ATV

Blog

  • Vincent Kompany kritikon vendimet e gjyqtarit pas eliminimit të Bayernit nga PSG

    Vincent Kompany kritikon vendimet e gjyqtarit pas eliminimit të Bayernit nga PSG

    Vincent Kompany shprehu pakënaqësinë e tij të madhe me vendimet e gjyqtarit dhe interpretimin e rregullave të lojës me dorë pas ndeshjes së kthimit gjysmëfinale të Ligës së Kampionëve, ku Bayern Munichu barazoi 1-1 ndaj Paris Saint-Germain. Bavarezët u mposhtën 5-4 në ndeshjen e parë dhe rezultati i kthimit nuk mjaftoi për të kaluar në finale.

    Trajneri i Bayernit theksoi dy situata kryesore që sipas tij ndikuan në rezultatin e ndeshjes. Në ndeshjen e parë, u akordua një penallti pasi topi i Alphonse Davies goditi fillimisht kofshën dhe më pas iu kthye nga dora. Ndërsa në ndeshjen e kthimit, gjyqtari portugez Joao Pinheiro nuk akordoi penallti kur topi goditi krahun e shtrirë të mesfushorit të PSG-së, Joao Neves, pasi topi iu kthye nga shoku i tij Vitinha.

    “Topi nuk shkon nga trupi në dorë, ai shkon direkt në dorë. Nuk ka rëndësi nëse vjen nga një shok skuadre apo jo – është thjesht absurditet. Rregullat janë rregulla. Është për të ardhur keq,” deklaroi Kompany për DAZN.

    Trajneri belg kritikoi edhe mungesën e një kartoni të dytë të verdhë për mbrojtësin e majtë të PSG-së, Nuno Mendes, i cili preku topin me dorë. “Pse Nuno Mendes nuk mori një karton të dytë të verdhë për një prekje të pastër të topit me dorë? Nuk e kuptoj. Pse u dha penallti kundër nesh në Paris dhe jo për ne këtu? E kuptoj rregulloren, por dora e Mendes ishte mbi kokën e tij. Urime PSG-së, por Nuno Mendes duhej të përjashtohej,” shtoi Kompany.

    Ai përfundoi duke iu referuar eliminimit të Bayernit me një gol diferencë: “Sigurisht, vendimi i gjyqtarit në Paris ende dhemb sepse në fund u eliminuam me një gol diferencë të vetme.”

  • Shtyerja e vendimit ndaj çlirimtarëve në Hagë, OVL-UÇK dërgon letër apeli në ambasadat mike

    Shtyerja e vendimit ndaj çlirimtarëve në Hagë, OVL-UÇK dërgon letër apeli në ambasadat mike

    Organizata e Veteranëve të Luftës së UÇK-së ka njoftuar opinionin publik se sot, zyrtarisht, u është drejtuar ambasadave mike në Kosovë me një letër apeli pas vendimit për shtyerjen e aktgjykimit të vendimit ndaj ish-krerëve të UÇK-së në Hagë.

    OVL-UÇK thekson se kjo letër apeli është dërguar me qëllim për ruajtjen e besimit në drejtësinë ndërkombëtare, raporton KlanKosova.tv.

    ‘Argumentet juridike janë shteruar. Ajo që mbetet është pesha morale dhe institucionale e një vendimi, pasojat e të cilit shtrihen përtej individëve, duke prekur besueshmërinë e drejtësisë ndërkombëtare në vendin tonë.Lufta jonë çlirimtare ishte e drejtë. Ajo lindi nga domosdoshmëria, nga e drejta e një populli për të jetuar i lirë në tokën e tij. Kjo përpjekje nuk mund të thjeshtohet në një interpretim të ftohtë procedural. Ishte një përkushtim ndaj lirisë dhe dinjitetit njerëzor përballë shtypjes sistematike, një qëndrim për vlerat demokratike kur nuk kishte mbetur asnjë rrugë tjetër. Çdo përfundim që nuk e pasqyron me drejtësi këtë realitet historik rrezikon shtrembërimin e tij. Kjo thellon perceptimet e padrejta. Kjo lëndon ndërgjegjen qytetare të atyre që e përballuan atë epokë dhe e ngritën këtë shtet mbi atë që dhanë’, thuhet në letrën e OVL-UÇK-së drejtuar ambasadeve mike.

    Letra e plotë:

    I/E nderuar Ambasador,

    Ndërsa Kosova pret vendimin përfundimtar që do ta merret nga Gjykata Speciale, u drejtohemi miqve dhe partnerëve tanë ndërkombëtarë në emër të mijëra veteranëve dhe qytetarëve, besimin e të cilëve e mbartim me përgjegjësi të plotë.

    Argumentet juridike janë shteruar. Ajo që mbetet është pesha morale dhe institucionale e një vendimi, pasojat e të cilit shtrihen përtej individëve, duke prekur besueshmërinë e drejtësisë ndërkombëtare në vendin tonë.

    Lufta jonë çlirimtare ishte e drejtë. Ajo lindi nga domosdoshmëria, nga e drejta e një populli për të jetuar i lirë në tokën e tij. Kjo përpjekje nuk mund të thjeshtohet në një interpretim të ftohtë procedural. Ishte një përkushtim ndaj lirisë dhe dinjitetit njerëzor përballë shtypjes sistematike, një qëndrim për vlerat demokratike kur nuk kishte mbetur asnjë rrugë tjetër. Çdo përfundim që nuk e pasqyron me drejtësi këtë realitet historik rrezikon shtrembërimin e tij. Kjo thellon perceptimet e padrejta. Kjo lëndon ndërgjegjen qytetare të atyre që e përballuan atë epokë dhe e ngritën këtë shtet mbi atë që dhanë.

    Mbetemi të bindur se akti përfundimtar do ta pasqyrojë me seriozitet të vërtetën historike. Paqja dhe stabiliteti në Kosovë nuk mund të ndahen nga besimi i qytetarëve se drejtësia është e paanshme dhe e besueshme. Kosova ka dëshmuar, vazhdimisht dhe pa rezerva, përkushtimin e saj ndaj bashkëpunimit ndërkombëtar dhe përmbushjes së detyrimeve të veta.

    Prandaj, vendimi përfundimtar duhet ta forcojë besimin e jo ta dobësojë, ta ruajë stabilitetin e jo ta cenojë. Ai duhet ta çojë përpara partneritetin mes Kosovës dhe bashkësisë ndërkombëtare mbi bazën e respektit të ndërsjellë. Një vendim i tillë duhet të qëndrojë në harmoni me themelet e lirisë dhe shtetësisë sonë: të siguruara përmes sakrificës, të mbrojtura përmes besnikërisë ndaj interesit kombëtar, të mbajtura gjallë nga vendosmëria e një populli liridashës.

    Me respekt, OVL UÇK.

  • Petrit Hajdari largohet nga drejtimi i PDK-së në Drenas

    Petrit Hajdari largohet nga drejtimi i PDK-së në Drenas

    Petrit Hajdari ka njoftuar se është larguar nga drejtimi i Degës së PDK-së në Drenas, pas kërkesës së kryetarit të partisë, Bedri Hamza.

    Përmes një reagimi publik, Hajdari ka thënë se vendimin e ka marrë duke mos dashur t’u bëhet pengesë proceseve të nevojshme brenda partisë, ndërsa ka theksuar se angazhimin e tij do ta vazhdojë në kryesinë qendrore të PDK-së.

    Ai ka vlerësuar lart rezultatin e Degës së PDK-së në Drenas në zgjedhjet e fundit nacionale.

  • PSG siguron finalen e Ligës së Kampionëve-Presidenti Al-Khelaifi: “Është madhështore, tani duam titullin e dytë”

    PSG siguron finalen e Ligës së Kampionëve-Presidenti Al-Khelaifi: “Është madhështore, tani duam titullin e dytë”

    Presidenti i Paris Saint-Germain, Nasser Al-Khelaifi, shprehu gëzimin e tij pas fitores ndaj Bayern Munichut në gjysmëfinalet e Ligës së Kampionëve, me rezultatin e përgjithshëm 6-5, duke siguruar një vend në finale për të dytin sezon radhazi.

    PSG do të ndeshet me Arsenalin në finalen e madhe për trofeun më të rëndësishëm në Evropë. “Është madhështore. Dy finale radhazi, tani duam të shkojmë atje dhe të marrim atë yllin e dytë. Fola me lojtarët dhe u thashë se nuk kemi vetëm lojtarë, kemi edhe luftëtarë,” deklaroi Al-Khelaifi.

    Ai shtoi se suksesi i ekipit është rezultat i bashkëpunimit dhe përkushtimit: “Sot, të gjithë luajtën për ekipin dhe ishin të fortë. Kemi respekt të madh për Bayernin, një ekip i shkëlqyer me lojtarë të shkëlqyer. Sot bëmë historinë e PSG-së përsëri.”

    Presidenti theksoi edhe përkushtimin e lojtarëve: “Ëndrra jonë është të fitojmë titullin e dytë të Ligës së Kampionëve. Ekipi është ylli, të gjithë luftojnë. Ky është futbolli, ky është Paris Saint-Germain. Kjo është ADN-ja jonë.”

    Ai përfundoi me një mesazh për tifozët: “Ne kemi trajnerin më të mirë në botë, drejtorin sportiv më të mirë dhe tifozët më të mirë. Është për ta. Ata gjithmonë besojnë tek ne. Është madhështore.”

  • Edicioni i katërt i “Prizren Rock n Blues Fest” rikthehet më 3, 4 dhe 5 korrik

    Edicioni i katërt i “Prizren Rock n Blues Fest” rikthehet më 3, 4 dhe 5 korrik

    Prizreni do të mirëpresë edhe këtë verë edicionin e katërt të festivalit “Prizren Rock n Blues Fest”, i cili do të mbahet më 3, 4 dhe 5 korrik, me premtimin për një program më të madh dhe plot befasi për publikun.

    Organizatorët kanë bërë të ditur se festivali i sivjetmë do të sjellë një koncept të veçantë artistik, duke bashkuar legjendat botërore të rockut me emrat më të njohur shqiptarë të muzikës rock të viteve ’80.

    “Ky festival sivjet do të ngërthejë dy dimensione. Do të jetë një tributë i veçantë për legjendat botërore të rockut dhe do të sjellë në skenë gjigantët shqiptarë të muzikës së viteve 80-të. Emrat do t’i sjellim shumë shpejt për publikun”, deklaroi Hekuran Gashi, drejtor i Prizren Rock n Blues Fest.

    Sipas tij, edicioni i këtij viti do të organizohet me dy skena gjigante, në tre mbrëmje të cilat sipas tij do ta konfirmojnë edhe një herë Prizrenin si kryeqendër të rock n roll-it shqiptarë.

    Festivali pritet të mbledhë artistë, adhurues të muzikës rock dhe vizitorë nga vende të ndryshme të rajonit.

  • Kida po vjen me këngë të re, zbulon datën e publikimit

    Kida po vjen me këngë të re, zbulon datën e publikimit

    Këngëtarja e njohur, Kida po vjen me një projekt të ri muzikor.

    Kështu ka bërë të ditur vet artistja përmes një postimi në Instagram.

    “Menime”, titullohet kënga e cila publikohet nesër në ora 18:00.

  • Haxhiu: Serbia t’i zbatojë rekomandimet e CERD-it për shqiptarët në Luginë

    Haxhiu: Serbia t’i zbatojë rekomandimet e CERD-it për shqiptarët në Luginë

    U.D e presidentes së Kosovës, Albulena Haxhiu, ka reaguar pas vërejtjeve përfundimtare të Komitetit të OKB-së për Eliminimin e Diskriminimit Racor (CERD) ndaj Serbisë, duke thënë se ato konfirmojnë shqetësimet e ngritura prej vitesh nga shqiptarët në Luginën e Preshevës dhe nga institucionet e Kosovës.

    Përmes një postimi në facebook, Haxhiu theksoi se Kuvendi i Republikës së Kosovës, me rezolutën e miratuar më 24 prill 2026 për avancimin e përkujdesjes institucionale ndaj shqiptarëve në Preshevë, Medvegjë dhe Bujanoc, e ka trajtuar këtë çështje si përgjegjësi shtetërore.

    Sipas saj, pas gjetjeve të fundit të CERD-it, kjo përgjegjësi tashmë ka edhe një adresë të qartë ndërkombëtare.

    “Vërejtjet përfundimtare të Komitetit të OKB-së për Eliminimin e Diskriminimit Racor (CERD) ndaj Serbisë e konfirmojnë shqetësimin e ngritur prej vitesh nga shqiptarët në Luginë dhe nga institucionet e Republikës së Kosovës. Kuvendi i Republikës së Kosovës, përmes rezolutës së miratuar më 24 prill 2026, për avancimin e përkujdesjes institucionale ndaj shqiptarëve në Preshevë, Medvegjë dhe Bujanoc, e ka trajtuar këtë çështje si përgjegjësi shtetërore.

    Tani, pas gjetjeve të CERD-it, kjo përgjegjësi ka edhe një adresë të qartë ndërkombëtare.Pasivizimi i adresave është diskriminim dhe cenim i pranisë juridike të qytetarëve, me ç’rast u mohohen dokumentet, shërbimet dhe siguria para ligjit. Prandaj u bëj thirrje partnerëve ndërkombëtarë, mekanizmave të OKB-së, Bashkimit Evropian, OSBE-së dhe Këshillit të Evropës, që këtë çështje ta trajtojnë me prioritet dhe të kërkojnë nga Serbia zbatim të plotë të rekomandimeve të CERD-it.

    Të drejtat e shqiptarëve në Luginë nuk mund të mbeten në margjinë të raporteve. Ato duhet të jenë pjesë e qartë e dialogut politik, e monitorimit ndërkombëtar dhe e çdo procesi ku matet sundimi i ligjit dhe trajtimi i pakicave”, ka shkruar Haxhiu.

  • Kanada e para, Zvicra e dyta, cilat janë shtetet më të mira në botë për shtigjet malore në vitin 2026

    Kanada e para, Zvicra e dyta, cilat janë shtetet më të mira në botë për shtigjet malore në vitin 2026

    Studimi ndërkombëtar e rendit Zvicrën në vendin e dytë global për ecje malore, duke lënë pas Italinë, SHBA-në dhe Norvegjinë.

    Zvicra është renditur ndër vendet më të mira në botë për shtigjet e ecjes malore në vitin 2026.

    Sipas një studimi të realizuar nga TouchNote, Zvicra zë vendin e dytë në rang global, menjëherë pas Kanadasë, ndërsa lë pas vendet si Italia, Shtetet e Bashkuara të Amerikës dhe Norvegjinë.

    Renditja është bazuar në analizën e të dhënave nga platforma AllTrails, duke krahasuar shtigjet malore në disa vende të botës sipas pesë kritereve kryesore: vlerësimi mesatar i shtigjeve, numri mesatar i komenteve për çdo shteg, gjatësia mesatare, niveli i vështirësisë dhe vlerësimi për bukurinë natyrore.

    Sipas studimit, Zvicra iu afrua shumë vendit të parë, me një vlerësim mesatar prej 4.77 nga 5 yje për shtigjet e saj dhe me një rezultat mbresëlënës prej 9.79 nga 10 për bukurinë natyrore.

    Përveç pozitës së lartë në renditjen globale, Zvicra veçohet edhe për të ashtuquajturat “perlë të fshehura” të alpinizmit dhe ecjeve malore. Madje, 6 nga 10 shtigjet më të nënvlerësuara në botë ndodhen pikërisht në Zvicër, përfshirë tri prej tyre në rajonin piktoresk të Oeschinensee./Albinfo.ch

    Studimi ndërkombëtar e rendit Zvicrën në vendin e dytë global për ecje malore, duke lënë pas Italinë, SHBA-në dhe Norvegjinë.

    Zvicra është renditur ndër vendet më të mira në botë për shtigjet e ecjes malore në vitin 2026, shkruan albinfo.ch.

    Sipas një studimi të realizuar nga TouchNote, Zvicra zë vendin e dytë në rang global, menjëherë pas Kanadasë, ndërsa lë pas vendet si Italia, Shtetet e Bashkuara të Amerikës dhe Norvegjinë.

    Renditja është bazuar në analizën e të dhënave nga platforma AllTrails, duke krahasuar shtigjet malore në disa vende të botës sipas pesë kritereve kryesore: vlerësimi mesatar i shtigjeve, numri mesatar i komenteve për çdo shteg, gjatësia mesatare, niveli i vështirësisë dhe vlerësimi për bukurinë natyrore.

    Sipas studimit, Zvicra iu afrua shumë vendit të parë, me një vlerësim mesatar prej 4.77 nga 5 yje për shtigjet e saj dhe me një rezultat mbresëlënës prej 9.79 nga 10 për bukurinë natyrore.

    Përveç pozitës së lartë në renditjen globale, Zvicra veçohet edhe për të ashtuquajturat “perlë të fshehura” të alpinizmit dhe ecjeve malore. Madje, 6 nga 10 shtigjet më të nënvlerësuara në botë ndodhen pikërisht në Zvicër, përfshirë tri prej tyre në rajonin piktoresk të Oeschinensee./Albinfo.ch

  • Spurs shkatërrojnë Timberwolves, Knicks marrin epërsi ndaj 76ers

    Spurs shkatërrojnë Timberwolves, Knicks marrin epërsi ndaj 76ers

    San Antonio Spurs dhanë një reagim të fuqishëm në gjysmëfinalet e Konferencës Perëndimore, duke mposhtur Minnesota Timberwolves me rezultat 133-95 dhe duke barazuar serinë në 1-1.

    Në qendër të fitores ishte Victor Wembanyama me 19 pikë dhe 15 ribaunde, ndërsa Stephon Castle realizoi 21 pikë. De’Aaron Fox shtoi 16 pikë, dhe Spurs treguan efikasitet të jashtëzakonshëm me 50% saktësi nga fusha dhe 41% për tre pikë. Spurs dominuan që në fillim dhe krijuan epërsi të madhe falë agresivitetit të Wembanyama dhe Fox. Minnesota u kufizua në vetëm 35 pikë në pjesën e parë dhe gjuajti vetëm 29.8% deri në pushim. Seria tani zhvendoset në Minneapolis për ndeshjet e tretë dhe të katërt.

    Në Konferencën Lindore, New York Knicks mposhtën Philadelphia 76ers me rezultat 108-102 dhe kaluan në epërsi 2-0 në seri.

    Jalen Brunson ishte lideri i Knicks me 26 pikë dhe vendosi ndeshjen në momentet vendimtare. OG Anunoby shtoi 24 pikë, ndërsa Karl-Anthony Towns kontribuoi me 20 pikë, 10 ribaunde dhe shtatë asistime. Mikal Bridges përfundoi sfidën me 18 pikë. Për 76ers, Joel Embiid mungoi për shkak të lëndimeve, ndërsa Tyrese Maxey realizoi 26 pikë. Paul George dhe Kelly Oubre Jr. shtuan nga 19 pikë secili.

    Seria tani transferohet në Philadelphia, ku do të zhvillohen ndeshjet e ardhshme.

  • Meliza Haradinaj: VV-Guxo, votë për Simiqin, refuzim ndaj Vjosës presidente

    Meliza Haradinaj: VV-Guxo, votë për Simiqin, refuzim ndaj Vjosës presidente

    Meliza Haradinajt i është përgjigjur Albin Kurtit për deklaratën e sotme ku tha se duhet zbatuar vullneti popullor i zgjedhjeve të 28 dhjetorit.

    Ish-këshilltarja e Osmanit ka thënë se sipas logjikës së VV-së ky vullnet është pro Simiqit dhe kundër Vjosës.

    “Zbatimi i ‘vullnetit popullor’ të 28 dhjetorit sipas VV/Guxo:

    Votë unanime PRO Sllavko Simiqit nga Lista serbe e Radojçiqit;
    Por
    Refuzim ndaj Vjosës presidente”, shkruan Haradinaj në reagim.