Tag: Ballina

Zëvendëskomandanti i Policisë së Kosovës për Rajonin e Veriut, Veton Elshani, tha se Ligji për të Huajt ka qenë gjithmonë në fuqi në Kosovë, por se zbatimi i tij do të fillojë së shpejti për pjesën që ka të bëjë me detyrimin për t’u paraqitur në stacionet e policisë brenda tre ditëve nga hyrja në Kosovë, për të bërë të ditur se ku po qëndrojnë.

Të huajt në këtë rast përfshijnë serbët pa dokumente të Kosovës që jetojnë dhe punojnë në Kosovë.

“Policia do t’i informojë qytetarët se kur raportimi do të jetë i detyrueshëm”, tha Elshani të enjten për Kosovo-Online.

Për t’i informuar ata, shton ai, ka filluar të shpërndahet një broshurë, përkatësisht “Udhëzuesi për Hyrjen, Lëvizjen, Qëndrimin dhe Punësimin e të Huajve në Republikën e Kosovës”.

Nëse policia identifikon persona që nuk e kanë përmbushur këtë detyrim, pohon Elshani më tej, të dhënat e tyre do t’i dërgohen policisë kufitare, e cila është përgjegjëse për lëshimin e gjobave.

Në rastin kur dikush vjen nga Serbia në Kosovë me autobus për të vizituar kishat ose ndonjë vend tjetër, shton ai, policia merr informacion përmes komandës në Prishtinë dhe më pas nuk është problem të qëndrojë në Kosovë për një javë, dhe kur dikush vjen individualisht në një hotel, atëherë, sipas tij, është detyrim i pronarit të hotelit të informojë policinë brenda dy ditësh.

“Por njerëzit që jetojnë dhe punojnë këtu duhet të raportojnë në polici ku do të marrin një formular. Kjo nuk është ndonjë problem i madh për t’u bërë”, tha zëvendëskomandanti i Policisë së Kosovës për rajonin verior.

Ai shpjegon se lejet afatshkurtra, të përkohshme, si dhe të përhershme lëshohen për qëndrim në Kosovë.

Ambasadori në largim i Gjermanisë në Kosovë, Jorn Rohde, ka folur rreth sanksioneve ndaj Kosovës.

“Thuhet se veprimet shqetësuese vendosin sanksione në Kosovë, për shkak të obligimeve. Sepse nëse jo, ndodhin shtrëngime në raporte, dhe kjo do të thotë se gjendja nuk është në rregull. Por kjo s’do të thotë se Gjermania nuk është partner i ngushtë me Kosovës, sepse jemi dhe do të jemi”, tha ai.I pyetur se a po trajtohet “fer” Kosova lidhur me masat e BE-së ndaj saj, Rohde thotë se sanksionet janë targetuar tek njerëzit e gabuar.
Megjithëse, sipas tij, të njëjtat nuk po hiqen për shkak se disa vende në Bashkimin Evropian janë ende skeptikë.“E dini, mund ta lexoni në çdo deklaratë, se bëjmë apel për ndjekje penale të Milan Radoiçiqit, por kjo nuk ka ndodhur, dhe ndoshta kjo është ndër arsyet pse nuk përparojnë bisedimet BE-Serbi. Ne duam që sundimi i ligjit të zbatohet”, tha ambasadori në largim.
“Masat, dua të them se Gjermania, pozita jonë është dhe mbetet që masat duhet të hiqen, sepse ato i kanë targetuar njerëzit e gabuar. [Pse nuk po hiqen?] Sepse janë disa vende në BE që janë skeptike, ato janë dashur të hiqen vitin e kaluar, dhe përsëri ka pasur disa masa kundër institucioneve”, tha tutje Rohde.

Presidentja e Kosovës, Vjosa Osmani, këtë vit do të jetë e pranishme në Asamblenë e Përgjithshme të Kombeve të Bashkuara në New York. Vizita zhvillohet në kuadër të Javës së Nivelit të Lartë të këtij forumi ndërkombëtar.

Kjo është konfirmuar nga Këshilltari për media i Presidentes, Bekim Kupina.

Gjatë qëndrimit në ShBA, presidentja do të zhvillojë takime me homologë nga vende të ndryshme, si dhe do të marrë pjesë në aktivitete të tjera zyrtare të organizuara në kuadër të Asamblesë.

“Sikurse edhe çdo vit, Presidentja Osmani do të jetë në New York për takime me homologë dhe aktivitete të tjera zyrtare përgjatë Javës se Nivelit të Lartë të Asamblesë së Përgjithshme të Kombeve të Bashkuara”, tha Kupina për Reporteri.net.

Asambleja e Përgjithshme e OKB-së do të mbahet nga data 22 shtator deri më 30 shtator./ATVLIVE/

Në Dhomat e Specializuara të Kosovës (DhSK) në Hagë, në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit, ka përfunduar dëshminë Paul Williams, ish-këshilltar ligjor i delegacionit të Kosovës në Rambuje.

Dëshmia e Williams zgjati një ditë e gjysmë, ku tha se në cilësinë e këshilltarit juridik kishte punuar pa pagesë për delegacionin kosovar gjatë punimeve për marrëveshjen e Rambujesë, raporton “Betimi për Drejtësi“.

Gjatë fundit të dëshmisë së tij, ai u mor në pyetje edhe nga mbrojtja e Jakup Krasniqit pasi pati pyetje shtesë.

Ndryshe, avokati i Hashim Thaçit, Luka Mishetiq tha se nuk do të kenë dëshmitarë tjetër për sot.

Ndërsa, për javën e ardhshme do të jetë vetëm një, e që dëshmia e tij pritet të zgjasë deri të mërkurën në mëngjes.

Me kaq përfundoi seanca e sotme për të vazhduar të hënën me dëshmitarin e tretë të mbrojtjes.

Ish-Presidentja e Kosovës, Atifete Jahjaga, ka takuar ish-presidentin amerikan, Barack Obama, në kuadër të samitit global në Erie, Pensilvani.

Përmes një postimi në facebook, Jahjaga ka thënë se ka ka kërkuar nga Obama angazhimin e mëtejshëm në forcimin e marëdhenieve ndërmjet SHBA dhe Kosovës, që thotë se janë sfiduar me pezullimin e dialogut strategjik së fundmi.

“Kerkova edhe ndihmen dhe perkrahjen e zotit Obama ne konsolidimin e shtetesise tone në arenën ndërkombëtare”, ka shkruar Jahjaga.

Ajo ka thënë se Kosova nuk ka pasur dhe nuk do të ketë kurrë aleat më të madh se Shtetet e Bashkuara të Amerikës dhe populli amerikan.
“Falë këtij partneriteti, ne sot gëzojmë lirinë, pavarësinë, njohjen ndërkombëtare dhe anëtarësimin në shumë organizata botërore. Për këtë mbetemi përjetësisht falënderues”.

Policia e Kosovës ka njoftuar se në Mitrovicë të Veriut kanë gjetur serish uniforma ushtarake, antiplumbë, karikatorë të armës së gjatë AK-47 me municion si dhe mjete tjera ushtarake.

Ato dyshohet se i përkasin një peroni që është në kërkim për rastin “Banjska”.

“Nuk ka persona të arrestuar dhe dyshohet se këto armë i përkasin një personi të dyshimtë i cili tashmë është në kërkim për rastin ‘Banjska’”, thuhet në njoftim.

Mjetet ushtarake janë gjetur në një rimorkio të enjten në mëngjes.

“Më datën 18.09.2025 rreth orës 09:45 njësia e hetimeve e Stacionit Policor Zveqan kanë hasur në një rimorkio ku pas kontrollit kishin hasur ne dy thasë me uniforma, antiplumbë, 5 karikatorë të AK-47 me municion dhe paisje tjera ushtarake”, thuhet në njoftimimin e Policisë.

Mjetet e dyshimta të cilat janë konfiskuar janë si ne vijim: 1 Uniformë ushtarake kamufluese, 5 karikator me 132 fishek të armës AK-47, 5 fatrolla për mbajtje te karikatorëve në gjoks, 4 pale pantallona ushtrak, 4 jakne ushtarake, 3 fotrolla të radiolidhjeve, 1 antiplumb, 2 rripa brezi ushtarak, 1 jelek taktik, 1 çantë taktike, 1 helmetë e gjelbër, 1 kapelë dhe 1 dritë rrotative”, shtohet në njoftim.

Ne vendin e ngjarjes thuhet se kanë dalë të gjitha njësitë relevante policore. Të gjitha veprimet e ndërmarra thuhet se i janë paraqitur Prokurorit të Shtetit i cili ka urdhëruar inicimin e rastit ‘’Mbajtja në pronësi, kontroll ose posedim i pa autorizuar të armëve’’.

Në Gjykatën Themelore në Mitrovicë është shtyrë seanca fillestare lidhur me aktakuzën ndaj deputetit të Listës Serbe, Sllavko Simiq, dhe Urosh Vuksanoviq, për sulm ndaj gazetarëve në Leposaviq në qershor të vitit 2023.

Gjykata më pas vendosi që seanca të shtyhet për 9 tetor, duke nisur nga ora 13:30.

Avokatët e dy të akuzuarve thanë se njëri nga të pandehurit nuk i ka pranuar shkresat nga prokurori, ndërkaq tjetri i ka pranuar vetëm pjesërisht.

Prokurorja e rastit, Ajtene Zoti, tha se avokatët janë njoftuar disa herë përmes telefonit për të marrë shkresat e lëndës, por ajo tha se ata nuk kishin shkuar për t’i marrë.

Pas shtyrjes së seancës, Simiq gjatë një deklarimi për gazetarë i hodhi poshtë akuzat dhe tha se “misioni im jetësor është të promovoj paqen, bashkëjetesën, dialogun dhe zgjidhjen e të gjitha problemeve përmes institucioneve, dhe kurrsesi e kundërta”.

“Principet e mia themelore, kodi im politik, bazohet në atë se gazetari është ishenjtë dhe askush nuk duhet ta prekë gazetarin, dhe kështu kam vepruar ndaj gazetarëve, si në veri, ashtu edhe në jug”, deklaroi ai, transmeton Radio Evropa e Lirë.

Për çfarë akuzohet deputeti Simiq?
Më 13 qershor të këtij viti, Prokuroria Themelore në Mitrovicë ngriti aktakuzë ndaj deputetit të Listës Serbe – partisë kryesore të serbëve në Kosovë që gëzon mbështetjen e Beogradit.

Simiq akuzohet për veprën “pjesëmarrje në turmë që kryen vepër penale dhe huliganizëm”.

Sipas Prokurorisë, Simiq më 16 qershor të vitit 2023 gjatë protestave kundër vizitës të ministrit, tashmë në detyrë të Administrimit të Pushtetit Lokal, Elbert Krasniqi “me dashje ka marrë pjesë në turmën e mbledhur prej më tepër se tetë persona, ashtu që në momentin që nga objekti i Komunës së Leposaviqit del ministri E.K., personat civil të maskuar fillojnë të gjuajnë shok bomba në drejtim të veturës zyrtare, dhe pasi që kalon vetura zyrtare, i pandehuri u jep urdhër turmës duke thënë që të i sulmojnë mediat”.

Në njoftimin për ngritjen e aktakuzës, Prokuroria tha se sulmi vazhdoi në drejtim të gazetarëve, fillimisht me shok bomba, e më pas turma u godit me grushte, shqelma, mjete të forta, tulla betoni, e gjësende të tjera. Gjatë këtij sulmi pësuan lëndime të rënda trupore dy gazetarë, tha Prokuroria.

Ndërkaq, të pandehurin Urosh Vuksanoviq, Prokuroria e akuzon për përfshirje “të drejtpërdrejtë në përdorimin e forcës ndaj gazetarëve të Kosovës”.

Ai akuzohet për veprat penale “sulmi” dhe “pjesëmarrja në turmë që kryen vepër penale dhe huliganizmi”.

Pasi u ngrit aktakuza, Lista Serbe deklaroi se Simiq kishte tentuar “të mbrojë të gjithë të pranishmit, përfshirë ekipet mediale”.

Sulmi i 16 qershorit të vitit 2023 ishte dënuar nga politikanë vendorë dhe nga Shtetet e Bashkuara të Amerikës.

Atë vit, në Leposaviq dhe në tri komunat e tjera në veri të Kosovës, të banuara me shumicë serbe, gazetarët ishin cak i disa sulmeve teksa ata po mbulonin protestat e serbëve lokalë kundër zgjedhjes së kryetarëve shqiptarë të komunave.

Zgjedhja e kryetarëve shqiptarë erdhi pasi kryetarët serbë ishin tërhequr dhe më pas partitë serbe bojkotuan zgjedhjet që u mbajtën në prill.

Protestat më 2023 kulmuan me përplasjen mes protestuesve dhe pjesëtarëve të misionit paqeruajtës të NATO-s në Kosovë, KFOR, në Zveçan më 29 maj. Gjatë kësaj përplasjeje u lënduan dhjetëra ushtarë të KFOR-it dhe protestues. NATO-ja vazhdimisht ka kërkuar që përgjegjësit për dhunën të përballen me drejtësinë./REL

Suspendimi i katër zyrtarëve të Njësisë për Reagim të Shpejtë, pas një shakaje të pretenduar për kryeparlamentarin Dimal Basha, po konsiderohet si ndërhyrje politike.

Njohësi i çështjeve të sigurisë, Drizan Shala, ka deklaruar se ky vendim është rezultat i një presioni të jashtëm politik mbi Policinë e Kosovës.

Tutje ai tha se kjo rrezikon të dëmtojë imazhin e Policisë së Kosovës.

Sipas tij, veprime të tilla mund të demoralizojnë stafin policor dhe të ndikojnë në funksionimin e strukturave të sigurisë.

“Fakti që shumica e zyrtarëve policorë tanimë edhe me pjesën e përcaktimit të pagës, pjesën e përcaktimit të rrezikshmërisë dhe baraspeshimi në aspekte të ndryshme administrative ka krijuar një pakënaqësi të madhe, interferimet dhe marrja e masave, të themi administrative, të ndikuara dhe të motivuara politikisht mund të ndikojnë drejtpërdrejt në mbarëvajtjen e procesit, sepse ne kemi një element krucial. Elementi i asaj që nuk po kemi mundësi ta mbulojmë pjesën e nevojave tona me zyrtarë të rinj policorë për arsye që po janë të njohur me problematikën brenda strukturave policore, sepse problemet brenda policisë së Kosovës janë shumë më të thella dhe shumë më të rënda se ndoshta janë në shqyrtim të parë, për arsye që janë të mbingarkuar, kanë një mospërkrahje institucionale. Por, nevojat e tyre dhe të gjitha këto reflektojnë në një veprim ndoshta të motivuar, që sipas të gjitha gjasave politikisht, për suspendimin e zyrtarëve policorë”, tha Shala.

Shala shtoi se deri tani ky mekanizëm ka funksionuar në mënyrë të pavarur dhe pa ndikime politike, duke ruajtur imazhin dhe llogaridhënien brenda Policisë së Kosovës.

Juristi Paul Williams, në vazhdimin e dëshmisë së tij në Gjykatën Speciale në mbrojtje të Hashim Thaçit dhe të tjerëve, ka folur mbi anëtarët e delegacionit kosovar në Rambuje dhe Paris.

Fillimisht gjyqtari e pyeti juristin për numrin e anëtarëve të këtij delegacioni.

Ai tregoi se aty ishin 16 veta, megjithëse e pati të vështirë t’i kujtonte të gjithë emrat.

“Ibrahim Rugova, Rexhep Qosja, Veton Surroi, Hashim Thaçi, Bujar Bukoshi, Edita Tahiri, Jakup Krasniqi, Blerim Shala, Dukagjin Gorani, ka pasur edhe vende për t’u ulur këshilltarët shqiptarë të Kosovës. Ishte edhe Bajram Kosumi poashtu anëtar”.

Se nëse pjesë e delegacionit ka qenë edhe Kadri Veseli, kjo nuk i kujtohej juristit.

Më tej, gjykatësi pyeti ish-këshilltarin ligjor të delegacionit të Kosovës gjatë negociatave në Rambuje, se pse Thaçi u zgjodh si kryetar, njofton Klankosova.tv.

“Me aq sa di unë, tre prej tyre ishin përzgjedhur me konsensus dhe kjo vjen nga një proces verbal nga takimi i 7 shkurtit që më tregoi Edita Tahiri. Gjithashtu më është dhënë dokumenti që më lejonte të futesha në Kështjellë. Rugova ishte LDK, Qosja LDK dhe Thaçi UÇK. Vendimi u mor dy me një, Qosja për Thaçin, Thaçi për veten, dhe kjo ishte mënyra se si u zgjodh Thaçi. 2 pro tij, dhe një kundër”, tha Williams.

Në vazhdimin e pyetjeve, gjykatësi kërkonte nga juristi të dinte se pse Hashim Thaçi ishte fytyra e negociatorit për UÇK-në.

“Ideja ishte që ekzistonte dëshira për procesin e pavarësisë së Kosovës dhe kjo çështje ishte me shtresa. Rugova ishte pacifist, ishte pro-pavarësisë. Bukoshi më shumë punonte me amerikanët dhe evropianët, kishim edhe veprimin e aktorëve jo-shtetërorë, kishim një dimension tjetër të vetëvendosjes, strategjisë për pavarësinë. Donin një UÇK që të tregonte përmes veprimeve dhe fjalëve dhe angazhimeve të veta, që ky person i UÇK-së të ishte negociator dhe diplomat që mund të ishte i besueshëm. Duhej të kishte karaktere të ndryshme, në mënyrë që negociatori të jetë figura kryesore, të sillet në mënyrë të caktuar dhe si dikush që nuk lëshon pe. Kur ndërton një ekip duhet të marrësh parasysh karakteristikat e personave”, deklaroi dëshmitari Williams.

Amerikani poashtu zbuloi dy fjalët më të shpeshta të Ibrahim Rugovës.

“Rugova ishte personi i parë që ia kam ofruar shërbimet e mia, pra që e kam këshilluar, e respektonte shumë dhe admironte shumë çdo bisedë që një ndërkombëtar bënte me të dhe gjithmonë ai përfundonte me dy fjalë: ‘pavarësia dhe mospërdorimi i forcës’”.

“Rugova kishte luajtur rol të rëndësishëm në Rambuje. Roli i tij ishte i rëndësishëm, aspiratat e tij për pavarësi, por nuk ishte negociator, nuk negocionte. Njëri dimension është ky. UÇK-ja shikohej si një dimension shumë i rëndësishëm i përbërjes politike të Kosovës”, u shpreh juristi Paul Williams.