesuesi i Kuvendit, Avni Dehari, ishte i detyruar të ndërpresë seancën për shkak të mungesës së konsensusit mes deputetëve mbi hapin e radhës.

Një nga arsyet kryesore të dështimit ka qenë qëndrimi i partive opozitare të koalicionit të kaluar, të cilat kanë mbajtur pozita të forta kundër asaj që ata e quajnë “qeveri të paligjshme”.

PDK, LDK dhe AAK vazhdojnë të kërkojnë dorëheqjen formale të kryeministrit në detyrë, Albin Kurti, dhe kabinetit të tij qeveritar, si një kusht për vazhdimin e procesit parlamentar.

Në seancën e kaluar, opozita ngriti akuzat për shkelje të procedurave nga ana e kryesuesit Avni Dehari, të cilin e cilësuan si të pafavorshëm dhe të njëanshëm në drejtimin e procesit.

Sipas këtyre partive, Dehari kishte kryer shkelje të rënda procedurale, duke krijuar një klima të tensionuar dhe të pamundësishme për të arritur një marrëveshje të qëndrueshme.

Në anën tjetër, nga koalicioni fitues, LVV-Guxo dhe Alternativa, shprehen të bindur se kanë numrat e nevojshëm për të zgjedhur kryetarin e Kuvendit.

Haxhi Avdyli, nga Lëvizja Vetëvendosje, ka deklaruar se kanë një marrëveshje të arritur me Nismën Socialdemokrate për të siguruar mbështetje në Kuvend, ndërkohë që janë duke diskutuar për dy ose tre emra për postin e kryeparlamentarit.

Emilja Rexhepi, zëvendëskryeministre në detyrë, konfirmoi se po zhvillohen bisedime me Nismën për të finalizuar emrin që do të propozohet për këtë pozitë. Megjithatë, ajo shtoi se ende nuk ka një emër të përfunduar dhe se procesi është ende në fazën e diskutimeve.

Ndërkohë, kreu i Qeverisë në detyrë, Albin Kurti, ka mbajtur një qëndrim tërësisht të heshtur lidhur me këtë çështje, duke shmangur çdo koment lidhur me mundësinë e një dorëheqjeje ose zhvillimet e tjera politike.

Kurti është përballur me pyetje të shumta nga gazetarët, por ka preferuar të mos i përgjigjet asnjë prej tyre, duke ruajtur një linjë të qetë dhe pa u angazhuar në ndonjë debat të mëtejshëm.

Në seancën e parë konstituive, mungesa e kalimit të raportit të Komisionit për Verifikimin e Mandateve të Deputetëve çoi në ndërprerjen e punimeve. Ky raport është një nga hapat kyç për të shpallur seanca të tjera të ligjshme dhe për të kaluar në fazën e votimit të funksionarëve të tjerë të Kuvendit.

Nëse seanca e sotme do të arrijë të kalojë pa pengesa të tjera, mund të fillojë një proces më i shpejtë për krijimin e institucioneve të reja të Kuvendit dhe për avancimin e agjendës parlamentare.

Megjithatë, mbetet të shihet nëse LVV do të arrijë të sigurojë një shumicë të mjaftueshme për të votuar kryetarin e Kuvendit dhe për të kaluar në fazat e tjera të krijimit të institucioneve të reja.