ATV

Blog

  • Presidenti i Iranit pretendon se mbi 14 milionë iranianë kanë dalë vullnetarë për të luftuar në mbrojtje të vendit

    Presidenti i Iranit pretendon se mbi 14 milionë iranianë kanë dalë vullnetarë për të luftuar në mbrojtje të vendit

    Presidenti i Iranit, Masoud Pzeshkian, ka pretenduar se mbi 14 milionë iranianë kanë dalë vullnetarë për të luftuar, raporton NBC News.

    Ai ka deklaruar se ata janë ofruar vullnetarisht për të luftuar në mbrojtje të vendit.

    Në një postim në X, Pezeshkian tha se iranianët janë të gatshëm të “sakrifikojnë jetën e tyre”.

    “Më shumë se 14 milionë iranianë krenarë deri më tani kanë shpallur gatishmërinë e tyre për të sakrifikuar jetën për të mbrojtur Iranin. Edhe unë kam qenë, jam dhe do të jem i gatshëm të jap jetën për Iranin”, ka deklaruar Pezeshkian.

  • ‘‘Po e rikthejmë teleferikun e Germisë’’, Rama: Parku është potencial i pashfrytëzuar

    ‘‘Po e rikthejmë teleferikun e Germisë’’, Rama: Parku është potencial i pashfrytëzuar

    Kryetari i Prishtinës, Perparim Rama, ka thënë se po e rikthejnë teleferikun e Germisë, duke shtuar se parku është hapësirë e përbashkët, dhe një potencial i pashfrytëzuar.

    Rama ka thënë se hapat konkretë për realizimin e këtij projekti janë diskutuar në një takim me me përfaqësues të komunitetit sportiv, organizatave rekreative dhe institucioneve relevante, përcjell Gazeta Express.

    ‘’ Duke qenë se Gërmia është zonë e mbrojtur, çdo hap do të ndërmerret me kujdes maksimal, në përputhje të plotë me standardet më të larta mjedisore dhe kornizën ligjore në fuqi’’, ka shtuar Rama.

    Postimi:

    Po e rikthejmë teleferikun e Gërmisë 🚡

    Rikthimi i ski-liftit nuk është thjesht një projekt, është rikthim i një ndjenje që shumëkush e mban mend, dhe një mundësi e re për brezat që vijnë.

    Gërmia ka qenë gjithmonë më shumë se një park, është hapësira jonë e përbashkët, frymëmarrja e qytetit dhe një potencial i pashfrytëzuar për t’u kthyer në një pistë të vërtetë skijimi dhe pistë për sporte tjere reakreative.

    Në një takim të zgjeruar me përfaqësues të komunitetit sportiv, organizatave rekreative dhe institucioneve relevante, janë diskutuar në detaje hapat konkretë për realizimin e këtij projekti, i cili tashmë po merr trajtë të qartë zhvillimore.

    Duke qenë se Gërmia është zonë e mbrojtur, çdo hap do të ndërmerret me kujdes maksimal, në përputhje të plotë me standardet më të larta mjedisore dhe kornizën ligjore në fuqi.

    Në koordinim të ngushtë me institucionet qendrore, po punohet intensivisht për qartësimin e procedurave dhe krijimin e bazës së nevojshme ligjore dhe teknike për jetësimin e këtij projekti.

    Një zhvillim i madh është në horizont.

  • Çështja e presidentit, Haziri: Pa marrëveshje për bashkëpunim s’ka rezultat, kompromisi është vlerë e jo dobësi

    Çështja e presidentit, Haziri: Pa marrëveshje për bashkëpunim s’ka rezultat, kompromisi është vlerë e jo dobësi

    Deputeti i Lidhjes Demokratike të Kosovës, Lutfi Haziri, lidhur me çështjen e presidentit, ka thënë se gjatë këtij muaji do të vërtetohet nëse ka vullnet politike, dhe, pa marrëveshje për bashkëpunim s’do të ketë rezultat.

    Haziri, ka vlerësuar edhe se, pragmatizmi dhe kompromisi janë vlera politike e jo dobësi, dhe se, populli i Kosovës, nuk meriton qeverisje tjetër po asaj euroatlantike, përcjell Gazeta Express.

    ‘’ Në të kundërtën, Kosova, për mungesë pragmatizmi, duhet të zgjedhë përmes gjykatësve të Gjykatës Kushtetuese ose zgjedhjeve 8-milionëshe’’, ka thënë Haziri.

    Postimi:

    Populli i Kosovës është europian me orientim, nuk meriton qeverisje tjetër pos asaj euroatlantike, ku LDK tash e 37 vjet beson, punon e ndërton!

    Prilli është muaji që do të determinojë nëse ka vullnet politik në Kosovë, nëse ka marrëveshje për bashkëpunim, pa të cilën nuk del rezultati, sepse pragmatizmi dhe kompromisi janë vlera politike e jo dobësi.

    Sa më shumë fiton mbështetje, bëhesh më i përgjegjshëm, sepse duhet ndarë me të tjerët.

    Në të kundërtën, Kosova, për mungesë pragmatizmi, duhet të zgjedhë përmes gjykatësve të Gjykatës Kushtetuese ose zgjedhjeve 8-milionëshe.

    Ky popull i Kosovës është europian me orientim, nuk meriton qeverisje tjetër pos asaj euroatlantike, ku LDK tash e 37 vjet beson, punon e ndërton!

  • Aaron Ramsey njofton pensionimin nga futbolli, pas një karriere të jashtëzakonshme

    Aaron Ramsey njofton pensionimin nga futbolli, pas një karriere të jashtëzakonshme

    Ish-mesfushori i Arsenal, Aaron Ramsey, ka njoftuar zyrtarisht tërheqjen nga futbolli profesionist, duke i dhënë fund një karriere të gjatë dhe të suksesshme.

    35-vjeçari, i cili së fundmi ishte pjesë e UNAM Pumas deri në tetor të vitit 2025, ka lënë gjurmë në disa prej klubeve më të njohura evropiane, përfshirë Juventus, Rangers, Nice dhe Cardiff City.

    Në një deklaratë të publikuar nga Federata e Futbollit e Uellsit, Ramsey pranoi se vendimi për t’u larguar nga futbolli nuk ishte aspak i lehtë.

    “Pas shumë reflektimeve, kam vendosur t’i jap fund karrierës sime si futbollist. Nuk ka qenë një vendim i lehtë,” u shpreh ai.

    Ai rezervoi fjalë të veçanta për përfaqësuesen e vendit të tij, duke e cilësuar si një privilegj të jashtëzakonshëm të veshte fanellën e Uellsit dhe të përjetonte momente të paharrueshme në arenën ndërkombëtare. Po ashtu, falënderoi të gjithë trajnerët dhe stafet me të cilët ka punuar ndër vite, për mbështetjen dhe besimin e dhënë.

    Ramsey nuk harroi as klubet ku ka luajtur, duke theksuar mirënjohjen për mundësinë që i dhanë për të realizuar ëndrrën e tij dhe për të konkurruar në nivelet më të larta të futbollit evropian.

    Në fund, një falënderim i veçantë shkoi për familjen e tij, për të cilën tha se ka qenë shtylla kryesore gjatë gjithë rrugëtimit të tij.

    Me këtë vendim, Ramsey mbyll një kapitull të rëndësishëm në futboll, duke lënë pas një karrierë të pasur me suksese dhe kujtime të paharrueshme.

  • Masa të veçanta për Botërorin 2026, kufizime në transportin publik në New York gjatë ndeshjeve

    Masa të veçanta për Botërorin 2026, kufizime në transportin publik në New York gjatë ndeshjeve

    Shtetet e Bashkuara të Amerikës po përgatiten intensivisht për organizimin e FIFA World Cup 2026, duke ndërmarrë masa të veçanta që do të ndikojnë drejtpërdrejt edhe në jetën e përditshme të qytetarëve.

    Një nga ndryshimet më të rëndësishme pritet të zbatohet në New York City, ku gjatë muajit të Botërorit, disa pika kyçe të transportit publik do të kenë qasje të kufizuar vetëm për tifozët me bileta.

    Kjo masë lidhet me tetë ndeshjet që do të zhvillohen në MetLife Stadium, një nga arenat kryesore të turneut. Për të menaxhuar fluksin e madh të tifozëve, Penn Station, një nga stacionet më të frekuentuara në zemër të Manhattanit, do të shërbejë si nyje kryesore transporti drejt stadiumit.

    Sipas rregullave të reja, për rreth katër orë para çdo ndeshjeje, ky stacion do të jetë i aksesueshëm vetëm për tifozët që posedojnë bileta për ndeshjet e Kupës së Botës, duke kufizuar hyrjen për qytetarët e tjerë.

    Kjo masë synon të garantojë siguri, organizim më të mirë dhe një përvojë sa më të rrjedhshme për mijëra tifozë që pritet të udhëtojnë drejt stadiumit gjatë këtij eventi madhor sportiv.

  • Robert Rrahmani shpallet “Ylli i Javës”

    Robert Rrahmani shpallet “Ylli i Javës”

    Federata e Futbollit e Kosovës, në bashkëpunim me sponsorin zyrtar të Superligës Albi Mall, po vazhdon traditën e ndarjes së çmimit “Ylli i Javës”, që i takon futbollistit më të spikatur të xhiros në elitën e futbollit kosovar.

    Për javën e 27-të të këtij sezoni, ky vlerësim i është dhënë lojtarit të SC Gjilani, Robert Rrahmani. Ai pati një rol kyç në fitoren e rëndësishme 2:1 si mysafir ndaj Prishtina e Re, duke realizuar golin e parë për skuadrën e tij dhe duke hapur rrugën drejt tri pikëve me shumë peshë.

    Kjo fitore për ekipin e drejtuar nga Debatik Curri përfaqëson një hap të madh drejt synimit për të siguruar një vend që dërgon në garat evropiane, duke e mbajtur Gjilanin fuqishëm në garë për objektivat sezonale.

    Vlerësimi për “Yllin e Javës” është bërë nga Komisioni i Veteranëve të Futbollit, i cili ka evidentuar ndikimin vendimtar të Rrahmanit në këtë përballje.

    Pas marrjes së çmimit, Rrahmani nuk e fshehu kënaqësinë, duke theksuar rëndësinë e punës ekipore dhe përkushtimit maksimal në këtë sukses.

  • Zyrtare: Maguire rinovon me Manchester United, mbyll spekulimet për largimin

    Zyrtare: Maguire rinovon me Manchester United, mbyll spekulimet për largimin

    Manchester United ka zyrtarizuar sot rinovimin e kontratës me mbrojtësin Harry Maguire, duke i dhënë fund spekulimeve për largimin e tij në fund të sezonit.

    Edhe pse 33-vjeçari ishte pranë largimit si lojtar i lirë, dëshira e tij kryesore mbeti vazhdimi i aventurës në “Old Trafford”. Forma e mirë e treguar kohët e fundit, e cila i siguroi edhe rikthimin në përfaqësuesen e Anglisë, duket se ka bindur drejtuesit e klubit për ta mbajtur në skuadër.

    Sipas njoftimit zyrtar, qendërmbrojtësi ka firmosur një marrëveshje të re njëvjeçare, që e mban te “Djajtë e Kuq” deri në qershor të vitit 2027, me mundësi vazhdimi edhe për një sezon tjetër.

    Përvoja e Maguire konsiderohet një aset i rëndësishëm për ekipin, sidomos në zhvillimin e talenteve të rinj si Leny Yoro dhe Ayden Heaven, me të cilët pritet të ndërtohet një repart mbrojtës i qëndrueshëm për të ardhmen.

    Që nga transferimi i tij në vitin 2019, Maguire ka regjistruar 266 paraqitje me fanellën e United, duke fituar edhe EFL Cup dhe FA Cup gjatë kësaj periudhe.

  • Pistons pëson humbje, Spurs e Nuggest vazhdojnë me fitore

    Pistons pëson humbje, Spurs e Nuggest vazhdojnë me fitore

    Mëngjesin e sotëm janë zhvilluar disa ndeshje tejët interesante në Ligën më të fortë të basketbollit në botë, NBA.

    Lideri I Konferencës së Lindjes, Detorit Pistons ka pësuar një humbje me rezultat të thellë 123-107 nga Orlando Magic.

    Paolo Banchero udhëhoqi skuadrën e tijë drejt fitores me 31 pikë, pesë kërcime e po aq asistime, derisa Desmonde Bane shtojë 25 sosh.

    Te skuadra humbëse u dalluan, Jalen Duren e Daniss Jenkins me nga 18 pikë dhe Kevin Huerter e Javnote Green me nga 17 pikë.

    Kujtojmë që Magic renditen në poziten e nëntë në Konferencën e Lindjes.

     

    San Antonio Spurs është këndellur me fitore pas triumfit ndaj Philadelphia 76ers me shifrat 115-102.

    Më meritorët për këtë fitore ishin, Stephone Castle me triple-double prej 19 pikëve, 10 kërcime e 13 asistime, Victor Wembanyama e Dylan Harper me nga 17 pikë.

    Nga ana tjetër Joel Embiid shkëlqeu me 34 pikë e 12 kërcime por që nuk mjaftuan për fitore.

    Spurs renditen në poziten e dytë në Konferencën e Perëndimit derisa 76ers në vendin e shtatë në tabelën e Lindjes.

     

    Denver Nuggets po kalojnë nëpër një formë fantastike duke realizuar fitoren e nëntë radhazi pas fitores ndaj Portland Trail Blazers me rezultat 137-132.

    Nikola Jokic ishte ylli i mbrëmjes duke realizuar një triple-double prej 35 pikëve, 14 kërcimeve e 13 asistimeve, derisa në këtë fitore kontriubuan edhe Aaron Gordon me 23 pikë, nëntë kërcime e pesë asistime dhe Jamal Murray me 20 pikë e shtatë assitime.

    Te skuadra humbëse më efikasët ishin Toumani Camara 30 pikë, Deni Avdija me 26 pikë dhe Jrue Holiday me 19 pikë e 11 asistime.

    Nuggets renditen në poziten e tret në Konferencën e Perëndimit, derisa Blazers në vendin e nëntë.

  • Kusari: Këta janë emrat e deputetëve që do të marrin vendime jetike për mediat

    Kusari: Këta janë emrat e deputetëve që do të marrin vendime jetike për mediat

    Juristja e medias Flutura Kusari ka publikuar listën e anëtarëve të dy komisioneve parlamentare ad-hoc të themeluara për zgjedhjen e anëtarëve në Komisionin e Pavarur të Mediave dhe Radio Televizionin e Kosovës.

    Kusari ka thënë se anëtarët e dy komisioneve të përkohshme, në ditët në vijim, do të marrin vendime jetike për fushën e mediave.

    KPM është organi rregullues i mediave, të cilin pushteti aktual ka provuar ta fusë nën kontroll përmes dërgimit të njerëzve të lidhur me Vetëvendosjen dhe përmes tij të vendosë nën trysni mediat.

    Në anën tjetër, RTK-ja tashmë kontrollohet defacto nga Vetëvendosje, e cila ka instaluar një ish-aktivist si drejtor të Transmetuesit Publik.

    Postimi i plotë i Kusarit:

    Në ditët në vijim, do të zgjedhen anëtaret e KPM-së dhe RTK-së.

    Këta janë emrat e deputetëve të komisioneve ad hoc që do të marrin vendime me rëndësi jetike në fushën e mediave.

    Emrat i kam siguruar përmes kërkesës për qasje në dokumente publike në Kuvend të Kosovës, institucion ky që kthen përgjigje në kohë rekorde.
    ____
    Përbërja e Komisionit Ad-Hoc për përzgjedhjen e kandidatëve për anëtar të Komisionit të Pavarura të Mediave:

    Grupi Parlamentar i LVV-së
    Alban Bajrami – kryetar
    Arbëreshë Kryeziu Hyseni
    Egzon Azemi
    Fitim Haziri
    Nezir Kraki

    Grupi Parlamentar i PDK-së
    Ariana Musliu Shoshi –Zëvendëskryetare e parë
    Ganimete Musliu

    Grupi Parlamentar i LDK-së
    Ermal Sadiku

    Grupi Parlamentar i Listës Serbe
    Igor Simiq- Zëvendëskryetar i dytë

    Grupi Parlamentar Multietnik
    Fridon Lala

    Grupi Parlamentar i AAK-së
    Time Kadrijaj
    _____
    Përbërja e Komisionit Ad-Hoc për përzgjedhjen e kandidatëve për gjashtë (6) anëtarë nga komuniteti shqiptar, një (1) anëtar nga komuniteti serb dhe një (1) anëtar nga komunitetet jo shumicë në Bordin e Radiotelevizionit të Kosovës:

    Grupi Parlamentar i LVV-së

    Arbërie Nagavci- kryetare
    Arbëreshë Kryeziu Hyseni
    Egzon Azemi
    Fitim Haziri
    Nezir Kraki

    Grupi Parlamentar i PDK-së
    Ariana Musliu Shoshi
    Ganimete Musliu

    Grupi Parlamentar i LDK-së
    Armend Zemaj- Zëvendëskryetar i parë
    Grupi Parlamentar i Listës Serbe
    Slavko Simiq

    Grupi Parlamentar Multietnik
    Emilija Rexhepi- Zëvendëskryetare e dytë
    Grupi Parlamentar i AAK-së
    Time Kadrijaj

  • Rihapet ura që e lidh Arabinë Saudite me Bahreinin

    Rihapet ura që e lidh Arabinë Saudite me Bahreinin

    Është rihapur lidhja e vetme rrugore mes Arabisë Saudite dhe Bahreinit, pasi ishte mbyllur përkohësisht për arsye sigurie gjatë sulmeve ajrore iraniane.

    Autoritetet kishin pezulluar qarkullimin në ‘Rruga e Mbretit Fahd’ si masë paraprake, për shkak të frikës nga mbeturinat e mundshme pas sulmeve ndaj objekteve energjetike në zonë.

    Rreth pesë orë më vonë, u njoftua rihapja e urës, ndërsa autoritetet konfirmuan në rrjetet sociale se lëvizja e automjeteve kishte rifilluar normalisht, shkruan TCH.

    Rruga e Mbretit Fahd është një korridor strategjik prej rreth 25 kilometrash, i përbërë nga një seri urash që lidhin dy vendet e Gjirit dhe shërben si nyja kryesore e transportit mes tyre.