Tag: Ballina

Ish-presidenti Hashim Thaçi ka nisur fjalimin e tij para trupit gjykues.

Ai ka thënë se është vetëm një e vërtetë, dhe ajo është se ai është plotësisht i pafajshëm.

Fjalimin e tij e ka nisur me urimet për gjithë shqiptarët, ne përvjetorin e shpalljes së pavarësisë.

“Për gati tri vite në këtë sallë ju keni dëgjuar akuzat e prokurorisë. Ju keni dëgjuar edhe të vërtetën. Është vetëm një e vërtetë. Unë jam plotësisht i pafajshëm.

“Në kohën e masakrave në fillimit të vitit 1998, isha student në Cyrih. Unë nuk po bëja plane si ta marr kontrollin e Kosovës, i vetmi njeri i cili po bënte plane morpide ishte Sllobodan Millosheviqi.

“Duke i parë masakrat në vendim tim nuk mund të qëndrojë indiferent, vendosa të vi në Kosovë. Ndërsa atë që do të bënte secili prej jush. Për ketë jam krenar dhe nuk i bi pishman asnjëherë. Është ofendim për kujtimin e heronjve dhe mijëra viktimave. Është ofendim dhe për përpjekjet e NATO-s me të cilët bashkëpunuam ngushtë.”

Thaçi tha se i vetmi, ama bash i vetmi kundërshtar ishte Sllobodan Millosheviqi.

“Është e rëndë të dëgjojë ketë akuzë”, ka thënë ai.

“Unë nuk isha i sigurt nëse do të shihja familjen time e lërë më të ushtrojë kontroll. Unë u ktheva në atdhe për të rrezikuar jetën time për liri”, shtoi ai.

Kontrolli dhe pushteti ishin në duart e hekurta të Sobodan Millosheviqit.

Projektligji për buxhetin 2026 është miratuar në komisionin parlamentar të Kuvendit.

Me diskutime të shumta, me 6 vota “për”, 0 kundër dhe 1 abstenim kaloi projektligji për ndarjet buxhetore për buxhetin e Kosovës të vitit 2026 nga Komisioni për të Drejtat e Njeriut, Barazi Gjinore, Punë, Familje, Vlerat e Luftës Çlirimtare dhe Peticione.

Nënkryetari i Komisionit nga Partia Demokratike e Kosovës, Artan Behrami theksoi se shmangia e buxhetit në Kuvend ka shkaktuar kufizim.

Ndërsa anëtarja e Komisionit nga Partia Demokratike e Kosovës, Sala Jashari pati një kërkesë për formulimin e një amandamenti rreth pensioneve të kategorive të ndryshme, raporton EO.

Më 18 shkurt 2008, Shtetet e Bashkuara të Amerikës njohën zyrtarisht Kosovën si shtet sovran dhe të pavarur.

Presidenti i asaj kohe, George Bush miratoi kërkesën e Kosovës për vendosjen e marrëdhënieve diplomatike ndërmjet dy vendeve.

Në deklaratën e atij viti, Sekretarja e Shtetit Rice kishte theksuar se Shtetet e Bashkuara do të vazhdojnë të jenë mik dhe partner i ngushtë i Kosovës në fillimin e jetës së saj si shtet i pavarur.

“ Sot, 18 vite më parë, Shtetet e Bashkuara të Amerikës e njohën zyrtarisht Kosovën si shtet sovran dhe të pavarur. Presidenti Bush iu përgjigj pozitivisht kërkesës së Kosovës për vendosjen e marrëdhënieve diplomatike ndërmjet dy vendeve tona. Vendosja e këtyre marrëdhënieve rikonfirmon lidhjet e veçanta të miqësisë që kanë bashkuar popujt e Shteteve të Bashkuara dhe të Kosovës.

“…Ndërsa Kosova sot nis jetën e saj si shtet i pavarur, Shtetet e Bashkuara zotohen se do të vazhdojnë të jenë mik dhe partner i ngushtë i saj.” – Deklaratë nga Sekretarja Rice, 18 shkurt 2008”, thuhet në një pjesë të deklaratës së Rice të cilën sot e ka publikuar Ambasada amerikane.

Ish-ambasadori i Holandës në Kosovë, Robert Bosch, në një lidhje direkte në A2CNN, deklaroi se nuk ka qenë personalisht dakord me Gjykatën Speciale, pasi, sipas tij, ajo u krijua me mbështetjen e shërbimeve sekrete serbe.

“Kur isha ambasador, duhej ta mbështesja Gjykatën Speciale sepse ashtu më thonte qeveria ime, por personalisht nuk e mbështesja sepse ishte e bazuar te raporti i Dick Marty, që ishte me mbështetjen e shërbimeve sekrete serbe, dhe Marty vendosi ta vinte në përdorim dosjen. I gjithë procesi ishte i bazuar në akuza për trafikim organesh në të ashtuquajturën shtëpi e verdhë në veri të Shqipërisë. Unë nuk isha dakord, pasi EULEX-i dhe UNMIK-u kishin hetuar dhe kishin dalë në përfundim që nuk kishte asnjë vlerë, por Këshilli i Europës bëri presion për hetim të mëtejshëm. Nuk ka gjë të keqe sepse heton, por ajo që nuk shkon ishte se kur gjykatësi Ëilliamson vërejti se kjo ngjarje nuk ishte e vërtetë, duhet të ishte ndalur si proces”, tha Bosch.

“Nuk qëndron që UÇK-ja ishte organizatë kriminale, pasi nuk ishte e organizuar. Edhe zoti Hill, që mbahet si pro-serb, tha që nuk është e vërtetë që UÇK-ja ishte e organizuar”, shtoi ish-ambasadori.

Avokati mbrojtës i Hashim Thaçit, Luka Misetic, ka thënë se Prokuroria Speciale e Hagës, ka bërë mëkatin, për të cilin një mësues i kishte folur shumë kohë më herët. Ai ka thënë se ky mëkat ka të bëjë me faktin se Prokuroria ka premtuar shumë më shumë sesa që mund të paraqitet, shkruan Express.

Misetic në fjalën e tij sot ka thënë se Zyra e Prokurorit të Specializuar ka premtuar spektakël, por s’ka paraqitur asgjë.

“Mentori im më mësoi para shumë kohësh, që mëkati më i madh në një gjykim, është që të premtohet më shumë se sa mund të paraqitet. ZPS ka bërë këtë mëkat të madh, të pafalshëm. Kanë premtuar spektakël, por kanë paraqitur asgjë.”, ka thënë Misetic.

Avokati kroat ka thënë mes tjerash, se Prokuroria e Hagës ka kërkuar nga Gjykata të bëj rolin e prokurorisë, për të gjetur provat që ata s’i gjenin dot.

Procesi gjyqësor ndaj ish-krerëve të Ushtrisë Çlirimtare të Kosovës ka hyrë tashmë në fazën vendimtare në Dhomat e Specializuara në Hagë.

Këtë të mërkurë pritet të dëgjohen fjalët e fundit nga përfaqësuesi i viktimave, replikat e mbrojtjes dhe në fund edhe deklarimet përmbyllëse të vetë katërshes së UÇK-së.

Në seancën përmbyllëse pritet të marrë pjesë zëvendëskryeministri i parë i Kosovës, Glauk Konjufca.

Konjufca dje tha se sot është Dita D, dhe se populli duhet të jetë i bashkuar, sikurse në marshin që u mbajt në Prishtinë.

“Nesër e kemi ditën D, ashtu siç ishim të bashkuar në Prishtinë, uroj që edhe nesër të jemi të bashkuar. Pikërisht për këtë arsye, po uroj që për shkak të këtij bashkimi dhe për shkak që kur është çështja te Ushtria Çlirimtare askush nuk mund të na përqajë, Gjykata ka me pa më qartë këtë unitet tonin dhe me marrë një vendim që është në përputhje me të vërtetën historike”.

Konjufca tha se është i bindur që Prokuroria nuk do të mund të vërtetojë me fakte asgjë, teksa deklaratën e Prokurorisë gjatë seancave të javës së kaluar, e cilësoi si skandaloze.

“Unë jam fort i bindur që kurgjë Prokuroria nuk ka me mujt me vërtetu me fakte, me deklarata politike ato janë tjera. Deklarata politike ka ba vazhdimisht, si kjo më skandalozja që ke që krejt botën e kanë mashtru kjo ndërmarrje kriminale e ashtuquajtur, ajo dmth ke me u tmerru prej sikleti”, tha Konjufca të martën.

Hashim Thaçi, Kadri Veseli, Jakup Krasniqi dhe Rexhep Selimi po përballen me akuza për krime lufte dhe krime kundër njerëzimit, të cilat sipas Prokurorisë së Specializuar, lidhen me periudhën e luftës në Kosovë, 1998–1999. Sipas aktakuzës, të akuzuarit dyshohet se kanë qenë pjesë e një “ndërmarrjeje të përbashkët kriminale”, akuza të cilat ata i kanë mohuar vazhdimisht, duke u deklaruar të pafajshëm.

Sot para Dhomave të Specializuara në Hagë do të paraqiten deklaratat përmbyllëse në gjykimin e Hashim Thaçit, Kadri Veselit, Rexhep Selimit dhe Jakup Krasniqit.

Procesi gjyqësor ndaj ish-krerëve të Ushtrisë Çlirimtare të Kosovës po hyn në fazën vendimtare, ndërkaq sot do të dëgjohen fjalët përfundimtare nga përfaqësuesi i viktimave, replikat e mbrojtjes dhe në fund edhe deklarimet përmbyllëse të katërshes së UÇK-së.

Ndryshe, Hashim Thaçi, Kadri Veseli, Jakup Krasniqi dhe Rexhep Selimi përballen me akuza për krime lufte dhe krime kundër njerëzimit, të cilat sipas Prokurorisë së Specializuar, lidhen me periudhën e luftës në Kosovë, 1998–1999.

Ata akuzohen se kanë qenë pjesë e një “ndërmarrjeje të përbashkët kriminale”.

Katërshja e UÇK-së i ka mohuar vazhdimisht, ndërsa janë deklaruar të pafajshëm.

Ndryshe, të martën në Kosovë, u organizua një marsh në mbështetje të ish-krerëve të Ushtrisë Çlirimtare të Kosovës.

Marshi u organizua nga platforma “Liria ka emër”.

Sipas organizatorëve, mbi 130 mijë qytetarë morën pjesë në marsh, duke mbushur sheshet e kryeqytetit dhe duke dërguar mesazhin për drejtësi të paanshme dhe mbrojtje të dinjitetit të luftës çlirimtare.

Në ditën e shënimit të 18-vjetorit të Pavarësisë së Kosovës, kryeministri i Kosovës, Albin Kurti, mirëpriti presidentin e Shqipërisë, Bajram Begaj, në një takim që theksoi lidhjet e ngushta dhe bashkëpunimin midis dy vendeve.

Gjatë takimit, presidenti Begaj shprehu urimet e tij më të përzemërta për popullin dhe shtetin e Kosovës për 18-vjetorin e shpalljes së Pavarësisë.

Ndërkaq, kryeministri Kurti mori urimet për mandatin e tij të ri dhe i dëshiroi suksese në përmbushjen e aspiratave të popullit të Kosovës për mirëqenie e begati, si dhe në realizimin e objektivave të qeverisë.

Bashkë biseduan për marrëdhëniet dypalëshe, zhvillimet në vend dhe në rajon, si dhe për rezultatet e marrëveshjeve të deritashme ndërqeveritare, teksa ritheksuan vullnetin e dyanshëm për të zgjeruar edhe më shumë sektorët e bashkëpunimit dhe për të thelluar raportin ndërshtetëror.

Kryeministri Kurti falënderoi presidentin Begaj për urimet, për vizitën në Kosovë dhe për takimin në Kryeministri, duke u bërë kështu presidenti i parë që e mirëpret në zyrën e tij në këtë mandat të ri.

Jay Robert Pritzker, Guvernator i Shtetit të Illinois ka njohur zyrtarisht 17 shkurtin si Dita e Pavarësisë së Kosovës në shtetin e Illinois në Shtetet e Bashkuara të Amerikës. Kjo është bërë e ditur nga ambasada e Kosovës në Shtetet e Bashkuara të Amerikës.

Në njoftimin e ambasadës është publikuar edhe letra e vendimit, ku ndër tjerash thuhet se komuniteti shqiptaro-amerikan në Illinois ka dhënë kontribute të rëndësishme në jetën kulturore, ekonomike dhe shoqërore të shtetit të Illinois, duke u dalluar si drejtues biznesesh, profesionistë dhe anëtarë aktivë të komuniteteve të tyre.

Letra e plotë:

Shteti i Illinois

Departamenti Ekzekutiv

Proklamatë

DUKE PASUR PARASYSH se Shteti i Illinois ka nderin t’u bashkohet shqiptaro-amerikanëve në mbarë shtetin tonë në përkujtimin e 17 shkurtit 2008, si dita kur Republika e Kosovës shpalli pavarësinë e saj;

DUKE PASUR PARASYSH se, në atë ditë historike, me një përkushtim të palëkundur ndaj parimeve të lirisë, sovranitetit dhe vetëvendosjes, Republika e Kosovës shpalli zyrtarisht pavarësinë në Prishtinë, duke shënuar një moment transformues në historinë e saj dhe duke u themeluar si një shtet i lirë dhe sovran; dhe

DUKE PASUR PARASYSH se Republika e Kosovës, si shteti më i ri në Evropë, mbetet e përkushtuar me vendosmëri ndaj ruajtjes së parimeve demokratike, të drejtave të njeriut dhe sundimit të ligjit; dhe

DUKE PASUR PARASYSH se lidhja e qëndrueshme midis Republikës së Kosovës dhe Shteteve të Bashkuara është e rrënjosur në vlera të përbashkëta të lirisë, demokracisë dhe respektit të ndërsjellë, me Shtetet e Bashkuara që luajnë një rol kyç në mbështetjen e rrugëtimit të Kosovës drejt stabilitetit, ndërtimit të shtetit dhe prosperitetit; dhe

DUKE PASUR PARASYSH se komuniteti shqiptaro-amerikan në Illinois ka dhënë kontribute të rëndësishme në jetën kulturore, ekonomike dhe shoqërore të shtetit tonë, duke u dalluar si drejtues biznesesh, profesionistë dhe anëtarë aktivë të komuniteteve të tyre, ndërkohë që ruajnë dhe ndajnë trashëgiminë e tyre të pasur kulturore; dhe

DUKE PASUR PARASYSH se këtë vit Shteti i Illinois shënon me krenari 18-vjetorin e pavarësisë së Kosovës, duke njohur qëndrueshmërinë dhe arritjet e popullit të saj në ndjekjen e lirisë dhe përparimit; dhe

DUKE PASUR PARASYSH se Illinois njeh dhe nderon partneritetet në rritje dhe lidhjet ekonomike midis Kosovës dhe Shteteve të Bashkuara, si dhe kontributet e vazhdueshme të diasporës së Kosovës në forcimin e bashkëpunimit dhe rritjes së ndërsjellë;

PRANDAJ, unë, JB Pritzker, Guvernator i Shtetit të Illinois, shpall me këtë 17 shkurtin 2026 si Ditën e Pavarësisë së Kosovës në Illinois, duke festuar pavarësinë e Republikës së Kosovës dhe duke nderuar kontributet e shqiptaro-amerikanëve në prosperitetin dhe diversitetin e shtetit tonë.

Në dëshmi të kësaj, kam vënë firmën time dhe kam urdhëruar që të vendoset Vula e Madhe e Shtetit të Illinois.

Bërë në Kapitol në qytetin e Springfield-it,

më njëzet e tetë janar,

në vitin e Zotit tonë dy mijë e njëzet e gjashtë,

dhe në vitin e dyqindtë e shtatë të Shtetit të Illinois.

Alexi Giannoulias

Sekretar i Shtetit

JB Pritzker

Guvernator

Thank you @GovPritzker for officially recognizing February 17 as Kosova’s Independence Day in the State of Illinois 🇽🇰🇺🇸 pic.twitter.com/Nqy47MRAjx

— Embassy of Kosovo US (@KosovoinUS) February 17, 2026