Blog

Deputeti i Kuvendit të Kosovës, Haki Abazi, i ka reaguar hoxhës Mazllam Mazllami për fjalorin e tij kundër simboleve kombëtare.

Ai ka thënë se fjalori fyes dhe as fyerja e religjionit, që në këtë rast duket se i referohet gazetarit Valon Syla, “nuk janë liri e fjalës”, por sipas tij, janë ndjellje e urrejtjes dhe përçarjes.

“Në këto kohë të rënduara dhe vështirësi kolektive ai që mbjellë urrejtje dhe fyen në hapësirën publike është një ”myzevir” që është më i rrezikshëm dhe fajtor për veprimet që mund të pasojnë”, ka thënë ai.

Postimi i plotë i Abazit:

Fjalori fyes ndaj simboleve kombëtare dhe as fyerja e besimit dhe relegjionit nuk është liri e fjalës e të shprehurit por është ndjellje e përqarjes dhe urrejtjes.

Në këto kohë të rënduara dhe vështirësi kolektive ai që mbjellë urrejtje dhe fyen në hapësirën publike është një ”myzevir” që është më i rrezikshëm dhe fajtor për veprimet që mund të pasojnë.

Nuk duhet të biejmë viktima të këtyre dashakeqësve delikuent dhe duhet distancuar nga ata

Sot bëhen 24 vjet nga masakra në fshatin Poklek i Vjetër dhe Çikatovë të Vjetër komuna e Drenasit, ku ushtria serbe ka masakruar dhe i ka vrarë, pastaj edhe i ka djegur kufomat e 77 shqiptarëve civilë të paarmatosur, duke filluar prej foshnjave gjashtëmuajshe e deri te pleqtë 75 vjeçar.

Aty pësuan fëmijë, të rinj, të reja, burra dhe pleq që u vranë, u masakruan dhe disa prej tyre u dogjën. Edhe pas dy dekadash, askush nga urdhërdhënësit dhe ekzekutorët nuk u ndëshkua nga drejtësia.

Presidentja e Republikës së Kosovës, Vjosa Osmani – Sadriu do të bëjë sot homazhe në kompleksin memorial në Poklek dhe Çikatovë të Vjetër.

Vetëm në fshatin Poklek i Vjetër, ushtria barbare serbe ka masakruar dhe i ka vrarë, pastaj edhe i ka djegur kufomat e 53 shqiptarëve civilë të paarmatosur, duke filluar prej foshnjave gjashtëmuajshe e deri te pleqtë 75 vjeçar.

Sipas dëshmitarëve të shumtë, masakra e Poklekut ka patur këtë rrjedhë:

-Me 17 prill, diku rreth orës pesë të mëngjesit, familjet Muqolli, Caraku e Elshani, janë nisur të shkojnë prej Poklekut të Vjetër për në Drenas, ku ishte e tubuar dhe po mbahej peng popullata e fshatrave përreth Drenasit. Diku 1,5 Km larg fshatit, ka ardhur një picgauer me policë serb dhe i ka urdhëruar ata të kthehen nëpër shtëpia. Ata janë kthyer sepse janë kërcënuar, madje përanash është gjuajtur edhe me armë. Kur familjarët janë kthyer nëpër shtëpi, aty kanë ardhur, dy policë me shirita të zi në kokë. Në oborr e kanë vrarë qenin, pastaj e kanë thirrur Sinanin jashtë dhe me të kanë folur diç në gjuhën serbe. Pas kësaj këta dy policë kanë shkuar në oborrin e shkollës së fshatit, tek policët e tjerë që ndodheshin atje.

Në ndërkohë Sinani është kthyer dhe u ka treguar familjeve se atë e kanë pyetur, “a ka këtu terroristë “?Në këtë gjendje ankthi e terrori, familjarët janë mbajtur tërë ditën deri rreth orës 17 e 30, atëherë ka ardhur njëri nga ata policët dhe në dhomën e shtëpisë së Sinanit, ku kanë qenë të grumbulluar të gjitha familjet, fëmijë, gra e pleq, polici e ka hedhur një bombë e cila nuk ka eksploduar. Pas kësaj polici ka hedhur edhe bombën tjetër, e cila ka rënë dhe ka eksploduar në prehrin e Miradije Rifat Muqollit (55).

Menjëherë pas kësaj polici ka zbrazur mbi të gjithë ata që kanë qëlluar në dhomë, shtatë karikator të automatikut. Krimineli që kishte kryer masakrën, kishte hyrë në dhomë dhe me këmbë i kishte rrotulluar kufomat, se mos rastësisht dikush kishte mbetur i gjallë. Në ndërkohë, Elhemja e plagosur ka kërcyer nga dritarja e dhomës së masakrës dhe ka ikur. Pas dy orë e gjysmë të masakrës ka ikur edhe Lumnija me vajzën e vogël katër vjeçe, duke lënë të plagosur lehtë Eminen me Fatosin e vogël dy vjeçar.

Më vonë sakoja e Emines është gjetur në bunarin e shtëpisë. Pas tri orësh, që kur është kryer masakra, policia është kthyer dhe e ka djegur dhomën me të gjitha kufomat që ishin në të. Natën e dytë të masakrës, kemi shkuar në shtëpi dhe aty kemi gjetur eshtrat e të masakruarve, kur kemi shkuar një ditë më vonë, më nuk kemi mundur të shohim as eshtra njerëzish. Tashmë nuk ishte djegur vetëm dhoma e koridori, por e tërë shtëpia.

Lista e plotë e masakrës në Poklekut të Vjetër më 17 prill 1999

1.Sinan Rexhep Muqolli (52), Poklek i Vjetër

2.Elheme Rifat Muqolli (50), Poklek i Vjetër

3.Emine Sinan Muqolli (22), Poklek i Vjetër

4.Elife Sinan Muqolli (18), Poklek i Vjetër

5.Sherife Sinan Muqolli (17), Poklek i Vjetër

6.Hafije Sinan Muqolli (10), Poklek i Vjetër

7.Feride Selman Muqolli (33), Poklek i Vjetër

8.Shehide Fadil Muqolli (13), Poklek i Vjetër

9.Naser Fadil Muqolli (12), Poklek i Vjetër

10.. Ylber Fadil Muqolli (10), Poklek i Vjetër

11.. Egzon Fadil Muqolli (4), Poklek i Vjetër

12.. Hyle Selman Muqolli (22), Poklek i Vjetër

13.. Florentina Qamil Muqolli (3), Poklek i Vjetër

14.. Lirie Qamil Muqolli (gjashtëmuajshe), Poklek i Vjetër

15.. Mehreme Muqolli (58), Poklek i Vjetër

16.. Bahrije Halil Muqolli (24), Poklek i Vjetër

17.. Naime Halil Muqolli (22), Poklek i Vjetër

18.. Hidajete Nebih Muqolli (33), Poklek i Vjetër

19.. Menduhie Liman Muqolli (11), Poklek i Vjetër

20.. Mirsad Liman Muqolli ( Poklek i Vjetër

21.. Mergim Liman Muqolli (5), Poklek i Vjetër

22.. Bahtije Halil Caraku (34), nga Dobrosheci

23.. Besart Ejup Caraku (13), nga Dobrosheci

24.. Hasan Ejup Caraku (12), nga Dobrosheci

25.. Kunata e Bahtije Halil Carakut- nuk i dihet emri (45),

26.. Miradije Rifat Muqolli (55), Poklek i Vjetër

27.. Zarife Rrahman Muqolli (23), Poklek i Vjetër

28.. Arife Rrahman Muqolli (20), Poklek i Vjetër

29.. Florije Salih Muqolli (23), Poklek i Vjetër

30.. Eronita Xhavit Muqolli (4), Poklek i Vjetër

31.. Fatos Xhavit Muqolli (1,5), Poklek i Vjetër

32.. Shemsije Muqolli (42), Poklek i Vjetër

33.. Vezire Ilmi Muqolli (20), Poklek i Vjetër

34.. Fatmire Ilmi Muqolli (17), Poklek i Vjetër

35.. Rexhep Ilmi Muqolli (12), Poklek i Vjetër

36.. Agron Ilmi Muqolli (10), Poklek i Vjetër

37.. Albulena Ilmi Muqolli (5), Poklek i Vjetër

38.. Nexhmije Ramadan Muqolli (25), Poklek i Vjetër

39.. Hasime Ramadan Muqolli (37), Poklek i Vjetër

40.. Avdullah Fehmi Muqolli (12), Poklek i Vjetër

41.. Shehrije Xhemail Muqolli (27), Poklek i Vjetër

42.. Vahide Mehdi Muqolli (4), Poklek i Vjetër

43.. Dy djem të Mehdiut, njëri 10 muj, Tjetri dy vjeçar,Poklek i Vjetër

44.. Ymer Elshani (55), Poklek i Vjetër

45.. Nafije Elshani (50), Poklek i Vjetër

46.. Shukrije Elshani (37), dhe katër djemët e Ymer Elshanit, prej 22 vjeç e më të rinjë

47.. Kimete Fadil Muqolli (20), Poklek i Vjetër

48.. Lindita Skender Hoxha (25), nga Korrotica e Epërme

(…)

Të zhdukur konsiderohen edhe tre persona

1.Halim Kluna (75),

2.Nëna e Ymer Elshanit (75),

Kryeministrja e Italisë, Giorgia Meloni tha se Evropa ka mbetur prapa në Afrikë dhe se Afrika është një vend strategjik si për Italinë ashtu edhe për Evropën. Meloni ndodhet për vizitë dyditore në vendin afrikan Etiopi dhe në ditën e fundit të vizitës ajo mori pjesë në samitin trepalësh me kryeministrin e Etiopisë, Abiy Ahmed dhe presidentin e Somalisë, Hassan Sheikh Mohamud, ndërsa ka dhënë deklarata për shtypin italian në shkollën italiane në Addis Ababa.

Duke kritikuar qasjen e Evropës ndaj Afrikës, Meloni tha se “Evropa ka mbetur prapa në Afrikë. Padyshim, Afrika është një vend strategjik për ne. Italia këtë po përpiqet të inkurajojë. Kjo mund të rikuperohet duke e kuptuar këtë”.

“Ndryshe nga sa perceptohet, në të vërtetë Afrika nuk është një kontinent i varfër, është një vend i shfrytëzuar në disa raste, por në fakt nuk posedon mjetet për të nxjerrë pasurinë e saj. Ajo mund të jetojë e qetë me këto pasuri”, tha Meloni duke shtuar se po përpiqen të mbajnë dritë me gjërat e nevojshme për të mbështetur zhvillimin e vendeve të Afrikës dhe se Italia mund të marrë vendin në radhët e para në këtë punë.

Kanë një problem si rrjedha e migrimit, njoftoi Meloni duke theksuar se “Etiopia është një vend i cili sot strehon mbi 1 milion refugjatë. Nëse nuk mbështeten këto kombe të cilët edhe për ne janë strategjikë, problemet që shfaqen vijnë deri tek ne. Italia e kupton mirë këtë sepse ne jemi ata që janë më afër kësaj”.

Kryeministrja Meloni theksoi nevojën e bashkëpunimit me Afrikën për migracionin e rregullt për sa i përket rritjes së migracionit të parregullt drejt vendit të saj. Ajo tha se synojnë heqjen e statusit të mbrojtjes speciale për azilkërkuesit, e cila perceptohet si një faktor tërheqës për emigrantët që vijnë në Itali.

“Vizita në Etiopi kaloi jashtëzakonisht mirë dhe ka një interes të madh ndaj Italisë”, tha Meloni e cila shtoi se me këtë rajon duan të punojnë në fushat si infrastrukturë, bujqësi dhe turizëm.

Ndërkohë në një postim nga llogaria e saj në Twitter pas takimit me presidentin e Somalisë, Hassan Sheikh Mohamud, kryeministrja Meloni deklaroi se si Itali mbështesin përpjekjet për të forcuar stabilitetin e Somalisë dhe Bririt të Afrikës.

Meloni dje në kontaktet e saj në ditën e parë në Addis Ababa, krahas kryeministrit Ahmed u takua edhe me kreun e Komisionit të Unionit Afrikan (AfB), Moussa Faki Mahamat. /Abc news

Grupi i shtatë vendeve më të pasura të botës ka vëndosur objektiva të reja të përbashkëta për prodhimin e energjisë elektrike nga era dhe rrezet diellore. Vendet e G7-ës u pajtuan të përshpejtojnë zhvillimin e energjisë së rinovueshme dhe kalimin sa më të shpejtë nga shfrytëzimi i burimeve fosile.

Megjithatë, ministrat e mbledhur në Japoni, nuk ranë dakord që viti 2030 të jetë afati për heqjen dorë gradualisht nga përdorimi i qymyrit, i kërkuar nga Kanadaja dhe disa shtete të tjera. Zyrtarët u pajtuan që të vazhdojnë investimet në industrinë e gazit, duke thënë se ky sektor mund të ndihmojë në adresimin e mungesave të mundshme të energjisë.

Takimi dyditor i ministrave të vendeve të G-7 në Japoni i dha fund punimeve të dielën. Burimet e energjisë së rinovueshme dhe siguria energjitike kanë marrë një rëndësi të veçantë pas fillimit të agresionit rus në Ukrainë.

Përmes një deklerate të përbashkët, vendet anëtare u zotuan që të rrisin kolektivisht prodhimin e energjisë nga era me 150 gigavat deri në vitin 2030 dhe më shumë se 1 teravat energjinë e përftuar nga rrezet e diellit. /Abc news

Njërës i duhet rrymë, e tjetrës thëngjill që ta prodhojë atë.

Kosova e Maqedonia e Veriut mund t’ia plotësojnë kërkesat njëra-tjetrës, pas memorandumit të bashkëpunimit që u arritë së fundi mes dy korporatave energjetike.

Sipas marrëveshjes, kjo mund të bëhet nëse fqinjët pajtohen për shkëmbimin e qymyrit me energjinë elektrike.

Kjo ide po përkrahet edhe nga ekspertët e energjetikës.

Megjithatë, ata shprehen se marrëveshja filllimisht duhet që të formalizohet.