ATV

Tag: Ballina

  • Presidenca reagon pasi Vuçiq tha se s’do të zbatojë krejt marrëveshjet: Të pasojnë sanksionet

    Presidenca reagon pasi Vuçiq tha se s’do të zbatojë krejt marrëveshjet: Të pasojnë sanksionet

    Presidenti serb, Aleksandar Vuçiq ka thënë se nuk do ta zbatojë totalisht marrëveshjen e arritur së fundmi me Kosovën.

    Vuçiq i tha televizionit publik serbe se disa pika nuk do të zbatohen nga ana e Serbisë.

    Ndaj deklaratës të tij ka reaguar Blerim Vela, shef i stafit në kabinetin e presidentes së Kosovës Vjosa Osmani, duke thënë se Perëndimi tani duhet t’i vë sanksione Serbisë.

    Vela tha se kjo është “një kontradiktë e qartë” me atë për të cilën ka pasur marrëveshje si dhe me qëndrimin e Bashkimit Europian.

    “Sanksionet duhet të pasojnë!”, ka shkruar Vela në Twitter.

  • Analistët serbë: Vuçiç nuk mund dhe as nuk do të shkëputet kurrë prej Putinit

    Analistët serbë: Vuçiç nuk mund dhe as nuk do të shkëputet kurrë prej Putinit

    Presidenti serb Aleksandër Vuçiç për vite të tëra u përpoq të përfitonte politikisht nga lidhjet e tij të ngushta me Moskën, gjë që e ndihmoi atë të ruante pushtetin.

    Megjithatë, thashethemet për prishje të marrëdhënieve u shfaqën në fillim të luftës në Ukrainë, kur kjo “miqësi” pushon së qeni e dëshirueshme. Të paktën publikisht.

    Pas kësaj vjen një kthesë e lehtë në marrëdhëniet mes Beogradit dhe Moskës. Mirëpo, lind pyetja nëse marrëdhënia mes Vuçiçit dhe presidentit rus Vladimir Putin mund të prishet kaq lehtë, apo është e gjitha një shfaqje ndryshe për publikun?

    Sreçko Gjukiç, diplomat dhe ish-ambasador në një prononcim për mediet serbe thekson se është i bindur se ka komunikim mes Beogradit dhe Moskës dhe se kjo shihet nga disa lëvizje të Vuçiçt që kanë të bëjnë me Kosovën.

    “Jam i bindur se mes Beogradit dhe Moskës ka komunikim. Natyrisht, sot mund ta kemi të vështirë ta vërtetojmë këtë, por nuk është diçka që nuk mund të ‘kapet’ dhe të vërtetohet se ekziston”– thotë Gjukiç.

    Sipas diplomatit, ekziston një komunikim mes dy liderëve, nuk ka rëndësi nëse ai është i drejtpërdrejtë apo kalon nëpër kanale të veçanta.

    “Sidoqoftë, nga veprimet e caktuara të Vuçiçit shohim se kjo është rezultat i mbështetjes së Moskës. Për shembull, kur bëhet fjalë konkretisht për çështjen e Kosovës, edhe pse Moska është e thellë e zhytur në probleme, pyetja e vërtetë është se kujt mund t’i ndihmojë”, shton ai.

    I pyetur nëse mendon se presidenti i Serbisë nuk mund të shkëputet nga ai “përqafim”, Gjukiç përgjigjet se rrënjët e kësaj gjenden në politikën radikale të partisë së Vuçiçit.

    “Mendoj se është një përqafim ideologjiko-politik. Duke marrë parasysh rrënjët e partisë që ai drejton, ato rrënjë gjenden në politikën radikale dhe politika radikale në Serbi ka qenë gjithmonë e lidhur me nënën Rusi me një kordon kërthizor. Unë absolutisht mendoj se Vuçiç nuk mund të shkëputet prej Putinit dhe as që do të largohet ndonjëherë prej tij. Pavarësisht nëse është Kosova apo diçka tjetër. Nëse nuk është Kosova, do të ketë diçka tjetër”, thotë Gjukiç.

    Vuçiç: Gjithmonë konsultohem me Putinin

    Vetë Vuçiç ka folur në disa raste për faktin se ai konsultohet rregullisht me presidentin e Rusisë.

    “Unë gjithmonë konsultohem me presidentin Putin dhe kërkoj këshillën e tij. Unë e njoh atë dhe nuk gënjej, po e them të vërtetën. Edhe pse jo gjithmonë i pëlqen gjithçka. Mendoj se kjo është një nga gjërat që Putini e respekton shumë”, është shprehur ai më herët për mediet ruse.

    Është gjithashtu interesante të kujtojmë deklaratën e fundit të gazetarit austriak Kristijan Versiç, se në dhjetor të 2021-së, ai mësoi nga Vuçiç se Rusia do të sulmonte Ukrainën.

    “Jo sepse presidenti Putin më tha gjë, kuptova se çfarë do të ndodhte në Ukrainë. Ai gjithmonë ndante 45 minuta për të folur për Ukrainën dhe më pas nuk foli as për tre minuta. Kjo më mjaftoi. Kur çdo herë ai ka nevojë për të shpjeguar dhe atëherë nevoja nuk ekziston më, do të thotë se vendimi është marrë. Nuk mund të flisja kaq hapur, por thashë pa mëdyshje se pres të ndodhin ndryshime të mëdha”, ka thënë Vuçiç.

    Takime sekrete

    Kur filloi lufta në Ukrainë, këto kontakte u ndërprenë përkohësisht. Të paktën zyrtarisht. Deri në maj 2022, kur Vuçiç dhe Putin folën në telefon dhe u pajtuan për nënshkrimin e një kontratë të re për furnizim me gaz. Ndërkohë, dolën informacione për disa “takime sekrete” me njerëz të afërt me udhëheqjen ruse.

    Pasi dështoi ideja që ministri i Jashtëm rus Sergei Lavrov të vizitonte Beogradin, në një kohë kur ai tashmë ishte nën sanksionet e BE-së, Vuçiç u takua me të në New York në margjinat e Asamblesë së Përgjithshme të OKB-së. Ky takim ishte tentuar të fshihej nga sytë e publikut serb.

    Po ashtu, medie serbe Nova ka zbuluar se Vuçiç është takuar fshehurazi me zëvendësin e Lavrovit, Aleksandar Grushka.

    “Çfarë do të doja të fshihja? Ndoshta për të shpëtuar Serbinë. Le të themi se ata ia dolën mirë. Pra, pse më denoncove? Pse e denoncuat presidentin e vendit tuaj? Çfarë jeni ju, informatorë profesionistë? Të dashur miq në Perëndim, ky [Vuçiç] donte t’ju fshehë diçka”, tha Vuçiç pasi ishte publikuar ky informacion.

    Jo shumë kohë pas kësaj, Vuçiç u takua edhe me këshilltarin e liderit çeçen Ramzan Kadyrov, Turk Daudov. Për këtë takim, opinioni serb kishte mësuar nga vetë Daudovi, i cili u mburr me dhuratën që i bëri nikoqirit të tij në Beograd.

    Në faqen zyrtare të Presidencës serbe nuk kishte asnjë lajm për takimin dhe as një deklaratë për medie.

    Urdhër arresti për Putinin nga Haga

    Urdhër arresti për Putinin nga Gjykata Ndërkombëtare Penale në Hagë është një tjetër moment i cili u pasua nga një deklaratë e Vuçiçit që thoshte se u bë shumë keq kur mori lajmin.

    “Për pak e humba vetëdijen kur më treguan lajmin. Një gomar kaq i madh, që peshon gati 120 kilogramë, sepse e di se çfarë do të thotë për vendin tonë”-tha ai në një fjalim para qytetarëve në Mitrovicë të Sremit, deklaratë kjo e cila bazuar nga raportet nuk duhet të bëjë çudi.

    Ai tha gjithashtu se ky vendim tregon se Perëndimi është i gatshëm të shkojë deri në fund për të gjithë ata që nuk kanë vendosur sanksione kundër Rusisë, si dhe se ata që flirtojnë me Putinin do të kenë pasoja të rënda.

    “Kur e them këtë, jam i vetëdijshëm për situatën me të cilën do të përballemi”, ka shtuar ai.

    Duke folur për këtë, profesori në pension i Fakultetit Filozofik, Zharko Koraç, ka thënë për mediet serbe se kjo është për shkak se Vuçiç e sheh Putinin si një politikan të madh dhe të rëndësishëm.

    “Ky qëndrim ndaj tij vazhdon që nga koha kur ai ishte në Partinë Radikale. Nacionalistët serbë historikisht u mbështetën në Rusi, megjithëse Serbia kishte edhe nacionalistë pro-perëndimorë. Vuçiç u trondit kur zbuloi me vonesë se Putini është thjesht një politikan, ylli i të cilit në skenën ndërkombëtare është zbehur përgjithmonë për shkak të luftës në Ukrainë. Romakët e lashtë do të thoshin: kështu kalon lavdia e botës”, shpjegon Koraç.

    “Është një goditje e re ndaj politikës së Serbisë, e cila nuk vendosi sanksione ndaj Rusisë”, përfundon ish-zëvendëskryeministri serb.

  • 24 vite nga beteja e përgjakshme e Koshares

    24 vite nga beteja e përgjakshme e Koshares

    Kufiri mes Kosovës dhe Shqipërisë u shemb.

    Kjo pamje është simbol i arritjes së qëllimit të Ushtarëve të Ushtrisë Çlirimtare të Kosovës, 24 vite më parë në Koshare.

    Nën udhëheqjen e heroit Agim Ramadani në këtë vend u zhvillua njërën nga betejat më të mëdha në historinë e luftës së UÇK-së.

    Të tillë e kujton edhe Presidentja e vendit, Vjosa Osmani.

    “Sot shënojmë përvjetorin e Betejës së Koshares, njërës ndër betejat më të lavdishme të Ushtrisë Çlirimtare të Kosovës. Në këtë ditë, kujtojmë me respekt heronjtë e Betejës së Koshares dhe të luftës çlirimtare të UÇK-së. Beteja e Koshares dëshmoi fuqishëm se sakrifica për liri është shumë e lartë, por liria nuk ka çmim. Rënia heroike e komandantëve Salih Çekaj, Agim Ramadani, Xhemajl Fetahaj, Abaz Thaçi dhe komandantëve e luftëtareve të tjerë, dëshmoi se Beteja e Koshares ruan vend nderi në kujtesën tonë kolektive”, tha Osmani.

    Beteja e Koshares, u kujtua edhe nga kryeministri Kurti, vetëm se ky zgjodhi rrjetet sociale për ta bërë këtë.

    “Në historinë e luftës për çlirimin e Kosovës, Beteja e Koshares mund të shihet edhe si një panoramë e të gjitha betejave, te e cila mund të lexohen të përbashkuara karakteristikat e të dyja palëve ndërluftuese. Atyre të Ushtrisë Çlirimtare të Kosovës që në betejën për çlirimin e Kosovës nga Serbia, u ndihmua edhe nga ushtarët vëllezër prej Shqipërisë, si dhe e cila me luftën e saj të drejtë për liri, fitoi edhe përkrahjen e vullnetarëve të huaj në këtë rast, por mbi të gjitha, të aleancës së NATO-s, që përshpejtoi çlirimin e plotë të Kosovës. Në anën tjetër, atyre që po luftonin në një betejë të padrejtë dhe për një tokë që s’ishte as nuk mbeti e tyrja, forcave serbe për të cilët, Beteja e Koshares ishte ferri mbi tokë”, tha Kurti.

    Beteja e Koshares, sipas të parit të Aleancës për Ardhmërinë e Kosovës, Ramush Haradinaj ishte vendimtare për të gjithë luftën në Kosovë.

    “Jemi në vendin ku pushojnë luftëtarët shqiptar në vendin që është dëshmi e përpjekjeve të vështira të luftës për liri. Epopeja e Koshares, një luftë mjaft e përgjakshme ka qenë në atë kohë vendimtare për epilogun e luftës tonë, jo vetëm për luftimet këtu në kufi shqiptaro-shqiptar, por për të gjithë luftën. Pa këtë luftë të Koshares, lufta jonë për liri nuk do të ishte. Për këtë liri i nderojmë dhe të gjallët, i përjetshëm qoftë kujtimi për ta”, tha Haradinaj.

    Për Homazhe tek varrezat e dëshmorëve të Betejës së Koshares ishte edhe kryetari i Lidhjes Demokratike të Kosovës, Lumir Abdixhiku.

    “Sot me bashkëpunëtorë të LDK-së nderojmë të gjithë heronjët e rënë 24 vite më parë, nëntë prilli shënon datën e njërës prej betejave më të lavdishme të luftës sonë”, tha Abdixhiku.

    Beteja e Koshares, nisi më 9 prill 1999, në kuadër të operacionit “Shigjeta” duke i hapur rrugë furnizimit me armatim dhe mbështetje logjistike për shumë zona të luftës në brendësi të Kosovës. /atvlive.tv

  • Shënohet 15 vjetori i hartimit të Kushtetutës

    Shënohet 15 vjetori i hartimit të Kushtetutës

    Janë bërë plot 15 vjet që Kosova ka Kushtetutën e saj. Por përpjekjet për shtet të pavarur me aktin më të lartë juridik nisën qysh moti.

    Krahas shtypjes që iu bëhej, më 1968 Kosova nisi hapat e parë drejt formimit të kushtetutës.

    Atë vit miratoi Ligjin Kushtetues të Krahinës Socialiste Autonome të Kosovës, aso kohe si një dokument tejet i rëndësishëm që nisi rrugën e Kosovës drejtë një akti ligjor të vërtetë dhe demokratik.

    6 vite më vonë, me 1974 Kosova si krahinë socialiste autonome, miratoi kushtetutën e saj.

    Ndryshe, kjo ishte kushtetuta e parë e Kosovës që u integrua në kushtetutën e Republikës Socialiste Federative të Jugosllavisë.

    Ndërkaq, Kosova bëri edhe një kushtetutë, atë të Kaçanikut në fillim të viteve të 90-ta.

    Kundërshtimet ishin të mëdha, Serbia mori një sërë veprimesh duke shpërbërë kuvendin dhe qeverinë e Kosovës, e duke hequr çdo autonomi të mbetur. Përveç kësaj, miratoi edhe një ligj për marrëdhëniet e punës, që largoj nga puna mbi 80.000 shqiptarë. Por Kosova nuk u zmbraps.

    Rezistenca qoj në luftë të armatosur për t’i dhënë fund pushtimit serb më 1999.

    Në atë kohë u adoptua Korniza Kushtetuese, si ligj i përkohshëm për vetëqeverisje. Ndërkaq më 2008, atë vit kur Kosova shpalli edhe pavarësinë, hartoi Kushtetutën, me të cilën operon edhe tash 15 vjet nga atëherë.

    Sot, Kushtetuta e Kosovës konsiderohet si ndër më të avancuarat në botë, në aspektin e respektimit të të drejtave të njeriut, përfaqësimit të minoriteteve etnike dhe grupeve tjera shoqërore.

    “Mendoj se është një prej punëve më të mira që është bërë në shtet ndërtimin e Kosovës, por edhe në krijimin e bazës të asaj që ka qenë synim i qytetarëve, i paraparë me deklaratën e pavarësisë. Ajo e ka mundësuar që shteti të sendërtohet, por edhe institucionet, po edhe baza legale të ndërtohet në Kosovë”, tha ish-kryetari i komisionit për hartimin e Kushtetutës së Kosovës, Hajredin Kuçi.

    Për 15 vjet si akti më i lart juridik i vendit, bazuar në Kushtetutën e Kosovës u morën vendime goxha të mëdha. Madje për shkak të shkeljeve të saj u rrëzuan edhe qeveri, e u shkarkuan edhe president. /atvlive.tv

  • Dështon projekti i MD-së për dhomat e dëshmive

    Dështon projekti i MD-së për dhomat e dëshmive

    60 mijë euro i kishte ndarë një vit më parë Ministria e Drejtësisë, për rikonstruktimin e dhomave për ruajtjen e dëshmive, brenda Institutit të Mjekësisë Ligjore.

    Projekti që parashihej të përfundonte muaj më parë, ka mbetur në gjysmë.

    Kjo për faktin se kanë përfunduar vetëm dy lote të kontratës, ndërkaq pjesa kryesore e projektit jo.

    “Sa i përket dy lotëve tjera që ka qenë rikonstruksioni i dhomave të dëshmive dhe pajisjeve me disa rafte metalike, kjo ka dështuar, edhe pse është rishpall në të kaluarën mos gabofsha 5 herë, mirëpo ka dështuar për shkak të mos përmbushjes së kritereve ligjore nga ana e operatorëve ekonomik”, tha Ditor Halimi nga Instituti iMjekësisë Ligjore.

    Paratë e mbetura IML-ja kishte planifikuar t’i fuste prapë në këtë projekt, por që më nuk ishin përkrahur nga Ministria.

    “Ne kemi aplikuar më një projekt të ngjashëm për investime kapitale ku kemi planifikuar realisht me i fut përsëri ato dy lote mirëpo për fat të keq ky projekt nuk na është aprovuar nga ministria, kështu që tani projekti ka mbërrut në gjysme”, tha Halimi.

    Kësisoj, paratë do të përdoren për shërbime të tjera, e dhomat për ruajtën e dëshmive zor se do të bëhen siç parashihej. Dhe puna në këtë institut vështirësohet pasi duhet të kryhet me standarde Evropiane. /atvlive.tv

  • 24-vjetori i Betejës së Koshares, Haradinaj: UÇK i dha mesazh të qartë armikut se shqiptarët asnjëherë nuk e pranojnë robërinë

    24-vjetori i Betejës së Koshares, Haradinaj: UÇK i dha mesazh të qartë armikut se shqiptarët asnjëherë nuk e pranojnë robërinë

    Kryetari i Aleancës për Ardhmërinë e Kosovës (AAK), Ramush Haradinaj ka kujtuar heronjtë e kombit Agim Ramadani, Sali Çeku, Xhemajl Fetahu dhe dëshmorët tjerë në 24-vjetorin e Betejës së Koshares.

    Haradinaj ka thënë se kjo betejë është njëra ndër më të përgjakshmet dhe më heroike e UÇK-së.
    “Beteja e Koshares, është njëra ndër betejat më të përgjakshme dhe më heroike të luftës së Ushtrisë Çlirimtare të Kosovës”, ka thënë Haradinaj.

    Ai ka shtuar se kjo betejë i ndërroi rrjedhën historisë dhe i dha mesazh të qartë armikut se shqiptarët asnjëherë nuk e pranojnë robërinë.
    “Në 24-vjetorin e saj, i kujtojmë me respektin më të lartë heronjtë; Agim Ramadani, Sali Çeku, Xhemajl Fetahu dhe dëshmorët e tjerë, që me guximin dhe gjakun e tyre shënuan njërën prej ngjarjeve më të rëndësishme të luftës të luftës sonë për liri. Thyerja e kufirit shqiptaro-shqiptar, ndërroi rrjedhën historisë dhe i dha mesazh të qartë armikut se shqiptarët asnjëherë nuk e pranojnë robërinë”.

    “Përgjithmonë mirënjohës kontributit të luftëtarëve të lirisë dhe të përulur para sakrificës së dëshmorëve të Kombit”, ka përfunduar Haradinaj.

  • ShBA-ja për Ditën e Kushtetutës: Krenar që mbështesim popullin dhe institucionet e Kosovës

    ShBA-ja për Ditën e Kushtetutës: Krenar që mbështesim popullin dhe institucionet e Kosovës

    Ambasada e ShBA-së në Prishtinë ka bërë një postim të dielën në 15-vjetorin e miratimit të Kushtetutës së Republikës Kosovës.

    Përmes rrjetit social “Facebook”, ambasada amerikane ka uruar qytetarët e Kosovës në Ditën e Kushtetutës.

    Për më tepër, ambasada e ShBA-së u shpreh krenare për mbështetjen ndaj popullit dhe institucioneve të Kosovës.

    “Ne, populli i Kosovës, jemi të vendosur për të ndërtuar një të ardhme të Kosovës si një vend i lirë, demokratik dhe paqedashës që do të jetë atdhe për të gjithë qytetarët e saj… Gëzuar Ditën e Kushtetutës, Kosovë! Krenar që mbështesim popullin dhe institucionet e Kosovës”, thuhet në postim.

  • Osmani: Beteja e Koshares, njëra ndër betejat më të lavdishme të UÇK-së

    Osmani: Beteja e Koshares, njëra ndër betejat më të lavdishme të UÇK-së

    Presidentja e Kosovës, Vjosa Osmani, ka thënë se Beteja e Koshares është një ndër betejat më të lavdishme të UÇK-së.

    Ajo ka kujtuar rënien e komandantëve Salih Çekaj, Agim Ramadani, Xhemajl Fetahaj, Abaz Thaçi.

    “Sot shënojmë përvjetorin e Betejës së Koshares, njërës ndër betejat më të lavdishme të Ushtrisë Çlirimtare të Kosovës. Në këtë ditë, kujtojmë me respekt heronjtë e Betejës së Koshares dhe të luftës çlirimtare të UÇK-së. Beteja e Koshares dëshmoi fuqishëm se sakrifica për liri është shumë e lartë, por liria nuk ka çmim. Rënia heroike e komandantëve Salih Çekaj, Agim Ramadani, Xhemajl Fetahaj, Abaz Thaçi dhe komandantëve e luftëtareve të tjerë, dëshmoi se Beteja e Koshares ruan vend nderi në kujtesën tonë kolektive. Përulemi para trimërisë dhe sakrificës së luftëtarëve të lirisë nga Poroji i Tetovës, Tirana e Tropoja, Tuzi e Presheva dhe vullnetarëve nga vende të tjera, të cilët iu bashkuan luftës së popullit të Kosovës për liri dhe dinjitet. Manifestimet “Ditët e Shqipes”, që i kushtohen kësaj beteje të lavdishme, organizohen nën përkujdesin e Presidentes së Republikës së Kosovës. I përjetshëm qoftë kujtimi dhe e pavdekshme lavdia për heronjtë e Koshares dhe luftën e popullit të Kosovës për liri”, ka thënë ajo.

  • E pranojnë edhe njerëzit e Millosheviqit, akuza për “Shtëpinë e Verdhë” ishte e rrejshme

    E pranojnë edhe njerëzit e Millosheviqit, akuza për “Shtëpinë e Verdhë” ishte e rrejshme

    Opinioni serb është shokuar nga deklarata e ish-presidentit Hashim Thaçi në seancën e 4 prillit në Hagë se retë e zeza mbi Kosovën tanimë janë hequr, përkatësisht akuzat monstruoze nga Raporti i Dick Martyt. Pyetja më e shpeshtë e gazetarëve serbë qëkur filloi procesi gjyqësor ndaj katër krerëve të UÇK-së është se ku mbetën akuzat për trafikim organesh dhe Shtëpinë e Verdhë.

    Këto akuza që i shkaktuan dëme aq të mëdha Kosovës, por edhe NATO-s dhe perëndimit, si dhe dërguan në Hagë udhëheqësit e UÇK-së, tani po kualifikohen si të pavërteta dhe inekzistente edhe nga përkrahës të mëdhenj të kryekriminelit të Ballkanit, Slobodan Millosheviq, shkruan Demokracia.com.

    Mes personaliteteve të ndryshme serbe në Beograd, këto ditë, akuzat që patën tronditur edhe opinionin botëror, të lansuara përmes Raportit të Dick Marty-t, i quan të paqena është edhe shefi i zyrës për Kosovën, Milovan Drecun.

    Ai ka deklaruar më 5 prill në një intervistë për B82, se sipas prokurorëve të Gjykatës Speciale nuk ka qenë e mundur të bëhet asgjë rreth akuzave për trafikim organesh.

    Duke iu shmangur disa herë pyetjeve të moderatorit serb se çfarë ndodhi me akuzat për Shtëpinë e Verdhë, Drecun tani thotë se “që nga fillimi e ka vërejtur se nuk ka interesim të madh për këtë çështje të prokurorëve të Gjykatës Speciale për shkak se ka mungesë të provave”.

    Se akuzat për trafikim ilegal me organe që i ishte mveshur UÇK-së ishin trillime, e pranon edhe avokati i kryekriminelit serb, Slobodan Millosheviq.

    “Për atë shtëpinë e verdhë, unë jam konsultuar edhe me shumë mjekë ekspertë. Në atë shtëpi të verdhë nuk ka qenë e mundur të bëhet transplantimi i organeve”, ka thënë ai për Tv Kurir.

    Avokati serb thotë se tani nuk ka dëshmitarë për të ngritur akuza për trafikim organesh.

    “Gjëja më e rëndësishme tek ne është që nuk kemi aktakuzë për Shtëpinë e Verdhë. Nuk kemi asnjë aktakuzë ndaj Shqipërisë, e cila qëlloi mbi popullin tonë. Nuk kemi të mbijetuar. Kemi dëshmitarë se dikush është rrëmbyer dhe marrë dhe nuk është më aty. Kemi dëshmitarë që dikush është marrë me dhunë dhe nuk janë më as kufomat e tyre. Shtëpia e Verdhë ka rënë. Këtë e kemi të qartë të gjithë”, ka thënë Fila.

    Ndërkaq, në intervistën për televizionin tjetër serb, K1, avokati Fila në pyetjen e gazetarit se si është e mundur që tani nuk ka akuza për Shtëpinë e Verdhë, kur është thënë se ka aq dëshmitarë për këtë, që është folur aq shumë, Fila thotë: “Nuk ekziston asnjë dëshmitar që e ka parë këtë. Nuk e kemi asnjë dëshmitar që e ka parë këtë”, ka thënë ai.

    “E çfarë do të thotë kjo për ty?” , e ka pyetur gazetari.

    “Nuk e di. Ndoshta kjo ka qenë (vetëm) ndonjë rrëfim, i vërtetë ose i pavërtetë. Në atë Shtëpi të Verdhë nuk ka mundur të bëhet asgjë. Ndoshta e kanë zgjedhur ndonjë njeri që më vonë do të vritet”, thotë pjesëmarrësi në gjykimet e serbëve në Hagë, Toma Fila.

    Ai shtoi se edhe prokurori i Gjykatës Speciale ka thënë se s’ka gjë nga kjo punë.

    I dëshpëruar që akuzat e Dick Martyt nuk ishin pjesë e aktakuzës në Hagë kundër liderëve të UÇK-së, Hashim Thaçit, Kadri Veselit, Jakup Krasniqit dhe Rexhep Selimit, avokati serb Toma Fila tani tërë shpresat për dënim të tyre i ka varur në, siç thotë ai, dëshmitë e shqiptarëve në këtë proces.

    “Ata janë dëshmitarë kundër Thaçit dhe kompanisë së tij”, ka deklaruar Fila, në një intervistë për Tv Kurir të Beogradit.

    Që të dy, avokati Fila dhe agjenti i shërbimit sekret të ushtrisë serbe, Milovan Drecun, kanë qenë ndër bashkëpunëtorët e ngushtë të Millosheviqit dhe zyrtarë të partisë së tij famëkeqe, SPS.

    Edhe Fila, edhe Drecun, si dhe gazetarët serbë në këto tri intervista shprehen të pakënaqur që ish presidenti Hashim Thaçi ka deklaruar në seancën gjyqësore më 4 prill se është fitore e madhe dhe ia ka vlejtur të sakrifikohet 13 vite që akuzat për trafikim organesh të Dick Martyt të dalin të pavërteta.

  • Përkujtohet “Eksodi i Bllacës”, vlerësohet si burim i shtetësisë së Kosovës

    Përkujtohet “Eksodi i Bllacës”, vlerësohet si burim i shtetësisë së Kosovës

    Me vendosjen e kurorave me lule në Memorialin përkujtimor “Bllaca 99”, Drejtuesit e Institutit të Trashëgimisë Shpirtërore dhe Kulturore të Shqiptarëve – Shkup dhe Fondacionit “Hasan Prishtina” – Prishtinë, kanë përkujtuar “Eksodin e Bllacës”, raporton Ekonomia Online.

    Llogaritet se rreth 440 mijë refugjatë shqiptarë të dëbuar nga forcat serbe, pas nisjes së bombardimeve të NATO-s, kanë kaluar nëpër Kampin e Bllacës.

    Duke i përkujtuar refugjatët, Skender Asani, drejtor i Institutit të Trashëgimisë Shpirtërore dhe Kulturore të Shqiptarëve – Shkup, vuri në dukje se Kompleksi memorial “Bllaca 99” (Muri i Kujtesës, Parku Hasan Prishtina dhe Treni i të zhvendosurve), tash e tutje i shërbejnë kujtesës sonë, jo vetëm për të freskuar të kaluarën, por për të mësuar edhe hapat nga duhet të shkojmë në të ardhmen

    “Shqiptarët kanë pësuar shumë keq ndër shekuj dhe kufijtë e tyre tronditje. Por, me luftën e UÇK-së dhe ndihmën e bashkësisë ndërkombëtare, Kosova e fitoi lirinë. Prerja historike ka ndodhur pikërisht në këtë vend ku makineria serbe shpërnguli 500 mijë shqiptarë. Janë pikërisht ngjarjet e Bllacës të prillit të vitit 1999 që kanë bërë që bashkësia ndërkombëtare të jetës afër shqiptarëve. Ky tren dhe kjo qendër memoriale na kujtojnë të kaluarën. Ky është vendi qe buron shteti i Kosovës dhe duhet të ndërtohet një qendër memoriale për ta kujtuar të shkuarën”, u shpreh Asani, teksa nuk la pa kritikuar institucionet e Kosovës dhe ato të Maqedonisë së Veriut.

    “Ka munguar një seriozitet me i madh i institucioneve si të Kosovës dhe Maqedonisë së Veriut për të ndërtuar një qendër memoriale, qe t’i përkujtojmë karvanët e mijëra shqiptarëve”, tha Asani.

    Mehmet Prishtina nga Fondacioni “Hasan Prishtina”, kërkoi që në këtë vend të krijohet një muze me atë që ka ndodhur atë vend.

    “Sot pas 24 vitesh Bllaca na bashkon. ‘Bllaca 99’, ndoshta duhej të quhej 98-99. Përvjetorë të tille të gjithëve na kthejnë ne histori qe me dëshirë do të donim mos të përsëritej asnjëherë. Ata që e harrojnë të kaluarën mund të përsëritet”.