ATV

Blog

  • Abdixhiku: Rrugëtimi i Kurtit rrezikon vetë shtetësinë e republikës

    Abdixhiku: Rrugëtimi i Kurtit rrezikon vetë shtetësinë e republikës

    Kryetari i Lidhjes Demokratike të Kosovës, Lumir Abdixhiku, ka thënë se anulimi i mbledhjes së përbashkët të dy qeverive është lajm i keq për shqiptarët, në Kosovë, në Shqipëri, në Luginë, Maqedoni e Mal të Zi.

    Ai, me anë të një postimi në rrjetin social Facebook, ka thënë se Kosova fvazhdon të rrugëtojë drejt izolimit e vetmisë.

    “Këtë herë, si asnjëherë, mbetëm dhe pa Shqipërinë. Po mbesim dhe do të mbesim pa secilin aleat që qëndronte me ne në çdo etapë të vështirë. Kjo s’është Kosova që e kishim menduar ndonjëherë”.

    “Rrugëtimi i Kurtit, përplasës me perëndimin, rrezikon vet shtetësinë e Republikës. Në vend se të sillet si një Kryeministër i përgjegjshëm, një që ruan partneritetet e avancon kauzat kombëtare drejt perëndimit, ai sjellë krizë dhe izolim. Aventura e tij politike nuk mund të jetë përfaqësimi ynë popullor”, ka thënë Abdixhiku.

  • Presidentja Osmani reagon me një foto, pas paralajmërimeve për sanksione ndaj Kosovës

    Presidentja Osmani reagon me një foto, pas paralajmërimeve për sanksione ndaj Kosovës

    Presidentja e Kosovës, Vjosa Osmani-Sadriu, ka bërë një reagim të shkurtër, pas zhvillimeve të fundit politike në vend.

    Së fundmi, REL ka raportuar se Bashkimi Evropian ka përgatitur masa fillestare, si sanksione kundër Kosovës për shkak të mospërfilljes së kërkesave për hapa të menjëhershëm nga Qeveria e Kosovës për uljen e tensioneve në veri.

    Sipas këtyre masave, sanksionet do të përfshijnë pezullimin e ftesave për pjesëmarrjen e Kosovës në ngjarjet e nivelit të lartë dhe vizitave dypalëshe nga Bashkimi Evropian dhe vendet anëtare. Takime do të ketë vetëm kur ato duhet të zhvillohen për t’u fokusuar në adresimin e krizës në veri të Kosovës dhe hapave për gjetjen e zgjidhjes.

    Prandaj, pas këtyre raportimeve, shefja e shtetit ka publikuar një fotografi në rrjete sociale duke shkruar se “Evropa është shtëpia jonë”.

    Rreth tensioneve në veri të Kosovës është deklaruar edhe kryeministri i Shqipërisë, Edi Rama, duke paralajmëruar “pasoja të mëdha” për Kosovën nga shtetet perëndimore.

    Rama tha se i ka kërkuar homologut të tij kosovar, Albin Kurti, që të ndryshohet formati i mbledhjes së dy qeverive, që është paraparë të mbahet në Gjakovë më 14 qershor, por ai nuk ka pranuar.

    “E kam informuar kryeministrin Kurti se në kushtet e agravimit të marrëdhënieve të Kosovës me krejt bashkësinë euroatlantike, ky takim nuk mund të mbahet në formatin e parashikuar”, tha Rama gjatë konferencës së jashtëzakonshme për media.

  • Sveçla: “Llune” ka sulmuar pjesëtarë të forcave ndërkombëtare, përveç KFOR-it

    Sveçla: “Llune” ka sulmuar pjesëtarë të forcave ndërkombëtare, përveç KFOR-it

    Ministri i Punëve të Brendshme, Xhelal Sveçla ka deklaruar se i arrestuari i djeshëm në veri të Kosovës, Milun Milenkovic – Llune, nuk është një figurë e re e sulmeve kriminale.

    Sipas tij, “Llune” kishte sulmuar në të kaluarën edhe pjesëtarë të forcave ndërkombëtare.

    Përmes një postimi në Twitter, i pari i MPB-së kërkoi që kriminelët e tillë të dënohen nga të gjithë.

    “Milun Milenkovic – Llune nuk është i ri në sulmet kriminale. Ai jo vetëm që ka sulmuar pjesëtarë të KFOR-it në Zveçan së fundmi por gjithashtu, sipas autoriteteve gjyqësore dhe të sigurisë, në të kaluarën ai ka sulmuar pjesëtarët e forcave ndërkombëtare”, shkroi Sveçla.

  • Qeveria: Është hera e parë që një mbledhje e dy qeverive anulohet në mënyrë të njëanshme

    Qeveria: Është hera e parë që një mbledhje e dy qeverive anulohet në mënyrë të njëanshme

    Qeveria e Kosovës ka deklaruar se mbledhja e përbashkët me Shqipërinë është anuluar në mënyrë të njëanshme nga kjo e fundit. Për KosovaPress ka folur zëdhënësi Përparim Kryeziu duke theksuar se nesër në Gjakovë do të duhej të nënshkruheshin 13 marrëveshje të reja.

    Një ditë para mbledhjes së dy qeverive, kryeministri i Shqipërisë Edi Rama, ka deklaruar se nuk mund të mbahet një takim i tillë në kohën kur sipas tij “Kosova po digjet në reputacionin ndërkombëtar”.

    Në një konferencë të jashtëzakonshme për media, ai ka thënë se i ka kërkuar kryeministrit Kurti një tjetër format takimi.

    Ndërsa zëdhënësi i ekzekutivit kosovar ka thënë se takimet bilaterale do të mund të mbaheshin çdo ditë tjetër.

    “Takimet bilaterale do të mund të mbaheshin çdo ditë tjetër. Jemi fare afër njëri-tjetrit si vende. Nuk do të ishte hera parë që do të takoheshim brenda ditës. Por është hera parë që një mbledhje e përbashkët anulohet në mënyrë të njëanshme”, ka thënë zëdhënësi i Qeverisë.

    Sipas tij, janë qytetarët ata të që do të humbasin më së shumti nga mosnënshkrimi i marrëveshjeve të parapara.

    “Mbledhjet e përbashkëta janë ndërmarrje të mëdha organizative, të cilave u paraprinë një punë e madhe e ministrive për të përgatitur atë ditë. Nesër do të duhej të nënshkruheshin 13 marrëveshje të reja. Ato kishin synim t’i afronin ekonomitë tona, sistemet tona të drejtësisë, arsimit, kulturës, etj. Janë qytetarët ata që do humbasin më së shumti. Për fat të keq, anulimi i mbledhjes nga ana e kryeministrit Rama anuloi mundësinë për t’i nënshkruar ato”, ka thënë Kryeziu.

    Javën e kaluar, kryeministri i Shqipërisë, Edi Rama, ka bërë të ditur se e ka dorëzuar një draft të Asociacionit të komunave me shumicë serbe te presidenti francez Emmanuel Macron dhe kancelari gjerman Olaf Scholz.

    Ai ka deklaruar se pret që një dokument i tillë të çojë dialogun Kosovë-Serbi në një tjetër nivel.

    Lidhur me këtë është deklaruar kryeministri Albin Kurti duke theksuar se “nuk kam dyshim që kryeministri i Shqipërisë, Edi Rama, beson që propozimi i tij për draftstatutin është i mirë, dhe duke qenë kështu atëherë unë çka propozojë është që kryeministri Rama këtë draft për pakicat kombëtare të ua propozojë presidentit të Serbisë, Aleksandër Vuçiq më së largu në takimin e radhës të “Ballkanit të Hapur” për shqiptarët në Preshevë, Medvegjë dhe Bujanoc”.

  • Krasniqi reagon pas anulimit të mbledhjes së dy qeverive: Alarmuese

    Krasniqi reagon pas anulimit të mbledhjes së dy qeverive: Alarmuese

    Kryetari i Partisë Demokratike të Kosovës, Memli Krasniqi, ka reaguar pas anulimit të mbledhjes së dy qeverive, Kosovë-Shqipëri. Sipas tij kjo është alarmuese.

    Ai ka thënë se vendi ka nevojë për Shqipërinë më shumë se asnjëherë tjetër.

    “ALARMUESE! Në kohën kur të gjithë aleatët perëndimorë janë të zhgënjyer me Qeverinë e Kosovës, ne kemi nevojë për Shqipërinë më shumë se kurrë!”, ka shkruar Krasniqi.

    Mbledhja e dy qeverive ishte planifikuar të mbahej nesër në Gjakovë.

    Anulimi i saj është bërë i ditur nga kryeministri i Shqipërisë, Edi Rama, përmes një konference të jashtëzakonshme për media ku ka bërë të ditur se i ka kërkuar kryeministrit Albin Kurti një tjetër format takimi.

    Ai ka thënë se nuk mund të mbahet takimi i dy qeverive në situatën kur sipas tij “Kosova po digjet në reputacionin e saj ndërkombëtar me ata që e krijuan si shtet”.

    Pas kësaj konference Qeveria e Kosovës ka deklaruar se mbledhja është anuluar njëanshëm nga Rama.

    “Takimet bilaterale do të mund të mbaheshin çdo ditë tjetër. Jemi fare afër njëri-tjetrit si vende. Nuk do të ishte hera parë që do të takoheshim brenda ditës. Por është hera parë që një mbledhje e përbashkët anulohet në mënyrë të njëanshme”, ka thënë për KosovaPress, zëdhënësi i Qeverisë, Përparim Kryeziu.

    Javën e kaluar, kryeministri i Shqipërisë, Edi Rama, ka bërë të ditur se e ka dorëzuar një draft të Asociacionit të komunave me shumicë serbe te presidenti francez Emmanuel Macron dhe kancelari gjerman Olaf Scholz.

    Ai ka deklaruar se pret që një dokument i tillë të çojë dialogun Kosovë-Serbi në një tjetër nivel.

    Lidhur me këtë është deklaruar kryeministri i Kosovës, Albin Kurti, duke theksuar se “nuk kam dyshim që kryeministri i Shqipërisë, Edi Rama beson që propozimi i tij për Draftstatutin është i mirë, dhe duke qenë kështu atëherë unë çka propozojë është që kryeministri Rama këtë draft për pakicat kombëtare të ua propozojë presidentit të Serbisë, Aleksandër Vuçiq më së largu në takimin e radhës të “Ballkanit të Hapur” për shqiptarët në Preshevë, Medvegjë dhe Bujanoc”. /KP

  • AAK: Kosova asnjëherë nuk ka qenë në situatë më të rëndë

    AAK: Kosova asnjëherë nuk ka qenë në situatë më të rëndë

    Aleanca për Ardhmërinë e Kosovës ka kërkuar nga kryeministri i vendit, Albin Kurti, që urgjentisht t’i bashkërendojë veprimet me aleatët ndërkombëtarë.

    Sipas AAK-së, Kosova nuk ka qenë asnjëherë në situatë më të rëndë.

    “Kosova asnjëherë nuk ka qenë në situatë më të rëndë politike, diplomatike dhe të sigurisë sesa sot. Kërkojmë nga kryeministri Kurti që urgjentisht t’i bashkërendojë veprimet me aleatët ndërkombëtarë, me ShBA-të në veçanti, para se gjendja të eskalojë e të marrë kahje edhe më të rëndë”, është thënë në komunikatën e AAK-së.

    Reagimi i partisë së Ramush Haradinajt vjen pasi u bë e ditur se është anuluar mbledhja e dy qeverive e cila ishte planifikuar të mbahej nesër në Gjakovë.

    Anulimi i saj është bërë i ditur nga kryeministri i Shqipërisë, Edi Rama, përmes një konference të jashtëzakonshme për media ku ka bërë të ditur se i ka kërkuar kryeministrit Albin Kurti një tjetër format takimi.

    Ai ka thënë se nuk mund të mbahet takimi i dy qeverive në situatën kur sipas tij “Kosova po digjet në reputacionin e saj ndërkombëtar me ata që e krijuan si shtet”.

    Pas kësaj konference Qeveria e Kosovës ka deklaruar se mbledhja është anuluar njëanshëm nga Rama.

    “Takimet bilaterale do të mund të mbaheshin çdo ditë tjetër. Jemi fare afër njëri-tjetrit si vende. Nuk do të ishte hera parë që do të takoheshim brenda ditës. Por është hera parë që një mbledhje e përbashkët anulohet në mënyrë të njëanshme”, ka thënë për KosovaPress, zëdhënësi i Qeverisë, Përparim Kryeziu.

    Javën e kaluar, kryeministri i Shqipërisë, Edi Rama, ka bërë të ditur se e ka dorëzuar një draft të Asociacionit të komunave me shumicë serbe te presidenti francez Emmanuel Macron dhe kancelari gjerman Olaf Scholz.

    Ai ka deklaruar se pret që një dokument i tillë të çojë dialogun Kosovë-Serbi në një tjetër nivel.

    Lidhur me këtë është deklaruar kryeministri i Kosovës, Albin Kurti, duke theksuar se “nuk kam dyshim që kryeministri i Shqipërisë, Edi Rama beson që propozimi i tij për Draftstatutin është i mirë, dhe duke qenë kështu atëherë unë çka propozojë është që kryeministri Rama këtë draft për pakicat kombëtare të ua propozojë presidentit të Serbisë, Aleksandër Vuçiq më së largu në takimin e radhës të “Ballkanit të Hapur” për shqiptarët në Preshevë, Medvegjë dhe Bujanoc”.

  • Kabashi: Është tu dashtë me u ndezë luftë, për këtë perëndimi po e ndëshkon Qeverinë

    Kabashi: Është tu dashtë me u ndezë luftë, për këtë perëndimi po e ndëshkon Qeverinë

    Gazetari dhe analisti, Bekim Kabashi, në emisionin CONTEXT në ATV, tha se ka organizata serbe që janë më ekstremiste se sa Vuçiqi, të cilët po duan me ndezë luftë në Kosovë.

    Sipas tij, kjo luftë nuk do t’i kuvendonte e askujt tjetër, pos Rusisë.

    “Vuçiqi, pavullnetshëm është duke u orientu kah perëndimi sepse e ka pa që interesi i Serbisë është, Rusia ka marrë fund edhe për një kohë të gjatë s’mundet me qenë faktor në gjeopolitikë siç është perëndimi edhe ai po rikthehet nga perëndimi. Ka organizata politike edhe parapolitike më ekstremiste se sa Vuçiqi, të cilët nuk po pajtohen që Vuçiqi po orientohet kah perëndimi edhe janë të interesuar me ndezë luftë. Interesi i kujt është me u ndezë luftë këtu. Ne e dimë, të paktën në këtë pikë pajtohemi, është i Rusisë. Ato organizata që i shërbejnë Rusisë duan me ndezë luftë, dalin e rrahin Rakiqin e Vuçiqin se po iu bënë pengesë në atë drejtim”, tha Kabashi.

    Ai tha se për shkak të ambicieve të këtyre grupeve që po i shërbejnë Rusisë, po e ndëshkojnë Qeverinë e Kosovës për veprimet e saj në veri.

    “Këtu është tu dashtë me u ndezë luftë. A i patë sot në veri ata që janë në sinkron me Albin Kurtin, organizatat politike ekstremiste që janë në veri, se janë edhe më ekstremistë se sa Vuçiqi në veri. E goditën liderin e Listës Serbe, Rakiqin, Vuçiqin e ofenduan në forma të ndryshme, sepse po u duket i butë që nuk po u lejon për me iu përgjigje shqiptarëve me luftë. Çka po bën perëndimi, pse po e ndëshkon Qeverinë e Kosovës, pikërisht për këtë arsye. Nuk po themi ne, po thonë SHBA-të, po thotë BE-ja, fatkeqësisht e ka pru edhe Shqipërinë në gjendje, Edi Ramën për me e thanë një gjë të tillë”, tha Kabashi. /atvlive.tv

    Emisionin e plotë e gjeni në videon më poshtë:

  • Behrami: Jam i shqetësuar për Kurtin që po e shkatërron karrierën e vet politike

    Behrami: Jam i shqetësuar për Kurtin që po e shkatërron karrierën e vet politike

    Analisti Artan Behrami, në emisionin CONTEXT në ATV, duke komentuar zhvillimet e fundit në veri si dhe raportet e Qeverisë me bashkësinë ndërkombëtare, tha se kryeministri Kurti është duke e shkatërruar karrierën e vet politike.

    “Ne këto ditë kur po flasim po dalim si armiq irracional të kryeministrit Kurti, por unë nuk jam i shqetësum vetëm për vendin, por edhe për një njeri që karrierën e vet politike e ka ndërtua aq me mund, aq me sakrificë, aq me djersë dhe vjen me një moment ku e shkatërron edhe veten edhe pak a shumë edhe shtetin”, tha Behrami.

    Ai tha se ekziston një përpjekje që të mbytet debati publik dhe kritika ndaj Qeverisë.

    “Unë mendoj se opinioni publik e meriton me e ditë të vërtetën. E vërteta është relative po çdo kritikë ndaj Kurtit pse po i prishë marrëdhëniet me SHBA-në, është bërë një kundër kritikë që këta janë me Vuçiqin, po emërojnë Serbinë. Pra, ekziston një përpjekje me e mbyt debatin publik, me i mbytë kritikat edhe mbi të gjitha rrezikun e sanksioneve me i fut nën tepih. Kjo është përpjekja. Do të thotë qytetarëve mos me ua lënë këtë përshtypje se sanksionet janë diçka që kanë me e rëndu Kosovën. Është shqetësuese që ki diplomatë që e kanë ndihmu lirinë e pavarësinë e Kosovës, sonte kanë problem me flejt, del kryeministri i jonë është njeriu më i lumtur”, tha Behrami. /atvlive.tv

    Emisionin e plotë e gjeni në videon më poshtë:

  • REL: BE përgatit pako sanksionesh ndaj Kosovës

    REL: BE përgatit pako sanksionesh ndaj Kosovës

    Bashkimi Evropian i ka përgatitur masa fillestare, si sanksione kundër Kosovës për shkak të mospërfilljes së kërkesave për hapa të menjëhershëm nga Qeveria e Kosovës për uljen e tensioneve në veri, mëson Radio Evropa e Lirë nga burimet diplomatike.

    Sipas këtyre masave, sanksionet do të përfshijnë pezullimin e ftesave për pjesëmarrjen e Kosovës në ngjarjet e nivelit të lartë dhe vizitave dypalëshe nga Bashkimi Evropian dhe vendet anëtare. Takime do të ketë vetëm kur ato duhet të zhvillohen për t’u fokusuar në adresimin e krizës në veri të Kosovës dhe hapave për gjetjen e zgjidhjes.

    Sanksioni tjetër pritet të përfshijë punën e përbashkët të grupeve që ekzistojnë mes Kosovës dhe BE-së, e të cilat janë krijuar në bazë të Marrëveshjes së Stabilizim Asociimit (MSA).

    Tashmë është suspenduar takimi i një nën-komisioni, atij për tregti, industri, doganë dhe taksa i cili është dashur të mbahej me 8 qershor, por që nuk është zhvilluar. Takimi i radhës, i cili pritet të suspendohet, është ai i datave 21 dhe 22 qershor, i nën-komisionit për drejtësi, liri dhe siguri.

    Do të ketë edhe pasoja financiare për Kosovën. Është planifikuar një pezullim domethënës i financimit nga ana BE-së i disa projekteve për të cilat ka dhënë propozime Kosova në kuadër të Fondit investues për Ballkanin Perëndimor.

    BE, si sanksion ndaj Kosovës, ka paraparë që të ulë edhe nivelin e pranisë publike në zhvillimet dhe ngjarjet e përbashkëta ku marrin pjesë anëtarët e Qeverisë së Kosovës. Kjo masë pritet të përfshijë edhe takimet në kuadër të bashkëpunimit financiar.

    Ndryshe, tensionet në veri janë rritur që nga 26 maji, kur Policia e Kosovës ndihmoi kryetarët shqiptarë të komunave Zveçan, Zubin Potok dhe Leposaviq të vendosen në objektet komunale, me gjithë rezistencën e banorëve lokalë.

    Tensionet kulmuan më 29 maj, kur serbët lokalë u përleshën me ushtarët e misionit të NATO-s në Kosovë, KFOR. Nga përleshjet mbetën të lënduar dhjetëra persona nga të dyja palët.

    Këta kryetarë u zgjodhën më 23 prill, votime që u bojkotuan nga partitë dhe popullata lokale serbe.

    BE-ja dhe Shtetet e Bashkuara i kanë paraqitur Kurtit tri kërkesa: qetësimin e situatës në veri, mbajtjen e zgjedhjeve të reja në katër komunat në veri dhe kthimin në dialogun për normalizimin e raporteve Kosovë-Serbi.

    Por, Kurti ka paraqitur një plan prej pesë pikash.

    Megjithatë, BE-ja ka thënë se kryeministri kosovar nuk ka ndërmarrë hapat e duhur për uljen e tensioneve në veri.

    Shtetet e Bashkuara po ashtu kanë anuluar pjesëmarrjen e Kosovës në stërvitjet ushtarake Defender Europe 23, duke e cilësuar këtë si masën e parë ndëshkuese ndaj Kosovës për shkak të mosplotësimit të kërkesave të bashkësisë ndërkombëtare.

  • Pozhari: Shpresoj që Rama mos të shkojë në Serbi se në ditën e çlirimit të Gjakovës, Vuçiqi mbanë zi

    Pozhari: Shpresoj që Rama mos të shkojë në Serbi se në ditën e çlirimit të Gjakovës, Vuçiqi mbanë zi

    Analisti Xhevdet Pozhari, në emisionin CONTEXT në ATV, duke komentuar anulimin e takimit mes dy qeverive shqiptare, i cili ishte planifikuar të mbahej në Gjakovë për ditën e çlirimit të këtij qyteti, tha se shpreson që kryeministri Edi Rama, atë ditë të mos shkojë në Serbi.

    “Jemi tu folë për marrëdhëniet mendoj Rama – Kurti, sepse Rama është i ngarkunë që paraqitet si rilindës i këtij shekulli, ka funksionu kështu gjatë krejt kohës që është pyetur ngaqë të tjerët janë ndje inferiorë dhe gjithmonë ka qenë ai që është marrë me lobime, me premtime, po se çka ka sjellë më pas në terren mbetet për tu diskutu. Personalisht si një djalë i Gjakovës nuk ndihem keq që një kryeministër tillë ë nuk e viziton këtë qytet në ditën e çlirimit të tij po tij, sepse sigurisht në 99-tën ai as nuk e ka ditë se në cilën anë ë kufizohet Shqipëria me Kosovën, ngaqë s’ka qenë aktiv. Po shpresoj që mos shkoj të paktën te miku i tij në Serbi Vuçiqi, se në ditën e çlirimit të Gjakovës, me siguri që atje mbajnë zi”, tha Pozhari.

    Emisionin e plotë e gjeni në videon më poshtë: