Kryeministri i Kosovës, Albin Kurti ka zhvilluar një bisedë telefonike me Zëvendës Këshilltarin e Sigurisë Kombëtare të Shteteve të Bashkuara, Jon Finer. Kurti iu është zotuar Finerit për bashkëpunim me SHBA-të për depërshkallëzim të tensioneve në veri dhe mbajtjen e zgjedhjeve të reja.
Kështu ka njoftuar Kurti nëpërmjet një postimi në Twitter.
“I lumtur që bisedova me me Zëvendës Këshilltarin e Sigurisë Kombëtare të Shteteve të Bashkuara, Jon Finer. E falënderova për thirrjen dhe u zotova që të bashkëpunim me SHBA-në për t’i depërshkallëzuar tensionet”, ka njoftuar Kurti.
Ai ka thënë se do të ketë përfundim të menjëhershëm të dhunës nga “bandat e mbështetura nga Beogradi”, deri siç thotë ai në shpalljen e zgjedhjeve të reja në këto komuna.
“Kjo kërkon një përfundim të menjëhershëm të dhunës nga bandat e mbështetura nga Beogradi nga zyrtarëve të sigurisë deri në zgjedhjet e reja në këto komuna”, ka shkruar në fund ai.
Shefi i NATO-s, Jens Stoltenberg, tha të enjten në Oslo se “dera e NATO-s është e hapur” për anëtarësimin e Ukrainës në aleancë dhe Rusia nuk ka “veto kundër zgjerimit të NATO-s”.
Stoltenberg i bëri komentet në një takim jozyrtar të NATO-s të mbajtur në kryeqytetin norvegjez.
Kur u pyet për sulmet me raketa në Kiev, Stoltenberg i quajti sulmet ndaj civilëve ukrainas “një krim lufte” dhe e krahasoi ato me sulmet terroriste të 22 korrikut të vitit 2011 në Norvegji.
Sekretari i Përgjithshëm i NATO-s kujtoi gjithashtu angazhimet dhe veprimet e ndërmarra tashmë nga aleatët e Kievit, veçanërisht në aspektin ushtarak, duke theksuar se është e nevojshme të krijohet një kornizë që garanton siguri për të parandaluar që historia të përsëritet.
“Ne nuk e dimë se kur përfundon lufta, por duhet të sigurohemi që kur të përfundojë, ne kemi marrëveshje të besueshme për të garantuar sigurinë e Ukrainës në të ardhmen dhe për të thyer ciklin e agresionit të Rusisë”, tha Stoltenberg, shkruan Euronews.
Joe Bideni është penguar dhe rrëzuar gjatë një ceremonie diplomimi në një akademi të Forcave Ajrore të ShBA-së.
Presidenti i ShBA-së, 80-vjeçar, u ndihmua shpejt nga tre persona dhe eci drejt ulëses së tij pa asnjë ndihmë.
Ngjarja ka ndodhur në Kolorado, teksa presidenti u ndihmua të ngrihej në këmbë, ai bëri me gisht pas tij, duke treguar se çfarë e kishte penguar.
Shefi i komunikimit i Shtëpisë së Bardhë, Ben LaBolt, tha se Bideni ishte mirë, raporton Skynews.
“Kishte një thes me rërë në skenë teksa ai po shtrëngonte duart me përshëndetje”, tha ai.
Bideni, i cili qëndroi në këmbë për pjesën më të madhe të ceremonisë disaorëshe për të shtrënguar duart me të diplomuarit, dukej se u përplas për diçka dhe ra në gjunjë drejt fundit.
Presidenti kandidon për rizgjedhje në vitin 2024.
U.S. President Biden falls on stage at the U.S. Air Force Academy graduation ceremony. pic.twitter.com/k3j4kSrD6d
Gazetari dhe analisti Zekirja Shabani, në emisionin CONTEXT në ATV, tha se për tu mbajtë zgjedhjet e në veri të vendit, së pari duhet të largohen kriminelët, në mënyrë që kandidatët të ndihen të sigurt për të garuar dhe qytetarët për të votuar.
“Për me u realizu kërkesa për zgjedhje të reja, duhet me pasë forca të rendit me e siguru mbajtjen e zgjedhjeve. Do të thotë, duhet me pasë policë, të cilët fillimisht e garantojnë çdo kandidat që me mujt me ba fushatë fillimisht, pastaj kanë me mujt qytetarët me shku te kutitë e votimit edhe me votu. Për me i mbajtë zgjedhjet duhet me i largu kriminelët. Kriminelët largohen tu e shtri sovranitetin, tu e ushtru autoritetin forcat e rendit. Kur flasim për zgjedhjet e fundit, kandidatët që e kanë kundërshtu Listën Serbe, që e kanë kundërshtu direkt Vuçiqin, janë kërcënu dhe janë detyru me u tërhjekë prej gare”, tha Shabani. /atvlive.tv
Analisti Xhevdet Pozhari, në emisionin CONTEXT në ATV, tha se Ata që i kanë bërë kompromise Serbisë, ata na kanë sjellë në këtë situatë, pasi që sipas tij, nënshkrimi i Asociacionit ka qenë kompromisi më i madh, më i dhimbshëm ndaj Serbisë dhe e ka vënë në pikëpyetje funksionalitetin e shtetit.
“Asociacioni ka qenë kompromisi më i madh ndaj Serbisë. Nënshkrimi i Asociacionit ka qenë kompromisi më i madh, më i dhimbshëm ndaj Serbisë që ty ta ka dhënë në pikëpyetje funksionalitetin e shtetit. A si dini cili është argumenti? Që po e lëmë anash që ka gjuajt gaz Vetëvendosja dhe që ka qenë kundër. Sikur të kish qenë Asociacioni diçka e dobishme, s’do t’i vinte rendi që zotri Kurti ta nënshkruante, do të kryhej ajo procedurë më herët. Pse nuk e themeluan e asnjëherë nuk e iniciuan ata që ishin më herët, sepse e dinin shumë qartë se çfarë kanë bërë. Është tjetër ajo çfarë vinë e shesin pallavra këtu në studio tash të pensionuar edhe thonë se ajo ka qenë gjëja më e mirë që ka mundur me i ndodh Kosovës”, tha Pozhari. /atvlive.tv
Ish ministrja e Punëve të Jashtme, Meliza Haradinaj, në emisionin CONTEXT në ATV, tha tani që është ndërmarrë një veprim dhe jemi në një situatë të re të gjendjes në veri të vendit, dhe institucionet e Kosovës nuk do duhej të zmbrapsen pa u plotësuar disa kushte.
“Pikë së pari duhet ta bëjmë të qartë se Qeveria e Kosovës dhe Institucionet e Kosovës janë në të drejtën e plotë të tyre shtetërore. Ne kemi qenë mjaft të durueshëm tash e sa kohë rreth kushtëzimeve dhe ciklit të kushtëzimeve të pafundme të Serbisë dhe bandave kriminale të Vuçiqit në Serbi. Kemi hequr dorë nga targat, kemi hequr dorë nga zgjedhjet në veri një herë, kemi bërë disa koncesione në marrëveshjen e Ohrit, e cila po ashtu e reflekton një asimetri të kësaj qasje ndërkombëtare ndaj Kosovës dhe Serbisë. Prandaj, tani me që është marrë një veprim dhe jemi para një situate të re të sigurisë dhe të gjendjes edhe politike në veri, atëherë nuk besoj se do duhej të zmbrapsej kryeministri Kurti dhe institucionet e Kosovës pa u plotësuar disa kushte. Ato kushte unë besoj se janë në një rishikim strategjik të dialogut, i pjesëmarrjes së Kosovës në këtë dialog , i cili po shihet qartazi se nuk ka dhënë rezultat deri sot, sepse po e shohim si përfundoi”, tha Haradinaj. /atvlive.tv
Shefja e Grupit Parlamentar të Lëvizjes Vetëvendosje, Mimoza Kusari-Lila, në një intervistë në emisionin DIREKT në ATV, duke komentuar kërkesën e opozitës për mocion ndaj Qeverisë, tha se kryeministri Kurti mund të rrëzohen vetëm nëse opozita bëhet bashkë me Listën Serbe.
“Ata që e kanë propozu mocionin duhet të kenë brengosje, jo për çështje të numrave, por për çështje arsyeshmërisë dhe moralit prapa mocionit. Të gjithë e dinë se numrat sot në Kuvendin e Kosovës për të rrëzu një Qeveri, e cila ka dalë nga zgjedhjet e 14 shkurtit me rezultatin që ka dalë dhe me numrat që i ka, mund ta bëjnë këtë vetëm me votat e Listës Serbe”, tha Kusari-Lila. /atvlive.tv
Si klub, Shkëndija e Hajvalisë u formula vetëm tri vite ma parë, por para vetës kishin ide të qarta.
Në vitin e parë të themelimit, garat i filluan në Ligën e Tretë, ku qysh në vitin debutues arritën sukses historik duke u inkuadruar në Ligën e Dytë të Kosovës.
Pasi vitin e kaluar i ndau vetëm një pikë nga inkuadrimi në Ligën e Parë, këtë gjë e arritën këtë edicion edhe atë në mënyrën më të mirë të mundshme.
Plotë 80 pikë të grumbulluara dhe lider i tabelës në Ligën e Dytë, duke shtuar këtu edhe sulmin më të mirë në këtë nivel garash me 106 gola të shënuar, e gjithashtu edhe mbrojtjen më të mirë me vetëm 17 gola të pësuar.
E për krejt këtë sukses të arritur, meritat më të mëdha padyshim se shkojnë për Elon Berishën, trajner i ri në moshë dhe tejet premtues për futbollin kosovar.
Berisha në vitin e tij të parë më klubin, ani pse nuk e nisi sezonën shumë mirë, arriti të rikthente besimin te skuadra dhe arriti plotë 22 fitore rresht, ku edhe u shpallën kampion.
“Fillimisht, ky është viti i parë që jam pjesë e klubit të Shkëndijës dhe çdo nisje e sezonit me një trajner të ri dhe lojtarë të rinj që kanë ardhur në klub, nevojitet kohë për me u përshtatë dhe me u ambientu me rrethin e ri. Fillimin e sezonit nuk e kemi nisur mirë, pikërisht këto arsye kanë qenë kryesore. Kemi pasur disa ngecie në rezultate, mirëpo pas gabimeve që kemi bërë, kemi reflektu dhe kemi mësu nga ato gabime. Janë pikërisht këta djem që kanë tregu mentalitetin dhe karakterin e fortë dhe kanë menaxhu sitatat si duhet. Pas atyre gabimeve janë 22 ndeshje që janë fitu pa asnjë barazim dhe asnjë humbje, falë seriozitetit që kanë tregu këta djem”, tha Berisha.
Tutje, 28 vjeçari tha se edhe me këtë kontigjent lojtarët, mund të jenë arrë e fortë për skuadrat tjera në Ligën e Parë.
“Ne edhe kur e kemi përgatitur ekipin për Ligën e Dytë, vazhdimisht kemi potencu që ideja nuk është me pas bashkëpunime vetëm për një vit, mirëpo me i përzgjedh lojtarët të cilët janë në gjendje të garojnë edhe në Ligën e Parë. Ky kontigjent i lojtarëve është i mjaftueshëm me qenë konkurrues në Ligën e Parë, mirëpo ne duhet të presim edhe pak që të shohim edhe planet e klubit”, tha Berisha.
Mirëpo, sa mund të arrijë që një trajner kaq i ri në moshë të jetë motivues për skuadrën dhe të arrijë qëllimet e tij, këtë gjë e tregon kapiteni, Salih Kosumi.
“Duke i ditur aftësitë e trajnerit, i cili është shumë komunikues, shumë motivues, disiplinë të madhe ka. Kemi arritur të kemi mirëkuptim dhe padyshim vet puna si trajner neve na obligon të jemi si nxënës të tij”, tha Salih Kosumi, kapiten i Shkëndijës së Hajvalisë.
Pasi e arriti vitin e kaluar suksesin e njëjtë me Rahovecin, duke u inkuadruar në Ligën e Parë, të njëjtën gjë Donat Krasniqi e arriti edhe me Shkëndinë, e më së miri tregon ai emocionetet e njëjta të përjetuara dy herë.
“Është një ndjenjë shumë e mirë, si më Rahovec si këtu kemi pas objektiva të njëtë dhe pak a shumë ka qenë e pritshme. Është një ndjenjë e mrekullueshme, kemi besuar, sidomos këtu kemi qenë shumë larg. Pas xhiros së tetë kemi qenë tetë pikë larg, mirëpo kemi besu dhe ja kemi dal. Gjë që na është shpërblyer me titullin kampion”, tha Donat Kransiqi, futbollist i Shkëndijës së Hajvalisë.
Kujtojmë që klubi nga Hajvalia edicionin e ardhshëm, garat i vazhdon në Grupin B të Ligës së Parë. /atvlive.tv
Në Ditën Ndërkombëtare të Fëmijëve, drejtoresha e Klinikës së Pediatrisë në QKUK, Violeta Grajçevci, ka pritur në takim deputetë të Komisionit për Shëndetësi dhe Mirëqenie Sociale.
Me këtë rast, Grajçevci ka treguar për vështirësitë me të cilat po përballen.
“Rastet kardiologjike trajtohen jashtë vendit më së shumti. Radioterapia është mungesë, sepse në Kosovë nuk e kemi, onkologjia nuk po mund të zhvillohet mirë për shkak të kushteve, kjo po na paraqet pengesë. Radioterapia duhet edhe për fëmijë. Kemi pak infermierë, s’kemi mjekë onkologë. Na mungojnë disa aparatura për diagnostikimin e sëmundjeve në pediatri. Shpresojmë që në të ardhmen t’i sigurojmë”, tha Grajçevci.
Kryesuesja e Komisionit për Shëndetësi, Fatmire Kollçaku, tha se fokus i tyre është sigurimi i shërbimeve më të avancuara, në mënyrë që të ulet edhe numri i rasteve për trajtim mjekësor jashtë vendit.
“Problemet me fonde po e bëjnë krejt këtë situatë. Qëllimi ynë si Kuvend është që sa më shumë shërbime mjekësore të ofrohen në Kosovë se është më lirë. Sepse jashtë është shumë më shtrenjtë. Ne i kemi në fokus këta fëmijë, ne e dimë që jemi duke punuar për t’i minimizuar rastet për trajtim jashtë vendit. Po mundohemi me bo kushte më të mira të punës, nga aparaturat e nevojshme e deri te faza e rehabilitimit”, tha Kollçaku.
Nga kjo klinikë kanë bërë të ditur se gjatë vitit 2022, 35 raste janë dërguar për shërim jashtë vendit.
Ndërkaq, brenda një viti në klinikë regjistrohen rreth 65 raste të reja onkologjike-pediatrike. /atvlive.tv
Edicionin Qendror te lajmeve ne ATV e gjeni ne videon me poshtë:
Para trupit gjykues dolën sërish pas gati 5 muajve.
Në seancën e gjashtë me radhë ndaj Dardan Krivaqës e Arbër Sejdiut, dy të akuzuarve për vrasjen e Marigona Osmanit, u prezantuan provat materiale.
Nga trupi gjykues u kërkua që të nisë me prezantimin e provës kryesore, sipas të cilit, ishin pamjet e kamerave të cilat ishin të vendosura në banesën e Krivaqës, ku dyshohet se ndodhi e gjithë ngjarja.
Por për shkak të përmbajtjes së rëndë të pamjeve u kërkua që seanca të mbyllet për publikun.
Por në sallë u kërkua që të qëndrojë vetëm një person, i cili ishte babai i të akuzuarit Arbër Sjediut.
Kështu seanca vazhdoi pa prezencën e mediave.
Por me t’u larguar mediat dhe ende pa nisur transmetimi i pamjeve të banesës, sipas avokatëve, Krivaqa u alivanos dhe për këtë u nevojit edhe ndërhyrja e ekipit mjekësor.
Ndërkaq, veç pamjeve të kamerës, në mesin e provave materiale të tjera, të cilat do të prezantohen në seancat e ardhshme, do të jenë edhe leximi i autopsisë së Marigona Osmanit, raporti i ekspertizës, si dhe 18 raporte mjekësore psikologjike të prindërve, motrës dhe vëllait të Marigona Osmanit.
Prezantimi i pamjeve nga banesa e Krivaqës pritet të vazhdojë edhe nesër nga ora 13:00. /atvlive.tv
Edicionin Qendror te lajmeve ne ATV e gjeni ne videon me poshtë:
