ATV

Blog

  • Policia jep detaje për vrasjen në Malishevë, ku nipi dyshohet se vrau axhën për pronë

    Policia jep detaje për vrasjen në Malishevë, ku nipi dyshohet se vrau axhën për pronë

    Një vrasje e rëndë ka ndodhur dje në fshatin Kijevë të Malishevës. Atje dyshohet se nipi ka vrarë axhën për çështje pronësore.

    Përmes raportit 24 orësh, Policia ka dhënë detaje për rastin. Sipas Policisë, i dyshuari është arrestuar dhe nga ai është konfiskuar një pistoletë dhe një pushkë gjuetie.

    “Malishevë 28.04.2023-09:50. Raportohet se i dyshuari mashkull kosovar pas një mosmarrëveshje ka qëlluar me armë zjarri viktimën mashkull kosovar. Vdekjen e viktimës e ka konstatuar ekipi mjekësor në vendin e ngjarjes, ndërsa lidhur me rastin i dyshuari është arrestuar dhe nga ai është konfiskuar një pistoletë dhe një pushkë gjuetie. Me vendim të prokurorit i dyshuari është dërguar në mbajtje, ndërsa trupi i pajetë dërgohet në IML për obduksion”, thuhet në raport.

    Ndryshe, rastin për media e ka konfirmuar dje zëdhënësi i Policisë për Rajonin e Gjakovës, Sheremet Elezaj.

    “Sot rreth orës 09:50 është raportuar për një rast vrasje në fshatin Kijevë-Malishevë. Në vendin e ngjarjes, menjëherë kanë dalë njësitet e nevojshme policore ku është gjetur një person mashkull (i moshës madhore dyshohej pa shenja jete). Vdekjen e tij e ka konstatuar ekipi mjekësor në vendin e ngjarjes. Lidhur me rastin është arrestuar një i dyshuar, mashkull i moshës madhore. Rrjedha e mëtejme hetimore është duke vazhduar në koordinim me prokurorin e shtetit në drejtim të veprës penale të vrasjes”, ka thënë Elezaj.

    LEXO EDHE:

    Nipi vret xhaxhain e tij për çështje prone

  • ​Rama për raportet Kosovë-Serbi: Më të mirat se që kanë qenë ndonjëherë

    ​Rama për raportet Kosovë-Serbi: Më të mirat se që kanë qenë ndonjëherë

    Kryeministri i Shqipërisë, Edi Rama, deklaroi se marrëdhëniet mes Kosovës dhe Serbisë janë më të mirat seç kanë qenë ndonjëherë, por theksoi se mbyllja e dialogut mes dy vendeve do të ishte mbyllja e një kapitulli konfliktesh në rajon.

    Duke folur në Forumin Ekonomik “Delphi 2023, world affairs” që po mbahet në Greqi, Rama tha se i gjithë Ballkani Perëndimor gjendet në një situatë shumë më të mirë për shkak se shtetet i flasin njëra-tjetrës, ndryshe nga vite më parë.

    “Dialogu Kosovë-Serbi do thosha është çështja që mbetet ende çështje e madhe dhe zgjidhja e kësaj çështjeje do të thotë të mbyllësh një kapitull përgjithmonë, një kapitull të shumë kapitujsh gjaku dhe konfliktesh. Kjo është diçka shumë e rëndësishme dhe strategjike. Megjithatë, edhe sa i takon këtij elementi të veçantë, kësaj çështjeje të veçantë, marrëdhëniet mes Kosovës dhe Serbisë nuk kanë qenë asnjëherë aq të mira sa janë aktualisht. Pra, janë marrëdhënie shumë të mira krahasimisht saç kanë qenë këto marrëdhënie më përpara. Megjithatë, ka ende shumë për të bërë për të ndryshuar këtë marrëdhënie”, deklaroi Rama.

    Duke folur për mungesën e stabilitetit në rajon për shkak të ndikimit rus, Rama tha se Shqipëria dhe Kosova janë të dy vendet e Ballkanit Perëndimor ku nuk ka aspak ndikim rus.

    “Kur flitet për aspektin gjeopolitik dhe politikën ndërkombëtare të vendeve të Ballkanit Perëndimor, ne kemi një panoramë shumë komplekse. Kemi 3 shtete anëtare në NATO, Shqipëria, Maqedonia e Veriut dhe Mali i Zi, por Shqipëria nuk ka fare ndikim rus ndërkohë që Mali i Zi dhe Maqedonia e Veriut kanë një influencë ruse shqetësuese. Nga ana tjetër, kemi Serbinë, Bosnje-Hercegovinën dhe Kosovën. Kosova është si Shqipëria, është tërësisht e harmonizuar në të njëjtën linjë me Shtetet e Bashkuara dhe BE-në, nuk kanë ndikim rus, ndërkohë që Serbia apo Bosnja kanë shumë ndikim rus. Nuk flitet këtu vetëm për qeverisjen, por edhe në popullsi”, vijoi Rama.

    Rama tha se popullariteti i Vladimir Putin në Serbi është nga 65%-80%, ndërsa Aleksandër Vuçiq e ka të vështirë të sanksionojë Rusinë pasi popullariteti i presidentit rus është më i madh se i vetë presidentit serb.

  • ​Vendi që po përzë 100 mijë majmunë

    ​Vendi që po përzë 100 mijë majmunë

    Autoritetet e Sri Lankës kanë njoftuar se do të eksportojnë më 100,000 majmunë në Kinë. Ministri i Bujqësisë së Sri Lankës, Mahinda Amaraweera, njoftoi se majmunë endemikë do të zhvendoseshin.

    Megjithatë, ministri i Bujqësisë i Sri Lankës deklaroi se vendi nuk mund të përballojë më të ushqejë tre milionë majmunë, të cilët ai pretendoi se po dëmtonin të korrat dhe përbënin një kërcënim për një vend që tashmë po përballet me një krizë ekonomike dhe inflacion deri në 50% në 2022.

    “Majmunët tokue janë më kryesorët ndër kafshët që shkaktojnë dëme në të korrat në këtë vend. Të gjitha përpjekjet e bëra nga qeveria deri më tani për të zvogëluar popullsinë e saj kanë dështuar”, tha ministri Amaraweera, raporton Top News.

    Majmunët pritet të dërgohen në një firmë kineze, Zhejiang Animal Breeding Co.

    Bashkimi Ndërkombëtar për Ruajtjen e Natyrës i konsideroi majmunët tokue të rrezikuara që së shpejti mund të zhduken.

    Aktivistët e të drejtave të kafshëve janë kundër lëvizjes për të eksportuar majmunët, duke pretenduar se firma kineze do të importonte kaq shumë majmunë vetëm për eksperimente laboratorike.

  • Vikend me vranësira dhe shi – Parashikimi i motit me Erza Hotin

    Vikend me vranësira dhe shi – Parashikimi i motit me Erza Hotin

    Dita e sotme në vendin tonë do të jetë me vranësira si dhe intervale të shkurtra me diell, gjatë mbrëmjes pritet të ketë edhe reshje të shiut.

    Temperatura minimale do të jetë në Gjakovë me 13 gradë Celsius, ndërsa ajo maksimale në Prizren me 19 gradë Celsius.

    Ndërsa dita e nesërme në vendin tonë do të jetë me vranësira të shpeshta si dhe kthjellime.

    Temperatura minimale do të jetë në Mitrovicë me 0 gradë Celsius, ndërsa ajo maksimale në Gjakovë me 21 gradë Celsius.

    Parashikimin e plotë të motit me Erza Hotin në ALARM të ATV-së, mund ta gjeni në videon e më poshtme:

  • Soprano Elbenita Kajtazi mahnitë publikun në Paris

    Soprano Elbenita Kajtazi mahnitë publikun në Paris

    Sopranoja kosovare që tash e një kohë ushtron profesionin e saj duke performuar në qendrat më të mëdha evropiane është vlerësuar nga kritika e shtypi françez për paraqitjen e saj në Opéra Comique në Paris në rolin e Micaela nga opera “Carmen “ e kompozitorit Georges Bizet.

    “Me një teknikë vokale të mrekullueshme dhe të paarritshme, një delikatesë të pamohueshme në timbër dhe një mjeshtëri të bukur në fuqi vokale. Ajo ishte jashtëzakonisht bindëse në portretizimin e personazhit të brishtë” shkruan Forumopera.

    Ky sukses i sopranos Kajtazi i bëri krenar edhe dikasterin e kulturës në nivel shtetetëror të Republikës së Kosovës.

    “ I artë ishte edhe debutimi në Opéra-Comique në Paris i sopranos Elbenita Kajtazi . Aria e saj “Unë them se asgjë nuk më tremb”, interpretuar me ndjeshmëri të madhe dhe një zë të kthjellët me nota të larta rrezatuese, i dha asaj një duartrokitje të gjatë nga publiku. Kështu thuhet në njërën nga shumë kritikat e publikura në shtypin francez kushtuar punës, përkushtimit dhe talentit të Kajtazit.

    “Sukseset si këto na zgjojnë ndjenja të fuqishme krenarie” shkruhet në postimin nga Ministria e Kulturës Rinisë dhe Sportit.

  • Problemet financiare te klubi katalunas, “Barça TV” mbyllet pas 24 vitesh

    Problemet financiare te klubi katalunas, “Barça TV” mbyllet pas 24 vitesh

    Televizioni zyrtar i klubit të Barcelonës, “Barça TV” do të mbyllet pas gati 24 viteve punë.

    Sipas informacioneve të “RAC1”, nga data 30 qershor, kur finalizohet përfundimi i kontratës me kompaninë “Telefonica”, “Barça TV” do të mbyllë transmetimin.

    Kjo gjithashtu do të sjellë shkarkimin e 150 punonjësve që punojnë në televizionin e klubit. Ky vendim u është komunikuar edhe punonjësve, të cilët sigurisht nuk e kanë pritur mirë.

    Me këtë vendim, Barcelona do të kursejë 8 milionë euro në vit, siç e konfirmon “RAC1” dhe “SPORT”.

    Ky vendim është një nga masat e shumta që bordi drejtues i drejtuar nga presidenti i klubit, Joan Laporta, për të ulur kostot dhe për të pasur diferencë me fair play financiar. Ai parashikon zbritje në të gjithë sekotrë dhe seksionet e klubit për të marrë pjesë në merkato dhe, mes operacioneve të tjera, për të konkretizuar rikthimin e Lionel Messi në skuadër.

    Barcelona do të eksplorojë rrugë të reja për të vazhduar nxjerrjen e përmbajtjes së saj në formë ekskluzive. Kuptohet që rrjetet sociale të klubit do të marrin më shumë peshën e transmetimit të informacionit.

  • Programi në radion zvicerane transmetohet nga inteligjenca artificiale

    Programi në radion zvicerane transmetohet nga inteligjenca artificiale

    Radiostacioni zviceran, Couleur 3, të enjten, po transmeton një program gjithëditor të krijuar tërësisht nga inteligjenca artificiale, njoftoi radiostacioni.

    “Nuk do të dëgjoni prezantuesit e vërtetë të Color 3 sot. Robotët kanë marrë nën kontroll studion dhe zërin e tyre”, kanë shkruar ata në Twitter.

    Nga ky eksperiment përjashtohen vetëm lajmet, bëri të ditur radiostacioni.

    Programi i kanalit muzikor të radios dhe televizionit publik zviceran, RTS në gjuhën frënge, është prodhuar me ndihmën e programit të robotit të të folurit ChatGPT, i cili ka shkaktuar komente të ndryshme në publik që nga fundi i vitit të kaluar, transmeton Dpa.

    Prezantuesit më parë kishin klonuar zërat e tyre dhe ishin përdorur për të kryer intervista me zërat e klonuar të ish-presidentëve amerikanë, Barack Obama dhe Donald Trump, ndër të tjera.

    “Duket si Couleur 3, por prezantuesit janë zëvendësuar nga inteligjenca artificiale”, thotë prezantuesja e supozuar, pra një inteligjencë artificiale, zëri i së cilës nuk dallohet nga ai i një gazetari të vërtetë.

    Televizioni publik zviceran ofron programe në të katër gjuhët zyrtare të vendit: RTS transmeton në frëngjisht, SRF në gjermanisht, RSI në italisht dhe RTR në romanisht – gjuhë e folur në kantonin Grisons.

    Në fund të marsit, miliarderi amerikan, Elon Musk, dhe një grup ekspertësh në inteligjencën artificiale bënë thirrje për një pushim gjashtë-mujor në sistemet e trajnimit të Inteligjencës Artificiale.

    Në një letër të hapur, ata deklaruan se këto sisteme janë më të fuqishme që nga lansimi i fundit i një versioni më të avancuar të chatbot ChatGPT nga Open AI, shkruan Reuters.

    Letra, e publikuar nga Instituti jofitimprurës, Future of Life, u nënshkrua nga më shumë se 1.000 njerëz, përfshirë Muskun.

  • “U mashtrova me nënshkrimin e Ronaldos”, presidenti i Al-Nassr habit me deklaratën

    “U mashtrova me nënshkrimin e Ronaldos”, presidenti i Al-Nassr habit me deklaratën

    Musalli Al-Muammar, presidenti i Al-Nassr, thuhet se ndihet i mashtruar me transferimin e Cristiano Ronaldos te ekipi i tij.

    Ronaldo u transferua me bujë në Arabinë Saudite, mirëpo ai nuk arriti ta ndihmonte ekipin në fitoren e trofeve.

    Ka pretendime se presidenti i klubit, Al-Muammar ka vënë në shënjestër Ronaldon në lidhje me ndikimin e tij të pakët në ekip.

    Sipas Al-Muammar, nënshkrimi me Ronaldon ka qenë njëri nga dy mashtrimet më të mëdha që i ka përjetuar në jetë.

    “Unë jam mashtruar vetëm dy herë në jetën time”, thuhet të ketë thënë fillimisht Al-Muammar për Arabia News 50.

    “Hera e parë ishte kur kërkova tre qebapë ata më dhanë vetëm dy, herën e dytë kur firmosa me Cristiano Ronaldon”, përfundoi presidenti i Al-Nassr.

    Gjatë 14 ndeshjeve, Ronaldo arriti të shënonte 11 gola, teksa Al-Nassr u eliminua nga garat e kupave, kurse në kampionat ndodhen në pozitën e dytë në tabelë me gjashtë pikë më pak se vendi i parë.

  • Botimet e reja të Kosovës po prezantohen në Gjermani

    Botimet e reja të Kosovës po prezantohen në Gjermani

    Biblioteka Kombëtare e Kosovës, nëpërmjet botimeve më të reja të botuesve në vend, po përfaqëson Kosovën në Panairin e Lajpcigut në Gjermani.

    “Libërthi i dashurisë”, “Kësulëkuqja: përrallë për të rritur”, “Një amerikane në Kosovë 1981-1997”, “No Man’s Lands: eight extraordinary women in Balkan history” dhe “Le Serpent à deux tetës”, janë titujt të cilët po prezantohen dhe diskutohen në panele të ndryshme.

    Stenda e Kosovës u vizitua nga Ambasadori i Kosovës në Gjermani, Faruk Ajeti, si dhe autorë, përkthyes, dhe botues të shumtë. Në hapje mori pjesë edhe drejtori i Bibliotekës Kombëtare të Kosovës, Fazli Gajraku.

    Pjesëmarrja e Kosovës në panair, i cili do të vazhdojë deri më 29 prill, po përkrahet nga Ministria e Kulturës, Rinisë dhe Sportit dhe Ministria e Punëve të Jashtme dhe Diasporës.

    Stenda e Kosovës dhe Shqipërisë janë pranë në Panairin e Librit në Leipzig.

    Ambasadori i Kosovës në Gjermani, Faruk Ajeti dhe ambasadori i Shqipërisë në Gjermani, Artur Kuko, ishin të pranishëm në ceremoninë e hapjes së stendës së Tradukit, ku kanë hapësirën e tyre.

    Së shpejti dhe Kosova do të jetë pjesë e Tradukit, një hapësirë që gjeneron kulturë në rajon.

  • Limaj: Politika e Kurtit është me heq dorë nga veriu, do të ndodh ajo që pak kush e ka pritur

    Limaj: Politika e Kurtit është me heq dorë nga veriu, do të ndodh ajo që pak kush e ka pritur

    Kryetari i Nisma Socialdemokrate, Fatmir Limaj, ka thënë se kryeministri Albin Kurti me politikat e tij, po dëshiron që të heq dorë nga veriu i Kosovës.

    Sipas Limajt, rezultatet 2 vjeçare e kanë sjellë Kosovën në këtë gjendje, të cilën e quan të rëndë. Ai thotë se këtë po e bën në emër të patriotizmit.

    Kreu i Nismës ka folur edhe për mundësinë e marrëveshjes me Serbinë, të cilën e quan të dëmshme.

    Ai konsideron se me politikat e Kurtit do të ndodh ajo që pak kush e ka pritur.

    “Albin Kurti vazhdon me këtë politikë, po, sepse politika e zotëri Kurti me heq dorë nga pjesa veriore, nëse i shihni potezat e tij, ai qëllimshëm i ka shpëtuar procesit. Krejt kjo politike është me heq dorë nga pjesa veriore e Kosovës, dhe kjo kamuflohet në emër të patriotizmit. Mos pritni që dikush nga Prishtina që ne po shkojmë po i bëjmë këto politika sepse po dëshirojmë të heqim dorë nga veriu, ju duhet t’i shihni përmbajtjen dhe rezultatin e atyre politikave. Rezultatet që i ka bërë kjo Qeveri për 2 vjetet e fundit në drejtim të veriut, janë përshpejtim dhe objektiv për të hequr dorë nga veriu, dhe kjo fatkeqësisht me një ritëm të shpejtë po ndodh. Nëse vazhdon kështu me këtë politikë, shumë shpejt do të ndodh ajo që pak kush e ka pritur”, u shpreh Limaj.

    Ndërkaq për mundësinë e marrëveshjes me Serbinë, Limaj thotë se Kosova nuk ka pasur asnjëherë më të dëmshme.

    Ai kritikon ekzekutivin që nuk është në dijeni për ekipin që është duke e hartuar Asociacionin.

    “Kryeministri juaj dhe i vendit tim thotë publikisht se ‘askush nuk më ka pyetur’ për marrëveshje, pra në këtë nivel ka ardhë ky që thoshte se nuk di çka është presioni. Një njëri që mbi 50 për qind ia ka dhënë populli i Kosovës, për të bërë një politikë krejt ndryshe, të dinjitetshme e me integritet. Ai njëri në emër të cilëve ka marrë votën, ai del dhe thotë se ‘as që kam negociuar ma kanë dhënë merre leje’. Tash po thotë, që se di as ekipin që është duke e hartuar statutin”, thotë Limaj.

    Kjo fazë, sipas Limajt nuk ka ndodhur as në kohën kur Kosova ka funksionuar me institucione paralele. Thotë se atë kohë, nuk është vendosur për Kosovën, pa negociata.

    “Nëse ty marrëveshja të vjen pa negociuar, nëse nuk e di se kush po e bën statutin, çfarë kryeministri është. Në temën kryesore të vendit, në çështjen nacionale. Kështu që, asnjëherë nuk ka ndodhur në historinë e Kosovës, edhe atëherë kur nuk na ka njohur askush, kemi pas të drejtë, edhe në institucionet paralele asgjë nuk kanë pasur të drejtë me vendos për Kosovën pa u negociuar. Për herë të parë ndodh në Kosovë që kryeministri i vendit tonë që ka për detyrë me qeveris dhe me mbrojt kushtetutshmërinë”, thotë Limaj. /EO