ATV

Blog

  • “Nuk më kanë thirr në syfyr, agjërova e pak para iftarit më ndodhi kjo…”, Krasniqi tregon ngjarjen

    “Nuk më kanë thirr në syfyr, agjërova e pak para iftarit më ndodhi kjo…”, Krasniqi tregon ngjarjen

    Imami i njohur Shefqet Krasniqi, në emisionin “Studio A” në ATV, derisa ishte duke rrëfyer përjetimet e tij personale, foli edhe për agjërimin e tij të parë.

    Ai tha se agjërimi i tij i parë ishte pa syfyr dhe pak minuta para iftarit, ai kishte mbetur pa ndjenja.

    “Saktë nuk e di, por me aq sa e kujtoj është se kam qenë në klasë e ulëta të fillores ku bëja çmos për me u zgjua në syfyr, ashtu kisha një vullnet, por familjarët tanë na kursenin dhe njëherë e mbaj mend se kam agjëruar pa syfyr se isha kështu fëmijë i vogël dhe aso kohe ishte vera, ndoshta në muajin korrik apo gusht dhe dita për të agjëruar ishte e gjatë dhe pak para iftari mua më humbi vetëdija” , tha ai.

    Tutje Krasniqi tha se është gabim për ata prindër që nuk i lejojnë fëmijët e tyre me agjërua.

    ” Prindërit në këtë rast thonë se po më dhimbset fëmija po ja prishi gjumin, po më dhimbset me e fal namazin në mëngjes, e me lanë me agjërua por kjo është gabim”, shtoi tutje Krasniqi./atvlive.tv/

    Për më shumë ndiqni video e mëposhtme:

  • Kjo është zëdhënësja që bëri bujë me njoftimin e shkruar me stilolaps të dorës

    Kjo është zëdhënësja që bëri bujë me njoftimin e shkruar me stilolaps të dorës

    Zëdhënësja e Kompanisë Rajonale të Ujësjellësit “KRU Prishtina” Arjeta Mjeku, ka folur për njoftimin i cili bëri bujë të madhe në media, pasi ndryshe nga njoftimet e tjera të këtij institucioni, e kishte shkruar me stilolaps të dorës e në fleta me vija.

    Arjeta tregoi se si vendosi ta bëjë një formë të tillë falënderimi për pagesat e përfunduara nga ana e konsumatorëve, në formë të shkrimit me stilolaps në një fletë.

    Përveç mënyrës se si ajo zgjodhi për të falënderuar konsumatorët, ajo që ka tërhequr më tepër vëmendjen e publikut ishte edhe bukurshkrimi i saj.

    “Ishte e qëllimshme pa e ditur se do të bëhet kaq bujë e madhe në rrjetet sociale… Doja që të ndryshoja diçka nga njoftimet e përditshme. Me këtë kam dashur që të kujtojë dashurinë e kohërave të vjetra, ku të parët tanë kanë shkruar letra dashurie me shkrim dore… Por, qëllimi im ishte ndërlidhja e së shkuarës që po na mungon sot, atëherë letrat kanë treguar më shumë sinqeritet, dashuri dhe me sinqeritetin tim më të madh iu drejtova konsumatorëve në një formë të tillë”, tha Mjeku.

    Ndërsa, ajo ka bërë thirrje që mos t’i harrojmë gjërat e bukura që na i kanë lënë të parët tanë.

    Për ta dëgjuar intervistën e plotë të Arjeta Mjekut, klikoni në linkun e mëposhtëm:

  • Broliqi, fshati që i përket dy komunave

    Broliqi, fshati që i përket dy komunave

    Mustafa a Musa janë bashkëfshatarë. Të dy vijnë nga i njëjti fshat, por u përkasin komunave të ndryshme.

    Edhe shumë gjëra mjaft të nevojshme, i ndajnë bashkë dy komunat.

    Por se si erdhi deri te ndarja e fshatit nuk ia kanë idenë as vetë banorët.

    Madje për këtë punë, informacione nuk kanë as komunarët, veçse iniciativa për bashkimin e fshatit thonë se nuk u përket atyre.

    Edhe pse edhe kështu siç janë, komunarët thonë se japin maksimumin që shërbimet e komunës t’i kryejnë si duhet.

    Me gjithë ndarjen, Broliqi në listën zyrtare të fshatrave, figuron si fshat i Pejës. /atvlive.tv

  • “Asnjë institucion s’na ndihmoi”, familja Vitia nga Lipjani jeton në kushte të rënda

    “Asnjë institucion s’na ndihmoi”, familja Vitia nga Lipjani jeton në kushte të rënda

    Familja Vitia nga fshati Sllovi e Lipjanit, nga paslufta jeton në kushte të vështira, ndërsa së fundi shtëpia e saj është bërë pothuajse e pabanueshme.

    Madje, në dhomat që do të duhej të shfrytëzoheshin nga anëtarët e kësaj familjeje, strehohen vetëm shpezët.

    Kryefamiljari Agron Vitia thotë se nuk ka mundësi financiare ta rregullojë shtëpinë dhe ta bëjë atë më të banueshme.

    Vitia thotë se ka më shumë se dhjetëra herë që ka kërkuar nga institucionet lokale që t’i dalin në ndihmë, por kërkesat e tij nuk janë marrë asnjëherë parasysh.

    Edhe për zonjën e shtëpisë, jetesa në këto kushte është tejet e rëndë.

    Lidhur me këtë rast, ATV-ja ka kontaktuar Drejtorinë për Mirëqenie Sociale në Komunën e Lipjanit, por ajo nuk është përgjigjur. /atvlive.tv

  • Rrëfimi i trishtë për gruan që u përball me vdekjen, si pasojë e një dashurie të pamundur

    Rrëfimi i trishtë për gruan që u përball me vdekjen, si pasojë e një dashurie të pamundur

    Shkrimtarja e njohur Nexhi Baushi, ishte mysafire në emisionin “Studio A” në ATV, ku foli për romanin e saj të fundit me titull “Orlina”.

    Në këtë roman, ajo hedhë në dritë pas shumë vitesh, historinë e trishtë të një vajze 16-vjeçare, e cila u vra mizorisht për shkak se ishte dashuruar në një djalë, ndërsa ishte e fejuar që në djep nga babai i saj.

    “Kur kam qenë fëmijë dhe shkoja në fshatin e një halle të babait tim, Steblevë. Atje mësova historinë e trishtë të një vajze 16-vjeçare, e cila u dashurua me një djalë, por ishte e fejuar që në djep nga i ati. Dhe kjo ishte si nismë për të vazhduar më tej për të shkruar këtë libër. Unë jam interesuar shumë për historikun, kam biseduar me të afërmit e kësaj vajze, kam biseduar edhe me motrën e saj, kështu që arrtita që ta shkruajë me shumë kënaqësi, por edhe me shumë dhimbje, sepse ajo është një vdekje e trishtë”, tregon autorja e librit Nexhi Baushi.

    Rrëfimin e saj të plotë për romanin “Orlina” mund ta dëgjoni në videon e më poshtme.

  • Ilire Zajmi, autore e 11-të librave me prozë e poezi

    Ilire Zajmi, autore e 11-të librave me prozë e poezi

    Fjalët e saj të para në letër i shkroi fshehurazi familjes e shoqërisë, duke mos e njohur akoma talentin e vërtetë që posedonte. Ilire Zajmi, tashmë poete e shkrimtare e 11-të librave me prozë e poezi, që e vogël u dallua në botën e letërsisë.

    “Kam filluar të shkruajë fshehurazi sepse nuk besoja shumë që jam e mirë dhe nesër do të bëhesha shkrimatare, dhe kështu që kam filluar të shkruaj qysh në shkollën fillore, I kam dërguar fshehurazi shkrimet për botim në revistat e atëhershme dhe pastaj aty doli poezi ime e parë që ia kam kushtuar mësuese sime”, tha ajo.

    Gjatë rrugëtimit të saj, poetja e sfidoi veten në zhanre të shumta të letërsisë, për të gjetur më vonë veten në dashuri me poezinë.

    Si nxënëse e shkollës së mesme, znj.Ilire realizoi ëndrrën e saj duke botuar librin e parë me poezi, “Këmbanat e mëngjesit”, shkruan atvlive.tv.

    Si njohëse e gjashtë gjuhëve, përveç gjuhës shqipe, znj.Zajmi shkruan e përkthen më së shumti në gjuhën angleze dhe italiane.

    Ndër librat e saj si: ” Amnesia”, “Era”,”Valsi i mesnates”, “Baladë e bardhë” e të tjerë, ajo veçon një prej tyre.

    “Është shumë problem sepse ka një numër të cilat I kam botuar deri më tani por mendoj që deri më tani nuk e kam shkruar librin tim mirëpo nëse do ta veçoja një libër atëherë do ta veçoja një libër që është “ Një trim për Bllacë”, libër ky që është botuar në gjuhën italiane në Itali në vitin 1999 dhe në këtë libër jam mundur të tregojë që të tregojë për luftën së çfarë ka ndodhur në Kosovë”, shtoi ajo./atvlive.tv/

    Për më shumë ndiqni videon e mëposhtme:

  • Lajçak ia tregon deputetit sllovak detajet e Marrëveshjes së Ohrit

    Lajçak ia tregon deputetit sllovak detajet e Marrëveshjes së Ohrit

    Emisari i BE-së për dialogun Kosovë-Serbi, Miroslav Lajçak, njoftoi sonte se ka pasur një takim me deputetin sllovak të Parlamentit Evropian, Vladimir Bilcik.

    Me anë të një cicërime në Twitter, diplomati sllovak tregoi se me Bilcikun kanë folur për zhvillimet e fundit në dialog.

    Pjesë e diskutimeve ishin edhe detajet e marrëveshjes së fundit e që u arrit në Ohër të Maqedonisë Veriore, të shtunën e kaluar.

    “Ne folëm për zhvillimet e fundit në Dialog dhe detajet e marrëveshjes së fundit, si dhe për punën e Parlamentit Evropian”, shkroi Lajçak.

  • Szunyog: Pakicat kanë rol vendimtar në integrimin e Kosovës në BE

    Szunyog: Pakicat kanë rol vendimtar në integrimin e Kosovës në BE

    Shefi i Zyrës së Bashkimit Evropian në Kosovë, Tomasz Szunyog, ka thënë se përfaqësuesit e komuniteteve pakicë janë pjesë e rëndësishme e strukturës politike në Kosovë.

    Ai tha se pakicat luajnë rol vendimtar përfaqësues në demokracinë e Kosovës.

    Szunyog, u takua të hënën me përfaqësues të pakicave për të diskutuar rolin dhe mbështetjen e tyre në implementimin e marrëveshjes për normalizimin e raporteve mes Kosovës dhe Serbisë.

    “Përfaqësuesit e komuniteteve pakicë janë pjesë e rëndësishme e strukturës politike të Kosovës dhe luajnë një rol vendimtar përfaqësues në demokracinë e Kosovës. Kontributi i tyre në arritjen e progresit në rrugën e integrimit të Kosovës në BE është i domosdoshëm”, tha ai.

  • 24 vjet nga masakra e Izbicës, Osmani e Kurti bëjnë sot homazhe

    24 vjet nga masakra e Izbicës, Osmani e Kurti bëjnë sot homazhe

    Presidentja e Kosovës, Vjosa Osmani e Kryeministri Albin Kurti, sot do të bëjnë homazhe në Izbicë të Skenderajt, në 24-vjetorin e masakrës së Izbicës, ku forcat policore dhe ushtarake serbe, pas rrethimit të mijëra civilëve të fshatit Izbicë dhe vendbanimeve përreth, veçuan 147 burra të rinj dhe pleq, të cilët i vranë dhe i masakruan, ndërsa pjesën tjetër e dëbuan jashtë Kosovës.

    ZKM ka njoftuar se në Izbicë do të shkojë në orën 09:30, ndërsa në Podujevë në orën 11:00.

    “1. Kryeministri i Republikës së Kosovës, Albin Kurti, bën homazhe te Memoriali në Izbicë, Skenderaj. VENDI: Memoriali në Izbicë, Skenderaj, KOHA: 09:30/ 2.Kryeministri i Republikës së Kosovës, Albin Kurti, bën homazhe te varrezat e Familjes Bogujevci dhe Duriqi, në Podujevë. VENDI: Varrezat e Familjes Bogujevci dhe Duriqi, Podujevë, KOHA: 11:00”, thuhet në komunikatë.

    Masakra e Izbicës hyn në radhën e krimeve më të rënda të shtetit të Serbisë, ku vrasja masive, përdhosja e trupave dhe varrimi i tyre, përmes pamjeve satelitore, u bë lajm botëror.

  • Von Cramon: Deklaratat e Vuçiqit u pritën shumë keq në BE

    Von Cramon: Deklaratat e Vuçiqit u pritën shumë keq në BE

    Deputetja e të Gjelbërve në Parlamentin Evropian (PE) Viola von Cramon ka thënë se deklaratat e presidentit serb, Aleksandar Vuçiq, para marrëveshjes evropiane për Kosovën, ishin shumë të lavdërueshme, sepse kanë hapur rrugën për arritjen e marrëveshjes.

    “Megjithatë, retorika pas gjithë kësaj dhe talljet me “dhimbje të padurueshme në dorën e djathtë“ u prit shumë keq, si në Bruksel ashtu edhe në kryeqytetet kyçe të Bashkimit Evropian (BE), ka deklaruar Von Cramon për gazetën serbe “Nova”, duke komentuar deklaratën e Vuçiqit se nuk e ka nënshkruar marrëveshjen, transmeton Paparaci.

    Von Kramon, e cila është edhe raportuese për Kosovën në PE, ka deklaruar se nuk i takon Serbisë të vendosë nëse Kosova mund të hyjë në OKB.

    Ajo ka shtuar se e kupton që deklarata të tilla janë për publikun e brendshëm, por se nuk është në dorën e Serbisë, sepse pranimi në OKB varet nga vendimi i Këshillit të Sigurimit.