Në Policinë Rajonale të Ferizajt gjatë javës që shkoi, janë raportuar 5 raste të dhunës në familje, prej tyre 3 raste në Ferizaj, 1 rast në Kaçanik dhe 1 rast në Shtime.
Sipas Policisë, me vendim nga Prokuroria Themelore në Ferizaj, 5 persona janë ndaluar në mbajtje për 48 orë, për procedura të mëtejme hetimore.
Policia Rajonale e Ferizajt thotë se rastet e dhunës në familje i ka trajtuar në mënyrë profesionale nga policë primarë të stacioneve dhe hetues rajonal të Njësisë së Dhunës në Familje.
“Policia apelon tek qytetarët që të raportojnë rastet e dhunës në familje dhe fton qytetarët që të bashkëpunojnë më policinë. Për të gjitha rastet e dhunës në familje të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192 ,0290/326-250 & 0290/322-406”, thuhet në njoftim.
Temperaturën minimale do e mbajë Gjakova me 14 gradë Celsius, ndërsa atë maksimale Prishtina me 30 gradë Celsius.
Dita e nesërme në Kosovë do të jetë kryesisht me kushte të njëjta atmosferike. Temperatura minimale do të shënohet në Gjakovë me 15 gradë Celsius, ndërsa ajo maksimale në Prishtinë 29 gradë Celsius.
Ndërkohë, në Shqipëri do të ketë mot me diell dhe kthjellime. Temperaturën minimale do e ketë Korça me 13 gradë Celsius, ndërsa ajo maksimale do të jetë në Berat me 34 gradë Celsius. /atvlive.tv/
Parashikimin e plotë të motit, për rajon dhe Evropë, mund ta gjeni në videon e mëposhtme:
Qendra e Kompetencës” Kujtim Krasniqi” në Malishevë, është ofruesi i mundësive të aftësimit profesional në të dyja llojet e arsimit, në atë formal dhe jo formal.
Shkolla profesionale e cila ka 520 nxënës e 57 mësimdhënës, kujdesen që niveli cilësia të jetë e lartë.
Profile në të cilat mund të kualifikoheni në këtë qendër janë: Administratë dhe shërbime të zyrës, shitje dhe marketing, banka dhe shërbime të sigurimeve, logjistikë dhe operim në depo, hoteleri dhe turizëm, instalues elektrik, dizajn i tekstilit dhe veshjeve, e instalues ujësjellësi e kanalizimi, ngrohje dhe klimatizim.
Në departamente të ndara me një infrastrukturë të standardizuar dhe me një staf të gjerë e shumë bashkëpunëtore, shkolla profesionale ofron një mundësi shumë të mirë.
Këtu nxënësit kryejnë edhe punën praktike nga të gjitha profilet.
Dizajni i tekstilit dhe i veshjeve ishte drejtimi ku Argesa Mazreku kishte zgjedhur të aftësohet si në teori ashtu edhe në praktikë.
Ajo tashmë po e realizon ëndrrën e saj. Ky profesion, thotë se është e tashmja dhe e ardhmja në të cilën po punon fuqishëm.
Një synim për suksese profesionale në drejtimet që i ofron kjo shkollë ka edhe Drilon Kryeziu.
Ai ka zgjedhur pasionin e tij të fëmijërisë, profesionin e instaluesit elektrik.
Driloni është duke pasur sukses në këtë drejtim.
Kuadro profesionale të cilat krahas përgatitjes arrijnë të aftësohen dhe të jenë të gatshëm për tregun e punës./atvlive.tv/
Gjumi luan një rol shumë të rëndësishëm në disponimin tonë gjatë ditës, prandaj duhet të kemi parasysh të bëjmë një gjumë të mirë.
Ka shumë faktorë që mund të ndikojnë në cilësinë e gjumit tuaj.
Dhe ndërsa disa aktivitetet që bëni para gjumit, puna juaj, apo edhe ora juaj, ndikojnë në gjumin tuaj, ka shumë mundësi që problemi të jetë brenda shtratit tuaj.
Ka disa gjëra të vogla që, pa e kuptuar, mund t’ju shqetësojnë gjumin.
Askush nuk dëshiron të shtrihet dhe të fillojë të teshtijë, ose të ketë probleme me frymëmarrjen.
Por ky është rasti nëse ka pluhur midis mbulesave tuaja.
Mënyra për ta luftuar atë është pastrimi i shpeshtë dhe i mirë, i kombinuar me mbulesa hipoallergjike.
Sigurohuni që të ajrosni dhomën shpesh dhe pse jo të zgjidhni disa bimë për dhomën tuaj të gjumit që pastrojnë ajrin, në mënyrë që të krijoni ambientin ideal për gjumin tuaj.
Sipërfaqet e konsumuara, të lirshme ose të pabarabarta të gjumit nënkuptojnë se pesha e trupit shpërndahet më pak në mënyrë të barabartë, gjë që mund të çojë në dhimbje në pjesën e poshtme të shpinës apo edhe ngurtësi.
Prodhuesit rekomandojnë ndryshimin e dyshekut çdo 8 deri në 10 vjet.
Zgjedhja më e mirë kur kërkoni një dyshek është një dyshek me shkumë memorie, pasi ky material përshtatet me formën e trupit tonë, duke ofruar lehtësim të shkëlqyeshëm për shpinën dhe nyjet tona.
Kështu që gjumi ynë është më i thellë dhe më i qetë! Gjithashtu, ky dyshek ka një jetëgjatësi më të madhe.
Mund të flini me një dritare të hapur dhe të zgjidhni një dyshek që ka rregullim të temperaturës.
Disa dyshekë janë bërë me materiale që marrin frymë dhe teknologji specifike të krijuara për të na mbajtur më të freskët ndërsa flemë.
Ashtu si blerja e një dysheku, blerja e një jastëku është e rëndësishme.
Zgjidhni atë që ofron komoditet për të mbështetur në qafën tuaj dhe për të mbajtur kokën dhe shtyllën kurrizore drejtë ndërsa flini.
Prandaj, është më mirë të zgjidhni një të bërë me shkumë memorie për më shumë rehati./atvlive.tv/
Ministria e Punëve të Brendshme, saktësisht Qendra Kombëtare e Menaxhimit Kufitar bën të ditur se vazhdojnë të jenë të bllokuara pikë-kalimet kufitare Jarinjë, Merdarë dhe Bërnjak.
Kështu bën të ditur Qendra Kombëtare e Menaxhimit Kufitar.
Ndryshe, Ministria e Punëve të Jashtme bën të ditur se në territorin e Serbisë, në afërsi të pikave kufitare në Jarinjë dhe në Merdarë, për shkak të protestave që po mbahen, nuk është i mundur kalimi i autobusëve dhe kamionëve që vijnë nga Kosova.
Protestuesit kanë bllokuar gjithashtu pikën kufitare në Bërnjak. Nuk është i sigurt për momentin as kalimi i veturave.
“Nëse keni hyrë tashmë në Serbi, atëherë ju lutemi t’i përdorni pikat kufitare ne Mutivodë, Dheu i Bardhë ose të merrni rrugë përmes Maqedonisë së Veriut (pikë-kalimi kufitar i Preshevës) përmes Shkupit.
Nëse nuk keni hyrë tashmë në Serbi, ju lutemi, mos udhëtoni përmes Serbisë”, thuhet në njoftim. /Telegrafi/
20 qershori shënohet si Dita Botërore e Refugjatëve.
Dita Botërore e Refugjatëve synon të tërheq vërejtjen për vuajtjet e dhjetëra milionë refugjatëve në mbarë botën.
Në Ditën Botërore të Refugjatëve shumë prej tyre nuk kanë shpresa për kthimin e në atdheun e tyre të mëparshëm.
Miliona familje kanë humbur shtëpitë e tyre gjatë konflikteve të dhunës dhe luftës. Prandaj Asambleja e Përgjithshme vendosi që 20 qershori të shënohet si Dita Botërore e Refugjatëve.
Dita Botërore e Refugjatëve është themeluar nga Kombet e Bashkuara për të nderuar guximin, forcën dhe vendosmërinë e grave, burrave dhe fëmijëve të cilët janë të detyruar të largohen nga shtëpitë e tyre nën kërcënimin e persekutimin, konfliktit dhe dhunës.
Evropa aktualisht është duke kaluar në një krizë të refugjatëve e cila ka nisur kur fluksi i madh i njerëzve filluan të ikin nga konflikti në Lindje të Mesme dhe Afrikë, por edhe në Ukrainë.
Të dhënat e fundit e Organizatës së Kombeve të bashkuara tregojnë se mbi 70 milionë njerëz kanë ikur nga vendet e tyre për shkak të luftërave në mbarë botën.
Zëdhënësi i Bashkimit Evropian, Peter Stano ka komentuar kritikat e presidentit serb Aleksandar Vuçiq mbi misionin e BE-së për sundim të ligjit në Kosovës, EULEX.
Stano ka thënë se i kundërshton fuqishëm këto akuza të presidentit serb, i cili ka thënë se pjesëtarët e EULEX-it janë “gënjeshtarë që kryejnë monitorim të rrejshëm” të kufirit me Kosovën.
“Kundërshtojmë kategorikisht akuzat e Serbisë kundër misionit tonë. Më lejoni t’jua kujtoj që stafi i EULEX-it, si dhe veturat tona, ishin target i sulmeve në terren. Presim që Serbia të bashkëpunojë në sjelljen para drejtësisë të përgjegjësve që kryen dhunë ndaj trupave ndërkombëtare, gazetarëve dhe të tjerëve në veri të Kosovës”, ka thënë Stano për Zërin e Amerikës.
Vuçiq ka akuzuar po ashtu EULEX-in që, sipas tij, lejon ‘qëllimin e serbëve’ dhe se i jep mbështetje kryeminsitrit të Kosovës, Albin Kurti.
Stano ka rikujtuar se EULEX është misioni më i gjerë civil në Kosovë.
Komandanti i KFOR-it në Kosovës, Angelo Michele Ristuccia, ka thënë se për de-përshkallëzimin e tensioneve në veri nuk mund të ketë zgjidhje ushtarake.
Duke folur për transmetuesin publik serb, Ristuccia ka thënë se zgjidhja për veriun duhet të jetë politikë, në tavolinën e negociatave.
Ai ka thënë se një ofensivë e gjerë diplomatike është aktivizuar për t’i qetësuar tensionet dhe për ta kthyer normalitetin në veri.
Sipas komandantit të KFOR-it, gjendja në veri mbetet e tensionuar, përkundër qetësisë momentale. Ai ka përmendur shtimin e trupave të KFOR-it në vend, si masë sigurie, pas rivlerësimit të situatës.
Ristuccia ka thënë se Kosova dhe Serbia duhet të ulen në tavolinën e negociatave për t’i tejkaluar të gjitha mosmarrëveshjet që dy shtetet kanë ndërmjet vete.
Emisari i ShBA-së për Ballkanin Perëndimor, Gabriel Escobar, i shoqëruar nga kolegu i BE-së për dialogun Kosovë-Serbi, Miroslav Lajçak, nesër do të diskutojnë për rifilimin e këtij procesi.
Një diskutim i tillë publik vjen pas tensioneve në komunat veriore, pasi serbët lokalë po kundërshtojnë kryetarët e rinj atje. Tensionet u rriten edhe më shumë të mërkurën e kaluar, kur autoritetet serbe kanë rrëmbyer tre policë të Kosovës, transmeton Paparaci.
Shtetet e Bashkuara, Mbretëria e Bashkuar dhe Gjermania i kanë bërë thirrje Serbisë që të tre zyrtarët e PK-së të lirohen pa kushte dhe menjëherë.
Nga ana tjetër, BE-ja dhe ShBA-të kanë bërë thirrje ndaj Kosovës dhe Serbisë që të ulën në tavolinë dhe ta shtensionojnë situatën. Ndërkombëtarët po ashtu kanë përpiluar tri kërkesa kryesore ndaj të dyja vendeve për ta zgjidhur këtë situatë.
Sipas Këshillit Atlantik, progresi i fundit në normalizimin e marrëdhënieve ndërmjet Kosovës dhe Serbisë, përmes dialogut të lehtësuar dhe ndërmjetësuar nga BE-ja, kërcënohet nga përshkallëzimi i tensioneve në veri të Kosovës.
Diskutimi i nesërm që do të fillojë në ora 15:00 me kohën tonë lokale, pritet të ofrojë njohuri se si ShBA-ja dhe BE-ja synojnë të ndihmojnë në zbutjen e tensioneve dhe të gjejnë zgjidhje të mundshme që të dyja vendet të krijojnë marrëdhënie më të qëndrueshme.
Mes tjerash, përfaqësuesi i lartë i BE-së për politikë të jashtme dhe siguri, Josep Borrell, ka ftuar Kurtin dhe Vuçiqin për një takim në Bruksel gjatë kësaj jave, në mes të tensioneve të rritura mes dy shteteve. BE-ja ka paralajmëruar se mospërfillja e kësaj ftese mund të ketë pasoja për palët.
Përzgjedhësi i Përfaqësueses së Kosovës, Alain Giresse ka thënë se e ardhmja e tij është e hapur.
“Do ia lëmë të ardhmes”, ka thënë Giresse kur është pyetur rreth të ardhmes së tij pas humbjes nga Bjellorusia.
Giresse ka potencuar se nuk pasur gjëra shumë pozitive në ndeshjen e djeshme, por se nuk dihet se çfarë ndodh në futboll.
“Kemi tentuar sikurse lojën e kaluar ta fitojmë lojën dhe kishim të njëjta qëllime. Në futboll asnjëherë nuk kemi siguri se çfarë mund të ndodh. Nuk ka pasur shumë gjëra pozitive”, ka thënë Giresse.
Kosova u mposht nga Bjellorusia me rezultat 2:1, duke përfunduar në pozitën e parafundit në Grupin I.
