Blog

Këngëtarja Dafina Morima ka realizuar një këngë kushtuar Ushtrisë Çlirimtare të Kosovës, duke zbuluar një histori personale të fuqishme që lidhet drejtpërdrejt me luftën.

Në rrëfimin e saj në emisionin “LIBERO”, ajo tregoi se familja e saj jetonte në Gjermani, por gjithçka ndryshoi kur shpërthyen trazirat në Kosovë. Babai i saj mori një vendim të rëndësishëm – të linte jetën jashtë vendit dhe të kthehej për të luftuar për atdheun.

“…Unë kam lindur në Gjermani, dhe dy vite pas u bën trazirat në Kosovë edhe babi vendosi komplet me na kthy në Kosovë për me ardhë ai me luftu… e ka marrë pushkën edhe ka dalë bashkë me shokët me luftu…”, potencoi Morina.

Ajo zbuloi se në atë kohë nëna e saj ishte shtatzënë, duke e bërë situatën edhe më të rrezikshme për familjen.

Sot, babai i saj është invalid i luftës, i plagosur gjatë betejave, por fatmirësisht i mbijetoi asaj periudhe të vështirë.

“…Babi është invalid i luftës, është i plagosun në luftë, falë Zotit është gjallë… te na këngët patriotike, UÇK, lidhja me Kosovën është shumë e madhe…”, deklaroi këngëtarja.

Me këtë këngë, Dafina jo vetëm që sjell art, por edhe një mesazh të fortë për sakrificën, identitetin dhe lidhjen e thellë me atdheun.

Për ta dëgjuar intervistën e plotë të Dafina Morinës, klikoni linkun e mëposhtëm:

Artisti nga Maqedonia e Veriut, Valmir Aziri, ka bërë së fundmi një reagim të fortë në rrjetet sociale, duke ngritur shqetësime serioze mbi ndikimin e personave të papërgatitur në opinionin publik.

I pyetur në emisionin “LIBERO” rreth këtij reagimi, Aziri u shpreh se sot gjithnjë e më shumë po vërehet një fenomen shqetësues, ku njerëz të padijshëm dhe të paspecializuar marrin guximin të orientojnë të tjerët drejt ideve dhe praktikave që, sipas tij, mund të jenë të dëmshme.

“…Shohim çdo ditë në rrjete sociale dhe në mediume njerëz të padijshëm që marrin të drejtën të ndikojnë te masa. Jo rrallëherë kjo ndodh edhe për shkak të tregut…”, deklaroi ai.

Ai theksoi se termi “profetë të rrejshëm”, që përdori në reagimin e tij, i referohet pikërisht atyre individëve që pretendojnë se dinë gjithçka dhe tentojnë të imponojnë mënyrën e jetesës së tyre, duke promovuar luksin dhe duke lënë qytetarin e thjeshtë në periferi.

Sipas Azirit, kjo dukuri nuk kufizohet vetëm në politikë apo ekonomi, por shtrihet edhe në çështje të ndjeshme si ato fetare. Ai e cilësoi si të dhimbshme faktin që në mesin e shqiptarëve po lindin debate të panevojshme dhe të kota, sidomos mes klerikëve.

“…Shoqëria shqiptare ka kohë që e ka mbyllur diskursin fetar brenda vetes. Nuk e kuptoj kujt i shërbejnë këto…”, u shpreh ai.

Për ta dëgjuar intervistën e plotë të Valmir Azirit, klikoni linkun e mëposhtëm:

Kryeministri i Kosoëvs, Albin Kurti është dekalruar për media pas takimit me kryetarin e LDK-së, Lumir Abdixhikun, raporton Ekonomia Online.

Edhe Kurti e konfirmoi që s’ka lëvizje të reja, por u shpreh optimist se do të arrihet një marrëveshje me opozitën, me takimet që do të zhvillohen në vijim

“Ndërkohë që ne nuk e kemi sfidë numrin prej 61 deputeteve për formimin e qeverisë por është sfidë tejet gjigante që një parti ti ketë 81 deputetë dhe ta zgjedhë vetë presidentin. Ju e dini që jemi përpjekur edhe më herët dhe e dini që kandidati ynë është zyrtarizuar e po ashtu edhe kundërkandidati i saj Fatmir Mulhaxha-Kolçaku, dhe ndodhemi tani ku ndodhemi. Unë vazhdoj të jem optimist se me takime dhe biseda të tilla mund të arrijmë marrëveshje”, ka thënë Kurti

“Tash ne jemi udhëheqës të subjekteve që janë demokratike dhe jemi tarsnparent sa i përket procesit dhe duhet ta ruajmë konfidencialitetin e takimeve. Përderisa jemi në këtë fazë gjithmonë do të ju njoftojmë për takimet por nuk do të iu tregojmë për emrat konkret që nuk është arritur ndonjë marrëveshje”, ka shtuar ai.

Ai ka deklaruar se do të përpiqet që të ketë takim edhe me kryetarin e PDK-së, Bedri Hamzën.

Pas mbylljes së Ngushticës së Hormuzit, Irani paralajmëron bllokimin e Bab el-Mandeb, një rrugë kyçe për tregtinë globale të naftës.

Ky veprim rrit shqetësimet për sulme të mundshme nga rebelët Huthi në Detin e Kuq, duke rrezikuar transportin detar dhe ekonominë globale.

Ministri i Jashtëm i Shqipërisë, Ferit Hoxha, ka vlerësuar si të drejtë dhe legjitime protestën e studentëve shqiptarë në Maqedoninë e Veriut lidhur me provimin në gjuhën shqipe.

Ai theksoi se përdorimi i gjuhës amtare është një e drejtë themelore e garantuar me kushtetutë dhe ligj, duke kërkuar që çështja të trajtohet me seriozitet institucional.

Hoxha apeloi që kjo temë të mos politizohet, por të zgjidhet përmes dialogut konstruktiv dhe respektimit të plotë të të drejtave të studentëve.

Kryetari i Lidhjes Demokratike të Kosovës (LDK), Lumir Abdixhiku ka thënë të hënën se nuk është arritur ndonjë marrëveshje me kryeministrin e Kosovës, Albin Kurti lidhur me çështjen e presidentit të vendit, por që takimet po vazhdojnë dhe se palët po përpiqen të arrijnë deri te një zgjidhje.

“Po provojmë të gjejmë zgjidhje të përbashkët, konsensuale, me takime. Kjo është rruga që duhet ndjekur përpara. Do ta ndjekim këtë rrugë sa herë që mundemi për t’i shmangur zgjedhjet”, ka thënë ai pas një takimi pothuajse dyorësh me Kurtin në ambientet e Kuvendit.

Takimi është zhvilluar pas përfundimit të mandatit presidencial të Vjosa Osmanit më 4 prill. Të njëjtën ditë, pozitën e ushtrueses së detyrës e ka marrë Albulena Haxhiu, kryetare e Kuvendit, ashtu siç parashihet me Kushtetutë.

Ka muaj që partitë kryesore nuk arrijnë pajtueshmëri për këtë çështje.

Partia e Kurtit, Lëvizja Vetëvendosje (LVV) i ka fituar bindshëm zgjedhjet e parakohshme të 28 dhjetorit dhe gëzon 57 ulëse në Kuvend, por ato janë të pamjaftueshme për zgjedhjen e presidentit, meqë për të finalizuar këtë proces nevojiten të paktën 80 vota./REL