ATV

Tag: Ballina

  • Escobar do të vizitojë sot Tiranën, takohet me Begajn dhe Ramën

    Escobar do të vizitojë sot Tiranën, takohet me Begajn dhe Ramën

    I dërguari special i Shteteve të Bashkuara të Amerikës për Ballkanin Perëndimor, Gabriel Escobar do të mbërrijë sot në Tiranë, për një vizitë zyrtare.

    Në kryeqytetin shqiptar, Escobar pritet të takohet me zyrtarë të lartë e përfaqësues të opozitës.

    Sipas mediave, Escobar do të vizitojë Tiranën në datat 11-13 prill, ku do të takohet me presidentin Bajram Begaj dhe kryeministrin Edi Rama.

    Nga opozita, ai pritet që të takohet me kreun e komanduar të Partisë Demokratike, Enkelejd Alibeajn, Gazment Bardhin e Jorida Tabakun.

    Hera e fundit që Escobar vizitoi Tiranën ishte në prillin e vitit të kaluar kur ai shoqëronte ndihmëssekretaren amerikane të Shtetit për Çështjet Evropiane dhe Euroaziatike, Karen Donfried.

  • Zgjedhjet në veri, mblidhet KQZ-ja

    Zgjedhjet në veri, mblidhet KQZ-ja

    Komisioni Qendror i Zgjedhjeve do të mbajë sot mbledhjen e radhës, ku do të diskutojë për zgjedhjet në veri.

    Në rend dite në mbledhjen e sotme është edhe njoftimi me vlerësimi e rrezikut për QV-të për zgjedhjet e jashtëzakonshme për kryetar në komunat: Mitrovicë e veriut, Leposaviq, Zveçan dhe Zubin Potok.

    Rendi i ditës:

    1. Hyrje: z.Kreshnik Radoniqi, Kryesues i mbledhjes së KQZ-së

    2. Raportet e Këshillave të KQZ-së

    Këshilli për Operacione Zgjedhore

    – Raport nga KKZ-të në komunat Mitrovicë të Veriut, Zubin Potok, Leposaviç dhe Zveçan për Qendrat e Votimit

    -Njoftim me vlerësimi e rrezikut për QV-të për zgjedhjet e jashtëzakonshme për kryetar në komunat: Mitrovicë e veriut, Leposaviq, Zveqan dhe Zubin Potok.

    -Shqyrtimi dhe miratimi i numrit të fletëvotimeve që shtypen për zgjedhjet e jashtëzakonshme për kryetar në komunat: Mitrovicë e Veriut, Zveçan, Leposaviq dhe Zubin

    Potok, si dhe numrit të fletëvotimeve dhe broshurave që shtypen për zgjedhjet e parakohshme për kuvende në Komunat e Zveçanit dhe Leposaviqit

    -Shqyrtimi dhe miratimi i rekomandimit për rritjen e numrit të votuesve për vendvotime për zgjedhjet e jashtëzakonshme për Kryetar të komunave: Mitrovicë e Veriut, Zubin Potok,

    Leposaviq dhe Zveçan, si dhe zgjedhjet e parakohshme për kuvendet e Komunave: Zveçan dhe Leposaviq,

    -Shqyrtimi dhe miratimi i propozimeve të KVV-të për zgjedhjet e jashtëzakonshme për

    Kryetar Komune në Mitrovicë të Veriut, Zubin Potok, Leposaviç dhe Zveçan,

    -Shqyrtimi dhe miratimi i Analizës se bazës së shenimeve të departamentit të pensioneve,

    Ministria e Financave, Punes dhe Transfereve

    Këshilli Mbiqkyrës për Informim Publik

    -Shqyrtimi dhe miratimi i Llogos dhe dizajnit të produkteve të IP per zgjedhjet e jashtëzakonshme për Kryetar të komunave: Mitrovicë e Veriut, Zubin Potok, Leposaviq dhe

    Zveçan, si dhe zgjedhjet e parakohshme për kuvendet e Komunave: Zveçan dhe Leposaviq

    3. Të ndryshme

  • Gjykimi ndaj ish-eprorëve të UÇK-së, sot dëgjohen dëshmitarët e parë

    Gjykimi ndaj ish-eprorëve të UÇK-së, sot dëgjohen dëshmitarët e parë

    Një javë pasi filloi procesi gjyqësor ndaj ish-eprorëve të Ushtrisë Çlirimtare të Kosovës, sot do të dëgjohen dëshmitarët e parë të Prokurorisë.

    Zyra e Prokurorit të Specializuar do t’i paraqesë edhe provat e para materiale kundër Hashim Thaçit, Kadri Veselit, Rexhep Selimit e Jakup Krasniqit.

    Identiteti i shumicës së dëshmitarëve pritet të mbrohet, e seancat të jenë të mbyllura për publikun.

    Dëshmitarët në një proces gjyqësor për krime lufte konsiderohen të jenë kyç, e verifikimi i tyre, sipas juristëve është vendimtar në një gjykim të madh.

    “Sipas asaj që është parë në aktakuzë e njëjta mbështetet në dëshmitarë, është jetike dhe vendimtare verifikimi i dëshmitarëve, e veçanërisht kredibiliteti i tyre. Për shkak se ka dilema, dyshime e nevoje që të behet verifikimi I dëshmitarëve”, tha Florim Shefqeti, avokat.

    Pa dëshmitë e tyre, sipas monitoruesve, Prokuroria do të ketë vështirësi për të dokumentuar rolin apo përgjegjësinë komanduese të ish-krerëve të UÇK-së.
    Fondi për të Drejtën Humanitare pret që të ketë dëshmitarë të njëjtë në këtë proces, sikurse në proceset për krime lufte që janë zhvilluar në Tribunalin e Hagës.

    “E vetmja formë për ta vërtetuar pretendimet e aktakuzës janë dëshmitarët. Nëse kemi dëshmitarë të mjaftueshëm të cilët do të shëmojmë mbi strukturat e UCK, atëherë mbi këto prova do të thirret prokuroria. Ndërlidhja mes provave material dhe dëshmive”, tha Amer Alija nga fondi për të Drejtën Humanitare.

    Zyra e Prokurorit të Specializuar ka paraqitur 312 dëshmitarë dhe ka kërkuar më shumë se 600 orë kohë për ta.

    ZPS-ja pretendon se u kryen nga anëtarë të Ushtrisë Çlirimtare të Kosovës krime kundër qindra civilëve dhe personave që nuk merrnin pjesë në luftime.

    Sipas aktakuzës Thaçi, Veseli, Selimi dhe Krasniqi mbajnë përgjegjësi penale individuale, për krimet e kryera dhe sulmet sistematike kundër personave që dyshoheshin si kundërshtarë të UÇK-së.

    Mbrojtja e ish-eprorëve të UÇK-së në deklaratat hyrëse ka kundërshtuar pretendimet e ZPS-së dhe ka vënë në dyshim besueshmërinë e dëshmitarëve dhe verifikimin e tyre.

    Mbrojtja e ish presidentit Thaçi deri tash ka përmendur disa emra publikë që do të mund të dëshmojnë në këtë proces, sikurse gjenerali amerikan Wesley Clark, William Walker, ambasadorët Bernard Kouchner e Daan Everts. /atvlive.tv

  • Diplomati amerikan: Kosova dhe Serbia kanë marrë vendime të vështira por duhen ende të tjera

    Diplomati amerikan: Kosova dhe Serbia kanë marrë vendime të vështira por duhen ende të tjera

    I dërguari i posaçëm i Departamentit Amerikan të Shtetit dhe koordinatori i Qendrës për Angazhim Global, James Rubin, ka komentuar edhe Marrëveshjen e arritur në mes të Kosovës dhe Serbisë më 27 shkurt në Bruksel fillimisht dhe më pastaj më 18 mars në Ohër.

    Rubin, i cili po qëndron në Ballkanin Perëndimor në një vizitë katër ditore, në një konferencë për media në Mal të Zi, ka thënë se nëse zbatohet kjo marrëveshje, do të ketë një perspektivë për një të ardhme më të ndritur për rajonin.

    Megjithatë, sipas tij, në dialogun në mes të Kosovës dhe Serbisë duhet të merren vendimet të vështira.

    “Asgjë e mirë nuk ndodh në botë nëse nuk merren vendime të vështira. Disa vendime të vështira tashmë janë marrë, por duhet të merren disa të tjera”, ka thënë Rubin.

    Në anën tjetër, ai është pyetur se si e sheh rajonin tani krahasuar me vitet e 90’ta, ai thotë se sheh dallime të mëdha në Ballkanin Perëndimor.

    “Shoh dallime të mëdha në krahasim me kohën e luftës, mjerimit, masakrave masive të civilëve të pafajshëm. Tani mund të shohim perspektivën e Kosovës dhe Serbisë për anëtarësim në BE, nëse liderët e pranojnë shansin që u është dhënë”, shtoi ai, shkruan mediumi malazez “Vijesti”.

    Po ashtu, Rubin theksoi se SHBA-ja, i mirëpret marrëveshjet në të cilat po punon BE-ja dhe ndihmon Kosovën dhe Serbinë që të kenë marrëdhënie normale, t’u mundësojnë popujve të jetojnë pranë njëri-tjetrit, të njohin simbolet, të drejtat e pakicave, liritë dhe të ecin përpara.

    “Jam i bindur se Mali i Zi s’do t’i drejtohet më Beogradit dhe Moskës”

    “Pasi bisedova me zyrtarë malazezë dhe liderë partiak, jam i bindur se Mali i Zi nuk do t’i drejtohet më Beogradit dhe Moskës”.

    Kështu është shprehur ai, teksa shton se nëse dezinformomi rus dominon në Ballkanin Perëndimor, atëherë do të jetë vështirë të arrihet përparim.

    “Besoj se lufta kundër dezinformatave do të jetë prioritet i qeverisë së re në Mal të Zi. Në Mal të Zi ka një sërë portalesh që përhapin dezinformata nga Rusia dhe Kina”, ka thënë Rubin.

    Diplomati amerikan beson se Mali i Zi ka një të ardhme më të mirë sepse është anëtar i NATO-s dhe pritet të jetë pjesë e BE-së në të ardhmen.

    “Arsyeja pse jam këtu, në emër të Presidentit Biden dhe sekretarit Blinken, është sepse e ardhmja e suksesshme e Malit të Zi duhet të përfshijë përpjekje të forta dhe të përkushtuara në luftën kundër sfidave të dezinformimit. Është një problem i ri në botë, sepse ana e errët e revolucionit dixhital lejojnë regjimet autoritare, si Rusia dhe Kina, të përdorin mjetet që ne menduam se do të sillnin demokracinë në botë, të sjellin errësirë, dezinformata, gënjeshtra”.

  • Gazetari nga ShBA-ja zbulon arsyen e vizitës së Escobar në Tiranë, përmendet Kosova

    Gazetari nga ShBA-ja zbulon arsyen e vizitës së Escobar në Tiranë, përmendet Kosova

    Gazetari Robert Papa ka treguar disa nga arsyet e vizitës se ish të dërguarit të posaçëm të SHBA-së Gabriel Escobar.

    Në një intervistë për Euronews Albania, ai tha se vizita e diplomatit ka të bëjë për garancinë e situatës së Kosovës nga ana e Ramës dhe për sulmet kirbernetike të Iranit.

    Ndër të tjera ai theksoi se vizita e Escobar në Tiranë do të përdoret dhe politikisht për faktin se nuk do të takojë ish-kryeministrin Sali Berisha.

    “Arsyeja e vizitës është më shumë për garancinë e situatës në Kosovë, për të marrë një pozicion zyrtar nga Rama sepse kohët e fundit ka pasur një luhatje, do të jetë për sulmet kibernetike të Iranit ndaj Shqipërisë. Natyrisht vizita e tij do të përdoret dhe politikisht duke mos pasur takime me Berishën. Nuk është gjë e re nga Escobar”, tha ai.

  • Kurtit i kërkohet urgjentisht ta ndryshojë ligjin për festat zyrtare në Kosovë

    Kurtit i kërkohet urgjentisht ta ndryshojë ligjin për festat zyrtare në Kosovë

    Dhoma e Tregtisë dhe Industrisë Kosovë (DHTIK) po kërkon nga kryeministri i Kosovës, Albin Kurti dhe Qeveria e Kosovës që me urgjencë të propozojë ndryshim plotësimin e Ligjit për Festat Zyrtare në Republikën e Kosovës.

    Sipas tyre, praktikat e deritanishme që ditët e festave që bien në ditë vikendi, të zëvendësohen me pushim gjatë ditëve të punës, përkatësisht Neni 4 i Ligjit për Festat Zyrtare, sipas të cilit “Kur ditët e festave zyrtare të cekura në nenin 2 të këtij ligji bien ditën e shtunë ose të diel, ditë pushimi do të jenë ditët pasardhëse të punës”, është praktikë e cila ka dëmtuar dhe po e dëmton vendin në aspektin financiar dhe ndërkombëtar.

    Kësisoj, DHTIK kërkon që festat zyrtare të mos zëvendësohen me ditë punë në rastet kur ato bien gjatë ditëve të vikendit, por ditë pushimi të jetë vetëm dita e cila është ditë pushimi.

    Gjithashtu, DHTIK kërkon që të festohen por të mos jenë ditë pushimi, ditët: 9 Prilli, Dita e Kushtetutës dhe 9 Maj Dita e Europës.

    “DHTIK kërkon po ashtu që festat e komuniteteve të jenë ditë pushimi për këto kategori, por jo edhe për gjithë vendin. DHTIK, mbetë me shpresë se këto rekomandime do të merren parasysh në mënyrë që të kontribuohet në rritjen e ditëve të punës dhe rritjen e ardhjes së investimeve nga Evropa aq shumë të nevojshme për vendin tonë me papunësinë më të madhe në Evropë dhe me të ardhurat më të vogla për kokë banori në Evropë”, thuhet në kumtesën e tyre për media.

  • Gjykimi ndaj ish-eprorëve të UÇK-së, nesër dëshmitarët e parë

    Gjykimi ndaj ish-eprorëve të UÇK-së, nesër dëshmitarët e parë

    Një javë pasi filloi procesi gjyqësor ndaj ish-eprorëve të Ushtrisë Çlirimtare të Kosovës, të martën do të dëgjohen dëshmitarët e parë të Prokurorisë.

    Zyra e Prokurorit të Specializuar do t’i paraqesë edhe provat e para materiale kundër Hashim Thaçit, Kadri Veselit, Rexhep Selimit e Jakup Krasniqit.

    Identiteti i shumicës së dëshmitarëve pritet të mbrohet, e seancat të jenë të mbyllura për publikun.

    Dëshmitarët në një proces gjyqësor për krime lufte konsiderohen të jenë kyç, e verifikimi i tyre, sipas juristëve është vendimtar në një gjykim të madh.

    “Sipas asaj që është parë në aktakuzë e njëjta mbështetet në dëshmitarë, është jetike dhe vendimtare verifikimi i dëshmitarëve, e veçanërisht kredibiliteti i tyre. Për shkak se ka dilema, dyshime e nevoje që të behet verifikimi I dëshmitarëve”, tha Florim Shefqeti, avokat.

    Pa dëshmitë e tyre, sipas monitoruesve, Prokuroria do të ketë vështirësi për të dokumentuar rolin apo përgjegjësinë komanduese të ish-krerëve të UÇK-së.
    Fondi për të Drejtën Humanitare pret që të ketë dëshmitarë të njëjtë në këtë proces, sikurse në proceset për krime lufte që janë zhvilluar në Tribunalin e Hagës.

    “E vetmja formë për ta vërtetuar pretendimet e aktakuzës janë dëshmitarët. Nëse kemi dëshmitarë të mjaftueshëm të cilët do të shëmojmë mbi strukturat e UCK, atëherë mbi këto prova do të thirret prokuroria. Ndërlidhja mes provave material dhe dëshmive”, tha Amer Alija nga fondi për të Drejtën Humanitare.

    Zyra e Prokurorit të Specializuar ka paraqitur 312 dëshmitarë dhe ka kërkuar më shumë se 600 orë kohë për ta.

    ZPS-ja pretendon se u kryen nga anëtarë të Ushtrisë Çlirimtare të Kosovës krime kundër qindra civilëve dhe personave që nuk merrnin pjesë në luftime.

    Sipas aktakuzës Thaçi, Veseli, Selimi dhe Krasniqi mbajnë përgjegjësi penale individuale, për krimet e kryera dhe sulmet sistematike kundër personave që dyshoheshin si kundërshtarë të UÇK-së.

    Mbrojtja e ish-eprorëve të UÇK-së në deklaratat hyrëse ka kundërshtuar pretendimet e ZPS-së dhe ka vënë në dyshim besueshmërinë e dëshmitarëve dhe verifikimin e tyre.

    Mbrojtja e ish presidentit Thaçi deri tash ka përmendur disa emra publikë që do të mund të dëshmojnë në këtë proces, sikurse gjenerali amerikan Wesley Clark, William Walker, ambasadorët Bernard Kouchner e Daan Everts. /atvlive.tv

  • “Të gjithë janë shëndosh e mirë”, Jashari tregon detaje se çfarë ndodhi me 40 minatorët e ngujuar në minierën e Trepçës

    “Të gjithë janë shëndosh e mirë”, Jashari tregon detaje se çfarë ndodhi me 40 minatorët e ngujuar në minierën e Trepçës

    Të gjithë minatorët kanë dalë nga miniera e Stantërgut përmes ashensorit alternativ, ndërsa inxhinierët e Trepçës po punojnë për ta ndrequr ashensorin e stafit.

    Këtë e ka konfirmuar për ATV-në edhe drejtori i prodhimit në Trepçë, Bujar Jashari. Ai tregoi se me 40 minatorët që kishin mbetur të ngujuar që nga ora 2:00 e mëngjesit, kishin pasur komunikim të vazhdueshëm dhe se gjendja e tyre shëndetësore kishe qenë e mirë.

    “Mbrëmë rreth orës 2 të mëngjesit ka ndodhur një defekt elektrik, ku kemi pasur problem me stabilimente bartëse, më konkretisht me liftin, kanë mbetur gjithsej 42 punëtorë, kanë qenë të shpërndarë nëpër horizontin e 11, 9 dhe në horizontin e 5-të, ku pas një angazhimi nga të gjithë stafi inxhinierik dhe të gjithë, kemi arritur ta bëjmë një zgjidhje për tërheqjen e minatorëve përmes një daljes së dytë. Gjatë gjithë kohës, kemi pasur qasje telefonike me minatorë dhe gjatë gjithë kohës, shëndeti dhe gjendja e tyre ka qenë e mirë, kanë pasur ujë dhe ushqime, nuk është që kanë pasë dhe sa i përket oksigjenit, ka qenë gjithçka në rregull”, ka treguar Jashari.

    Ai tha se tani është angazhuar ekipa e energjetikës e cila po vazhdon me punën e riparimit të dalës kryesore të minierës. /atvlive.tv

  • Nxirren nga miniera të gjithë minatorët, ishin ngujuar për mbi 18 orë

    Nxirren nga miniera të gjithë minatorët, ishin ngujuar për mbi 18 orë

    Të gjithë minatorët kanë dalë nga miniera e Stantërgut përmes ashensorit alternativ, ndërsa inxhinierët e Trepçës po punojnë për ta ndrequr ashensorin e stafit.

    Kështu ka njoftuar Ministria e Ekonomisë, e cila thekson se gjendja e minatorëve është e mirë.

    “Zëvendësministri i Ekonomisë, Getoar Mjeku, ndodhet në hyrje të minierës, bashkë me kryeshefin ekzekutiv të ndërmarrjes “Trepça” ShA, Enis Abdurrahmani, dhe anëtarët e bordit mbikëqyrës. Mjeku ka falënderuar xehetarët dhe inxhinierët e Trepçës për angazhimin e tyre në punë, dhe ka theksuar përkushtimin e Qeverisë për investime kapitale për të zëvendësuar makineritë e vjetruara. Ekipi mjekësor i ndërmarrjes, ekipi emergjent i mjekësisë familjare dhe komandanti rajonal i policisë kanë qëndruar në vend të ngjarjes gjatë gjithë ditës:, thuhet në njoftim.

  • Dhjetëra minatorë bllokohen në “Trepçë”, Januzi tregon për gjendjen e tyre

    Dhjetëra minatorë bllokohen në “Trepçë”, Januzi tregon për gjendjen e tyre

    Në orët e para të mëngjesit, dyshohet se rreth 40 minatorë të minierës së Trepçës është raportuar se kanë mbetur të bllokuar.

    Bllokimi i minatorëve ka ndodhur për shkak të prishjes së një elevatori i cili ua mundëson atyre hyrje-daljet nga thellësia e minierës.

    Kryetari i sindikatës së minatorëve, Ibrahim Jonuzi, ka deklaruar për ATV-në se deri tash nëpërmjet shkallëve alternative kanë dalë 8 minatorë, ndërsa brenda kanë mbetur të tjerët, për të cilët ka thënë se brenda një ore pritet të dalin edhe ata./ATVLIVE.TV/