Papa Leo i ka kërkuar presidentit izraelit, Isaac Herzog, rifillimin e dialogut diplomatik me Iranin për të ulur tensionet në Lindjen e Mesme.
Deklarata e Vatikanit vjen në një periudhë të tensionuar në rajon, ku përplasjet ushtarake mes Izraelit dhe Iranit kanë shkaktuar viktima dhe kanë rritur pasigurinë për banorët lokalë.
Vatikani thekson nevojën për një zgjidhje paqësore mes përplasjeve në rritje në rajon.
Për të mbështetur zbatimin e kornizës së re ligjore për rininë, Misioni i OSBE-së në Kosovë ka lansuar dy publikime të ndërlidhura, Dokumentin për Avokim “Nga Qëllimi në Ndikim – Zbatimi i Ligjit të ri për Rininë” dhe Doracakun “Themelimi dhe Menaxhimi i Këshillave Rinorë”.
Këto publikime ofrojnë rekomandime mbi politikat dhe mjete praktike për t’u ndihmuar institucioneve dhe të rinjve ta zbatojnë në praktikë Ligjin e ri për Rininë dhe Rregulloren për Këshillat Rinorë, që përbëjnë një kornizë të re për pjesëmarrje të rinisë në nivel qendror dhe komunal.
Mbi bazën e hulumtimeve, konsultimeve me palë interesi, dhe aktiviteteve informuese në 26 komuna, Misioni i OSBE-së në Kosovë ka identifikuar disa sfida në zbatim, përfshirë mangësi në koordinim gjatë tranzicionit nga strukturat e mëhershme rinore, nivel të ulët ndërgjegjësimi te të rinjtë, mekanizma të paqartë financimi, pengesa për përfshirjen e të rinjve të margjinalizuar, dhe shqetësime të lidhura me qëndrueshmërinë e angazhimit vullnetar.
Rekomandimet kryesore për institucionet janë:
Forcimi i koordinimit ndërmjet Ministrisë së Sportit dhe Rinisë, Agjencisë për Zhvillimin e Rinisë, komunave, këshillave rinorë dhe shoqërisë civile;
Fillimi i zbatimit të programeve të strukturuara të trajnimit dhe mentorimit për ngritje të kapaciteteve të këshillave rinorë;
Sigurimi i transparencës dhe gjithëpërfshirjes në proceset e përzgjedhjes, veçanërisht për të rinjtë nga radhët e komuniteteve joshumicë dhe për personat me aftësi të kufizuara.
“Këto dy publikime, të përgatitura si pjesë e mbështetjes më të gjerë të Misionit të OSBE-së për forcimin e qeverisjes demokratike dhe gjithëpërfshirëse, ndihmojnë që korniza e re të përkthehet në pjesëmarrje kuptimplote të rinisë në vendimmarrje,” tha Pascale Roussy, Drejtoreshë e Departamentit të Demokratizimit në Misionin e OSBE-së në Kosovë.
Doracaku shoqërues ofron udhëzime hap pas hapi për themelimin e Këshillave Rinorë dhe i përkthen dispozitat ligjore në instrumente, modele dhe shembuj të qasshëm që të ndihmojnë përfaqësuesit rinorë, autoritetet komunale dhe institucionet qeveritare në zbatimin e kornizës së re në mënyrë transparente dhe konsistente.
Gjatë këtij viti, Agjencia për Zhvillimin e Rinisë, me mbështetjen e Misionit të OSBE-së në Kosovë, do ta prezantojë doracakun në aktivitete promovuese nëpër komuna të ndryshme të Kosovës.
Dokumenti për Avokim dhe Doracaku janë në dispozicion këtu:
Një mjet i cili dyshohet të jetë granatë, është gjetur sot rreth orës 11:15 në rrugën “Milan Shuflai” në Mitrovicë të Veriut.
Lajmi është konfirmuar nga shefi i planifikimit në kuadër të operativës rajonale Mitrovicë-Veri të Policisë së Kosovës, Erduan Baliu.
“Dyshohet për një mjet të dyshimtë (granatë)”, ka deklaruar Baliu.
Ministrja e Industrisë, Ndërmarrësisë, Tregtisë dhe Inovacionit, Mimoza Kusari-Lila, ka kritikuar propozimin e opozitës për uljen e akcizës dhe TVSH-së për naftën.
Kusari-Lila në seancën e jashtëzakonshme të Kuvendit, tha se vendimi për ulje të akcizës dhe TVSH-së është vetëm vendim i lehtë dhe i shpejtë, por me dëm të madh.
“Kërkesat kryesor në raport me heqje të akcizës dhe TVSH-së, të cilat po konsistojnë në vazhdimësi duke u përsëritur, janë e para vetëm të lehta dhe mendimi se kemi bërë diçka, por nuk është ideja për të sjellë vetëm vendime të shpejta e të lehta me dëm të madh. Ideja është për të bërë analiza të mirëfillta dhe për të ruajtur mirëqenien e atyre që kanë nevojë të ruhen më së shumti me mekanizma shtetëror”, tha Kusari-Lila.
Edhe Ministri i Financave, Hekuran Murati, ka thënë se kjo masë do të kishte efekt shumë të vogël për qytetarët, por humbje të mëdha për buxhetin e shtetit.
Java e 27-të e ProCredit Superligës do të jetë një test i vërtetë për skuadrat që janë ende në garë për vendet e play-off-it, si dhe për ata që po luftojnë për mbijetesë. Përballjet që do të zhvillohen këtë javë premtojnë emocione të mëdha dhe shumë dinamizëm në parket.
Një sfidë mjaft interesante pritet të jet mes Boras dhe Golden Eagle Yllit që do të kërkojnë çdo mundësi për të fituar dhe për të përmirësuar pozitat e tyre. Bora, që po kalon një periudhë të ngatërruar, do të ketë një sfidë të vështirë përballë Golden Eagle Ylli, një ekip që ka treguar shumë stabilitet dhe forcë këtë sezon.
Rahoveci 029, pas një sezoni të vështirë, do të kërkojë një fitore të domosdoshme për të mbajtur gjallë shpresat për play-off. Nga ana tjetër, Trepça është një ekip që tashmë ka siguruar një vend në gjysmëfinale dhe do të përpiqet të ruajë formën e tij të lartë për të hyrë në fazën e mëtejshme të garave me një ritëm të shkëlqyer.
Sigal Prishtina,, do të përballet me Vëllaznimin në një përballje të cilën nuk mund ta humbasin,ku të dyja skuadrat synojnë fitore për të shmangur rënien nga Procrdit Superliga.
Peja do të takohet kundër Bashkimit në palestrën Karagaçi,që është në një formë shumë të mirë dhe kërkon të vazhdojë serinë e fitoreve. Bashkimi tashmë ka siguruar një vend në fazën tjetër dhe do të jetë një kundërshtar i fortë për çdo ekip. Ky takim do të jetë një përballje me tension të lartë, pasi të dyja skuadrat kërkojnë të përmirësojnë renditjen e tyre.
Këto përballje janë thjesht disa nga ndeshjet që premtojnë spektakël dhe shumë mundësi për të bërë ndryshime të rëndësishme në renditjen e tabelës. Të gjitha skuadrat do të japin më të mirën e tyre për të arritur objektivat e tyre sezonale.
Deputetja e LVV-së, Fatmire Kollçaku, tha se vazhdon të jetë kandidate për presidente.
Në një përgjigje për RTV21, deputetja Kollçaku e la të hapur mundësinë që, nëse arrihet marrëveshje politike, të heqë dorë nga kandidatura.
“Deri tani jam, por jemi në pritje të opozitës se çfarë do të na propozojë. Krejt çka është në të mirë të Kosovës.”, tha ajo.
Sekretari amerikan i Luftës, Pete Hegseth, deklaroi se do t’u lejojë pjesëtarëve të shërbimit të mbajnë armë personale në bazat ushtarake, duke iu referuar Amendamentit të Dytë dhe të shtënave të fundit në baza në mbarë vendin.
Në një video të publikuar në platformën X, Hegseth tha se po nënshkruan një memorandum që do t’i urdhërojë komandantët e bazave të miratojnë kërkesat e ushtarëve për mbajtjen e armëve private “duke supozuar se ato janë të nevojshme për vetëmbrojtje”.
Ai theksoi se çdo refuzim i kërkesave të pjesëtarëve të shërbimit duhet të arsyetohet në mënyrë të detajuar dhe me shkrim.
“Në praktikë, bazat tona në të gjithë vendin kanë qenë zona pa armë. Përveç nëse ishit në trajnim ose pjesë e policisë ushtarake, nuk mund të mbanit apo të sillnit armën tuaj personale për vetëmbrojtje në bazë”, tha ministri.
Pyetjet pse pjesëtarët e forcave të armatosura nuk kanë qasje në armë shpesh janë ngritur pas të shtënave në bazat ushtarake në të gjithë SHBA-në. Këto incidente kanë ndryshuar nga përplasje të izoluara mes ushtarëve deri te sulme masive, si ai i vitit 2009 në Fort Hood në Teksas, ku një psikiatër i ushtrisë vrau 13 persona.
Our military installations have been turned into gun-free zones—leaving our service members vulnerable and exposed.
That ends today. pic.twitter.com/IQ204YepZ0
— Secretary of War Pete Hegseth (@SecWar) April 2, 2026
Deputeti i Partisë Demokratike e Kosovës, Bedri Hamza i reagoi sërish ministrit të Financave, Hekuran Murati pasi ky i fundit i tha se rritja ekonomike ishte e ulët gjatë kohës sa Hamza ishte ministër.
Hamza tha se Murati është pjesë e shkeljeve kushtetuese.
“Po i marrim mesatare ku jeni ju edhe ku jemi ne, dalim baras. I thashë disa gjëra që niveli i rritjes ekonomike është si rezultat i mosfunksionimit të Kuvendit, edhe i bllokimit të institucioneve. Po faktori dhe përgjegjësi jeni ju. Ju keni dorë në shkelje kushtetuese, dhjetëra e dhjetëra herë me veprimet e juaja që s’keni lejuar me funksionuar institucionet edhe me ecur me ecur tutje. Unë asnjëherë nuk i mohoj ato çka kanë ndodhur, as rritja e pagave, as shtesat për çdo kategori që i kemi bërë. Mirëpo, shpërndarja e parave duhet me qenë e targetuar në kategori, që ata i nxjerr prej rasteve sociale dhe mos me vazhduar me qenë në raste sociale. Dhe mbështetja duhet të jetë me ligj dhe transparente“, tha Hamza.
Portieri i Kombëtares së Kosovës, Arijanet Muric, ka reaguar me një mesazh emocional pas humbjes së Kosovës ndaj Turqisë.
Përmes një postimi në faqen e tij zyrtare në Instagram, Muric u shpreh krenar për ekipin dhe rrugëtimin që kanë bërë së bashku, pavarësisht rezultatit negativ.
“Jam jashtëzakonisht krenar që jam pjesë e këtij ekipi dhe që zbres në fushë me një grup lojtarësh kaq të guximshëm dhe të bashkuar. Ky rrugëtim ka qenë gjithçka për ne dhe dua të falënderoj të gjithë në vend dhe në mbarë botën për besimin dhe mbështetjen” – shkroi ai.
Portieri theksoi se në futboll fitoret dhe humbjet ndahen së bashku, por sipas tij ajo që ka arritur kjo skuadër shkon përtej rezultateve, derisa në fund, ai dha një mesazh motivues për gjeneratat e reja, duke theksuar se kjo është vetëm fillimi.
“Në futboll fitojmë dhe humbim së bashku, por ajo që kemi arritur shkon përtej rezultateve. I kemi dhënë popullit tonë shpresë përsëri. Për gjeneratën e ardhshme kjo është vetëm fillimi. Ëndërroni më shumë, punoni më fort dhe vazhdoni të besoni. Koha jonë do të vijë” – shtoi Muric.
Reagimi i gardianit të Kosovës reflekton unitetin dhe besimin brenda skuadrës së Kosovës, pavarësisht humbjes ndaj Turqisë.
Shefi i grupit parlamentar nga Aleanca për Ardhmërinë e Kosovës, Besnik Tahiri në seancën e jashtëzakonshme derisa foli për çmimet e derivateve, tha se qeveria ka pasur përgjegjësi joserioze.
Tahiri tha se qeveria në raste krizash fillon viktimizimin.
“Sot jemi në këtë seancë që është bukur me një temë të rëndësishme, të cilën e kemi ngritur ne si opozitë, ndërsa rezolutën e ka propozuar Lidhja Demokratike e Kosovës. Në fakt nuk po flasim vetëm për çmimin e naftës. Qoftë se e lexojmë me kujdes temën e kësaj seance, këtu flasim për çmimin e naftës, flasim për reagimin e qeverisë ndaj një krize dhe mbi të gjitha për barrën e madhe që qytetarëve të Kosovës i ka ra nga një krizë dhe nga një ngritje bukur serioze, jo vetëm të çmimeve të naftës e të energjisë, mirëpo të të gjitha produkteve bazë që i japin kuptim jetës së secilës familje në Republikën e Kosovës.
Pra sot nuk po flasim vetëm për rritjen e çmimit të naftës. Sot, ndërsa ne po përballemi me një sfidë globale, realisht në këtë kuvend po e rikthejmë një problem serioz të brendshëm, që lidhet drejtpërdrejt me kulturën e një papërgjegjësie serioze të kësaj qeverie. Pse? Për vite me radhë kemi parë se sa herë që ky vend përballet me kriza, kjo qeveri në vend se të ofrojë zgjidhje, të ulet, të diskutojmë brenda mundësitë reale, kërkon mundësi diqysh me kriju njëfarë përfitimi, me u viktimizu brenda kabinetit të vet“, u shpreh Tahiri.
Tahiri tha se kriza me të cilën po përballet Kosova është barrë për qytetarët.
“Duhet me thanë hapur se krizën të cilën sot e kemi në Kosovë, kjo krizë është barra më e madhe për qytetarët e Kosovës dhe se kjo krizë, në njëfarë forme, u kthye në një mundësi prapë të lojës së numrave, gjëja se për zhvillim ekonomik. Pse po e them këtë? Po trajtoj pak reagimin e Aleancës për Ardhmërinë e Kosovës, unë përfaqësoj këtë subjekt politik, dhe tetë ditë më parë, me datën 23 mars, i kam dërguar një letër ministres përgjegjëse, zonjës Kusari-Lila, dhe ministrit të Financave, duke i elaboruar katër masa që janë bukur të rëndësishme mendoj dhe që janë reale dhe që nuk e prekin në esencë atë që po thuhet se dëmtohet shteti i Kosovës, aspekti i të hyrave. Kosova e ka akcizën 35 cent. Sot, çështja më e vogël që kisha pritë, reagimi më i vogël që kisha pritë prej kësaj qeverie, prej këtij kryeministri, është me ardhë me një amandament, qysh po kërkojnë me bë përjashtim për ligje të caktuara, me bë përjashtim dhe me votu një amandament ku akcizën e zvogëlojmë, ose e largojmë tërësisht, këtë kishim mujtë me e diskutu derisa kriza të përballet“, tha Tahiri.
Ai gjithashtu shpjegoi se pse duhet ulur TVSH-në.
“Çështja e dytë lidhet me aspektin e dytë që ne kemi trajtuar në kërkesën tonë, në letrën drejtuar qeverisë, është me TVSH-në. Të nderuar qytetarë të Kosovës, për një litër naftë, qeveria e Kosovës i merr 18%. Në planifikimin buxhetor të këtij viti, për shkak të rritjes së çmimit, edhe në qoftë se ish zvogëlua për 50% TVSH-ja për naftë, prapë të hyrat do të ishin qysh janë planifiku, për shkak se u rrit çmimi. A po e kuptoni se asnjë efekt nuk do të kishte në buxhetin e Kosovës zvogëlimi për 50% për shkak se është rritë çmimi i naftës, dhe ai çmim po e bën që shteti është duke i marrë diku rreth 65 cent për litër“, thotë ai.