Blog

Një ngjarje e rëndë është regjistruar në orët e para të mëngjesit në Shkodër, ku një i ri ka humbur jetën pasi dyshohet se është hedhur nga një pallat në lagjen Rus.

Sipas informacioneve paraprake, ngjarja ka ndodhur gjatë orëve të para të ditës, ndërsa menjëherë në vendngjarje kanë mbërritur shërbimet e Policisë dhe grupi hetimor. Deri më tani nuk dihen shkaqet e ngjarjes, ndërsa autoritetet po punojnë për zbardhjen e plotë të rrethanave.

Lapsi.al shkruan se i riu ka vdekur si pasojë e plagëve të marra. Policia vijon hetimet dhe pritet të japë informacion zyrtar në vijim.

Policia e Kosovës ka thënë se ka përmbyllur me sukses javën e aktiviteteve operacionale në kuadër të rrjetit evropian të policive rrugore, ROADPOL, duke fokusuar kontrollet tek mjetet e transportit të mallrave dhe udhëtarëve.

Në periudhën prej 4 deri më 10 maj 2026, njësitë e trafikut kanë shtuar prezencën në të gjitha akset rrugore të vendit me qëllim rritjen e sigurisë dhe parandalimin e aksidenteve.

Sipas njoftimit, gjatë kësaj jave janë realizuar gjithsej 834 pika kontrolli të mjeteve, ku janë ndaluar dhe verifikuar 5,344 kamionë dhe autobusë.

“për parregullsitë e identifikuara janë shqiptuar 416 gjoba për kundërvajtje të ndryshme”, tha Policia në njoftim.

“Ky plan operacional ka pasur për fokus specifik kontrollin e rreptë të transportit të mallrave dhe udhëtarëve, si kategori me rrezikshmëri të lartë në rastet e aksidenteve rrugore”, njoftoi Policia.

Katër subjekte politike ende nuk i kanë dorëzuar listat e kandidatëve për zgjedhjet e parakohshme për Kuvendin e Kosovës, të parapara të mbahen më 7 qershor 2026.

Sipas tabelës së publikuar me subjektet politike dhe numrin e kandidatëve, partitë që aktualisht figurojnë me shenjën “/”, që nënkupton se listat nuk janë dorëzuar ende, janë:

YENİLİKÇİ TÜRK HAREKET PARTİSİ
KOSOVSKI SAVEZ
Partia Balliste – P.B
PARTIA QYTETARE PËR MIRËQENIE SOCIALE
Ndërkohë, partitë e tjera tashmë kanë dorëzuar listat me kandidatët e tyre, ku numri total i kandidatëve të regjistruar deri më tani ka arritur në 917, prej tyre 603 meshkuj dhe 314 femra.

KQZ-ja ka pranuar listat me 917 kandidatë për deputetë nga 23 subjekte politike për zgjedhjet e parakohshme parlamentare të 7 qershorit, ndërsa katër parti politike që kishin njoftuar pjesëmarrjen nuk kanë dorëzuar listat e kandidatëve, raporton Ekonomia Online.

Zëdhënësi i Komisionit Qendror të Zgjedhjeve, Valmir Elezi, tha për Ekonomia Online se më 12 maj është përmbyllur afati për dorëzimin online të listave të kandidatëve për deputetë nga subjektet politike që synojnë certifikimin për pjesëmarrje në zgjedhje.

“Komisioni Qendror i Zgjedhjeve njofton se më 12 maj 2026 është përmbyllur afati për subjektet politike për të dorëzuar online listën me emrat e kandidatëve për deputetë për certifikim të pjesëmarrjes në zgjedhjet e parakohshme për Kuvendin e Kosovës”, tha ai.

Elezi bëri të ditur se gjatë periudhës 2-12 maj, KQZ-ja ka pranuar listat nga 23 subjekte politike.

“Gjatë periudhës 11-ditore (2 maj – 12 maj 2026) KQZ ka pranuar listat e kandidatëve për deputetë nga: 23 subjekte politike, prej të cilave 18 parti politike, 3 koalicione, 1 nismë qytetare dhe 1 kandidat i pavarur. 4 parti politike, të cilat më herët kanë njoftuar pjesëmarrjen në zgjedhje, nuk kanë dorëzuar listën me emrat e kandidatëve për deputetë”, tha ai.

Sipas tij, numri total i kandidatëve të propozuar është 917, prej tyre 603 burra dhe 314 gra, ndërsa procesi i certifikimit pritet të përfundojë deri më 15 maj.

“Numri i përgjithshëm i kandidatëve që përfaqësojnë këto 23 subjekte politike, është 917, prej të cilëve 603 burra dhe 314 gra. Sipas planit të miratuar më herët nga KQZ, procesi i certifikimit të kandidatëve për deputetë, pritet të përmbyllet deri më 15 maj, por paraprakisht, do të shqyrtohet nëse kandidatët përmbushin detyrimet”, tha ai.

Në kuadër të përmbushjes së obligimeve ligjore që kanë të bëjnë me përshtatshmërinë/aftësinë e kandidatëve për certifikim, Komisioni Qendror i Zgjedhjeve, do t’u dërgojë institucioneve relevante kërkesat për verifikim, së bashku me listën e kandidatëve që synojnë të certifikohen për pjesëmarrje në zgjedhje, me qëllim të vlerësimit nëse ata janë në përputhje me nenin 30 të Ligjit për Zgjedhjet e Përgjithshme. Kjo është një praktikë e ndjekur nga KQZ edhe në proceset e kaluara zgjedhore.

Një shtetas serb është gjobitur dhe dëbuar nga Kroacia për dy vjet për shkak se kishte veshur një bluzë me simbole që lëvdonin idetë e ‘Serbisë së Madhe’ në pikën kufitare të Nova Selës.

Kjo ndodhi të dielën në mbrëmje në pikën kufitare të Nova Selës, njoftoi Departamenti i Policisë së Qarkut Dubrovnik-Neretva.

Burri mbërriti në pikën kufitare të Nova Selës në orët e mbrëmjes së 10 majit si pasagjer në një makinë. Gjatë kontrollit kufitar dhe procedurës për marrjen e të dhënave biometrike, oficerët e policisë vunë re se ai mbante veshur një bluzë me mbishkrime dhe simbole që sipas njoftimit, lavdërojnë idetë e ‘Serbisë së Madhe’.

“Për prishjen e rendit dhe qetësisë publike duke shfaqur një simbol në një vend publik, duke shkelur kështu Ligjin për Veprat Kundër Rendit dhe Qetësisë Publike, një burrë 32-vjeçar u arrestua dhe bluza në fjalë iu konfiskua. Pas arrestimit, burri u soll në Departamentin e Kundërvajtjeve të Gjykatës Komunale në Metković me një aktakuzë. Gjykata e shpalli fajtor dhe vendosi një gjobë përfundimtare prej 2,000 eurosh”, raporton Index.hr.

Ndalim hyrjeje për dy vjet

Bazuar në vendimin e gjykatës, policia e Metković-it gjithashtu kreu procedurat sipas Ligjit për të Huajt dhe i lëshoi ​​atij një vendim për ta dëbuar nga Zona Ekonomike Evropiane (EEA). Atij iu ndalua gjithashtu hyrja dhe qëndrimi në Republikën e Kroacisë për dy vjet, dhe pasi vendimi u bë i formës së prerë, atij iu refuzua hyrja në vend.

Si kujtesë, një burrë u dëbua nga Kroacia në fillim të majit për shkak se valëviti flamurin e Republikës Srpska në ballkonin e një hoteli.

Policia kroate deklaroi në atë kohë se sjellja e tij kishte shkaktuar “ankth publik”.

Policia e Kosovës, ka njoftuar se gjatë 24 orëve të fundit janë shqiptuar 2415 gjoba trafiku.

Gjatë kësaj kohe, raportohet të kenë ndodhur 43 aksidente me dëme materiale, e 22 me të lënduar.

Po ashtu, shtohet se, janë arrestuar 35 persona, ku 17, janë dërguar në mbajtje.

Mbretëria e Bashkuar ka njoftuar se do të kontribuojë me dronë, aeroplanë luftarakë dhe një anije luftarake në një mision të përbashkët që synon mbrojtjen e transportit detar në Ngushticën e Hormuzit.

Ministri i Mbrojtjes, John Healey, ka bërë të ditur paketën e re të masave gjatë një samiti virtual të ministrave të mbrojtjes të martën.

Ajo përfshin sisteme autonome për zbulimin dhe pastrimin e minave detare, anije me dronë dhe aeroplanë Typhoon për patrullime ajrore.

Më shumë se 40 vende të tjera janë të përfshira në mision, i cili, sipas Healey, do të fillojë kur të krijohen kushtet.

Për muaj të tërë, Irani ka kontrolluar Ngushticën e Hormuzit, një nga kanalet më të ngarkuara të transportit të naftës në botë, në hakmarrje për sulmet e SHBA-së dhe Izraelit.

SHBA-të, nga ana e tyre, kanë zbatuar një bllokadë të porteve iraniane për të ushtruar presion mbi Teheranin që të pranojë kushtet e tyre, një veprim që ka zemëruar Iranin.

Rreth 20% e naftës dhe gazit natyror të lëngshëm në botë kalon përmes kësaj rruge ujore, bllokimi i së cilës ka ndikuar në rritjen e çmimeve globale.

Një armëpushim mes SHBA-së dhe Iranit është në fuqi që nga prilli, por presidenti amerikan Donald Trump ka thënë se ai është në “mbështetje masive të jetës”.

Të dyja palët kanë akuzuar njëra-tjetrën për nisjen e sulmeve në ngushticë.

SHBA-ja ka përdorur armë në vlerë prej 24 miliardë dollarësh në luftën me Iranin.

Më shumë se 1,000 personel britanik janë vendosur tashmë në rajon si pjesë e operacioneve ekzistuese mbrojtëse, përfshirë ekipe kundër dronëve dhe skuadrilje aeroplanësh të shpejtë, ka bërë të ditur ministria.

Ministria e Mbrojtjes ka thënë se misioni shumëkombësh, i cili u njoftua muajin e kaluar nga Mbretëria e Bashkuar dhe Franca, është rreptësisht mbrojtës dhe synon të rivendosë besimin për anijet tregtare përgjatë Ngushticës së Hormuzit.

Ajo ka bërë të ditur se kontributi mbështetet nga 115 milionë funte fonde të reja për dronë gjuetie minash dhe sisteme kundër dronëve.

“Me aleatët tanë, ky mision shumëkombësh do të jetë mbrojtës, i pavarur dhe i besueshëm”, ka thënë Healey në një deklaratë.

Sipas planit, HMS Dragon, shkatërruesi i mbrojtjes ajrore që është tashmë në rrugën e tij drejt Lindjes së Mesme, gjithashtu do të “jetë gati për çdo mision” për të siguruar ngushticën, ka bërë të ditur Ministria e Mbrojtjes.

Ajo shton se një anije tjetër britanike, RFA Lyme Bay, po pajiset me pajisje të reja në rast se kërkohet për operacionet në ngushticë.

Njoftimi vjen ndërsa Healey i ofroi mbështetje Keir Starmer, në një kohë kur dhjetëra deputetë laburistë i kanë bërë thirrje kryeministrit të japë dorëheqjen.

Janë arrestuar në Graçanicë tre shtetas kosovarë, dhe një femër shtetase gjermane, pasi që gjatë kontrollit të veturës së tyre janë gjetur dhe sekuestruar një sasi e marihuanës.

Me vendim të prokurorit, pas intervistimit të dyshuarit janë liruar në procedurë të rregullt.

“Graçanicë / 12.05.2026 – 23:07. Janë arrestuar tre meshkuj kosovarë dhe një femër Gjermane, pasi që gjatë kontrollit të veturës së tyre janë gjetur dhe sekuestruar një sasi e substancave narkotike të llojit marihuanë. Me vendim të prokurorit, pas intervistimit të dyshuarit janë liruar në procedurë të rregullt”, thuhet në raportin e policisë.