ATV

Blog

  • ​Këto ndeshje zhvillohen sot në kuadër të kualifikimeve për Euro 2024

    ​Këto ndeshje zhvillohen sot në kuadër të kualifikimeve për Euro 2024

    Dita e pestë e kualifikueseve për në Kampionatin Evropian Euro 2024 sjellë sot edhe tetë ndeshje të tjera mjaftë interesante.

    Shqipëria e nis këtë kampanjë me udhëtimin në Varshav atje ku do të ballafaqohet me Poloninë në kuadër të grupit E, raporton KosovaPress.

    Njëra nga kombëtaret më të forta dhe që synon të shkojë deri në fund të këtij kompeticioni, Franca do ta zhvillojë sfidën e dytë ku do të ndeshjet me Irlandën në kuadër të grupit B, derisa tashmë ka tre pikë pas fitores ndaj Holandës.

    Në grupin F, Suedia do të ndeshet me Azerbajgjanin, dy skuadra që kanë pësuar disfatë në ndeshjet e parë dhe synojnë të marrin tre pikë për të mbajtur kështu hapin me skuadrat lideri që janë Austria dhe Belgjika në këtë grup.

    Këto janë ndeshjet e ditës së sotme të cilat startojnë nga ora 20:45:

    Austria-Estonia

    Hungaria-Bullgaria

    Irlanda-Franca

    Moldavia-Republika e Çekisë

    Mali i Zi-Serbia

    Holanda-Gjibraltari

    Polonia-Serbi

    Suedia-Azerbajgjani

  • Ramazani, shtatzënia dhe gjidhënia

    Ramazani, shtatzënia dhe gjidhënia

    Kur jeni shtatzënë është shumë me rëndësi që të kujdeseni për veten tuaj. Por, nëse keni bërë plan që të agjëroni muajin e shenjtë të Ramazanit, mund të keni shumë pyetje në kokën tuaj se a mund të ndikojë agjërimi tek ju dhe tek bebja juaj

    Dr. Memli Morina, mr. sci
    gjinekolog – obstetër
    tel. 045 725 725

    Në këtë shkrim do të gjejnë përgjigje edhe ato shtatzëna të cilat sapo kanë filluar shtatzëninë, ato që i janë afruar terminit të lindjes dhe gratë me fëmijë.

    Mund të jeni e punësuar dhe njëkohësit agjëroni, ose nuk ndiheni shumë mirë që t’i bashkoheni familjes dhe miqve në agjërim. Ndoshta, para pak kohësh keni pasur abort dhe tash keni frikë se mund të ndikojë negativisht nëse nuk hani dhe pini për orë të tëra. Ndoshta, jeni bërë nënë dhe nuk jeni e sigurt se a mund të agjëroni derisa e keni fëmijën në gji.

    Nëse vendosni që të agjëroni, në këtë shkrim do t’i gjeni të gjitha këshillat për materiet ushqyese për të cilat bebja ka nevojë. Me këtë shkrim jemi përpjekur t’ju ndihmojmë që agjërimi i Ramazanit të jetë i shëndetshëm krahas të qenët i shenjtë.

    Sapo keni mbetur shtatzënë. A duhet të agjëroni?

    Feja Islame thotë se ju duhet të agjëroni nëse ndjeheni e fortë dhe shëndetshme për të bërë një gjë të tillë. Pasi që jeni shtatzënë, ju jeni e liruar nga detyrimi që të agjëroni. Mos e injoroni këtë lejim nëse e shihni se agjërimi mund t’ju dëmtojë juve ose beben tuaj. Gjendjet në të cilat rekomandohet mosagjërimi janë:

    – Vjellja
    – Shtypja e lartë e gjakut
    – Nëse keni binjakë
    Në fillim të shtatzënisë mund të vuani nga:

    – Plogështia
    – Kapsllëku
    – Kokëdhimbja
    – Marramendja

    Këto mund të theksohen akoma më shumë nëse nuk hani ose pini për periudha të gjata kohore.

    Ndryshimi i rutinës së përditshme, mungesa e ushqimit dhe ujit si dhe ngrënia e pirja në kohë të ndryshme nga zakonisht mund të shkaktojë tek ju stres. Në një studim u gjet se gratë shtatzëna të cilat agjërojnë kanë vlerën e kortizolit (hormon i stresit) më të larta se gratë të cilat nuk agjëronin.

    Pa marrë parasysh se a agjëroni apo jo, ju mund të keni marramendje, pengesa në të pamur ose dhimbje të këmbëve. Nëse keni ndonjërën nga këto ankesa konsultohuni me mjekun.

    Nëse keni dyshime për atë se a duhet të agjëroni apo jo bisedoni me një predikuese të fesë, me burrin tuaj, me nënën, motrën ose me ndonjë shoqe.

  • Muaji i shenjtë i Ramazanit, besimtarët myslimanë në të gjithë botën nisin agjërimin

    Muaji i shenjtë i Ramazanit, besimtarët myslimanë në të gjithë botën nisin agjërimin

    Rreth një e katërta e popullsisë së botës do të nisin një ditë ndryshe më 23 mars, pasi lindja e diellit do t’i gjejë duke agjëruar.

    Besimtarët myslimanë do të nisin muajin e Ramazanit, simbolin e sakrificës, muaji më i shenjtë i kalendarit islamik.

    Për një muaj, çdo ditë ata nuk do të konsumojnë ushqime ose pije, duke nisur që nga lindja e diellit e deri në perëndimin e tij.

    Libri i shenjtë Kurani, e përcakton agjërimin një nga pesë shtyllat kryesore islame, simbol i sakrificës.

    Tradita ka nisur që në shekullin e nëntë dhe përkujton muajin kur profeti Muhamed ishte mbyllur në një shpellë, në veri të Mekës, për ripërtëritje shpirtërore.

    Njerëzit në mbarë botën nisin ritin, i cili vijon për 30 ditë me radhë. Në fund të muajit të shenjtë të Ramazanit vjen Fitër Bajrami, festë simbolike e fesë islame.

    Pjesa më e madhen e qytetarëve që agjërojnë ndodhen në Egjipt, Arabinë Saudite, Liban, Jordani, Kuvajt, Katar, Algjeri, Tunizi, Jemen, Siri, Irak, Iran, Turqi, Kosovë, Shqipëri e shumë shtete të tjera.

    Ata e mirëpresin muajin e ramazanit në mënyra të ndryshme, ku palestinezët blejnë dekorime për Ramazan, Bosnja hedh fishekzjarre, Pakistan nis shitjen në masë të hurmave arabe, pakistanezët përgatitin tregjet, e shumë të tjerë vizitojnë xhamitë e vendet e shenjta.

    Ndryshe nga vendet e tjera, nisja e muajit të shenjtë të Ramazanit do ta gjejë një pjesë të popullit turk në çadra.

    Tërmeti shkatërrimtar i cili shkaktoi shifra shumë të larta viktimash, la miliona persona në Turqi në mjerim. Ata humbën të afërmit dhe shtëpitë, pak javë para muajit të shenjtë.

    Krahasuar me vitin e kaluar syfyret dhe iftaret e tyre do të jenë në çadra, shumë pranë vendit ku dikur jetonin të lumtur.

  • Granit Xhaka shkëlqen në Serbi, Zvicra e mposhti Bjellorusinë 5:0

    Granit Xhaka shkëlqen në Serbi, Zvicra e mposhti Bjellorusinë 5:0

    Zvicra e ka nisur me fitore ciklin kualifikues për Kampionatin Evropian “Euro 2024”.

    Të përzgjedhurit e Murat Yakin shënuan fitore ndaj Bjellorusisë në ndeshjen e parë të tyre në Grupin I, shkruan Express.

    Kjo ndeshje u zhvillua në stadiumin “Karadorde” të Novi Sadit, teksa u mbyll me rezultatin 0:5.

    Granit Xhaka ishte i vetmi shqiptar që u paraqit sonte, pasi Xherdan Shaqiri dhe Andi Zeqiri mungojnë shkaku i lëndimeve.

    Mesfushori i Arsenalit la gjurmë në këtë ndeshje me një gol dhe asistim. Ai shënoi gol të bukur në minutën e 62-të, teksa asistoi pas tre minutave te goli i Zeki Amdouni.

    Kapiteni i “Helvetikëve” në këtë ndeshje luajti për 66 minuta.

    Tre golat tjerë u shënuan nga Renato Steffen, në minutat 4’, 17’ dhe 29’.

    Zvicra tani me tre pikë prin në grup, teksa ndeshjen e radhës e luan kundër Izraelit, më 28 mars.

  • Kosova e nis rrugëtimin drejt “Euro 2024” pa humbje, merr një pikë në Tel Aviv

    Kosova e nis rrugëtimin drejt “Euro 2024” pa humbje, merr një pikë në Tel Aviv

    Kombëtarja e Kosovës e ka nisur me barazim ciklin kualifikues për Kampionatin Evropian “Euro 2024”, që do të mbahet vitin e ardhshëm në Gjermani.

    Të përzgjedhurit e Alain Giresse morën sonte një pikë nga përballja me Izraelin, rivalin që vlerësohet si një prej rivalëve për dy pozitat e para në grup, shkruan Gazeta Express.

    Ndeshja e zhvilluar në stadiumin “Bloomfield” përfundoi me rezultatin 1:1. Kjo ishte ndeshje e parë në kuadër të Grupit I.

    Izraelitët ishin më të mirë në pjesën e parë, por ishin “Dardanët” që shkuan në pushim me epërsi minimale.

    Milot Rashica sulmoi portën kundërshtare në minutën e 36-të, teksa topi shkoi në rrjetë pas devijimit të Elazar Dasa, i cili shënoi autogol.

    Kosova e nisi shumë më mirë pjesën e dytë dhe ia doli të dyfishonte epërsinë në minutën e 49-të përmes Rashicës.

    Megjithatë, goli i sulmuesit vushtrrias u anulua pas rishikimit me VAR, pasi që u pa se ai kishte luajtur me dorë para se të shënonte.

    Kombëtarja kosovare vazhdoi të rriste presionin në vazhdim, teksa ishte sërish Rashica që kishte një mundësi të artë për të shënuar në minutën e 93-të, por 26-vjeçari dështonte të shënonte nga afërsia.

    Kosova dhe Izraeli ndajnë pozitat dy dhe tre në grup me nga një pikë. Në këtë grup prin Zvicra me tre pikë.

  • Sallatë me fasule si racion

    Sallatë me fasule si racion

    Receta e sotme bën bashkë fasulen e kuqe dhe të bardhë, që do i japin trupit tuaj energji dhe plot lëndë ushqyese

    Domatet dhe përbërësit tjerë, ia shtojnë lezetin kësaj recete! – transmeton Telegrafi.

    Nevojiten:

    – 150 g fasule të kuqe;
    – 150 g fasule të bardhë;
    – 2 domate;
    – 1 spec;
    – 1 spec djegës i vogël;
    – 1 qepë e kuqe;
    – pak majdanoz të freskët;
    – disa fletë borziloku;
    – vaj ulliri,
    – uthull molle;
    – kripë;
    – piper.

    Përbërësit:

    Zieni fasulen dhe lëreni që të ftohet pak.

    Grini qepën, specin dhe domaten dhe pastaj përzieni me fasulen.

    Qitni erëza sipas shijes, në fund shtoni fletët e borzilokut dhe qitni sipër vajin e ullirit dhe uthullën e mollës.

  • Ndaloni së ngrëni thonjtë, duke shfrytëzuar këto teknika

    Ndaloni së ngrëni thonjtë, duke shfrytëzuar këto teknika

    Është një nga shprehitë më të këqija që ekzistojnë, por miliona njerëz vazhdojnë të hanë thonjtë. Por pse e bëjnë këtë?

    Sipas psikologëve, kjo është në bazë nervore dhe përdoret për të larguar energjitë negative – menaxhimi i stresit dhe ankthit, mund të ndihmojë në heqjen e shprehisë.

    Ngrënia e thonjve, si shumë shprehi të tjera, vjen nga ndjenja të thella dhe shqetësime.

    Këto janë disa nga format, me të cilat mund të “hiqni thonjtë nga goja”, njëherë e përgjithmonë, transmeton Telegrafi.

    Kujtoni vetës rreziqet shëndetësore

    Thonjtë janë përplot me baktere, që vinë nga gjërat që i prekni gjatë ditës, si dorëzën e derës, kapakun e shportës së mbeturinave apo paratë. Kur kafshoni thonjtë, ju i futni këto baktere direkt në organizëm, duke rrezikuar rëndë shëndetin.

    Bëni manikyr dhe lyejini kuq

    Bëni një manikyr profesionist – si një dhuratë që e tejkaluat shprehinë dhe, lyejini thonjtë kuq. Ju do t’u ruani thonjtë nga prishja e formësimit, derisa ngjyra e kuqe gjithmonë ju kujton se duhet ndaluar.

    Hani vetëm thonjtë e njërës dorë

    Shprehia nuk mund të hiqet lehtë, andaj provoni të kafshoni vetëm thonjtë e njërës dorë. Dora tjetër do të fillojë të duket bukur dhe të ndihet shëndetshëm, teksa tjetra mbetet keq, me thonj të dëmtuar.

    Krahasimi i duarve, ndihmon që të mërzitet kjo shprehi e pështirë

    Provoni teknika mashtrimi. Sa herë që ndjeni nevojë të hani thonj, provoni të bëni diçka tjetër. Kapni një letër dhe paloseni disa herë, merrni një tel dhe krijoni rrathë, apo thjeshtë qëndroni me një këmbë për një kohë.
    Nëse provohet kjo teknikë disa herë me radhë, mund të largohet shprehia e ngrënies së thonjve.

  • Edhe Nora Gjakova në finale, Kosova siguron dy medalje të argjendta

    Edhe Nora Gjakova në finale, Kosova siguron dy medalje të argjendta

    Xhudisetet kosovare po shkëlqejnë në paraqitjet e tyre në Grand Slamin e xhudos që po mbahet në Gjeorgji.

    Nora Gjakova tashmë ka kaluar në finale të Grand Slamit të xhudos Tbilisi pasi e mposhti xhudisten nga Kanada Jessica Klimkat, raporton KosovaPress.

    Kjo nënkupton që ajo tashmë e ka siguruar medaljen e argjendtë dhe do të luftojë në finale për të artën.

    Medaljen e artë do ta kërkojë edhe Distria Krasniqi.

  • Pas tri vitesh mungesë, turistët japonezë rikthehen në Muzeun e Krujës

    Pas tri vitesh mungesë, turistët japonezë rikthehen në Muzeun e Krujës

    Muaji mars ka shënuar rritje të numrit të turistëve të huaj në Muzeun Historik dhe Etnografik të Krujës.

    Në këtë fillimjave Muzeun Kombëtar “Gjergj Kastrioti Skënderbeu” e kanë vizituar një grup turistësh nga Japonia, të cilët janë njohur me historinë dhe traditat shqiptare.

    “Pas 3 vitesh mungese për shkak të pandemisë në këtë muze janë rikthyer grupet e organizuara me turistë japonezë në Muzeun Gjergj Kastrioti Skënderbeu në Krujë”, ka thënë për Atsh-në drejtori i Muzeut Historik dhe Etnografik, Mehdi Hafizi.

    Ai ka theksuar se vetëm në 3 javët e para të marsit ky muze është vizituar nga rreth 2000 turistë. “Gjatë marsit është shtuar numri i turistëve me grupe të organizuara si amerikanë, italianë, spanjollë, gjermanë, etj”.

    Muzeu Kombëtar “Gjergj Kastrioti Skënderbeu” ishte përuruar më 1 nëntor 1982 në kështjellën e Krujës. Ky muze ka edhe karakterin e një memoriali që trajtohet si kullë shqiptare e Veriut, shkruan Atsh Kompleksi i muzeut është shpërndarë në disa hapësira, të cilat vizitohen kronologjikisht sipas ngjarjeve. Në këtë muze ndodhen objekte që i përkasin periudhave të ndryshme historike, por në disa pavijone trajtohet historia e Mesjetës së Hershme, principatat shqiptare, pushtimi osman dhe betejat e shqiptarëve për të përballuar këtë pushtim.

  • Qofte vegane me fasule (pa gluten)

    Qofte vegane me fasule (pa gluten)

    Sot, gjithnjë e më shumë receta i janë përshtatur ushqimit vegan

    Qoftet vegane mund të shijohen po aq (dhe më shumë!) duke i përgatitur me kombinime të ndryshme perimesh dhe drithërash.

    Për këto qoftere do t’ju duhen fasule. Mund të përdorni çdo lloj fasule. Gjithashtu, fasulet mund të jenë të konservuara ose mund t’i përgatitni vetë. Përveç fasuleve, do t’ju duhet tërshërë, qepë, pak miell dhe erëza (kripë, piper, spec i tymosur i bluar, mustardë). Pra, mund të konkludoni se ju nevojiten shumë pak përbërës për të bërë këtë burger të shijshëm.

    Fasulet e ziera duhen t’i shtypni me pirun, pastaj mund të shtoni tërshërën dhe të gjitha erëzat. Grini imët qepën dhe më pas përziejeni me fasulet. Kur gjithçka të jetë përzier mirë, në masë mund të shtoni pak miell në mënyrë që masa të mos jetë shumë ngjitëse.

    Është shumë e rëndësishme që mielli të përzihet mirë në masë (asnjë pjesë e bardhë nuk duhet të duket askund). Më pas formoni me duar toptha më të vegjël dhe i rrafshoni në mes që të marrin formën e qoftes. Qofterja e formuar mund ta spërkatni pak më shumë miell nga të dyja anët.

    Qofteret janë më mira të skuqen në vaj në tigan. Mund t’i piqni edhe në furrë, por duhet të shtoni shumë vaj që të mos dalin shumë të thata. Burgerët e gatshëm mund të shërbehen në simite me perime ose me ndonjë shtesë (p.sh. oriz, pure, patate, perime…).

    Koha:

    Përgatitja – rreth 15 minuta
    Pjekja – rreth 15 minuta

    Përbërësit (rreth 5-6 copë):

    ▪ 1 filxhan fasule të gatuara,
    ▪ 2 lugë tërshërë (pa gluten),
    ▪ 1 lugë çaji spec të bluar të tymosur,
    ▪ 1/2 lugë çaji kripë,
    ▪ 1/3 lugë çaji piper,
    ▪ 1/4 qepë (copëtuar imët),
    ▪ 1 lugë çaji mustardë,
    ▪ 1/2 lugë lugë çaji miell pa gluten (Schaer, Mix Bread),
    + më shumë për spërkatje.

    Përgatitja

    1. Fasulen e zier shtypeni me pirun, pastaj shtoni tërshërën dhe të gjitha erëzat (kripë, piper, spec i bluar i kuq, mustardë).

    2. Përziejini mirë erëzat në masë, pastaj shtoni qepën e grirë shumë hollë. Përzieni qepën në masë.

    3. Shtoni rreth gjysmë luge miell pa gluten në masë dhe përzieni mirë në mënyrë që të mos shihen pjesët e bardha në masë.

    4. Formoni topthat dhe rrafshoni në mes në mënyrë që të formoni qoftere. Pastaj spërkatni pak miell nga të dy anët.

    5. Piqni në tavë në vaj të nxehur. Gjatë pjekjes njëherë rrotulloni në mënyrë që të piqen mirë nga të dyja anët.

    Ju bëfshin mirë. /Telegrafi/